Boshlang’ich sinfda matеmatikadan fakultativ mashg’ulotlar - Педагогиka - Презентации

Boshlang’ich sinfda matеmatikadan fakultativ mashg’ulotlar

Загружено в:

26.04.2024

Скачано:

0

Размер:

1912.01953125 KB

Boshlang’ich sinfda matеmatikadan fakultativ mashg’ulotlar

• REJA: • 1. Fakultativ mashg’ulotlar haqida ma`lumot. • 2. O’quvchilar ishlarini natijalari va ularni tekshirish • 3. 4-sinfda fakultativ mashg’ulotlarini tashkil etish

Fakultativ mashg'ulotlar boshlang'ich sinf o'quvchilarini tarbiyalashda, ularga kasb-hunar tanlashga oid bilim berishda yuqori natijalar beradi. Ayniqsa, iqtidorli o'quvchilarda fanga qiziqishi, dunyoqarashi, zehni namoyon bo'ladi. Bu esa boshlang'ich sinf o'quvchilariga to'la-to'kis bilim berishda har bir o'quvchining shaxeiy xususiyatlarini o'rganishda o'quvchining qobiliyati namoyon bo'ladi.

Boshlang'ich sinflarda fakultativ mashg'ulotlarni birinchi navbatda, matematika darslarida tashkil qilish katta ahamiyatga ega. Shu o'rinda o'qituvchi birinchi bosqichda o'quvchilar orasidan matematikaga qiziqishi va iqtidorini aniqlashga imkon berib, ular bilan til topa oladi.

Darslikdagi o'quv materiallarni takrorlamaydigan, lekin uni mustahkamlashga xizmat qiladigan murakkab ko'rinishdagi o'quv materiallar o'rganiladi. Boshlang'ich sinflarda fakultativ mashg'ulotlar didaktik o'yinlar, olimpiadalar, kechalar, viktorinalar o'tkazishga yordam beradi. Ilmiy texnik taraqqiyot matematikaga bog'langanligi sababli asta- sekin murakkabroq masalalar yechimini o'rganishga imkoniyat beradi. Masalan, EHMda, mikrokalkulyatorda hisoblashlar o'rgani ladi.

Boshlang'ich sinflarda fakultativ mashg'ulotlarda o'quvchi larning matematik tafakkuri, fikrlash qobiliyati rivojlanadi. Fakultativ mashg'ulotlarni boshlang'ich sinflarda turli xil tarzda olib borish mumkin, ayniqsa, III-IV sinflarda qiziqarli, ya'ni: o'quvchilarning matematikaga bo'Igan qiziqishini hartomonlama hi sobga olgan holda olib borish Iozim.

Fakultativ mashg'ulotlar I sinfda o'qituvchi o'quvchilarni qiziqishi va o'zlashtirishiga qarab fanlar aro aloqadorlikni hisobga olgan holda olib boradi. IV sinflarda 34 soat o'tiladi. 1sinfda choraklar bo'yicha olib borish mumkin. Masalan, 1 chorakda matematika, 2 chorakda ona tili va hokazo. 2sinfda yarim yillik bo'yicha olib boriladi. Masalan, 1 yarim yillikda matematika, 2 yarim yillikda ona tili va hokazo. 3sinf esa yoppasiga faqat matematikaga bag'ishlanadi. IV sinflarda ko'pincha murakkab masalalar ustida ishlash uchun fakultativ mashg'ulotlarda masalalar ustida ishlash uchun 10 soat ajratiladi.

Boshlang'ich sinflarda matematika fanidan fakultativ mash g'ulotlar taxminiy rejasini keltiramiz. Boshlang'ich sinflarda fakultativ mashg'ulotlarni tashkil etish mohiyati juda katta ahamiyat kasb etadi. Fakultativ mashg'ulotlarda darslik materiallarini takrorlamaydigan materiallar o'rganilib, lekin e'tibor boshlang'ich sinf o'quvchilarining darsdan olgan bilimini mustahkamlash va chuqurlashtirishga qaratilishi lozim.

Ayniqsa, sharq mutafakkirlari ijodini o'rganish, matematika darslari samaradorligini oshirishda tarixiy materiallardan foydalanish har bir mashg'ulotlarda tavsiya etiladi. Masalan, 1-mashg'ulotda Abu Rayhon Beruniy; 2-mashg'ulotda Ibn Sino, keyingisida Al-Xorazmiy, Ulug'bek kabi mutafakkirlar merosidan boshlang'ich sinfga xos tomonlari o'rganiladi.

1 -mashg'ulot. Abu Ali ibn Sino haqida ma'lumot. mashg'ulot. Abu Ali ibn Sinoning ,,Al-hisob" nomli asari. Ibn Sinoning „Ash-shifo" nomli asari bo'limlaridan biri riyoziyot, hisob (arifmetika), handasa (geometriya) va aljabr (algebra) faniga bag'ish langan. Ibn Sino arifmetikasi arab tilida yozilgan bo'lib, to'rt bo'limdan iborat. Birinchi bo'limda turli ketma-ketlik sonlar xossalari bayon etilgan. Ikkinchi bo'limda sonlar tengligini tengsizligi bilan solishtirish amallari ko'rsatiladi. Uchinchi bo'limda arifmetikaning geometriya qonunlaridan ay- rimlari bilan bog'lanish ifodalanadi. To'rtinchi bo'limda arifmetik va geometrik ko'rsatmali vositalar aniqlanadi. IV sinfda matematikadan fakultativ mashg'ulotlarda quyidagi xossalardan foydalanish mumkin.

Sonlarning xossalari Fakultativ mashg’ulotlar va fanlar chuqur o’rganiladigan sinflarning ishlarini yo’lga qo’yishning muhim printsiplaridan biri o’qitishning tegishli formasida qatnashishni xohlagan biror sohaga doimiy qiziqish va moyillik ko’rsatgan har bir o’quvchining tayyorgarligini shakllantirishdan iborat. Shu bilan birga, qo’shimcha o’quv faoliyatini tanlash ishonchli, yuqori sinf o’quvchilarining fanni chuqur o’rganish ishi muvaffaqiyatli bo’lishi uchun puxta o’ylangan va hamma joyda tashkil kilingan fakultativ mashg’ulotlarga tayyorlash sistemasi, har bir o’quvchiga „o’z kuchini sezish" ga qiziqarli va kuchi yetadigan mashg’ulotlar tanlashga, o’z qobiliyatini aktiv rivojlantirishga yordam beradigan o’quv-tarbiya tadbirlari zarur.

Buning uchun o’rta maktabning boshlang’ich va o’rta sinflarida matematikadan sinfdan tashqari keng rivojlantirilgan ommaviy ish zarur va bu ish shunga xizmat qiladi. Tabiiyki, boshlang’ich va o’rta sinflarda vaqtidan oldin o’tkazilgan fakultativ mashg’ulotlar yoki biror o’quv fanini, qo’shimcha, chuqurroq o’rgatish mutlaqo o’z-o’zini oqlamaydi.

Boshlang’ich sinf o’quvchilarini fakultativ mashg’ulotga tayyorlashning o’quvchilarning yosh xususiyatlari va imkoniyatlariga mos keladigan eng tabiiy va sinalgan formasi sinfdan tashqari ishdir. Hozirgi vaqtda maktabning matematik ta’limning yangi mazmuniga o’tishi munosabati bilan sinfdan tashqari ishlar tashkil qilish uchun qulay sharoit yaratilmoqda: hozir mashg’ulotlar tematikasi eski programmaning arifmetika kursi doirasida chegaralangan sinfdan tashqari mashg’ulotlarning imkoniyatlariga qaraganda ancha kengaytirilishi va to’ldirilishi mumkin.

O’qituvchilarining tajribasi boshlang’ich sinflarning sinfdan tashqari mashg’ulotlari o’rta o’quv yurtlari o’quvchilarining chuqur matematik tayyorgarligini oshirish umumiy sistemasining ajralmas qismi ekanini ko’rsatmoqda. Sinfdan tashqari ishning asosiy maqsadi — o’quvchilarda fanga qiziqishini rivojlantirish, asosiy kursda olinadigan bilimlarni to’ldiruvchi va chuqurlashtiruvchi matematik fakt va ma’lumotlar, malaka va ko’nikmalar zapasini to’plashdan iborat.

ADABIYOTLAR 1. Abdullayeva B.S., Sadikova A.V., Toshpo‘latova M.I. Boshlang‘ich sinflarda matematikadan sinfdan tashqari ishlarni tashkil etish T.: OOO «Jahon - Print», 2011. 2. Jumayev M.E, Tadjiyeva Z.G‘. Boshlang‘ich sinflarda matematika o‘qitish metodikasi. (O O‘Y uchun darslik.) Toshkent. “Fan va texnologiyai” 2005 yil. 3. Jumayev M.E, Tadjiyeva Z.G‘. Boshlang‘ich sinflarda matematikadan fakultativ darslarni tashkil etish metodikasi. Toshkent. “TDPU” 2005 yil.

Похожие

Boshlang’ich sinfda kelishik qo’shimchalarini o’rgatish uslubiyoti

Boshlang’ich sinflarda matematika o’qitishning darsdan tashqari shakllari

Sinfda o’qish darslari

Boshlang’ich sinf matematika darsligining DTS talablari bo’yicha tahlili

Yevropa mamlakatlarida ta'lim tizimining tuzilishi