Bolalar jismoniy tarbiya nazariyasi va texiologiyalari fanining predmeti va asosiy tushunchalari - Педагогиka - Презентации

Bolalar jismoniy tarbiya nazariyasi va texiologiyalari fanining predmeti va asosiy tushunchalari

Загружено в:

10.06.2024

Скачано:

0

Размер:

608.9326171875 KB

Bolalar jismoniy tarbiya nazariyasi va texiologiyalari fanining predmeti va asosiy tushunchalari Reja: 1.Bolalar jismoniy tarbiya nazariyasi va texnologiyalari fanining predmeti va asosiy tushunchalari 2. Bolalar jismoniy tarbiya nazariyasi va texnologiyalari fanining maqsadi va vazifalari 2. Fanda qo’llanliadigan asosiy tushunchalarning mazmuni hamda tahlili

Jismoniy tarbiya nazariyasi va texnologiyalar fani inson jismoniy kamolotini boshqarishning umu miy qonuniyatlari haqidagi fandir. Nazariyani egallash jismoniy tarbiyaning barcha bug‘inlariga tegishli masalalarni hal qilishga to‘g‘ri yordoshish imkonini beradi. Jismoniy tarbiyani nazariyasi va texnologiyalar fani predmeti- jismoniy tarbiya tizimining maqsadi, vazifalari, xususiyatlari, prinsplarini o‘rganadi., umuminsoniy tarbiyaning boshqa tomonlari, axloqiy, nafosat tarbiyasi bilan mehnat tarbiyasi bilan aloqasini ochib ko‘rsatadi. Bunda jismoniy tarbiya vositalarini o‘rganishga, jismoniy mashqlarga o‘rgatish prnsiplarini, usul va metodlarini ochishga, harakat ko‘nikmalarni shakllantirishga va jismoniy sifatlarni rivojlantirishga, sport bilan shug‘ullantirishning umumiy asoslarini ishlab chiqishga, jismoniy mashqlar bilan o‘tkaziladigan mashg‘ulotlar turli shakl va usullariga, shuningdek jismoniy tarbiya bilan bog’lioq ishlarni rejalashtirish va hisobga olishga imkon beradi.

Olimlar va amaliyotchilarning birgalikdagi g‘ayrat shijoatlari natijasida uzluksiz ta’lim tizimining barcha turlari (maktabgacha ta’lim, umumiy o‘rta ta’lim, o‘rta maxsus, kasb-hunar ta’limi, professional ta’lim, oliy ta’lim, oliy o‘quv yurtidan keyingi ta’lim; kadrlar malakasini oshirish va qayta tayyorlash, maktabdan tashqari ta’lim) uchun ilmiy asoslangan yangi milliy dasturlar yaratilmoqda. tayyorlashni amalga oshiruvchi oliy o‘quv yurtlari uchun maxsus dasturlar va o‘quv qo‘llanmalari, darsliklar yaratilmoqda. Ilmiy tekshirish va o‘quv institutlarida jismoniy tarbiyani takomillashtirish borasida ilmiy tatqiqotlar olib borilmoqda.

 Jismoniy tarbiya nazariyasi va texnologiyalari fanining maqsad i shaxsni hayotga, mehnatga va Vatan himoyasiga tayyorlashdan iborat. Bu maqsad mamlakatimizda fuqarolar jismoniy tarbiyani amalga oshiradigan barcha tashkilotlar uchun yagonadir.

 Yuqorida ko‘rsatib o‘tilgan maqsadga ko‘ra quyidagi vazifalarni hal etishni ko‘zda tutadi: Sog‘lomlashtirish vazifasi: sog‘liqni mustahkamlash, har tomonlama jismoniy rivojlantirish, badanni chiniqtirish, kishilarning umri va ijodiy hayotini uzaytirishni ta’minlash. Ta’limiy vazifasi: harakat ko‘nikmasi va malakasini shakllantirish, jismoniy sifatlarni tarbiyalash (tezkorlik, chaqqonlik, kuchlilik va boshqalar), maxsus bilimlarni egallash, tashkilotchilik qobiliyatini oshirish.

Tarbiyaviy vazifasi: shaxsni aqliy,axloqiy,estetik jihatdan rivojlantirish va mehnat faoliyatini oshirishga ko‘maklashish.  Bu vazifalar shug‘ullanuvchilarning yosh xususiyatini, sog‘ligini, jismoniy rivojlanishini, jismoniy tayyorgarligini va qiziqishini hisobga olib oydinlashtirilishi mumkin.  Jismoniy tarbiya nazariyasi amaliyotni yagona nazariy asoslar bilan qurollantiradi va bu bilan uning yagona takomillashishiga yordamlashadi.

 Jismoniy tarbiya nazariyasidagi asosiy tushunchalar  Jismoniy rivojlanish.  Jismoniy tayyorligi.  Jismoniy kamolot.  Jismoniy tarbiya.  Jismoniy tayyorgarlik.  Jismoniy ta’lim.  Jismoniy mashqlar.  Harakat faoliyati.  Sport.  Jismoniy madaniyat.  Jismoniy harakatlar.

Jismoniy rivojlanish – bu kishi organizmi shakl va funksiyalarining o‘zgarish jarayonidir. «Jismoniy rivojlanish» iborasi tor ma’noda qo‘llanilganda, u antropometrik va biometrik ko‘rsatkichlarni anglatadi (buy, gavda og‘irligi, ko‘krak qafasi aylanasi, o‘pkalarning tiriklik sig‘imi, qaddi-qomatining holati) va boshqalar. «Jismoniy rivojlanish» iborasi keng ma’noda qo‘llanganda unga jismoniy sifatlar (tezkorlik, epchillik, egiluvchanlik, muvozanat saqlay olish, ko‘z bilan chamalash, kuch, chidamlilik) ham kiritiladi.

 Jismoniy tayyorligi – bu harakat ko‘nikmalari, malakalari, jismoniy sifatlarning meyoriy ko‘rsatkichidir. Jismoniy kamolot – bu jismoniy rivojlanishning tarixan shakllangan darajasi va sog‘liqning, hayotga, mehnatga va Vatan himoyasiga har tamonlama jismoniy tayyorlanganlikning eng yuqori bosqichidir. «Jismoniy kamolot» o‘sib boradigan ijtimoiy ehtiyojlar ishlab chiqarish, shuningdek kishilar ehtiyojining o‘sishiga qarab o‘zgarib turadi. Jismoniy tarbiya – bu jismoniy kamolotga erishishga yo‘naltirilgan pedagogik jarayondir. Jismoniy tarbiya jarayonida aqliy, ahlokiy, estetik va mehnat tarbiyasi amalga oshiriladi.

Jismoniy tayyorgarlik – bu jismoniy tarbiyaning kasbiy yo‘nalganligidir (aktyor, uchuvchi, kosmonavt…va boshqalarning jismoniy tayyorgarligidir). U konkret kasb xususiyatiga ko‘ra o‘tkaziladigan jismoniy mashqlarning vazifalari, vositalari, o‘tkazish metodikasining o‘ziga xosligi bilan xarakterlanadi. Jismoniy ta’lim – jismoniy tarbiyaning maxsus bilimlar, harakat ko‘nikma va malakalarini egallashdan iborat bir turi.

 Jismoniy mashqlar – harakatlar, harakat faoliyatlari, harakat faoliyatining murakkab turlari (harakatli o‘yinlar) bo‘lib, ular jismoniy tarbiya vazifalarini hal etish uchun vosita sifatida tanlab olingan. «Mashq» iborasi harakat faoliyatini bir necha bor takrorlash jarayonini ifodalaydi. Sport – bu musobaqa jarayonida namoyon bo‘ladigan, u yoki bu jismoniy mashq turida eng yuqori natijaga erishishga yo‘naltirilgan maxsus faoliyatdir.

Jismoniy madaniyat – umumiy madaniyatning bir qismi, jamiyatning ijtimoiy-tarixiy amaliyot jarayonida to‘plangan inson jismoniy kamoloti sohasidagi moddiy va ma’naviy boyliklari majmuasidir.  Moddiy boyliklarga sport inshootlari (stadionlar, sport zallari, basseynlar, tennes kortlari…), jismoniy tarbiya jihozlari, maxsus kiyim, poyabzal… kiradi, shuningdek kishilarning jismoniy kamolot darajasi ham kiradi.  Ma’naviy boyliklarga esa jismoniy tarbiya haqidagi fan va san’at asarlari (adabiyot, haykaltaroshlik, rang-tasvir, grafika, muzika …) mansub.  Jismoniy harakat – ijtimoiy harakatning o‘z oldiga aholi jismoniy tarbiyasi darajasini oshirish va sportni rivojlantirishga yordam berishni maqsad qilib qo‘ygan maxsus turi. U davlat, jamoat tashkilotlari va xalq ommasining jismoniy madaniyat va sportni rivojlantirish sohasidagi maqsadga yo‘naltirilgan faoliyatini ko‘zda tutadi.

 Bu tushunchalarni o‘zlashtirish talabalarga maxsus adabiyotlarni tushunish, yozma ishlarni savodli bajarish, shuningdek, ulardan bolalar va kattalar bilan muomilada foydalanish imkonini beradi. Jismoniy tarbiya nazariyasining fanlar tizimida tutgan o‘rni.  Jismoniy tarbiya nazariyasi ijtimoiy, tabiiy va pedagogik fanlar bilan bog‘liqdir.

Похожие

Pedagogika fanining predmeti va uning vazifalari

Pedagogika shaxs tarbiyasi va rivojlanishi to’g’risidagi fan. Ilmiy–pedagogik tadqiqotlar metodologiyasi va metodlari

Jismoniy tarbiya darsida pedagogik tahlil

Tarbiya diagnostikasi va korreksiyasi fanining shaxs rivojlanishidagi o’rni

“Ta`lim texnologiyalari” fanining predmeti, maqsadi va vazifalari