G‘osht va go‘sht mahsulotlari - Пищевая технология - Презентации

G‘osht va go‘sht mahsulotlari

Загружено в:

04.12.2023

Скачано:

0

Размер:

8252.7841796875 KB

Self-evaluation Mavzu: G‘osht va go‘sht mahsulotlari.

Go‘sht va go‘sht mahsulotlari kimyoviy tarkibi va ozuqaviy qiymati bo‘yicha eng zarur oziq-ovqat mahsulotlaridan hisoblanadi.Respublikamizda aholini go‘sht mahsulotlari bilan ta’minlashni yaxshilash maqsadida chorvachilikni rivojlantirishga katta e’tibor qaratilmoqda. Respublikaning qulay tuproq va tabiiy iqlim sharoitlari, bepoyon qir-adirlar, dasht- cho‘l va tog‘ oldi yaylovlari chorvachilikning rivoji uchun juda qulaydir. Hozirgi kunda chorvachilikni rivojlantirishda xususiy sektorga ham alohida e’tibor berilmoqda.

Sug‘oriladigan yerlarda asosan qoramolchilik, cho‘chqachilik, parrandachilik, quyonchilik, qir-adirlar, dasht-cho‘l va tog‘ oldi yaylovlarida esa qo‘ychilik, echkichilik, yilqichilik rivojlanib bormoqda.Respublikada o‘nlab yirik go‘sht kombinatlari, ixtisoslashgan xo‘jaliklar, xorijiy mamlakatlar bilan tashkil etilgan qo‘shma korxonalar go‘shtlarni qayta ishlash, yarim tayyor mahsulotlar ishlab chiqarish, go‘shtni qadoqlab va o‘rab iste’molga chiqarish, bolalarga mo‘ljallangan va parhez go‘sht mahsulotlari tayyorlash kabi tadbirlarni amalga oshirish, aholi ta’minotini yaxshilashda muhim rol o‘ynaydi.

Go‘sht bu so‘yilgan mollarning so‘yilgandan keyin tegishli ishlov berib terisi, bosh qismlari, oyoqlar va ichki organlari ajratilgan butun tanasi va uning qismlaridir

Go‘sht inson hayotida eng muhim ahamiyatga, ega, chunki u organizmni to‘liq qiymatga ega bo‘lgan oqsil va yog‘ moddalari bilan ta’minlashda asosiy manbalardan biri hisoblanadi. SHuningdek, go‘sht tarkibida uglevodlar, ekstraktiv moddalar, vitaminlar, fermentlar va mineral moddalar mavjud. Go‘sht tarkibiga hayvon organizmining muskul, biriktiruvchi , yog‘ to‘qimalari, qon va hokazolar kiradi. Bu to‘qimalarning kimyoviy tarkibi, anatomik tuzilishi bir xil emas, shu sababli ularning go‘shtdagi miqdori va nisbati go‘shtning ozuqaviy qiymatiga katta ta’sir ko‘rsatadii.

Go‘shtlarning kimyoviy tarkibi molning turiga, zotiga, jinsiga, semizligiga, qaysi sharoitda, qanday yemishlar bilan boqilishiga va boshqa omillarga qarab ma’lum darajada o‘zgarib turadi. Masalan, katta yoshdagi va semiz mollarning go‘shti tarkibida yog‘ miqdori ko‘proq, oqsillar va suv miqdori esa nisbatan kamroq bo‘ladi. Mol go‘shtida cho‘chqa go‘shtiga nisbatan oqsilning umumiy miqdori ko‘proq, yog‘ miqdori esa kamroq bo‘ladi va hokazo.

Har xil hayvon go‘shtlari tarkibida oqsil miqdori 11,4 % dan 20,8% gacha oraliqda bo‘ladi.Mol va qo‘y go‘shtlari tarkibida bu oqsillarning 75-85% i, cho‘chqa go‘shtida esa qariyib 90% i to‘liq qiymatli oqsil hissasiga to‘g‘ri keladi. To‘liq qiymatli, tez hazm bo‘ladigan go‘sht oqsillari (miozin, aktin, aktomiozin, miogen, mioalbumin) tarkibida o‘rin almashtirmaydigan aminokislotalarning hammasi ham uchraydi. Bu oqsillar asosan go‘shtning boshqa to‘qimalariga nisbatan yuqori ozuqaviy va biologik qiymatga ega bo‘lgan muskul to‘qimasi tarkibida uchraydi.

To‘liq qiymatga ega bo‘lmagan oqsil kollagen va elastin asosan birlashtiruvchi to‘qimalar tarkibiga kiradi. Muskul to‘qimalar tarkibida esa ular juda kam miqdorda uchraydi. Turli hayvonlar go‘shti yog‘ miqdori bo‘yicha molning semizligiga qarab bir-biridan katta farq qiladi va bu ko‘rsatkich 2% dan 40% gacha oraliqda bo‘lishi mumkin. Yog‘ go‘shtlarning ta’m ko‘rsatkichlari va energiya berish qobiliyatiga katta ta’sir ko‘rsatadi. Tarkibida oqsil va yog‘ miqdori teng (har birining miqdori 20% ga yaqin) bo‘lgan go‘shtlar ozuqaviy qiymati bo‘yicha eng yuqori hisoblanadi, chunki bunday go‘shtlarning mazaligi yuqori va ular organizmda yaxshi hazm bo‘ladi.

Uglevodlar go‘shtlar tarkibida asosan hayvon kraxmali- glikogen holida to‘plangan bo‘lib, ular asosan go‘shtning yetilishida katta rol o‘ynaydi. Go‘shtda glikogen miqdori o‘rtacha 0,8 % ni, mollarning jigarida esa 2-5 % ni tashkil etadi.

Mineral moddalar miqdori go‘shtda 0,8% dan 1,3 % gacha bo‘ladi. Mineral moddalarning asosiy miqdorini kaliy va fosfor tashkil etadi. SHuningdek, go‘shtda kalsiy, magniy, temir, mis, rux va boshqa elementlar ham borligi aniqlangan. Fermentlar tirik hayvonlar organizmida moddalarning sintez bo‘lishi va parchalanishida katta ahamiyatga ega bo‘lsa, so‘yilgan hayvonlar go‘shtlarida esa moddalarning parchalanish jarayonlarida muhim rol o‘ynaydi. Go‘shtlar tarkibida oqsil, yog‘, uglevodlarni parchalaydigan fermentlar bilan bir qatorda, oksidlovchi- qaytaruvchi fermentlar ham mavjuddir. Bu fermentlarning ba’zilari esa go‘shtning yetilishida ishtirok etadi.

Go‘shtda suv miqdori 48-78% ni tashkil etadi. Go‘shtlarda suv miqdori ularning yog‘liligi bilan teskari bog‘lanishda bo‘ladi. Muskul to‘qimalari-bu go‘shtdagi asosiy to‘qima hisoblanib, mol tanasining 50-75% ini tashkil qiladi. Go‘shtning muskul to‘qimasi urchuqsimon tolalar va to‘qimalar orasiga kiruvchi moddalardan tashkil topgan .Muskul to‘qimasi ozuqaviy qiymati bo‘yicha eng qimmatli to‘qima hisoblanadi.

Go‘sht tarkibi. Uglevod Oqsillar Vitaminlar. Yog‘lar. Ferment. Mineral moddalar . miozin aktinglikogen aminokislota aminokislota glukoza RR . V,E oqsil aminokislota

Test . 1.Go‘sht tarkibida suv necha foiz ? A.25-30%; B.40-45%; C.18-28% ; D. 48-78% 2.Go‘sht tarkibida uchrovchi uglevod qaysi ? A.pektin; B. glikogen; C. selluloza; D.murein. 3.Mol jigarida glikogen necha foizni tashkil etadi? A.2-5%; B.5-7% ; C.10-12% ; D.15- 17% . 4.Go‘sht tarkibidagi mineral moddalarning asosiy qismini tashkil etuvchi elementlar ?

A.kalsiy ,magniy; B.kaliy ,fosfor; C.kaliy ,kalsiy; D.magniy;kaliy. 5.Mineral moddalar miqdori go‘shtda nechi foizni tashkil etadi? A. 3-7%; B.8-9%; C. 0.8- 1.3%; D. 3.5- 5% .

Reporter: XX THANK YOU

Похожие

Un va qandolat mahsulotlari. Biskvit mahsulotlari

Sut va sut mahsulotlari

Vino va vino mahsulotlari

Kraxmal va kraxmal mahsulotlari

Go'sht mahsulotlari