Танқидий таҳлил, қатъий тартиб-интизом ва шахсий жавобгарлик – ҳар бир раҳбар фаолиятининг кундалик қоидаси бўлиши керак - Идея национальной независимости - Презентации

Танқидий таҳлил, қатъий тартиб-интизом ва шахсий жавобгарлик – ҳар бир раҳбар фаолиятининг кундалик қоидаси бўлиши керак

Загружено в:

23.09.2019

Скачано:

0

Размер:

459.0166015625 KB

Танқидий таҳлил, қатъий тартиб-интизом ва шахсий жавобгарлик – ҳар бир раҳбар фаолиятининг кундалик қоидаси бўлиши керак Ўзбекистон Республикаси Президенти Ш. М. Мирзиёев 2017 йил

• Ушбу рисолага «Мамлакатимизни 2016 йилда ижтимоий-иқтисодий ривожлантиришнинг асосий якунлари ва 2017 йилга мўлжалланган иқтисодий дастурнинг энг муҳим устувор йўналишлари»га бағишланган Вазирлар Маҳкамасининг кенгайтирилган мажлисидаги Президент маърузаси асос қилиб олинган.

Шундай давр бошландики, энди ҳар биримиз, энг аввало, давлат бошқаруви органлари раҳбарларининг вазифаси – ўзимиз масъул бўлган соҳа ва тармоқда ишларнинг аҳволини танқидий баҳолаш асосида зиммамизга юклатилган вазифаларни масъулият билан бажаришни таъминлашдан иборат.

• Муҳтарам Президентимиз томонидан 2017- 2021 йилларда Ўзбекистонни янада ривожлантириш бўйича Ҳаракат стратегияси лойиҳасини кенг муҳокама қилиш давомида келиб тушган таклифларни инобатга олган ҳолда , 2017 йил учун мўлжалланган иқтисодий ва ижтимоий дастурнинг ўн битта энг муҳим устувор вазифасини белгилаш таклиф этилган.

• Энг асосий устувор вазифа – «Халқ билан мулоқот ва инсон манфаатлари йили» Давлат дастурини амалга ошириш, «Инсон манфаатлари ҳамма нарсадан устун» деган олижаноб ғояни изчиллик билан ҳаётга татбиқ этишдан иборат.

• Айнан ана шу энг муҳим вазифалар иқтисодий ислоҳотларни чуқурлаштиришнинг асосий йўналишлари ва устувор вазифаларига жиддий ўзгартиришлар киритиш учун пойдевор бўлиши керак.

Бунинг учун қуйидаги вазифаларни бажаришимиз лозим • Биринчи – фуқаролар билан очиқ мулоқотни йўлга қўйишнинг янги самарали усул ва механизмларини татбиқ қилиш, жумладан, жойларга чиқиб, мавжуд аҳволни шахсан ўрганиш асосида аҳолининг энг муҳим эҳтиёжларини ҳал этишда мутасадди рахбарларнинг амалий ёрдам кўрсатишлари мақсадга мувофиқдир.

• Иккинчи – Ўзбекистон Республикаси Президентининг Қорақалпоғистон Республикаси, вилоятлар ва Тошкент шаҳридаги, ҳар бир туман ва шаҳардаги Халқ қабулхоналари, Ўзбекистон Республикаси Президентининг Виртуал қабулхонаси фаолиятини самарали ташкил этишни таъминлаш даркор.

• Ана шу ишларнинг бош мақсади – фуқароларнинг қонуний мурожаатларини қисқа муддатда синчиклаб кўриб чиқишни ва ҳал этишни таъминлашдир. Бу борада рақамлар ва силлиқ ҳисоботларнинг орқасидан қувиб, навбатдаги кампаниябозликни уюштириш керак эмас.

• Учинчи – Макроиқтисодий барқарорликни янада мустаҳкамлаш ва иқтисодий ўсишнинг юқори суръатларини сақлаб қолиш, жумладан, Давлат бюджети барча даражада мутаносиб, миллий валюта ва ички бозордаги нарх даражаси барқарор бўлишини таъминлаш – энг муҳим устувор вазифамиздир.

• Ҳаётнинг ўзи ва халқнинг талаблари бизнинг олдимизга амалий ечимини топиш лозим бўлган янги ва янада мураккаб вазифаларни қўймоқда. Биринчидан , айрим идоралар ва уларнинг раҳбарлари реал ҳаётдан ва халқ эҳтиёжларидан маълум даражада узилиб қолмоқда.

• Иккинчидан , тармоқ ва ҳудудларни ривожлантириш концепциялари ва дастурларини ишлаб чиқишда юзаки ёндашувга йўл қўйилмоқда. Ва ниҳоят, учинчи асосий камчилик – кўпчилик раҳбарларнинг мураккаб муаммоларни кабинетдан чиқмасдан, иқтисодиёт тармоқлари, ҳар бир корхонадаги, шаҳар ва туманлардаги, айниқса, қишлоқ жойлардаги ишлар қандай аҳволда эканини чуқур ўрганмасдан ҳал этишга одатланиб қолгани билан боғлиқ.

• Маълумки, ижтимоий соҳада аҳоли саломатлиги, оналик ва болаликни муҳофаза қилиш, дори воситалари билан ишончли таъминлаш , жисмоний бақувват ва маънавий жиҳатдан соғлом авлодни камол топтириш масалаларига алоҳида устувор аҳамият бермоқдамиз.

• Ана шу муҳим соҳаларда қандай муаммолар бор? • БИРИНЧИДАН , ўтган шунча йил мобайнида соғлиқни сақлаш тизимининг бирламчи бўғини, энг аввало, қишлоқ врачлик пунктларини ислоҳ қилиш самарадорлиги таъминланмади ва бугунги кунда уларда 2 минг 500 нафар врач етишмайди, бу масканларни замонавий ускуналар билан жиҳозлаш ва дори воситалари билан таъминлаш даражаси жуда паст;

• ИККИНЧИДАН , диагностика даражаси пастлиги, врачларнинг малакаси етарли эмаслиги натижасида йилига 30 мингдан зиёд юртдошимиз даволаниш учун хорижий мамлакатларга боришга ва оила бюджетидан катта маблағ сарфлашга мажбур бўлаётгани. УЧИНЧИДАН , тез тиббий ёрдамнинг барча тузилмаларида тартиб ўрнатилишини, уларнинг барқарор ишлашини таъминлаш, аксарият ҳолатларда беморларга ҳақиқий тез ёрдам кўрсата олмаслик ҳолатларини қайд этилаётгани.

ТЎРТИНЧИДАН , тиббиёт ходимлари ўртасидаги салбий ҳолатлар бўйича фақатгина ўтган йилнинг ўзида 174 та жиноят иши қўзғатилган . Соғлиқни сақлаш ходимлари билан бўлиб ўтган учрашувда туғруқхоналардаги таъмагирлик билан боғлиқ салбий ҳолатлар тўғрисида тизим раҳбарларига алоҳида айтилган;

• БЕШИНЧИДАН , экологиянинг жиддий муаммолари билан етарлича шуғулланилмаётгани ачинарли аҳвол, бу соҳа одамларнинг соғлиги ва мамлакатимиздаги эпидемиологик ҳолатга ўз таъсирини кўрсатади албатта. ОЛТИНЧИДАН , дорихоналар тармоғидаги жиддий камчиликларни бартараф этиш учун таъсирчан чоралар кўриш, қиммат дориларнинг 45 фоизини импорт дорилар, бунинг устига, нархи ҳаддан ташқари ошириб юборилган дорилар ташкил этиши.

• Ана шу муаммолар ичига чуқур кириб бориш зарур. Шу муносабат билан қуйидаги вазифаларни амалга ошириш талаб этилади: БИРИНЧИ – қишлоқ врачлик пунктлари, юқори технологиялар асосидаги ихтисослашган марказлар ва тез тиббий ёрдам станциялари бўйича мавжуд камчиликларни бартараф этиш ва уларга доир топшириқларни амалга ошириш; ИККИНЧИ – врачлар ва тиббиёт ходимлари малакасини мамлакатимизда, ҳам етакчи хорижий клиникаларда ошириш бўйича таъсирчан тизим яратишга қаратилган комплекс чора-тадбирларни ишлаб чиқиш ва уларни моддий рағбатлантириш бўйича таклифлар киритиш;

• УЧИНЧИ – 340 номдаги дори воситалари ва тиббиёт буюмлари чегараланган нарх бўйича сотилишини назорат қилувчи органлар билан бирга қатъий тартибга солиш. Ҳар бир фуқаро қабул қилаётган қарорларимиз реал фойда бераётганини сезиши керак. 2016-2020 йилларда фармацевтика саноатини янада ривожлантириш бўйича дастур самарали бажарилишини таъминлаш; ТЎРТИНЧИ – қариялар ва ногиронларни давлат томонидан қўллаб-қувватлаш бўйича тасдиқланган дастурни амалга ошириш . Ҳар бир имтиёз ва ижтимоий ҳимоя чораси ўз эгасига ўз вақтида етиб бориши лозим;

Ўтган йилнинг ўзида 22 мингта ташкилотда жами 200 миллиард сўмлик ўзлаштириш ва маблағларни бошқа мақсадлар учун сарфлаш ҳолатлари аниқланган. Уларнинг асосий қисми ижтимоий соҳа ташкилотларига тўғри келади.

• Таълим ва илм-фан, давлатнинг ёшларга доир сиёсатини амалга ошириш, таълимнинг янги, замонавий усулларини , жумладан, ахборот-коммуникация технологияларини жорий этиш соҳасидаги долзарб вазифаларни амалга ошириш ёшларимиз, жамиятимиз ва мамлакатимизнинг келажаги учун стратегик аҳамиятга эга.

• Биринчи вазифа – мактабгача таълим соҳасида тасдиқланган дастурга кўра, 2 минг 200 та муассасанинг моддий-техник базаси мустаҳкамланади. Шунингдек, тажрибали педагог ва мутахассисларни жалб этган ҳолда, ўқув режа ва дастурлари тубдан қайта кўриб чиқилади. Олдимизда ёшларга тарбия бериш, психология ва бошқа турли соҳаларда кадрларни тайёрлаш ва қайта тайёрлаш бўйича мураккаб вазифалар турибди.

• ИККИНЧИ ВАЗИФА – умумтаълим мактаблари, лицей ва касб-ҳунар коллежлари, шунингдек, олий ўқув юртларидаги ўқитиш сифати билан боғлиқ. Болалар ва ёшларга махсус фанлар, мамлакатимиз ва жаҳон цивилизацияси тарихини, хорижий тилларни ва замонавий компьютер дастурларини чуқур ўргатиш вазифалари ҳали сифатли ва тўлиқ ҳолда ечилгани йўқ.

• Яна бир муаммони ҳал этиш ҳам ўта муҳим ҳисобланади: бу – педагоглар ва профессор- ўқитувчилар таркибининг профессионал даражаси , уларнинг махсус билимларидир. Бу борада таълим олиш, маънавий-маърифий камолот масалалари ва ҳақиқий қадриятларни шакллантириш жараёнларига фаол кўмак берадиган муҳитни яратиш зарур.

• УЧИНЧИ ВАЗИФА – таълим муассасаларини, энг аввало, касб-ҳунар коллежларини оқилона жойлаштиришни, шунингдек, иқтисодиёт, ижтимоий соҳа ва ҳар бир ҳудуднинг зарур мутахассисларга бўлган талабини тўғри аниқлашни танқидий таҳлил қилишдир. Ҳозирча ушбу механизм ишламаяпти. Бунинг натижасида кадрлар сифати ва уларни ишга жойлаштириш муаммоси йилдан-йилга кучайиб бормоқда. • ТЎРТИНЧИ ВАЗИФА – нафақат академик илм- фанни, балки олий ўқув юртларидаги илм- фанни янада ривожлантириш.

Бу ўринда иккита асосий вазифани ҳал этиш зарур: биринчи – давлатнинг эҳтиёжлари ва унинг мақсадли вазифаларини инобатга олган холда, илмий муассасаларнинг моддий-техник базасини илғор хорижий марказлар даражасида ва олимлар талабларига мувофиқ сезиларли равишда мустаҳкамлаш шарт; иккинчи – академикларни ҳар тарафлама қўллаб- қувватлаш, жумладан, моддий рағбатлантириш бўйича аниқ чора-тадбирларни ишлаб чиқиш ва амалга ошириш.

БЕШИНЧИ ВАЗИФА – китобларни чоп этиш ва тарқатишдаги муаммоларни ҳал қилишдир. Энг аввало, ёшлар ва аҳоли ўртасида мамлакатимизнинг бой тарихини, унинг бетакрор маданияти ва миллий қадриятларини кенг тарғиб қилиш, жаҳон илм-фани ва адабиёти ютуқларини етказиш учун зарур муҳит ва шарт-шароит яратиш. Китобхонликни кенг ёйиш ва ёшларимизнинг китобга бўлган муҳаббатини, уларнинг маънавий иммунитетини янада оширишга қаратилган ишларимизни янги босқичга олиб чиқиш вазифаси турибди

ЎЗБЕКИСТОН РЕСПУБЛИКАСИ ПРЕЗИДЕНТИНИНГ «ФАНЛАР АКАДЕМИЯСИ ФАОЛИЯТИ, ИЛМИЙ- ТАДҚИҚОТ ИШЛАРИНИ ТАШКИЛ ЭТИШ, БОШҚАРИШ ВА МОЛИЯЛАШТИРИШНИ ЯНАДА ТАКОМИЛЛАШТИРИШ ЧОРА-ТАДБИРЛАРИ ТЎҒРИСИДА» ПҚ-2789-сонли ҚАРОРИ 2017 йил 17 февраль, Ушбу қарор академик фан нуфузини ошириш, илмий- тадқиқот фаолиятининг кадрлар ва интеллектуал салоҳиятини мустаҳкамлаш, уни ташкиллаштириш ва бошқариш тизимини такомиллаштириш, илмий-тадқиқот муассасалари моддий- техника базасини тубдан яхшилаш, иқтидорли ёшларни илм- фанга кенг жалб қилиш ва олимларнинг сермашаққат меҳнатларини муносиб моддий рағбатлантиришга кенг йўл очади.

Бизнинг навбатдаги кечиктириб бўлмайдиган ва истиқболдаги вазифамиз – «Электрон ҳукумат» тизими самарали ишлашини таъминлашдан иборат. 2016 йилда Давлат хизматлари ягона порталига 534 минг фуқаро ва юридик шахслардан келиб тушган мурожаатлардан 6 мингдан ортиғи ёки кўриб чиқилмаган, ёки уларга ўз вақтида жавоб берилмаган. Рўйхатга олинган 4 мингдан ортиқ норматив- ҳуқуқий ҳужжатнинг атиги мингга яқини тизимга жойлаштирилган.

2017 йил ва ундан кейинги даврга белгиланган вазифаларни амалга ошириш учта энг муҳим талабга ҳал этувчи даражада боғлиқдир. Биринчи – давлат раҳбари – Президентдан бошлаб барча бўғиндаги раҳбарларнинг якуний натижалар учун шахсий жавобгарлиги. Иккинчи – ҳамма соҳада аниқ тартиб ва қаттиқ интизомни таъминлаш, натижа учун эса ҳар биримиз шахсан жавоб берамиз. Учинчи талаб – қаторларимиз ва кадрларимизнинг софлигини таъминлаш, ишдаги ҳар қандай салбий ҳолатларнинг олдини олиш ва бундай иллатларнинг илдизини қуритиш.

Ҳаммамизга бир ҳақиқат равшан бўлиши лозим: Бугун замон ўзгармоқда, унинг талаби, олдимизга қўяётган вазифалари тобора ортиб бормоқда. Мана шундай мураккаб шароитда “Сен – менга тегма, мен – сенга тегмайман” деган кайфият билан ишлашнинг вақти ўтди. Биз “вазият ёмон, вазият оғир” деб баҳона қидиришга ўрганиб қолганмиз. Лекин шу вазиятни ким ўзгартиради, ким изга солади, деган саволни, келинг, ўзимизга берайлик. Вазиятни ўзимиз, ўз ақл- заковатимиз, меҳнатимиз билан ўзгартирмасак, ҳеч ким четдан келиб бу ишни биз учун қилиб бермайди.

• Энг муҳим вазифамиз – мамлакатимизда тинчлик ва фаровонликни мустаҳкамлаш, одамларни, халқимизни ҳаётдан рози қилишдан иборат. Бунинг учун эл- юртимиз аввало – раҳбарларнинг фаолиятидан рози бўлиши керак. Бунинг учун ҳар бир раҳбар ўз соҳасидаги ишларнинг аҳволи учун ўзи шахсан жавоб бериши лозим. Шундан кейин жамиятимизда ўзгариш бўлади, ривожланиш бўлади.

Ўтган йили декабрь ойида бўлиб ўтган Президент сайлови халқимизнинг эртанги кунга, келажакка бўлган ишончини кўрсатди. Энди биз ана шу юксак ишончни амалий ишлар билан оқлашимиз шарт. Шунинг учун ҳам ҳаммамиз хулоса қилайлик: жонажон Ватанимиз, олижаноб халқимизнинг ишончини қозониш, унинг орзу-умидларини рўёбга чиқариш учун фақат тинимсиз меҳнат, изланиш ва ташаббус кўрсатиб яшаш керак. Одамлар буни кундалик ҳаётда сезиши, кўриши зарур.

Бугунги мавжуд имкониятлардан самарали фойдаланиб, замон талабини ҳис этмасдан, эскича ишлашга энди ҳеч биримизнинг ҳаққимиз йўқ. Халқимиз бугун катта орзу- умидлар билан яшаяпти. Бу орзу-умидларни ким амалга оширади? Аввало, раҳбарлар, мутасадди ва мутахассислар, навқирон ёшларимиз. Бунинг учун бизда куч ва имконият, билим ва салоҳият ҳам, қатъий ирода, интилиш ва азму шижоат ҳам етарли.

Муҳтарам Президентимиз Ш.М. Мирзиёевнинг « 2017- 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси » 1. Давлат ва жамият қурилишини такомиллаштириш 2. Қонун устуворлигини таъминлаш ва суд-ҳуқуқ тизимини янада ислоҳ қилиш 3. Иқтисодиётни янада ривожлантириш ва либераллаштириш 4. Ижтимоий соҳани ривожлантириш 5. Хавфсизлик, миллатлараро тотувлик ва диний бағрикенглик, ўзаро манфаатли ташқи сиёсат юритиш. Озиқ-овқат, экология ва сув, энергия, ахборот ва сифат хафсизлиги! 4420072C 16 4320 01 33 19 39200748 0D0E 3C200748 3D20072A 1B1405 40 17 0808

Муҳтарам Президентимиз Ш.М. Мирзиёевнинг « 2017- 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси » 1 . Давлат ва жамият қурилишини такомиллаштириш (Осмон ва тоза сув рамзи, буюк Амир Темур давлат байроғининг ранги) Хаво ранг 2. Қонун устуворлигини таъминлаш ва суд-ҳуқуқ тизимини янада ислоҳ қилиш. Қонунийлиу элементлари хисобланган устуворлик ва ор-номуслилик рамзи Смёҳ ранг 3 . Иқтисодиётни янада ривожлантириш ва либераллаштириш Иқтисодиётни ривожлантириш элементлари хисобланган куч қудрат ва бойлик рамзи Тилло ранг 4. Ижтимоий соҳани ривожлантириш Ҳаёт ва аҳолининг муносиб турмуш тарзини таъминлаш рамзи Қизил ранг 5 . Хавфсизлик, миллатлараро тотувлик ва диний бағрикенглик, ўзаро манфаатли ташқи сиёсат юритиш. Оқ ранг тинчлик севарлик сиёсати элементлари ҳисобланган тинчлик ва софлик рамзи Озиқ- овқат, экология ва сув, энергия, ахборот ва сифат хафсизлиги! 44 2007 4940 0A 4320 01 330B03 16 300E 090503 39 20 48 17 3C2007 48 13 3D 20072A 09 40 12 1705 080816

МУҚАДДАС ЮРТИМИЗ, БАҒРИКЕНГ ХАЛҚИМИЗГА САДОҚАТ БИЛАН ХИЗМАТ ҚИЛИШ БАРЧАМИЗНИНГ ЭНГ ШАРАФЛИ БУРЧИМИЗДИР! Ш.МИРЗИЁЕВ

Похожие

«Янги Ўзбекистон демократик ўзгаришлар, кенг имкониятлар ва амалий ишлар мамлакатига айланмоқда

Обод турмуш йилида тинчлик ва барқарорликни асраш, диний экстримизм таҳдидига қарши курашдаги долзарб вазифалар

Миллий ғоя тарғиботи ва маънавий-маърифий ишларни ташкил этиш технологиялари

Ақидапараст оқимларга қарши курашнинг долзарб йўналишлари

Миссионерлик моҳият, мақсадлар, оқибатлар ва олдини олиш йўллари