Насос станция гидробўғини схемасини танлаш ва унинг вазифаси - Мелиорация - Презентации

Насос станция гидробўғини схемасини танлаш ва унинг вазифаси

Загружено в:

03.06.2023

Скачано:

0

Размер:

6115.5537109375 KB

НАСОС СТАНЦИЯ ГИДРОБЎҒИНИ СХЕМАСИНИ ТАНЛАШ ВА УНИНГ ВАЗИФАСИ  Режа: 1. Насос станцияси гидробўғини схемаси. 2. Насос станцияси иншоотлари вазифаси.

Сувни манбадан олиб, уни насос станциясигача узатишни ҳамда юқорига кўтариб истеъмолчига етказиб беришни таъминловчи гидротехник иншоотлар, механик, гидромеханик ва электротехник жиҳозлар йиғиндисига машинали сув кўтариб бериш гидротехник тармоғи дейилади. –расмда машинали сув кўтариш гидротехник тармоғининг умумий схемаси келтирилган. Суғориш суви, манбадан юқорида жойлашган суғориладиган майдонга гидравлик машиналар-насослар ёрдамида кўтариб берилгани учун машинали сув кўтариш , кўтариб берилган сувни суғориладиган далаларга етказиб берувчи канал эса, машина канали деб аталади. Расм 1 . Машинали сув кўтариш гидротехник тармоғи. 1-сув олиш манбаси; 2-сув олиш иншооти; 3-тиндиргич; 4-сув узатувчи канал; 5-аванкамера; 6-хас- хашакларни тутиб қолувчи панжара; 7-сув қабул қилувчи насос камералари; 8-насос станцияси биноси; 9 ва 12-сўриш ва босим қувурлари; 10-сув қабул қилувчи босимли бассейн; 11-сув олиб кетувчи машина канали.

Машинали сув кутариш гидротехни бугини. 1-сув манбаи. 2- сув олиш иншооти. 3- сув келтирувчи иншоот. 4- аванкамера. 5- насос станция. 6- босимли кувурлар. 7- босимли ховуз. 8-машинали канал.

МАШИНАЛИ СУВ КУТАРИШ ГИДРОТЕХНИ БУҒИНИ 4

5МАШИНАЛИ СУВ КУТАРИШ ГИДРОТЕХНИ БУҒИНИ

 Табиий ва техник имкониятларга нисбатан, ер усти манбаларидан сув олувчи суғориш насос станциялари гидротехник тармоқлари жуда хилма- хилдир. Агар сув оладиган манбанинг қирғоқлари мустаҳкам жинслардан иборат бўлса, сув олиш иншооти билан насос станцияси биргаликда қурилади. Қирғоқлар қум ва бошқа бўш жинслардан ташкил топган бўлса, сув олиш иншооти насос станциясидан алоҳида қурилади. Баъзи ҳоллрда, насос агрегатларининг сўриш қувурлари перпендикуляр ҳолатда тўғридан- тўғри сув олиш манбасига ўрнатилади. Лойқасиз манбалардан сув олинганда тиндиргичлар ўрнатилмайди.  1 -расмда машинали сув кўтариш гидротехник тармоғининг умумий схемаси ва уларнинг вазифалари келтирилган  Сув олиш манбаси - насос станциясига белгиланган даврда ишончли сув олиш имконини бериши, сув олиш нуқтаси ҳар қандай гидрологик шаритда ҳам ўзгармасдан қолиши, сув сатҳи катта миқдорда ўзгармаслиги лозим. Суғориш насос станциялари асосан дарёлар, ирригация каналлари, сув омборлари, каллектор - дренаж тизимлари, сойлар, кўллар, булоқлар, тик қудуқлар ва бошқа манбалардан сув оладилари.  Сув олиш иншооти – манбадаги сувни сув узатиш каналига ўтказиб беради. Насос станциясининг сув бериш графигига мос, ҳар қандай гидрологик ва иқлим шароитида, белгиланган миқдордаги сувни олиши зарур. Бундан ташқари, сув олиш иншооти сув таркибидаги ҳар хил оқизиқларни ушлаб қолиши, балиқларнинг сув узатувчи каналга тушмаслиги-ни таъминлаши, насос станцияси иншоотларини таъмирлаш ва тозалаш пайтида сувни ўтказмайдиган қурилма(мослама)ларга эга бўлиши зарур.

 Сув узатиш канали – сув олиш иншоотидан тушаётган сувни насос станцияси аванкамерасига узатади. Очиқ канал ёки ёпиқ қувур кўринишида бўлиши мумкин. Насос станциясининг сув бериш графигига мос белгиланган миқдордаги сувни етказиб бериши лозим. Бу иншоотларнинг ўлчамлари ва иш режими гидравлик ҳисоблар ёрдамида аниқланади.  Тиндиргич - сув узатиш каналидаги сувни қабул қилиб, уни лойқа ва қумлардан тозалаб яна сув узатиш каналининг иккинчи қисмига узатади. Сув узатиш каналидаги сувда, насос учун зарарли бўлган катталикдаги, сув билан келаётган лойқаларни ҳамда ўзан тубида ҳаракат-ланаётган, қум-тошларни ушлаб қолади. Унинг конструктив ўлчамлари, насос тури, лойқаларнинг катталигига нисбатан ҳисоблаб аниқланади. Тандиргач лойқага тўлгандан сунг, лойқа ва қум сўргич насослар ёрдамида қирғоққа чиқариб ташланади.  Аванкамера - сув узатиш каналидан сувни қабул қилиб, уни сув қабул қилувчи насос камераларига узатувчи иншоотдир. Аванкамера тузилиши жиҳатидан бар вақтда кенгайиб ва пастга тушиб борадиган очиқ канал кўринишида бўлиб, асосий вазифаси - насос агрегатлари сўриш қувурларига сувни бир хил текис миқдорда етказиб беришдир. Сув узатиш каналининг ўқига нисбата ҳар икки томонга 22,5 О бурчак остида кенгайиб боради.  Сув қабул қилувчи насос камералари – аванкамерадаги сувни бир текисда қабул қилиб сўриш қувурларига узатади. Насос агрегатларининг сўриш қобилияти, унинг кавитацион ҳусусиятлари, ҳамда сув етказиб бериш иншоотидаги сув сатҳи ўзгаришини ҳисобга олиб лойҳа қилинади. Иншоот ўлчамлари, сўриш жараёнинг нормал ҳолатда ўтишини таъминлаши зарур.

 Сўриш (узатиш) қувурлари – насос камераларидаги сувни насос ёрда-мида сўриб-кўтариб, босимли қувурга узатади. Сўриш қувурлари ҳар бир насос агрегатига бир донадан бўлиши ёки умумий сув олиш коллекторига уланиши мумкин. Уларни сув сатҳига нисбатан ўрнатишда, насос камералари тубидаги лойқаларни сўрмаслигини ҳамда сув юзасида сўриш қувурига ҳаво олиб кирувчи уюрмалар ҳосил бўлмаслигини таъминлаш зарур.  Насос станцияси биноси - асосий ва ёрдамчи жиҳозлар, бошқарув пульти, энергия тақсимлаш қурилмалари, устахоналар, хизмат хоналари ва бошқаларни ўзига жойлаштирадиган бино ҳисобланади.  Босим қувурлари - насос агрегатлари ҳайдаб бераётган сувни, умумий босим қувурларига ёки сув чиқариш босимли иншоотига узатадиган қувурлардир. Босим қувурларини ўрнатиш схемаси, энг кам гидравлик қаршиликлар ҳосил бўлишига нисбатан ишлаб чиқилади. Унинг ўлчамлари техник-иқтисодий ҳисоблар билан аниқланади.  Умумий босим қувурлари – бир неча насос агрегатлари босим қувурларидаги сувни қабул қилиб уни сув чиқариш босимли иншоотига узатади. Агар ҳар бир агрегатнинг босим қувури узунлиги 300 м дан ортиқ бўлса, унда 2,3,5 дона насос агрегатларининг босим қувурлари умумий босим қувурларига уланади. Унинг самарали диаметри, техник-иқтисодий ҳисоблар ёрдамида аниқланади.

 Сув чиқариш босимли иншооти - босим қувурларидан чиқаётган сувни қабул қилиб уни сув олиб кетиш машина каналига узатувчи иншоот-дир. Насос агрегати огоҳлантиришсиз тўхтаб қолганда, сувни орқага тушиб кетмаслигини таъминлайди. Унинг ўлчамлари гидравлик ҳисоблар натижасида аниқланади. Сув чиқариш иншоотларининг асосий вазифаси - босимли қувурлардан чиқаётган сувни қабул қилиб, уни машина каналига узатишдан иборатдир.  Насослар тўхтаб қолганда сув чиқариш иншоотидаги сув, орқага қайтиб кетмаслиги учун, сув чиқариш иншооти, тез ёпиладиган сув дарвозалари, дроссел ёки клапан ва сифонлар билан таъминланади.  Сув чикариш иншоотлари асосий вазифасидан ташқари яна қуйдаги вазифаларни бажарадилар  1. Ҳамма босимли қувурлардан келаётган сувни йиғиб машина каналига йўналтиради.  2. Насос агрегати тўхтаб қолганда, сувни орқага қайтмаслигини таъминлайди.  3. Босим қувурларидан чиқаётган ортиқча сув энергиясини сўндиради.  4. Кўтариб берилаётган сув, бир неча машина каналига бўлинадиган бўлса, уни мос равишда бўлинишини таъминлайди.  Сув чиқариш босимли иншоотлари қуйидаги аломатларига қараб классификацияланиши мумкин

 Сув олиб кетиш машина канали – сув чиқариш босимли иншоотидан сувни қабул қилиб уни истеъмолчиларга етказиб берувчи иншоот ҳисобланади.  Суғориш насос станциялари таркибига асосий иншоотлардан ташқари ёрдамчи бинолар, йўллар, кўприклар, ичимлик суви билан таъминлаш қурилмалари, канализация ва иссиқлик тармоқлари, жала-ёмғир сувларини йиғувчи каналлар, станция олдидаги майдон ва бошқалар кириши мумкин.  Иншоотлар таркиби аниқ шароитларга нибатан танланади. Масалан, олиб кетиш канали бошига ўрнатиладиган шлюз-регуляторлар, каналдаги сув сатхини тартибга солиш зарур бўлганда ёки каналнинг сувини қуритиб таъмир ишларини олиб бориш зарур бўлгандагина қурилади. Одатда шлюз-регулятор билан биргаликда балиқларни ҳимоя қилувчи мослама ҳам ўрнатилади. Тиндиргичлар бўғин таркибига, насос станцияси кўтариб берадиган сув таркибида, насос ва унинг ёрдамчи жихозларини ейилишига сабаб бўладиган аброзив лойқалар бўлгандагина киритилади. Сувни лойқалардан тозалаш учун лойқа тутиб қолувчи иншоотлар ва қурилмалар (шағал-тош ва қум тутиб қолувчи) ҳамда тиндиргич-каналлар ҳам гидротехник тармоқ таркибига киритилади.  Насос станцияларини белгиланган жойларга қурилиши, олиб келувчи каналнинг узунлиги, олиб келувчи каналнинг бошида алоҳида турувчи сув ўтказиш иншоотини қуриш, босим қувури узунлиги, диаметри ва ўрнатиш усули техник-иқтисодий ҳисоблар билан асослаб берилади. Масалан, насос станцияси қуриладиган жойни танлаш учун насос станцияси бар неча вариантда жойлаштирилади ва кетадиган ҳаражатлар ҳисобланади. Қайси вариантда ҳаражатлар кам бўлса, шу вариант қурилиш учун қабул қилинади.  Танланган гидротехник тармоқнинг асосий вазифаси - сув истеъмол қилиш графигига мос равишда сувни манбадан олиб уни истеъмолчига етказиб беришдан иборатдир.

REFERAT MAVZULARI  1. Jahonda va O’zbekiston Respublikasida mashinali suv ko’tarish tarixi.  2. O’zbekiston Respublikasi nasos stansiyalari to’g’risida ma’lumotlar.  3. N. S. jixozlari.  4. Maxsus nasoslar.

Похожие

Суғориш тизимларидаги насос станция гидробўғини схемаси. Бўғин элементлари

Насос станция биноси ўлчамларини жихозлар ва хизматчи хоналарини жойлашувига қараб ҳисоблаш

Насос станцияси бинолари турлари. Чуқурлаштирилган насос станцияси бинолари

Насос станциясини эксплуатация қилиш ва автоматлаштириш

«Насослар ва насос станциялари” фанига кириш