Gidrotexnik beton tayyorlash uchun mashinalar va uskunalar tanlash xususiyatlari - Мелиорация - Презентации

Gidrotexnik beton tayyorlash uchun mashinalar va uskunalar tanlash xususiyatlari

Загружено в:

29.05.2023

Скачано:

0

Размер:

243.2685546875 KB

Gidrotexnik beton tayyorlash uchun mashinalar va uskunalar tanlash xususiyatlari Reja: 1. Gidrotexnik inshootlari qurilishida beton ishlari 2. Gidrotexnik beton tayyorlash xususiyatlari 3. Gidrotexnik beton tayyorlash uchun mashinalar va uskunalar tanlash xususiyatlari

Beton ishlarini tashkil qilish va bajarish xususiyatlari Beton va yig’ma temir-beton ishlari o’ziga xos texnologik jarayonlar majmuidan iborat bo’lib, ularni amalga oshirish natijasida ma’lum shakllar va o’lchamlarga ega bo’lgan, mustahkam, tabiiy-iqlim va turli xil ishlab chiqarish omillari ta’sirlariga chidamli inshootlar yoki ularning qismlari vujudga keladi. Betonning suv xo’jaligi qurilish jarayonida qo’llanish tarixi 20 asr boshlariga borib taqaladi va u o’tgan asrning o’rtalaridan boshlab xalq xo’jaligining barcha qurilish jarayonlariga keng ko’lamda kirib bordi. Qurilish sohasida betonning keng doirada qo’llanishi sabablari, uning bir qator ijobiy sifat ko’rsatkichlari bilan bog’liqdir, ya’ni mustahkamligi va uzoq muddat foydalanishga chidamliligi, kerakli darajada atmosfera, iqlim va suv tasiriga chidamliligi, undan turli xil shakldagi konstruksiya va inshootlar vujudga keltirish mumkinligi, tarkibiga metall konstruksiyalari qo’shilganda, uning cho’zilish va egilishga chidamliligining juda yuqori bo’lishi, beton va temir-beton inshootlari qurilish jarayonlarini maksimal darajada mexanizatsiyalash imkoniyati borligi va hokazolar. Gidrotexnik inshootlari qurilishida beton ishlari

Beton ishlarini tashkil qilish va bajarish xususiyatlari Gidrotexnika tizimi qurilishi jadal suratda kengayib, rivojlanib borishi o’z navbatida beton va temir-beton konstruksiyalarining takomillashishiga va ko’p miqdorda qo’llanilishiga ehtiyoj tug’dirmoqda. Gidrotexnika qurilishida beton ishlarini bajarishni tashkil qilishning o’ziga xos hususiyatlari bor. Irrigatsiya tizimlaridagi beton inshootlari turli o’lchamlarda, kattaliklarda bo’lishi va tarqoq holda joylashishi bilan harakterlanadi. Inshootlardagi beton hajmi atagi bir necha m3 dan bir necha ming m3 gacha bo’lishi mumkin. Inshootlarning tarqoq joylashishi, o’z navbatida beton ishlarini tashkil qilish jarayonida bir qator qiyinchiliklarni yuzaga keltiradi. Shu bois, ko’pchilik hollarda ba’zi gidrotexnik inshootlarni holis betonga nisbatan yig’ma temir-beton konstruksiyalaridan tiklash maqsadga muvofiqdir. Beton ishlari majmui tarkibiga beton qorishmasini tayyorlash va uni yotqizish joyiga tashish, qoliplarni va armaturalarni o’rnatish, qorishmani uzatish va joylashtirish, zichlash va yotqizilgan betonni parvarishlash kabi ishlar kiradi. Majmuaning ushbu elementlarini har biri o’ziga xos murakkab texnologik jarayonlardan iborat. Gidrotexnik inshootlari qurilishida beton ishlari

Gidrotexnik inshootlari qurilishida beton ishlari Umuman olganda xalq xo’jaligi ob’yektlarining foydalanish sharoitlariga bog’liq ravishda, ularni qurish jarayonida turli xil guruhlarga mansub, ya’ni o’ta yengil, yengil, og’ir va o’ta og’ir betonlar qo’llanilib kelinmoqda va ularning asosiy ko’rsatkichi bo’lgan zichligi 450 kg/m3 dan 2800 kg/m3 gacha bo’lishi mumkin. Suv xo’jaligi ob’yektlari qurilishida holis beton sifatida yoki yig’ma temir-beton konstruksiyalarini tayyorlashda og’ir betonlar guruhiga kiruvchi, zichligi 2200 kg/m3 dan 2500 kg/m3 gacha bo’lgan – gidrotexnik betonlar keng qo’llaniladi. Davlat chegaralovchi hujjatlarida aniqlik kiritilishicha doimiy yoki davriy ravishda suv ta’sirida bo’lib, inshootning barqaror ish sharoitini ta’minlovchi beton – gidrotexnik beton deyiladi.

Gidrotexnik beton tayyorlash xususiyatlari Beton qorishmasi tarkibidagi suv miqdoriga bog’liq ravishda, uning qovushqoqlik (qo’zg’aluvchanligi) hossasi aniqlanadi va bu ko’rsatkich standart konus cho’kishi (sm.da) yoki qattiqligi (sek. da) bo’yicha belgilanadi. Agar konus cho’kishi (KCH) 0…3 sm oraligida bo’lsa, gidrotexnik beton quyuq (qattiq) hisoblanadi. KCH = 3…6 sm bo’lsa, beton yushmoq va KCH>6 sm bo’lsa oquvchan hisoblanadi. Quyuq betonlar qoliplarda yotqizilishi va zichlanishi ancha qiyinchiliklar tug’diradi, ammo ularni imkoni boricha yaxshi zichlansa, qorishma tarkibida sement miqdori kam bo’lganda ham, yuqori mustahkamlikka erishiladi. Aksariyat hollarda qurilish jarayonida yumshoq betonlar qo’llaniladi, chunki ular xatto zich armaturalangan sharoitlarda ham yaxshi joylashadi va titratgichlar yordamida zichlanadi. Oquvchan betonlar nisbatan kam qo’llaniladi, chunki bunday hollarda kerakli mustahkamlikka erishish uchun qorishma tarkibiga katta miqdorda sement qo’shilishi talab qilinadi. Gidrotexnik inshootlari qurilishida beton ishlari

Gidrotexnik beton tayyorlash xususiyatlari Qurilishda qo’llaniladigan juda ko’p materiallardan beton qorishmasining asosiy farqi shundaki, uni oldindan zahira sifatida tayyorlab qo’yish va uzoq masofalarga tashish imkoniyatlari yo’q. Qorishma tayyorlangandan so’ng, gidrotatsiya, ya’ni qotish jarayoni boshlanguncha, u kerakli joyga yetkazilib, yotqizilib va zichlanishi talab qilinadi. Shu sababli ko’pchilik holatlarda beton qorishmasini bevosita qurilish maydonida yoki unga yaqin masofada tayyorlash tashkil qilinadi. Beton qorishmasini tayyorlash jarayonlari quyidagilardan iborat: materiallarni omborlardan tashish; ularni qadoqlash; beton-qorgichga yuklash; aralashtirish; tayyor mahsulotni transport vositasiga ag’darish. Gidrotexnik inshootlari qurilishida beton ishlari

Betonqorgichlarning asosiy parametrlari va qo’llanilish sharoitlari

Gidrotexnik beton tayyorlash uchun mashinalar va uskunalar tanlash xususiyatlari

Gidrotexnik beton tayyorlashda qo’llaniladigan mashina va uskunalar Qurilish jarayonidagi beton ishlari hajmlari, bajarilish muddatlari va ehtiyojiy jadalliklariga bog’liq ravishda beton qorishmasi quyidagicha tayyorlanadi: – alohida turuvchi ko’chma betonqorgichlarda , beton ishlari hajmi juda kichik, jadalligi 3...6 m3/soat gacha bo’lgan va ob’yekt markaziy bazalar va yirik qurilish maydonlaridan uzoqda joylashgan sharoitlarda; – ko’chma betonqorgich qurilmalarida ishlar bajarilish muddati kam hajmi esa katta bo’lsa, ob’yekt katta maydonlarda joylashib, beton ishlari jadalligi 6...12 m3/soat ni tashkil qilgan sharoitlarda; – statsionar yig’ib-yechiladigan betonqorgich qurilmalari yoki beton zavodlarida beton ishlari jadalligi 12 m3/soat yuqori va davomiyligi 5...6 yilni tashkil qiladigan ob’yektlarda; – alohida loyihalar bo’yicha quriladigan beton qorishmasi tayyorlash zavodlarida .

Gidrotexnik beton tayyorlashda qo’llaniladigan mashina va uskunalar Ular asosan ish hajmi va jadalligi ancha katta bo’lganda markaziy ishlab chiqarish bazalari tarkibida bo’lib (ayniqsa yirik gidrouzellar qurilishida, yig’ma temir–beton konstruksiyalarini tayyorlashda) uzoq muddatga foydalanishga mo’ljallangan bo’ladilar. Beton qorgich qurilmalari o’z tarkibidagi asbob–uskunalarning konstruksiyalari va joylashishlari bo’yicha vertikal yoki gorizontal komponovkalangan sinf turkumlarga ajratilishi mumkin. Qurilma va asbob–uskunalar vertikal joylashtirilishi (komponovkasi) asosan mahalliy topografik sharoitlarga va qurilmalar o’lchamlariga bog’liq bo’ladi. O’z navbatida vertikal komponovkali beton zavodlari yoki qurilmalarida asosiy texnologik jarayonlar bir yoki ikki pog’onali bo’lishi mumkin. Agar, topografik sharoit mos kelsa, barcha qurilma va asbob–uskunalar vertikal bo’yicha ketma–ket qiyalikda maxsus devorlar yordamida o’rnatiladi.

Xulosa Betonning yuqorida aytilgan asosiy hossalari o’zaro bir-biriga bog’liq bo’lib, ular bo’yicha suv xo’jaligi ob’yektlari konstruksiyalarini loyihalash jarayonida, inshootning ishlash sharoiti, unga ta’sir qiladigan turli xil kuchlar va tabiiy-iqlim sharoitlarini inobatga olgan holda beton markalari belgilanadi. Qurilishda qo’llaniladigan juda ko’p materiallardan beton qorishmasining asosiy farqi shundaki, uni oldindan zahira sifatida tayyorlab qo’yish va uzoq masofalarga tashish imkoniyatlari yo’q. Qorishma tayyorlangandan so’ng, gidrotatsiya, ya’ni qotish jarayoni boshlanguncha, u kerakli joyga yetkazilib, yotqizilib va zichlanishi talab qilinadi. Shu sababli ko’pchilik holatlarda beton qorishmasini bevosita qurilish maydonida yoki unga yaqin masofada tayyorlash tashkil qilinadi.

Foydalanilgan adabiyotlar 1. I.Axmedov “Gidromelioratsiya ishlarini tashkil qilish va texnologiyasi” Toshkent 2008 2. www.studfiles.uz 3. www.referat.arxiv.uz

Похожие

Gidrotexnik beton tayyorlash uchun mashinalar va uskunalar tanlash xususiyatlari 2

Gidrotexnik beton tayyorlash uchun mashinalar va uskunalar tanlash xususiyatlari 3

Beton haqida qisqacha tarixiy ocherk. Beton qorishmasini tayyorlash uskunalarini tanlash usullari

Irrigatsiya tizimlari gidrotexnik inshootlari qurilishida beton ishlarini tashkil qilish va bajarish xususiyatlari

Gidromeliorativ inshootlar qurilishidagi yig’ish ishlarida qo’llaniladigan uskunalar va jihozlarni tanlash xususiyatlari