Нуклеин кислоталар - Химия - Презентации

Нуклеин кислоталар

Загружено в:

19.04.2023

Скачано:

0

Размер:

3878 KB

1 Нуклеин кислоталар

Режа: 1. Нуклеин кислоталарнинг аҳамияти ва ўрганиш тарихи 2. Нуклеин кислоталарнинг умумий таркиби. Азот асослари, углевод компонентлари ва фосфат кислота 3. Нуклеозидлар ва нуклеотидлар 4. Нуклеин кислоталарнинг турлари. ДНК структураси ва вазифаси. Чаргафф қоидаси 5. Нуклеотидлар занжирининг комплементар тузилиши 6. РНК хиллари, структураси ва вазифаси 2

Тирик организмдаги ирсий белгиларнинг наслдан-наслга ўтиши, оқсиллар биосинтези каби ҳаётий муҳим процесслар нуклеин кислоталарнинг фаолияти билан боғлиқ. Нуклеин кислоталарни 1869 йили швейцариялик олим Фридрих Мишер аниқлаган. Бу кислоталар биринчи марта ҳужайра ядросидан ажратиб олинганлиги сабабли нуклеин (нуклеус- ядро) деб аталган.3

Нуклеин кислоталар гидролиз қилинганда пурин ва пиримидин типидаги азотли асосларга, пентоза ва фосфор кислотагача парчаланади. Нуклеин кислоталар таркибидаги углеводлар хусусиятига кўра, дезоксирибонуклеин (ДНК) ва рибонуклеин (РНК) кислоталарга бўлинади. Нуклеин кислоталар тез ўсаётган ва ривожланаётган органларда кўп бўлади. 4

Ёш ўсимликлар баргида ва поясининг ўсиш нуқтасида , доннинг муртагида, гулнинг чангдонида, илдиз учларида , нуклеин кислоталар кўп бўлади. А.Н.Белозёрский маълумотларига кўра, нуклеин кислоталар кўкнорининг уруғпалласи (4,6-6,2%); кедр ёнғоғининг мағзи (6,8%); буғдой дони мағзи (7,9%)да кўп бўлади. Кўп ўсимликларнинг барги ва поясида нуклеин кислоталар, одатда, 0,1-1% гача бўлади.5

Нуклеин кислоталар ўзига хос ферментлар, кислоталар, ишқорлар ва бошқа химиявий бирикмалар таъсирида оддий структура бирликларига парчаланади. Бу структура бирликларига азот асосларидан пурин ва пирамидин асослар, углевод компонентларидан рибоза ва дезоксирибоза ҳамда фосфат кислота киради.6

Нуклеин кислоталар таркибида икки хил пурин асослари, яъни аденин ва гуанин учрайди. Бу бирикмалар молекуласи пиримидин ва имидазол ҳалқасидан ташкил топган пуриннинг ҳосилалари ҳисобланади. Бу бирикмалар ўсимликлар таркибида эркин ҳолда ҳам учрайди. Масалан, чой, хмель (қулмоқ) ва бошқа ўсимликлар таркибидан аденин топилган. Гипоксантин (6-кетопурин), ксантин (2,6-дикетопурин), урат кислота (2,6,8-трикетопурин) ҳам пурин ҳосилалари ҳисобланади.7

Пиримидин асосларининг ҳаммаси пиримидин бирикма ҳосиласидир. Нуклеин кислоталар таркибида пиримидин асосларидан цитозин, урацил, тимин, 5-метилцитозин учрайди. Пиримидин асослари ҳам пурин асослари каби енол ва кетон шаклларда учрайди.8

Рибоза ва дезоксирибоза нуклеин кислоталар таркибида учрайдиган ягона углевод эмас. Баъзи манбалардан ажратиб олинган нуклеин кислоталар таркибида оз бўлса ҳам бошқа углеводлар, чунончи, глюкоза учрайди.9

Азот асослар билан углевод компонентларининг бирикишидан ҳосил бўлган бирикмалар нуклеозидлар деб аталади. Пурин асосида ҳосил бўлган нуклеозидлар “озин” қўшимчасини олади. Масалан, аденозин, гуанозин ва ҳоказо. Дезоксирибоза билан бири- кишдан ҳосил бўлган нуклеозид эса дезоксиаденозин , дезоксигуанозин деб аталади.10

Нуклеозидларга бир молекула фосфат кислота қўшилса, янада мураккаброқ бирикмалар – нуклеотидлар ҳосил бўлади. Нуклеин кислоталарни ишқорлар ёрдамида гидролиз қилиш орқали нуклеотидлар олиш мумкин. Нуклеотидлар таркибидаги бирикмалар қуйидаги тартибда жойлашган: пурин ёки пиримидин асоси – углевод компоненти – фосфат кислота. 11

Нуклеотидларнинг номи улар асосининг номига кислота сўзини қўшиши билан ҳосил қилинади. Масалан, аденилат кислота, гуанилат кислота ва ҳоказо. Кўпинча эса нуклеотидларнинг номи нуклеозид сўзига фосфат сўзини қўшиш билан ҳосил қилинади: аденозин- 3-фосфат, аденозин-5-фосфат, гуанозин-3-фосфат ва ҳоказо.12

Нуклеин кислота молекулалари нуклеотид- ларнинг полимерланиши натижасида ҳосил бўлган полинуклеотидлар занжиридан иборат. Бу кислоталарнинг ҳар бири турига хос бўлган юзлаб, минглаб мононуклеотид ўзаро бирикиб, жуда йирик полинуклеотид занжирлар ҳосил қилади. Шундай қилиб, нуклеин кислоталар химиявий тузилишига кўра, полирибонуклеотидлар (РНК) ва полидезоксирибонуклеоти длар (ДНК)дан иборат.13

Нуклеин кислоталарнинг молекуляр оғирлигига қараб, таркибидаги нуклеотидлар сони ҳар хил бўлади. Агар нуклеотиднинг ўртача молекуляр массаси 330 га тенг бўлса, йирик молекулали ДНКнинг поликонденсация коэффиценти бир неча ўн мингга тенг бўлади. Юқори молекулали РНКнинг поликонденсация коэффиценти ҳам бир неча мингга тенг. 14

Вирус ва бактериялардан ташқари, барча тирик организмлардаги ДНК ҳужайра ядросида жойлашган. Ҳужайра органоидларида – хлоропласт ва митохондрийларда ҳам озроқ ДНК бўлиши кейинги йилларда аниқланди. Хлоропластлардаги ДНК физик хоссаларига ва нуклеотидли таркибига кўра ядродаги ДНК физик хоссаларига ва нуклеотидли таркибига кўра ядродаги ДНКдан фарқ қилади. 15

ДНКнинг молекуляр массаси жуда катта бўлиб, бир неча ўн миллиондан юз миллионгача етади. ДНК тирик организмларда ирсий белгиларни сақлаш ва наслдан-наслга ўтказиши исботланган. ДНКнинг нуклеотидли таркиби, яъни унинг бирламчи структураси ҳар хил манбалардан ажратиб олинган ДНКда яхши ўрганилган. ДНК молекуласида азот асосларидан аденин, гуанин, цитозин, тимин, углевод компонент- ларидан дезоксирибоза ва фосфат кислота бўлади.16

ДНК таркибидаги нуклеотидларнинг ўзаро муносабати маълум қонуниятларга бўйсунади. Бу қонуниятларни дастлаб америкалик олим Чаргафф аниқлаган бўлиб, Чаргафф қоидаси деб аталади. Бу қоида қуйидагича: 1.Адениннинг моляр миқдори тиминнинг моляр миқдорига ёки уларнинг нисбати 1 га тенг: А:Т =117

2. ДНК таркибидаги гуаниннинг моляр миқдори цитозиннинг моляр миқдорига ёки уларнинг нисбати 1 га тенг: Г:Ц=1 3. ДНКдаги пурин асослари йиғиндиси пиримидин асослари йиғиндисига тенг: А + Г :Т+ Ц =1 18

4. Пурин ва пиримидин асосларининг олтинчи углерод атомидаги амин ва кето гуруҳлари бир-бирига тенг: Г+Т : =А+Ц =1 5. ДНК таркибидаги гуанин ва цитозиннинг моляр концентрацияси йиғиндисининг аденин ва тиминнинг моляр концентрацияси йиғиндиси бўлган нисбатан Г+Ц:А+Т=1 ўзгарувчан бўлади. Ҳайвонлар, ўсимликлар ва микроорганзмлар ДНКсидаги бу нисбат ҳар хил бўлганлиги учун у тур спецификлиги коэффиценти деб аталади.19

Баъзи турлар ДНКсидаги аденин билан тиминнинг йиғиндиси гуанин билан цитозиннинг йиғиндисидан ортиқ ёки спецификлик коэффиценти бирдан кичик бўлади. Бундай ДНК АТ типга киради. АТ типдаги ДНК барча ҳайвонларга, ўсимликлар ва кўпчилик микроор - ганизмларга хос. 20

Бошқа турга кирадиган организмларда эса аксинча, гуанин билан цитозиннинг йиғиндиси аденин билан тиминнинг йиғиндисидан ортиқ ёки спецификлик коэффиценти бирдан катта бўлади. Бундай ДНК ГЦ типга мансуб бўлади. Баъзан нуклеотидлар сони тенг бўлган ДНКлар ҳам учрайди. ГЦ типдаги ДНК ҳайвонлар билан юксак ўсимликларда бутунлай учрамайди, аммо микроорганизмларда, айниқса, бактерияларда кенг тарқалган.21

1953 йили Д.Уотсон ва Ф.Крик ДНКнинг химиявий тузилиши, Чаргафф қоидалари ва Уилкинснинг ренгенструктура анализи маълумотларига асосланиб, ДНКнинг структура моделини яратдилар. Бу моделга асосан ДНК молекуласи қўш спираль ҳосил қилувчи иккита полинуклеотид занжирдан ташкил топган. Ҳар иккала занжир битта умумий ўққа эга бўлиб, диаметри 20 А 0 га тенг. 22

Полинуклеотид занжирнинг пенто - зафосфат гуруҳлари спиралнинг ташқи томонидан, азот асослари эса ички томонидан жойлашган. Агар полинуклеотид занжирлардаги пентоза билан фосфат кислота ўртасидаги боғ ҳисобга олинса, унда занжирлар бир-бирига нисбатан тескари йўналган бўлади.23

ДНК молекуласидаги аденин миқдори ҳар доим тимин миқдорига тенг ва гуанин миқдори цитозин миқдорига тенг бўлади. Бу ўз навбатида Уотсон ва Крикнинг структура назариясига Чергафф қоидалари мос эканлигини кўрсатади.24

ДНКнинг бир занжирдаги нуклеотидларнинг кетма-кет келиши иккинчи занжирдаги нук - леотидларнинг кетма-кетлигини таъминлайди ёки улар бир-бирини тўлдирувчи бўлади. Масалан, бир занжирдаги нуклеотидлар АТГТЦ тартибда бўлса, бошқа занжирдаги нуклеотидлар ТАЦАГ тартибда бўлади. Шунинг учун ДНК молекуласи иккита комплементар ёки бир- бирини тўлдирувчи занжирдан ташкил топган деб қаралади. ДНКнинг тузилишидаги бу хусусият ирсий белгиларнинг наслдан-наслга ўтишида ва оқсилларнинг биологик синтезида муҳим аҳамиятга эга.25

Рибонуклеин кислоталар ҳужайранинг ҳамма қисмида учрайди. Лекин уларнинг асосий қисми рибосомаларда тўпланган. Ҳужайра таркибида учрайдиган РНКлар молекуласининг массаси, химиявий тузилиши ва функциясига қараб бир- биридан фарқ қилади. Ҳужайрада асосан уч хил РНК учрайди.26

1. Ҳужайрадаги РНКнинг 80 фоизга яқинини рибосома РНК (р-РНК) ташкил қилади. Рибосома РНК ҳужайранинг махсус органоиди - рибосомаларда тўпланган. р-РНКнинг молекуляр массаси анча катта бўлиб, 1,5-2 млн га тенг ва 4000-6000 мононуклеотид қолдиғидан ташкил топган. р-РНК ҳужайрада оқсиллар билан бириккан ҳолда учрайди.27

2. РНКнинг иккинчи тури эрувчан РНК (s-РНК) ёки транспорт қилувчи РНК (т-РНК) деб аталади. Бу умумий РНКнинг 15 фоизга яқинини ташкил қилади. Эрувчан РНК айрим аминокислотларни оқсил синтез қиладиган жойга ташиш вазифасини бажаради. Ҳар бир аминокислотанинг ўзига хос т-РНКси бор. Т-РНКларнинг молекуляр массаси анча кичик (25000-35000 атрофида) бўлиб, улар 60-90 мононуклеотид қолдиғидан ташкил топган.28

3. РНКнинг учинчи тури информацион РНК (и-РНК) ёки воситачи РНК (т-РНК) дейилади. и-РНК ядрода синтез қилинади. Унинг нуклеотидли таркиби ядродаги ДНК нуклеотидли таркибининг аниқ нусхаси ҳисобланади. Бу РНК ДНК молекуласидаги информацияни оқсил синтез қиладиган жойга-рибосомаларга олиб боради. Шунинг учун ҳам у информацион РНК деб аталади. 29

РНК молекуласи битта полинуклеотид занжирдан ташкил топган бўлиб, унинг фазовий конфигурацияси анча беқарор бўлади. РНК молекуласи полинуклеотид занжирларининг баъзи қисмлари бир- бирига яқин келиб, ўзаро водород боғлар билан бирикади ва спираль структура ҳосил қилади. Бу структуралар РНК типларига қараб ҳар хил шаклда бўлади.30

Кейинги йилларда молекуляр массаси унча катта бўлмаган айрим т-РНКларнинг бирламчи ва иккиламчи структураси аниқланди. Т-РНКларнинг полинуклеотид занжири бир неча ўнлаб нуклеотид қолдиғидан ташкил топган бўлиб, ҳар доим эркин фосфат кислотаси бўлган гуанозин қолдиғи билан бошланади ва цитидин фосфат ва адеин фосфат (ЦЦА)дан ташкил топган стандарт группа билан тугайди. Булар орасида эса маълум шаклда бўлган т-РНК молекуласининг қолган нуклеотид қолдиқлари жойлашади.31

РНКнинг бошқа турлари, масалан, юқори молекулали рибосома – РНК ва информацион - РНК бошқача структура тузилишга эга. Бу РНКларнинг молекуласида спираллашган қисмлар билан бир қаторда спираль бўлмаган қисмлар ҳам учрайди. РНКнинг макромолекулалари ҳар хил структурага эга бўлиши мумкин. Ҳужайрада РНК оқсил билан бириккан ҳолда бўлади.32

Эътиборингиз учун раҳмат!33

Похожие

Нуклеин кислоталар

Нуклеин кислоталар биокимёси

Карбон кислоталар

Карбон кислоталар

Ароматик карбон кислоталар