Bug’lantirgich qurilmalari - Тепловая инженерия - Презентации

Bug’lantirgich qurilmalari

Загружено в:

06.02.2023

Скачано:

0

Размер:

995.205078125 KB

BUG’LANTIRGICH QURILMALARI Reja: • 1. Bug‘latgich qurilmalar • 2. Bir korpusli vakuum-bug‘latgichlar • 3. Ko‘p korpusli vakuum-bug‘latgichlar

BUG‘LATGICH QURILMALAR. Bug‘latish qurilmalari korpuslar soni, ichki bosim, isitish kamerasining konstruksiyasiga qarab o‘zaro farqlanadi. Yuqori sifatli, rangi, ta’mi, xushbo‘yligi yaxshi bo‘lgan mahsulotlarni tayyorlash uchun bug‘latish jarayoni vakuum- bug‘latish qurilmalarida o‘tkaziladi. Bunday qurilmalarda bosim atmosfera bosimidan past bo‘lib mahsulotning qaynash harorati 100 0 C dan past bo‘ladi. Vakuum sharoiti kondensatorlar va vakuum-nasoslar yordamida hosil qilinadi. Bir kopusli vakuum bug‘latish qurilmalarining sxemasida qurilmani kondensator va vakuum-nasos bilan bog‘lovchi barcha kommunikatsiyalar ko‘rsatiladi. Bir korpusli qurilmalarda mahsulot bitta korpusda kondensatlanadi, bug‘lar esa kondensatorga yuboriladi. Ko‘p kopusli vakuum-qurilmalarda mahsulot ketma-ket bir necha korpusda qaynatiladi, ikkilamchi bug‘lar keyingi korpuslarda ishlatiladi.

Vakuum-qurilmalarning korpusi ko‘pincha silindrsimon, qopqog‘i va tubi sferik yoki konussimon shaklda bo‘ladi. Korpusning sig‘imi qurilmaning ishlab chiqarish quvvati va ishlash tartibiga bog‘liq. Issiqlik almashinuvining jadalligi yetarli bo‘lishi uchun isitish sirt maydoni va foydali hajmning o‘zaro nisbati imkon qadar katta bo‘lishi kerak. Vakuum qurilmaning korpusi mis va zanglamaydigan po‘latdan tayyorlanadi. Isitish kameralarining konstruksiyasi mahsulotning xususiyatlariga ko‘ra tanlab olinadi. Quyuq mahsulotlarni qaynatish uchun ikki devorli isitish kameralari ishlatiladi. Bunday qurilmalarda mahsulotni aralashtirish uchun mexanik aralashtirgichlar bo‘ladi. Suyuq mahsulotlarni bug‘latish uchun quvurli isitish kameralari korpus ichiga yoki uning tashqi tomoniga o‘rnatiladi. Isitish kameralariga bug‘ bir necha joydan kiritilganda mahsulot bir xil qiziydi .

BIR KORPUSLI VAKUUM- BUG‘LATGICH

BIR KORPUSLI VAKUUM- BUG‘LATGICHLAR. Qurilma asosan isitish kamerasi va separatordan tashkil topadi. Isitish kamerasi separatordan alohida holatda joylashgan bo‘lishi ham mumkin. Bunda isitish kamerasi va separator quvur orqali birlashtiriladi. Kamera odatda to‘yingan suv bug‘i bilan isitiladi. Bug‘ quvurlar tashqarisidagi bo‘shliqqa kiradi, bu yerda kondensatsiyalanish jarayoni yuz beradi va ajralib chiqqan issiqlik quvuri devorlari orqali eritmaga beriladi. Hosil bo‘lgan kondensat kameraning pastki qismida joylashgan patrubka orqali tashqariga chiqariladi.

• Bug‘latilayotgan mahsulot (eritma) isitish quvurlari orqali yuqoriga ko‘tariladi. • bunda eritma qaynaydi, natijada ikkilamchi bug‘ hosil bo‘ladi. Separatorda suyuqlikdan ajralgan ikklamchi bug‘ uning yuqorigi qismidan tashqariga chiqariladi. Suyuqlikning bir qismi markaziy sirkulyatsiya quvuri orqali qurilmaning pastki qismiga tushadi. Markaziy quvurdagi suyuqlik eritma va isitish quvurlari ichidagi bug‘-suyuqlik emulsiyasi zichliklari o‘rtasidagi farq ta’sirida uzluksiz ravishda sirkulyatsiya bo‘lib turadi. Quyuqlashtirilgan eritma qurilmaning pastki qismida joylashgan patrubka orqali tashqariga chiqariladi. • Ayrim bug‘latish qurilmalarida markaziy sirkulyatsiya quvuri Bo’lmaydi.

KO‘P KORPUSLI VAKUUM- BUG‘LATGICHLAR. Mahsulotlarni quyuqlashtirish uchun ko‘p korpusli bug‘latish qurilmalari keng ishlatiladi. Bunday qurilmalar isituvchi bug‘ning issiqligidan bir necha bor foydalanishga asoslangan. Bunda birinchi qurilmaga isituvchi bug‘ berilsa, ikkinchi qurilmani isitish uchun birinchi qurilmadan chiqayotgan ikkilamchi bug‘ ishlatiladi, uchinchi qurilmani isitish uchun esa ikkinchi qurilmadan chiqayotgan ikkilamchi bug‘ ishlatiladi va hokazo. Oxirgi qurilmadan chiqayotgan ikkilamchi bug‘ kondensatorga yuboriladi. Korpuslarning soni ko‘payishi bilan 1 kg suvni bug‘latish uchun zarur bo‘lgan isituvchi bug‘ning sarfi kamayib boradi.

KO‘P KORPUSLI QURILMALAR SXEMALARI. Oxirgi qurilmadagi ikkilamchi bug‘ning bosimiga ko‘ra ko‘p korpusli bug‘latish qurilmalari vakuum va yuqori bosim ostida ishlaydigan turlarga bo‘linadi. Sanoatda asosan bir xil yo‘nalishli qurilmalar ishlatiladi, chunki ular eng tejamli hisoblanadi. Bunday qurilmalar kichik parametrli birnecha korpusdan tashkil topgan. Istgichda qaynash haroratigacha qizdirilgan dastlabki eritma qurilmaning birinchi korpusiga beriladi. Birinchi korpusda hosil bo‘lgan ikkilamchi bug‘ isituvchi agent sifatida ikkinchi korpusga beriladi. Ikkinchi korpusdagi bosim birinchi qurilmadagiga nisbatan ancha past haroratda qaynaydi. 2-korpusda bosim ancha past bo‘lganligi sababli, 1-korpusda qisman bug‘langan eritma o‘z-o‘zidan ikkinchi korpusga o‘tadi va mahsulot ikkinchi korpusda qaynash haroratigacha soviydi. Bunda issiqlik ajralib chiqadi; natijada ma’lum miqdorda qo‘shimcha ikkilamchi bug‘ hosil bo‘ladi. Ikkinchi korpusda bug‘latilgan mahsulot uchinchi korpusga o‘z-o‘zicha o‘tadi. Uchinchi korpusni isitish uchun ikkinchi korpusdan chiqayotgan ikkilamchi bug‘ ishlatiladi. Oxirgi qurilmadan chiqayotgan ikkilamchi bug‘ barometrik kondensatorga uzatiladi. Bu yerda bug‘ning kondensatsiyalanishi natijasida tegishli vakuum hosil qilinadi. Havo va kondensatsiyalanmay qolgan gazlar issiqlik almashinish jarayonini susaytiradi. Shu sababli sovituvchi agent (suv) bilan, korpuslarning zichligi past joylari orqali vakuum-nasos yordamida so‘rib olinadi. Kondensatordagi qoldiq bosimning qiymati suv haroratining o‘zgarishi bilan o‘zgaradi.

UCH KORPUSLI VAKUUM- BUG‘LATISH QURILMALARI. • Siqilgan ikilamchi bug‘ bilan ishlaydigan vakuum-bug‘latgichlar nasosli vakuum- qurilmalar yoki kompression vakuum-bug‘latish qurilmalari deb nomlanadi. • “ Lang” bug‘latish qurilmasida (Italiya) tomat pasta 30% quyuqlashtiriladi. Qurilma 3 korpusdan iborat. Qurilmaning mahsulotga yondashadigan barcha qismlari va kommunikatsiyalari zanglamaydigan po‘latdan yasaladi. 1- va 2-korpuslarning isitish kameralari vertikal quvurlardan iborat, uning markazida sirkulyatsion quvur o‘rnatiladi. • Quruq moddasining miqdori 5% bo‘lgan tomat pulpasi nasos orqali birinchi vakuum- qurilmaga uzluksiz yuklanadi. Bu yerda mahsulot 8-10% gacha (quruq modda hisobida) quyuqlashtiriladi. Bosimlarning farqi hisobidan mahsulot ikkinchi korpusga o‘tadi va quruq moddasi 15-16% gacha quyuqlashtiriladi. Ikkinchi qurilmadan mahsulot nasos bilan uchinchi qurilmaga yuboriladi va quruq moddasi 30% ga yetkaziladi. Tayyor mahsulot avtomat ravishda qurilmadan nasos orqali yig‘uvchiga tushiriladi.

Uchinchi qurilmada mahsulotning quruq moddasi elektron refraktometr yordamida aniqlanadi. Refraktometr sirkulyatsion quvurda o‘rnatiladi. Mahsulot (quruq moddasi 30%) sirkulyatsion quvurda harakatlanganda elektron refraktometr elektron klapanga impuls yuboradi va chiqish teshigi ochiladi. Nasos yordamida mahsulot qurilmadan tushiriladi. 1-korpusning isitish kamerasiga keladigan bug‘ bosimi 0,12-0,15 MPa ni tashkil etadi. Bug‘ning kelishi termostatik regulyator yordamida ikkilamchi bug‘ning haroratiga nisbatan boshqariladi. Ikkilamchi bug‘ning harorati 60C dan oshganda elektromotor klapani yopiladi va bug‘ning kelishi to‘xtatiladi. Bosimi 50-60 kPa, harorati 85-96C bo‘lgan ikkilamchi bug‘ 2 va 3-korpuslarning isitish kameralariga yuboriladi, so‘ngra kondensat yig‘uvchiga yig‘iladi va kondensatorga o‘tkaziladi. Ikkinchi va uchinchi qurilmadan ikkilamchi bug‘lar (R=6-12 kPa) yarim barometrik kondensatlarga yuboriladi. Bu yerda ular suv bilan sovitiladi. Harorati 15-18C bo‘lgan sovitadigan suv bosimlar farqi tufayli kondensatorga tushadi. Dag‘al aralashmani ajratish uchun filtrdan o‘tkaziladi. Kondensatordagi yig‘ilgan havo vakuum-nasos yordamida chiqariladi. Uchinchi bug‘latish qurilma ham zanglamaydigan po‘latdan tayyorlanadi. Uning isitish kamerasi oltita bir- birining ichiga joylashtirilgan silindirlardan iborat. Silindrlar devorlari orasidagi masofa 50 mm, balandligi 490-500 mm ni tashkil etadi.

Umumiy isitish maydoni 14,5-16 m2 bo‘lgan silindrlar bug‘ olish uchun 2-kollektor va kondensatni chiqarish uchun 2 kollektor bilan birlashtiriladi. Mahsulotni yaxshi isitish uchun aralashtirgich mavjud. Uning parraklari silindrlarning orasida harakatlanadi. Shu maqsadda ham mahsulot sirkulyatsion nasos yordamida qurilmaning pastidan chiqib, quvur orqali isitish kamerasining yuqorisidan yana qurilmaga tushadi. Tomat xalimini tayyorlash uchun qo‘llaniladigan vakuum-bug‘latish qurilmasining tuzilishi 72-rasmda keltirilgan. Uch korpusli vakuum-bug‘latish qurimalarida tomat xalimining quruqlik miqdori 30% gacha yetkaziladi. Qurilma ta vakuum-bug‘latish I-III bo‘limidan tashkil topgan. Qurulmani tomat xalimiga tegib turadigan barcha qismlari faqat zanglamaydigan pulatdan tayyorlangan. I-II vakuum qurilmalari ikkita quvurli plitalar bilan qotirilgan vertikal quvurlardan tashkil topgan quvurli isitish kameralariga ega. Quvurlar o‘rtasida serkulyatsiya quvuri o‘rnatilgan. Qurilmaning III-korpusi uzukli ikki devorli seksiyalarga bo‘lingan isitish kameralaridan tuzilgan. Qurilmaning ishlash jarayoniga ko‘ra tarkibi 5% li quriuqlik miqdoriga ega bo‘lgan tomat xalimi 10 nasos yordamida to‘xtovsiz ravishda vakuum apparatning I-korpusiga quyiladi bu korpusda massaning quruqlik miqdori 8-10% gacha yetkaziladi, so‘ngra bosimning farqi sababli qurulmaning II-korpusigi o‘tkaziladi va massaning quruqlik miqdori 15-16% ga yetkaziladi. II-korpusdan 11-nasos yordamida III-korpusga o‘tkaziladi va quruqlik miqdori 30% gacha yetkaziladi. So‘ngra massa III-korpusdan massa 12 nasos yordamida yig‘uvchi isitgichga to‘kiladi. Vakuum-qurilmadagi massaning quruqlik miqdori mahsulot aylanadigan sirkulyatsiya quvuriga o‘rnatilgan va elektron boshqariladigan refraktometr yordamida aniqlanadi. Tomat xalimi 13 nasos yordamida ko‘chirilib quriqlik miqdori 30% yetganida 14 elektron refraktometr, 15 elektron klapan ochilib korpusdan 12 nasos yordamida chiqarib yuboriladi.

Isitish bug‘i 0,12-0,15 MPa bosim bilan I-korpusga uzatiladi va kondensatsiyalanib 6 kondensat chiqaruvchi yordamida chiqariladi. Korpusdagi suv bug‘ining uzatilishi 16 termostatik boshqargich yordamida nazorat qilinadi. Bosimi 50-60 kPa va harorati 85-86  C bo‘lgan ikkilamchi bug‘i (I-korsusdagi mahsulot qaynashi natijasida hosil bo‘lgan suv bug‘i), I-korpusdan II va III- korpusning isitish kameralariga uzatilib kondensatsiyalanadi va 5 kondensat chiqaruvchi yordamida 1 kondensatorga uzatilib 3 markazdan qochma nasos yordamida chiqarib yuboriladi. Kondensatorda sovutish uchun beriladigan 15-18  C suv 9 bakdan 8 filtr orqali tozalanib uzatiladi. Kondensatordagi havo 2 tomchi tutqichda tutilib 4 vakuum nasos, yig‘gichdan esa 7 vakuum nasos yordamida chiqariladi. Vakuum-qurilmalardagi rejimlar quyidagicha bo‘ladi: Qurilma korpusi I II III. Vakuum, Pa 46662,7 89325,8 9325,7 Qaynash harorati,  C 85-86 45-48 46-50

UCH KORPUSLI VAKUUM- BUG‘LATISH QURILMASI

NAZORAT SAVOLLARI: • 1. Bug‘latish qurilmalari qaysi ko‘rsatkich bo‘yicha turlarga bo‘linadi? • 2. Bir korpusli vakuum-qurilmaning tuzilishi, ishlash tamoyili. • 3. Barometrik kondensator nima maqsadda ishlatiladi? • 4. Ikklamchi bug‘ qayerda hosil bo‘ladi va nima uchun ishlatiladi? • 5. Bug‘latish qurilmasining tuzilishi. • 6. Ko‘p korpusli bug‘latish qurilmalarida isitish agenti sifatida nima ishlatiladi? • 7. Uch korpusli vakuum-bug‘latgichlarning tuzilishi va ishlash tamoyili. • 8. Ko‘p korpusli vakuum bug‘latish qurilmalarida mahsulotning harakatlanishi qanday kechadi? • 9. Ko‘p korpusli vakuum-bug‘latish qurilmalarida bug‘ning harakatlanishi. • 10. Mahsulotning qaynash harorati necha darajani tashkil etadi?

Похожие

Issiqlik apparatlari. Quritish apparatlari. Qadoqlash mashinalari. Berkitish avtomatlari

Issiqlik nasosi qurilmasi yordamida past potensialli issiqlikdan foydalanish

Quritish uskunalarining tuzilishi, ularda foydalaniladigan issiqlik tashuvchilar

Domna jarayoni mahsulotlari

Иссиқ сув таьминоти тизимлари