Tadbirkorlik faoliyatini davlat tomonidan tartibga solish va nazorati qilish - Экономика - Презентации

Tadbirkorlik faoliyatini davlat tomonidan tartibga solish va nazorati qilish

Загружено в:

07.05.2024

Скачано:

0

Размер:

1931.87890625 KB

T a d b i r k o r l i k f a o l i y a t i n i d a v l a t t o m o n i d a n t a r t i b g a s o l i s h v a n a z o r a t i q i l i s h

Reja: 1. Tadbirkorlik subyektlari faoliyati ustidan davlat nazoratini oʻrnatish zaruriyati, tushunchasi va tamoyillari 2. Tadbirkorlik subyektlari faoliyati ustidan davlat nazoratining shakllari 3. Tadbirkorlik subyektlarini tekshirish asoslari, turlari va rasmiylashtirish 4. Tadbirkorlik hisobotlari

MAVZUNING NAZARIY VA AMALIY AHAMIYATI Mavzuning nazariy dolzarbligi Oʻzbekiston Respublikasi Prezidentining nutqlari asosida mamlakatimizdagi tadbirkorlikni erkinlashtirish va tekshirishlarni qisqartirish sohasidagi islohotlar mohiyati Statistik maʼlumotlar Mavzuning amaliy ahamiyati Tadbirkorlik subyektlarini tekshirish asoslari, tartibi va tekshirishlarni roʻyxatga olish kitobida qayd etmaslik oqibatlari haqida huquqni qoʻllash amaliyotidan misollar Talabalarga bevosita taʼsir qiluvchi amaliy savollar

IQTISODIYOTNING DAVLAT TOMONIDAN TARTIBGA SOLINISHI MARKET Failure –iqtisodiyotga umuman aralashmaslik GOVERNMENT Failure –hukumat tomonidan har bir jarayonni tartibga solish

MAVZUNING AMALIY AHAMIYATI Ohangaron tuman Davlat soliq isnpeksiyasi tomonidan “Ohangaron don” OAJda 2012-yil 28- martda hujjatli taftish oʻtkazilgan. Hujjatli taftish tayinlash toʻgʻrisidagi prokuraturaning qarorida tekshirish davri 2011-yil 1-yanvardan 2011-yil 12-dekabrgacha belgilangan boʻlsa-da, javobgar 2011-yil 1-yanvardan 2011-yil 31-dekabrgacha boʻlgan davrni (12-dekabrdan keyingi davrni ham noqonuniy) tekshirgan. Tekshirishning qonuniyligiga baho bering? 1. Sizga qarashli tadbirkorlik subyektiga tekshiruvchi organlar kelib qolganda ulardan qanday hujjat talab qilasiz? 2. Soliq organlari rejadan tashqari tekshiruviga qanday holatlar asos boʻladi? 3. Tekshirish davriyligini buzish qanday oqibatga olib keladi? 4. Tadbirkorlik subyektlari tekshirishlar qonuniyligini qanday aniqlaydi va oʻzini noqonuniy tekshirish dan qayday himoya qiladi?Amaliy misol Amaliy savollar29 11 1B 11 11 0233 07 1E 0A 04

Davlat boshqaruvi Davlat iqtisodiyotni toʻgʻridan-toʻgʻri yoki bilvosita boshqarib boradi. Maʼmuriy taʼsir: litsenziyalash, Soliq, bojxona tariflari orqali taʼsir qilish, Kvotalash, Tekshirishlar, Davlat roʻyxatidan oʻtkazish Standartlashtirish, sertifikatlatlash va hk.

Davlat nazorati Davlat nazorati - davlatning iqtisodiyot va tadbirkorlik faoliyatini tartibga solish vositasidir. Davlat nazorati davlat organi tomonidan amalga oshiriladi, uni davlat hokimiyatini amalga oshirish shakli sifatida koʻrish mumkin.

Toʻgʻridan-toʻgʻri davlat nazorati (nazorat predmetiga koʻra): Soliq nazorati Litsenziyalovchi organ nazorati Valyuta nazorati

Tadbirkorlik subyektlari faoliyati ustidan davlat nazorati tushunchasi, prinsiplari va huquqiy asoslari Tadbirkorlik subyektlari faoliyati ustidan davlat nazorati deganda tijorat va notijorat tashkilotlar tomonidan tadbirkorlik faoliyatini amalga oshirishda normativ-huquqiy hujjatlar talabiga rioya qilinishi ustidan tekshirish va kuzatish tizimi tushuniladi.

XOʻJALIK YURITUVCHI SUBYEKTLAR FAOLIYATINI DAVLAT TOMONIDAN NAZORAT QILISHNING ASOSIY PRINSIPLARI QUYIDAGILARDAN IBORAT: nazorat qiluvchi organlar faoliyatida qonuniylik, xolislik va oshkoralik; xoʻjalik yurituvchi subyektlarning faoliyatiga aralashmaslik.yuridik va jismoniy shaxslarning huquqlari va qonuniy manfaatlarini himoya qilish • tadbirkorlik subyekti huquqlarining ustuvorligi, unga muvofiq qonunchilikda tadbirkorlik faoliyatini amalga oshirish bilan bog‘liq holda yuzaga keladigan barcha bartaraf etib bo‘lmaydigan ziddiyatlar va noaniqliklar tadbirkorlik subyektining foydasiga talqin etiladi.

Tadbirkorlik subyektlari faoliyati ustidan davlat nazoratining huquqiy asoslari Tadbirkorlik subyektlari faoliyatini davlat tomonidan nazorat qilish bilan bogʻliq munosabatlar: • O‘zbekiston Respublikasining Qonuni, 24.12.1998 yildagi 717-I-son “Xoʻjalik yurituvchi subyektlar faoliyatini davlat tomonidan nazorat qilish toʻgʻrisida” • 27.07.2018 yildagi PF-5490 ,“Tadbirkorlik subyektlarining huquqlari va qonuniy manfaatlarini himoya qilish tizimini yanada takomillashtirish chora-tadbirlari to‘g‘risida” • 15.03.2019 yildagi PF-5690-son , “Tadbirkorlik faoliyatini himoya qilish tizimini tubdan takomillashtirish va prokuratura organlari faoliyatini optimallashtirish chora-tadbirlari to‘g‘risida” • 15.09.2021 yildagi PF-6314-son , “Tadbirkorlik subyektlari uchun ma’muriy va soliq yukini yanada kamaytirish, biznesning qonuniy manfaatlarini himoya qilish tizimini takomillashtirish chora-tadbirlari to‘g‘risida” • 13.09.2022 yildagi PQ-374-son , “Tadbirkorlik subyektlari faoliyatida tekshiruvlar o‘tkazishni muvofiqlashtirish tartibini takomillashtirish chora-tadbirlari to‘g‘risida” • 19.10.2022 yildagi 611-son , “Nazorat qiluvchi organlar tomonidan tadbirkorlik subyektlari faoliyatida davlat nazoratini tashkil etish bo‘yicha qo‘shimcha chora-tadbirlar to‘g‘risida” • https://govcontrol.uz YAGONA DAVLAT NAZORATI • https://biznesvakil.uz/uz/

TADBIRKORLIK SUBYEKTLARM FAOLIYATINI DAVLAT TOMONIDAN NAZORAT QILISH QUYIDAGI YOʻLLAR BILAN AMALGA OSHIRILADI:  tekshirish, shu jumladan taftish , nazorat tartibida tekshirish ;  statistika axborotlarini va boshqa axborotlarni tahlil qilish;  idora qaramogʻidagi organlarni tekshirishdan oʻtkazish.  Xo‘jalik yurituvchi subyektlar faoliyatini statistika axborotlarini va boshqa axborotlarni tahlil qilish orqali davlat tomonidan nazorat qilish, shuningdek idora qaramog‘idagi organlarni tekshirishdan o‘tkazish qonunchilikka muvofiq amalga oshiriladi.

Nazorat qiluvchi organlar - tadbirkorlik subyektlari faoliyatini davlat tomonidan nazorat qilishga qonun hujjatlari bilan vakolat berilgan vazirliklar va idoralardir. Nazorat qiluvchi organlar va ularning vakolatlari

Soliq, moliya, prokuratura, ichki ishlar, bojxona, statistika organlari va davlat nazorat inspeksiyalari nazorat qiluvchi organlar sirasiga kiradi.

Tekshiruvchi mansabdor shaxslarga qoʻyiladigan talablar Xoʻjalik yurituvchi subyektlar faoliyatini tekshirish nazorat qiluvchi organlarning mansabdor shaxslari tomonidan amalga oshiriladi. Nazorat qiluvchi organlarning mansabdor shaxslari qonun hujjatlarida belgilangan tartibda attestatsiyadan oʻtkazilishlari lozim. Nazorat qiluvchi organlar mansabdor shaxslarining xoʻjalik yurituvchi subyektlar faoliyatini tekshirishiga belgilangan namunadagi maxsus guvohnoma va ushbu Qonunning 9 va 12-moddalarida nazarda tutilgan asoslar mavjud boʻlgani taqdirda yoʻl qoʻyiladi. Tekshiruvga auditorlar tashkilotlari va (yoki) ekspertlar jalb etilgani taqdirda nazorat qiluvchi organning mansabdor shaxsi tomonidan nazorat qiluvchi organ va auditor tashkiloti va (yoki) ekspert oʻrtasidagi shartnomaning koʻchirma nusxasi albatta taqdim etiladi. Shartnomada auditor va (yoki) ekspertning familiyasi, ismi, otasining ismi, ish joyi va lavozimi koʻrsatilgan boʻlishi kerak. Auditorlik va (yoki) ekspert xulosasining toʻgʻriligi va uning qonun hujjatlariga muvofiqligi uchun auditorlik tashkiloti va (yoki) ekspertning javobgarligi, tuziladigan shartnomaning zaruriy sharti hisoblanadi. Auditorlik tekshiruvlari va ekspertizalarni oʻtkazish xarajatlari nazorat qiluvchi organlar hisobiga amalga oshiriladi.

MAXSUS VAKOLATLI ORGANNING ASOSIY VAZIFALARI QUYIDAGILARDAN IBORAT: xoʻjalik yurituvchi subyektlar faoliyatini tekshirish masalalari boʻyicha nazorat qiluvchi organlar faoliyatini muvofiqlashtirish; xoʻjalik yurituvchi subyektlar faoliyatini tekshirishning, shu jumladan kompleks tekshiruvlar hamda taftishlarning nazorat qiluvchi organlar bir-birining ishini takrorlashiga yoʻl qoʻymaydigan muvofiqlashtiruvchi rejalarini ishlab chiqish; nazorat qiluvchi organlarning tekshiruvlar oʻtkazishning muvofiqlashtiruvchi rejalariga rioya qilishini nazorat qilish hamda rejadan tashqari tekshiruvlar maxsus vakolatli organ bilan kelishmay oʻtkazilishiga yoʻl qoʻymaslik. Maxsus vakolatli organni tuzish va uning faoliyat koʻrsatish tartibi qonun hujjatlari bilan belgilanadi.21081D1802 150509 21081D1802 0D 0D 0E0214 0605080C02 0806 1A 04050902

Nazorat qiluvchi organlar quyidagi asoslardan biri mavjud bo‘lganda vakolatli organga tekshiruv o‘tkazishni tashabbus qilishga haqli: • jismoniy va yuridik shaxslarning qonunchilik buzilishi yuzasidan murojaatlari, anonim murojaatlar bundan mustasno; • “ xavfni tahlil etish” tizimining natijalari; • boshqa davlat organlari tomonidan qonunchilik buzilishi to‘g‘risida taqdim etilgan ma’lumotlar; • ommaviy axborot vositalari va boshqa axborot manbalaridan, shu jumladan, Internet jahon axborot tarmog‘idan qonunchilik buzilishi to‘g‘risida olingan ma’lumotlar. Ushbu asoslar bo‘yicha tadbirkorlik faoliyatida tekshiruv o‘tkazishni tashabbus qilishda, dastlab nazorat qiluvchi organ tomonidan tekshiruv o‘tkazilishi rejalashtirilayotgan tadbirkorlik subyektining amalda faoliyat ko‘rsatayotganligi o‘rganib chiqilishi lozim.

Prokuratura, ichki ishlar va milliy xavfsizlik xizmati organlari tomonidan xoʻjalik yurituvchi subyektlar faoliyatini tekshirish uchun qoʻzgʻatilgan jinoiy ish mavjudligi asos boʻladi. Bunda tekshiruvga xoʻjalik yurituvchi subyektning faqat qoʻzgʻatilgan jinoyat ish bilan bogʻliq faoliyati qamrab olinishi, mumkin boʻlib bu haqda tekshiruvni tayinlash toʻgʻrisidagi qarorda koʻrsatilgan boʻlishi lozim. Xoʻjalik yurituvchi subyektlarning moliya-xoʻjalik faoliyatini tekshirishlar belgilangan tartibda faqat davlat soliq xizmati organlari tomonidan, mazkur organlar tekshirishlar davomida soliq va valyutaga oid jinoyatlar alomatlarini aniqlaganida esa Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti tomonidan amalga oshiriladi. Ixtiyoriy tugatilayotgan tadbirkorlik subyekt larining – yuridik shaxslarning moliya-xoʻjalik faoliyatini tekshirish yuridik shaxslarni davlat roʻyxatidan oʻtkazuvchi organning yuridik shaxs tugatilish jarayonida ekanligi toʻgʻrisidagi bildirishi asosida davlat soliq xizmati organlari tomonidan amalga oshiriladi, tekshirish muddati oʻttiz kalendar kunidan oshmasligi kerak.

Tekshirishlar davriyligi Xususiy korxonalar faoliyatini tekshirishlar nazorat qiluvchi organlar tomonidan koʻpi bilan ikki yilda bir marta, belgilangan tartibda amalga oshirilishi mumkin, qonun hujjatlarida nazarda tutilgan hollar bundan mustasno.Belgilangan normalar va qoidalarga oʻz vaqtida hamda toʻla hajmda rioya etuvchi xoʻjalik yurituvchi subyektlarning faoliyatini tekshirishlar nazorat qiluvchi organlar tomonidan koʻpi bilan ikki yilda bir marta amalga oshiriladi, Qonunning 10 1 -moddasida nazarda tutilgan hollar bundan mustasno.Xoʻjalik yurituvchi subyektlarning faoliyatini tekshirishlar maxsus vakolatli organning qaroriga binoan rejali tartibda koʻpi bilan yiliga bir marta amalga oshirilishi mumkin, xususiy korxonalar va Qonunning 10 1 -moddasida nazarda tutilgan hollar bundan mustasno.

TADBIRKORLIK SUBYEKTLARINING MOLIYA-XOʻJALIK FAOLIYATINI REJALI TEKSHIRISHLAR DAVRIYLIGI Kichik tadbirkorlik subyektlari va fermer xoʻjaliklarining faoliyatini tekshirishlar nazorat qiluvchi organlar tomonidan rejali tartibda koʻpi bilan toʻrt yilda bir marta, boshqa tadbirkorlik subyektlarining faoliyatini tekshirishlar esa koʻpi bilan uch yilda bir marta, faqat Kengashning qaroriga binoan oʻtkazilishi mumkin. Yangi tashkil etilgan kichik tadbirkorlik subyektlari va fermer xoʻjaliklarining moliya-xoʻjalik faoliyati ular davlat roʻyxatidan oʻtkazilgan paytdan eʼtiboran dastlabki uch yil mobaynida rejali tekshiruvlardan oʻtkazilmaydi. Xususiy bank va boshqa xususiy moliya institutlarining moliya-xoʻjalik faoliyatini rejali tekshirishlar koʻpi bilan besh yilda bir marta amalga oshiriladi.

TEKSHIRUVLAR MUDDATLARI Xoʻjalik yurituvchi subyektlar faoliyatini tekshirish muddatlari oʻttiz kalendar kunidan oshmasligi lozim. Alohida hollarda maxsus vakolatli organning qaroriga binoan bu muddat uzaytirilishi mumkin.

Rejali tekshiruvlar Tadbirkorlik subyektlarida oʻtkaziladigan tekshirishlar oʻrnatilgan tartib va muddatlarda tadbirkorlik subyektlari faoliyatini tekshirishlarning yillik va yil choraklariga moʻljallangan muvofiqlashtirilgan reja- jadvallariga muvofiq holda amalga oshiriladi.

REJADAN TASHQARI TEKSHIRUV Xoʻjalik yurituvchi subyektlar faoliyatini rejadan tashqari tekshirish uchun maxsus vakolatli organning tekshirilayotgan obyekt nomini, soliq toʻlovchining identifikatsiya raqami, tekshiruv oʻtkazish maqsadi, muddatlari hamda uni oʻtkazish sabablarining asosliligi koʻrsatilgan holda rejadan tashqari tekshirish oʻtkazish toʻgʻrisida chiqargan qarori, shuningdek tekshirishni amalga oshiruvchi tegishli mansabdor shaxslar tarkibi va tekshiruvni oʻtkazish muddatlari koʻrsatilgan buyrugʻi asos boʻlib xizmat qiladi.

Nazorat qiluvchi organlar mansabdor shaxslarining harakatlari va qarorlari ustidan bevosita sudga yoki boʻysunish tartibida yuqori turuvchi organga yoxud mansabdor shaxsga shikoyat qilinishi mumkin. Shikoyatni berish nazorat qiluvchi organ mansabdor shaxsining harakatlarini toʻxtatib qoʻymaydi. Nazorat qiluvchi organlar mansabdor shaxslarining harakatlari va qarorlari ustidan qilingan shikoyatlar qonun hujjatlarida belgilangan tartibda va muddatlarda koʻrib chiqiladi.

Soliq nazorati shakllari: soliq toʻlovchilarni hisobga olish; soliq solish obyektlarini va soliq solish bilan bogʻliq obyektlarni hisobga olish; byudjetga va davlat maqsadli jamgʻarmalariga tushayotgan tushumlarni hisobga olish; kameral nazorat; naqd pul tushumlari kelib tushishining xronometraji; soliq tekshiruvlari; fiskal xotirali nazorat-kassa mashinalarini qoʻllash; aksiz toʻlanadigan ayrim turdagi tovarlarni markalash, shuningdek ayrim korxonalarda moliya inspektori lavozimini joriy etish; davlat daromadiga qaratilgan mol-mulkni realizatsiya qilishdan tushadigan pul mablagʻlari davlat daromadiga oʻz vaqtida va toʻliq tushishini nazorat qilish; boshqa majburiy toʻlovlarni undirish vazifasini amalga oshiradigan davlat organlari va tashkilotlar ustidan nazorat qilish.

Kameral nazorat Kameral nazorat soliq toʻlovchi tomonidan belgilangan tartibda taqdim etilgan moliyaviy va soliq hisobotini, shuningdek soliq toʻlovchining faoliyati toʻgʻrisida davlat soliq xizmati organidagi mavjud boshqa hujjatlarni oʻrganish hamda tahlil etish asosida amalga oshiriladigan nazoratdir

Naqd pul tushumi kelib tushishining xronometraji Soliq toʻlovchining naqd pul tushumi kelib tushishining xronometraji xronometraj oʻtkazilgan davrda haqiqatda kelib tushgan naqd pul tushumini aniqlash maqsadida oʻtkaziladi Naqd pul tushumi kelib tushishining xronometraji naqd hisob- kitob asosida tovarlar realizatsiya qiladigan yoki xizmatlar koʻrsatadigan soliq toʻlovchi huzurida bevosita tovarlar realizatsiya qilinadigan, xizmatlar koʻrsatiladigan joyda davlat soliq xizmati organi tomonidan oʻtkaziladi

Tekshirishga ruxsat Kengash ishchi organi tomonidan qisqa muddatli tekshirishga ruxsat berish toʻgʻrisidagi qaror Kengash raisi tomonidan imzolangandan keyin bir ish kunida tegishli nazorat qiluvchi organga yuboriladi.

Tekshirishlar oʻtkazish tartibi Nazorat qiluvchi organlar tekshirishni tasdiqlangan tekshirishlar reja- jadvali yoki Kengashning qisqa muddatli tekshirishga ruxsat berilganligi toʻgʻrisidagi qarori, nazorat qiluvchi organ rahbarining buyrugʻi hamda tekshirish dasturiga muvofiq amalga oshiradi.

Buyruq Nazorat qiluvchi organning tekshirish oʻtkazish toʻgʻrisidagi buyrugʻida tekshiriladigan subyekt nomi, soliq toʻlovchining identifikatsiya raqami, tekshirish maqsadi, tekshiruvchi mansabdor shaxslar tarkibi, tekshiriladigan davr, tekshirish oʻtkazish muddati va tekshirish oʻtkazish uchun asos boʻlgan hujjat nomi, raqami va sanasi koʻrsatiladi. Qisqa muddatli tekshirishlarni oʻtkazish toʻgʻrisidagi buyruqlarda tekshiriladigan davr jismoniy va yuridik shaxslarning qonun hujjatlari buzilganligi faktlari toʻgʻrisidagi murojaatlaridagi holatdan kelib chiqadi.

Tanishtirish Tekshiruvchi mansabdor shaxslar tekshirish boshlanishidan oldin xoʻjalik yurituvchi subyektning rahbarini (xoʻjalik yurituvchi subyekt rahbari boʻlmagan taqdirda, uning vazifasini bajaruvchi shaxsni) tekshirish maqsadi bilan tanishtiradi, unga oʻz xizmat guvohnomasi va tekshirish oʻtkazish huquqini beruvchi maxsus guvohnomasini koʻrsatadi, shuningdek tekshirishni oʻtkazishga asos boʻladigan hujjatlar: tekshirishlar reja-jadvalidan koʻchirma yoki Kengashning qisqa muddatli tekshirish oʻtkazish toʻgʻrisidagi qarori,nazorat qiluvchi organning tekshirish oʻtkazish toʻgʻrisidagi buyrugʻi va tekshirish dasturi nusxalarini tilxat olingan holda unga topshiradi.

Tekshiruvlarni ro‘yxatga olish kitobi Tekshiruvchi mansabdor shaxslar xoʻjalik yurituvchi subyekt tomonidan taqdim etilgan “Tekshirishlarni roʻyxatga olish kitobi”ni qonun hujjatlarida belgilangan tartibda toʻldirishi shart. Texnik imkoniyat mavjud boʻlganda majburiy tartibda “Tekshiruvlarni ro‘yxatga olish kitobi”ning elektron shakli toʻldiriladi. Bunda “Tekshiruvlarni ro‘yxatga olish kitobi”ning qogʻoz shaklini toʻldirish talab etilmaydi.

Natijalarni rasmiylashtirish Tekshirishlar natijalari dalolatnoma (maʼlumotnoma) bilan rasmiylashtiriladi. Tekshirish dalolatnomasi (maʼlumotnomasi) kamida ikki nusxada tuziladi. Tekshirish dalolatnomasining (maʼlumotnomaning) nusxalari nazorat qiluvchi organning tekshirish oʻtkazayotgan mansabdor shaxsi (shaxslari) va xoʻjalik yurituvchi subyektning rahbari (xoʻjalik yurituvchi subyekt rahbari boʻlmagan taqdirda, uning vazifasini bajaruvchi shaxs) tomonidan imzolanadi va bir nusxasi xoʻjalik yurituvchi subyekt rahbariga (xoʻjalik yurituvchi subyekt rahbari boʻlmagan taqdirda, uning vazifasini bajaruvchi shaxsga) uni olgan sanani koʻrsatgan holda imzo qoʻydirib topshiriladi va shu paytdan eʼtiboran tekshirish tugagan hisoblanadi.

Tekshirilayotgan xoʻjalik yurituvchi subyektlarning huquqlari • nazorat qiluvchi organlar mansabdor shaxslarining tekshiruv masalalariga aloqasi bo‘lmagan talablarini bajarmaslik; • tekshiruv o‘tkazishda shaxsan yoki o‘z vakili orqali ishtirok etish; • talab qilib olinayotgan hujjatlarni, agar ushbu hujjatlar yoki ularning nusxalari tadbirkorlik subyekti tomonidan nazorat qiluvchi organga oldingi o‘tkazilgan tekshiruvlarda taqdim etilgan bo‘lsa, taqdim etmaslik; • ekspertni rad etish va ekspertni o‘zi ko‘rsatgan shaxslar orasidan tayinlash to‘g‘risida iltimos qilish; • nazorat qiluvchi organ mansabdor shaxsining ruxsati bilan ekspertiza o‘tkazishda ishtirok etish va ekspertga tushuntirishlar berish, ekspertning xulosasi bilan tanishish; • tekshiruv materiallari bilan tanishish va tekshiruv dalolatnomasini olish; • nazorat qiluvchi organlar mansabdor shaxslarining noqonuniy xatti-harakatlari yuzasidan, shuningdek, belgilangan tartibda tekshiruv natijalari ustidan shikoyat qilish; • tekshiruvni o‘tkazish to‘g‘risidagi buyruq (qaror, farmoyish) belgilangan tartibda rasmiylashtirilmagan va buyruq nusxasi tadbirkorlik subyektiga berilmagan, tekshiruv belgilangan tartibda vakolatli organ bilan kelishilmagan yoki u xabardor etilmagan, tadbirkorlik subyektlari faoliyatini tekshirish huquqini beruvchi maxsus guvohnoma mavjud bo‘lmagan, Tekshiruvlarni ro‘yxatga olish kitobiga ma’lumotlarni kiritishdan bosh tortilgan hollarda, nazorat qiluvchi organ mansabdor shaxslarini tekshiruv o‘tkazish uchun o‘z hududi va binolariga qo‘ymaslik

Xoʻjalik yurituvchi subyektni tekshirishda mansabdor shaxsning huquqi: • tadbirkorlik subyektining tekshiruv bilan bog‘liq, shu jumladan, elektron axborot tashuvchi vositalarda saqlanadigan hujjatlari va ma’lumotlarini talab qilib olish va o‘rganish; • tadbirkorlik subyektining hududlari va binolarini ko‘zdan kechirish; • tekshirilayotgan tadbirkorlik subyektlariga aniqlangan qoidabuzarliklarni bartaraf etish to‘g‘risida bajarilishi majburiy bo‘lgan ko‘rsatmalar berish; • tekshiruvlar davomida tadbirkorlik subyektini yozma bildirish asosida nazorat qiluvchi organga u tomonidan tekshiruv bilan bog‘liq tushuntirishlar berishga chaqirish; • tegishli davlat hokimiyati va boshqaruv organlari, tadbirkorlik subyektlari mulkdorlari oldiga aybdor shaxslarning javobgarligi to‘g‘risidagi masalani qo‘yish; • tekshiruvga auditorlik tashkilotlarini va (yoki) ekspertlarni belgilangan tartibda shartnoma asosida jalb etish; • qonunchilikda nazarda tutilgan hollarda tegishli javobgarlik choralarini qo‘llash. • Nazorat qiluvchi organlar qonunchilikda belgilangan boshqa huquqlarga ham ega.

Xoʻjalik yurituvchi subyektni tekshirishda mansabdor shaxsning majburiyati: • tekshirilayotgan tadbirkorlik subyektlariga tekshiruv o‘tkazish huquqini beruvchi zarur hujjatlarni ko‘rsatish; • tadbirkorlik subyektlari faoliyatiga xalal bermaslik; • tadbirkorlik subyektini tekshiruv maqsadi, tadbirkorlik subyektining huquqlari va majburiyatlari bilan tanishtirish; • Tekshiruvlarni ro‘yxatga olish kitobiga qonunchilikda belgilangan tartibda tekshiruvlar haqidagi yozuvlarni kiritish; • davlat siri, tijorat yoki boshqa sirlar saqlanishini ta’minlash; • tekshiruvlar natijalarini dalolatnoma bilan rasmiylashtirib, uning bir nusxasini tekshiruv tugagan kuni tekshirilayotgan tadbirkorlik subyektida qoldirish; • tekshiruv natijalarini Axborot tizimiga kiritish; • profilaktika tadbirlarini o‘tkazish; • huquqbuzarlik holatlari aniqlangan taqdirda qonunchilikda nazarda tutilgan choralarni ko‘rish. • Nazorat qiluvchi organlar mansabdor shaxslarining zimmasida qonunchilikda belgilangan boshqa majburiyatlar ham bo‘lishi mumkin.

Xoʻjalik yurituvchi subyektlar faoliyatini davlat tomonidan nazorat qilish toʻgʻrisidagi qonun hujjatlarini buzishda aybdor boʻlgan shaxslar belgilangan tartibda javobgarlikka tortiladi.

Normativ-huquqiy hujjatlar O’rq 717-I https://lex.uz/ru/docs/-28144 O‘zbekiston Respublikasi Prezidentining Farmoni, 27.07.2018 yildagi PF-5490-son https://lex.uz/ru/docs/-3839746 O‘zbekiston Respublikasi Prezidentining Farmoni, 15.03.2019 yildagi PF-5690-son https://lex.uz/ru/docs/-4242834 O‘zbekiston Respublikasi Prezidentining Farmoni, 15.09.2021 yildagi PF-6314-son https://lex.uz/docs/-5635417 O‘zbekiston Respublikasi Prezidentining qarori, 13.09.2022 yildagi PQ-374-son https://lex.uz/docs/-6195004 O‘zbekiston Respublikasi Vazirlar Mahkamasining qarori, 19.10.2022 yildagi 611-son https://lex.uz/docs/-6242542 Sayt: https://govcontrol.uz YAGONA DAVLAT NAZORATI

Похожие

Iqtisodiy sub’ektlar faoliyatini davlat tomonidan moliyaviy tartibga solish instrumentlari

Investitsiya faoliyatini huquqiy tartibga solish

Tashqi savdo faoliyatini bojxona orqali tartibga solish

Inovatsion faoliyatning davlat tomonidan tartibga solinishi

Tashqi savdo faoliyatini bojxona orqali tartibga solish 2