Рақамли Ўзбекистон стратегияси - Экономика - Презентации

Рақамли Ўзбекистон стратегияси

Загружено в:

07.05.2024

Скачано:

0

Размер:

1701.3564453125 KB

Рақамли Ўзбекистон стратегияси«Бизнес ва тадбиркорлик олий мактаби»

“ РАҚАМЛИ ЎЗБЕКИСТОН-2030” СТРАТЕГИЯСИНИНГ МОҲИЯТИ ВА АМАЛГА ОШИРИШ БОСҚИЧЛАРИ. 2020 ЙИЛ 5 ОКТЯБРЬ, ПФ-6079-СОН

«Рақамли Ўзбекистон - 2030» стратегияси иқтисодиёт тармоқлари, ижтимоий соҳа ва давлат бошқаруви тизимининг жадал рақамли ривожланишини таъминлаш, шу жумладан электрон давлат хизматларини кўрсатиш механизмларини янада такомиллаштириш мақсадида ишлаб чиқилган. Стратегия Ўзбекистон Республикасининг рақамли иқтисодиёт ва электрон ҳукуматни ривожлантиришнинг стратегик мақсадлари, устувор йўналишлари ҳамда ўрта ва узоқ муддатли истиқболли вазифаларини белгилайди, шунингдек, БМТнинг Барқарор ривожланиш мақсадлари ва Электрон ҳукуматни ривожлантириш рейтингида белгиланган устувор вазифалардан келиб чиқиб, рақамли технологияларни янада кенг жорий этиш учун асос бўлиб хизмат қилади.

Мамлакатимизда рақамли иқтисодиётни фаол ривожлантириш, барча тармоқлар ва соҳаларда, энг аввало, давлат бошқаруви, таълим, соғлиқни сақлаш ва қишлоқ хўжалигида замонавий ахборот-коммуникация технологияларини кенг жорий этиш бўйича комплекс чора-тадбирлар амалга оширилмоқда. Хусусан, электрон ҳукумат тизимини такомиллаштириш, дастурий маҳсулотлар ва ахборот технологияларининг маҳаллий бозорини янада ривожлантириш, республиканинг барча ҳудудларида IT-паркларни ташкил этиш, шунингдек, соҳани малакали кадрлар билан таъминлашни кўзда тутувчи 220 дан ортиқ устувор лойиҳаларни амалга ошириш бошланган. Бундан ташқари, 40 дан ортиқ ахборот тизимлари билан интеграциялашган геопортални ишга тушириш, жамоат транспорти ва коммунал инфратузилмани бошқаришнинг ахборот тизимини яратиш, ижтимоий соҳани рақамлаштириш ва кейинчалик ушбу тажрибани бошқа ҳудудларда жорий қилишни назарда тутувчи «Рақамли Тошкент» комплекс дастури амалга оширилмоқда.

Аҳоли пунктларини Интернет тармоғига улаш даражаси, шу жумладан кенг полосали уланиш портларини 2,5 миллионгача кўпайтириш, 20 минг километр оптик-толали алоқа линияларини қуриш ва мобил алоқа тармоқларини ривожлантириш орқали 78 фоиздан 95 фоизга етказилади; ҳудудларни ижтимоий-иқтисодий ривожлантиришнинг турли соҳаларида 400 дан ортиқ ахборот тизимлари, электрон хизматлар ва бошқа дастурий маҳсулотлар жорий этилади; 587 минг нафар кишини, шу жумладан «Бир миллион дастурчи» лойиҳаси доирасида 500 минг нафар ёшларни қамраб олиш орқали компьютер дастурлаш асосларига ўқитиш ташкиллаштирилади; иқтисодиётнинг реал сектори тармоқларидаги корхоналарда бошқарув, ишлаб чиқариш ва логистика жараёнларини автоматлаштириш бўйича 280 дан ортиқ ахборот тизимлари ва дастурий маҳсулотлар жорий этилади; ҳудудларда ҳокимлар, давлат органлари ва ташкилотлар ходимларининг рақамли саводхонлигини ва малакасини ошириш, уларни ахборот технологиялари ва ахборот хавфсизлиги бўйича ўқитиш учун тегишли олий таълим муассасалари бириктирилади ҳамда уларнинг 12 минг нафар ходими ахборот технологиялари соҳасида ўқитилади.

Инвестициялар ва ташқи савдо вазирлиги Ахборот технологиялари ва коммуникацияларини ривожлантириш вазирлиги билан биргаликда 2020 йил 1 ноябрдан бошлаб инвестиция лойиҳалари ҳамда жалб этилаётган халқаро молия институтлари, хорижий ҳукумат молия ташкилотлари ва донор мамлакатлар маблағлари умумий миқдорининг 5 фоиздан кам бўлмаган қисми «рақамли» компонентларга йўналтирилишини кўзда тутсин.

2021 йил 1 январдан бошлаб тажриба тариқасида «Рақамли Тошкент» комплекс дастури доирасида жисмоний шахсга идентификация ID-картасини беришда давлат органлари ва ташкилотлари билан ўзаро электрон муносабатларни йўлга қўйиш учун унинг шахсий кабинети шакллантирилади; 2021 йил 1 июлдан бошлаб Ўзбекистон Республикаси Очиқ маълумотлар порталида давлат органлари ва ташкилотлари томонидан давлат харидларини амалга ошириш, патентлар, дори воситалари ва тиббий буюмларни рўйхатга олиш, жамоат транспорти ҳаракати, ер ресурсларидан фойдаланиш ва бошқа умумфойдаланишдаги статистик маълумотлар онлайн режимда жойлаштириб борилиши таъминланади; 2021 йил 1 августдан бошлаб жисмоний ва юридик шахсларга барча белгиланган давлат божлари, йиғимлар, жарималар ва бошқа мажбурий тўловларни электрон тўлов тизимларидан фойдаланган ҳолда онлайн режимда тўлаш имконияти тақдим этилади;

«Рақамли Ўзбекистон — 2030» стратегиясида кўзда тутилган лойиҳаларни ўз вақтида ва кенг кўламда амалга оширилишини таъминлаганлиги, шунингдек, ахборот технологиялари ва электрон хизматларни жорий этишни рейтинг баҳолаш натижаларига кўра вазирлик ва идоралар, маҳаллий ижро этувчи ҳокимият органларининг раҳбарлари ва уларнинг рақамлаштириш бўйича ўринбосарларига ҳар ойда уларнинг ойлик маошига 30 фоиз миқдорида устама тўланади.Иқтисодиёт тармоқларида виртуал ва тўлдирилган реаллик, сунъий интеллект, криптография, машина ўрганиши, катта маълумотларни таҳлил қилиш ва «булутли» ҳисоблаш технологияларидан фойдаланиш имкониятларини ўрганиш ва уларни амалиётга татбиқ этиш; истиқболли инновацион ишланмалар ва стартап-лойиҳаларини амалга ошириш ҳамда уларни тижоратлаштириш ва технологиялар трансферини қўллаб-қувватлаш. .

РАҚАМЛИ ИҚТИСОДИЁТГА ЎТИШБ о ш л а ш • Рақамли иқтисодиёт дастурини ишлаб чиқиш М а қ с а д • Рақамли иқтисолиётни ривожлантири ш дастури мамлакат рақамли трансформация сини тезлаштиришга хизмат қилади М у д д а т и • Рақамли иқтисодиёт дастури Ҳукумат томонидан маълум бир муддатга тасдиқланади Электрон Ҳукуматни ривожлантириш департаменти

Рақамли иқтисодиёт технологиясини амалга оширишни ҳужжатларда ифодаланиши • 2030 йилгача бўлган даврда ЎзР ни узоқ муддатли ижтимоий-иқтисодий ривожлантириш концепцияси. • Ижтимоий-иқтисодий ва илмий-технологик ривожланиш 2030 йилгача истиқболлари • Илмий ва технологик ривожланиш стратегияси • ЎзР ахборот-коммуникация технологиялари соҳасини 2030 йилгача ривожлантириш стратегияси • Ахборотлашган жамияти «давлат дастури» • Ахборот-коммуникация технологиялари соҳасини ривожлантиришнинг тадбирлар режаси ("йўл харитаси") • Минтақавий ахборотлаштириш тушунчаси жо қилиш • Молия бозорида электрон ҳамкорликни ривожлантириш бўйича тадбирла рРоботлаштириш Сунъий интеллект Интернет буюмлар ERP ва CRM- тизимлар Нейро ҳамда квант технологиялари

Рақамли иқтисодиёт дастурлари Ҳуқуқий ва бошқарув муҳити Ақлли шаҳар Ахборот хавфсизлиги Илмий техник ишланмалар Рақамли Соғлиқни сақлаш Давлат бошқаруви Кадр ва таълимБошқарув тизими Конфиденциалликни чеклаш (Давлат аралашуви) Ахборотлаштириш ва ахборот хавфсизлиги соҳасидаги протекционизм Ахборот инфратузилмасини ҳимоя қилиш АХБОРОТЛАШГАН ЖАМИЯТНИ 2030 ЙИЛГАЧА РИВОЖЛАНТИРИШ СТРАТЕГИЯСИ 2 G 3 G 4 G 5 G Инфратузилма 01 01

Сўровнома020406080100120140 89 114 82 115 81 96 Сизнингча рақамли иқтисодиётга нима халақит бермоқда? Респондентлар жавоблари

Ҳукумат ва бизнес ҳамкорлиги (м анба: www.my gov.uz) • КАДРЛАРНИ ҚАЙТА ТАЙЁРЛАШНИ КЕНГ МИҚЁСДА ДАВЛАТ ДАРАЖАСИДА АМАЛГА ОШИРИШ; • МЕНЕЖМЕНТНИ РИВОЖЛАНТИРИШ ВА УНИ ТАЪСИРЧАНЛИГИ; • АҲОЛИНИ БАРЧА ҚАТЛАМЛАРИНИ РАҚАМЛИ ИҚТИСОДИЁТГА ЖАЛБ ҚИЛИШ; • РАҚАМЛИ КОМПАНИЯЛАР ТАЖРИБАСИДАН ИННОВАЦИЯЛАРНИ РИВОЖЛАНТИРИШДА ФОЙДАЛАНИШ; • «ИНДУСТРИИ 4.0» ГА ОЛДИНДАН ИНВЕСТИЦИЯЛАР КИРИТИШ; • РАҚАМЛИ ТЕХНОЛОГИЯЛАР БЎЙИЧА ХАЛҚАРО ҲАМКОРЛИК. ҲУКУМАТ БИЗНЕС

Рақамли иқтисодиётнинг технологик соҳалариА хбор от техн ол оги я л ар и • Ахборотларни қайта ишлаш ресурслари • Маълумотлар хавфсизлигини таъминлаш О п ер ац и он техн ол оги я л ар • Кузатув ва назорат • Тизимни автоматлаштириш И стеъ м ол техн ол оги я л ар и • Аҳоли учун маҳсулот ва хизматлар • Симсиз алоқа ( NFC), радиочастотали идентификация (RFID), Bluetooth Киберхавфсизлик Маргинализм Ишсизлик Бюджет маблағларини талон тарож қилиш

Рақамлаштириш орқали ҳаёт даражасини ошириш Бандликнинг янги имкониятлари Аҳоли харид қобилиятини ошириш Ижтимоий лифтлар Сифатли тиббиёт ва таълимдан фойдаланиш Яшаш учун қулай шаҳарларни барпо қилиш Мутахассислар учун иқтисодни жозибадорлиги Қулай давлат хизматлари ва сервислар Миллий.иқтисодий ва ижтимоий хавфсизлик

Хавфсизликни замонавий объектлари Автоном автомобил 3D/Печать Ақлли уй Қўшимча реаллик Телеком Ақлли медицина

Шахсий маълумотларни сақлаш тадбирлари Асосий стандартлар ва талабларни белгилайдиган халқаро шартнома мақомига эга бўлган ягона, универсал ҳужжатни ишлаб чиқиш: Махфий маълумотларни хорижга узатишдаги чекловлар• шахсий маълумотларни ҳимоя қилиш тўғрисидаги қонунчиликка; • шахсий маълумотлар айланиши билан боғлиқ ҳуқуқбузарликлар учун жавобгарликка тортиш; • шахсий маълумотларни ҳимоя қилишнинг етарли даражасини таъминламайдиган ҳудудларда шахсий маълумотларни узатишдаги чекловлар; • Кибержиноятчиликка қарши универсал халқаро шартномани ишлаб чиқиш Маълумотлар махфийлигини давлат даражасида таъминлаш

Рақамли ривожланишнинг стратегик мақсадлари ва устувор йўналишлари Рақамли инфратузилмани ривожлантириш мақсадида қуйидаги тадбирлар амалга оширилади: оптик толали алоқа линиялари, халқаро коммутация марказларини модернизация қилиш ва ривожлантириш орқали минтақавий ва халқаро телекоммуникация тармоқларининг, Ўзбекистон Республикасининг чегарадош Марказий Осиё давлатлари билан транзит алоқаларининг ўтказувчанлик қобилиятини кенгайтириб бориш; тақдим этилаётган хизматлар ҳажмини ошириш, резервлаш, тизимларнинг ишончлилигини таъминлаш, шунингдек, аҳоли пунктлари ва ижтимоий объектларни кенг полосали хизматлардан фойдаланиш имконияти билан таъминлаш учун маълумотлар узатиш тармоғини кенгайтириш; мобил ва йўлдош алоқа операторларининг инвестицион фаоллигини рағбатлантиришнинг қўшимча механизмларини яратиш; мобил алоқа тармоғини 4G ва 5G технологияси бўйича ривожлантириш, Тошкент шаҳри, Қорақалпоғистон Республикаси ва барча вилоятлар марказларини бешинчи авлод алоқа тармоғи билан босқичма-босқич қамраб олиш; барча аҳоли пунктлари ва ижтимоий объектларни оптик ва мобил кенг полосали хизматлардан фойдаланиш тармоқлари билан қамраб олиш; автомагистрал ва темир йўллари, туристик объектларни мобил алоқа тармоқлари билан қоплашни таъминлаш; Интернет жаҳон ахборот тармоғига уланиш тарифларини такомиллаштириш ва оптималлаштириш;

географик жойлашувидан қатъий назар, фуқароларнинг ўсиб бораётган ахборотга эҳтиёжларини қаноатлантириш учун кенг полосали симсиз ва мобил технологияларни янада ривожлантириш; истеъмолчиларга телевизион сигнални узатиш, ер усти телевизион эшиттириш, кабель телевидениеси, IP- телевидение, маълумотлар узатиш тармоқлари, мобил алоқа, Интернет технологияларидан фойдаланган ҳолда телерадиоэшиттириш, телевизион ва радио хизматларининг барча турларини тўлиқ қамраб олган ҳолда рақамли эшиттиришни такомиллаштириш; «булутли» ҳисоблашлар асосида маълумотларни сақлаш ва қайта ишлаш марказларини ривожлантириш, фойдаланувчи талабларига мувофиқ, Ўзбекистон Республикасининг ахборот ресурсларига доимий уланишни таъминлаш; бозорнинг эркин ривожланиши имкониятини сақлаб, телекоммуникация соҳасини ривожлантириш учун шароитларни яхшилаш, бизнес юритиш ва телекоммуникация инфратузилмасини ривожлантириш учун маъмурий тўсиқларни камайтириш; электрон ҳукумат доирасида электрон давлат хизматларидан фойдаланиш учун барча давлат органлари, уларнинг таркибий ва ҳудудий бўлинмаларини идоралараро маълумотлар узатиш тармоғига улаган ҳолда ушбу тармоқни ривожлантириш; мамлакатимиз ҳудудида давлат органлари, жисмоний ва юридик шахслар учун ахборотни сақлаш, қайта ишлаш, ҳимоя қилиш ва электрон давлат хизматларининг фойдаланувчанлигини таъминлаш механизмларини такомиллаштириш; давлат органлари фаолиятини рақамлаштириш ва электрон давлат хизматларини кўрсатиш доирасида «хизмат сифатида дастурий таъминот», «хизмат сифатида платформа», «хизмат сифатида инфратузилма» технологияларини кенг жорий этиш; шаҳар инфратузилмасини бошқаришда рақамли технологияларни жорий этиш орқали транспорт логистикаси, шаҳар инфратузилмаси, шаҳар муҳитининг сифати, шаҳар ривожланишини бошқариш самарадорлиги, жамоат, бизнес ва яшаш жойлари билан боғлиқ муаммоларни ҳал қилиш учун «ақлли» ва «хавфсиз» шаҳар лойиҳаларини изчил амалга ошириш;

кенг полосали уланишни ривожлантиришнинг технологик асоси истеъмолчиларга асосий ва қўшимча хизматларни, шу жумладан технологик жараёнларни автоматлаштириш хизматларини, аҳолининг ҳаётини қўллаб-қувватлашда ақлли тизимларни жорий этишнинг бир қисми сифатида индивидуал инфратузилма лойиҳаларини амалга оширишга босқичма-босқич киришни таъминлаш учун ягона инфратузилма ёрдамида мультисервис тармоқларини ривожлантириш; мавжуд алоқа (симсиз ва оптик), симли ва симсиз алоқа технологиялари ва тизимлари, шунингдек, янги географик ахборот ва навигация тизимларининг самарадорлигини ошириш йўлларини ўз ичига олган алоқа ва навигация технологияларини ривожлантириш; алоқа операторлари ўртасида рақобатни ривожлантириш учун зарур шарт-шароитларни яратиш.

Рақамли иқтисодиётни ривожлантиришнинг устувор йўналишлари Иқтисодиётнинг реал секторида рақамли технологияларни ривожлантириш мақсадида қуйидаги тадбирлар амалга оширилади: саноат корхоналарида замонавий ахборот технологияларини жорий қилиш дастурларини ушбу корхоналарни технологик қайта жиҳозлаш дастурлари билан уйғунлаштириш; корхона таъминотининг барча босқичларини автоматлаштириш ва бошқаришни таъминлаш, шунингдек, бу орқали логистика ва харид харажатларини қисқартириш; замонавий ахборот тизимлари ва дастурий маҳсулотларни жорий этиш ҳисобига маҳсулотлар ва хизматлар сифатини яхшилаш, уларнинг таннархини, ишлаб чиқаришдаги тўхталишларни камайтириш, молиявий-иқтисодий фаолиятнинг шаффофлигини ошириш; инновацион автоматлаштирилган бошқарув тизимлари ва дастурий маҳсулотларни жорий этиш бўйича норматив-ҳуқуқий базани такомиллаштириш; ишчи жойларни босқичма-босқич автоматлаштириш ҳамда ишлаб чиқариш жараёнларини роботлаштириш, шунингдек, сунъий интеллект технологияларини жорий этиш; савдо ҳажмини ошириш ва мижозларга хизмат кўрсатишни яхшилаш мақсадида буюртмачилар (мижозлар) билан ўзаро муносабат механизмларини такомиллаштириш; бошқарув маълумотларини қабул қилишни қўллаб-қувватлаш тизимини, жумладан, реал вақт режимида бизнес-таҳлил тизимини жорий қилиш орқали такомиллаштириш; 2025 йилда корхона ресурсларини бошқариш тизимини (ERP) жорий қилган йирик хўжалик юритувчи субъектларнинг улушини 90 фоизга етказиш;

2022 йилда республиканинг барча йирик шаҳарларида жамоат транспортларида йўл ҳақи тўлашнинг автоматлаштирилган тизимини жорий этиш ва нақд пулсиз тўловлар улушини 90 фоизга етказиш; ҳар қандай йўловчи транспортида чипта сотиб олиш учун ягона платформани яратиш; корхоналар томонидан ишлаб чиқарилган маҳсулотлар ва хизматларни Интернет жаҳон ахборот тармоғи орқали сотиш бозорларини кенгайтириш; транспорт тизимини комплекс ривожлантириш учун дастурий моделлаштириш тизимларидан фойдаланиш механизмларини амалга ошириш; суғурта тизимини рақамлаштириш учун давлат-хусусий шериклик асосида рақамли суғуртани амалга ошириш механизмларини ишлаб чиқиш ва жорий этиш; логистика тизимини такомиллаштириш ва рақамли технологияларни жорий этиш мақсадида рақамли логистика тизимига босқичма-босқич ўтиш; иқтисодиётнинг реал секторларида роботлаштирилган саноатни ривожлантириш ва амалга ошириш; йирик саноат корхоналари учун робототехника ва муҳандислик ихтисосликларини ташкил этиш; ишлаб чиқариш корхоналарида аддиктив (қаватма-қават қуриш ва синтез қилиш технологияси, 3D ўлчамда босиб чиқариш) технологияларини кенг жорий этиш.

Рақамли технологиялар миллий бозорини ривожлантиришнинг устувор йўналишлари Рақамли технологиялар миллий бозори учун қулай муҳитни яратиш ва истиқболли «рақамли» стартапларни ривожлантириш мақсадида қуйидаги тадбирлар амалга оширилади: технопарклар ва коворкинг марказлари фаолиятини, шу жумладан давлат-хусусий шериклик асосида ташкил этиш орқали замонавий рақобатбардош ва экспортга йўналтирилган дастурий маҳсулотлар ва хизматларни, маҳаллий ишлаб чиқаришни ривожлантириш; рақамли технологияларнинг жадал ривожланиши ва уларнинг бизнес амалиётига таъсири ва янги рақамли хизматлар ёки маҳсулотлар пайдо бўлиши таъсирини ҳисобга олган ҳолда қонунчилик базасини такомиллаштириш механизмларини шакллантириш; миллий стартапларни ривожлантиришни рағбатлантириш ва ахборот технологиялари соҳасида янги иш бошлаётган корхоналар ва кичик корхоналарга, жумладан венчур молиялаштириш орқали кўмаклашиш; маҳаллий дастурий маҳсулотлар бозори ривожланиши учун шароит яратиш, шу жумладан тадбиркорлик субъектлари ва давлат органларининг самарали ўзаро ҳамкорлигини таъминлаш орқали янги инновацион ечимларни ишлаб чиқиш ва уларни кейинчалик амалга ошириш; ташқи бозорда маҳаллий технологик ва дастурий маҳсулотларга бўлган талабни қўллаб-қувватлаш ва ривожлантириш; интеллектуал мулкни рўйхатдан ўтказиш, устав капиталида интеллектуал мулкни кўрсатиш имкониятини яратиш билан боғлиқ тартиботларни соддалаштириш;

инновацион ғоялар, стартаплар ва венчур лойиҳаларини молиялаштириш тизимининг барқарор занжирини ривожлантириш учун қулай шарт-шароитлар яратиш; ахборот технологиялари соҳасида янгидан иш бошлаган ва кичик корхоналарга стартап- лойиҳаларни амалга оширишда, инновация фаолияти натижаларини инвестицияларни жалб қилган ҳолда кўмаклашиш; спортчиларни компьютер спорт турлари бўйича, шу жумладан давлат-хусусий шериклик шартлари асосида ўқитиш учун компьютер спорт марказлари (профессионал клублар) тармоғини яратиш; компьютер ўйинлари саноатини ривожлантиришни қўллаб-қувватлаш бўйича комплекс чора-тадбирларни амалга ошириш, хорижий инвестицияларни маҳаллий IT- маҳсулотларини ишлаб чиқиш ва рағбатлантиришга жалб қилиш, ушбу соҳадаги малакали мутахассисларни танлаб олиш ва тайёрлаш; ахборот технологиялари соҳасида аутсорсинг хизматлари бозорини ривожлантириш учун зарур ташкилий-техник ва молиявий-иқтисодий шароитларни яратиш; лойиҳа бошқарувига ўқитишни жорий этиш, шунингдек, стартап-лойиҳаларини қўллаб- қувватловчи инкубация ва акселерация марказлари фаолиятини ташкил этиш орқали ахборот технологиялари соҳасидаги олий таълим сифатини ошириш;

IT-паркнинг хорижий давлатлардаги ваколатхоналарини очиш орқали маҳаллий дастурий таъминот ишлаб чиқувчиларининг манфаатларини ифодалаш ҳамда уларга ўз маҳсулотларини ички ва ташқи бозорларда илгари суришда кўмаклашиш; ҳар томонлама таҳлилий ва амалий тадқиқотлар асосида рақамлаштириш жараёнларининг ишлаб чиқариш ва иқтисодиёт тармоқларига таъсирини баҳолаш ва келгусида мамлакат иқтисодиётининг рақамли трансформациясини кенгайтириш бўйича таклифларни ишлаб чиқиш; ахборот технологиялари соҳасида тижоратлаштириш салоҳияти баланд бўлган юқори технологик маҳсулотлар яратилишига йўналтирилган илмий-тадқиқот ишланмалари ишлаб чиқилишини ривожлантириш ; IT-парк асосида илғор технологиялардан (Big Data, IoT, AI блокчейн ва бошқалар) фойдаланган ҳолда устувор тармоқлар учун «ақлли ечимлар» ни ишлаб чиқишни рағбатлантириш; бизнес корхоналари, университетлар, илмий-тадқиқот институтлари ва илмий марказлар ўртасидаги ҳамкорликка асосланган юқори технологияли тадбиркорлик марказлари ва кластерларини яратишга кўмаклашиш; технопарклар, акселераторлар ва инкубаторларни хакатонлар, танловлар ва конференциялар орқали тизимли равишда давлат томонидан қўллаб-қувватлаш ва грант субсидиялари бериш.

Стратегияни амалга оширишдан кутилаётган натижалар Стратегияда белгиланган вазифаларни амалга ошириш орқали қуйидаги натижаларга эришиш режалаштирилган (мақсадли кўрсаткичлар иловада): юқори тезликдаги Интернет жаҳон ахборот ва мобил алоқа тармоқларидан сифатли, хавфсиз, арзон ва оқилона фойдаланиш; алоқа ва телекоммуникацияларнинг очиқ ва рақобатбардош бозори; барча ижтимоий объектларни Интернет жаҳон ахборот тармоғи билан таъминлаш; республика бўйлаб оптик толали алоқа тармоғининг узунлигини кенгайтириш; аҳоли пунктларини юқори тезликдаги алоқа технологиялари (4G ва б.) билан қамраб олиш даражасини ошириш; шаҳарлар ва қишлоқлар ўртасидаги рақамли тафовутни камайтириш; электрон ҳукуматни ривожлантириш халқаро рейтингида энг ривожланган мамлакатлар қаторига кириш; электрон давлат хизматлари улушини ошириш; электрон давлат хизматларига ишончни мустаҳкамлаш, аҳолининг давлат органлари билан хавфсиз ва осон ўзаро ҳамкорлик қилишини таъминлаш;

давлат, бизнес ва аҳолининг эҳтиёжларига қараб, ҳисоблаш қувватини самарали тақсимлаш ва ундан фойдаланиш; республика бўйлаб коммунал соҳада электрон ҳисоблагичлар улушини ошириш; анъанавий қоғоз ёки электрон ҳужжатга нисбатан электрон ёзувнинг устунлиги; дастурий маҳсулотларнинг экспорт ҳажмини кенгайтириш; IT-паркда резидентлари сонини ошириш; инвестиция муҳитини яхшилаш, ахборот технологиялари соҳасида инвестициялар самарадорлигини ошириш; аҳолининг рақамли иқтисодиёт ва электрон ҳукумат воситаларидан фойдаланиш кўникмаларини ривожлантириш; аҳолининг барча қатламлари учун ахборот технологиялари соҳасида таълим олиш бўйича кенг имкониятларининг мавжудлиги; ахборот технологиялари соҳасидаги профессионал кадрлар захирасининг, шу жумладан бошқарув кадрлари захирасининг мавжудлиги; IT-йўналиши бўйича олий таълим муассасалари битирувчилари сонини ошириш; республиканинг барча туманларида (шаҳарларида) рақамли технологиялар ўқув марказларини ташкил этиш.

«Рақамли Ўзбекистон — 2030» cтратегиясининг МАҚСАДЛИ КЎРСАТКИЧЛАРИ (м анба: www.my gov.uz) Т/р Кўрсаткич номи Ўлчов бирлиги Жорий ҳолати Йиллар кесимидаги мақсадлар 2022 2025 2030 1. Республика бўйлаб қурилган оптик толали алоқа тармоғининг узунлиги минг км 41 70 120 250 2. Республика ҳудудларининг юқори тезликдаги Интернет жаҳон ахборот тармоғи билан қамров даражаси фоиз 67 74 85 100 3. Ижтимоий объектларнинг юқори тезликдаги Интернет жаҳон ахборот тармоғи билан таъминланганлик даражаси фоиз 45 100 100 100 4. Уй хўжаликларининг кенг полосали Интернет жаҳон ахборот тармоғи билан таъминланганлик даражаси фоиз 67 74 85 100 5. Аҳоли пунктларининг кенг полосали мобил алоқа тармоғи билан қамров даражаси фоиз 78 100 100 100 6. Электрон ҳукуматни ривожлантириш халқаро рейтингида «Электрон ҳукуматни ривожлантириш индекси»нинг самарадорлик кўрсаткичи балл (0-1 оралиғида) 0,66 0,70 0,75 0,86

«Рақамли Ўзбекистон — 2030» cтратегиясининг МАҚСАДЛИ КЎРСАТКИЧЛАРИ (м анба: www.my gov.uz) 7. Давлат хизматлари марказлари томонидан кўрсатиладиган давлат хизматларига нисбатан Ягона интерактив давлат хизматлари портали орқали кўрсатиладиган электрон давлат хизматларининг улуши фоиз 34 60 70 90 8. Ягона интерактив давлат хизматлари портали электрон давлат хизматларига нисбатан мобил қурилмалар ёрдамида фойдаланиш имкониятига эга электрон давлат хизматлари улуши фоиз 5 30 42 60 9. Ягона интерактив давлат хизматлари портали орқали кўрсатиладиган транзакциявий хизматлар улуши фоиз 25 45 60 75 10. Корхона ресурсларини бошқариш тизимини (ERP) жорий қилган йирик хўжалик юритувчи субъектлар улуши фоиз 20 40 65 100 11. Онлайн банк хизматлари фойдаланувчилари сони (юридик ва жисмоний шахслар) млн нафар 10 15 17 20 12. Дастурий маҳсулотлар ва ахборот технологиялари технологик паркининг инкубация ва акселерация дастурларига киритилган стартап-лойиҳалар сони дона 50 250 700 2 300 13. Ахборот технологиялари соҳасида кадрларни тайёрлаш бўйича олий таълим ва ўрта махсус таълим муассасаларига қабул квоталар сони минг 7 12 15 20

Фойдаланилган адабиётлар • Кенжабаев А.Т. Ахборот хавфсизлигини таъминлаш- ахборотлашган жамиятнинг муҳим омилидир Молия журнали, 2013 йил. 1-сон, 118-123 бетлар. • Elena G. PopkoЎ • Bruno S. Sergi. Editors Digital Economy: Complexity and Variety vs. Rationality. 2020 y.-1050 p. ∙ Акаев А.А., КенжабаевА.Т., Илхамова Ё.С., Жуманиёзова М.Ю. Иқтисодиётда ахборот комплекслари ва технологиялари. Дарслик.Т.-“Фан ва технология”. 2019.- 510 бет.

Эътиборларингиз учун рахмат!

Похожие

Рақамли иқтисодиёт технологиялари

Рақобат стратегияси ва уни устунлигини сақлаш

Хорижий инвестиция стратегияси ва тактикаси услублари

Ўзбекистон иқтисодиётида инвестицияларнинг ўрни

Ўзбекистон Республикасида молиявий назорат