Молиявий инновациялар ва технологияларнинг ривожланиши - Экономика - Презентации

Молиявий инновациялар ва технологияларнинг ривожланиши

Загружено в:

26.11.2023

Скачано:

0

Размер:

230.37109375 KB

Молиявий инновациялар ва технологияларнинг ривожланиши

Режа : Молиявий янгиликлар ва бозорнинг “кўринмас қўли”. Инновациялар ва технологияларнинг ривожланиши.

Молиявий янгиликлар қайсидир марказлаштирилган органлар томонидан режалаштирилмайди, балки айрим тадбиркорлар ва фирмаларнинг харакатлари натижасида юзага келади.

Молиявий ресурслардан самарали фойдаланиш мақсадида активларнинг янги шакллари орқали шартномаларни бажариш ёки мавжуд активлар ва пассивлар орқали янги операцияларни амалга ошириш усули молиявий янгилик (инновация)лар сифатида талқин қилинади.

Объектда содир бўлаётган янгиликлар нуқтаи назаридан молиявий янгиликларнинг қуйидаги турлари фарқланади: молия тизимида янги молиявий воситачиларни шакллантириш орқали юзага келадиган молиявий янгиликлар; молиявий муносабатларга янги технологиялар, бизнес- жараёнларни жорий қилишда юзага келадиган молиявий янгиликлар; янги молиявий маҳсулот ёки инструмент (восита).

Молиявий янгиликлар деганда молия бозорида реализация қилинган янги молиявий маҳсулот (хизмат, операция, технология) тушунилиб, унинг натижасида риск, даромадлилик, ликвидлилик ва ахборот қайта тақсимланади ва қўшимча даромад олинади.

Мустақил молиявий категория сифатида молиявий янгиликлар қуйидаги ўзига хос хусусиятларга эга: Янги молиявий маҳсулотнинг молиявий инновациялар бозорида сотилиши; Молиявий операцияларнинг бозорда ёки хўжалик юритувчи субъект ичида сотилишининг мажбурийлиги; Молиявий янгиликларнинг вақт омилига боғлиқлиги; Молиявий маҳсулотнинг ҳам ўзига хос хусусиятлари: якка ёки оммавий талабнинг мавжудлиги, чекланган ёки чекланмаган маҳсулотнинг мавжудлиги; маҳсулотнинг мулкий ёки мулкка оид ҳуқуқ сифатида мавжудлиги.

Молия бозорининг ривожланиш тенденцияси Пайдо бўлиш шакли Молиявий ингиликлар шакли Молиявий глобаллашув Молиявий маҳсулот ва хизматларнинг унификациялашуви Молиявий супермаркетларнинг пайдо бўлиши Молия бозоринниг эркинлашуви Молиявий хизматларнинг арзонлашуви ва рақобатнинг янги шаклларининг юзага келиши Виртуал банк офислари, онлайн- банк тизимлари Инфракоммуникацион асоснинг ривожланиши Ягона глобал молия тизимининг шаклланиши Деривативлар, своп Секьюритизация “ Кредит” пуллари ҳажмининг ошиши Берилган кредитларнинг қайта молиялаштирилиши, секьюритизацияланган қимматли қоғозлар Хеджирлаш Рискларни диверсификациялаш Кредит-дефолт своплар

А.Смит қайд қилганидек, “ Ҳар бир индивид ўзининг капиталини энг кўп фойда келтириши учун ишлатишга ҳаракат қилади. Унинг ниятига, қоидага кўра, умумий манфаатларга хизмат қилиш кирмайди, ва у одатда уларни қондиришга қанчалик ёрдам бераётганини билмайди. Уни фақат ўзининг хавфсизлиги ва фойда ташвишга солади. Бироқ мутлоқ ўзининг фойдаси учун ҳаракат қилаётган индивид, унинг мақсадига кирмайдиган натижага кўринмас қўл томонидан йўлланади. Ўз манфаатлари изидан бориб, у кўпинча ҳақиқатда қилмоқчи бўлганидан кўра кўпроқ жамиятнинг ривожланишига самаралироқ ёрдам беради”.

Одамларнинг ўз манфаатларини кўзлаб қиладиган, аммо пировардида бутун жамиятга фойда бўладиган саъй- ҳаракатлари иқтисодиётнинг «кўринмас қўли» дейилади. Замонавий иқтисодиёт отаси саналмиш Адам Смитнинг «кўринмас қўл» назариясига асосан, инсон ўз табиатига кўра худбин ва манфаатпарастдир. Аммо у ўз фойдасини кўзлаб фаолият юритса-да, беихтиёр жамиятга фойда келтиради.

Бозорнинг «кўринмас қўли» ожиз бўлиб қолган пайтда, иқтисодиёт тамойилларидан бирига кўра, давлат иқтисодий ҳолатни яхшилаш имкониятини ишга солиши керак. Бозорни ночор ҳолатга келтирадиган омилларга яна бир мисол – бозор устидан ҳукмронлик ўрнатиш (монополия). Буларнинг натижасида иқтисодий самарадорлик пасаяди. Бу ҳолатда давлат ўзининг бевосита аралашуви орқали бозордаги носоғлом ҳолатни яхшилаши мумкин. Давлатнинг бундай – бозордаги носоғлом рақобатни йўқ қилишга йўналтирилган ижобий аралашуви адабиётда «давлатнинг кўринар қўли» деб ҳам номланади.

Молиявий инновация – бу: Янги молиявий воситалар ёки технологиялар; Аввал маълум бўлган ғоядан фойдаланишдаги туб бурилишлар Умуман янги, революцион технологияларнинг пайдо бўлишига олиб келадиган тасаввуримиздаги сифат ўзгаришлар ва ҳ.к.

Похожие

Молиявий ҳисоботи ва молиявий режалаштириш

Молиявий натижалар ва рентабеллик таҳлили

Молиявий ҳисобот

Молиявий режалаштириш

Молиявий бозорлар