Акциядорлар жамияти 2 - Экономика - Презентации

Акциядорлар жамияти 2

Загружено в:

06.12.2024

Скачано:

0

Размер:

1176.501953125 KB

АКЦИЯДОРЛАР ЖАМИЯТИ - даромад топиш мақсадида ҳиссадорлик тамойилига биноан уюшган шерикчилик жамияти. - Акциядорлар жамияти бошқа шерикчилик корхонасидан фарқли ўлароқ, муомалага номинал қиймати кўрсатилган акциялар чиқариш ва уни сотиш йўли билан тарқатиш бундай жамиятнинг молиявий негизини ташкил этади. - Акция эгалари дивиденд шаклида даромад оладилар. Акциядорлар жамиятининг очиқ ва ёпиқ жамият шаклидаги кўринишлари бор : - а) ёпиқ Акциядорлар жамияти — акция эгалари маълум гуруҳ, мас, таъсисчиларнинг ўзи билан чекланади. Акциялар фақат уларнинг ўртасида тарқатилади; - б) очиқ Акциядорлар жамияти — жамият акциялари эркин сотилади ва сотиб олинади, акциядорлар сони чекланмаган, хоҳлаган ва акция олишга пули бор юридик ёки жисмоний шахс, шу жумладан, ажнабий шахслар унинг аъзоси бўла олади.

• Акциядорлар жамияти пулни бир ерга тўплаб бизнесга қўйиш учун тузилади. • Унинг ташкилотчилари таъсисчилар деб юритилади. • Таъсисчи фирмалар, банклар, давлат ва айрим фуқаролар бўлиши мумкин. • Акциядорлар жамиятининг афзаллиги шундаки, у майда пулни тўплаб йирик пулга айлантириш, яъни капитал бўла оладиган пулга айлантиришдан, майда пулдорларнинг пулини ҳам бизнесга қўйишдан иборат. • Акциядорлар жамиятини бошқаришнинг олий органи — акциядорлар мажлиси , • сўнгра — директорлар кенгаши • қуйи бўғини — бўлинмалар бошқармаси дан иборат. • Акциядорлар мажлиси Акциядорлар жамияти йиллик ҳисоботини, низомдаги ўзгаришларни, даромаднинг тақсимланишини, фойдазарар ҳисоб-китобини, тафтиш натижалари, раҳбарларни сайлаш масаласини кўриб чиқади ва тегишли қарорлар қабул қилади. Дастлаб Акциядорлар жамияти 17-а. да пайдо бўлган

Молиялаштириш шакллари - Молиявий механизмнинг энг мураккаб ва асосий элементларини молиялаштириш шакллари ва усуллари ташкил қилади. - Молиялаштириш шакллари ва усуллари ўз навбатида молиявий механизмнинг тўлиқ ифодасини акс эттиради. - Чунки, молиявий механизмнинг бошқа элементлари асосан молиялаштириш жараёнига қаратилган бўлади ва шунга хизмат қилади. - Молиялаштириш шакллари ва усуллари эса молиявий ресурсларнинг давлат пул фондлари, хўжалик юритувчи субъектлар ҳам уй хўжаликларида тақсимланиши ҳолатини кўрсатиб беради ва уларнинг турли даражадаги ҳаракатини ифодалайди.

Молиялаштиришнинг ички маблағлари шакли • Одатда ўз-ўзини молиялаштириш ҳам деб аталади. • Ички маблағлар ҳисобига молиялаштириш номидан кўринадики, молиялаштиришда зарур бўладиган молиявий маблағлар ички имкониятларга асосланади ва у давлат, хўжалик юритувчи субъектлар ҳамда уй хўжаликлари доирасида ҳам амал қилади. • Ўз-ўзини молиялаштириш молиявий барқарорликни тавсифловчи кўрсаткич сифатида ҳам юзага чиқади, аммо, бундай молиялаштириш ҳамма вақт ҳам самарали бўлмаслиги мумкин. • Агар, молиялаштириш субъектлари ўзларининг молиявий сиёсатида (уставида, қонунларида ва ш.к.) ушбу молиялаштириш шаклини қатъий белгилаб қўйса, у ҳолда молиявий танглик вақтларида ташқи маблағларни жалб қилишда муаммо келиб чиқади. • Шу боисдан ҳам ушбу молиялаштириш шакли асосан молиявий барқарорликни таъминлайдиган барча омиллар ҳисобга олинган шароитларда самара бериши мумкин.

Ташқи маблағлар ҳисобига молиялаштириш шакли асосан • Бюджетдан маблағ олиш, • Бошқа марказлаштирилган пул фондларидан маблағ олиш, • Таъсисчилар (муассислар)нинг ажратмалари (бадаллари) ҳисобига молиялаштиришни тавсифлайди.

• Бозор муносабатлари шароитида молиялаштиришнинг энг самарали шаклларидан бири сифатида аралаш (комбинатциялашган) шаклда молиялаштириш катта аҳамиятга эга бўлади. • Бунда молиялаштириш субъектлари ҳам ички имкониятларни ҳам ташқи имкониятлар ҳисобига фаолиятини молиялаштиришга имкони бўлади. • Бу айниқса бюджетдан маблағ олувчиларнинг ҳам тадбиркорлик фаолияти билан шуғулланишига(қонун доирасида) имконият беради, • Тадбиркорлик субъектлари эса ўз акцияларини фонд бозорларида сотиши орқали қўшимча маблағларни жалб қилиши, зарур ҳолларда эса кредит маблағлари ҳисобига молиялаштириш имкониятига эга бўлади. • Шу жиҳатдан олганда аралаш шаклда молиялаштириш бозор муносабатлари шароитида иқтисодиёт субъектлари фаолиятини молиялаштиришнинг самарали ва қулай шакли сифатида катта аҳамиятга эга бўлиб боради

• Бугунги кунда Республикамизда • 2 692 та давлат иштирокидаги тижорат ташкилотлари бор, • Шундан 1 133 та давлат унитар корхонаси , • 1 124 та масъулияти чекланган жамияти • 241 та акциядорлик жамияти иқтисодиётнинг турли соҳаларида фаолият кўрсатади. • Республикадаги мавжуд 599 та акциядорлик жамиятларидан 42 фоизида давлат улуши бўлиб, жами акцияларнинг 84 фоизи давлатга тегишли, аҳолининг атиги 2 фоизидан ортиғи акцияларга эгалик қилади.

- УНИТАР КОРХОНА — мулк эгаси томонидан ўзига биркитиб берилган мулкка эгалик қилиш ҳуқуқи берилмаган тижорат ташкилоти куринишидаги давлат ёки маҳаллий бошқарув идоралари корхонаси. - Ўзбекистон Республикаси қонунларига кўра, давлат ҳокимияти органи ёки маҳаллий бошқарув томонидан ташкил этиладиган хўжалик юритиш ҳуқуқига асосланган Унитар корхона ва оператив бошқариш ҳуқуқига асосланган давлат мулки булган Унитар корхоналар бор . - У.К. ўз мажбуриятлари бўйича ўзига тегишли жами мол-мулки б-н жавоб беради, лекин молмулки эгаси мажбуриятлари буйича жавобгар эмас.

• МАСЪУЛИЯТИ ЧЕКЛАНГАН ЖАМИЯТ - аъзолари жамият мажбуриятлари бўйича фақат ўзлари қўшган улуш доирасида жавобгар бўладиган жамият. • Иккитадан кам бўлмаган жисмоний ёки юридик шахсларнинг келишувига кўра, умумий хўжалик фаолияти билан шуғулланиш мақсадида уларнинг улушларини қўшиш йўли билан ташкил этилиши мумкин. • Бундай жамият юридик шахс ҳисобланади. • Жамият таркибида юридик шахс бўлган иштирокчилар ўз мустақиллигини ва ҳуқуқий шахслигини сақлаб қоладилар. • Жамият маблағлари қатнашувчиларнинг улуши ҳисобидан шакллантирилади. • Муомалага аксиялар чиқармайди. • Жамият аъзоларига пай гувоҳномалари берилади. • Жамият аъзоси ўз улушини бошқа шахсга фақат жамият розилиги билан ўтказиши, сотиши мумкин.

Похожие

Хиссадорлик жамияти. Очик ва ёпиқ турдаги хиссадорлик жамияти

Акциядорлар (иштирокчилар) ҳуқуқларини ҳимоя қилишнинг умумий тушунчалари ва механизмлари

Корпоратив бошқарув органлари тизими

Инвестиция 2

Motivatsiya 2