Референдум - унинг ташкилий-ҳуқуқий асослари ва асосий босқичлари - Юриспруденция - Презентации

Референдум - унинг ташкилий-ҳуқуқий асослари ва асосий босқичлари

Загружено в:

03.08.2024

Скачано:

0

Размер:

2806.1923828125 KB

Мавзу: Референдум: унинг ташкилий-ҳуқуқий асослари ва асосий босқичлари

РЕФЕРЕНДУМНИНГ ҲУҚУҚИЙ АСОСЛАРИ  1. Ўзбекистон Республикаси Конституцияси (1992 йил 8 декабрь)  2 ”Ўзбекистон Республикасининг референдуми тўғрисида»ги қонуни (1991 йил 18 ноябрь)  3. “Референдум округлари ҳамда референдум ўтказувчи округ комиссиялари тўғрисидаги низом”, Марказий сайлов комиссиясининг (1171 сон) қарори билан тасдиқланган 28 июнь 2022 йил.  4. “Референдум участкалари ҳамда участка комиссиялари тўғрисидаги низом”, Марказий сайлов комиссиясининг (1172-сон) қарори билан тасдиқланган 28 июнь 2022 йил.  5. Референдум даврида оммавий ахборот воситалари вакилларини аккредитациядан ўтказиш тартиби тўғрисидаги низом Марказий сайлов комиссиясининг 2022 йил 30 августдаги 1185-сон қарори билан тасдиқланган. ( https://saylov.uz ) Марказий сайлов комиссиясининг расмий сайти.

РЕФЕРЕНДУМНИ ЎТКАЗИШ ТАШАББУСИ  «Ўзбекистон Республикасининг референдуми тўғрисида»ги  Қонунининг 11-моддасига мувофиқ  Референдумни ўтказиш ташаббуси билан :  Ўзбекистон Республикаси фуқаролари;  Ўзбекистон Республикаси Олий Мажлисининг палаталари;  Ўзбекистон Республикаси Президенти чиқиши мумкин.

РЕФЕРЕНДУМ ТАЙИНЛАШ ҲУҚУҚИ  Референдум Ўзбекистон Республикаси Олий Мажлиси томонидан тайинланади .  Ўзбекистон Республикаси Президенти референдум ўтказиш ташаббускори бўлган тақдирда у Ўзбекистон Республикаси Олий Мажлисига мурожаат этиши ёки референдум ўтказиш тўғрисида ўз қарорини қабул қилиши мумкин. “ Ўзбекистон Республикаси Референдуми тўғрисида” Қонун, 13-модда”

ЎЗБЕКИСТОН РЕСПУБЛИКАСИДА РЕФЕРЕНДУМ ҚАЧОН ЎТКАЗИЛАДИ? “ Ўзбекистон Республикаси Референдуми тўғрисида” қонун, 14-модда”“ Ўзбекистон Республикаси Олий Мажлиси палаталарининг референдумни ўтказиш ва референдум ўтказиладиган санани тайинлаш тўғрисидаги қарорларида уни ўтказиш санаси белгиланади, бунда овоз бериш палаталарнинг қарорлари эълон қилинган кундан эътиборан бир ярим ойдан уч ойгача бўлган даврда исталган кунга тайинланиши мумкин ”.

Марказий сайлов комиссияси Референдум ўтказувчи округ комиссиялари Референдум ўтказувчи участка комиссиялари . РЕФЕРЕНДУМНИ ТАШКИЛ ЭТИШ ВА ЎТКАЗУВЧИ КОМИССИЯЛАР ТИЗИМИ I II III

МАРКАЗИЙ САЙЛОВ КОМИССИЯСИ ВАКОЛАТЛАРИ: Референдум қонунчилигини ижросини таъминлайди ва назорат қилади; Референдумни ташкил этиш ва ўтказиш соҳасида қарорлар қабул қилади, йўриқнома ва низомларни тасдиқлайди; Референдум ўтказувчи округларни тузади ва округ комиссияларини тасдиқлайди; Референдум ўтказувчи комиссиялар фаолиятини услубий жиҳатдан таъминлашни амалга оширади; Хорижий давлат ва халқаро ташкилотлар кузатувчиларига мандат беради; Референдум натижаларини аниқлайди ва эълон қилади.

ҚОРАҚАЛПОҒИСТОН РЕСПУБЛИКАСИ, ВИЛОЯТЛАР ВА ТОШКЕНТ ШАҲРИ ЧЕГАРАЛАРИ ДОИРАСИДА 14 ТА РЕФЕРЕНДУМ ОКРУГЛАРИ ТУЗИЛАДИ РЕФЕРЕНДУМ ОКРУГЛАРИ Барча округлар миқёсида берилган овозлар натижасида Марказий сайлов комиссияси томонидан референдум якунлари эълон қилинади

РЕФЕРЕНДУМ ОКРУГЛАРИНИ ТУЗИШ ТАРТИБИ : Марказий сайлов комиссияси референдум тайинлаш тўғрисидаги қарор эълон қилингандан кейин кечи билан беш кун ичида референдум округларини тузиш ҳақида қарор қабул қилади. Марказий сайлов комиссиясининг ушбу қарорида қуйидагилар тасдиқланади: референдум округларининг рўйхати; округларнинг чегаралари; референдумда иштирок этиш ҳуқуқига эга бўлган фуқаролар сони; округ комиссиялари жойлашадиган биноларнинг манзили.

РЕФЕРЕНДУМ ОКРУГ КОМИССИЯЛАРИ ҚАНДАЙ ТУЗИЛАДИ? «Референдум ўтказувчи округ комиссияси референдум тайинлаш тўғрисидаги қарор эълон қилинганидан кейин Ўзбекистон Республикаси Марказий сайлов комиссияси томонидан ўн кундан кечикмай комиссия раиси, раис ўринбосари, котибидан ва комиссиянинг саккиз — ўн саккиз нафар бошқа аъзоларидан иборат таркибда тузилади. Референдум ўтказувчи округ комиссиялари аъзолигига номзодлар Қорақалпоғистон Республикаси Жўқорғи Кенгесининг, халқ депутатлари вилоятлар ва Тошкент шаҳар Кенгашларининг мажлисларида муҳокама қилинади ҳамда референдум тайинлаш тўғрисидаги қарор эълон қилинганидан кейин етти кундан кечикмай Ўзбекистон Республикаси Марказий сайлов комиссияси томонидан тасдиқлаш учун тавсия этилади»; “ Ўзбекистон Республикаси Референдуми тўғрисида” қонун, 19-модда”

референдумни ўтказувчи участкаларни тузади ва участка комиссиялари аъзоларини тасдиқлайди; пул маблағларини референдум ўтказувчи участка комиссиялари ўртасида тақсимлайди, референдум ўтказувчи участка комиссияларининг бинолар, транспорт ва алоқа воситалари билан таъминланишини назорат қилади; участка комиссияларини овоз бериш бюллетенлари билан таъминлайди, тегишли округ бўйича овоз бериш якунларини аниқлайди ва Марказий сайлов комиссиясига тақдим этади;округ ҳудудида “Ўзбекистон Республикасининг референдуми тўғрисида” ги қонуни ижроси устидан назоратни амалга оширади ва унинг бир хил тарзда қўлланилишини таъминлайди; ОКРУГ КОМИССИЯЛАРИ ВАКОЛАТЛАРИ:

2. РЕФЕРЕНДУМ УЧАСТКАЛАРИ ВА УЧАСТКА КОМИССИЯЛАРИНИ ТУЗИШ ТАРТИБИ ВА МУДДАТЛАРИ: Референдум участкалари туманлар, шаҳарлар ҳокимларининг тақдимномасига биноан референдум ўтказувчи округ комиссиялари томонидан тузилади. Ҳарбий қисмларда референдум участкалари қисмлар ёки ҳарбий қўшилмалар командирларининг тақдимномасига биноан округ комиссиялари томонидан тузилади. Ҳарбий қисмларда, Ўзбекистон Республикасининг хорижий давлатлардаги дипломатик ва бошқа ваколатхоналари ҳузурида, шунингдек олис ва бориш қийин бўлган ерларда, қамоқда сақлаш ва озодликдан маҳрум этиш жойларида ҳам референдум участкалари ана шу муддатда, айрим ҳолларда эса истисно тариқасида референдум ўтказишга камида беш кун қолганда тузилади.

референдум тайинлаш тўғрисидаги қарор эълон қилинганидан кейин ўн беш кундан кечикмай тузилади. камида 20 нафар кўпи билан 3000 нафардан ошмаган референдумда иштирок этиш ҳуқуқига эга бўлган фуқароларни инобатга олган ҳолда тузиладиРЕФЕРЕНДУМ УЧАСТКАЛАРИ (қоида тариқасида)

Участка комиссияси округ комиссияси томонидан референдум тайинлаш тўғрисидаги қарор эълон қилинганидан кейин йигирма беш кундан кечикмай 5 – 19 нафар аъзодан, шу жумладан раис, раис ўринбосари ва котибдан иборат таркибда тузилади . Участка комиссияси таркибининг сони зарур ҳолларда кўпайтирилиши ёки камайтирилиши ҳам мумкин. Участка комиссиясини тузиш тартиби:УЧАСТКА КОМИССИЯСИНИ ТУЗИШ МУДДАТИ ВА ТАРТИБИ: аъзоликка номзодлар фуқароларнинг ўзини ўзи бошқариш органлари, жамоат бирлашмалари, корхоналар, муассасалар ва ташкилотлар томонидан таклиф этилади; бу номзодлар халқ депутатлари туман, шаҳар Кенгашларининг мажлисларида муҳокама қилинади ҳамда тегишли референдум ўтказувчи округ комиссиясига тасдиқлаш учун тавсия этилади; округ комиссияси участка комиссияси аъзоларини тасдиқлайди ва эълон қилади.

УЧАСТКА КОМИССИЯСИ АЪЗОЛИГИГА НОМЗОДЛАР УЧУН ҚЎЙИЛАДИГАН ТАЛАБЛАР: Қ у й и д а г и л а р референдум ўтказувчи участка комиссиясининг аъзоси бўлиши мумкин эмас: • Сиёсий партияларнинг аъзолари; • вилоят, туман ва шаҳар ҳокимлари; • прокуратура органларининг мансабдор шахслари; • судларнинг мансабдор шахслари; • фуқароларнинг ташаббускор гуруҳи таркибига кирувчи аъзолари.Йигирма бир ёшга тўлган, ўрта ёки олий маълумотга, қоида тариқасида, сайлов ва референдумга тайёргарлик кўриш ва уни ўтказиш борасида иш тажрибасига эга бўлган, аҳоли ўртасида обрў эътибор қозонган фуқаролар участка комиссиясининг аъзолари бўлиши мумкин.

• Ўзбекистон Республикаси Марказий сайлов комиссиясининг 2022 йил 30 августдаги 1185- сон қарори билан тасдиқланган Ўзбекистон Республикасининг референдумида оммавий ахборот воситалари вакилларини аккредитациядан ўтказиш тартиби тўғрисидаги низоми га мувофиқ референдумга тайёргарлик кўриш ва уни ўтказишга доир барча тадбирларда қатнашиш учун ОАВ вакиллари аккредитациядан ўтказилади.РЕФЕРЕНДУМ ЖАРАЁНИНИ КУЗАТИШ ВА ЁРИТИШДА ОАВ ИШТИРОКИ

АККРЕДИТАЦИЯ Аккредитация учун маҳаллий ОАВ раҳбарлари МСКга ариза билан мурожаат қилади . Маҳаллий ОАВнинг аризасида аккредитацияга тақдим этилган ходимнинг Ф.И.О. ва лавозими кўрсатилади ҳамда қуйидаги ҳужжатлар илова қилинади : ходимнинг шахсини тасдиқловчи ҳужжат нусхаси ; маҳаллий ОАВнинг давлат рўйхатидан ўтганлиги тўғрисидаги гувоҳномаси нусхаси ; ҳар бир ходим учун тўлдирилган ОАВ вакилини аккредитациядан ўтказиш анкетаси ; ходимнинг электрон фотосурати (оқ фонда jpeg форматда, 3х4 см ўлчамда камида 100 КВ, 600х600р кўпи билан 90 кун олдин туширилган бўлиши ҳамда ходимнинг юзи ва елкаларининг юқори қисми кўриниб туриши керак). Ариза ва унга илова қилинган ҳужжатлар МСКга электрон шаклда юборилади.

ОАВ референдум тайинлаш тўғрисидаги қарор эълон қилинган кундан бошлаб , референдум ўтказилишига кечи билан ўн кун қолгунига қадар МСКга ўз вакилларини аккредитациядан ўтказиш тўғрисида мурожаат қилишлари мумкин.Аккредитацияга тегишли муддатлар ОАВ вакиллари ваколат муддати унга аккредитациядан ўтганлиги тўғрисидаги гувоҳнома берилган кундан бошланади ва референдум якунлари расман эълон қилинган куни тугайди. 2A 0E0C 1E 05 121A 0605 06 0625 22 1C 3A 35 050C 11 100503 13 0703 0B 0B 51

ОАВ ВАКИЛИ ҚУЙИДАГИ ҲУҚУҚЛАРГА ЭГА  референдумга тайёргарлик кўриш ва уни ўтказишга доир барча тадбирларни ёритиш;  референдум ўтказувчи комиссияларнинг мажлисларида ҳозир бўлиш;  референдум ўтказувчи комиссияларнинг қарорлари нусхаларини ОАВда ёритиш учун олиш;  муддатидан олдин овоз беришни ўтказиш вақти ва жойи ҳақида хабардор бўлиш ҳамда ушбу жараённи кузатиш;  референдум куни овоз бериш хоналарида, шу жумладан овозларни санаб чиқишда ҳозир бўлиш;  референдум жараёнини ва овоз беришнинг яширинлигини бузмасдан фото, видео, аудио ёзувларни амалга ошириш (қамоқда сақлаш ва озодликдан маҳрум этиш жойлари, ҳарбий қисмлар, даволаш муассасаларида ташкил этилган референдум участкалари бундан мустасно);  фуқаронинг турган жойида унинг рухсати билан овоз бериш жараёнида ҳозир бўлиш;  тегишли округ комиссияси референдум ўтказувчи участка комиссияларидан овозларни санаб чиқиш натижалари тўғрисидаги баённомаларни қабул қилиб олиши ҳамда округ бўйича референдум натижаларини аниқлашда ҳозир бўлиш;  референдумга тайёргарлик кўриш ва унинг ўтказилиши бўйича ўз фикрини баён қилиш ҳуқуқига эга.

ОАВ ВАКИЛИ ҚУЙИДАГИЛАРГА МАЖБУР  ўз фаолиятида Ўзбекистон Республикаси Конституцияси, “Ўзбекистон Республикасининг референдуми тўғрисида”ги Қонуни, Марказий сайлов комиссиясининг қарорларига амал қилиши лозим;  референдум ўтказувчи комиссияларга, давлат ҳокимияти ва бошқарув органлари ва бошқа ташкилотларга ташриф буюрганида унга берилган гувоҳномани ҳамда ўз шахсини тасдиқловчи ҳужжатни ёнида олиб юриши ҳамда мансабдор шахслар талабига мувофиқ уларни кўрсатиши шарт;  хоҳиши бўлмаган шахсларни интервью беришга мажбур қилиш мумкин эмас;  шахсни ҳар қандай шаклда камситадиган, шаън ва қадр қимматга путур етказадиган ахборотни тарқатмаслик ёки шахсий сирни ошкор қилмаслиги лозим. 02 2405 0F 29 1D0722 2E 27 02 1D0722 1C 0C1D21 0B 21112B 0B 301D09 2A13 0B 36 02 35 23 02 36 2B 0B 27

ОАВ ВАКИЛИГА ҚУЙИДАГИЛАР МАН ЭТИЛАДИ  конституциявий тузумни зўрлик билан ўзгартиришни мақсад қилиб қўювчи, республиканинг суверенитети, яхлитлиги ва хавфсизлигига, фуқароларнинг конституциявий ҳуқуқ ва эркинликларига қарши чиқувчи, урушни, ижтимоий, миллий, ирқий ва диний адоватни тарғиб қилувчи, халқнинг соғлиғи ва маънавиятига тажовуз қилувчи ахборотларни тарқатиш;  фуқароларга таъсир ўтказиш, қонунга хилоф равишда бирон бир ташвиқот материали ёки адабиётини тарқатиш; !  фуқаро овоз бериш бюллетенига ўз белгисини қўяётган пайтда овоз бериш кабинасида ёки хонасида бўлиш;ЁДДА ТУТИНГ!

ОАВ ВАКИЛИГА ҚУЙИДАГИЛАР МАН ЭТИЛАДИ  фуқаролардан улар референдумга қўйилган масалани ёқлаб ёки қарши овоз берганликларини суриштириш ёки фуқароларга бюллетенга белги қўйишда бирон бир тарзда ёрдам кўрсатиш;  референдум ўтказувчи участка комиссиясининг фаолиятига, шу жумладан овоз бериш қутилари муҳрланаётган, очилаётган, овозлар санаб чиқилаётганда аралашиш;  референдум куни ва овоз бериш бошланишидан бир кун олдин жамоатчилик фикри сўровлари натижаларини, референдум натижалари прогнозларини, ўтказилаётган референдум билан боғлиқ бошқа тадқиқотларни эълон қилиш.

ЭЪТИБОРИНГИЗ УЧУН РАҲМАТ !

Похожие

Давлат бошқаруви органларининг ҳуқуқий асослари

Коррупцияга қарши курашнинг халқаро-ҳуқуқий асослари

Ўзбекистон Республикасида сайловнинг конституциявий-ҳуқуқий асослари

Ўзбекистонда ҳуқуқий демократик давлат қуриш ва фуқаролик жамиятини барпо этишнинг Конституциявий асослари

Ўзбекистон Республикасида фуқаролик жамиятини шакллантиришда сайлов тизими ва сайлов жараёнининг ҳуқуқий асослари