Korrupsiya jamiyat inqirozining sabablaridan biri sifatida - Юриспруденция - Презентации

Korrupsiya jamiyat inqirozining sabablaridan biri sifatida

Загружено в:

23.09.2019

Скачано:

0

Размер:

332 KB

KORRUPSIYA JAMIYAT INQIROZINING SABABLARIDAN BIRI SIFATIDA

Korrupsiya • Korrupsiya biror mansabdor shaxsning qonunchilikka va axloqqa zid ravishda ozining boshqaruv vakolatlari va huquqlaridan shaxsiy manfaatlar maqsadida foyda olishidir. Atama odatda siyosiy apparatga nisbatan ishlatiladi. Aksariyat davlatlarda korrupsiya jinoyat sifatida qaraladi.

Korrupsiya • Keyingi paytlarda bir qator xorijiy davlartlarda, jumladan MDHga a’zo bo‘lgan ayrim davlatlar rahbariyati tomonidan korrupsiyaga qarshi jiddiyroq kurash olib borish maqsadida bir qator choralar ko‘rilmoqda. Bunday kurashning boshlanishi tabiiy bo‘lib, chunki ancha vaqtdan buyon ko‘plab fuqarolar, jamoat tashkilotlari tomonidan korrupsiyaviy qilmishlar to‘g‘risida davlat hokimmiyati oliy organlari va huquqni muhofaza qiluvchi idoralarga murojaatlar bo‘lardi. Biroq, MDHga a’zo aksariyat davlatlardagi huquqni muhofaza qiluvchi idoralarni o‘zlarining ham korrupsiyaga aloqador xodimlari to‘g‘risida OAVda ma’lumotlar tarqatilardi. Rossiyada faoliyat ko‘rsatayotgan “Demokratiya uchun informatika” jamg‘armasi mamlakatdagi korrupsiyaning ahvoli to‘g‘risida o‘n yil davomidagi islohotlar mobaynida poraxo‘rlik darajasi pasaymaganligini, Rossiya korxonalari va fuqarolari har yili kamida 37 milliard dollarni pora uchun sarflashlarini e’lon qilgan edi Korrupsiya

Transparency International xalqaro tashkiloti tomonidan keyingi yillarda amalga oshirilgan tadqiqotlarda MDH davlatlari orasida Rossiya, Qozog‘iston, Gruziya, Ozarboyjon, Ukraina va Moldoviya davlatlarida korrupsiya darajasi yuqori ekanligi ko‘rsatiladi. Hozirgi paytda bu davlatlar tomonidan korrupsiyaga qarshi qator chora-chora-tadbirlar ko‘rilmoqda. Jumladan, bu davlatlar tomonidan korrupsiyaga qarshi kurash, uni oldini olishga qaratilgan bir qator normativ- huquqiy hujjatilar qabul qilingan. Misol uchun, Ukrainada «Korrupsiyaga qarshi kurash to‘g‘risida”gi Qonun mavjud bo‘lib davlat boshlig‘i mazkur qonun normalarini hayotga joriy etilishi uchun jiddiy ahamiyat beradi. Ukraina Prezidenti 1997 yil 10 apreldagi 319-sonli farmoni bilan Korrupsiyaga qarshi kurash milliy dasturi tasdiqlangan. Ukrainaning «Korrupsiyaga qarshi kurash to‘g‘risida”gi Qonuni 9-moddasida mansabdor shaxslarning daromadlari, qimmatli qog‘ozlari, ko‘chmas mulk va boshqa qimmatbaho buyumlari, shuningdek bankdagi omonatlari to‘g‘risida rasmiy nashrlarda ma’lumotlar berib borilishi belgilangan.

Korrupsiyaga qarshi kurash borasida qator chora-tadbirlar • Respublikamizda ham korrupsiyaga qarshi kurash borasida qator chora-tadbirlar amalga oshirilmoqda. Jumladan, O‘zbekiston Respublikasi Bosh prokuraturasida Iqtisodiy jinoyatchilik va korrupsiyaga qarshi kurash boshqarmasi faoliyat yuritayapti. 2001 yilda Bosh prokuratura huzurida Soliqqa oid jinoyatlarga qarshi kurash Departamenti tashkil etildi, 2002 yilda departament Soliq va valutaga oid jinoyatlarga qarshi kurash Departamenti etib qayta tashkil etildi. “Qonun himoyasida” jurnalida berilgan ma’lumotga ko‘ra 2002 yilda Iqtisodiy jinoyatchilik va korrupsiyaga qarshi kurash boshqarmasi tomonidan jinoyat natijasida yetkazilgan zarar va to‘lanmagan soliq to‘lovlarining 1,007 mlrd. so‘mi hamda 31.221.680 AQSH dollari tergov davrida undirilgan, aybdor shaxlar esa sud hukmi bilan tegishli javobgarlik choralariga tortilgan.

• Yuqorida ta’kidlab o‘tilganidek, davlat boshqaruvi organlari va respublika ahamiyatidagi yirik kompaniyalar rahbariyati tomonidan respublikamiz manfaatlariga zid bitimlar tuzish va boshqa korrupsiyaviy qilmishlar huquqni muhofaza qiluvchi idoralar tomonidan aniqlanib aybdor shaxslar javobgarlik choralariga tortilayotgan bo‘lsada, aksariyat korrupsiyaviy qilmishlar latentligicha qolmoqda. Tadqiqotchilarning fikriga ko‘ra jami korrupsiyaviy qilmishlarning o‘rtacha 3-4% aniqlanadi. Aniqlangan korrupsiyaviy qilmishlarda aybdor shaxslarning esa ko‘pchiligi qilmishiga yarasha javobgarlikka tortilmaydi.

• Korrupsiyaviy jinoyatchilikka qarshi sifatli va samarali kurashish uchun davlatning korrupsiyaviy jinoyatchilikni oldini olish borasida tizimlashgan chora-tadbirlarini ishlab chiqish lozim. Shu bilan birga mazkur chora-tadbirlarda korrupsiyaga qarshi fuqarolik jamiyati instiututlari bilan keng hamkorlik qilinishi nazarda tutilishi shart bo‘ladi.

Davlatning korrupsiyaga qarshi kurash dasturida quyidagilar: • davlat xizmati sifatini ko‘tarish uning ishlash prinsiplarini qayta ko‘rib chiqish: mansabdorlik maqomini —huquq va majburiyatlarini aniq belgilab qo‘yish; tadbirkorlik faoliyati bilan shug‘ullanishi taqiqlangan mansabdor shaxslar ro‘yxatini qat’iy belgilab qo‘yish; davlat xizmatchilarining mulkiy holatini deklaratsiya qilib borishning samarali va qat’iy mexanizmini o‘rnatish; davlat xizmatidan ishdan bo‘shatilgandan so‘ng tadbirkorlik tuzilmalariga ishga o‘tishga cheklovlar joriy etish;

Davlatning korrupsiyaga qarshi kurash dasturida quyidagilar: • korrupsiyaga qarshi kurashning huquqiy asoslarini mustahkamlash: korrupsiyaviy qilmishlar sanalgan jinoyatlarga belgilangan jazolarni qayta ko‘rib chiqish, ularga amnistiya qo‘llanilishini istisno etish; Korrupsiyaga qarshi kurash to‘g‘risida, Jinoiy va yashirin pul mablag‘lari qonuniylashtirishini odini olish to‘g‘risida qonunlarni qabul qilish zaruriyati; • huquqni muhofaza qiluvchi idoralarning korrupsiyaga qarshi kurash faoliyatini takomillashtirish, ularning funksiyalarini bir-birini takrorlamasligi nuqtai-nazaridan ko‘rib chiqish, shuningdek;

• Bugungi kunda ijtimoiy ongda mamlakatda korrupsiyaga qarshi jiddiy kurash olib bormay turib jamiyat va davlat o‘z oldiga qo‘ygan maqsadlarga, islohotlarning muvaffaqiyat bilan yakun topishiga erishish mumkin emasligi to‘g‘risida fikr qaror topgan. Darvoqe, davlat va xalq o‘rtasidagi ishonch deb atalmish uzvning ham mustahkam bo‘lishi davlat xizmatchilarining o‘zini nechog‘lik korrupsiyadan tiyilganligiga bog‘liq. Korrupsiya to‘g‘risida ko‘p va muhim bo‘lgan ma’lumotlarni yozish mumkin. Biroq ularni mazmunan hozirgi paytda xorijiy va xalqaro tashkilotlar tomonidan amalga oshirilayotgan korrupsiyaga qarshi dasturlar va loyihalarda takrorlanib turadigan “Korrupsiya barq urgan jamiyatda ozodlik uzoq vaqt hukm surishi mumkin emas” degan jumla bilan ifodalash mumkin.

Похожие

Global korrupsiya ijtimoiy madaniy inqiroz sifatida

Daniyada korrupsiya

Davlat xaridlaridagi korrupsiya

Korrupsiyaga qarshi kurash mexanizmlari

Korrupsiyaga qarshi kurashning jahon tajribasi