Яримўтказгичли нур ўтказгич - Физика - Презентации

Яримўтказгичли нур ўтказгич

Загружено в:

16.04.2025

Скачано:

0

Размер:

130.462890625 KB

Яримўтказгичли нур ўтказгич

Режа  Оптоэлектроника ҳақида тушунча  Фотодиод  Нурланувчи диод  Оптронлар

Оптоэлектроника ҳақида тушунча  Оптоэлектроника – электрониканинг бўлими бўлиб, ахборотларни қабул қилиш, узатиш ва қайта ишлашда ёруғлик сигналлар электр сигналларга ва аксинча ўзгартирилишини таъминловчи электрон қурилмаларни ишлаб чиқиш, яратиш ва амалий қўллаш билан шуғулланади.

Фотоэлементлар  Ёруғлик энергияси таъсирида ўз электр хоссаларини ўзгартирадиган асбобларга фотоэлементлар дейилади.  Асосан ташқи ва ички фотоэффект фарқ қилинади.  Ташқи фотоэффект шундан иборатки, ёруғлик оқими фотокатодга кириб, унга ўзининг энергиясини беради ва натижада, фотоэлектрон эмиссия рўй беради. Ташқи фотоэффектдан вакуумли ва газ тўлдирилган фотоэлементларда, шунингдек фотоэлектрон кучайтиргичларда фойдаланилади.  Ички фотоэффект шундан иборатки, ёруғлик энергияси таъсирида баъзи ярим ўтказгичларнинг атомлари ионлашади. Натижада янги заряд ташувчилар (эркин электронлар ва коваклар) ҳосил бўлиб, ярим ўтказгичнинг ўтказувчанлигини орттиради. Ички фотоэффект беркитувчи қатламли фотоэлементларда ва фоторезисторларда фойдаланилади.

Фоторезистор  Фоторезистор деб ёруғлик таъсирида ўз қаршилигини ўзгартирадиган қаршиликка айтилади. Шиша, сопол ёки слюдадан тайёрланган юпқа тахтачага ярим ўтказгич қатлами суртилади. Занжирга улаш учун ярим ўтказгич қатламга контактлар ёпиштирилади. Ярим ўтказгични намликдан сақлаш учун шаффоф лок қопланади.

Фотодиод  Битта р-n ўтишга эга бўлган фотоэлектр асбоб фотодиод деб аталади.  Фотодиод схемага ташқи электр манба билан (фотодиод режими) ва ташқи электр манбасиз (фотовольтаик режим) уланиши мумкин. Ташқи электр манба шундай уланадики, бунда р-n ўтиш тескари йўналишда силжиган бўлсин.

Фотодиод  Фотодиодга ёруғлик тушмаганда диоддан берилган кучланишга боғлиқ бўлмаган I 0 экстракция токи деб аталувчи, жуда кичик қийматга эга “қоронғулик” токи оқиб ўтади.  Диоднинг n – база соҳаси тақиқланган зона кенглигидан катта энергияга эга бўлган фотонлар билан ёритилганда электрон – ковак жуфтликлар генерацияланади.

Фотодиод  Агар ҳосил бўлган жуфтликлар билан р-n ўтиш орасидаги масофа заряд ташувчиларнинг диффузия узунлигидан кичик бўлса, генерацияланган коваклар р-n ўтиш майдони ёрдамида эктракцияланади ва тескари ток қиймати унинг “қоронғулик”даги қийматига нисбатан ортади.  Ёруғлик оқими Ф интенсивлиги ортиши билан диоднинг I Ф тескари токи қиймати ортиб боради. Ёруғлик оқимининг турли қийматлари учун фотодиод ВАХи кейинги слайдда келтирилган.  Ёритилганликнинг кенг чегарасида фототок билан ёруғлик оқими орасидаги боғланиш амалда чизиқли бўлади.

Ёруғлик оқимининг турли қийматларида фотодиод ВАХи

Фототранзистор  Фототранзистор уч қатламли иккита p-n ўтиш билан ярим ўтказгичли асбоб бўлиб, ёруғлик энергияси таъсирида фототокни кучайтириш хусусиятига эга бўлади. Фототранзистор одатда германийли ёки кремнийли ясси транзистор кўринишида бажарилади.  Ёруғлик оқими асосга тушиши учун эмиттер ингичка ва ўлчовлари кичик қилиб тайёрланади

Ёруғлик диоди  Ёруғлик диодлари – битта р-n ўтишга эга бўлган, электр энергияни нокогерент ёруғлик нурига ўзгартувчи яримўтказгич нурланувчи электрон асбобдир.  Нурланувчи диодларда электрон – ковак жуфтликларининг рекомбинациялашуви натижасида ёруғлик нури пайдо бўлади.  Агар р-n ўтиш тўғри йўналишда силжитилган бўлса рекомбинация содир бўлади. Нурланувчи рекомбинация тўғри зонали деб аталувчи яримўтказгичларда ҳосил бўлади. Бундай яримўтказгич сифатида арсенид галлийни келтириш мумкин.

Ёруғлик диоди Нурланаётган ёруғликнинг тўлқин узунлиги энергияси тахминан яримўтказгич таъқиқланган зонаси кенглигига мос келувчи квант энергияси билан аниқланади. Арсенид галлий асосида тайёрланган нурланувчи диодларнинг тўлқин узунлиги= 0,9-1,4 мкм ни ташкил этади. Кўринувчи нурлар диапазонидаги нурланувчи диодлар фосфид галлий, карбид кремний ва бошқалар асосида тайёрланади. Замонавий нурланувчи диодларда галлийнинг азот ва алюминий билан бирикмаларидан фойдаланилади.

Ёруғлик диоди  Нурланувчи диодларнинг энергетик характеристикаси сифатида квант чиқиши (самарадорлик) дан фойдаланилади. Квант чиқиши бошқарув занжиридан ўтаётган ҳар бир электронга нурланувчи диод чиқишида нечта нурланиш кванти тўғри келишини кўрсатади. Гомоўтишли нурланувчи диодлар учун одатда квант чиқиши 0,01-0,04 ни ташкил этади. Гетероўтишли нурланувчи диодлар ҳосил қилиш учун бинар ва уч компонентали яримўтказгич бирикмалардан фойдаланилади, улар учун квант чиқиши анча юқори қийматни (0,3 гача) ташкил этади, лекин ҳамма вақт бирдан кичик бўлади. ВАХлари, оддий диодларникидек, экспоненциал боғланиш билан ифодаланади.  Нурланувчи диодлар оптик алоқа линияларида, индикация қурилмаларида, оптоэлектрон жуфтликларда ва яқин келажакда электр ёритгич асбобларни алмаштиришда қўлланилади.

Оптронлар  Оптоэлектрон жуфтлик, ёки оптожуфтлик ( оптопара ) констуркцияси жиҳатдан оптик муҳит орқали ўзаро боғланган нурлатгич ва фото қабул қилгичдан ташкил топган бўлади.  Кирувчи электр сигнал таъсирида нурланувчи диод ёруғлик тўлқинларини генерациялайди, фотоқабулқилгич эса (фотодиод, фоторезистор, фототранзистор ва бошқалар) ёруғлик таъсирида фототок генерациялайди.  Оптожуфтликлар рақамли ва импульс қурилмаларда, аналог сигналларни узатувчи қурилмаларда, автоматика тизимларида юқори вольтли таъминловчи манбаларни контактсиз бошқариш ва бошқалар учун қўлланилади.

Нурланувчи диод ва фотодиоддан, фототранзистордан, фототиристордан, фоторезистордан ташкил топган оптожуфтликларнинг схемада шартли белгиланиши

 Эътиборингиз учун рахмат

Похожие

Интеграл микросхемалар ва уларнинг синфланиши

Транзисторлар

Ярим ўтказгичларнинг электр хоссалари. Ярим ўтказгичларда ўтказувчанлик турлари

Ўта ўтказгичлар

Трансформаторлар