Rostlagichlar, asboblar va ikkilamchi o‘zgartgichlarni ta’mirlashdan oldin stendda sinov o‘tkazish - Энергетика - Презентации

Rostlagichlar, asboblar va ikkilamchi o‘zgartgichlarni ta’mirlashdan oldin stendda sinov o‘tkazish

Загружено в:

28.04.2024

Скачано:

0

Размер:

624.4462890625 KB

Rostlagichlar, asboblar va ikkilamchi o‘zgartgichlarni ta’mirlashdan oldin stendda sinov o‘tkazish Reja: 1. Birlamchi o’zgartirgichlarni va o'lchash qurilmalarini o’rnatish. 2. Temperaturani o’lchaydigan birlamchi o’zgartirgichlarni o’rnatish haqida. 3. Suyuqlikli tik shisha termometrlarni o’rnatish.

1. Birlamchi o’zgartirgichlarni va olish qurilmalarini o’rnatish Birlamchi o’zgartirgichlar maxsus zavodlarda yoki tayyorlash-o’rnatish ustaxonalarida tayyorlangan va sinalgan qismlar va detallardan foydalanib o’rnatiladi. Qator birlamchi o’zgartirgichlar (masalan, manometrlar, difmanometrlar)ni o’rnatish uchun namunaviy o’rnatish konstruksiyalari (TK va TM) ishlab chiqilgan. Bular montaj buyumlar zavodida tayyorlanadi. Difmanometrlar guruhini o’rnatish uchun maxsus montaj ramalari (stativlar) qo’llaniladi. Birlamchi o’zgartirgichlarni o’rnatish joylari loyihaning ish chizmalarida ko’rsatilgan. O’rnatish joylarini belgilash va birlamchi o’zgartirgichlarni mahkamlash uchun teshiklar ochish ishlarini texnologik uskunalarni va quvurlarni (truba yo’llarni) o’rnatuvchi tashkilot bajaradi.

Birlamchi gazolish qurilmalarini o’rnatish uchun g’isht terish ishlarini bajaruvchi tashkilot devorga o’rnatiladigan qismlar uchun g’isht devorda teshiklar o’rnini belgilaydi, shuningdek bu qismlarni sementli qorishma bilan suvab o’rnatadi. Birlamchi o’zgartirgichlar o’rnatiladigan teshiklarni belgilash, teshish va qurish ishlarini kim bajarishidan qat’iy nazar, bu ishlar avtomatlashtirish asboblari va vositalarini o’rnatuvchi tashkilotning bevosita mas’ul vakili nazorati ostida amalga oshiriladi.

2.Temperaturani o’lchaydigan birlamchi o’zgartirgichlarni o’rnatish haqida Temperaturani o’lchaydigan birlamchi o’zgartirgichlar (suyuqlikli shisha termometrlar, manometrik termometrlarning termoballonlari, qarshilik termoo’zgartirgichlari va termoelektrik termometrlar) stendlarda tekshirilib, ularning o’rnatishga yaroqli ekanligi aniqlangandan keyin o’rnatish uchun qabul qilinadi.

O’zgartirgichlar bevosita o’rnatish oldidan tashqi ko’rikdan o’tkaziladi, kapillyar va termoballonda shikastlangan joylarning yo’qligi tekshiriladi; asboblar to’plamida termoballonni mahkamlash detallarining borligi aniqlanadi; texnik hujjatlar (zavodda berilgan pasport va stendda tekshirilganlik bayonnomasi)ning borligi; kapillyar uzunligining asbob o’rnatilgan joydan termoballon o’rnatilgan joygacha bo’lgan masofaga mosligi tekshiriladi.

O’rnatilgan birlamchi o’zgartirgichlar oqimining o’rtacha temperaturasini qabul qilishi, nurlanish yoki issiqlik o’tkazuvchanlik oqibatida yo’qotilgan issiqlik miqdori eng kam bo’lishi lozim. Buning uchun birlamchi o’zgartirgichning sezgir elementi (manometrik termometrning termoballoni, qarshilik termoo’zgartgichning aktiv qismi, termoelektr termometrning issiqqa kiritiladigan kavsharlangan uchi) texnologik quvur yo’ldan oqadigan oqimning markaziga o’rnatiladi. Kesim yuzasi har xil bo’lgan quvur yo’llarda aktiv qismining va himoya cho’ntaklarining uzunligi turlicha bo’lgan termometrlar ishlatiladi yoki turli o’rnatish bo’rtmalaridan foydalaniladi.

Quvur yo’lning kesimi kichik bo’lganda termometrni uning aktiv qismi oqimning markazida joylashadigan qilib o’rnatish qiyin. Bu holda termometr oqimga qarshi yo’naltirilib, quvurning o’qiga nisbatan 30 yoki 45 gradus burchak hosil qilib o’rnatiladi yoki quvur yo’lning oqim ko’tariladigan tirsagida joylashtiriladi. Nazorat qilinadigan muhit temperaturasini to’g’ri o’lchashning asosiy sharti termometrni surilma qopqoqlardan, jo’mraklardan va toraytiruvchi qurilmalardan quvur yo’lning 20 diametriga teng masofada, ya’ni oqim uyurmalanmaydigan yoki g’alayonlanmaydigan joyda o’rnatishdan iborat.

Birlamchi o’zgartirgich o’rnatilgan joyda tashqi (aloqasi bo’lmagan) issiqlik manbalaridan qo’shimcha harorat ta’sir etmasligi lozim. Begona issiqlikdan saqlanish iloji bo’lmasa, birlamchi qurilmalar issiq o’tkazmaydigan vositalar bilan qoplanadi yoki himoyalovchi ekran o’rnatiladi. Qarshilik termoo’zgartgichlarini va termoeldektr termometrlarni devorlardagi tokchalarda va havo aylanmaydigan boshqa joylarda o’rnatmaslik kerak. Aks holda o’lchash qurilmasining inersionligi ortib ketadi. Birlamchi temperatura o’zgartirgichlarini mahkamlash va ularning sezgir elementlarini o’lchanadigan muhitga kiritish uchun ishlatiladigan eng oddiy qurilmalar texnologik uskuna va quvur yo’llarga o’rnatiladigan bo’rtmalardan iborat (1- rasm, a). Diametri Dn 45 va 57 mm li trubalarga bo’rtmalarni o’rnatish uchun kengaytirgichlar payvandlab ulanadi (1- rasm, b).

1-rasm. Bo’rtmalarni o’rnatish: a - tashqi diametri DN>76 mm li trubaga va metall devorga o’rnatish, b - diametri 76 mm li kengaytirgichli DN 45 va 57 mm li trubaga o’rnatish

O’rnatish oldidan sezgir elementning butunligi va izolyasiyaning himoyalovchi armaturaga nisbatan qarshiligi tekshiriladi. Qarshilik kamida 20 MOm bo’lishi lozim. Qarshilik termoo’zgargichlarini quvur yo’llarga o’rnatish yo’llari 2-rasmda ko’rsatilgan. 2-rasm. Qarshilik termoo’zgartgichlarini quvuryo’llarga o’rnatish: a, b - quvuryo’lning gorizontal va vertikal qismlarida, v -tirsakda, g - kengaytirgich yordamida o’rnatish

3. Suyuqlikli tik shisha termometrlarni o’rnatish Bular himoyalovchi metall g’ilof ichida yoki g’ilofsiz o’rnatiladi, ya’ni termometr o’lchanadigan muhitga bevosita botiriladi. Sanoat sharoitlarida, odatda bunday termometr g’ilof 9 (3-rasm, a) ichida o’rnatiladi. Bunday g’ilof termometrni sinishdan saqlaydi va asbobni yetarli darajada mustahkam va zich o’rnatishni ta’minlaydi. G’ilofning uzunligi termometrni botirish chuqurligiga va uzunligiga bog’liq. G’ilof cho’ntak 3 shtuser 6 va bu shtuserga gayka 8 bilan mahkamlangan yuqori qismdan iborat. G’ilofning shtuseri trubaga yoki rezervuar 2 ga payvandlangan bo’rtma 4 ga burab o’rnatiladi.

3 - rasm. Suyuqlikli shisha termometrni g’ilof ichiga o’rnatish (a) va manometrik termometrning termoballonini quvuryo’lga va metall devorga o’rnatish (b): 1 - termometrning aktiv qismi, 2 - quvuryo’l (truba) yoki rezervuar, 3 - g’ilofning cho’ntagi, 4 - bo’rtma, 5 - qistirma, 6 - shtuser, 7 - to’ldirgich, 8 - tashlama gayka, 9 - g’ilof, 10 - termoballoning quyrug’i, 11 - termoballon, 12 - himoyalovchi gilza, 13-metall qipiqlar, 14 - manometrik termometr

G’ilofning ichki yuzasidan termometrning termoballoniga issiqlik uzatishni yaxshilash uchun gilzada termoballon bilan g’ilofning devorlari o’rtasida paydo bo’ladigan tirqish (bo’shliq) 150 S gacha temperaturani o’lchashda mashina moyi bilan, bundan yuqori temperaturalarni o’lchashda esa mis qipiqlari bilan to’ldiriladi. Bunda to’ldirgich 7, rasmda ko’rsatilgandek, faqat termometrning termoballonini qoplashi lozim. G’ilof ortiqcha to’ldirib yuborilganda o’lchash aniqligi pasayadi va asbobning issiqlik inersiyasi ortadi.

Quvur yo’ldagi temperaturani o’lchashda termoballon quvur yo’l o’qigacha, ya’ni o’lchanayotgan muhit oqimining eng katta tezlik zonasiga botiriladi. Shunda harakatlanayotgan muhit bilan asbob o’rtasida issiqlik almashinishi yaxshilanadi va quvur devorlari orqali issiqlikning yo’qolishi o’lchash natijasiga kam ta’sir ko’rsatadi.

Diametri 200 mm gacha bo’lgan quvur yo’llarning gorizontal qismlarida termometrlar oqimga qaratib truba o’qiga nisbatan qiya o’rnatiladi; diametri 200 mm dan katta quvur yo’llarda termometrlar turba o’qiga tik o’rnatiladi. Quvur yo’lning oqim yuqoriga yo’nalgan to’g’ri vertikal qismida termometrlar oqimga qaratib, truba o’qiga nisbatan qiya o’rnatiladi.

Temperaturani o’lchovchi ikkilamchi asboblarni o’rnatish Temperaturani o’lchaydigan ikkilamchi asboblar (manometrik termometrlar, millivoltmetrlar, logometrlar va muvozanatlangan ko’priklar) shchitlarning panellariga o’rnatiladi. Bunday asboblarning aksariyati cho’ktirib o’rnatishga mo’ljallangan korpusli bo’ladi. Cho’ktirib o’rnatiladigan asboblar skobalar yoki suxar- qisqichlar bilan mahkamlanadi, devorga o’rnatiladiganlari esa asboblar to’plamida jo’natiladigan maxsus sirtmoqlarga ilib o’rnatiladi. Ikkilamchi asboblarni o’rnatishga mo’ljallangan shchitlarning panellari barcha hollarda asboblarning bikr va mustahkam mahkamlanishini, shuningdek o’rnatish va yechib olish qulayligini ta’minlanmog’i lozim.

4-rasm. Manometrik termometrlarni (a), logometrni (b), potensiometr va ko’prikni (v) shchitning paneliga mahkamlash: 1- korpus, 2-bolt, 3-gayka, 4-vtulka, 5-shchitning paneli, 6- termoballonga ulanadigan kapillyar, 7-kronshteyn, 8-shchitning panelidagi kesilgan joy, 9-mahkamlash detali

Manometrik termometrlar foydalanish sharoitlariga qarab shchitga yoki devorga o’rnatiladi. Asbob shchit ichida o’rnatilganda (4-rasm, a) shchitning paneli 5 da asbob uchun teshik va boltlar uchun to’rtta teshik ochiladi, asbobning korpusi 1 shchitga teskari tomondan kirgiziladi, korpusning flanesi bilan shchit orasiga to’rtta vtulka 4 qoyiladi va asbob flanes vositasida boltlar 2 bilan mahkamlanadi.

L-4 logometr (4-rasm, b) panelga sharnirli biriktirilgan kronshteynlar 7 ga o’rnatiladi. KSP2 avtomatik potensiometrlar va KSM2 muvozanatlangan ko’priklar (4-rasm, v) ham panelga cho’ktirib o’rnatiladi va asboblar to’plamidagi detallar 9 bilan mahkamlanadi. Shchitning panelida ochiladigan teshik mazkur asboblar uchun mo’ljallangan normalardagi chizmalar bo'yicha kesiladi .

Shuni hisobga olish kerakki, potensiometrlar agressiv bo’lmagan muhitda 5 dan 550S gacha temperaturada ishlashga mo’ljallangan. Potensiometrga ulanadigan termoelektrik termometrlar asbob bilan bir xil darajalangan bo’lishi lozim. Bunda kompensatsion simlarning markasi to’g’ri tanlangan bo’lishi va ularda oraliq ulanmalar bo’lmasligi lozim.

Nazorat savollari: 1. Birlamchi o’zgartirgichlarni va olish qurilmalarini o’rnatish. 2. Temperaturani o’lchaydigan birlamchi o’zgartirgichlarni o’rnatish haqida. 3. Suyuqlikli tik shisha termometrlarni o’rnatish. 4. Temperaturani o’lchovchi ikkilamchi asboblarni o’rnatish. 5. Nima uchun termometrlarni o’rnatganda ularning aktiv qismi texnologik quvuryo’ldagi oqimning markazida joylashishi lozim? 6. Quvuryo’llar va uskuna sirtlarining temperaturasini nazorat qilishda termoelektrik termometrlar qanday o’rnatiladi?

Adabiyotlar: 1. Montaj sredstv izmereniy i avtomatizatsii. Spravochnik. Pod redaksiyey A.S.Klyueva. 3-ye izd., M., Energoatomizdat, 1988, str. 78-162. 2. Proyektirovaniye sistem avtomatizatsii texnologiches- kix protsessov, Pod red. A.S. Klyueva, 2-ye izd., M., Energoatomizdat, 1990, str.. 3. Lavrishev I.B., Kirikov A.Y., Trosnitskiy M.V. Montaj i naladka sistem izmereniya temperaturi: Metod. ukazaniya k laboratornim rabotam 1 i 2 dlya studentov spets. 550200 ochnoy i zaochnoy formi obucheniY. – SPb.: SPbGUNiPT, 2011. – 27 s

E’TIBORLARINGIZ UCHUN RAHMAT !

Похожие

Ikkilamchi energiya resurslardan foydalanishning prinsipial imkoniyatlari

Ikkilamchi energiya resurslarni utilizatsiyalash evazidan energiya iqtisodi

Shchit va boshqarish pultlarini montaj qilish

Uzluksiz ishlab turuvchi rostlagichlarni sozlash talablari

Polietilenning qiyin yonuvchanligini oshirishda antipiren nanozarrachaning sinergezm ta’sirini o‘rganish