Z.M. Bobur lirikasida vatan sog’inchi - Литература - Презентации

Z.M. Bobur lirikasida vatan sog’inchi

Загружено в:

18.12.2024

Скачано:

0

Размер:

5169.9248046875 KB

Z . M . B O B U R L I R I K A S I D A VATA N S O G ’ I N C H I

Oʻzbek mumtoz ijodkorlar merosini tahlil qilar ekanmiz, ular asarlarida oʻziga xoslikni, ruhiy olamida betakrorlik, badiiy ifodada jozibadorlikni oʻy-kechinmalar uygʻunligida badiiy mushohada asosida adabiyotga olib kirganining guvohi boʻlamiz.

Mahmud Qoshgʻariy turkiy tilning lugʻat boyligini badiiy-ifodaviy uslubda yoritsa, Yusuf Xos Hojib axloqiy qarashlarini falsafiy mushohada asosida, Alisher Navoiy insoniy tuygʻularning yuksaklikka qadalgan qirralarini “komil inson” siymosi orqali, Zahiriddin Muhammad Bobur esa insoniy dardni Vatan ishqi, yurt vasfi vobastaligida bera olgan. Bu badiiy ijodning asrlar osha umrboqiy boʻlishiga olib kelgan.

Zahiriddin Muhammad Bobur ijodi ham ana shunday betakror ijod namunasidirki, unda shoh va shoirlikni uygʻunlashtira olgan ulugʻ siymoni koʻramiz. Xususan, siyosiy arbob Javoharlal Neru taʼrifi bilan aytganda: “Bobur – dilbar shaxs, Uygʻonish davrining yorqin hukmdori, mard va tadbirkor odam boʻlgan. U sanʼatni, adabiyotni sevardi, hayotdan huzur qilishni yaxshi koʻrardi” , deb eʼtirof etgan edi.

Boburda yuksak hayotsevarlik bilan birga, ruhi uygʻoq mahzun bir shoh siymosi gavlanadi. Uning shohligi shoirligida, shoirligi esa shohligida koʻrinadi. Buni ijodkor lirik merosiga olib kirgan nozik insoniy kechinmalar orqali bilish mumkin. Shoh sifatida yurtdan ayrolik, toj-taxt kurashlarda atrofdagi insonlarning xiyonati hamda bevafoligidan tortgan azoblari va umrining soʻnggigacha Vatan sogʻinchi bilan yashashi uning sheʼriyatiga koʻchganini koʻramiz.

 Bobur shoh boʻlsa-da, ammo oʻzga yurtlarda bir gʻarib gadodek, ruhan yolgʻiz, koʻngil malhami boʻlguvchi dardkashi yoʻqligini quyidagi misrlardan anglash mumkin:  Koʻpdin berikim, yoru diyorim yoʻqtur,  Bir lahzayu bir nafas qarorim yoʻqtur.  Keldim bu sori oʻz ixtiyorim birla,  Lekin borurimda ixtiyorim yoʻqtur.

E ’ T I B O R I N G I Z U C H U N R A X M A T

Похожие

Z.M. Bobur ruboiylari tahlili

Shoh va shoir Z.M. Bobur hayoti va ijodi

Bobur lirikasi

Z.M. Boburning hayoti va ijodi

Zahiriddin Muhammad Bobur 6