Sergey Yesenin 2 - Литература - Презентации

Sergey Yesenin 2

Загружено в:

23.09.2019

Скачано:

0

Размер:

419.35546875 KB

SERGEY Yeseni n (1895 – 1925)

TUG`MA ISTE’DOD • 1895-yilning 3-oktabrida Rossiyaning qadim tarixga ega Ryazan guberniyasiga qarashli Konstantinovo qishlog'ida oddiy dehqon oilasida tug'ildi. Besh yoshligida o'qishni o'rgandi, to'qqiz yoshidan xalq qo'shiqlariga o'xshatib she'rlar bita boshladi.

Ijod va o`zgarish • Qishloq muallimlari tayyorlaydigan maktabni tugallab: • 17 yoshida Moskvaga bordi. Savdogarning idorasida ishladi, bosmaxonada musahhihlik qildi, adabiy-musiqiy to'garakka qatnashdi, she'rlar yozishni davom ettirdi. • 19 yoshidan she'rlari Moskva jurnallarida bosilib, mashhur bo'ldi. • 20 ypshida Petrogradga kelib, yana bir mashhur rus shoiri Aleksandr Blok bilan tanishdi.

Qaysar shoir • 1916-yildan Armiya xizmatiga kirdi. Oq podshoh sharafiga she'r yozishdan bosh tortgani uchun intizomiy batalonga jo'na-tildi, keyin xizmatdan tamoman voz kechdi. Oq podsho – Nikolay II

Ilk to`plam • Ilk she’riy to‘plami «Radunitsa» (1916). • Unda qalb holatlarini noziq tuyg‘ularda berishni, tabiat bilan bog‘liq ruhiy kechinmalarni ifodalashning ustasi, qish-loq hayoti, xalq tili va qalbining bilimdoni ekanligini namoyish etgan.

Sayohat, sayohat • 1918—1921-yillarda Murmansk, Arxangelsk, Qrim, Kavkaz, Bessarabiya, shuningdek, Turkiston bo'ylab safar qildi. 1922-1923-yillari esa taniqli amerikalik raqqosa Aysedora Dunkan bilan Yevropaning Germaniya, Fransiya, Belgiya, Italiya mamlakatlarini aylandi, to'rt oy AQSH da yashadi.Aysedora Dunkan va Yesenin

She’riy to`plami: «Moskva mayxonalari» (1924); «Sho‘ro Rusi», «Zamin darg‘asi» (1925) Dostonlari: • «Qora odam» (1925) • «Anna Snegina» (1925)

• Sergey Yesenin 1925-yil 28-dekabrda fojiali tarzda vafot etdi. Shoirning dafn qilish marosimi

N a s r d a g i y u t u q l a r• «Jar» (1916) qissasi, • «Bobil va Drujok» (1917) hikoyasi, «Temir Mirgorod» ocherkida Yeseninning nasriy imkoniyatlari namoyish bo`ldi.

• Ijodkor 1921-yilda Toshkent va Samarqand shaharlarida bo‘lgan.

Sharqqa hurmat! • Shoir forsiy tildagi mumtoz she'riyat namunalari bilan yaqindan tanishganidan keyin Eronga borishga qattiq intiladi. Biroq o'sha paytdagi Rossiya va Eron munosabatlari rus shoirini u yoqqa yuborish maqsadga muvofiq emasligini taqozo etadi. Shunga qaramasdan, Sergey Yesenin qattiq turib Eronga borishni talab qilgani uchun uni Ozarbayjonning Bokuga yaqin qishloqlaridan biriga yuborishadi. Bir necha muddat bu yerda yashab, sharqona ruhni his etadi, Sharq odamlarining hayot tarzidan zavqlanadi va tez fursatda uning «Fors taronalari» she'rlar turkumi yoziladi. • «Fors taronalari» she’rlar turkumi (1924—25) Hofiz, Sa’diy, Xayyom kabi Sharq ijodkorlariga cheksiz hurmat- ehtirom mahsuli sifatida dunyoga keldi.

E’tirof • «Tanlangan she’rlar», «Zamin darg‘asi», «Lirika: she’rlar, dostonlar» she’riy to‘plamlari E. Vohidov tomonidan o‘zbek tiliga tarjima qilingan (1965, 1970, 1981). • Toshkentda shoirning uy-muzeyi ochilgan (1985).

Rus shoirning o`zbek shogirdlari • Sergey Yeseninning aksar she'rlarini Erkin Vohidov maromiga yetkazib tarjima qilgan. Bu she'riyatning o'zbek shoirlari ijodiga juda katta ta'siri bo'ldi. Erkin Vohidov, Tilak Jo'ra, Ma'ruf Jalil, Xurshid Davron va boshqalar ijodida buni yaqqol sezamiz. Xususan, O'zbekiston xalq shoiri marhum Muhammad Yusuf ijodini Sergey Yesenin asarlari ta'sirisiz tasavvur qilib bo'lmaydi.Ma’ruf Jalil Tilak Jo`ra Xurshid Davron

Sergey Yesenin lirikasidan namunalar “ XUROSONDA BIR DARBOZA BOR..” Xurosonda bir darboza bor, Ostonasi gulga ko'milgan, Unda yashar bir pari ruxsor. Xurosonda bir darboza bor, Hayhot, uni ocholmadim man. Qo'llarimda kuch ham yetarli, Sochlarimdan oltin rang olgan. Asir etdi meni ul pari. Qo'lda garchi kuchim yetarli, Ul eshikni ocholmadim man...

Choyxonachi – barvasta, o’ktam, Qoyil qolsin rus, deb, choyimga, O’tkir aroq, may o’rniga ham Achchiq-achchiq choy tutar menga.

«DOG'LAR KETMISH MAJRUH KO'NGILDAN...» Dog'lar ketmish majruh ko'ngildan, Mast vasvasa qo'zg'amas tug'yon. Men dardimga Tehron gulidan Choyxonada topoldim darmon. Choyxonachi - barvasta, o'ktam, Qoyil qolsin rus, deb, choyimga, O'tkir aroq, may o'rniga ham Achchiq-achchiq choy tutar menga. Quy, mezbonim, ammo had bilan, Bog'ing aro turfa gullar bor. Oqshom menga niqob ostidan Ohu ko'zin suzdi gulruxsor…

«BU DUNYODA MEN BIR YO'LOVCHI...» Singlim Shuraga Bu dunyoda men bir yo'lovchi, Shodon menga qo'l silki, erkam. Xuddi shunday tinch, erkalovchi Ziyo to'kar kuz fasli Oy ham. Isinurman Oyning taftiga, Ilk bor undan orom olar jon. Allaqachon so'ngan sevgiga Umid bog'lab yashayman hamon…

Sinov 1. Sergey Yeseninga nisbatan adabiyot ahli orasida yuradigan qaysi iborani qo’llash mumkin? 2. Sergey Yesenin qachon va qayerda tug’ilgan? 3. S. Eseninning necha yoshda savodi chiqdi? 4. S. Esenin necha yoshdan she’r yoza boshladi? 5. She’rlari Moskva jurnallarida bosila boshlaganda S. Esenin necha yoshda edi? 6. S. Esenin 1918-1921-yillarda qayerlarda safarlarda bo’ldi? 7. 1922-1923-yillarda qayerlarda bo’ldi? 8. S. Yesenin forsiy tildagi mumtoz she’riyat namunalari bilan tanishgandan keyin qaysi asarini yaratdi? 9. S. Yesenin she’rlarini o’zbek tiliga kimlar o’girgan? 10. Qaysi o’zbek xalq shoiri ijodini S. Yesenin asarlari ta’sirisiz tasavvur qilish qiyin? 11. “Xurosonda bir darvoza bor” she’rining hajmi qancha? 12. Ushbu parcha kimning qaysi she’ridan? Choyxonachi – barvasta, o’ktam, Qoyil qolsin rus, deb, choyimga, O’tkir aroq, may o’rniga ham Achchiq-achchiq choy tutar menga.

Ilovalar. Yesenin sharafiga ehtirom

Yesenin tahsil olgan maktab

Yeseni n imzosi:

Похожие

Sergey Yesenin

Jahon adabiyoti (dars ishlanma)

Hamid Olimjon 2

G'afur G'ulom 2

Abdulla Qahhor 2