Oʻlmas Umarbekovning Yoz yomgʻiri qissasi tahlili - Литература - Презентации

Oʻlmas Umarbekovning Yoz yomgʻiri qissasi tahlili

Загружено в:

07.05.2024

Скачано:

0

Размер:

771.4248046875 KB

YOZ YOMG’IRI .

REJA:Oʻlmas Umarbekovning Yoz yomgʻiri qissasi tahlili 1. Oʻlmas Umarbekovning hayoti va ijodi haqida 2. Yoz yomgʻiri qissasi haqida 3. Yoz yomgʻiri qissasi qahramonlari haqida

Oʻlmas Umarbekov 1934 yili Toshkentning Mirobod mahallasida tugʻildi. Toshkent davlat universiteti (hozirgi OʻzMU)ning filologiya fakultetida tahsil oldi. Respublika radiosi Adabiy eshittirishlar Bosh tahririyatida bosh muharrir, “Oʻzbekfilm” kinostudiyasida direktor, Oʻzbekiston Madaniyat vaziri, Oʻzbekiston Yozuvchilar uyushmasi raisi, shu bilan birga Osiyo va Afrika yozuvchilar birdamlik qoʻmitasining raisi lavozimlarida xizmat qildi. 1989– 1991 yillarda esa Respublika Vazirlar Mahkamasi raisining oʻrinbosari boʻlib ishladi

U oʻnlab hikoyalar, qissalar, “Odam boʻlish qiyin”, “Fotima va Zuhra” nomli romanlar, “Qiyomat qarz”, “Shoshma quyosh”, “Oqar suv”, “Sud”, “Komissiya”, “Kuzning birinchi kuni”, “Arizasiga koʻra”, “Kurort”, “Yer yonganda” kabi dramatik asarlar yaratdi. Shuningdek, “Ikki soldat haqida qissa”, “Oʻzgalarni deb”, “Qalin qor bagʻridagi uchrashuv” kabi kinofilm ssenariylarini yozdi. “Odam boʻlish qiyin” romani Oʻzbekiston Yoshlar tashkilotining mukofotiga (1971), “Ikki soldat qissasi” filmi Respublika Davlat mukofotiga (1977) sazovor boʻldi.Oʻlmas Umarbekov 1984 yil “Oʻzbekistonda xizmat koʻrsatgan sanʼat arbobi”, 1992 yilda “Oʻzbekiston xalq yozuvchisi” faxriy unvonlari bilan taqdirlandi. Oʻlmas Umarbekov ogʻir xastalikdan soʻng, 1994 yil 10 noyabrda 60 yoshida hayotdan koʻz yumdi.

Oʻlmas Umarbekovning “Yoz yomgʻiri” detektiv asar .Oʻzbek adabiyotida bu vaqtda detektiv janr deyarli shakllanmagan edi. Oʻlmas Umarbekovning “Yoz yomgʻiri” qissasi syujet toʻqimasining murakkabligi, favqulodda voqealarning keskinligi, sarguzasht xarakteri bilan eʼtiborni oʻziga tortadi. Yoz yomgʻiri” qissasidagi voqealar tramvay haydovchisi bilan bir yoʻlovchining butalar orasida oyogʻi koʻrinib yotgan oʻlikni tasodifan koʻrib qolishidan boshlanadi. Ana shu sirli jinoyat sabablarini ochish, fojia manbalarini oʻrganish qissaga qiziqishni uygʻotadi

Asarda jinoyat ishini ochish jarayonidagi izlanishlar, militsiya xodimlari va izquvarlar olib borgan mashaqqatli qidiruvlar juda ishonarli va qiziqarli qilib tasvirlangan. Asar soʻngida jinoyatchilarning asl basharalari oʻta mohirlik bilan ochib beriladi. Qissa qahramonlarining ruhiyati, ularning ichki kechinmalari yozuvchi niyatini amalga oshirish uchun xizmat qiladi. Asar qahramonlaridan biri Rahim Saidov oʻta mushkul ahvolda qolgan. Uning sevimli yostiqdoshi, suyangan togʻi, nahot oʻzga bilan boʻlgan? Odamga, ayniqsa, erkak kishiga bundan ogʻir kulfat yoʻq, uning or-nomusi bir pul endi. Qissada mana shunday inson ruhiyati bilan bogʻliq tasvirlar lavhalar, ogʻriqli holatni ochib berishlar nihoyatda taʼsirchan chiqqan. Bu parchalarni kitobxon beeʼtibor va loqayd oʻqiy olmaydi. Adib, hatto Rahim ich-ichidan kuyib-yonayotganligini uning oppoq qogʻozga “taq” etib koʻzyoshi tomganini shunday jonli tasvirlangan.

Yoz yomgʻiri qissasidagi qahramonlar Rahim Saidov --asarning bosh qahramonlaridan biri boʻlib ,Munis Saidovaning eri ,Oʻsimliklar eksperimental biogiyasi ilmiy-tekshirish instituti katta xodimi ,kimyo fanlari kandidati . Munis Saidova- qissadagi qotillik qurboni, Rahim Saidovning rafiqasi,oʻzining boylikka oʻchligi,qiziquvchanligi bilan bosh qahramonlardan biri sanaladi. Asarda yana Munira Shayhuddinova, Muhabbat, Xafiz Abdullayev,kapitan Sobir Aliyev,Rahim Saidovning otasi Ubaydullo Xoliqov,Sultonov va Roʻziyev kabi tergovchilar ishtirok etadi.

Оллоёров асли урганчлик. 31-йилда туғилган, — деди Рўзиев папкасини очиб. — 60- йилда уйланган. Икки йил туриб, хотини билан ажрашган. «Ургенч» ресторанида буфетчи бўлиб ишлаган. 60-йилдан 61-йилнинг октябригача. Кейин Тошкентга кўчиб келган. Бу ерда аввал 2-таксопаркда шофер бўлиб ишлаган. Сиртдан савдо техникумида ўқиган. Ўқишни битириб, Эски Жўва бозоридаги «Тоҳир ва Зуҳра» магазинида сотувчи бўлиб ишлаган. Халқ хўжалиги институтига сиртдан ўқишга кирган. 1967 йили уни Марказий универмагга товаровед қилиб олишган. 68-йилнинг апрелида Ўрта ер денгизи бўйлаб туристик саёҳатда бўлган. Ўша йили, у институтни битиргач, бош товаровед бўлиб «Гулчеҳра» магазинига тайинланган.

 Asarda belgilangan asosiy joylar:  Chorsu  Samarqand darvoza  Toshkent mehmonxonas i  Square  ToshMI  Chet tillar instituti  Inturist firmasi  ToshDU  Qoʻqon shahri

O‘lmas Umarbekovning barcha asarlari kabi “Yoz yomg‘iri" qissasida ham hayot nafasi, haqiqatning shakl-shamoyili yorqin bo‘yoqlarda aks etadi. Yozuvchi qalbidan otilib chiqqan nurli bitiklar o‘quvchi qalbida ham nurli tuyg‘ularni uyg‘otadi. Ushbu qissani o‘qigach bunga yana bir bora amin bo‘lasizAsarda insonlarning bir biriga boʻlgan muhabbati insonlarning boylikka boʻlgan muhabbati qarama qarshi tarzda ochib berilgan.Asar oʻquvchini detektivligi bilan oʻziga jalb qilib oxirigacha oʻqishni majbur qiladi.

Qissaning “Yoz yomgʻiri” deb nomlanishida ham katta ramziy maʼno bor. Zero, yozda yoqqan yomgʻir bexosiyat, zararli boʻladi. Ekin-tikin, bogʻ-rogʻlarga shira tushadi, katta maʼnaviy-iqtisodiy zarar keltiradi. Asarda esa jamiyatda yuz berib turadigan va boylik, zebu ziynatga intilish orqali turli fojialarga mubtalo boʻladigan shaxslar- taqdirlar kechmishi kitobxon uchun saboq tariqasida koʻndalang qoʻyiladi.

Savollar: 1) Sizning fikringiz boʻyicha Munis Saidova asarda ijobiy obrazmi yoki salbiymi? 2) Nima deb oʻylaysiz asarda Rahim Saidov qanday xatolarga yoʻl qoʻydi? 3) Siz muallifning oʻrnida boʻlganingizda asarning yanada qiziqib oʻqilishi uchun unga qanday nom qoʻyardingiz ? 4) Asardagi qaysi qahramon sizga ijobiy tasir koʻrsatti?

Foydalanilgan adabiyotlar: 1) Oʻlmas Umarbekovning Yoz yomgʻiri asari : 2)https://kitobxon.com/oz/kitob/yoz-yomgiri 3)https://uz.m.wikipedia.org/wiki/

Eʼtiboringiz uchun rahmat &#55357;&#56491;

Похожие

Chingiz Aytmatovning “Oq kema” qissasi tahlili dars ishlanma

G'afur G'ulomning “Shum bola” qissasi tahlili (dars mazmunnomasi)

Chingiz Aytmatovning “Jamila” qissasi

Tohir Malik va uning “Alvido bolalik” qissasi

Kamol Yashar va uning “Ilonni o’ldirsalar” qissasi