Жихозларга техник хизмат курсатиш ва таъмирлашни режалаштириш ва ташкил килиш - Транспорт - Рефераты

Жихозларга техник хизмат курсатиш ва таъмирлашни режалаштириш ва ташкил килиш

Загружено в:

20.09.2019

Скачано:

0

Размер:

57.5 KB

Жихозларга техник хизмат курсатиш ва таъмирлашни режалаштириш ва ташкил килиш Режа : 1. Режали-огоҳлантириш таъмирлаш системаси 2. Жиҳозларга техник хизмат кўрсатиш (ТХК) 3. Таъмирлаш усуллари ва методлари. Таъмирлаш хужжатлари. 4. Корхона бош механиги вазифалари

1 . Режали-огоҳлантириш таъмирлаш системаси Режали - огоҳлантириш таъмирлаш (РОТ) системаси - олдиндан тайёрлаб қўйилган режа бўйича техник хизмат кўрсатиш (ТХК) ва машина- аппаратларни режали таъмирлашнинг ташкилий - техник ишлар комплексидир. РОТ системасининг асоси шундаки - таъмирлаш ишлари режа бўйича олиб борилади. РОТ системасининг мақсади жиҳознинг ишлаш қобилиятини сақлаб туриш ва таъмирлашда сарф бўладиган умумий харажатларни камайтиришдир. Таъмир ва ТХКларни режалаштиришда ҳар йили участка, цех ва тўлиқ корхона бўйича РОТ графиги тузилади. Ойлик график асосида алоҳида агрегатлар учун ойлик РОТ режа-графиги ишлаб чиқилади. Уни цех бошлиғи ва цех механиги имзолайди, бош механик тасдиқлайди. ТХК ва таъмирлаш режа ҳажми одам-соатларда ҳисобланади. Алоҳида механик ва электр қисми учун графикда агрегатнинг жорий таъмирлаш-ЖТ, ўрта таъмирлаш- ӮТ ва капитал таъмирлаш-КТларда тўхташининг режали вақти кўрсатилади. РОТ ни қўллаш цехларнинг узилишларсиз ишлашига, ТХК ва таъмирлар вақтини қисқартиришга, таъмир иш ҳажмини алоҳида агрегат учун ҳисоблашга, иш жараёни ва иш ҳақини рационал ташкил қилиш га, эҳтиёт қисмлар сарфи ҳажмини аниқлашга, иш таннархини камайтиришга имкон беради. Меҳнат, эҳтиёт қисм ва материаллар сарфи ўзаро боғлиқ . Таъмирга нисбатан ТХК қанча тез-тез ўтказилса, таъмирлаш сарфи камайиб, ТХК сарфи ошади. Оптимал ТХК да сарф харажатлар энг кам бўлади. Оптимал ТХК ни аниқлаш учун дастлаб тайёрловчи-заводларда ишқаланиш жуфтликларининг ейилиши кузатилади ва мойлаш, ростлаш, созлаш ва таъмирнинг эҳтимол тутилган вақти аниқланади. Аниқ ланган даврийлик ишлаб чиқариш шароитида синаб кўрилади ва якуний оптимал даврийлик танланади. РОТ системасига кирадиган тадбирлар қуйидагилардан иборат:

- техник хизмат кўрсатиш ( ТХК ); - жорий таъмирлаш - ЖТ; - ўрта таъмирлаш - ӮТ; - капитал таъмирлаш - КТ. ТХК - жиҳозни ишлатиш давомида иш қобилиятини ва соз ҳолда ишлашини таъминлашга қаратилган тадбирдир. Бу тадбирлар қуйидагиларни ўз ичига олади: жиҳозни тозалаш ва мойлаш, подшипниклар ҳолатини кузатиш ва уларни мойлаш, ўлчов асбобларини текшириш, занжир ва тасма юритмаларини, резбали ва шпонкали бирикмаларни текшириш, сальникларни ревизия қилиш ва бошқалар. ТХК навбатчи слесарлар томонидан амалга оширилади. ТХКнинг таъмирдан фарқи шуки, унда сийқаланган деталлар керак бўлганда алмаштирилади, таъмир пайтида эса - албатта алмаштирилиши керак. Жорий таъмир - жиҳозни ишлатиш пайтида навбатдаги режали таъмирлашгача иш қобилиятини таъмин қилиш дир. ЖТда йиғма бирликлар очиб йиғилади, ундаги носозликлар аниқланади, сийқаланган деталлар алмаштирилади ёки таъмирланади; занжирлар ва тасмалар таъмирланади ёки алмаштирилади; подшипниклар ва мойлаш қурилмалари текширилади ва тозаланади, зазорлар ростланади. ЖТ график бўйича жиҳоз, цехнинг режали тўхтаган пайтида олиб борилади. Шунингдек таъмирнинг бу турида ТХК да бажариладиган барча ишлар ҳам амалга оширилади. ўрта таъмирлаш - ӮТ ўз ҳажми ва мураккаблиги жиҳатидан ЖТ ва КТ орасида туради. ӮТ пайтида машина қисман, пойдевордан олинмасдан, очилади; сийқаланган деталлар подшипниклар, валлар ва бошқалар алмаштирилади. Кейинги йилларда баъзи сабабларга кўра ӮТ РОТ системасидан чиқарилган. Капитал таъмир КТ - таъмирнинг энг қийин ва кўп меҳнат талаб қиладиган туридир. Бунда жиҳоз бутунлай деталларга ажратилади, сийқаланган детал алмаштирилади, корпусли деталлар таъмирланади, балансировка ишлари

олиб борилади ва бошқалар. КТ дан сўнг жиҳоз созланади ва барча иш параметрлари паспортга қараб тахланади. КТ пайтида ЖТ ва ӮТ га таллуқли барча ишлар бажарилади. Режадан ташқари таъмир - жиҳоз тўсатдан бузилиб қолган тақ дирда амалга оширилади. Таъмирлаш даврийлиги ва унинг режа графигини тузиш: Таъмирлаш даврийлиги цикл билан аниқланади. Таъмир цикли деб ишлаётган жиҳознинг хизмат муддати ёки наработкасига айтилади. Таъмир цикли структурасини (ёки таъмирлаш даврийлиги графиги) тузишда қуйидаги терминлардан фойдаланилади: "ТХК даврийлиги" - икки кетма-кет ўтказилган ТХК орасидаги вақт; "Таъмирлаш даври" - машинанинг икки таъмири орасидаги вақт. ТХК даврийлиги ва таъмирлаш даври ҳар бир жиҳоз тури учун алоҳида белгиланади. 2. Жиҳозларга техник хизмат кўрсатиш (ТХК) ТХК - жиҳозни ишга тайёрлаш, сақлаш, транспортировка қилишда уларнинг иш қобилиятини сақлаш ёки созлигини сақлаш учун бажариладиган ишлар комплексидир. ТХК комплекс характерга эга бўлиб, бир вақтда механик ва электр қисмлар, шунингдек автоматика қисмлари техник кўрикдан ўтказилади. Мазмуни, иш ҳажми ва даврийлигига кўра ҳар сменада бажариладиган техник хизмат кўрсатиш (СТХК) ва - режалаштирилган, системали ўтказиладиган техник хизмат кўрсатиш (РТХК) турлари мавжуд. РТХК - режа асосида, даврий равишда график асосида бажарилади. Даврийлигига кўра РТХКнинг қуйидаги турлари мавжуд: ТХК 1-ҳафтали, ТХК 2 - ярим ойлик, ТХК 3 - ойлик, ТХК 4 - ярим йиллик ва ТХК 5 - йиллик. СТХК да қуйидаги ишлар бажарилади:

- машина тозаланади, артилади, кичик носозлик ва дефектлар бартараф қилинади; - болт, шпонкалар ва бошқа бирикмалар кўздан кечирилади, кичик ейилган деталлар алмаштирилади; - тасма, занжирлар ҳолати кўздан кечирилади - ишқаланиш жуфтликлари мойланади; - сальник, трубалар ҳолати кўздан кечирилади; - электродвигатель, пускателлар, бошқариш аппаратураси, ҳимоя воситалари кўздан кечирилади; - ҳимоя тўсиқлар, блокировка, тормоз системаси текширилади; - айрим йиғма бирликлар ростланганлиги ва созланганлиги текширилади. РТХКда юқоридаги ишлардан ташқари қўшимча қуйидаги ишлар амалга оширилади: - айрим тез ейиладиган қисмлар ажратилади; - мойлаш системаси, картер тозалаб ювилади мой алмаштирилади; - маҳкамлаш, ростлаш ва текшириш ишлари бажарилади; - деталларнинг ейилиши даражаси ва дефектлар актини тузиб навбатдаги таъмирга тайёрланади; - айрим деталь ва механизмларнинг хизмат муддатига аниқлик киритилади. 3. Таъмирлаш усуллари ва методлари. Таъмирлаш ҳужжатлари. Корхона бош механиги вазифалари Таъмирни ташкил қилиш нинг усуллари марказлаштирилган, марказлаштирилмаган ва аралаш. Марказлаштирилган усулда барча таъмирлаш ишлари, айрим ТХК ишлари ҳам, бош механикка бўйсунадиган механика цехининг ишчилари томонидан амалга оширилади. Бу усул бир типдаги машиналар кўп бўлган корхоналарда, ташиш осон бўлган кичик жиҳозлар кўп бўлган жойларда қўлланилади.

Марказлаштирилмаган усулда таъмир ва ТХКлар ишлаб чиқ ариш цехларининг таъмирловчилари (слесарь, созловчи, электриклар) томонидан шу цех механиги бошчилигида амалга оширилади. Таъмирлаш устахонаси бажариб бўлмайдиган ишларни бажариб, эҳтиёт қисмлар тайёрлаб беради. Аралаш усулда КТ дан бошқа таъмирлар ва ТХК лар цех ишчилари томонидан, КТ эса таъмирлаш устахонаси томонидан амалга оширилади. Таъмирлашнинг индивидуал, қисмли, кетма-кет қисмли ва агрегат методлари мавжуд. Индивидуал методда жиҳозни ажратганда олинган деталь таъмирланиб шу жиҳознинг ўзига қўйилади. Яроқсиз деталлар янгиланади. Бу метод корхонада шу жиҳоз сони кам бўлса (автоклав, қуриткич, идиш ювиш машиналари), қўлланилади. Бунда жиҳозларнинг ишсиз туриб қолиш вақти кўп бўлади. Қисмли методда носоз деталь олиниб, ўрнига янгиси қўйилади, эскиси таъмирланиб сақланади. Бу усул бир хил жиҳозлар кўп бўлса (электродвигатель, насос, сепаратор ) қўлланилади. Бунда таъмирлаш вақти қисқариб, таъмир таннархи пасаяди. Кетма-кет қисмли методда алоҳида йиғма бирликлар унинг хизмат муддатига қараб, ишдан кейин кетма-кет таъмирланади (Редуктор). Агрегат усулда машина бутунлай янгисига ёки таъмирланганига алмаштирилади. Эскиси капитал таъмирга юборилади (насос, сепаратор). Таъмирнинг асосий ҳужжатларига қуйидагилар киради: ЖТ бўйича умумий йўриқнома, ӮТ бўйича йўриқнома, КТ йўриқномаси, КТ га қўйилган умумий техник шартлар, КТ техник шартлари, таъмир чизмалари, деталь ва йиғма бирликлар каталоги, эҳтиёт қисмлар сарф нормаси, материаллар сарф нормалари таъмирнинг асосий ҳужжатлари ҳисобланади. Таъмир ҳужжатларига, шунингдек қуйидагилар киради: 1-шакл. РОТ нинг йиллик графиги; 2-шакл. Сменани қабул қилиш - топшириш журнали; 3-шакл. Жиҳозни таъмирдан қабул қилиш акти;

4-шакл. Авария акти; 5-шакл. Таъмирни бошқа муддатга кўчириш акти; 6-шакл. Нуқсонлар ведомости; 7-шакл. Таъмир сметаси. Бош механик вазифасига қуйидагилар киради: - жиҳозни техник назорат қилиш (технологик, санитар-техник, станок парки, энергетик бўлмаган тақдирда- совутгич, иситгич ва электр жиҳозларни); - келадиган жиҳозларни ҳисобга олиш, сийқаланган машина ва аппаратларни ўз вақтида алмаштириш ва тўлдириш ишларини ташкил этиш; - технологик жиҳозни тўғри ишлатилишини текшириш. Текшириш цех ва участка бошлиқлари билан бирга олиб борилади; - РОТ ишларининг ойлик, йиллик режасини тузиш ва уни бажаришни таъминлаш; - нуқсонлар ведомости ва капиал таъмирлаш сметасини тузиш; - асосий ва ёрдамчи корхоналарда жиҳозни ўз вақтида таъмирлаш ва монтаж қилиш ; -жиҳознинг ўз вақтида ишга тушишини назорат қилиш ; - бино ва қурилмалар техник ҳолатини назорат қилиш , уларни таъмирлаш ва кенгайтириш ишларини олиб бориш; - авария сабабларини текшириш, авария олдини олиш ва уни бартараф қилиш ишларини ташкил қилиш ; - корхонани иссиқ ва совуқ сув, буғ, совуқлик, электроэнергия, сиқиқ ҳаво билан таъминлаш, ҳамда иситиш, вентиляция, канализация, сув билан таъмин қилиш системасини тўғри ишлатишни ташкил этиш; - жиҳоз, бино, қурилмаларнинг паспортини тузиш; - корхона кучи билан қилинадиган қурилиш ва монтаж ишлари, реконструкция, техник жиҳозлаш ишларининг режа ва сметасини тузиш.

Адабиётлар : 1.Гальперин Д.М. Монтаж технологического оборудования птицефабрик и птицеперерабативающих предприятий. - М.: Стройиздат, 1971. [102-132]. 2. Гальперин Д.М. Справочник по монтажу и наладке холодильных установок. - М.: Пищевая промышленность, 1976. [123-132]. 3. Красов Б.В. Монтаж и ремонт оборудования предприятий молочной промышленности. - М.: Пищевая промышленность, 1973. - 311 с.[97-112]. 4. Справочник монтажника. Такелаж и такелажные работы. Под ред. П.А. Зимина. - М.: Стройиздат, 1976. [121-132].

Похожие

Автосервис ва автомобилларга техник хизмат курсатиш турлари

Тўқимачилик машиналаридан фойдаланиш даврида техник хизмат кўрсатиш ва таъмирлашни аҳамияти. Техник ҳолатини кўрсатувчи параметрлар.

Автотранспорт корхоналари ва техник хизмат кўрсатиш станцияларида автотранспорт воситаларига техник хизмат кўрсатиш ва таъмирлаш ишларини ташкил этиш усуллари

Техник хизмат курсатишнинг кулайлиги

Бошкариш хакида тушунча. Унинг мазмуни ва вазифалари, ташкил килиш услублари ва талаблари