Транспорт воситаларининг умумий тузилиши - Транспорт - Рефераты

Транспорт воситаларининг умумий тузилиши

Загружено в:

20.09.2019

Скачано:

0

Размер:

64.5 KB

Транспорт воситаларининг умумий тузилиши Режа: 1.Автомобилларнинг таснифи (классификация); 2.Автомобиль моделларини белгиланиши (индекслаш); 3.Автомобилларнинг техник тавсифи (характеристикаси); 4.Автомобилларнинг умумий тузилиши. Автомобилнинг асосий агрегатлари.

Таянч сўзлар: автомобиль; модель; модификация; класс; индекс; деталь; узел; механизм; агрегат; тизим; шасси; куч узатма; кузов; автомобилнинг юриш қисми. 1.Автомобилларнинг таснифи (классификация) Автомобиль - ўзи ҳаракатланувчи деган маънони беради (авто-грекча ўзи, мобил-лотинча ҳаракатланувчи). Автомобиль қуруқликда ҳаракатланувчи транспорт воситаси бўлиб, мустақил энергия манбаига эга бўлган двигатель билан жиҳозланган, ҳамда катта қулайликка эга бўлган бўлиб рельссиз йўлларда юк ва йўловчиларни ташишга ёки ўзига ўрнатилган махсус қурилмалар ёрдамида турли хил ишларни бажаришга мўлжалланган ғилдиракли машинадир. Автомобиллар вазифасига асосан: транспорт, махсус ва пойга автомобилларига бўлинади. 1.Транспорт автомобиллари бир нечта типга бўлинади: а) енгил пассажир автомобиллари икки, тўрт ва етти ўринли бўлади. Уларга ўрнатиладиган двигателларнинг иш ҳажмига қараб енгил автомобиллар бир-биридан фарқ қилади: 1,2 микролитражли; 1,3-1,8 кичик литражли; 1,9-3,5 ўрта литражли ва 3,5 литрдан ортиқ катта литражли. б) автобуслар вазифасига қараб шаҳар атрофида, шаҳар ичида, шаҳарлараро, маълум жойларда қатнайдиган ва умумий ишларда фойдаланиладиган бўлиши мумкин. Вазифасига қараб автобусда ўринлар сони 10 дан 80 гача бўлади. Габарит узунлигига қараб автобуслар: 5 м - жуда кичик (микроавтобус); 6,0-7,5 м - кичик; 8,0-9,5 м - ўртача; 10,5-12,0 м - катта ва 16,5 м дан ортиқ қўшалоқ автобусларга ажралади. в) юк автомобиллари ҳар хил юкларни ташиш учун хизмат қилади. Енгил автомобиллар ва автобуслар ўриндиқлар сони билан белгиланадиган сиғдирувчанлиги уларни характерловчи аcосий кўрсатгич ҳисобланади. Юк автомобилларининг юк кўтарувчанлиги, яъни қаттиқ қатламли йўлда юк

ташишда ортиладиган юк массаси (тонналарда)нинг қанча бўлиши чегараси уларнинг асосий кўрсатгичи ҳисобланади. Юк автомобиллари юк вазнига қараб: енгил вазн 1,2 т гача, кичик вазн 1,3-2,0 т; ўрта вазн 2,1-8,0 т; катта вазн 9-14 т; ортиқ юк кўтарадиган автомобилларга бўлинади. Кузовнинг тузилиши ва бошқа конструктив хусусиятларга кўра, сочилувчан юкларни ўзи ағдарадиган (самосвал) автомобилларида, суюқликлар цистернали автомобилларда, кўпчилик озиқ - овқатлар эса рефрижератор - фургонларда ташилади, бундай автомобиллар ихтисослаштирилган автомобиллар дейилади. Махсус автомобиллар маълум ишларни бажаришга имкон берадиган механизм, асбоб ва ускуналар билан жиҳозланади. Масалан, санитария, ўт ўчириш, кўча супуриш, юк ортиш автомобиллари ва бошқалар. Пойга автомобиллари спорт автомобиллари бўлиб, автомобиль спорт пойгасида қатнашишга мўлжалланган бўлади. Пойгалар айланма, тўғри шоссе, автодром, ипподром, велодром, стадионларда ўтказилади. 2.Автомобиллар ёқилғи турлари бўйича қуйидаги икки гуруҳга бўлинади: а) двигатели суюқ ёқилғида ишлайдиган автомобиллар; б) двигатели газсимон ёқилғида ишлайдиган автомобиллар (сиқилган ёки суюлтирилган газ билан ишлайдиган). 3.Автомобилларнинг барча турлари ҳар хил йўлларда ҳаракатланиш хусусиятига қараб икки гуруҳга бўлинади: а) нормал (табий) ўтағон автомобиль деб - асосан қаттиқ қопламали ва қуруқ тупроқ йўлларда ишлашга мўлжалланган, битта ўқи етакчи бўлган автомобилларга айтилади; б) ёмон йўлларда ва йўлсиз шароитда ишлашга мўлжалланган иккита ёки учта ўқи етакчи бўлган автомобиль юқори ўтағон автомобиль деб аталади.

Автомобиллар юқоридаги белгиларига қараб фарқлаш учун ғилдирак формуласи деб аталувчи параметрдан фойдаланилади. Бу параметр автомобиль ғилдиракларининг умумий миқдорини ҳамда етакловчи ғилдираклар сонини ифодалайди, яъни 4Х2; 4Х4; 6Х4; 6Х6 ва ҳ.к. 2.Автомобиль моделларини белгиланиши (индекслаш) Ҳар бир автомобиль заводи автомобилнинг асосий (базовий) моделини ҳамда ундан айрим кўрсатгичлари ҳамда конструкциялари билан фарқ қиладиган модификацияларини ишлаб чиқаради. Автомобилларнинг модификацияси рақамлар билан белгиланади. Рақамлар олдида ҳарфли белгилар ишлаб чиқарувчи заводни билдиради. Масалан: Горький автомобиль заводи ГАЗ; Минск автомобиль заводи МАЗ ва ҳакозолар. Ҳарфлардан кейин тўртта ёки бешта рақам кўрсатилади. Биринчи рақам автомобиль синфини, иккинчиси автомбиль турини, учинчи ва тўртинчи модель номерини, бешинчи рақам эса (агар қўйилган бўлса) модификациянинг тартиб номерини ифодалайди. Иккинчи рақам, автомобилларни вазифасига ёки ихтисослаштирилганлигига қараб ажратиш имкониятини беради: 1-енгил автомобиллар; 2-автобуслар; 3-юк автомобиллар; 4-эгарсимон шатакчилар; 5- самасваллар; 6-цистерналар; 7-фургонлар; 8-заҳира (резерв); 9-махсус автомобиллар. Дастлабки икки рақам (индекс) бўйича автомобилларни белгилаш тизими қуйидаги умумий кўринишларга эга бўлади: Енгил автомобиллар Двигателнинг иш ҳажми л. 1,2 гача 1,3-1,8 1,9-3,5 3,5 дан ортиқ индекс 11 21 31 41

Автобуслар Узунлиги м. 5,0 6,0-7,5 8,0-9,5 10,5-12,0  16,5 индекс 22 32 42 52 62 Юк автомобиллар Рухсат этилган энг юқори (максимал) массаси т. 1,2 1,3-2 2,1-8 9 -14 15-20 21-40 40> Автомобиллар индекси: бортли платформа 13 23 33 43 53 63 73 Шатакчи 14 24 34 44 54 64 74 самосвал 15 25 35 45 55 65 75 Масалан: Камcк автомобиль заводининг бортли автомобили, рухсат этилган массаси 15184 кг, йигирманчи модель-КамАЗ-5320; Горький автозаводининг енгил автомобили двигатели иш ҳажми 2,445 л, иккинчи модел ГАЗ-3102; Павлов автозаводининг автобуси, узунлиги 7,15 м биринчи модел-ПАЗ-3201. 3.Автомобилларнинг техник тавсифи (характеристикаси) Ҳар қандай автомобилга ишлаб чиқарган завод томонидан илова қилинадиган кўрсатмада автомобилнинг техник тавсифига доир маълумотлар келтирилади. Улар қуйидагилар: 1.Ғилдирак формуласи; 2.Номинал юк кўтариш қобилияти (т) ёки ўринлар сони; 3.Рухсат этилган энг юқори массаси (т); 4.Габарит ўлчамлари (м, мм); 5.Двигатель тури ва унинг модели;

6.Тўла юк билан энг катта тезлиги (км/с); (100 км га); 7.Ёнилғи сарфи; 8.Двигатель цилиндрлар сони, жойлашиш тартиби; 9.Цилиндрларнинг иш ҳажми (л); 10.Двигателнинг энг катта самарали қуввати (км/с). 4.Автомобилларнинг умумий тузилиши. Автомобилнинг асосий агрегатлари Замонавий автомобиллар жуда мураккаб машинадир, у бир-бирига боғлиқ бўлган ҳолда маълум бир вазифани бажарувчи механизмлар ва қисмлардан ташкил топган. Шунинг учун ҳам автомобилларнинг умумий тузилиши ва механизмларининг жойлашувини ўрганиш мақсадида унинг конструкциясини учта асосий қисмлар двигатель, шасси, кузларга ажратиш мумкин. Двигатель-цилиндрларда ёнаётган ёқилғининг иссиқлик энергиясини механик ишга айлантириб беради. Шасси-автомобилнинг асоси бўлиб, айлантирувчи моментни двигателдан ғилдиракларга узатувчи механизмларни бир бутун қилиб бирлаштиради. Шасси таркибига уч гуруҳ механизм ва тизимлар киради: куч узатмаси (трансмиссия), юриш қисми ва бошқариш механизмлари. 1.Куч узатмаси - двигатель валидан келаётган буровчи моментни ўзгартирган ҳолда етакчи ғилдиракларга узатиб беради. Куч узатмаси илашиш муфтаси, узатмалар қутиси, карданли узатма, асосий узатма, дифференциал ва ярим ўқлардан иборат. Илашиш муфтаси двигателни узатмалар қутисида қисқа муддатга ажратишга, узатмаларнинг равон ишлашга ва автомобилни равон қўзғатишга хизмат қилади. Узатмалар қутиси двигатель ҳосил қилган буровчи момент катталигини ошириб карданли узатмага етказиб беришга хизмат қилади. Бундан ташқари двигателни қисқа ёки узоқ муддатга куч узатма механизмларидан ажратиб

қўяди. Узатмалар қутиси автомобилнинг орқага ҳаракатланишини таъминлайди. Двигатель, илашиш муфтаси ва узатмалар қутиси блок шаклида жойлашиб, уларнинг асосий ўқлари билан битта тўғри чизиқда ётгани учун уларни куч блоклари деб атайди. Карданли узатма-узатмалар қутисидан кейин жойлашиб, ундан олган буровчи моментни ўзгарувчан бурчак остида асосий узатмага етказиб бериш учун хизмат қилади. Асосий узатма, дифференциал ва ярим ўқлар орқа кўприкда жойлашган бўлиб, кардандан келаётган буровчи моментни етакчи ғилдиракларга кучайтирган ҳолда етказиб беради. 2.Юриш қисми етакчи ғилдиракларнинг айланма ҳаракатини автомобилнинг илгарилама ҳаракатини таъминлайдиган аравадан ташкил топган. Юриш қисмига рама, олдинги ва орқа кўприклар, осмалар ва ғилдираклар киради. Рамага автомобилнинг барча механизм ва тизимлари ўрнатилади (1.1-расм). 3.Бошқариш тизими автомобилнинг ҳаракат йўналишини ўзгартириш, секинлаштириш ва тўхтатиш учун хизмат қилади. Бошқариш тизими иккита алоҳида тизимлардан: руль бошқармаси ва тормозлаш тизимидан иборат. Руль бошқармаси, руль чамбараги 4, руль механизми 16, бўйлама тортқи 17 ва ричаг 18 дан ташкил топган. Руль чамбарагининг буралиши натижасида, трапецияни ташкил қилган тортқи ва ричаглар ёрдамида олдинги ғилдирак бурилади ва автомобиль ўз ҳаракат йўналишини ўзгартиради. Тормоз бошқармаси ғилдираклар 5 ва 14 ҳамда куч узатмасида жойлашган тормоз механизмлари билан уларга келтирилган юритмалардан ташкил топган.

ФОЙДАЛАНИЛГАН АДАБИЁТЛАР 1. Mamatov X. Avtomobillar (Avtomobillar konstruksiyasi asoslari) 1 va 2 qism. Darslik, Toshkent, О‘qituvchi, 1995 yil. 2. Mamatov X. Avtomobillar (Avtomobillar konstruksiyasidan oliy о‘quv yurtlari uchun programmalashtirilgan о‘quv qо‘llanmasi). Toshkent, О‘qituvchi, 1998 yil. 3. Mamatov X.M. Turdiyev Y.T. Shomaxmudov SH.SH., Qodirxonov M.O. Av - tomobillar (Konstruksiya va nazariy asoslari). Darslik, Toshkent, О‘qituvchi, 1982 yil. 4. Sergeyev V.V. Avtotraktorniy transport. V.SH. Moskva-1984. 5. Anoxin V.I. Ustroystvo avtomobiley. M.,1977. 6. Bagirov D.D. D.V.S. stroitelnix i dorojnix mashin. M.,1974 7. Gurevich A.M. Traktori i avtomobili. M.,1978. 8. S.M.Qodirov, M.O.Qodirxonov. Dvigatel va avtomobillar nazariyasi. Toshkent, О‘qituvchi, 1981 yil. 9. T.S.Xudoyberdiyev. Traktor va avtomobillar nazariyasi hamda hi sobi. Toshkent, О‘qituvchi, 1984 yil.

Похожие

Транспорт воситалари умумий тузилиши

Транспорт воситаларининг куч узатмаси.

Транспорт воситаларининг иш унуми

Транспорт воситаларининг эксплуатацион хусусияти.

Транспорт воситаларининг тормоз бошкармаси.