Сервис корхоналарида диагностикалаш ишларини ташкил этиш - Транспорт - Рефераты

Сервис корхоналарида диагностикалаш ишларини ташкил этиш

Загружено в:

20.09.2019

Скачано:

0

Размер:

219.40234375 KB

Сервис корхоналарида диагностикалаш ишларини ташкил этиш Режа: 1.Диагностиканинг технологик асослари 2 .Диагностикани ташкил этиш турлари 3.Сервис корхоналарида диагностикалаш ишларини ташкил этиш

1 Диагностиканинг технологик асослари Эксплуатация жараёнида содир бўладиган бузилишларни аниқлаш ва олдини олиш, автомобилларнинг ишончлилигини ва юқори самарадорлигини сақлаб туриш учун диагностика ишлари ўтказилади. Автомобил, унинг таркибий қисмлари маълум эксплуатация шароитларида намоён бўладиган, хусусиятлар деб аталадиган миқдор ва сифат кўрсаткичлари билан тавсифланади. Хусусиятлар мажмуи автомобил ёки унинг элементини ишлатиш учун яроқлилик даражасини аниқлайди ва бошқа автомобил (элемент)лардан фарқи ва ўзига хослигини ифода этади. Автомобил ёки унинг элеметининг техник ҳолатини маълум вақт ва ташқи муҳит шароитларида тавсифлайдиган параметрлар миқдорлари техник ҳужжатлар билан белгиланади. Автомобил атроф-муҳит билан, унинг таркибий қисмлари эса ўзаро бир- бири билан ҳаракатда бўлиб, ўз вазифаларини бажаради. Бунинг натижасида автомобилнинг хусусиятлари аста-секин ёмонлашади. Иқлим шароитлари, эскириш, созлаш ишлари, эксплуатация жараёнида бузилган элементларни алмаштиришнинг таъсири остида автомобил техник ҳолатини тавсифловчи параметрлар қиймати ўзгаради. Автомобил, унинг таркибий қисмлари техник ҳолатини аниқлаш усул ва воситалари, назариясини қамраган билимлар соҳаси техник диагностика деб аталади. Диагностика (грекча-diagnosticos) – аниқлашга қодир, демакдир. Техник ҳолат тўғрисида маълумотнинг борлиги ва унинг кенгайиши автомобиллар техник эксплуатацияси масалаларини ечишда асос бўлиб хизмат қилади, автомобилга кўрсатилаётган техник таъсирларни режалаштириш ва самарадорлигини баҳолаш имконини беради. Диагностика етилиб келаётган бузилишларни ўз вақтида аниқлаш, уларнинг вужудга келиш эҳтимоллигини, ижтимоий ва иқтисодий оқибатларининг олдини олишга ёрдам беради.

Диагностика деб автомобил, унинг агрегат ва механизмларининг техник ҳолатини, бўлакларга ажратмасдан аниқлаш ҳамда керакли техник сервис ишларини ўтказиш бўйича хулоса чиқариш технологик жараёнига айтилади. Диагностикалаш жараёни механизмнинг техник ҳолати тўғрисида ахборот берувчи ташқи белгилар бўйича олиб борилади. Бунда механизмнинг намойон бўлмаган носозлик ва бузилишлари, уларни бартараф этиш учун керакли таъмирлаш ишларининг ҳажми, механизмнинг истиқболдаги соз ишлаш ресурси ва бажарилиши керак бўлган профилактик ишлар рўйхати аниқланади. Назорат жараёнида тадқиқ этилаётган объект бир бутун тарзда кўрилади. Диагноз қўйиш жараёнида эса бир бутун объект ва унинг элементлари кўриб чиқилади, чунки объектнинг ҳолати унинг элементлари ҳолатининг функциясидир. Диагноз қўйишнинг вазифаси тизимнинг у ёки бу ҳолати сабабини унинг элементлари ҳолатига боғлаб аниқлашдир. Диагноз қўйишни назорат операцияларини бажармасдан туриб амалга ошириш мумкин эмас. Шунинг учун автомобилнинг назоратга яроқлилигини баҳолашни билиш керак. Автомобилнинг назоратга яроқлилиги деганда унинг диагностикалаш ишларига мослашганлиги тушунилади. Диагностикалаш ишларига мослашганлик муайян шароитларда энг кам меҳнат, вақт ва маблағ сарфларида тегишли аниқликни таъминлайди. Автомобилнинг назоратга яроқлилик коэффициенти — К к . Бу кўрсаткич автомобил конструкциясининг диагноз қўйишга мослигини изоҳлайди: T o K k  , (6.1) To  Tq бу эрда: Т о — диагностиканинг соф меҳнат ҳажми, яъни назорат- диагностикалаш ва у билан боғлиқ бўлган ишларнинг ҳажми (бу кўрсаткич диагностик восита ва усулларнинг такомиллашганлигига боғлиқ), ишчисоат;

Т q — қўшимча ишлар ҳажми, яъни назорат жойларига уланишни таъминлаш, ўлчов асбобларини улаш ва узиш, тест тартибига ўтиш билан боғлиқ бўлган ишларнинг қўшимча ҳажми (бу кўрсаткич автомобил конструкциясининг такомиллашганлигига боғлиқ), ишчи-соат. Автомобил конструкциясига бевосита ва доимий ўрнатилган асбоблар ёрдамида ахборот олиниши муносабати билан ташқи диагностика қўйиш усул ва воситалари ўзгариб, Т о нинг миқдори пасаяди. Автомобил (агрегат, механизм) элементларнинг тартибга келтирилган тузилмасидир. Унинг иши кўрсатилган элементларнинг бир-бири билан ўзаро боғлиқлиги орқали амалга оширилади. Бу боғлиқлик физик миқдорлар орқали ифодаланиб, тузилмавий параметрлар ёки техник ҳолат параметрлари деб аталади (тортиш кучи, босим, тебраниш амплитудаси, товуш кучи, ток кучи, ҳарорат ва ҳ. к.). Эксплуатация жараёнида тузилмавий параметрлар номинал миқдорлардан чегаравий миқдорларгача узлукли ёки узлуксиз ўзгариши мумкин ва, демак, автомобилнинг техник ҳолати унинг созлигини белгилайдиган тузилмавий параметр миқдорларининг четга оғишлари мажмуи билан аниқланади. Автомобилнинг тузилмавий параметрларини агрегат ва механизмларини ажратмасдан туриб бевосита аниқлаш имконияти жуда чекланган. Шунинг учун диагностик параметрлардан фойдаланилади. Диагностик параметр - бу автомобил, унинг агрегат ва узеллари техник ҳолатининг миқдорий қийматини билвостиа, диагностик белги (симптом) лар бўйича, бўлакларга ажратмасдан туриб аниқланадиган (двигателнинг қуввати, тормоз йўли, люфтлар, эркин йўллар ва ҳ.к) сифатли ўлчовидир. Диагностик параметрлар тузилмавий параметрлар билан боғланган бўлиб, объектнинг техник ҳолати тўғрисида керакли маълумот беради. Ҳар қандай объектнинг чиқиш жараёнлари иккига бўлинади: 1) Ишчи жараёнлар - объектнинг иш функцияларини белгилайдиган жараёнлар (масалан, двигателда ёнилғи ва бошқа эксплуатацион

материалларни сарфлаш, энергия ишлаб чиқариш, ишлатилган газларни чиқариб ташлаш ва ҳ.к.); 2) бирга содир бўладиган (ҳамроҳ) жараёнлар - ишчи жараёнлар билан бир йўлакай пайдо бўладиган жараёнлар (тебранишлар, урилишлар, иссиқлик чиқариш ва ҳ.к.). Бундай жараёнлар параметрларини кузатиш ва ташқаридан ўлчаш мумкин. Шунинг учун ишчи ва ҳамроҳ жараёнлар параметрлари диагностик параметрлар бўлиб хизмат қилади. Ишчи ёки бирга содир бўладиган (ҳамроҳ) чиқиш жараёнларини объектнинг носоз техник ҳолатидан дарак берувчи ташқи белги (симптом) деб қараш мумкин. Диагностик параметрлар қуйидагича таснифланади: 1. Ташкил бўлиш принципи бўйича: а) ишчи жараёнлар параметрлари (қувват, тормозланиш йўли ва ҳ.к.); б) бирга содир бўладиган (ҳамроҳ) жараёнлар параметрлари - диагностик объектнинг техник ҳолати бўйича чегараланган ахборот беради (исиш, тебраниш, шовқин ва ҳ.к.); в) геометрик параметрлар - механизм деталларининг ўзаро тузилмавий боғланишини аниқлайди (тирқишлар, эркин юриш ва ҳ.к.). 2. Ахборот тури бўйича: а) кенг ахборотли (комплекс); б) тор ахборотли (локал). 3. Юрган йўли функцияси бўйича: а) узлуксиз; б) узлукли. 4. Тузилмавий параметрнинг функцияси бўйича: а) тўғри чизиқли: С=а+вХ; б) даражали: С=аХ b ; в) ҳосилали: С=f 1 (х). 5. Ахборотнинг характери, ҳажми ва ўзаро боғлиқлиги бўйича:

а) айрим диагностик параметрлар бошқаларига боғлиқ бўлмган ҳолда объектнинг носозлигини аниқ кўрсатади (маслан, объектнинг подшипнигидаги шовқин ёки тебранишлар ейилишнинг кўпайганидан ва тирқишнинг катталашганидан дарак беради); б) умумий диагностик параметрлар диагностик объектнинг техник ҳолатини бир бутун тарзда баҳолайди (масалан, берилган юкламадаги двигателнинг қуввати, трансмиссия агрегатларининг умумий айланма люфтлари йиғиндиси ва ҳ. к.). Бундай параметрлар носозликни аниқ кўрсатмайди; в) ўзаро боғлиқ диагностик параметрлар объект носозлигини бир вақтнинг ўзида аниқланган ва ўлчанган кўпгина параметрлар мажмуи орқали ифодалайди (масалан, двигател киритиш клапанининг зич ёпилмаслиги натижасида карбюратордан товуш чиқиши ва двигателнинг катта айланишлар сонида бир маромда ишламаслиги). Ҳар қандай чиқиш параметри ҳам диагностик параметр бўлиб хизмат қила олмайди, чунки чиқиш параметри сезувчанлик, бир маънолилик, барқарорлик ва сермаънолилик каби хусусиятлар талабларига жавоб бериши керак. Диагностикалашнинг умумий жараёни объектнинг берилган куч, тезлик ва иссиқлик ( р,v,t ) тартиботларида функционал (объектнинг ишлаш жараёнида) ёки тест таъсирида (объектнинг сунъий ишлаши ташкил этилиб) олиб борилади. Диагностик параметрлар ўзгаришини техник диагностикалаш воситалари ёрдамида ўлчанади ҳамда олинган ахборотни меъёрий қиймат билан таққослаб, мантиқий ишлов бериш асосида диагноз қўйишни ўз ичига олади, яъни қуйидаги кетма-кетликда бажарилади (6.1-расм): — объектга функционал ёки тест таъсирлари ўтказиш; — диагностик параметрларни ўлчаш; — олинган ахборотга ишлов бериш; —меъёрий қиймат билан таққослаш ва диагноз қўйиш.

6.1-расм. Техник диагностикалашнинг умумий жараёни тасвири. Диагностик меъёрлар . Автомобил техник ҳолатини аниқлаш учун диагноз қўйиш воситалари ёрдамида ўлчанган диагностик параметр миқдорларини меъёрий миқдорлар билан таққослаш керак. Диагностик меъёрларга қуйидагилар киради (6.2-расм): Бошланғич меъёр (S б ) - янги, техник соз объектлар техник ҳолати характеристикаси диагностик параметр миқдорига мос келади ва эксплуатация шароитларида шу меъёрга мос келтириш учун объектни созлайдилар ёки таъмирлайдилар. Бошланғич меъёр техник ҳужжатларда келтирилади. Чегаравий меъёр (S ч ) - объектнинг шундай техник ҳолатига мос келадики, бу шароитда техник-иқтисодий нуқтаи назардан объект эксплуатациясини давом эттириш мақсадга мувофиқ эмас. Бу меъёр давлат стандартлари талабларида ва техник ҳужжатларда келтирилади. S 6.2-расм. Диагностик параметр меъёрларининг босиб ўтилган йўл S ч бўйича ўзгариши: Sб - бошланғич меъёри; Sч - чегаравий меъёри; Si - Sйқ жорий вақтдаги қиймати; Sйқ -йўл S i қўйилган меъёри. Li, Lйқ ва Lч - L i L й қ L ч L, ming km Тест таъсири Диагностикалаш объекти Техник диагностик алаш воситаси (ТДВ) Диагноз қўйиш Функционал таъсир

техник ҳолат меъёрларига тегишли Sб масофалар. Йўл қўйилган меъёр (Sй қ ) - даврий диагностика жараёнида асосий диагноз қўйиш меъёри бўлиб ҳисобланади. Йўл қўйилган меъёр асосида объект ҳолатига диагноз қўйилади ва эксплуатацияни давом эттириш, профилактик таъсир ёки таъмирлаш ишлари бўйича тегишли қарор қабул қилинади. Диагноз қўйиш. Автомобилни диагностикалаш вақтида диагностик параметрларнинг жорий вақтдаги миқдори аниқланади ва у асосида объектнинг техник ҳолати бўйича диагноз қўйилади. Диагноз қўйиш — механизмнинг техник ҳолати тўғрисида хулоса чиқариш унинг ҳозирги вақтда ва навбатдаги сервисгача бўлган даврда эксплуатация учун яроқлилигини билишдир. Демак, режалаштирилган диагноз автомобилнинг соз ишлаши ресурсини прогнозлаш элементларини ҳам ўз ичига олади. - агар диагностик параметрнинг жорий вақтдаги қиймати ( S i ) бошланғич меъёрий қиймат ( S б ) га тенг ёки катта бўлса, «эксплуатация қилиш» диагнози қўйилади, яъни ушбу шарт S á  S i  S éê бажарилиши керак; - агар диагностик параметрнинг жорий вақтдаги қиймати ( S i ) йўл қўйилган меъёрий қиймат ( Sй қ ) га тенг ёки катта бўлса ҳамда унинг чегаравий меъёрий қиймати ( S ч )дан кичик бўлса «техник хизмат кўрсатиш» диагнози қўйилади, яъни S éê  S i  S ÷ ; - агар диагностик параметрнинг жорий вақтдаги қиймати ( S i ) чегаравий меъёрий қиймат ( S ч ) га тенг ёки катта бўлса, «таъмирлаш» диагнози қўйилади, яъни S i  S ÷ . Диагноз қўйиш натижасида автомобилнинг техник ҳолати ва навбатдаги техник хизмат кўрсатишгача бўлган ишлаш қобилияти аниқланади. Бундан ташқари объектнинг жорий вақтдаги, келажакдаги ва ўтган вақтдаги техник ҳолатини аниқлаш мумкин.

Объектнинг техник ҳолатини аниқлаш масалалари қуйидагилардан иборат (6.3-расм): - техник диагностика; - техник прогноз; - техник генетика. Агар техник диагностика нинг вазифаси жорий вақт ичида объект техник ҳолатини аниқлаш, техник прогноз нинг вазифаси эса келажакда кутиладиган объект техник ҳолатини ва ўтказиладиган техник таъсир ёки диагностика даврийлигини олдиндан айтиб бериш бўлса, техник генетика нинг вазифаси объектнинг аввалги вақтдаги техник ҳолатини аниқлашдир (масалан, объектнинг аварияолди ҳолати). Диагностика ишларини ўтказиш мақсади ва вазифаларига қараб ҳар хил турларга бўлинади. 6.2 Диагностикани ташкил этиш турлари Автосервис корхоналари (АСК) ва марказларидаги техник сервис ишлари технологик жараёнини ташкил этишда автомобилларни техник ҳолатини диагностикалаш катта аҳамиятга эга. АСК ва марказларда ишлаб чиқариш жараёнида қуйидаги диагностика турлари: автомобилларни қабул диагностикаси (Д Қ ) ; буюртмали диагностика (Д Б ) ; технологик диагностика (Д Т ) ; назорат - диагностикаси (Д Н ) қўлланилади (6.4. расм). Техник башорат ( )прогноз Техник диагностика Техник генетика 6 .3 - расм. Объектнинг техник ҳ олатини ани қ лаш.

Қабул диагностикаси (Д қ ) ишини ўтказишдан мақсад автомобил эгасининг буюртмаси бўйича “носоз” деб белгиланган агрегатлар ва узелларни текшириб чиқиш ҳамда хавфсизликни таъминловчи барча механизмларни техник ҳолатини назорат – кўрикдан ўтказиш. Шунингдек, автомобилнинг умумий техник ҳолатини белгиловчи агрегатлар ва тизимлар ҳам, эгаси буюртмасидан қаътий назар, кўриб чиқилади. Назорат - кўрик натижаларига асосланиб, бажариладиган ишларнинг таҳминий ҳажми, бажариш муддати, нарҳи белгиланади ва мижоз билан келишилади, сўнгра буюртма - наряди расмийлаштирилади. 6.4-расм. ТХКС технологик жараёнида диагностикани қўллаш схемаси: асосий йўналиш; ёрдамчи йўналиш. Қабул қилиш постида қуйидаги технологик ва диагностик жиҳозлар бўлиши керак: - кўтаргич; - газанализатор; - ёритиш ва огоҳлантириш анжомлари ишлашини текшириш учун ойна; Тех ник хизмат кўрсатишда Қ абул диагностикаси (Д Қ ) Буюртмали диагностика (Д Б ) Назорат - диагностикаси Д( Н ) Технологик диагностика (Д Т ) Жорий таъмирлашда

- ишлатилган газларни атмосферага чиқариб юбориш шланги; - кўчма диагностик воситалар ва бошқалар. Агарда назорат – кўрик вақтида “нозослик” сабаблари аниқланмаса, автомобилни махсус диагностка устахонасига юборилади. Буюртмали диагностикалаш (Д б ) ишлари автомобил эгасининг буюртмаси асосида, унинг иштирокида ўтказилиши мақсадга мувофиқ бўлади. Бу турдаги диагностикалаш ишлари махсус диагностика (автомобиллар, уларнинг агрегат, механизм ва тизимларининг техник ҳолатини аниқлаш, баҳолаш билан шуғулланувчи) устахонасида ёки ихтисослаштирилган (бошқариш ғилдиракларининг ўрнатиш бурчакларини аниқлаш, тормоз тизимини ва бошқа тизимларни диагностикалаш) постларида ўтказилади. Буюртмали диагностикалаш натижасига кўра аниқланган нуқсонлар диагностикалаш устахонаси (пости)нинг ўзида бартараф этилиши мумкин. Бундай диагностикалаш ишларини ўтказиш учун қуйидаги диагностик воситалар бўлиши керак: - тормоз хусусиятларини текшириш учун барабанли стенд; - шиналарни мувозанатлаш стенди; - бошқариш ғилдиракларнинг ўрнатиш бурчакларини аниқлаш стенди; - амортизаторлар ҳолатини диагностикалаш стенди; - тортиш хусусиятини диагностикалаш стенди; - мотор-тестерлар (осциллограф ёрдамида, эталон осциллограммаларга таққослаш усули билан ўзгарувчан ток генератори ишидаги нуқсонларни, конденсатор, ўт олдириш ғалтаги бирламчи ўрамининг ҳолатини, узгич контактларидаги тирқиш, ўт олдириш чақмоғидаги тешиб ўтувчи кучланиш ва ўт олдириш ғалтагининг иш қобилиятини аниқлаш имконини беради). -сканерлар (электрон бошқарув блокли автомобилларнинг мотор ва бошқа тизимларини диагностикалаш учун) ва бошқалар. Технологик диагностика (Д т ) сервис китобчасида кўзда тутилган ва мижоз буюртмасига асосланиб назорат-созлаш ишларини ва қўшимча

бажариладиган ишлар ҳажмини аниқлаш учун техник сервис устахоналарида ўтказилади. Сервис ишларини бажаришда диагностик жиҳозларни қўллаш кўпгина назорат - созлаш ишларининг ҳажмини камайтиради, уларнинг сифатини оширади, яъни агрегат ёки тизимларни сабабсиз бўлакларга ажратилмаганлиги. Шунинг учун сервис ишлари ўтказиладиган устахона ва минтақалар ўзига тегишли диагностик воситалар билан жиҳозланиши керак, яъни қотириш ишларини назоратлаш учун динометрик калит, созлаш ишлари бўйича: шчуп (тирқишларни ўлчаш учун); люфт ўлчагичлар; чизғич; манометр; индикатор; мотор-тестр; скайнер ва бошқа ўлчов асбоблари. Назорат диагностикаси (Д н ) автомобил, унинг агрегат ва тизимлари бўйича бажарилган сервис ишлари сифатини аниқлаш мақсадида ўтказилади. Бажарилган техник таъсир ишларининг сифати, ҳажми АСКда мавжуд диагностик жиҳозлар ёрдамида текширилади, масалан автомобилнинг тормоз тизими самарадорлиги, тортиш сифатлари, ҳаракат хавфсизлигини таъминловчи механизмлар, ишлатилган газлар таркиби ва бошқа диагностик параметрлар баҳоланади. Лекин диагностик параметрлар сони иложи борича чегараланган бўлиши керак. Диагностик жараёнда текшириладиган диагностик параметрлар, сервис ишлари бажарилгандан сўнг автомобилнинг агрегат ёки тизимини эксплуатацияга “яроқли” ёки “яроқсиз”лиги бўйича олинадиган маълумотга асосланиши керак. 6.3 Сервис корхоналарида диагностикалаш ишларини ташкил этиш Автомобилларни ҳамда уларнинг агрегат ва механизмларини буюртмали диагностикалаш ишлари АСКнинг махсус диагностика устахонасида ва постларида чуқурлаштирилган ҳолда ўтказилади. Унинг вазифаси автомобилнинг тортиш сифатлари ва иқтисодий кўрсаткичларини назорат қилиш, сервис ҳамда жорий таъмирлашга бўлган эҳтиёжини аниқлашдир. Шунинг учун устахона керакли диагностик воситалари, яъни автомобилларнинг тортиш хусусиятлари, тормоз тизимининг самародорлиги,

бошқариш ғилдиракларини жойлашиш бурчагини аниқловчи жиҳозлар, двигателни диагностикалаш скайнери, мотор-тестер, фарани текширувчи асбоб ва бошқа диагностик воситалар ҳамда кўтаргич ва сиқилган ҳаво тарқатиш тизими билан жиҳозланиши керак (6.5-расм). Устахонанинг диагностик мажмуалари “Технологик жиҳозлар ва махсус асбоблар рўйҳати”га биноан АСКнинг қувватига (ишчи постлар сонига) асосан жиҳозланади. Махсус диагностика устахонасида майда носозликларни бартараф этишга ва айрим деталларни (махсус мосламаларсиз) алмаштириш мумкин. Бундан ташқари, диагностик жараёнига таъсир этмайдиган техник таъсир (нормалларни алмаштириш, қотириш) амалларига ҳамда диагностикани ташкил этиш учун зарур бўлган (фара ва бошқа тизимлар назорат лампочкаларини, электр сақлагичларни ва бошқаларни алмаштириш) ишларини бажаришга руҳсат этилади. Агар диагностикалаш жараёнида носозлик аниқланса ва уни бартараф этиш учун махсус мосламалар керак бўлса ёки бартараф этиш меҳнат ҳажми катта (0,5 ишчи-соатдан ундан юқори) бўлса, автомобил керакли устахонага юборилади.

6.5 –расм. Махсус диагностикалаш устахонаси Автомобилда вужудга келган носозликлар (масалан, кузов ёки бошқа қисм элементларида дарзлар, механизмни бўлакларга ажратиб, носоз деталларни алмаштириш ва бошқалар) бартараф этилгандан сўнг, яъна диагностикалаш ишларини давом этириш учун автомобил илгариги диагностика устахонасига юборилади Ҳозирги вақтда сервис корхоналарида автомобилнинг агрегат ва тизимлари бўйича носозликларни аниқлашда “компъютерли диагностика” қўлланилмоқда (6.6-расм).

6.6-расм. Двигателларни компьютерли диагностикалаш Компъютерли диагностикалаш бўйича замоновий автомобилларнинг қуйидаги агрегат ва тизимларининг техник ҳолати аниқланади: - двигател тизимлари; - электр ва электрон жиҳозлар; - автоматик узатма қутиси; - бошқарув ғилдиракларининг ўрнатиш бурчаклари ва бошқалар. АСКларининг диагностик асбоб–усканалар билан жиҳозланиши, унинг қувватига, турига ва бажарадиган ишлар мажмуасига боғлиқ. Шунинг учун универсал АСКда диагностика устахонаси ҳар хил моделдаги автомобилларни кўзда тутиб универсал асбоб-усканалар билан жиҳозланиши керак. Аммо бундай диагностик асбоб-ускуналар қиммат туради, шунинг учун тез маънавий эскирмайдиган турларини танлаш керак бўлади. Бунга ҳар доим ҳам эришиб бўлмайди, чунки диагностикалаш нарҳини юқори қуйиб бўлмайди (айрим ривожланган давлатларда бепул диагностикалаш ишлари тавсия этилмоқда). Демак, диагностикалаш вақтини қисқартириб, диагностикалаш сонини ошириш керак. АСКларга кирган автомобилларнинг носозликларини ўз вақтида аниқлаш ва бартараф этиш натижасида: жорий таъмирлаш сарфлари 8...12% га, эҳтиёт қисмлар сарфлари 10...12% га, ёнилғи сарфи 2...5% га камаяди; автошиналарнинг юрадиган йўли эса 3...5% га ошади ҳамда эксплуатацион ҳавфсизлиги ва экологик кўрсаткичлари яхшиланади.

Фойдаланилган адабиётлар 1. Каримов И.А. Жаҳон молиявий-иқтисодий инқирози, Ўзбекистон шароитида уни бартараф этишнинг йўллари ва чоралари./И.А.Каримов.- Т.: Ўзбекистон, 2009.-56 б. 2. Каримов И.А. Асосий вазифамиз - ватанимиз тараққиёти ва халқимиз фаровонлигини янада юксалтиришдир/ И.А.Каримов.- Тошкент: «Ўзбекистон», 2010.- 80 б. 3. Ўзбекистон Республикаси Президентнинг 2006 йил 17 апрелдаги «Ўзбекистон Республикасида хизматлар ва сервис соҳасини 2006-2010 йилларда жадал ривожлантириш чоралари ҳақида» қарори. 4. Ўзбекистон Республикаси Президентининг 2009 йил 22 апрелдаги "2009 - 2014 йилларда Ўзбекистон миллий автомагистралини реконструкция қилиш ва ривожлантириш чора-тадбирлари тўғрисида" П+-1103-сонли қарори. 5. Ўзбекистон Республикаси Президентнинг 2007 йил 21 майдаги «Ўзбекистон Республикасида хизматлар ва сервис соҳасини 2010-йилгача бўлган даврда жадал ривожлантириш қўшимча чоралари ҳақида» қарори. 6. Ўзбекистон Республикаси Президентнинг 2007 йил 24 июлдаги ПП675- сонли ««ЎзДЭУавто» АЖ янги моделлар ишлаб чиқариш чоралари ҳақида» қарори.

Похожие

Автосервис корхоналарида техник сервис технологик жараёнини ташкил этиш

Автосервис корхоналарида ташҳислашни ташкил этиш.

Автосервис корхоналарида ишлаб чикаришни ташкил этиш

Сервис хизмати турлари ва уни ташкил этиш

Автомобилларни ремонт килиш ишларини ташкил этиш.