Автомобилларининг электр жиҳозлари - Транспорт - Рефераты

Автомобилларининг электр жиҳозлари

Загружено в:

20.09.2019

Скачано:

0

Размер:

54.5 KB

Автомобилларининг электр жиҳозлари Режа: 1. Электр энергия манбалари ва истеъмолчилари. 2. Ҳозирги замон тракторининг электр жиҳозлари.

1. Электр энергия манбалари ва истеъмолчилари. Автомобилларнинг электр жиҳозлари асбоблари вазифасига қараб электр энергия (электр токи) манбалари группасига ёки истеъмолчилар группасига киради. Электр токи манбалари электр энергияни бошқа турдаги электр энергияга-механикавий ёки кимёвий энергияга айлантириш йўли билан ҳосил қилади. Истеъмолчилар қабул қилган энергияни ўз навбатида ёруғлик, механикавий, иссиқлик энергиясига айлантириб беради. Генераторлар, аккумуляторлар батареяси, электр энергия манбалари сифатида фойдаланилади. Генератор бош манба бўлиб, унда механикавий энергия электр энергияга айланади, масалан, аккумулятор батареяларида эса кимёвий энергия электр энергияга айланади. Илгари ишлаб чиқарилган машиналарга кўпинча доимий ток ҳосил қилувчи генераторлар ўрнатилган бўлса, кейинги вақтда ўзгарувчан электр токи ҳосил қилувчи генераторлар кенг тарқалди. Ўзгарувчан ток генераторлари ўзгармас ток генераторларига нисбатан қатор конструктив афзалликларга эга бўлсада, бироқ улар ҳосил қиладиган ток бир неча камчиликларга эга: бу ток билан аккумуляторларни зарядлаб бўлмайди, у стартёр ва баъзи бошқа асбобларни таъминлашга ярамайди. Бу токни ўзгармас токка айлантириш зарурати пайдо бўлади. Бунинг учун генераторларда махсус қурилма-тўғрилагич бўлиши лозим. Ҳозир тўғрилагичлар ўрнатилган ўзгарувчан ток генераторларидан кенг фойдаланилмоқда. Автотрактор электр жиҳозларида ишлатиладиган электр токининг номинал иш кучланиши 12 В. Шунинг учун бундай кучланиш ҳосил қиладиган манбалар паст кучланишли ток манбаи деб аталади. 12 В кучланишли токдан фойдаланишга сабаб қуйидагилар: бу ток киши ҳаёти учун хавфли эмас; бундай кучланишда изоляцияловчи қурилмалар ва симлар изоляциясига юқори талаб қўйилмайди; бундай кучланиш ҳосил қилувчи

манбаларнинг габарит ўлчамлари ва массаси нисбатан кичик, демак, нархи ҳам арзон. Кейинги вақтда битта автомобилга паст кучланишли иккита ток манбаи генератор ва аккумулятор батареяси ўрнатилган бўлади. Двигател ўрта ва тез айланишда ишлаётганда генератор уланган истеъмолчиларни электр энергия билан таъминлабгина қолмай, балки аккумулятор батареясини зарядлайди ҳам. Бу вақтда батарея, шунингдек истеъмолчига айланиб қолади. Двигател ишламаётганда, уни ишга тушириш вақтида ёки двигател секин айланишда ишлаётганда электр энергия манбаи аккумулятор батареяси бўлади, чунки шу пайтда генератор ишламайди ёки оз миқдорда қувват ишлаб чиқаради. Батарея маълум вақтгина манба бўла олади: у йиғилган энергияни истеъмолчиларга сарфлаб зарядсизланади ва сарфланган энергия ўрнини тўлдириш жараёнида унинг ўзи истеъмолчига айланиб қолади. Паст кучланишли ток ҳосил қилувчи генератор ва аккумуляторлардан фарқли ўлароқ, магнето (тракторларнинг ишга тушириш двигателларига ўрнатилади) юқори кучланишли ток ҳосил қилади (20-25 минг В). Магнето генератор ва трансформатордан ташкил топган қурилмадан иборат. Генератор механикавий энергияни электр энергияга айлантириб, паст кучланишли ток ҳосил қилади, сўнгра трансформатор ёрдамида уни юқори кучланишли токка айлантиради. Бундай ток учқунли разрядга айланиб, карбюраторли ички ёнув двигателлари цилиндрларидаги иш аралашмасини алангалатади. Автомобилларнинг батареядан ўт олдириш тизимларида, шунингдек, юқори кучланишли токдан фойдаланилади, бироқ бу ток фақат генераторгина эмас, балки аккумулятор батареяси ҳосил қилган паст кучланишли токни ўзгартириш йўли билан ҳосил қилинади. Автомобиллар электр энергия истеъмолчиларини беш группага бўлган маъқул:

1-группа-ёритиш асбоблари ва ёруғлик сигнализацияси; электр энергияни ёруғлик энергиясига айлантиради (фаралар, фонарлар, плафонлар, сигнал лампалари ва бошқалар); 2-группа-товуш сигнализацияси; электр энергияни товуш энергиясига айлантиради (товуш сигналлари ва зуммерлар); 3-группа-электр стартёрлар ва электр двигателлар; электр энергияни механикавий энергияга айлантиради; 4-группа-электр иссиқлик асбоблари; электр энергияни иссиқлик энергиясига айлантиради (электрик термометр ва манометрлар, ишга тушириш иситгичлари ва бошқалар); 5-группа-электромагнитавий асбоблар; электр энергияни магнитавий энергияга айлантиради (реле-ростлагичлар, ишга тушириш релелари ва бошқалар). Энергияни фақат аккумулятор батареясидан олувчи стартёр анча кучли электр энергия истеъмолчиси ҳисобланади. 2. Ҳозирги замон тракторининг электр жиҳозлари. Ҳозирги замон автомобилларда электр энергиядан қандай фойдаланилиши билан танишиб чиқамиз. 1-расмда Енгил автомобилининг электр жиҳозлари схемаси келтирилган (расмнинг симметрик элементлари алоҳида номерланмайди). Автомобилга қуйидаги электр энергия манбалари ўрнатилган: генератор 29 ва иккита аккумуляторлар батареяси 17. Генератор ўзгарувчан ток ҳосил қилади, унга ўзгарувчан токни 12 В номинал кучланишли ўзгармас токка айлантириб берувчи кремнийли тўғрилагич ўрнатилади. Генераторнинг қуввати 400 Вт бўлиб, у контакт-транзисторли реле- ростлагич 29 билан ишлайди. Чиқиш қисмаларида 12 В умумий кучланиш ҳосил қилиш учун иккита аккумулятор батареяси кетма-кет уланган ва массанинг умумий учиргич 16 га эга.

Электр энергияни ёруғлик энергиясига айлантириб берувчи истеъмолчилар группасига олд фаралар 1, кетинги фаралар 10, кабина плафони 24, штепсель розеткали кўчма фонарь, асбоблар 8 шчитчасини ёритувчи учта лампа киради. Уларга ёруғлик сигнал асбоблари ҳам: олд фонарларининг габарит ёруғлик лампаси 2 ва кетинги фонарларнинг габарит ёруғлик лампаси 11, олд ва кетинги бурилишни кўрсатиш чироқларига мос сигнал лампалар 3 ва 12, кетинги фонарлар тўхтатиш-сигнал лампаси 13, номер белгисини ёритиш фонари 15, масса учиргичнинг қизил рангдаги назорат лампаси К ва бурилишни кўрсатиш чироғини улаш яшил назорат лампаси 19 киради. Электр энергияни товуш энергиясига айлантирувчи асбобларга товуш сигнали 31 киради. Электр энергияни механикавий энергияга айлантириб берувчи истеъмолчилар группасига электр стартёр 30, кабина вентиляторининг электр двигатели 25 ва ойна тозалагичнинг электр двигатели 23 киради. Электр энергияни иссиқлик энергиясига айлантирувчи истеъмолчилар группасига ишга тушириш иситгичнинг чоғланиш свечаси 7, ишга тушириш иситгичнинг назорат элементи 26, мой температурасини ўлчайдиган электр термометр 21 киради. Электр энергияни магнитавий энергияга айлантириб берувчи асбобларга контакт-транзисторли реле-ростлагич 28 ва ишга тушириш релесига эга бўлган стартёрни блокировкалаш релеси 32 киради. Асбобларнинг бир қисми қўшимча рол уйнашини такидлаб ўтиш керак, чунки улар электр энергия истеъмолчилари эмас. Бу асбоблар қуйидаги коммутация аппаратларини ташкил этади: габарит фараларининг учиргичи, кетинги фаралар учиргичи, олд фараларнинг узоқни ёки яқинни ёритиш қайта улагичи, аккумуляторлар батареяси массасининг учиргичи, тўхташ сигнал учиргичи, товуш сигнали учиргичи, бурилишни кўрсатиш чироғининг қайта улагич, стартёр учиргичи, штепсель розеткалари прицеплари машиналардаги кўчма лампа ёки асбобларни улашга хизмат қилади.

Бундан ташқари, ҳимоя асбоблари-электр жиҳозларини қисқа туташишдан сақлайдиган сақлагичлар бор. Сигнал асбоблари ва лампаларнинг асосий қисми асбоблар шчитчасига ўрнатилган. Рўл колонкасига товуш сигнали учиргичи, бурилишни кўрсатиш чироғининг қайта улагичи, олд фараларнинг узоқ ёки яқинни ёритиш қайта улагичи, стартёр ва ишга тушириш иситгичи учиргичи жойлашган. Юк автомобиллари ва дон ўриб-йиғиш комбайнлари жиҳозларига тахминан худди шундай асбоблар группаси киради. Автомобилларда, бундан ташқари, батареядан ўт олдиришни ташкил этувчи кўпгина асбоблар бор. Бундан буён мамлакатимиз юк автомобиллари ва тракторлари анча такомиллаштирилган электр жиҳозлари билан таъминланади, бу механизаторлар ишини янада осонлаштириш имконини беради.

Фойдаланилган адабиётлар 1. Миллий истиқлол ғояси: асосий тушунча ва тамойиллар. Тошкент. “Ўзбекистон“, 2000. 2. Махмудов Автомобилларнинг электр ва электрон жихозлари Тошкент Истиқбол 2003 йил 3. Маматов Х. Автомобиллар (Автомобиллар конструкцияси асослари). 1-қисм, Тошкент “Ўзбекистон“, 1995й. 4. С.Қодиров Тико автомобилининг тузилиши ва носозликларини аниқлаш Тошкент. Истиқбол 2003 йил 5. Чижков В. Электрооборудование автомобилей. Москва. “Транспорт“ 1993г. 6. Ютт В. Е. Электрооборудование автомобилей. Москва. “Транспорт“ 1989г. 7. Гуревич.А.М. “Тракторў и автомобили“ Москва. Колос. 1993г.

Похожие

ЎзДЭУавто ва СамКОЧавто автомобилларининг куч узатмалари

СамКочавто автомобилларининг хусусиятлари ва техник кўрсаткичлари

ЎзДЭУавто ва СамКочавто автомобилларининг юриш қисми

ЎзДЭУавто автомобилларининг конструктив хусусиятлари ва техник кўрсаткичлари

Автомобилларни техник ташҳислаш усуллари ва жиҳозлари