Йурмалаш ва тикиб йурмалаш машиналари - Текстиль - Рефераты

Йурмалаш ва тикиб йурмалаш машиналари

Загружено в:

20.09.2019

Скачано:

0

Размер:

137.5 KB

Йўрмалаш ва тикиб йўрмалаш машиналари Режа: 1. Тикув буюмларини йўрмалашдан мақсад ва машиналарнинг техник таърифи. 2. 51 синф машинасини механизмлари, уларни тузилиши, ишлаш принципи ва созлаш йўллари. 3. 208 синф машинасини автоматик мойлаш мосламаси.

1. Тикув буюмларини йўрмалашдан мақсад ва машиналарни техник таърифи Тикилаётганда кўпгина трикотаж ва тўқилган газламаларни четлари тез титилиб кетади, буни олдини олиш учун йўрмалаш ва тикиб йўрмалаш жараёнлари бажарилади. Одатда буюмни чети йўрмаланаётганда ёки тикиб йўрмаланаётганда унга параллел равишда чети кесиб хам кетилади. 51 синф машинасида уч ипли занжирли чок билан йўрмаланади. 51-А синф машинасида икки ипли занжирли чок билан буюм чети йўрмаланади. 208 синф машинасида уч ипли занжирли чок билан буюм чети йўрмаланади. Бу машинада марказий мойлаш системаси бор. 308 синф машинасида иккита игна ва иккита чалиштиргич бор. 408 синф машинасида иккита игна ва учта чалиштиргич бор. 797 синф машинасида бир пайтнинг ўзида буюм чети икки ипли моки баҳяқатори билан тикиб кетилади хамда уч ипли занжирли чок билан йўрмалаб кетилади. 1097 синф машинаси 797 синфдан дифференциал суриш механизми билан фарқ қилади. 246-К2 синф машинаси икки ипли ёки уч ипли занжирли чок билан йўрмалаш ишини бажаради (“Зингер” АЈШ). Јуйидаги жадвалда машиналарни техник таърифлари келтирилган. Жадвал № Катталиклар номи 51 208 408 МО- 816 Джуки 1097 1 Бош вални айланиш сони, айл/мин 3500 5000 5000 6500 4200 2 Чокнинг узунлиги, мм 1,5-4 1,5-3,2 1,3-3,3 1,2-4 4 3 Игналар 9-А 9-А 9-А 9-А 3Б

60-100 65-85 65-110 65-110 75-120 4 Йўрмалаш эни, мм 3-6 2,5-3,5 9 3-4 7 5 Йўрмаланаётган буюм қалинлиги, мм 4 4 5 5 2,5 6 Оғирлиги 12,7 20 20 21 32 1. 51 синф машинасини механизмлари, уларни тузилиши, ишлаш принципи ва созлаш йўллари. 51 синф машинаси қуйидаги механизмлардан ташкил топган: кривошип-коромисло типли игна механизми, тебранма-қайтма харакат қилувчи чалиштиргичлар механизми, тишли рейка типли дифференциал буюмни суриш механизми, буюмни четини кесиш механизми. Игна механизми (Расм) қуйидагича ишлайди.

Расм. Бош вал 1 ни айланиши давомида 2 кривошип расмда кўрсатилган холда бўлса, 3 шатун пастга тортилади, бунда 4 сферик бошли бармоқ, 5 коромисло ёрдамида 7 ўқ ва 8 коромислони соат стрелкаси бўйлаб буради. Сўнгра 9 бирлаштирувчи бўғин 10 ушлагични юқорига суради, у эса ўз навбатида ўзига 12 тортувчи винт билан махкамланган 11 игна юритгични юқорига суради. Бунда игна материалдан чиқади. Агар 2 кривошип 180 ° га бурилиб, юқориги холни олса, игна юритгич 11 пастга тушиб, игна ёрдамида буюмни тешиб ўтади. Демак, кривошип 2 ва шатун 3 ёрдамида бош вални айланма харакати игна юритгични илгарилама-қайтма харакатига олиб келади. Чалиштиргичларни игна билан нормал боғланишда ишлаши учун, игна юритгич вертикал ўққа нисбатан 23 ° 30’ бурчак остида харакат қилади. Созланишлар: 1. Игнани чалиштиргичларга нисбатан вертикал бўйлаб холати 12 винтни бўшатилиб, 11 игна юритгични юқорига ёки пастга суриш йўли билан амалга оширилади. 2. Игнани йўли 22,5-24,0 мм орасида ўзгартирилади. Агар юпқа буюмлар йўрмаланадиган бўлса, игнани йўли оширилади, бунинг учун 6 винт бўшатилиб, 4 сферик бошли бармоқча ўнгга сурилади, яъни 5 коромислонинг елкаси катталаштирилади, агар қалин буюмлар йўрмаланадиган бўлса, игнанинг йўли камайтирилади. Чалиштиргичлар механизми Улар ишлаш давомида вертикал текисликка параллел текисликда тебранма-қайтма харакат қиладилар (Расм 35).

Расм. Бош вални айланиши давомида, агар кривошип 13 сферик бошли бармоқча 14 ни юқориги холга олиб чиқса, 15 шатун, 16 бармоқча ёрдамида 18 уч елкали ричагни соат стрелкаси бўйлаб буради, бунда 21 чалиштиргич ўнг тарафга бурилади. Шу пайтда 22 бирлаштирувчи бўғин 23 ричагни 24 ўқ атрофида соат стрелкасига қарши тарафга буради, натижада 25 чалиштиргич хам чап тарафга бурилади. Бунда чалиштиргичлар салт харакат бажарадилар. Агар 13 кривошип расмда кўрсатилган холни эгалласа, яъни бош валдан пастки холда бўлса, 15 шатун 18 уч елкали ричагни соат стрелкасига қарши тарафга айлантиради, натижада 23 ричаг соат стрелкаси бўйича бурилиб 25 чап чалиштиргич ёрдамида игна ипини илиб олади, у энг охирги ўнг тарафга келганида 21 ўнг чалиштиргич, уни ипини орасидан ўзини ипини ўтказиб чап тарафга бурилишда давом этади ва ўз ипини игна пластинаси ўйиғидан олиб чиқиб, игнанинг харакат йўлига қўяди. Созлашлар: 1. 25 чап чалиштиргич билан игна орасидаги масофа 0,05 мм атрофида бўлиши керак. Бу хол 26 винтни бўшатилиб, чалиштиргични игна тарафга ёки ундан қарама-қарши тарафга буриш йўли билан амалга оширилади.

2. 25 чалиштиргич ёрдамида игна солқисини илиб олиш вақти 26 винтни бўшатилиб, 25 чалиштиргични ўнгга ёки чапга суриш билан амалга оширилади. Бунда чап чалиштиргич энг чапги холга келганда уни бурни билан игнани харакат йўли орасидаги масофа 2-3,5 мм бўлиши керак. 3. Йўрмаланаётган буюмни қалинлигига қараб чалиштиргичларни тебраниш йўли ўзгартирилади. Бунинг учун 17 винт бўшатилиб, 16 сферик бошли бармоқча чапга ёки ўнгга сурилади. Агар чапга сурилса 18 ричагни елкаси катталашади, бунда чалиштиргичларни тебраниш йўли хам ошади. Бундай созлаш юпқа буюмлар йўрмаланаётганда амалга оширилиши лозим. Буюмни суриш механизми тишли рейкаларни горизонтал ва вертикал суриш, хамда тепки узелларидан ташкил топгандир. Олдинги тишли рейка буюмни чок узунлигига тенг масофага сурса, кейинги рейка эса ундан камроқ масофага суради. Суришдаги фарқ йўрмаланаётган буюмни бир-бирига нисбатан ўзаро нисбий сурилишини олдини олади. Јуйида механизмнинг кинематик схемаси келтирилган (Расм).

Расм. Бу ерда хам тишли рейка горизонтал бўйлаб, хамда вертикал бўйлаб харакат қилади. Горизонтал йўналиш бўйлаб харакатни, у 27 эксцетрикдан олади. Бош вал соат стрелкасига қарши томонга айланиб, эксцентрикни катта радиуси ишчи томонга келса, 28 шатун

29 коромисло ёрдамида 30 вални 31 ўқ атрофида соат стрелкасига қарши йўналишга буради, бунда 33 коромисло 34 ричагни ишчидан қарама-қарши тарафга тортади, натижада 42 олдинги тишли рейка буюмни суради, бунда 37 эксцентрикни катта радиуси 36 шатунни юқорига кўтариб тишли рейкани вертикал бўйлаб кўтарган бўлади. Кейинги 35 тишли рейкани харакат тезлигини 44 ричагни тишли секторини 43 тишли сегмент билан илашиш елкасини ўзгартириб, ё ошириш ё камайтириш мумкин. Созлашлар: 1. Чокнинг узунлиги 27 эксцентрикни эксцентрисисетини ўзгартириш билан ростланади. 2. Тишли рейкаларни игна пластинаси ўйиғига нисбатан: бўйламасига холати 32 винтни бўшатилиб 30 вални соат стрелкаси ёки унга қарши тарафга буриб созланади. Јуйида пичоқ механизмини кинематик схемаси келтирилган (Расм).

Расм. Агар бош вал айланиб 46 эксцентрикни катта радиусини пастга томон олиб тушса, у 47 шатун ёрдамида 48 ричагни соат стрелкаси бўйлаб буради, бунда уни айрисимон олд қисмидаги 53 қўзғалувчи юқориги пичоқ пастга

томон харакат қилиб, рўпарасидаги қўзғалмас пичоқ 54 билан биргаликда буюмни четини қирқади. Созланишлар: 1. 53 пичоқнинг тиғи, у энг пастки холга келганда, 54 пичоқ тиғини текислигига 1,5-2,5 мм кириб туриши керак. Бу хол 52 винтни бўшатилиб, 53 пичоқни ушлагичи 49 ни олдинги ичида пастга ёки юқорига суриш билан ростланади. 2. Юқориги пичоқни пастки пичоққа сиқилиб туриш кучи 50 винтни бўшатилиб 55 халқани 49 стержен бўйлаб ўнгга ёки чапга суриб 51 пружинани сиқилишини ўзгартириш билан ростланади. 3. Пастки 54 пичоқни тиғи игна пластинаси сатҳи билан бир текисликда бўлиши керак. 3. 208 синф машинасини автоматик мойлаш мосламаси Машинада иш унумдорлигини ошириш, уни ишлаш муддатини узайтириш ва машинани шовқинсиз ишлашини таъминлаш учун шестерняли марказий мойлаш мосламаси қўлланилган (Расм 38).

Расм. Бунда 56 мойдондаги мой 57 шестерняли насос ёрдамида сўриб олинади ва босим остида 59 қувурга узатилади: натижада мойнинг маълум қисми қувурнинг ёнидаги тешиклар орқали машинани харакатдаги қисмларига пуркалади. Мойни асосий қисми эса 60 тиниқ қалпоқча остига фонтандек отилиб урилади ва у ердан машинани асосий механизмларига сочилади. Насос 57 га

айланма харакат бош валдан 58 червякли узатма орқали берилади. Мойнинг миқдори 61 сузгич ёрдамида назорат қилиб турилади.

Адабиётлар: 1. Анастасиев А.А. и др. Машины, машины - автоматы и автомати- ческие линии легкой промышленности. Учебник. М. 1983. 2. Червяков Ф.И.,Сумароков Н.В. Швейные машины. М. 1968. 3. Червяков Ф.И., Николаенко А.А. Швейные машины. М. 1977. 4. Вальщиков Н.М. и др. Оборудование швейного производства. М. 1977. 5. Рейбарх Л.Б. и др. Оборудование швейных предприятий. М. 1988. 6. Архипов Н.Н. и др. Лабораторный практикум по курсу “Машины и аппараты швейного производства”. М. 1972. 7. Исаев В.В. , Франц В.Я. Тикув машиналарининг тузилиши, созланиши ва ремонти. Т. 1982. 8. Зак И.С. и др. Комплексно-механизированные линии в швейной промышленности. М. 1988. 9. Франц В.Я., Исаев В.В. Иллюстрированное пособие по швейному оборудованию. М. 1976. 10.Полухин В.П. и др. Швейные машины цепного стежка. М. 1976. 11.Исаев В.В. Тикув корхоналарининг жихозлари. Т. 1986.

Похожие

Тайёрлаш ва ер ишлари машиналари

Пилик машиналари ва уларни турлари

Тараш машиналари

Пилталаш машиналари

Толаларни титиш ва аралаштириш, тозалаш машиналари