Қуруқ консерваланган хом ашёни узоқ муддатли сақлаш - Текстиль - Рефераты

Қуруқ консерваланган хом ашёни узоқ муддатли сақлаш

Загружено в:

20.09.2019

Скачано:

0

Размер:

275.5 KB

Қуруқ консерваланган хом ашёни узоқ муддатли сақлаш Режа: 1. Хом ашёни вақтинча сақлаш. 2. Хом ашёни сақлаш тартиби ва назорати. 3. Хом ашёни тамғалаш, қадоқлаш ва ташиш қоидалари.

1 -расм. Қурук консерваланган териларни жойлаштиришТузламасдан қуритиб консерваланган ва тузлаб қуритиб консерваланган тери хом ашёларини йилнинг хоҳлаган вақтида бир жойда фақат алоҳида тахловларда жойлаштириб сақлаш мумкин. Сақлаш учун яхши қуритилган, намлик миқдори 20% дан ошмаган, терихўр ва куя личинкалари билан зарарланмаган терилар олинади. Қуруқ тузланган терилар олдиндан нафталин ёки парадихлорбензол сепилган, баландлиги 3,5, майдони 4х3 м бўлган тахловларда ва 5х6 м тахмонларда жойлаштирилади. Тахмонларнинг баладлиги полдан камида 10 см юқори бўлиши керак. Терилар тахловга умуртқасини ичкарига қилиб жойлаштирилади, фақат маълум қисми тахловни текислаш учун ташқарига қилиб жойлаштирилади. Сўнгра нафталин ва парадихлорбензол сепиб чиқилади. Қуруқ хом ашёни сақлашнинг умумий давомийлиги 2 йилдан кўп эмас. Хом ашёни вақтинча сақлаш. Ойлик режа бўйича чарм ишлаб чиқарувчи корхоналарга юбориладиган чарм хом ашёси узоқ муддатга эмас, балки вақтинчалик сақланади. Бундай хом ашё партияларини ғарамлаш учун биринчи навбатда узоқ муддатли сақлашга бардош бермайдиган (бактериал зарарланган, навали бор, бактериал парчаланиш белгилари бор) терилар танлаб олинади. Чарм хом ашёсини вақтинчалик сақлаш учун жойлаштириш, хом ашёни тахловда жойлаштириб узоқ муддатда сақлаш қоидаларига риоя қилган ҳолда олиб борилади. Хом ашёни вақтинчалик сақлаш учун жойлаштиришда сақлаш тартиби, консерваловчи аралашмаларни сарфлаш меъёри ва қўллаш тартиби худди

2 -р асм . Қаршилик термометрини тахловда жойлаштириш тасвири 1- тахлов; 2- ҳимояловчи гилза; 3- қаршилик термометри; 4—шлангли чиқиш йўли; хом ашёни узоқ муддатга сақлаш учун жойлаштириш сингари амалга оширилади (66-расм). Хом ашёни вақтинчалик сақлаш, унинг ҳолатига қараб 1 ойдан 2 ойгача бўлиши мумкин. Хом ашёни сақлаш тартиби ва назорати. Хом ашёни сақлаш учун қайси усулда жойлаштиришдан қатъий назар, тахловларга ҳарорат тарновчалари киритилади. Уларнинг узунлиги тахлов энининг ярмига тенг келиши керак. Ҳар бир тахловга унинг асосидан учигача бир хил оралиқ масофада учта ҳарорат тарновчалари ўрнатилади. Ҳўл тузланган хом ашё сақланадиган хоналарда ҳавонинг нисбий намлиги 70-80%, ҳарорат 20 0 С дан ошмаган бўлиши, қуруқ тузланган хом

ашё учун юқоридагиларга мувофиқ равишда 65-70%, ва 30 0 С дан ошмаслиги керак. Сақлаш учун жойлаштирилган хом ашёнинг ҳолатини назорат қилиш, авваламбор ҳона ва тахлов ичидаги ҳарорат ҳамда ҳаво намлигининг ўзгаришини кузатиб бориш йўли билан амалга оширилади. Одатда хона ҳароратидан тахлов ичидаги ҳароратнинг сезиларли даражада ошиши, тахлов ичида хом ашёда чирикли парчаланиш жараёни бораётганидан далолат беради. Ҳарорат тарновчаларига термометр киритилади ва тарновчанинг ташқи тешиги бекитилади (67-расм). Тахлов ичидаги ҳарорат ҳар доим бир вақтда ўлчанади: ёзда ва кузда – ҳар куни, баҳорда – ҳафтада икки марта, қишда – ҳафтада бир марта. Термометрнинг кўрсаткичлари асосида ҳар бир тахлов бўйича ҳарорат графиклари тузилади ва улар ҳавонинг ҳарорат графиклари билан солиштирилади. Агар тахлов ичидаги ҳарорат хона ҳароратига тенг ёки ундан паст бўлса ва хўл тузланган хом ашё учун 20 0 С дан, қуруқ тузланган хом ашё учун 30 0 С дан ошмаса, тери хом ашёсининг сақланганлиги учун хавотирланишга асос йўқ. Агар тахловдаги ҳарорат хона ҳароратига мувофиқ равишда ошиб борса ва 20 0 С га етса, бундай тахлов агар унда катта шохли мол ва чўчқа терилари жойлаштирилган бўлса, 20 кунгача сақланиши мумкин. Агар тахловда катта шохли мол терилари жойлаштирилган бўлса, унда кўрсатилган ҳарорат ўрнатилган вақтдан бошлаб, ҳароратнинг ошмаслик шарти билан 10 кунгача сақланиши мумкин. Агар тахлов ичидаги ҳарорат хона ҳароратидан юқори бўлса ва хона ҳарорати доимий бўлсада, у ошишда давом этса, бу ҳолат тахлов ичида чирикли жараён бораётганидан далолат беради. Бундай ҳолатларда, шунингдек тахлов ичидаги ҳарорат рухсат этилганидан юқори бўлса, тахлов тез фурсатда бузилиб, хом ашё синчиклаб текширилади. Агар бузилиш белгилари кузатилмаса, у ҳолда терилар совутилиб, чарм ишлаб чиқариш корхоналарига жўнатилади.

3 - расм . Психрометр Бундан ташқари тахловларда чирикли ҳид, қуруқ хом ашёда куя ва терихўр қўнғизларнинг бўлиши, шилимшиқнинг бошланиши ёки мездра томонининг қизаришини аниқлаш мақсадида вақт-вақти билан кўриклар амалга оширилади. Бирор бир бузилиш аломатларини пайқаганда, тахловдаги терилар дарров туширилади. Хом ашё сақланадиган хонадаги ҳавонинг намлигини аниқлаш учун психрометрлар қўлланилади. Психрометр бирга ўрнатилган иккита термометр кўринишига эга(68- расм). Термометрлардан бирининг симобли резервуари дока ёки бошқа гигроскопик мато билан ўралади ва сувли идишга туширилади. Сув матони ҳўллаб термометр резервуаригача кўтарилади ва буғланади. Хона ҳавоси қанчалик қуруқ бўлса, мато сиртидан сувнинг буғланиши шунча тез кечади. Буғланиш вақтида ҳўлланган матога суюқлик орқали иссиқлик узатиш рўй беради. Бунинг натижасида ҳўл термометрнинг кўрсаткичи, қуруқ термометрнинг кўрсатгичига қараганда кичик ёки тенг бўлади. Ҳаво қанчалик қуруқ бўлса, қуруқ ва ҳўл термометрлар кўрсатгичларининг орасида шунча катта фарқ бўлади, ўз навбатида, ҳавонинг нисбий намлиги кичик бўлади. Нисбий намликни аниқлаш учун махсус жадвалдан фойдаланилади. Ёз вақтида сақлаш хоналарини, аниқса хўл хом ашё сақланадиган хоналарни вақт-вақти билан шамоллатиш ва совутиш зарур. Яхшиси буни салқин кунда ёки куннинг салқин қисмида амалга оширган маълум. Хонадаги нисбий намликни тушириш учун шамоллатишни, қуруқ об-ҳавода, куннинг ўртасида ўтказиш керак. Ёз вақтида нисбий намликни ошириш учун ҳар куни куннинг ўртасида полларни ҳўллаш зарур.

4 - расм . Ҳўл тузланган чарм хом ашёсини қадоқлаш 5 - расм. Тузламасдан қуритиб ва тузлаб қуритилган чарм хом ашёсини қадоқлаш Ҳарорат ва ҳавонинг нисбий намлигини бошқариш учун вентилятордан фойдаланиш ҳам ўринли. Хом ашёни тамғалаш, қадоқлаш ва ташиш қоидалари. Чарм хом ашёсини талаб этиладиган корхоналарга узатишда тамғалаш, қадоқлаш ва ташиши қоидаларига риоя қилиниши лозим. Ҳар бир терининг мездра томонида тамғаси ёки ўнг орқа оёғига боғланган 30-60 см 2 ўлчамдаги фанерали ёрлиқ бўлиши лозим. Тамға ёки ёрлиқда ташкилотнинг номи, хом ашё тури, нави, жун қопламининг узунлиги (қўй терилари учун) массаси ёки дециметр квадратларда майдони кўрсатилади. Ҳўл тузлаб консерваланган чарм хом ашёси жунли ёки мездрали томонини ташқарига қаратиб той қилиб жойлаштирилади ва арқон билан маҳкам боғланади (4-расм). Тузламасдан қуритиб ва тузлаб қуритиб консерваланган териларни ёйилган ҳолатда жунли томонини бир бирига қаратиб, уч марта кўндалангига ва бир марта узунасига арқон билан маҳкам боғланади (5-расм). Чарм хом ашёсини транспортнинг ҳамма турида (автотранспортдан ташқари) ташишда, тойлар махсус қадоқловчи матолар билан ўралмайди. Чарм хом ашёсини тагликларда ташишга ҳам рухсат этилади. Бир тойга ёки тагликка фақат бир турдаги ва бир хил усулда консерваланган терилар жойлаштирилади. Бир тойнинг массаси 40 кг дан, бир тагликка жойлаштирилган терилар массаси – 1000 кг дан ошмаслиги лозим.

Ҳар бир той ёки тагликка майдони 100-150 см 2 гача бўлган терилар боғланади. Унда хом ашё юборувчи корхонанинг номи, тери тури, тойдаги ёки тагликдаги терилар сони, той ёки таглик рақами, массаси, териларнинг умумий майдони, дм 2 ва консервалаш усули кўрсатилади.

Фойдаланилган адабиётлар рўйхати 1. Александрова Ю.А. «Международный туризм». Учебник. М:«Аспект пресс» 2004г. 2. Александрова Ю.А. «Международный туризм» Учебное пособие для вузов. М:«Аспект пресс» 2001г. 3. Балабанов. И.Т. «Экономика туризма» М.,«Финанси и статистика»2000 г. 4. Биржаков М.Б. Введение в туризм. С.Пб.: Издательский Торговый Дом «Герда», 2004г. 5. Вавилова Е.В. Основы международного туризма. Учебное пособие. М., ГАРДАРИКИ, 2005. 6. География туризма: учебник / кол.авторов: Под ред. А.Ю. Александровой. М.: КНОРУС, 2008. 7. Дворниченко В.В. История международного и национального туризма. М., Издательство МЭСИ, 2001. 8. Дурович А.П. «Маркетинг в туризме». Минск. «Новое знание».2001. 10. Дурович А.П. Реклама в туризме. Учебное пособие. 2003. 11. Ердавлетов С.Р. География туризма: история, теория, методы, практика. Алматы, 2000. 12. Ердавлетов С.Р. История туризма. Развитие и научное изучение. Алматы, 2003 13. Жукова М.А. Индустрия туризма: менеджмент организации. М.: «Финансы и статистика», 2006. 14.Зорин И.В., Квартальнов В.А. Энциклопедия туризма. М. Финансы и статистика, 2000. 15. Кабушкин Н.Н. Менеджмент туризма. «Новое знание» М., 2001. 16. Квартальнов В.А. Иностранный туризм. М.: «Финансы и статистика», 2003. 17.Квартальнов В.А. Туризм . Учебник. М., «Финансы и статистика». 2004.

Похожие

Хом ашёни дезинфекциялаш ва дезинсекциялаш

Чарм ва мўйна хом ашёларини консервалаш усуллари

Чарм ва мўйна хом ашёсини сақлаш

Хом хом ашёни сакланиши ва толани сифатини назорат килиш

Консервалашда кўлланиладиган материаллар ва тўзлукли эритмаларни регенерациялаш