Тикув машиналарининг буюмни суриш механизмлари - Текстиль - Рефераты

Тикув машиналарининг буюмни суриш механизмлари

Загружено в:

20.09.2019

Скачано:

0

Размер:

97.5 KB

Тикув машиналарининг буюмни суриш механизмлари Режа: 1. Механизмларни вазифалари. 2.1022 синф машинасининг буюмни суриш механизмини тузилиши, ишлаш принципи. 3. Механизмдаги созлашлар.

1. Механизмларни вазифалари Бу механизмлар игна ва моки иплари чалишгандан хамда чок мустаҳкамлангандан сўнг буюмни бир чок қадамига суриш вазифасини бажаради. 1022 синф машинасида буюмни суриш игна материалдан чиққанидан сўнг бошланса, 862 синф машинасида буюмни суриш игна материални тешиб ўтгач бошланади. 2. 1022 синф машинасининг буюмни суриш механизмини тузилиши ва ишлаш принципи 1022 синф машинасини буюмни суриш механизми қуйидаги узеллардан ташкил топган: тишли рейкани вертикал харакат узели, тишли рейкани горизонтал харакат узели, тепки узели. Расм. Тишли рейкани вертикал йўналиш бўйлаб харакат қилиш узели. Бош вал 1 ни айланишида 1 эксцентрикни катта радиуси юқорига кўтарилса, у шатун 3 ёрдамида 4 коромислони соат стрелкаси бўйлаб буради, натижада 6 кўтариш вали 8 кўтариш коромислоси ўзининг 10 ролики

ёрдамида 11 айрисимон ричагни юқорига кўтаради, бунда 12 тишли рейка ҳам юқорига кўтарилади ва буюмни кўтаради. Аксинча, 1 эксцентрикни катта радиуси расмда кўрсатилган холга келса, шатун 3 коромисло 4 ни соат стрелкасига қарши буради, у ўз навбатида 6 вални ва 8 олдинги коромислони соат стрелкасига тескари йўналишга буриб 10 ролик ва 11 айрисимон ричаг орқали 12 тишли рейкани пастга туширади. Бунда тишли рейка 12 игна пластинаси ўйиғидан пастга тушади,бунда материал игна томонидан тешиб ўтилаётган бўлади. Тишли рейкани горизонтал харакат узели қуйидагича тузилган Расм . Агар суриш эксцентриги 13 ни катта радиуси юқориги холга келса (расмда кўрсатилгандек) у 14 шатунни юқорига тортиб 15 бирлаштирувчи буғин ёрдамида 16 коромислони соат стрелкасига қарши буради, у ўз

навбатида 17 суриш валини, 18 вертикал коромислоларни ҳам соат стрелкасига қарши йўналишда буради, натижада 11 айрисимон ричаг 12 тишли рейкани орқага тортади, материал ишчидан қарама-қарши тарафга сурилади, бу хол 12 тишли рейка игна пластинаси ўйиғидан юқорига чиққанида рўй беради. Тишли рейканинг вертикал ва горизонтал йўналишлар бўйича харакатларини қўшилиши натижасида, у эллиптик траектория бўйлаб харакат қилади. Машинада тепки узели қўйидагича тузилган Расм .

Тепки тикилаётган буюмни игна пластинасига маълум куч билан босиб туриш ва бехосдан сурилиб кетмаслик вазифасини бажаради. У тишли рейкани игна пластинаси ўйиғидан кўтарилиб горизонтал харакат қилаётганида буюмни бир йўналишда сурилишига ёрдам беради. Агар 30 ричаг 31 ўқи атрофида соат стрелкаси йўналиши бўйлаб бурилса, 29 сирпангич 26 тепки стерженида юқорига сирғалиб боради ва 32 хомутни юқорига кўтаради, хомут 26 тепки стерженига қўзғалмас маҳкамлангани учун бунда 26 стерженни ҳам кўтаради, натижада 27 тепки кўтарилади, 33 пружина эса сиқилади. Агар 30 ричаг инсон бармоғи билан соат стрелкасига қарши йўналишда бурилса, 33 пружина сиқилиш кучи хисобига 32 хомутни пастга босади, у эса ўз навбатида 26 стерженни пастга босади, 27 тепки ўз холига қайтиб, буюмни босади. Агар тизза ёрдамида 48 тўғри бурчакли ричагни 50 резинали елкасига таъсир қилинса, у 49 ўқ атрофида соат стрелкасига қарши бурилиб 47 кронштейн ёрдамида 44 тортгични юқорига суради, у 42 ромни 43 ўқлар атрофида соат стрелкасига қарши буради, бунда 41 тортгич 29 сирпангични юқорига суради, у ўз навбатида 32 хомут ёрдамида тепкини кўтаради. Тепкини ўз холига қайтариш учун 50 резинали ёстиқчадан тиззани олиш кифоя. 45 пружина ёрдамида бутун система ўз холига қайтади, яъни тепки пастга тушади. Тепки кўтарилганда автоматик равишда юқориги игна ипи бўшатилиши керак, бу хол тикилиб бўлинган буюмни тепки остидан бемалол олиш имконини беради. Бу хол қандай бажарилади. Тепки кўтарилганда 29 сирпангични бўртиқ жойи 35 тўғри бурчакли ричагни соат стрелкаси мили бўйлаб буради, у 36 стерженни суради, стержен эса 38 шайбани олдинга суриб 39 пружинани 37 шайбаларга таъсирини нолга тенглайди. Натижада 37 шайбалар ораларидаги ипни сиқмайди, демак тикилиб бўлинган материални тортиб олинаётганда игна ипи бемалол 37 шайбалар орасидан қаршиликсиз сирғалиб ўтади.

3. Механизмдаги созлашлар: 1. Тишли рейкани игна пластинаси ўйиғидан чиқиш катталиги 9 винтни бўшатилиб (Расм 14) 8 коромислони соат стрелкаси ёки унга қарши йўналишда буриш билан созланади. 2. Буюмни суриш вақти 1 эксцентрикни икки винтларини бўшатилиб, уни бош вал атрофида айлантириб холатини ўзгартириш билан созланади. 3. Тишли рейкани игна пластинаси ўйиғига нисбатан машина платформаси бўйлаб холати 7 марказий винтларни бўшатилиб 6 ва 7 валларни суриш билан созланса; платформага кўндаланг холати 16а винтни бўшатилиб, 17 вални соат стрелкаси бўйича ёки унга тескари буриш билан ўзгартирилади. 4. Чокнинг узунлиги 24 гайкани бўшатилиб 23 дастакни 25 машина ўйиғи бўйлаб тепага ёки пастга суриб, 19а ўқни холатини ўзгартириш билан амалга оширилади. 5. Материални суриш механизмини игна механизми билан ишлаш синхронлиги 13 эксцентрикни иккала винтларини бўшатилиб, уни бош вал атрофида буриш йўли билан бажарилади. 4. 1022-М,97-А,202,697,597ва862синф машиналарининг буюмни суриш механизмлари хақида қисқача маълумот 1022-М ва 97-А синф машиналарида буюмни суриш механизмида харакат бош валдан тишли тасма орқали узатилади, хамда кўтариш ва суриш эксцентриклари ва бошқа деталлар хаммаси платформа остида жойлашган. 202 синф машинасида буюмни суриш механизмида остки ва устки тишли рейка узеллари қўлланган бўлиб, юқоридаги тепкиларнинг бири буюмни сиқиб туриш вазифасини бажарса, иккинчиси материални юқориги қаватини маълум силжиш билан, яъни материалда солқи хосил қилиб суриш

вазифасини бажаради. Бунинг учун юқориги иккала тепкиларни остида тишлар кесилган. 697 синф машинасида материални суриш учун иккита остки тишли рейка қўлланган, олдинги тишли рейкани тезлигини ўзгартириш мумкин. 597 синф машинасининг буюмни суриш механизми 97-А синф машинасидагидек бўлиб, бунда унга тебранма харакат қилувчи игна механизми ёрдамлашади, натижада буюм игна уни тешиб ўтганда сурилади, бу эса буюм қаватларини бир-бирига нисбатан нисбий силжишини олдини олади. 862 синф машинасининг буюмни суриш механизми 597 синф машинаси механизмидан оз фарқ қилади, фақат пастки тақсимлаш валида парракли насос жойлашган бўлиб, у ишқаланувчи бўғинларга мойни автоматик узатиб бериш вазифасини бажаради.

Адабиётлар: 1. Анастасиев А.А. и др. Машины, машины - автоматы и автомати- ческие линии легкой промышленности. Учебник. М. 1983. 2. Червяков Ф.И.,Сумароков Н.В. Швейные машины. М. 1968. 3. Червяков Ф.И., Николаенко А.А. Швейные машины. М. 1977. 4. Вальщиков Н.М. и др. Оборудование швейного производства. М. 1977. 5. Рейбарх Л.Б. и др. Оборудование швейных предприятий. М. 1988. 6. Архипов Н.Н. и др. Лабораторный практикум по курсу “Машины и аппараты швейного производства”. М. 1972. 7. Исаев В.В. , Франц В.Я. Тикув машиналарининг тузилиши, созланиши ва ремонти. Т. 1982. 8. Зак И.С. и др. Комплексно-механизированные линии в швейной промышленности. М. 1988. 9. Франц В.Я., Исаев В.В. Иллюстрированное пособие по швейному оборудованию. М. 1976. 10.Полухин В.П. и др. Швейные машины цепного стежка. М. 1976. 11.Исаев В.В. Тикув корхоналарининг жихозлари. Т. 1986.

Похожие

Тикув машиналарининг ёрдамчи механизмлари

Кенг имкониятли тикув машиналарининг игна механизмлари

Кенг имкониятли тикув машиналарининг ип тортгич механизмлари

Тикув машиналарини моки механизмлари

Занжирли бир ипли ва икки ипли бахякаторлар билан тикувчи машиналар