Ўрта толали чигитли пахтани жинлаш (тола ажратиш) технологияси - Текстиль - Рефераты

Ўрта толали чигитли пахтани жинлаш (тола ажратиш) технологияси

Загружено в:

20.09.2019

Скачано:

0

Размер:

259.5 KB

Ўрта толали чигитли пахтани жинлаш (тола ажратиш) технологияси Режа : 1. Жинлаш ( тола ажратиш ) жараёни тўғрисида умумий маълумот . 2.Аррали жиннинг технологик жараёни. 3.Жин таъминлагич машинасининг конструкцияси ва ишлаш жараёни. 4.Аррали жинлар конструкцияси, асосий ишчи органлари, ишлаш жараёни. 5.Арра тишларидан тола ажратиш мосламаси, жиннинг иш унум дорлиги. 6.Аррали жинли ПТЗ бош корпуси цехларининг технологик жараён схемаси.

1. Жинлаш (тола ажратиш) жараёни тўғрисида умумий маълумот Чигитли пахта қуритиш-тозалаш ва тозалаш цехларида кондицион намликкача қуритилиб ва хас-чўплардан тозалангандан кейин заводнинг бош биносига жинлаш (толасини ажратиш) учун юборилади. Жинлаш -чигитли пахтани дастлабки ишлаш технологик жараённинг асосий операцияси ҳисобланиб, бунда чигитли пахта толаси чигитидан ажратилади. Жинлаш жараёнида чигитли пахта толаси чигитидан механик куч билан ажратиб олинади. Толанинг чигит билан боғланиш кучи якка толанинг узилиш кучига қараганда 2  3 марта кам бўлгани учун жинлаш жараёнида тола ўзининг табиий хусусиятларини (узунлик, ингичкалик, пишганлик даражаси ва ҳ.к) сақлаган ҳолда тубидан узилиб, чигитдан ажратиб олинади. Узун толали чигитли пахта толаларининг чигит билан боғланиш кучи ўрта толаникидан анча кам бўлгани учун уларни тукли сиртларга ишқланиш кучи ҳисобига ҳам чигитидан ажратиб олиш мумкин. Шунинг учун узун толали чигитли пахталар толасини чигитдан валикли жинларда, ўрта толали чигитли пахталарнинг толасини эса аррали жинларда ажратилади. Валикли жинларнинг асосий иш органлари валик бўлиб, унинг тукли сирти узун толали пахта толасининг сифатига зарар етказмайди. Аррали жинларда иш органи сифатида аррали дискалардан терилган цилиндр хизмат қилади ва толани чигитдан ажратиш учун аррали дискалар билан колосникли панжара биргаликда ишлайди. Чигитли пахтани жинлашда қуйидаги технологик талаблар бажарилиши лозим: - чигитлардан йигиришга яроқли толаларни ажратиб олиш; - жин иш органларининг толага таъсири натижасида тола ва чигитда нуқсонлар пайдо бўлмаслиги;

-чигитли пахта бўлаклари жиндан чиқаётган тола ёки чигитга қўшилиб кетмаслиги; -ўлук ва ифлос аралашмалардан тозалаш самарадорлиги юқори бўлиши; -чиқаётган чигитнинг туклилигини ва ўлукдаги тола миқдорини белгиланган меъёрдан ортмаслиги. Жинлаш жараёнида қуйидаги нуқсонлар пайдо бўлиши мумкин: - чигит пўчоғи бўлакчаси ёпишган толалар; - узилган ва шикастланган толалар, тугунчалар; - буралиб қолган, эшилган толалар, гажаклар, пуч чигитлар. Жинлаш жараёнида нуқсонларни пайдо бўлмаслиги учун, жинларни ва бошқа тозалаш ускуналарини технологик талабга мувофиқ равишда ишлатиш керак бўлади. 2. Аррали жиннинг технологик жараёни Пахта тозалаш заводининг бош корпусига келтирилган чигитли пахта сепаратор, тақсимловчи винтли конвейер ва ҳар бир жин устига ўрнатилган таъминлаш шахтасига, сўнгра жиннинг иш камерасига бир текис келиб тушади (расм 17). Жиннинг иш камерасига тушган чигитли пахтани айланаётган арра тишлари илиб олиб, АБ ёйи бўйлаб судраб колосникка олиб келади. Тишларга илинган чигитли пахта бўлакчалари бошқа пахта бўлакчаларига илашиб, уларни ҳам тортади, камерадаги ҳамма чигитли пахта айлана бошлайди. Шундай қилиб, аррали дискка қарама-қарши

расм. Аррали жин шчи камерасида жинлаш технологиясининг схемаси 1-чигит тароғи; 2-арра вали; 3-арралар оралиғидаги қистирма; 4-аррали цилиндр; 5- қобирға панжара. томонга айланувчи хом ашё валиги ҳосил бўлиб, у арра тишларини пахта толаси билан узлуксиз таъминлайди. Арра тишларига илинган толалар колосникларнинг орасидан олиб ўтилади, чигитлар эса ўта олмай тўхтаб қолади. Колосник ортига судраб ўтилган тола соплодан чиққан ҳаво оқими билан ажратилиб, умумий тола тортиш трубасига узатилади. Колосникларнинг иш қисмида тирқишлар кенглиги 3,2 ммгача бўлмагани учун чигит ўтиб кета олмасдан, айланиб турган хом ашё валигига қўшилиб кетади ва ҳамма толалари ажралмагунча айланишда давом этади. Толалари тўлиқ ажратиб олинган чигитлар ўзининг илашиш қобилиятини йўқотади ва хом ашё валигидан ажралиб колосник орасига, сўнгра унинг тирқишларидан пастга тушади. Жиндан чиқаётган чигитларнинг туклилик даражаси чигит тароғи билан ўзгартирилиб турилади. Жиннинг иш камерасига чигитли пахтани тўхтовсиз бериш, чигит ва чигитдан ажраган толаларни жиндан узлуксиз олиб кетиш аррали жиннинг тўхтовсиз ишлашини таъминлайди.

3.Жин таъминлагич машинасининг конструкцияси ва ишлаш жараёни Жиннинг устида ўрнатилган таъминлагич ускунасини асосий вазифаси: толасини ажратишга берилган чигитли пахтани жиннинг ишчи камерасига яхши титилган ҳолда, бир текисда узатиб беришдан иборат. ПД маркали бир барабанли таъминлагич ускунасининг схемаси 18- расмда келтирилган. Унинг ишлаш жараёни қуйидагича: чигитли пахта таъминлагич устига ўрнатилган шахтага тушади. Бир-бирига қарама-қарши айланадиган таъминлаш валиклари (1) чигитли пахтани шахтадан бир текисда қозиқчали барабанга (2) узатади, бу барабан пахтани титкилаб тўрли юза (3) устидан судраб ўтиб уни майда хас-чўплардан охирги марта тозалайди. Тозаланган чигитли пахта қозиқчали барабан ёрдамида новга (4) узатилади ва жиннинг ишчи камерасига тушади. 1.Таъминлаш валиги. 2. Јозиічали барабан. 3.Тґрли юза. 4. Нов (лоток). 5.Ифлослик

Расм . ПД - таъминлагичнинг кўндаланг қирқим схемаси Таъминлаш валикларининг (1) айланиш тезлиги шу валикнинг ўқига ўрнатилган ИВА маркали импульсли вариатор орқали ростланиб, жиннинг ишчи камерасига узатиладиган чигитли пахта ҳажми кўп ёки кам бўлишини таъминлайди, яъни жин машинасини иш унумдорлигини назорат қилиш имкониятини яратади. 4. Аррали жинлар конструкцияси, асосий ишчи органлари, ишлаш жараёни Аррали жинлар дискасидаги арралар сонига қараб 86; 130 аррали, арралар тишларидан толаларини ажратиб олиш конструкцияси бўйича чўткали ва ҳаво оқими билан ишлайдиган, ҳаво оқими соплосининг ўрнатилиш жойига қараб, юқоридан ёки пастдан тола ажратадиган жинларга бўлинади. Лекин ҳамма аррали жинларда тола ажратиш технологик жараёнини амалга оширишда асосий иш органи бўлиб иш камерасида ўрнатилган аррали цилиндр ва колосникли панжара ҳисобланади. Аррали жинларнинг конструкцияси қуйидаги ишчи органлардан иборат: - иш камераси (фартук, чигит тароғи, пештоқ брус); - колосникли панжара; - аррали цилиндр; - толанинг арра тишларидан ажратиш мосламаси (ҳаво камераси); - ўлук ажратувчи козерог; - ифлослик конвейери; - чўян деворлардан иборат станина. Аррали жин ишчи камерасининг технологик жараён схемаси 19- расмда берилган. Иш камерасининг шакли жиннинг ишлаши учун катта аҳамиятга эга бўлиб, унинг айниқса иш унумдорлигига, талаб қиладиган қувватга ва толанинг сифатига таъсир қилади.

Расм . Жиннинг ишчи камераси схемаси. Иш камераси: пештоқ брус (1) колосниклар (2); пастки колосник бруси (3); чигит тароғи (4); пастки фартук (5) ва олдинги фартуклардан иборат. Арра дискалари колосникларнинг тирқишларидан 47-52 мм кириб, арранинг кириш ёйи АЕБ дугасини ташкил қилади. Иш камерасига қуйидаги технологик талаблар қўйилади: - камеранинг қисмлари пахтада нуқсонлар пайдо қилмаслиги; - чигитларни шикастлантирмаслиги; - камера профили чигитли пахтанинг айланишига мумкин қадар тўсқинлик қилмаслиги; - чигитли пахтанинг келишига, ундан тола ва чигитларнинг чиқишига тўсиқлар мумкин қадар кам бўлиши керак. Барқарор жинлаш процесси учун қуйидаги тенгламани ёзиш мумкин:П QA tу  р кг/соат Бунда: П-иш камерасининг тола бўйича иш унумдорлиги; Q-камерадаги чигитли пахта массаси; А-жинлаш жараёнининг ўзгармас характеристикаси; t ўр -иш камерасида тола ва чигитнинг ўртача туриш вақти. Иш камерасидаги технологик жараён қуйидагича бажарилади: 1. Пештоі бурс . 2. Колосник 3. Пастки брус . 4. Чигит тароІи . 5. Пастки фартук . 6. Олдинги фартук .

Арра дискасининг диаметри 320 мм ва айланиш тезлиги 730 айл/мин бўлганда, чизиқли тезлиги 12 м/сек га тенг бўлади. Чигитли пахта валигининг айланиш тезлиги 100  130 айл/мин гача боради, яъни 2м/с чизиқли тезликда ҳаракатланади. Демак, арра тишининг чигитли пахта массасига кесиб кириш нисбий тезлиги 10 м/сек. Чигитли пахта валигининг ўлчамлари ва шакли тўғрисидаги бу фаразларимизни қабул қилсак, жиннинг иш камерасида содир бўладиган ҳодисаларнинг кинематикаси тўғрисида ўйлаш мумкин. Ҳақиқатда эса чигитли пахта валигининг қирқими иш камерасининг шаклига мос ва мураккаб бўлади. АЕБ ёйи устида тишлар илиб олган чигитли пахта бўлакчасининг тезлиги арра тишининг чизиқли тезлигига (12 м/с) яқин келади. Бу зонада пахта бўлакчалари қўзғалмас колосникларга дуч келгани учун тезликларини 1,1  1,5 м/с гача камайтиради. БВ ёйи қисмида уларнинг тезлиги 2,0  2,2 м/с гача ортади. ГДА ёйи қисмида чигитли пахталар тезлиги яна ошиб 2,5  2,8 м/ c гача етади ва шу тезлик чигит тароғи зонасида яна қўшилади. Чигитли пахта бўлакчаларининг чизиқли тезлиги чигитли пахта валигининг сиртида бу тартибда ўзгариб туриши чигитли пахта валигини ташкил қилувчи пахта бўлакчаларининг ички силжиши бўлганини ва иш камерасидаги пахта бўлакчалари динамикасининг анча мураккаб эканлигини кўрсатади. Колосникли панжара аррали жин иш камерасининг муҳим қисмларидан биридир. У арра дискаларни колосниклар орасидан иш камерасига эркин ўтказиб, арра тишларига илинган толаларни чигитидан ажралгандан кейин эркин олиб чиқиб кетиши учун хизмат қилади. Колосникли панжара айрим колосник (2) лардан (расм 20) тузилган бўлиб, улар пештоқ брус (1) билан бирга иш камерасининг профилини ташкил қилади. Колосниклар юқори брус (8) ва пастки брус (3) га махсус винтлар билан бириктирилади. Колосник СЧ- 15-32 маркали чўяндан қўшиб ясалади.

Расм. Колосникли панжара. 1-колосник; 2-пештоқ брус; 3-юқори брус; 4-пастки брус. Аррали цилиндр (расм) аррали жиннинг асосий иш органи ҳисобланиб, жинлаш процессини, яъни толани чигитдан ажратиш жараёнини бажарди. У 80 ва 130 аррали дисклар (1), арра қистирмалари (2), арра вали (3), қисқич шайба (4) ва подшипниклардан (5) иборат. Аррали цилиндрга қуйидаги технологик талаблар қўйилади: - Арра тишларининг тола илиш қобилияти юқори бўлиши керак; -Аррали дискалар валга маҳкамланган бўлиб, иш вақтида ўзининг ҳолатини ўзгартирмай колосниклар орасида ўтиши керак. Бунинг учун валнинг бутун бўйича йўнилган ариқчага арра диск тешигидаги тилга кириб туради ва аррали дискнинг валда айланиб кетишига йўл қўймайди.

Расм. Аррали цилиндрнинг тузилиши. 1-арра дисклари; 2-арра қистирмалари; 3-аррали цилиндр ўқи; 4-қистирма шайба; 5-подшипник. Аррали вал узунлигининг ўртасига қўзғалмас шайба ўрнатилган бўлиб, бунда икки томонга қараб арра дискалари диаметри 162 мм ёки 180 мм бўлган қистирмалар билан навбатланиб териб чиқилади. Тола арра тишларидан айланувчи чўткали барабан билан ёки соплодан аррали цилиндрга йўналтирилган ҳаво оқими билан ажратилади. Аррали жинлар ҳаво соплосининг ўрнатилиш жойига қараб толани юқоридан ёки пастдан ажратадиган жинларга бўлинади. Толанинг учиш тезлиги амалда 3 м/сек, арра тишининг чизиқли тезлиги эса V т =12 м/cек бўлгани учун толани ажратувчи ҳаво оқимининг тезлиги 20 м/сек бўлиши керак. Лекин, ҳақиқатда соплодан чиқадиган ҳаво оқимининг тезлиги 65  70 м/сек га тенг қилиб олинади. Тола ажратиш мосламасининг иш самарадорлигининг ҳаво соплосининг кенглигига, актив ҳаво оқимининг соплодан чиқиш тезлигига, арра тишларининг ҳаво оқимида бўлиш вақтига, ҳаво йўналтирувчи қисмининг узунлиги ва эгрилигига, эжекция коэффициентига тола билан ҳаво оқимини қабул қилувчи тешикнинг шакли ва ўрнига боғлиқ.

Сопло тешигининг кенглиги актив ҳаво оқимининг вақт бирлигида ҳажмий сарфга боғлиқ бўлиб, тола ажраткичга таъсир қилади. Ҳаво сарфини камайтириш, актив ҳамда эжекцион ҳаво оқимларининг аралашувини яхшилаш учун актив ҳаво оқими мумкин қадар ингичка бўлиши керак. Лекин сопло тешиги 5  5,5 мм кам ёки катта бўлмаслиги керак. Арра тишлари иш камерасидан колосник орқасига чиққандан кейин толани тишларидан ажратиш билан бирга ўлук ва майда ифлосликлардан тозалаш жараёни ҳам бажарилади. Арра тишларидан толани пастдан ажратадиган жинларда ўлук ва майда ифлосликлар толалар арра тишидан ажралмасдан олдин марказдан қочирма куч таъсиридан фойдаланиш ҳисобига ўлук козирогининг вазиятини ўзгартириб ростланиш асосида толадан ажратилади (расм 22) Расм. Ҳаво камераси ва унга ўрнатилган ўлук ажратиш козироги жойлашиш схемаси. Тола арра тишларидан юқоридан ажратиладиган жинларда (расм 22) ўлук толалардан уларни арра тишларидан ҳаво оқими билан ажратилгандан сўнг ажратилади. Куч ҳаво оқими соплодан чиқиб, арра тишларидан толани ажратиб, уни йўналтирувчи цилиндр айланасига уринма чизиқ бўйлаб йўналтирилади. Эжекцион ҳаво оқими нормал толаларни қабул бўғизи томонига оғдиради, ўлук ва хас-чўплар эса инерция кучи таъсирида уринма 1.¥аво узатиш ³увури 2. Сопло 3. ¤лук козероги 4. Тола узатиш ³увур и 5. Аррали цилиндр

бўйлаб ҳаракатни давом эттириб толадан ажралади ва пастга ўлук конвейерига тушиб, машинадан ташқарига чиқарилади. Ўлукнинг ажралиш меъёри ўлук козерогини аррадан 15  43 мм гача суриб ростланади. Аррали жинларнинг иш жараёни икки муҳим кўрсаткич билан, яъни иш унумдорлиги ва ишлаб чиқарадиган маҳсулот (тола) сифати билан характерланади. Аррали жиннинг иш унумдорлиги арра тишларининг илиш қобилияти ошиши билан кўпаяди. Шунинг учун аррали жиннинг назарий иш унумдорлигини аниқлаш учун проф. Б.А. Левкович қуйидаги формулани таклиф этган: p n z i п 1000 60     кг/соат. Бунда: i-арранинг бир тиши илиб олган толанинг назарий сони; z-арра дискасидаги тишлар сони, дона; n-арранинг айланиш тезлик сони айл/мин. p - 1г толадаги толалар сони. Кейинчалик проф. Г.И.Болдинский аррали жин иш унумдорлиги ҳақиқатдаги ўлчовига яқинроқ топиш учун қуйидаги формулани таклиф этди: П N П N n n K S         1 1 1 2 3600  ; Бунда: N-аррали валдаги арралар сони;   1 1   n арра тишининг тиш қадамига тенг ўтишга сарфланган вақти; V n -аррали цилиндрнинг чизиқли тезлиги, м/с; n S 1 1 1   бир мм 2 юзага сиғадиган толалар сони; S-бир толанинг кўндаланг қирқим юзаси; К-арра тишларидан фойдаланиш коэффициенти; n 2 -бир грамм толадаги толалар сони.

23-24 расмларда чигитли пахтани толасидан ажратувчи аррали 4ДП- 130 ва 3ХДДМ жинларининг кўндаланг қирқим схемаси келтирилган. 4ДП-130 русумли аррали жин ҳаво оқими ёрдамида пастдан тола ажратади. Аррали жинлар ПД русумли таъминлагичлар билан жихозланган бўлиб, улар пахтани жинга бир маромда ва мувофиқлашган ҳолда узатишини, шунингдек, уни қўшимча титилишини ҳамда майда ифлосликдан тозаланишини таъминлайди(23-расм). Таъминлагичдан тушган чигитли пахта жиннинг ишчи камерасига (12) тушган чигитли пахтани чигит тароғининг(10) ёнида айланаётган арра тишлари(9) илиб олиб, арра ёйи бўйлаб судраб қобирғаларга (11) олиб келади. Арра тишларига илинган толали чигитлар бошқа толали чигитларни илаштириб уларни ҳам тортади: шу йўсинда арранинг айланиши ҳамда толали чигитларнинг бир-бирига илашиши натижасида ишчи камерасида пахта(хом ашё валиги) аралашмаси айлана бошлайди. Шундай қилиб арранинг айланишига қарши томонга айланувчи хом ашё валиги ҳосил бўлиб, у арра тишларини тола билан узлуксиз таъминлайди.

расм. 4ДП-130 русумли аррали жин 1-ПД русумли таъминлагич; 2-қозиқли барабан; 3-таъминловчи валик; 4- тешикли тўр; 5-чиқинди йиғувчи камера, 6-курак; 7-ўлик конвейери; 8-ҳаво камераси; 9-аррали цилиндр; 10-чигит тароғи; 11-колосник; 12-ишчи камера. Арра тишларига илинган толалар қобирғаларнинг орасидан олиб ўтилади, чигитлар эса ўтаолмайди, шунда толалар чигитдан ажралади. Толалар соплодан (тирқишдан) (8) чиққан ҳаво оқими билан арра тишидан ажратилиб, умумий тола тортиш қувурига узатилади. Қобирғаларнинг ишчи қисмида (арра тишлари чиқиб кетадиган жойи) тирқиш кенглиги 2,8-3,2 мм дан катта бўлмагани учун чигит ўта олмасдан айланиб турган хом ашё валигига қўшилиб кетади ва керакли миқдордаги толалари олинмагунча шу йўсинда айланишда ва арра тишига келишда давом этади.

Толаларидан ажралган чигитлар ўзининг илашиш қобилиятини йўқотади, хом ашё валигидан ажралиб, қобирға сиртига тушади, сўнгра унинг юзаси бўйлаб пастга тушади. Ундан ташқари арра тишлари толани илиб олиб кетаётганда хом ашё валигининг айланиш тезлиги ўзгариши натижасида хом ашё валигининг марказидан чигит тароғи йўналишида очиқ (эжекцион) қисм ҳосил бўлади. Шу очиқ жойдан ўртада йиғилган, чиқишга тайёр турган толасиз чигитлар чиқа бошлайди. Жиндан чиқаётган чигитлар миқдори ва толадорлик даражаси чигит тароғи билан тартибга солиб турилади ва назорат қилинади. Тола таркибидаги улукни улук куракчаси (6) орқали бошқарилади. Толадан ажраган улукни эса, улук конвейери (7) орқали ташқарига чиқарилади. Ишчи камерасига чигитли пахтани тўхтовсиз бериш, тола ва ажратилган чигитларни ишчи камерадан тўхтовсиз олиб кетиш, аррали жиннинг барқарор ишлашини таъминлайди. расм. Аррали жин 3ХДДМ (УМПД) 1-ишчи камера; 2-аррали цилиндр; 3- µаво камераси; 4-´лик конвейери; 5- чигит тушувчи тарнов; б-асос; 7-чигит таро²и;

Адабиётлар: 1. Джаббаров Г.Д. ва бошқалар. "Чигитли пахтани дастлабки ишлаш технологияси", дарслик, Т."Уқитувчи" 1987й. 2. Ассоциация "Узхлопкопромсбыт" Респуб. научный центр "Хлопкопром". "Технологический регламент переработки хлопка-сырца" Ташкент, "Мехнат" 1997г. 3.Э. Зикриёев «Пахтани дастлабки қайта ишлаш» Т. 2002 й 4. НПО "Хлопкопром", “Справочник по первичной обработки хлопка" (книга-1; 2) Ташкент, "Мехнат" 1994г.

Похожие

Узун толали чигитли пахтани жинлаш технологияси

Пахта тозалаш заводлари тугрисида умумий маълумотлар

Валикли ва аррали жинлаш жараёни

Линтерлаш (момик ажратиш) технологияси

Пахта толаси ва линтини (момигини) тозалаш