Pnevmomexanik yigirish mashinasining takomillashuvi - Текстиль - Рефераты

Pnevmomexanik yigirish mashinasining takomillashuvi

Загружено в:

20.09.2019

Скачано:

0

Размер:

426 KB

Pnevmomexanik yigirish mashinasining takomillashuvi Reja: 1. Urchuqsiz yigirish usullari va pnevmomexanik yigirish mashinasining oddiy sxemasi; 2. Turli rusumdagi pnevmomexanik yigirish mashinalari texnologik yangiliklari;

Urchuqsiz yigirish usullari va pnevmomexanik yigirish mashinasida ip shakllanishi Pnevmomexanik yigirish usuli professorlar A.G.Sevostyanov, N.N.Truevsev (Rossiya) va ularning shogirdlari o’rganishgan. Pishitish va o’rash jarayonlari ajralgan yigirishda texnologik jarayonlar umumlashgan holda quyidagicha izohlanadi: ta‟minlovchi mahsulotni diskretlash, tolalar diskret oqimini transportirovkalash, siklik qo’shish, burab ip shakllantirish va o’rash jarayonlari. Pnevmomexanik yigirish mashinasida jarayonlar alohida birbiridan ajralgan holda amalga oshiriladi (1-rasm). a) ipning shakllanishi b) siklik qo’shish 1-rasm. Yigirish kamerasida ipning shakllanishi 1 - diskret tolalar oqimi; 2 - konfuzor; 3 - piltacha; 4,5 - shakllangan ipning kameradan tashqaridagi va ichidagi qismlari; 6 - tortuvchi vallar; 7 - o’rovchi val; 8 - bobina. Diskretlovchi valik ta‟minlovchi silindrga nisbatan ancha katta tezlik bilan aylanib mahsulotni ingichkalashtiradi. Natijada piltadan ayrim tolalar va ularning guruhlari ajralib, tolalarning diskret oqimi paydo bo’ladi. Kameraning qiya sirtiga uzluksiz kelib tushadigan tolalar diskret oqimi uning eng keng joyi – noviga qiya sirtda asta-sekin siljib to’planadi. Agar ip shakllanmasa, yigirish kamerasi sirtining novida tolali piltacha hosil bo’ladi. Tolalarning novda yig’ilishi – siklik qo’shish deyilib, uning natijasida halqasimon tolali piltacha hosil bo’ladi. Agar kamera ichiga tashqaridan ip uchi kiritilsa, u halqachani uzadi va ip shakllana boshlaydi va tortuvchi vallar yordamida tayyor ip tortib olinadi.

Tolali piltachaning kamera sirtidan ajralish punkti A da ma‟lum buramlar piltachaga o’tadi va piltachaning muayyan qismi pishitilib turiladi. Bu jarayon pishitish – ip shakllanishi deyiladi. Shakllangan ip varonka sirti E ni qamrab ajratuvchi naychadan o’tadi. Ip naycha uchidagi voronka hamda tortuvchi vallar qisqichi orasida buramlar oladi va g’altakka o’raladi, ya‟ni yigirish o’rash jarayoni bilan yakunlanadi. 2-rasm. Urchuqsiz yigirish usullari Ipning kamera sirtidan ajraladigan qismiga uning har bir aylanishida diskret tolalar oqimining ayrim elementlari so’zsiz tushadi (3-rasm). Bu hodisa beihtiyor ip strukturasi va xossalariga ta‟sir ko’rsatadi. Urchuqsiz yigirish usullari Pishitish va o‟rashni ajratib Soxta buram qo‟llab O‟zi pishituvchi Ikki v‟yurokli Pnevmatik Gidravlik Elektrostatik Bir kondensorli Ikki kondensorli Rotorli Kamerali pnevmomexanik

to’g’ri yo’nalish teskari yo’nalish 3- rasm. Yigirish kamerasi novidan ip ajralishi Ipning kameradan ajralish joyida ipga ilashadigan tolani turli ko’rinishlarda uchratish mumkin. halqasmon piltacha 1-uzun uchi; 2-kalta uchi 4- rasim Ip shakillanishi va uning uchlari Shuning uchun ilashgan tolalar miqdori baholash uchun chirmashish koeffitsienti deb nomlangan mezon kiritilgan (4-rasm). Chirmashish koeffitsienti tola uzunligiga to’g’ri, yigirish kamerasi diametriga teskari proporsionaldir. Tolalar chirmashishi asosan ajralish punktida yoki undan tashqarida turlicha uzunlikda sodir bo’ladi. Shunday qilib, amalda yigirish kamerasida ipning bir emas ikkita – uzun va kalta uchlari paydo bo’ladi. Ipning uzun uchi normal buralib, yaxshi pishitilganligi uchun ipning asosiy qismini tashkil etadi. Unga kalta uchdagi tolalar chirmashib ipning bo’sh ustki qismini tashkil etadi. Ustki qism ip massasida qatnashadi, lekin uzishga qarshilikda qatnashmaydi. Ipning uzun uchidan tashkil topgan o’zak qismi uzishga qarshilik ko’rsatib uning pishiqligini belgilaydi. Shuning uchun pnevmomexanik ipning

uzish kuchi halqali yigirilgan ipnikidan 20% gacha past bo’ladi. Shunday qilib, pnevmomexanik ipning strukturaviy tuzilishi halqali ip tuzilishidan farq qilib, pishiqlik xossalari bo’yicha bo’shroq, xossalari bo’yicha notekisligi esa pastroq bo’ladi. Turli rusumdagi pnevmomexanik yigirish mashinalari texnologik yangiliklari Pnevmomexanik yigirish mashinalarining texnologik yangiliklari asosan yigirish kamerasi aylanishlar chastotasining oshganligi bilan bog’liq. Riter firmasining R60 pnevmomexanik yigirish mashinasi 540 tagacha yigirish kamerasi o’rnatilishi mumkin. Mashina to’rtta yuqori tezlikga ega bo’lgan robotlar bilan jihozlangan hamda Amsler Texting integrallashgan qurilma o’rnatilishi mumkin. Mazkur qurilma va jihozlar yigirish samaradorligi hamda ip sifatini oshirib, twistunit qurilmasidan foydalanish buram yo’qolishi oldini oladi. Yigirish chastotasining maksimal aylanishlar chastotasi 170000 min -1 ga teng. Pnevmomexanik yigirishda ko’zga tashlanadigan narsa Saurer Schlafhorst firmasining Autocoro 8 mashinasidir. Mazkur mashina diametri 23 mmli yigirish kamerasi bilan jihozlanib, kameraning aylanishlar chastotasi 200000 min -1 ga teng. Mashinada 480 ta individual harakatga keltiriladigan yigirish kameralari o’rnatilgan. O’rash tizimini rivojlantirib, yigirish mashinasining unumdorligi 20% ga oshirilgan. Italiyaning Savio S.P.A. kompaniyasi o’zining Flexi Rotor S 3000 mashinasida Suessen SC-S Spin Box kameralaridan foydalanib, ko’rgazmalarda namoyish etdi. Paxtadan unda 25 teksli ip kameraning 130000 min -1 aylanishlar chastotasida yigirilishi mumkin. Yuqorida keltirilgan mashinalarning hammasi katta tezlikda ishlovchi, energiya tejamkor hamda kopyuterlashgan hisoblanadi. Ularning tashqi ko’rinishi deyarli bir xil (5-rasm).

a b c 5-rasm. Turli firmalarning pnevmomexanik yigirish mashinalari a) Savio S.P.A. FlexiRotor S 3000, b) Schlafhorst Autocoro 8, c) Riter R60 Mazkur mashinalar asosan kameraning aylanishlar chastotasi yuqoriligi (180000 min -1 gacha) mashinadagi yigirish kameralarining ko’pligi (600 tagacha) bilan tavsiflanadi. Yigirish kameralari bunday katta tezlikda harakatlanishi uchun magnit yuritmalari o’rnatilgan (6-rasm a). Alohida yuritmalari mavjudligi tufayli Autocoro 8 pnevmomexanik yigirish mashinasining imkoniyatlari kattaroqligini ta‟kidlash kerak. Shuning uchun bitta mashinada har xil assortimentdagi iplarni yigirish mumkin. Riter R60 mashinasida buram naychasi “Twist unit” ni tez almashtirish mumkin. Bundan tashqari aero ulash qo’llanishi natijasida uloq uzunligi qisqargan (6-rasm b). a b 6-rasm.Magnit yuritma a), aero ulash natijasi b) Savio S.P.A. FlexiRotorS 3000 mashinasining xususiyatlaridan biri shundaki, undagi mavjud E.P.B.(Electronic Package Building) qurilmasi yordamida ip o’ramlari o’lchamlarini o’zgartirib iste‟molchi talablarini darhol qondirish mumkin (7-rasm, a). Ushbu mashinaning yigirish kameralarini harakatga keltirish uchun qo’shaloq disklar qo’llaniladi (7-rasm, b).

a b 7-rasm. Ip o’ramlari o’lchamlarini o’zgartirish a), qo’sh diskli yuritma b)

Foydalanilgan adabiyotlar: 1. G’afurov J.Q., Yigirish texnologik jarayonlarining xususiyatlarini inobatga olib ipning mexanik ko’rsatkichlarini prognoz qilish va baholash, doktorlik dissertatsiyasi avtoreferati, Toshkent-2016 2.Pirmatov A.P.va boshqalar, Yigirish texnologiyasi, leksiyalar matni, TTESI, 2015y. ; 3.Hwanki Lee, Yigirish jarayonlari sifat nazorati va to’qimadagi nuqsonlarning oldini olish, Thinkbook Company, Seoul, Korea, 2015 4. www.rieter.com, R35 va R60 mashinalari pasportlari; 5. AUTOCORO-8 mashinalari pasportlari.

Похожие

Pnevmomexanik yigirish jihozlari va ularning yangiliklari

Yigirish yangiliklari

Yigirish jarayoni.doc

Ipakni yigirish jarayoni

Ipак tоlаsini yigirish tехnоlоgiyasi