Manjetli va manjetsiz yeng uchlarini ishlash - Текстиль - Рефераты

Manjetli va manjetsiz yeng uchlarini ishlash

Загружено в:

20.09.2019

Скачано:

0

Размер:

299.5 KB

«Manjetli va ma njetsiz yeng uchlarini ishlash» Ayollar ko’ylagi bichimi yeng konstruktsiyasining tuzilishiga va yeng o’mizining o’yilishiga qarab o’tkazma yengli, reglan yengli, ort va old bo’laklar bilan yaxlit bichilgan yengli bo’lishi mumkin. Hamma yenglar ham tor, keng, yeng uchi ulanma, qaytarma manjetli, manjetsiz, terib burma hosil qilingan, taqilmali, uzun-kalta va h.k. bo’lishi mumkin. Bukib tikiladigan yeng Bukib tikiladigan yeng uchlari andoza yordamida yoki andozasiz burmalanadi. Bunda yengning qiyama qirqimida chok haqiga 1,2-1,5 sm chiqarib, yeng uzunligi o’lchab olinadi. Shu uzunlikda yeng uchini bukish chizig’i belgilanadi, yeng uchidagi notekis joylar burlab olinadi va qirqib tashlanadi. Yeng uchi qirqimi teskariga 0,7-1,0 sm bukiladi va bukish chizig’i bo’ylab yana bukib, bukilgan ziyidan 0,1-0,2 sm kenglikda universal mashinada bostirib tikiladi yoki yeng qirqimi yopiq qirqimli qilib maxsus buklagich yordamida bukib tikiladi. Ipak yoki jun gazlamalardan tikiladigan kiyimlarning yeng uchi yopiq qirqimli qilib bukiladi va yashirin bahyali mashinada bukib tikiladi yoki qo’lda yashirin qaviqlar bilan tikiladi. Qalin materialdan tikiladigan yenglarning qirqimlari oldin maxsus mashinada yo’rmalanadi keyin belgi chiziq bo’ylab bukiladi va maxsus yashirin bahyali mashinada tikiladi yoki yashirin qaviqlar bilan qo’lda gir aylantirib tikiladi yoki har 3-4 sm oraliqda ba’zi joylari chatib qo’yiladi. Yeng uchi qaytarmali bo’lsa yeng uchini belgilashda shu belgi chiziq qaytarma kengligidan ikki barobar ortiq kenglikda chok haqi qo’shib belgilanadi. Yeng qirqimi teskariga belgi chiziq bo’ylab bukiladi va sirma qaviq bilan kuklanadi yoki ko’klamay maxsus ignalar bilan qadam qo’yiladi. Bukish haqining ochiq qirqimi 0,5-0,7 sm kenglikda teskariga bukiladi va bukilgan ziydan 0,1-0,2 sm kenglikda yengga bostirib tikiladi. Qalin gazlamalardan tikiladigan yeng uchining qirqimi oldin maxsus mashinada yo’rmalanadi, keyin universal mashinada qo’yma chok bilan tikiladi. Bunda yeng uchini tikishda maxsus buklagich yordamida bukib tiksa ham bo’ladi. Yengning qaytarma qismini yeng o’ngiga qaytarib choklar ustida

qaytarmaning yuqori ziyidan 1 sm oraliqda qo’lda yashirin qaviq bilan chatib qo’yiladi. Yeng uchidan bukish haqi qoldirmay bichiladigan yenglarning uchiga mag’iz qo’yib tikiladi. Yengning o’ngiga mag’izning o’ngi qo’yiladi va 0,5-0,7 sm kenglikda ag’darma chok bilan tikiladi. Chok haqi mag’iz tomonga qaytariladi va yeng uchiga ulangan bahyaqatordan 0,1-0,2 sm oraliqda mag’izga bostirib tikiladi. Material qalin bo’lsa, mag’iz qirqimi bukilmay, oldin yo’rmalanadi, keyin yashirin bahyali maxsus mashinada gir aylantirib tikiladi yoki qo’lda yashirin qaviqlar bilan har 3-4 sm oraliqda chatib qo’yiladi. Yeng uchi taqilmali bo’lib, mag’iz qo’yib tikiladigan bo’lsa izmaga mo’ljallangan shnur qirqimlarini yeng qirqimiga qaratib qo’yiladi va universal mashinada belgi chiziqlar bo’ylab petlani yengga bostirib tikiladi. Yengning o’yig’iga mag’izning o’yig’ini qo’yib, yeng uchi va taqilma uchlari ag’darma chok bilan tikiladi. Taqilma burchaklarida chok haqidan 0,2-0,3 sm qoldirib, ortiqchasi qirqib tashlanadi. Mag’iz yengning teskarisiga ag’darib o’tkaziladi, ichki qirqimlari yuqorida aytilgandek tikiladi. Yeng uchida asosiy bo’lakdan 0,1-0,2 sm kenglikda kant hosil qilib, yeng uchun dazmollanadi va taqilma chap tomoniga petlyalarga moslab tugma qadaladi. Manjetli yengni tikish Yeng manjeti ulanma va qaytarma bo’lib, asosiy bo’lak bilan birga bichilishi mumkin. Ulanma manjet taqilmali bo’lib, bu taqilma yeng chokining davomida bo’lsa, manjet bo’lakni o’ngini ichkariga qaratib uzunasiga bukib, yon tomonlari ag’darma chok bilan tikiladi. Burchakdagi chok haqidan 0,2-0,3 sm qoldirib, ortiqchasi qirqib tashlanadi va manjet o’ngiga ag’dariladi. Tayyor manjetning o’ngini yeng teskarisiga qaratib juftlandi va 0,7-1,0 sm kenglikda chok bilan ulanadi. Yengda burma yoki taxlamalar mo’ljallangan bo’lsa, kertimlarga moslab taxlama hosil qilinadi yoki maxsus tepki yordamida manjetni ulayotganda burma hosil qilinadi. Manjetning ochiq qirqimi 0,5-0,7 sm ichkariga bukiladi va manjet ulangan chokni 0,1-0,2 sm yopadigan qilib, bukilgan ziydan 0,1-0,2 sm oraliqda bostirib tikiladi. Qalin materiallardan tikiladigan ulanma manjet yeng o’ngidan ulanadi. Manjetning ichki qirqimi maxsus mashinada yo’rmalanadi.

Manjet ulangan chokdan 0,1 sm oraliqda bo’lak o’ngidan bahyaqator yuritganda manjetning ochiq yo’rmalangan tomoni shu bahyaqator bilan ulanadi. Taqilmasiz ulanma manjetlarni maxsus mashinada ulash paytida qirqimlarini yo’rmab ketish ham mumkin. Modelda mo’ljallangan bo’lsa, maxsus tepki yordamida burma hosil qilib, bir yo’la manjet ulanadi, qirqimlari yo’rmalanadi. Yeng manjet uzunligiga mo’ljallab bichilgan bo’lsa, yengning choklari tikilgandan keyin yeng uchini belgilashda uchta belgi chiziq chiziladi. Birinchi belgi chiziq bo’ylab bukish haqi yeng teskarisiga bukiladi. Yengning ochiq qirqimi atrofidan ikkinchi belgi chiziq bo’ylab bukiladi va shu bukilgan ziyni uchinchi belgi chiziqqa to’g’rilab, modelda ko’rstilgan kenglikda bostirib tikiladi. Qaytarma manjetni tikish Yeng manjeti bitta bo’lakdan iborat bo’lsa, uni o’ngini ichkariga qaratib yon tomoni biriktirib tikiladi. Choklar yorib dazmollanadi, ip gazlamada qo’lda yorib to’g’rilanadi. Manjet o’ngiga ag’dariladi va ikki bukib dazmollanadi. Manjet qirqimlarini yeng uchi qirqimlariga to’g’ri keltirib, manjetni yengining teskarisiga qo’yib ulanadi, chok qirqimlari yo’rmalanadi. Chok haqini yeng tomonga bukib, biriktirma chokdan 0,1-0,2 sm masofada yengga bostirib tikiladi. Manjet ustki va ostki bo’lakdan iborat bo’lsa, ularning o’ngini ichkariga qaratib qo’yiladi va yuqori tomoni 0,5-0,6 sm kenglikdagi ag’darma chok bilan tikiladi. Manjetning yon tomoni biriktrib tikiladi, choklar yorib dazmollanadi yoki tekislab dazmollanadi yoki tekislab qo’yiladi va o’ngiga ag’dariladi-da, ustki bo’lak manjet bo’lakdan 0,1-0,2 sm kenglikda kant chiqarib dazmollanadi. Tayyor manjet yuqorida aytilgandek yengga ulanadi, yeng uchi dazmollanadi.

1-rasm. Yenglarning chizmali ko’rinishi. 1. Bukish texnologiyasi; 2-ulanma manjet; 3-qaytarma manjet. «MANJYETLI VA MANJYETSIZ YENG UCHLARINI ISHLASH» BO’YICHA TEXNOLOGIK XARITA

Texnologiya asosida faoliyat turlari Tavsiya etiladigan moslama va uskunalar Chizma Standart asosida operatsiyani bajarish tartibi I II III IV I. YENG UCHLARINI BUKIB TIKISH 1.1. Yeng uchi qirqimlarini tikish. Maxsus buklagich yordamida. Yeng uchi qirqimli teskariga 0,7-1,0 sm bukiladi va bukish chizig’i bo’ylab yana bukib, bukilgan ziydan 0,1-0,2 sm kenglikda universal mashinada bostirib tikiladi. 1.2. Yeng uchini yashirin qaviq bilan tikish. «Panoniya» v-790 rus Vengriya. Ipak yoki jun gazlamalardan tikiladigan kiyimlarning yeng uchi yopiq qirqimli qilib bukiladi va maxsus yashirin bahyali mashinada bukib tikiladi yoki qo’lda yashirin qaviqlar bilan tikiladi.

1.3. Yeng qirqimini y o’ rmab tikish. DYuURKOPP 205- 15-20 V. Qalin materialdan tikiladigan yenglarning qirqimlari oldin maxsus mashinada yo’rmalanadi, keyin belgi chiziq bo’ylab bukiladi va maxsus yashirin bahyali mashinada tikiladi yoki yashirin qaviqlar bilan gir aylantirib tikiladi yoki har 3-4 sm oraliqda ba’zi joylari chatib qo’yiladi. 1.4. Yeng uchiga mag’iz qo’yib tikish. Maxsus mashina. Yengning o’ngiga mag’izning o’ngi qo’yiladi va 0,5-0,7 sm kenglikda ag’darma chok bilan tikiladi. Chok haqqi mag’iz tomonga qaytariladi va yeng uchiga mag’iz ulangan bahyaqatordan 0,1-0,2 sm oraliqda mag’izga bostirib tikiladi. 1.5. Yengni mag’izlab tikish. Maxsus mashina. Mag’izning yuqori tomonda ochiq qirqimi teskariga 0,5-0,7 sm bukiladi va yashirin bahyali maxsus mashinada gir aylantirib tikiladi yoki qo’lda yashirin qaviqlar bilan har 3- 4 sm oraliqda chatib qo’yiladi. 1.6. Yengga N.I.I berish. Dazmol, press, nam mato, suv Tayyor yengga N.I.I. berish dazmol yoki press yordamida amalga

purkagich. oshiriladi. II . MANJYETGA QOTIRMA YOPISHTIRISH 2.1. Manjetni tayyorlash. Sm.lenta, qaychi. 2 ta bo’lak 2 ta bo’lakl Avra gazlamadan manjet 2 bo’lakdan iborat qaytarma manjetli yenglarni asosiy bo’laklarni bichishda, yeng ichidagi bukish haqqi manjetda ko’zda tutiladi. Manjetda bukish chizig’i belgilanadi. 2.2. Manjet astarni tayyorlash. Sm.lenta, qaychi. Manjet astarining pastki qirqimi bukish chizig’ida joylashishi kerak. 2.3. Manjet qotirgichi 2 bo’lak (flizilin, proklamelin). Dazmol, suv purkagich. Avra gazlmadan bichilgan manjet ustiga ipning teskarisi tomondan yelim tomonini pastga qaratib qotirgich qo’yiladi va dazmolda qotirgichni namlab yopishtiriladi, qotirgich avra manjetiga nisbatan 5 mm torroq bo’lishi kerak. 2.4. Yengga N.I.I berish. Dazmol, press, nam mato, suv Tayyor yengga N.I.I. berish dazmol yoki press yordamida amalga

purkagich. oshiriladi. III. OLINMAYDIGAN QAYTARMA MANJYETNI TIKISH 3.1. Manjetga yelimli qotirma yopishtirish. Dazmol. Bichilgan manjet avrasining ustki yelimli qotirma qo’yiladi. Yilimli qotirmaning qirqimlari 1-2 mm ag’darma chokka tushishi kerak. 3.2. Manjetning yuqori qotirmalarini ag’darma chok bilan tikish. 1022 kl tikuv mashinasi, qaychi. Manjet bilan astarning o’rni ichkariga qaratib qo’yiladi, yuqoridagi qirqimlari to’g’rilab tekislanadi va burchaklarda solqi hosil qilib astar tomon 5-7 mm kenglikda ag’darma chok bilan tikiladi. 3.3. Burchaklar dagi choklarni kertish. Qaychi. Burchaklardagi choklar 2-3 mm qoldirib tekislab qirqiladi. 3.4. Manjetni o’ngiga ag’darish va ziyni ko’klash. Igna, angishvona, qaychi. Manjet astari o’ngiga ag’dariladi. Manjetni yuqori cheti to’g’rilanadi va manjet avrasidan 2-3 mm kenglikda kant hosil qilib astar tomondan ziy ko’klanadi. Ziy

k o’ klash qaviqqatori ag’darma chokdan 3-5 mm naridan o’ tishi kerak. 3.5. Manjetni dazmollash. Dazmol. Manjet astari tomondan dazmol mato bilan dazmollab yupqalashtiriladi. 3.6. Ziy ko’klashdan oldin iplarni olib tashlash. Manjetning yon qirqimlarini biriktirib tikish. Qaychi 1022 kl tikuv mashinasi. Qaviqqatorni 5-7 mm kertib, ziy ko’klash iplari olib tashlanadi. Manjetning avrasi bilan astari orasi ochirilib, o’ngi ichkariga qaratilib, manjet ko’kdalangiga bukib qo’yiladi. Manjet bilan astarning qirqimlarini to’g’rilab, kengligi 10 mm chok bilan biriktirib tikiladi. 3.7. Chokni yorib dazmollash. Manjetni dazmollab yupqalashtirish. Dazmol. Manjetning yon choki yorib dazmollanadi. Manjet astari teskari tomonga qayrilib tekislanadi va dazmollanadi.

3.8. Bezak bahyaqator yuritish. 1022 kl. tikuv mashinasi. Manjetning o’ng tomonidan ko’tarma chizg’ich yordamida bezak bahyaqator yuritiladi. 3.9. Bukish chizig’ini belgilash. Bo’r, chizg’ich. Manjetlarda yeng uchining chizig’i belgilanadi.

3.10. Manjetni yengga ulash. 1022 kl tikuv mashinasi. Manjetlarning qayirish chizig’i yeng uchi bukish chizig’iga va uning yon choklari yengdagi kertmalarga to’g’ri keladigan qilib, manjetlar 7- 10 mm kenglikdagi chok bilan yeng uchiga ulanadi. 3.11. Yeng uchini bukib ko’klash. Igna, qaychi, angishvona. Manjet bilan yeng uchlarini yeng ichkarisiga ayirib sirma qaviqlar bilan bukib ko’klanadi. 3.12. Yeng astarini tanjet qirqimiga biriktirib tikish. 1022 kl. tikuv mashinasi. Yeng manjet bukish haqi bilan yeng uchi bukish haqiga bir vaqtda ulanadi. 3.13. Manjetni yengga puxtalash. Igna, qaychi, angishvona. Manjetning ziyini qayirib turib, undan 5-6 sm masofada 2-3 joyi qo’lda, yirikligi 4-5 mm li yashirin qaviqqator bilan chatib qo’yiladi. 3.14. Yeng uchlarini dazmollash. Dazmol. Yeng uchi va manjet dazmollab yupqalashtiriladi.

Похожие

Manjetli va manjetsiz erkaklar shimining pochasiga ishlov berish

Ayollar va erkaklar kuylagi yenglarilarini tikish

Ustki kiyimlar yenglarini tikish

Erkaklar shimini tikish

Ayollar ko’ylagi yoqa va yengiga ishlov berish. Old va ort bo’lak yelka, yon qirqimlarini biriktirib tikish