Ип газлама саноатининг хом ашёси - Текстиль - Рефераты

Ип газлама саноатининг хом ашёси

Загружено в:

20.09.2019

Скачано:

0

Размер:

64.5 KB

И п газлама саноатининг хом ашёси Режа: 1. Хом ашё турлари ва унга қўйиладиган талаблар. 2. Пахта толаси тўқимачиликда асосий хом ашё. 3. Пахта ўсимлигининг ботаник турлари. 4. Пахтанинг янги селекцион навларини яратиш усуллари.

Хом ашё турлари ва унга қўйилган талаблар. Йигирилган ип асосан табиий ва кимёвий толалардан олинади. Табиий толалар пахта, зиғир, каноп, ипак ва жун толаларнидан иборат. Кимёвий толалар эса синтетик ва сунъий толалардан иборат. Булардан ташқари йигиришда асбест, яъни минерал толалар ҳам ишлатилади. Толалар йигиришда қўлланилиши учун қуйидаги талабларга жавоб бериши зарур: 1. Тола иложи борича узун бўлиши керак (20 мм дан кам бўлса йигиришга ярамайди). 2. Тола нисбатан ингичка бўлиши керак. 3. Толалар механик хоссаларга эга бўлиши керак. а) мустахкамлиги юқори бўлиши керак б) эгилишга, чўзилишга ва сиқилишга кўпроқ чидамли бўлиши керак в) илашувчан (жингалак) бўлиши керак. 1. Тола иссиқликка чидамли бўлиши керак. 2. Тола яхши бўялиши ва рангни узоқ вақтгача сақланмоғи зарур. 3. Толада йигирилиш хусусияти юқори бўлиши керак. Аҳоли сонининг ўсиб бориши тўқимачилик маҳсулотларига бўлган талабни ошишига, бу эса тола етиштириш хажмини кўпайишига олиб келмоқда. Статистик маълумотлардан кимёвий толаларнинг дунё бўйича ишлаб чиқариш хажми ортиб бораётганлиги кўриниб турибди. Бунинг сабаблари турлича. Аҳолининг ўсиб бориши, табиий толалар етиштириш майдонларининг қисқараётганлиги ва нихоят кимёвий толаларни афзаллиги шундаки улар йигиришда табиий толаларга бўлган талабни бир мунча енгиллаштиради ва тўқимачилик маҳсулотлари ассортиментини бойитади. Чунки кимёвий толаларда хас чўп бўлмайди, уларни тозалашга зарурат сезилмайди, яъни технологик босқичлар қисқаради. Бу эса электр энергияси, ишчи кучи ва шу каби бошқа ресурсларни иқтисод қилишга олиб келади.

Кимёвий толалар ишлатилганда ипнинг сифати яхшиланади, ташқи кўриниши нафис ва чиройли бўлишига қарамасдан табиий толалар экологик нуқтаи назардан алоҳида афзалликларга эга, шунинг учун табиий толалар йигиришда асосий ўринлардан бирини эгаллаб келмоқда. Пахта толаси тўқимачилик саноати корхоналарининг асосий хом ашёси. Бошқа табиий толаларга нисбатан пахта толасининг йигирувчанлик хоссаси юқори. Ундан ип йигирув фабрикаларида ҳар хил йўғонликлари иплар йигирилиб, бу иплардан эса пишиқ, нафис ва чиройли, ранг-баранг газламалар тўқилади. Пахта толаси билан бир қаторда кимёвий толалар ҳам йигиришда кенг қўлланилмоқда. Бу эса хом ашё базасини кенгайтиришга, маҳсулот ассортиментини кўпайтиришга, табиий толаларга бўлган талабни камайтиришга имкон яратиб, катта иқтисодий самара бермоқда. Республикамизда чигитли пахта миқдорининг камайиши хорижий мамлакатларга тола экспорт қилиниши йигириш корхоналарига хом ашёдан тежамкорлик билан оқилона фойдаланиб муммосини юзага келтирмоқда. Бунинг учун толали чиқитларни аралашмага қўйиб ишлатиш борасидаги ишларни ҳал қилиш керак. Бу соҳада кам чиқитли ва чиқитсиз технология яратилган бўлиб бу технологияни ишлаб чиқаришга тўғри жорий қилиш ҳам хом ашёда тежамкорлик билан фойдаланишга хизмат қилади. Пахта ўсимлигининг ботаник турлари. Пахта бутасимон ўсим лик бўлиб, иссиқ иқлимли мамлакатларда ўсади. Дунёнининг 80 дан ортиқ мамлакатларида, жумладан Ўрта Осиё республикалари, Хитой, Америка, Хиндистон, Араб мамлакатлари, Мексика ва бир қатор Африка давлатларида пахта етиштирилади. Пахта ўсимлигининг 4 хил маданий ва 35 дан ортиқ ёввойи турлари мавжуд.

I. Gossipium hirzitum (госсипиум хирзитум) – сершох, шохлари тукли бўлиб, бизда оддий ёки ўрта толали пахта дейилади.36 32   ШТl мм, чаноғи 5-8 бўлинмадан иборат бўлиб 8 донагача чигитли бўлади. Бир чаноқдан чиққан пахтанинг оғирлиги 3-7 гр бўлади.хосилдорлиги гектарига 40 ц гача, етилиш даври – 180-200 кун. II. Gossipium barvadenze (госсипиум барбадензе)- узун бўйли унча шохи кўп бўлмаган шохлари ўсиқ, танаси қизғиш бўлиб бунда ипак ёки ингичка толали пахта дейилади. 42 36   ШТl мм чаноғи майда, жуда очилиб кетмайди. 4-6 донагача чисгити бўлиб, 4 3 гр гача пахта бўлади. Хосилдорлиги 35 ц. гача етилиш даври – 220 кун. III. Gossipium arbareum (госсипиум арбареум) – дарахтсимон, кўп йиллик бўлиб толаси дағал, 28ШТl мм гача, камхосил бўлиб селекцион станцияларда ўстирилади (янги нав олишда ишлатилади). IV. Gossipium herbatzeum (госсипиум гербациум) - ўтсимон пахта дегани бўлиб, ер бағрлаб ўсади, кўсаги очилмайди. Янги нав олишда ишлатилади, толаси калта. Пахта ўсимлигининг ривожланиши. Пахта ўсимлиги иссиқликни ва намликни яхши кўради. Тез пишар пахта - 100-120 кунда, ўрта пишар пахта - 120-140 кунда, кеч пишар пахта - 180-190 кунда очилади. Экиш - чиқиш - 4-6 кун Чиқиш – 1чи баргигача – 8-10 кун 1 чи баргдан – гуллашигача – 30-35 кун гуллашдан - кўракгача - 18-24 кун кўракдан - 1чи очилишгача 40-60 кун. Тола ривожланишида икки давр мавжуд.

1- давр ғўза гули тўкилгандан кейин бошланади бу даврда тола тез бўйига ўсади, тола юпқа деворли найчага ўхшайди. 2- давр тола бўйича ўсишдан тўхтаб энига ўса бошлайди, толанинг ички деворлари целлюлоза қатламлари хисобига қалинлаша боради. расм. Пахта ўсимлиги яхши шодалаган ғўза бўлиб, унинг бўйи 0,7 дан 1,5 метргача етади. ғўза илдиздан, шохлаган ўзакдан, барг ва шоналардан (ғунча, чўп ва чигитли чаноқлардан ) иборат бўлади. Чигитли пахта чаноғининг диаметри 50 мм гача бўйи 60 мм гача етади. Битта чаноқдаги чигитли пахтанинг оғирлиги (массаси) ўрта толали пахта учун 5-7 грамм, ингичка толали пахта учун 3-5 граммни ташкил этади. Ҳар бир чаноқда 3-5 тагача бўлинмадан иборат бўлади. Чигит тухумсимон шаклда бўлиб битта учи ўткир йиғилган юмалоқ кенгайган шаклда бўлади. Чигитнинг узунлиги 5-14 мм, эни 3-7 мм массаси 100-150 мг бўлиб битта чигитда 7000 дан 15000 гача тола мавжуд бўлади. Очилган чаноқдаги чигитли пахтанинг массасининг ўртача 1/3 қисми тола ва 2/3 қисми чигитдан иборат. 10 20 30 40 50 60тола узунлигиТоланинг к´рсаткичлари пиши³лиги Тола деворининг ³алинлигиТоланинг й ´²онлиги кучлар

Пахта танасига яқин турган чаноқларда тола пишганроқ бўлади. Чигитдаги толаларнинг узунлиги ҳар хил бўлади. Чигитли пахтадан ажратиб олинган тола миқдорига тола чиқиши дейилади. % 100  пахта тола g g r Ўрта тола учун r =32-40% Ингичка тола учун r =29-35% Пахтанинг янги селекцион навларини яратиш усуллари. Пахтанинг янги навлари уч хил йўл билан олинади: 1. Яппасига чигит танлаш, яхши бўлиқ ҳосилдор даладан уруғлик олиш. 2. Якка тартибда чигит танлаш ҳар бир ғўзани алоҳида тарби-ялаш вақтида чопиш, озуқа бериш, суғориш, чиканка қилиш ор-қали. 3. Гибридлантириш (чатиштириш) яъни яхши навларни ўзаро чатиштириш орқали. Янги навларни яратиш билан селекцион станциялар, махсус институтлар ва илмий лабараториялар шуғлланади. Селекцион нав (сорт) деб пахтанинг морфологик ва хўжалик кўрсаткичлари бир хил бўлган турларига айтилади. Районлаштирилган селекцион нав ғўзани, бошқа селекцион нав уруғи билан алмаштиришга нав алмаштирилган дейилади.

Адабиётлар: 1. Марасулов Ш.Р. «Пахта ва кимёвий толаларни йигириш» 1-қисм, 1979 й. 2. Борзунов И.Г. и др. «Прядение хлопка и химических волокон» Часть-1, 1982 г. 3. Белясов П.Д. и др. «Прядение хлопка» Часть-1, 1962 г. 4. Будников И.В. и др. «Основы прядения» часть-1 1948 г. 5. Н.И. Труевцев и др. «Прядение» 1966 г. 6. Святославов Н.И. «Оборудование поточных линий в хлопкопрядении». 1966 г.

Похожие

Газлама ва ип танлаш

Йигириш саноати хом ашёси, Пахта толасини аралаштириш жараёни

Газлама

Тўқимачилик саноатининг аҳамияти, йигириш системалари

Ип ишлаб чиқариш технологияси. Йигириш системалари