Erkaklar shimining old bo’lagidagi qiya cho’ntakka ishlov berish - Текстиль - Рефераты

Erkaklar shimining old bo’lagidagi qiya cho’ntakka ishlov berish

Загружено в:

20.09.2019

Скачано:

0

Размер:

337 KB

«Erkaklar shimining old bo’lagidagi qiya cho’ntakka ishlov berish» Shimlarda turli qirqma, yon choklardagi old va ort bo’laklardagi cho’ntak tikiladi. Shimlardagi hamma cho’ntaklar bo’ylamasiz qilib tikiladi. (uning o’rnida cho’ntak xalta bo’ladi). Erkaklar shimini tikishda old bo’laklarida ham turli xil qiya cho’ntak turlaridan foydalanilib tikish mumkin. Masalan, old bo’lakda oddiy usulda ishlov beriladigan qiya cho’ntak, qopqoqli qiya cho’ntak, ramkali qiya cho’ntak, ramkali qiya cho’ntak bezakli qiya cho’ntak va h.k. Bunday cho’ntakka ishlov berish texnologik xaritalar yordamida standartda ko’rsatilgan bo’yicha tikiladi. Masalan, quyida qiya ramkali cho’ntak, mag’izli cho’ntak va shim old bo’lagi chokidagi qiyalama cho’ntakni tikish» ma’lumotnomada keltirilgan. Shimning old bo’laklaridagi qiya ramkali cho’ntakka ishlov berish Ramkali cho’ntak tikish uchun quyidagi bo’laklar zarur: avra gazlamasidan bichilgan mag’iz (2 ta); avra gazlamasidan bichilgan ko’rinma (1 ta); cho’ntak gazlamasidan bichilgan cho’ntak xalta (1 ta). Bichiqchi shimning old bo’lagida bitta bo’ylama va ikkita ko’ndalang chiziq belgilab olinadi. Cho’ntak tikishni osonlashtirish uchun tayyor cho’ntak ramkasi enidan ikki marta katta masofada ikkita qo’shimcha chiziq tushiriladi. Agar ramkaning eni 0,5 sm bo’lsa, qo’shimcha chiziqlar bo’ylama chiziqdan 1 sm naridan chiziladi. Teskaridan cho’ntak chizig’i ostiga cho’ntak xalta shunday qo’yiladiki, uning va shimning yuqori qirqimlari bir-biriga to’g’ri keladigan bo’lsin. Shundan so’ng ikkita qaviqqator bilan ko’klanadi: birinchisi yuqori qirqimidan 1 sm, ikkinchisi yuqori qirqimiga parallel tarzda; cho’ntak uchidan 1

sm pastroqdan tushiriladi. Cho’ntaklarni ramkalari teskarisiga qayiriladi: bittasi qirqimdan 1-1,5 sm naridan, ikkinchisi o’rtasidan bo’ylamasiga bukiladi. Mag’izlar oldining o’ngiga bukilmalarini qo’shimcha chiziqlarga taqib qo’yiladi, ko’klanadi va 0,5 sm ichkaridan mashinada ko’klanadi. Choklar ikki tomonga yotqiziladi. Cho’ntak qirqimi teskari tomondan baxyaqatorlar o’rtasidan qirqiladi, cho’ntak qirqimi uchlariga baxyaqatorlarga nisbatan qiya qirqimlar qirqiladi. Ramkalar teskarisiga ag’dariladi; ramkalarni tikish choklari to’g’rilanadi, ziylari ko’klanadi va dazmollanadi. Cho’ntaklarning uchlari teskarisidan ikkita qaytma baxyaqator bilan puxtalanadi. Bunda burchaklarini to’g’rilab va mag’izlar tortib turiladi. Old mag’izning ichki qirqimi ichkarisiga 0,5-0,7 sm qayriladi va cho’ntak xaltaga qayrilgan ziyidan 0,1 sm ichkaridan bostirib tikish mumkin, lekin avval qirqimlarni yo’rmab olish kerak. So’ngra cho’ntak xalta ko’rinma qo’yiladigan joy belgilab olinadi. Ko’rinma qirqimlari uch tomonidan teskarisiga 0,5-0,7 sm bukiladi va dazmollanadi. Ko’rinma cho’ntak xalta ustiga qo’yiladi va qayrilgan ziylardan 0,1 sm ichkaridan ikkala tomonidan bostirib tikiladi. Ko’rinmani, qirqimlarni ichkariga qayirmay bostirib tikish ham mumkin, ammo bunda oldin qirqimlarni 0,3-0,4 sm kenglikdagi silliq baxyaqator bilan mashinada yo’rmab olish zarur bo’ladi. Cho’ntak xalta universal mashinada tikiladi, chok bilan tikilishi mumkin. Bu holda cho’ntak xalta ko’rinmani mag’izga mahkamlash baxyaqatori cho’ntak xalta tikilgandan so’ng tushiriladi. Ziyni ko’klash iplari so’kib tashlanadi. Cho’ntak dazmollanadi, uchlariga puxtalamalar qo’yiladi. Cho’ntak qirqimi ko’klanadi. Shim old bo’lagi chokidagi qiyalama cho’ntakni tikish Shim old bo’lagi chokidagi qiyalama cho’ntak old bo’lakning qirqilgan qismi ayni vaqtda cho’ntakning ko’rinmasi xizmatini ham o’taydi cho’ntak xaltaga ko’rinma (shim old bo’lagining qirqilgan qismi) ni bostirib tikiladi. Old

bo’lakka mag’iz 0,5 sm kenglikdagi chok bilan ulanayotgan vaqtda shu chokdan 0,5 sm narida uqa qo’ya boriladi yoki yelim uqa yopishtiriladi. Chok yorib dazmollanadi. Shim old bo’lagi bukilib, kengligi 0,5 sm ramka hosil qilib dazmollanadi. Cho’ntak xalta mag’iz tagiga uning qirqimi shimning yuqori qirqimiga tekislab qo’yiladi va cho’ntak cheti bo’ylab undan 0,7 sm narida bezak baxyaqatori yurtiladi. Mag’izning ichki qirqimi 0,5 sm kenglikda bukilib, yoki oldin yormab olinib, bukilmasdan cho’ntak xaltaga bostirib tikiladi. Mashinada ikkita qaytarma baxyaqator yuritilib puxtalanadi. Old va ort bo’laklar qirqimlarining kertilgan joylari bir-biriga to’g’rilanib, old bo’lak tomonlariga yon choklarni biriktirib tikayotan vaqtda old bo’lakka ko’rinma ulab boriladi. Chok yorib dazmollanadi, cho’ntak xaltaga qo’sh chok solib yoki maxsus mashinada ayni vaqtda qirqimi yo’rmab tikiladi. Uchlari maxsus mashinada puxtalanib, cho’ntak dazmollanadi Erkaklar shimida asosan shim old bo’lagida qiya cho’ntak bo’ladi. Biz ushbu modulda erkaklar shimining old bo’lagidagi «qiya cho’ntak» ga ishlov berishni ko’rib chiqamiz. Mag’izning yo’rmalangan qirqimi cho’ntak xaltaning ichki qismiga, shim old bo’lagini qaytarib, qirqimlari to’g’ri keltirib qo’yiladi, keyin esa ichki va pastki qirqimlari bo’ylab ulardan 2 mm oraliqda bostirib tikiladi. Cho’ntak xaltani tikib ishlov berilgan ko’rinma ustiga shim old bo’lagini qo’yib, ustki va yon qirqimlari nazorat belgilariga binoan tekislanadi. Bo’laklar biriktirib tikish mashinasida ustki qirqim bo’ylab, undan 0,5 sm qochirib bir-biriga puxtalanadi. Keyin cho’ntak xaltaning uchta tomoni biriktirib tikilib, maxsus mashinada yo’rmab qo’yiladi. Cho’ntak og’zi uchlarini press yoki dazmolda dazmollangandan keyin maxsus mashinada puxtalab qo’yiladi.

1-rasm. Shim old bo’lagidagi cho’ntak turlari. KERAKLI O’QUV-JIHOZ, ASBOB-USKUNA VA ASHYOLAR: - tikuv mashinalari: 1022 kl, maxsus tikuv mashinalari; - dazmol, dazmol press; - erkaklar shimidan namuna; - shim mayda bo’lak ishlanmalaridan namunalar; - ko’rgazmali qurollar, plakatlar. Bitta o’quvchi uchun: - texnologik xarita; - qo’l ishlari asboblarining 1 ta to’plami; - gazlamaning tayyor mayda bo’laklari; - W40, W30, W60 iplardan 1 ta g’altak, turli raqamli ignalardan 1 ta to’plam; - qaychi 1 ta sm. lenta, angishvona 1 ta dukcha; - shim uchun yordamchi andozalar; - bo’r, yelimli qotirma (flizilen, dublirin);

- shim cho’ntak uchun bichiq bo’laklari.

«ERKAKLAR SHIMINING OLD BO’LAGIDAGI QIYA CHO’NTAKKA ISHLOV BERISH» BO’YICHA TEXNOLOGIK XARITA Texnologiya asosida faoliyat turlari Tavsiya etiladigan moslama va uskunalar Chizma Standart asosida operatsiyani bajarish tartibi I . Tekshirish ishi 1.1. Bichilgan bo’laklarni tekshirish. Qayc hi. Podzor. 1.2. Cho’ntak o’rnini belgilash. Cho’ntak xalta, qotirma, ko’rinma, asosiy bo’lak dolevik. II. Shim old bo’lagidagi qiya cho’ntakni tikish 2.1. Bichiq bo’laklarni tekshirish. Qaychi. Cho’ntak bo’laklari. 1. Shim old bo’lagi – 1 bo’lak 2. Ko’rinma – 1 bo’lak 3. Cho’ntak xaltasi – 1 bo’lak. 4. bir tomoniga yelim qoplangan qotirma 1 ta bo’lak.

2.2. Cho’ntak o’rnini belgilash. Sm lenta, chizg’ich, qaychi. Old bo’lakning yuqori qirqimi bo’yicha 7,0 sm yon qirqimidan 3,0-4,0 sm masofada nuqtalar qo’yiladi. Nuqtalar to’g’ri chiziq bilan birlashtiriladi. Cho’ntak uchlariga kertiklar qo’yiladi. Cho’ntak og’zini uzunligi shim uzunligiga bog’liq. 2.3. Shim old bo’lagining cho’ntak joyiga yelimli qotirma yopishtirish. Dazmol. Old bo’lakning teskari tomonida cho’ntak o’rni chizilgan 0,1-0,2 sm masofada, bir tomonga yelim qoplangan qotirma tikish rejimiga amal qilib dazmol bilan yopishtiriladi. 2.4. Old bo’lakning cho’ntak chetidagi bukish haqqini bukib ko’klash. Nina, ip, maxsus, universal mashinala r. Old bo’lakning cho’ntak chizig’iga shimning teskari tomonidan cho’ntak xalta qirqimi qo’yiladi. Keyin yelimli qotirmani old bo’lak va yaxlit bichilgan mag’iz bilan o’rab qo’lda yoki maxsus mashinada ko’klanadi, dazmollanadi va ziyidan 0,7-1,0 mm oraliqda bezak bayahqator yuritib puxtalanadi.

2.5. Bezak baxyaqatorini yuritish. Yaxlit bichib olingan qiya qirqma cho’ntak obtachkasini cho’ntak xalta tomonga bukiladi va modelga qarab ko’klanadi, bezak baxyaqator chok yurgaziladi. Chok boshi va oxiri puxtalanadi. Yo’rmalangan yaxlit obtachka qirqimi cho’ntak xaltaga bostirib tikiladi. Chok haqqi 0,3-0,4 sm. 2.6. Cho’ntak ko’rinma tikish. Maxsus, universal mashina. Ko’rinmani cho’ntak xaltaning ikkinchi qismi ustiga yuqori va yon qirqimlarini to’g’ri keltirib qo’yiladi, so’ngra ichki va pastki qirqimlari bo’ylab (0,3- 0,4) sm oraliqda bostirib tikiladi. 2.7.Cho’ntak xaltani biriktirib tikish va yo’rmash. Maxsus mashina. Cho’ntak xalta tomonlari biriktirib tikilib, maxsus mashinada yo’rmab qo’yiladi.

2.8. Shim old va ort bo’laklarining yon qirqimlarini biriktirish. Maxsus, universal mashina. Cho’ntak xaltaga tikib ishlov berilgandan so’ng ko’rinma ustiga shim old bo’lagini qo’yib, ustki va yon qirqimlari nazorat belgilariga binoan tekislanadi. Bo’laklar biriktirib tikish mashinasida ustki qirqim bo’ylab, undan 0,5 mm qochirib bir-biriga puxtalanadi. 2.9. NII berish. Dazmol, dazmol mato, press, suv purkagich. Cho’ntak og’zi uchlarini press yoki dazmolda dazmollangandan keyin maxsus mashinada puxtalab qo’yiladi.

Похожие

Erkaklar shim orqa bo’lagidagi qirqma cho’ntakka ishlov berish

Erkaklar shimining yuqori qirqimiga ishlov berish

Manjetli va manjetsiz erkaklar shimining pochasiga ishlov berish

Erkaklar shimini tikish ketma-ketligini tuzish va mayda bo’laklarini tayyorlash

Ayollar ko’ylagi yoqa va yengiga ishlov berish. Old va ort bo’lak yelka, yon qirqimlarini biriktirib tikish