BICHUV SEXI MASHINA VA USKUNALARI - Текстиль - Рефераты

BICHUV SEXI MASHINA VA USKUNALARI

Загружено в:

20.09.2019

Скачано:

0

Размер:

1275.5 KB

Bichuv sexi mashina va uskunalari Reja: 1. Mexanizatsiyalashtirilgan to`shash kompleksi 2. Bichish usullari 3. Gazlamani bichish uchun ishlatiladigan uskunalar

Mexanizatsiyalashtirilgan to`shash kompleksi Tikuvchilik buyumlarni bichish bo`limida gazlamalarni to`shash, to`shama qavatlarining chetini qirqish, to`shamani bo`laklarga qirqish, detallarni qirqish, bichilgan detallarni jamlash va tikish bo`limiga jo`natish ishlari bajariladi. 15.1-rasm. Mexanizatsiyalashtirilgan kompleks qatorning umumiy sxemasi Bichiladigan gazlamaning va bo`lajak kiyimning turiga qarab, bichish uchun mo`ljallangan gazlama asosan «o`ngini pastga qaratib yalang qavat yoki o`ngini o`ngiga qaratib yalang qavat» to`shaladi. Ikkala holda ham gazlama eniga to`la ochib yuborilib to`shalishi kerak. Gazlamalarni to`shashda uchun maxsus mashinalar, to`shash komplekslari qo`llaniladi. Kiyim bichiladigan mexanizatsiyalashtirilgan kompleks qatorning umumiy sxemasi 15.1-rasmda ko`rsatilgan. Korxonaga o`ram, to`p yoki tax-tax bo`lib keltirilgan gazlama 1 supacha tagliklar 2 ga joylashtiriladi. Gazlama ortilgan supacha tagliklar tashish vostiasi 3 yordamida javonlarga o`rnatiladi.

Supacha tagliklar javonlardan elektr tashish vositasi yordamida enini, uzunligini o`lchash va nuqson topish mashinasi 4 ga, undan keyin esa har qaysi to`p alohida o`lchash mashinasi 5 ga o`tkaziladi. Nuqson topib va o`lchab bo`lingan gazlama o`ziyurar aravachalar 6 yordamida elevator 7 ga ortiladi. Elevatorlar qatori bo`ylab o`rnatilgan transportyor 8 tushirilgan rulonlarni o`lchab- qirqish mashinasi 9ga o`tkazib beradi. Bu mashinada aniq uzunlikda kesilgan gazlama bo`laklari mexanizatsiyalashtirilgan to`shash stoli 10ga o`tkaziladi. To`shama tayyor bo`lgandan keyin qirqish stoli 11 ga beriladi. To`shamaning qirqib olingan qismlari qirqish stoli ustiga qoplangan uzatish qurilmasi yordamida lentali bichish mashinasi 12 ga o`tkazilib, unda tekislab qirqiladi. 15.2-rasm. Gazlamani o`lchab qirqish mashinasining sxemasi . Gazlamani mashinada to`shash sifati yanada yaxshiroq bo`lsin uchun uni yangi yo`l bilan to`shash ishlab chiqildi. Mashinada to`shashdagi bu yangi yo`lning mohiyati shundan iboratki, unda ma`lum uzunlikdagi to`shama qavatlari oldin kesib olinib, keyin to`shaladi. Shu maqsadda maxsus o`lchab-qirqish mashinasi yasaldi (15.2-rasm). Unda qirqilayotgan to`shama qavatiga gazlama rulonning massasi o`zgarib turishi ta`sir etmaydi, gazlama stol yoki ekran sathiga

ishqalanmaydi, o`lchash paytida gazlama qavatiga ta`sir etayotgan kuchlar o`zgarmas bo`ladi. O`lchab-qirqish mashinasida rulon o`ramini ochish mexanizmi 1, transportyor 2, qirqish mexanizmi 3 va uzunlik o`lchash hisoblagichi 4 bo`ladi. O`lchab-qirqish mashinasining aravachasi Q5 mm xatoga yo`l qo`yishi mumkin. To`shash uchun qirqilayotgan gazlama qavatlari uzunligini belgilashda buni ham hisobga olish kerak. Ba`zi gazlamalar o`lchab qirqish mashinasida cho`zilishi mumkin. Cho`zilish darajasi gazlamaning turiga bog`liq. Lekin u hech qachon normadan ortiq bulmaydi. O`lchab-qirqish mashinasida mo`ljaldagi uzunlikka nisbatan yo`l qo`yiladigan quyim hamma vaqt hisob kartasida nazarda tutilganidan kam bo`ladi. SHuning uchun bu mashinada gazlama ko`proq tejaladi. Tajribalar o`lchab-qirqish mashinasidagi quyim odatdagiga nisbatan 25-50% kam bo`lishi mumkinligini ko`rsatdi. o`lchab qirqish mashinasida gazlama tekisroq qirqilgani sababli, qirqim notekisligi natijasidagi chiqindilar 2-2,5 marta kamayadi. O`lchab-qirqish mashinasida tayyorlangan qavatlarni to`shash uchun esa MNT-2-00-000 to`shash mashinasi (15.3-rasm) ishlab chiqilgan. Bu mashinada to`shama qavatlarining uzunligi, o`ramning massasi kabilar to`shash uchun sarf bo`ladigan kuchga ta`sir etmaydi. 15.3-rasm. MNT-2-00-000 to`shash mashinasining sxemasi .

Gazlamalar bunday to`shalganda, har qaysi to`shash stolining "mahsuldorligi" ortib, zarur stollarning umumiy soni anchagina kamayadi, chunki bu mashinada faqat qirqilgan qavatlarni to`shashning o`zi uchungina vaqt ketadi. Qavatlarni qirqish, to`shamada ularni tekislash, milklarini to`g`rilash kabi hamma ishlarni to`shash jarayoni bilan bir vaqtda bajariladi. MNT-2-0-000 mashinasida tashish tasmalari 1 gazlama 2 ni karetka 3 yordamida torta borib, to`shama 4 ga taxlaydi. 15.2. Bichish usullari Mehnat unumini oshirish va mahsulot sifatini yaxshilashga alohida ahamiyat berilayotgan hozirgi paytda tikuvchilik sanoatida tayyorlov-bichish ishlarini avtomatlashtirish eng aktual masalalardan biridir, chunki gazlamalarni qo`lda to`shash va bichish nihoyatda ko`p jismoniy kuch talab qilish bilan birga, mehnat unumi nihoyatda past bo`ladi. 15.4-rasm. Sirpantirib bichish mashinasining sxemasi

Bichish ishlarini avtomatlashtirish uchun yangi usullar topish kerak. Bu yo`ldagi faol izlanishlar natijasida gazlamalarni qirqadigan asboblarning bir qancha yangi turlari topildi. Qirqish asboblarining qaysi tipi ishlatilishiga qarab, hozirda mavjud bichish usullarini ma`lum sistemaga solish mumkin. Bunday sistema asosan ikki xil: universal asboblarda bichish va maxsus asboblarda bichish sistemalari. Universal asboblarda bichishga ko`chma bichish mashinalarida (disk pichoqlisi ham, vertikal pichoqlisi ham) bichish, lenta pichoqli mashinalarda bichish va qaychida bichish kiradi.a; maxsus asboblarda bichishga esa chopqilarda (bir guruh chopqilarda ham, yakka chopqilarda ham) bichish, matritsa va puanson yordamida bichish, SO lazeri nurida bichish, elektr uchqunida bichish, gidromonitorda bichish kiradi. 15.5-rasm. Ikkita valik orasidan o`tkazib bichish sxemasi Bichiladigan detallar shaklida yasalgan chopqilarni guruh qilib yoki yakka- yakka ishlatishga asoslangan usullar alohida ko`rib chiqilishi lozim. Bular bichish stolini sirpantirib bichish (15.4-rasm), valiklarda bichish (15.5-rasm) va o`yib olish presslarida bichish usullaridan iborat. Qator ilmiy tekshirish institutlarida gazlama, trikotaj va boshqa materiallarni lazer nuri bilan qirqish yuzasidan tadqiqotlar o`tkazildi. Lazar nuri bilan qirqilgan

to`shama profili 88-rasmda ko`rsatilgan. Sintetik tolasi 60%dan oshmaydigan yengil va og`ir gazlamalardan bichiladigan kiyim detallarini to`shamadan mo`ljallangan maxsus dasturga binoan gazli lazer yordamida qirqib olishga mo`ljallangan mashinalar yaratildi. Bu mashinada sun`iy mo`yna va zamsha materiallardan, to`shama qilmay bir qavat qilib bichish ham mumkin (15.6-rasm). 15.6-rasm. Lazer nuri bilan qirilgan to`shama profili. a) nur bir marta sekinroq o`tkazilganda. b) nur bir necha marta tez-tez o`tkazilganda 15.7-rasm. Gazlamalarni elektr uchquni bilan bichish

Gazlamalarni kontaktsiz bichish usullaridan yanada biri elektr uchqunlaridan foydalanish usulidir (15.7-rasm.). Elektr uchquni bilan bichish usulida gazlama 1 ustiga grafit chiziq 2 chizilib, unga elektrod 3 ulanadi. Grafit chiziqning narigi uchida yana bir elektrod 4 bo`ladi. Elektrodlarga yuqori kuchlanishli tok berilsa, gazlama butun grafit chiziq bo`ylab qo`yib qirqiladi. Hozirda gazlamalarni nihoyatda katta bosim kuchi bilan otilib chiqayotgan ingichka suv oqimida qirqish usuli ham sinab ko`rilmoqda. Bu ham kontaktsiz bichish usuliga oid bo`lib gidromanitorda bichish deb ataladi. Biroq bichish ishlarini mexanizatsiyalashtirishdagi yuqorida ko`rilgan usullar tayyorlov-bichish ishlarini to`la avtomatlashtirish imkonini bermaydi. S р u sababli bu nihoyatda muhim sohada ilmiy tekshirish ishlari davom etmoqda. 15.3. Gazlamani bichish uchun ishlatiladigan uskunalar Tikuvchilik sanoatida ishlatiladigan to`qimachilik materiallari xususiyat va tuzilish jihatidan xilma-xil bo`ladi. Tikiladigan kiyimlar assortimenti ham turli- tumandir. SHuning uchun gazlamalarni bichish usuli ham bir xil bulmaydi. Gazlamaning xususiyatlariga, bichish usliga, korxonaning turiga qarab, bir vaqtda necha qavat gazlamani baravar qirqish mumkinligi aniqlanadi. Bunday qavatlar soni bittadan 250 tagacha bo`lishi mumkin. Gazlamalar bichilayotganda, ko`pincha, to`shamalarni oldin sektsiyalarga bo`lib olib, keyin sektsiyalardagi detallar qirqib olinadi. Keyingi vaqtlarda kiyim detallarini o`yib oladigan presslar ishlatila boshlagani munosabati bilan gazlamani to`g`ridan-to`g`ri rulondan bichib olishga harakat qilinmoqda. Gazlamani bichishning ikki xil usuli; gazlamani universal asbobda bichish va maxsus asbobda bichish usullari bor. Konstruktsiya jihatidan xilma-xil qaychilar va arralar ishlatib, gazlamani bichishning universal usuli kengrok tarqalgan. Bunday usulda to`qimachilik materiallarini har kaday fason va har qanday o`lchamdagi kiyimlarga mo`ljallab

bichaverish mumkin. Bunda bir xil kiyimlarni bichishdan ikkinchi xil kiyimlarni bichishga o`tishda bichish uskunasi ham, qirqish asbobi ham o`zgartirilmaydi. Universal asbobda gazlama bichishning eng asosiy afzalligi ham ana shundan iborat. Universal usulning kamchiliklari shuki, bunda kiyim detallari aniq bichib olinmay balki kengaytiribroq qirqiladi va bichish jarayonining o`zidan oldingi ishlar, qavatlarni to`shash va tekislash ko`p mehnat talab qiladi. Ommaviy tikishning rivojlanishi, tikuvchilik fabrikalarining ixtisoslanishi, mehnat unumdorligini yanada oshirish va tikuvchilik mahsulotlari sifatini yaxshilash zarurati gazlama bichishning samaraliroq usullarini topishni talab qildi. Natijada gazlama bichishning yangi-yangi usullari, jumladan, presslarda, rotatsion qurilmalarda va boshqa uskunalarda maxsus asboblar yordamida bichish usullari paydo bo`ldi. Tikuvchilik sanoatida gazlama bichishning bunday usullari ishlatilganda, to`shash bilan bichish ishlari, bichish bilan kertish operatsiyalari bir vaqtda bajariladigan bo`lsa, materiallarni ko`proq tejash va mehnat unumdorligini ko`proq oshirish mumkin bo`ladi. Biroq bunday usullarda bichilganda, asboblar turi nihoyatda ko`payib, ularga ketadigan harajatlar ortadi, chunki bunda har bir shakl va har bir o`lchamli kiyimning har qaysi detali uchun bittadan asbob loyihalash va tayyorlash, gazlama bichishning biror usulidan boshqasiga o`tish uchun yangi asbobni o`rnatish va uni uzoq vaqt ishga moslash kerak bo`ladi. SHu sababli, mutlaqo tabiiyki, asboblarga ketgan harajatlar ularning ko`p vaqtga chidashi va materiallarni tejash hisobiga qoplansagina gazlamalarni maxsus asboblarda bichish samarali natija beradi.

15.8-rasm. Vertikal pichoqli ko`chma bichish mashinasi. Hozirgi vaqtda tikuvchilik fabrikalarining ko`pchiligida to`shamalarni universal usulda qirqishda quyidagi mashinalar ishlatiladi: ko`chma bichish mashinalari (EZM-2 tipidagi vertikal pichoqli yoki EZDM-1, EZDM-2, OM-3 tipidagi disk pichoqli mashinalar), statsionar mashinalar (Rl-4 va SHVn-03 tipidagi lenta pichoqli mashinalar). Vertikal pichoqli ko`chma bichish mashinasi to`shamani alohida qismlarga (sektsiyalarga) bo`lish, shuningdek, alohida detallarni qirqish uchun ishlatiladi. Bu tipdagi mashinalardan jun, yarimjun va ip gazlamalar to`shamasining balandligi 13-15 sm gacha etganda ham foydalaniladi. Vertikal pichoqli EZM-2 ko`chma bichish mashinasining (15.8-rasm) qirqish organi qalinligi 0,8 mm, uzunligi 185 mm va kengligi 22 pichoq 1 dan iborat. Mashinaning tik tutqichi 2 ga joylangan pichoqning ikki yoniga 150-200 burchakli qilib charxlangan tig`i tik tutqichdan 8-10 mm oldinga chiqib turadi.

Balandligi 180 mm li tik tutqich mashinaning platformasi 3 ga o`rnatilgan. Tik tutqichning ustida minutiga 3000 marta aylanadigan elektr yuritgichi 4 bo`ladi. Ko`chma bichish mashinalari ko`chma statsionar holatda o`rnatilsa, ularni lentali bichish mashinalari o`rnida ishlatish ham mumkin. Vengriyaning “Pannoniya” firmasi qo`zg`aluvchan pichoqli bichish mashinalarining 20 dan ortiq variantlarini ishlab chiqaradi. Hozirgi paytda firma CS 529 16-1-42-K tipidagi takomillashtirilgan plastinasimon pichoqli qo`zg`aluvchan bichish mashinasini ishlab chiqarmoqda. Bu mashina bosh valining aylanishlar soni 2800 ayl/min. Elektr yuritgichi turi F572 NN 01. Gabarit o`lchamlari 560x185x330. Pichog`ining harakat yo`li 26 mm. Pichoq qalinligi 0,7 mm. Qirqiladigan material qalinligi 160 mm. CHarxlash organi harakat yo`li 156 mm. Pichoqni avtomatik o`tkirlanish vaqti 2-2,5 min. Pichoq 20 gradus ostida o`tkirlanadi. 15.9-rasm. CS529 16-1-42-K qo`zg`aluvchan bichish mashinasi.

SS 529 16-1- 42-K mashinasi tolali, to`qima va sintetik materiallarni bichishga mo`ljallangan. Mashina korpusi 1 da elektyuritgichi 2, pichoq va charxlash mexanizmlari joylashtirilgan bo`lib, ularni platforma 4 ga o`rnatilgan tayanch 3 ushlab turadi. Pichoq 5 ga vertikal ilgarilanma qaytma harakat krivoship polzunli mexanizm orqali uzatiladi. Pichoq 5 ning old tomoniga materialni bosib turuvchi planka 6 joylashgan. Pichoqning o`ng va chap tomoniga tortqi 7 ga vintlar bilan mahkamlangan charxlash toshlari 8 o`rnatilgan. Charxlash toshlari 8 ikki tomonlama aylanma harakatni bosh valga o`rnatilgan disklardan shnurlar orqali oladi. Charxlash aylanishlari orasidagi masofa 0,5-1 mm bo`lishi kerak. Mashina platformasi ortida roliklar o`rnatilgan bo`lib, ular platformaning stol ustida yengil siljishini ta`minlaydi (15.9-rasm). Vertikal pichoqli ko`chma bichish mashinalariga pichoq harakati tezligini ko`rsatadigan taksometr o`rnatilsa, qirqish tezligini keragicha o`zgartirish mumkin bo`ladi. Buning zarurati shundaki, masalan, sintetik tolalardan to`qilgan gazlamalar tez eriydigan bo`lgani uchun, bichish mashinasi elektr yuritgichining aylanish tezligi minutiga 1800 martagacha kamaytirilishi kerak bo`ladi. Hozir vertikal pichoqli ko`chma bichish mashinalarini takomillashtirish ustida ishlanmoqda. Buning uchun elektr yuritgich podshipniklari avtomatik moylanadigan, mashina mexanizmlari gazlama changidan, tolalardan, iplardan mexanik yo`l bilan tozalanadigan qilinmoqda; mashinaning ichiga ip yoki siyrak to`qilgan gazlamalar kirib ketishiga yo`l qo`ymaydigan va gazlamaning bichish sifatini yaxshilaydigan qilib, pichoq tig`ining yangicha konstruktsiyalari topilmoqda. Pichoq tig`ini charxlash va kirovini to`qish avtomatlashtirilmoqda. Bundan tashqari, ko`rinishi har xil pichoqlardan foydalanish ustida ham ish qilinmoqda. Masalan, juda dag`al materiallarni kesish uchun dami silliq pichoqlar, maxsus kiyimlar tikiladigan qalin gazlamalarni va dag`al sun`iy charmni qirqish uchun dami arrasimon, serpardoz gazlamalarni va sintetik tola gazlamalarini qirqish uchun esa dami to`lqinsimon pichoqlar ishlatish tavsiya etiladi.

15.10-rasm. Vertikal pichoqli ko`chma bichish mashinasi. KV 1605R/KV 2005 E 14- Disk pichoqli EZDM-3 ko`chma bichish mashinalari (15.11-rasm) to`shamani alohida qismlarga bo`lishda va shakllari murakkab bo`lmagan detallarni qirqishda ishlatiladi. Bunday mashinalardan ich kiyimlik va kuylaklik ip gazlamalarni, ipak, yupqa jun va yarimjun gazlamalarni, shuningdek, astarli gazlamalarni bichishda foydalaniladi. Bunda to`shamaning balandligi 5-7 sm dan ortmasligi kerak. Disk pichoqli bichish mashinalarining kichikroqlari ko`pincha, tekislash qaychilari deb ataladi. Ular balandligi 1-3,5 sm to`shamalarni bichish va kiyim detallarini tekislab qirqish uchun ishlatiladi. Ularda pichoq damini charxlaydigan va moylaydigan moslamalar bo`ladi.

15.11-rasm. EZDM-3 disk pichoqli ko`chma bichish mashinasi. EZDM-1 mashinasining qirqish organi 120 mm diametrli, 1,1 mm qalinlikdagi disk pichoq 1 dan iborat. Bu pichoqning tutkichi katta yassi doiradan iborat bulgani uchun, unda to`shamani radiusi kichik traektoriya bulganda qirqib bulmaydi, aks xolda qirqilayotgan joy yakinidagi joylari surilib ketadi. Bu mashinaning platformasiga kimirlamaydigan yana bitta pichoq 2 urnatilgan bo`lib, u prujina yordamida disk pichoq tig`iga kisilib turadi. Disk pichoqning tig`i mashinaning uziga urnatilgan qo`zg`almas ikkita doiraviy moslama 6 da charxlanadi. Disk pichoq yassi tutkich 3 ustiga urnatilgan elektr yuritgich 4 yordamida konus gildirak vositasida aylanadi. Tutkich disk pichoqnikidan kattarok diametrli diskdan iborat bo`lib, mashinaning platformasi 5 ga biriktirilgan. Bu mashinaning vertikal pichoqli mashinadan farqi shuni, undagi pichoqning qirqish tezligi o`zgarmas 9 m/sek bo`lishi mumkin. Bunday mashinalar ishlatishda, pichoqning diametri 120 mm bo`lsa, to`shamaning balandligi 20-25 mm dan oshmasligi shartligini va keskin burilishli hamda burchak joylarni qirqishda to`shamaning pastki qavatlari oxirigacha qirqilmay kolishini nazarda tutish kerak.

Chet davlatlarda chiqarilayotgan shunga uxshash ba`zi mashinalarda doira pichoq bilan birga, ko`pburchak shaklidagi pichoq ham bo`ladi. Lenta pichoqli mashinalar ma`lum o`lchamdagi to`plamlardan mayda detallarni va murakkab shaklli detallarni uzil-kesil qirqib olish uchun ishlatiladi. Lenta pichoqli bichish mashinalarini bichish stolining sathi etarli darajada katta bulganda va katlamlari joylar joyga kuchirilayotganda surilib ketmaydigan gazlamalarda ishlatish ma`kul. Lenta pichoqli bichish mashinalari ham statsionar yoki ko`chma bo`lishi mumkin (15.12-rasm). 15.12-rasm. RL uchta shkivli lenta pichoqli bichish mashinasi. Uchta shkivli lenta pichoqli RL bichish mashinalari mashinalarning kulochi uzunrok bulgani uchun ularda o`lchami kattarok detallarni ham bichish mumkin. Bunday mashinalar stolining balandligi ikki shkivli lenta, pichoqli mashinalar bichish stoliga nisbatan pastrok bo`ladi. Masalan, shkivi diametri 1000 mm li ikki shkivli mashinaning kulochi 900 mm, stolining balandligi 1200 mm bo`lsa, Oryol mexanika zavodi chiqargan uch shkivli RL mashinasining kulochi 1000 mm bo`lib, bichish stoli balandligi atiga 900 mm. Buning yana bir muhim tomoni shundaki, bu mashinaning stoli to`shamani sektsiyalarga bo`ladigan bichish stoli

bilan bir xil balandlikda bo`lib, mashina stolini sektsiyaga bo`lish stoliga bevosita yakinlashtirib kuyaverish mumkin. Natijada RL mashinasining ish unumi EZM-2 mashinasiga karaganda ikki baravar ortadi. Lenta pichoqli bichish mashinalarining ko`pchiligida pichoq tig`ini avtomatik charxlaydigan moslama, mashina mexanizmiga ip yoki charx gardi tushishiga yo`l qo`ymaydigan gilof, shuningdek, ishchi ku- lini jaroxatlanishdan saklaydigan moslamalar bo`ladi. Lentali mashinaning pichogi kizib ketishi natijasida bichilayotgan sintetik materiallar eriy boshlashi mumkin. Bunga yo`l qo`ymaslik uchun mashinalar tezligini o`zgartirish moslamasi urnatilgan. Lentali hozirgi bichish mashinalarining konstro`qtiv xususiyatlari quyidagilardan iborat: ularda volfram pichoqlar, lenta pichoqni yo`naltirish uchun xizmat kiladigan volfram plastinkalar ishlatiladi; bosimni tez o`zgartiradigan, kulni jaroxatdan sak- laydigan, pichoqni charxlaydigan, mashina stolini changdan muxofaza kiladigan moslamalar bo`ladi. Birok yuqorida ko`rsatilgan mashinalarning hammasida operatsiyalar (to`shamani sektsiyalarga bo`lish, detallarni qirqib olish, andaza bo`ylab tekislab qirqish) birin-ketin bajarilgani uchun vaqt ko`p sarf bo`ladi. To`shama qavatlari sal bo`lsa ham surilishi natijasida mehnat unumi pasayadi, materiallar isrof bo`ladi, bichishdagi noaniqlik ortadi. 15.13-rasm. Kuris-529.Lentali-stasionar bichish mashinasi

15.13-rasmda Kuris-529 lentali-stasionar bichish mashinasi ko`rsatilgan. Pachkadagi mayday bichiq detallarini yuqori sifatda bichilishini havoso`ruvchi stol kafolatlaydi Jadval - 15.1 Uskuna ko`rsatkichlari Cs-529 Chexiya KV1605R/KV Germaniya ЭЗМ-2 Rossiya я Bichiladigan gazlama qalinligi , mm 100 gacha 210 gacha 100 gacha Bosh valning aylanishi, ayl/min. 3000 2800 3000 Gabariti , mm 380х260х450 400х260х450 450х250х500 Jadval -15.2 Material ko`rsatkichlari Kuris-529, Germaniya РЛ-6, Rossiya Lenta harakatining tezligi 30 20 Quvvati , к Vt 1,1 3,7 Gabaroti , mm 2600х1800х1300 2900х1500х1500 Massa , kg 520 660 Mashina ishchi qulochi , mm 900 1000 15.14-rasm. Kuris (Germaniya) firmasining avtomatik bichish kompleksi.

Применение раскройных автоматических устройств эффективно только в том случае, если одновременно решаются все вопросы подготовки производства и организации раскроя. Для организации автоматического раскроя необходимо оснащение предприятия системой автоматизированного проектирования, включающей системы обработки лекал и выполнения раскладок (САПР одежды). Это необходимо для формирования управляющей программы раскроя. Автоматизация ПРП имеет важное значение. Применение вакуумных раскройных столов, которое позволяет раскраивать высокие настилы различных тканей, автоматизированных настилочных комплексов с элементами роботизации и микропроцессорным управлением, дает большие преимущества по сравнению с механизированным методом в области производительности, качества, экономии ресурсов. При этом исключаются операции съема рассеченного настила, его транспортирования к стационарным ленточным машинам, точного кроя, высвобождается большое количество рабочих.

Похожие

TAYYORLOV SEXI MASHINA VA USKUNALARI

Gazlamalarni to’shash va bichish

Analоgli svеtоprоba tayyorlash uskunalari

Fоtоqоliplarga ishlоv bеrish uskunalari

Chuqur bosma qolipini tayyorlash uskunalari