Даволаш профилактика муассасасининг дорихонаси - Медицина - Рефераты

Даволаш профилактика муассасасининг дорихонаси

Загружено в:

20.09.2019

Скачано:

0

Размер:

56.5 KB

Даволаш профилактика муассасасининг дорихонаси Режа 1. “Даволаш профилактика муассасалари дорихоналари ишини яхшилаш тўғрисида”ги буйруқ. 2. “Соғлиқни сақлаш вазирлиги тасарруфидаги ДПМ дорихоналарида стерил дорилар тайёрлашни тартибга солиш тўғрисида”ги буйруқ ва унинг аҳамияти. 3. Даволаш профилактика муассасаси дорихонаси ва унинг асосий вазифалари. 4. ДПМ ихтисоси ва тузилишига кўра ундаги дорихоналар таснифи. 5. Дорихона мудири зиммасига юкланадиган вазифалар. 6. Заҳарли ва кучли таъсир этувчи дори-дармонларни сақлаш қоидалари. 7. Шифохона дорихоналарининг хоналари.

Ўзбекистон Республикаси Соғлиқни сақлаш вазирлигининг 2001 йил 5 сентябрда чиққан “Даволаш профилактика муассасалари дорихоналари ишини яхшилаш тўғрисида”ги 400 – сонли буйруғига биноан шифохона дорихоналари ўз фаолиятларини амалга оширишлари лозим. Буйруққа асосан барча даволаш профилактика муассасалари дорихоналарида тайёрланаётган дори воситалари сифатини назорат қилишни стандарт талабларига мувофиқлаштириш, ҳамда даволаш профилактика муассасалари шифохоналари таркибидаги дорихоналарда тайёрланган дори воситалари билан белгиланган тартибда худуддаги барча ДПМларни таъминлаш чоралари кўрилиши шарт. Ундан ташқари буйруқда айтилишича ДПМ дорихоналари фаолиятини санитария қоидалари ва меъёрлари асосида амалга ошириш ишлари доимий назорат қилиниши керак. Ўзбекистон Республикаси Соғлиқни сақлаш вазирлигининг 4 октябрь 2001 йилда чиққан “Соғлиқни сақлаш вазирлиги тасарруфидаги ДПМ дорихоналарида стерил дорилар тайёрлашни тартибга солиш тўғрисида”ги 444 – сонли буйруғи амалий ва назарий аҳамиятга эга. Республика худудида жойлашган даволаш профилактика муассасалари ички дорихонасида стерил дорилар тайёрлаш шарт-шароитларини яратиш бўйича тавсиянома берилган. Унда даволаш профилактика муассасалари ички дорихонасида стерил дори воситалари тайёрлашда ишлатиладиган зарур асбоб-ускуна ва жиҳозлар рўйхати келтирилган. Буйруқда дори воситалари тайёрлаш ҳамда таҳлил қилиш жараёнида фойдаланиладиган меъёрий ҳужжатлар, дорихоналарда таҳлил ишлари учун ишлатиладиган индикаторлар, реактивлар ва эритувчилар рўйхати берилган. Даволаш профилактика муассасасининг дорихонаси ҳақидаги низомга биноан шифохона дорихоналари ўринларининг сони 100 ва ундан ортиқ бўлган даволаш профилактика муассасаларида ташкил этилади. Даволаш профилактика муассасасининг дорихонаси ушбу муассасанинг бўлимлари билан бир хуқуқда ишлаб, уларни дори-дармон ва бошқа тиббиёт

моллари билан таъминлаб туради. Дорихонанинг ишлаш вақти даволаш профилактика муассасасининг бош врачи томонидан белгиланади. Дорихона бевосита шифохонанинг бош врачига бўйсуниб, бўлим мудирлари ва врачлар билан узвий боғланиб ишлайди. Даволаш профилактика муассасаси дорихонасининг асосий вазифалари қуйидагилардан иборат: - даволаш профилактика муассасаси бўлимларидан дори-дармонлар ва бошқа тиббиёт моллари учун талабномалар қабул қилиб олиш; - қабул қилинган талабномалар бўйича соғлиқни сақлаш вазирлиги амалдаги буйруқлари асосида белгиланган тартибда дори турларини тайёрлаш, уларни сифатини назорат қилиш, ёрлиқлаш ва тегишли бўлимларга тарқатиш; - даволаш профилактика муассасаси бўлимларини дори воситалар ишлаб чиқарувчи корхоналардан ва таъминотчилардан шартнома асосида; Давлат Реестрига киритилган дори воситалари, боғлов материаллари, беморлар парваришида ишлатиладиган буюмлар, санитария ва гигиена буюмлари, дезинфекция воситалари ҳамда тиббиёт молларини ва бошқа маҳсулотлар билан таъминлаш; - шифохонадаги бўлимлари ва хоналаридаги дори воситалари , боғлов материаллари, беморлар парваришида ишлатиладиган санитария ва гигиена ашёлари, дезинфекция воситалари ва бошқа тиббиёт буюмларини амалдаги меъёрий хужжатлар талаблари даражасида сақланиши, ишлатилишини назорат қилиш ва йўл қўйилган хато- камчиликларни аниқлаб, уларни бартараф этиш чораларини кўриш учун раҳбариятга ахбор о т бериш; - тиббиёт ходимларига фармацевтика янгиликлари, дорихонада мавжуд бўлган, янги дорилар ва уларни ишлатилиши хақида ахборот бериш; - даволаш-профилактика муассасаси ихтисоси ва эҳтиёжига кўра дори воситалари ва тиббиёт буюмлари заҳирасини доимий равишда тўлдириб бориш;

- дорихонада мавжуд бўлган дори воситаларни сақлашда амалдаги санитария қоидалари ва меъёрларига ҳамда фармацевтика талабларга қатьий риоя қилиш; даволаш профилактика муассасаларининг ихтисоси ва тузилишига кўра ундаги дорихоналарни қуйидагича таснифлаш мумкин: - умумий турдаги шифохоналарнинг дорихоналари (аралаш, кўп ихтисосли шифохоналар); - ихтисослаштирилган шифохоналарнинг дорихоналари (сил, инфекцион касалликлар шифохоналари, туғруқхоналар); - рухий асаб касалликлари шифохоналари дорихоналари; - махсус клиник шифохоналари дорихоналари. - дорихона ишини бошқариш олий фармацевтика маълумотига эга бўлган ва мутахассислиги бўйича камида 3 йил ишлаган малакали шахсга рухсат этилди; - дорихона мудири ДПМ раҳбари томонидан ўрнатилган тартибда ишга тайинланади ва ишдан бўшатилади, ДПМ раҳбарияти ва дорихона мудири ўртасида моддий жавобгарлик тўғрисида шартнома тузилади. - ДПМ дорихонанинг раҳбари ва ходимлари белгиланган тартибда 5 йилда бир маротаба малака ошириш курсларида ўқишлари керак. Дорихона мудири зиммасига қуйидаги вазифалар юкланади: - даволаш профилактика муассасаси бўлимларидан талабномалар қабул қилиб, дориларни тайёрлаб, сифатини назорат қилиб, уларни тарқатишни ташкил этиш; - ўз вақтида ДПМ бўлимларини дори-дармонлар ва тиббиёт моллари билан таъминлашни уюштириш; - дорихонадаги дори-дармонлар ва тиббиёт молларини уларнинг хоссаларига қараб давлат фармакопеясининг ва бошқа меъёрий ҳужжатлар талабларига риоя қилган ҳолда сақлашни ташкил қилиш; - дорихона санитария тартиби қоидаларига риоя қилиш;

- дори воситалари сифатини назорат қилиб, учраган хатоликлар тўғрисида бош врачга ёки унинг муовинига хабар бериш; - ходимларнинг малакасини оширишни ташкил этиш; - тасдиқланган шаклларда ўз вақтида ҳисоботлар тузиб топшириш. Заҳарли дори-дармонларни қулфланадиган темир шкафларда ва ёғочдан ясалган, қулфланадиган шкафларда сақланади, наркотик дорилар фақат темир шкафларда қулфланган ҳолда сақланиб, эшикларни ичкари қисмида “А” ва заҳарли дориларни бир маротабалик ҳамда суткалик юқори истеъмол қилинадиган дозалари ёзилган рўйхати бўлади. Кучли таъсир этувчи дори-дармонлар “Б” рўйхатида бўлиб, алоҳида қулфланадиган шкафларда сақланади. “А” ва “Б” рўйхатдаги темир шкафларнинг калити тегишли жавобгар шахсда бўлиши шарт. Заҳарли дори берилган накладной – талабномалар шифохона дорихонасида 2 йил давомида, наркотик дорилар 5 йил давомида ва қолганлари эса 1 йил давомида сақланади. Шу муддат ўтгандан сўнг юқори ташкилотлар томонидан ҳужжатларни тафтиш ўтказилгандан кейин тегишли тартибда йўқ қилинади. Шифохона дорихоналарида савдо зали бўлмайди, чунки у аҳолига хизмат қилмайди. Шифохона дорихоналарида қуйидаги хоналар мавжуд бўлади: 1. Ишлаб чиқариш хоналари - (кутиш хонаси, рецептларни қабул қилиш хонаси, рецептура жўнатиш хонаси, ассистентлар хонаси, дарчали асептика хонаси, инъекцияли эритмалар расмийлаштириш хонаси, идишларни қайта ювиб стериллаш хонаси, қадоқлаш хонаси, фармацевт аналитик хонаси, тозаланган сув олиш хонаси, молларни очиш хонаси). 2. Сақлаш учун хоналар - (тайёр дорилар, қуруқ ва суюқ дорилар, боғлов материаллари, хирургик асбоблар, врачлик буюмлари, оловдан хавфли нарсалар, дезинфекция воситалари, кислоталар хонаси, доривор ўсимликлар, идишлар, ёрдамчи материаллар хонаси, музлатувчи камералар хонаси).

3. Маиший хўжалик хоналари – (экспедиция хонаси).

Адабиётлар 1. С а нитарные правила и нормы устройства аптек по реализации готовых лекарственных медикаментов. Сан Пин 0162-04. – Ташкент: 2004. –с.7. 2. Ўзбекистон Республикаси гигиеник нормативлар, санитар коидалар ва меъёрларнинг амал килиш муддатини узайтириш тўгрисида. (Ўзбекистон Республикаси Согликни саклаш вазирлигининг 381-сон буйругидан кучирма). Ўзбекистон фармацевтика хабарномаси.2003 йил. №1. б.42-45. 3. Ўзбекистон Республикаси Соғликни саклаш вазирлигининг 2001 йил 5- сентябрдаги 400-сонли буйруги “ДПМ дорихоналари ишини яхшилаш тугрисида” 4. Ўзбекистон Республикаси Соғликни саклаш вазирлигининг 2001 йил 4- октябрдаги 444- сонли буйруги “Соғликни саклаш вазирлиги тасарруфидаги ДПМ дорихоналарида стерил дорилар тайёрлашни тартибга солиш тўғрисида”

Похожие

ОИТСни даволаш

Бачадон бўйни касалликларини даволаш усуллари

Дорихоналарда рецептларни қабул қилиш ва улар асосида дори воситаларини бериш

Ревматизм уни патофизиологияси ва даволаш принциплари

Аллергологик касалликлар эпидемиологияси. ташхис ва даволаш