Безгак 2 - Медицина - Рефераты

Безгак 2

Загружено в:

16.02.2024

Скачано:

0

Размер:

69 KB

Безгак Режа: 1. Этиологияси. 2. Эпидемиологияси. 3. Патогенези. 4. Клиникаси. 5. Ташхисоти. 6. Профилактикаси.

Безгак- одам протозой трансмиссив касалликлар гуруҳига кириб, Анопҳелес туркумига мансуб чивин орқали тарқалади. Ретикулогистиоцитар тизим ва эритроцитларнинг зарарланиши, иситма пароксизмлари, анемия ва гепатолиенал синдром билан характерланади. Этиологияси. Безгак қўзғатувчилари бир ҳужайралари микроорганизм бўлиб протозоа типи, Спорозоа синфига, ҳаемоспоридеа отряди, плазмоди оиласи, плазинодиум авлодига мансуб. Плазмодийларнинг 60 дан ортиқ тури мавжуд бўлиб, безгакнинг 4 хил тури: Plasmodium vivax - 3 кунлик безгак қўзғатувчиси; Plasmodium malaria - 4 кунлик безгак қўзғатувчиси Plasmodium ovale - 3 кунлик безгакка ўхшаш; Plasmodium falciparum - тропик безгак қўзғатувчиси фарқланади. Безгак плазмодийлари биологик ва иммунологик хусусиятлари билан, дори препаратларига сезувчанлигига қараб фарқланади. Безгак қўзғатувчисининг ҳаёт цикли 2 та фаза -жинсий ва жинссиз циклдан иборат бўлиб - хўжайинларнинг алмашиши билан боғлиқ. Жинсий фаза (спорогония) чивин организмида (асосий хўжайин), жинссиз фаза (шизогония) - одам организмида (оралиқ хўжайин) ривожланади. Қўзғатувчиси бўлган чивин одамни чаққанда, сўлагидаги спорозоитлар қонга тушиб, жигарга бориб гепатоцитлар ичига киради ва шизонтларга айланади, шизонтлар бўлиниши натижасида мерозоитлар ҳосил бўлади (10000-40000 гача). Тўқима (экзоэритроцитлар) шизогония давомийлиги Pl . falciparum - 6 кун, pl . malaria - 15 кун, pl . ovale - 9 кун, pl . vivax - 8 кун. Экзоэритроцитлар ривожли генетик детерминацияланган. А.Я. Лясенко (1976) таклифига кўра, жигарга киргандан сўнг тез ривожланса тахиспорозоитлар, узоқ паузадан кейин ривожланса брадиспорозоитлар дейилади. Экзоэритроцитлар шизогония натижада ҳосил бўлган мерозоитлар эритроцитлар ичига кириб эритроцитар шизогония бошланиб, клиник белгилар бошланади. Эритроцитар шизогония давомийлиги Pl . falciparum , pl . vivax , pl . ovale - 48 соат, pl . malaria - 72 соат. Эритроцитлар парчаланиши натижада мерозоитлар плазмага чиқади, бир қисми ўлиб, қолгани яна эритроцитлар ичига кириб, цикл

такрорланади. Эритроцитар шизогония натижада мерозоитларнинг бир қисми эркак ва урғочи жинсий ҳужайраларига айланади (гаметоцитлар). Бир неча соатдан сўнг баъзи гематоцитлар ўлади, баъзилар тирик қолади. Чивин чаққандан кейин жинссиз шакллар парчаланиб, жинсий шакллар мураккаб циклни ўтади. Эркак (микрогометалар) урғочи (макрогометалар) билан қўшилиб зигота ҳосил бўлади, зигота узунчоқ, чувалчангсимон бўлиб ошқозон деворига кириб, цистага айланади, ооциста ядро ва цитоплазмаси бўлиниб, спорозоитлар ҳосил бўлади. Спорозоитлар чивин тана бўшлиғига тушиб, гемолимфа оқими билан бутун организмига тарқалади ва сўлак безларида тўпланади. Шу вақтдан бошлаб чивин юқумли бўлади, 40-50 кундан кейин эса касаллик чақириш қобилияти йўқолади. Эпидемиологияси. Табиий шароитларда безгак - трансмиссив антропоноз протозойдир. Касаллик манбаи: қонида гаметоцитлар бўлган одам: безгакнинг бирламчи ёки рецидивловчи шакллари билан касалланган беморлар, жумладан гамета ташувчилар. Юқиш йўли трансмиссив Anopheles чивинининг урғочиси чақиши натижасида юқади. Чунки унинг организмида спорогония - спорозоитли инфекция тугаган бўлади. Бундан ташқари парентерал йўл паразит ташувчилар қонини гемотрансфузия мақсадида ишлатилганда, парентерал муоложаларни стартига ишлов берилмаган инструментлар билан амалга оширганда, пироген терапия жараёнида, шунингдек трансплацентар (тропик безгак ёки туғруқ) йўл орқали ҳам юқади. Ҳаво ҳарорати 15оCдан юқорилиги 30 кундан кам давом этса, безгак тарқалмайди, 30- 90 кун бўлса юқиш хавфи кам, 150 кун давом этса, юқиш ва тарқалиш хавфи кўп, информация манбаи ва чивинлар бўлгандагина. Одамнинг касалланиши чивин чаққанда ёки безгак билан касалланган бемор қонини қўйганда келиб чиқади. Чивиннинг зарарланиши одам қонида етук гамонтлар пайдо бўлгандан кейин бўлади. 3 ва 4 кунлик безгакда 2-3 чи хуруждан кейин, тропик безгакда 7- 10 чи кунда бўлади. Патогенези. Тўқима шизогонияси клиник белгиларсиз кечади. Клиник белгилар эритроцитар шизогония натижасида келиб чиқади. Иситма хуружи - қонга эритроцитнинг патологик ўзгарган оқсили чиқишига, ҳаёт

маҳсулотлари ва мерозоитлар чиқишига жавобан терморегуляция марказининг реакциясидир. Иситма хуружининг келиб чиқишига нафақат плазмодий бўлиши, балки организм аллергик реакцияси ҳам аҳамиятга эга. Иситма хуружи вақтида периферик томирлар спазми натижасида қалтираш, иситма вақтида томирлар кенгаяди, томирлар ўтказувчанлиги ошади, қон суюқ қисми ташқарига чиқиб қон ёпишқоқлиги ошиб ва қон ҳаракати сусаяди. Иситма ҳуружи маълум вақт ўтгач такрорланади. Бу вақт эритроцитар шизогониянинг давомийлигига боғлиқ. Pl . ovale , pl . vivax , pl . falciparum ларнинг эритроцитар шизогонияси 48 соат давом этганлиги учун иситма хуружи кун оралаб, pl . malari aда 72 соат давом этганлиги учун хуруж икки кун оралаб такрорланади. Гемолиз натижасида ҳосил бўлган тромбопластик моддалар гиперкоагулятсияни кучайтиради, натижада диссеминациялашган томир ичи қон ивиши ривожланади, қон айланишнинг ўткир етишмовчилиги ва мия озиқланиши бузилади. Буйрак усти бези етишмовчилиги, микроциркуляция бузилиши, ҳужайра нафаси бузилиши ҳисобига ўткир буйрак етишмовчилиги - “шокли буйрак” келиб чиқади. Тўқима нафаси бузилиши, аденилатциклаза активлиги ўзгарганда энтерит ривожланади. Биринчи хуружларда жигар ва талоқ қонга тўлишиши ва эритроцитлар парчаланиш маҳсулотларига жавобан жигар ва талоқда гемомеланин миқдори ошиб эндотелий гиперплазияси, касаллик узоқ кечганда бирламчи тўқима ўсади, органлар индурацияси кузатилади. Анемия оғирлик даражаси паразитемия даражаси ва касаллик давомийлигига боғлиқ. Талоқ катталашиши гиперспленизм синдромининг ривожланишига сабаб бўлиб анемия, лейкопения ва тромбоцитопенияга олиб келади. Ўпкада микроциркуляциялар бузилишлари бронхит, оғир кечганда зотилжамга сабаб бўлади. Жигарда қон айланиш бузилиши дистрофик ва некротик ўзгаради, АлАТ, АсАТ фаоллиги ошади, пигмент алмашинуви бузилади. Нефротик синдром безгак иммункомплексларининг базал мембранада чўкиши билан боғлиқ.

Айниқса, безгак сувсизланиш, қизиб кетиш, анемия, қорин тифи, вирусли гепатит, амёбиоз ва бошқа инфекциялар қўшилганда оғир кечади. Клиникаси. 3 кунлик безгак спорозоит типига қараб яширин даври қисқа (10-21 кун), узоқ (6-13 ой) кечади. Такрорий хуружлар латент даврдан 3-6-14 ой ва 3-4 йилдан кейин ривожланади. Биринчи марта касалланганда - ҳолсизлик, бош оғриғи белда қўл-оёқда оғриқ юзага чиқади. Хуруждан олдин 2-3 кун тана ҳарорати 38-39оC нотўғри типда бўлди. Кейинлик хуружлар аниқ ифодаланган, бир хил интервалдан кейин ва куннинг бир хил вақтида (11-15 о C) ривожланади. Ўрта оғир ва оғир кечганда қалтираш пайтида ҳолсизлик, бош оғриғи, белда оғриқ, тез-тез нафас, такрорий қусиш кузатилади. Беморлар совқотади, юзи рангпар бўлади, қалтирашдан кейин исиб кетади, юзи қизаради, тери иссиқ, бош оғриғи, чанқаш, кўнгил айнишии, тахикардия, Қ/Б-105/50-90/40 мм.сим.уст.гача пасаяди, ўпкада қуруқ хириллаш бўлиб, бронхит белгиси ҳисобланади. Қорин дам, суюқ ич кетиш. Қалтираш давомийлиги 20-60 мин, исиб кетиш 2-4 соат давом этади. Кейин ҳарорат пасаяди ва 3-4 соатдан кейин нормаллашади. Бу даврда терлаш кучли бўлди. Иситма хуружлари 5-8 соат давом этади. Хуружлар орасидаги давр 40-42 соатга тенг бўлади. Жигар ва талоқ касалликнинг биринчи ҳафтасида катталашади. Анемия аста-секин ривожланади. Даволанмаганда иситма хуружлари 4-5 ҳафта давом этади. Эрта рецидивлар 6-8 ҳафтадан кейин пайдо бўлиб, такрорий пароксизм билан, продромал белгиларсиз кечади. Асоратлар камдан-кам кузатилади. Қизиб кетганда ёки сувсизланишда 3 кунлик безгак эндотоксик карахтлик билан асоратланади. 4 кунлик безгак. Инкубацион даври 21-40 кун, вена ичига орқали зарарланганда 1 неча ойгача. Асосий фарқловчи белгиси қўзғатувчининг организмда касаллангандан кейин узоқ сақланишидир. Продромал белгилар камдан-кам бўлиб, 3 кунлик безгакка ўхшайди. Типик иситма пароксизмлари 13 соат давом этиб, ҳар 4 чи кунда такрорланади. Талоқ аста-секин катталашади ва касаллангандан 2 ҳафтадан кейин пайпасланади. Анемия аста-секин ривожланади, паразитемия ҳам кам ифодаланган. Даволанмаганда касаллик бир неча ой давом этади.

Тропик безгак. Яширин даври 8-16 кун. Оғир кечади. Безгакка қарши дорилар билан даволанмаганда касалликинг биринчи кунлари леталик билан тугайди. Биринчи касал бўлганда продормал белгилар умумий ҳолсизлик, терлаш, иштаҳа пасайиши, кўнгил айниши, 2-3 кунлик ҳарорат 38оС кузатилади. Касаллик тўсатдан, қалтироқ, тана ҳароратининг кўтарилиши, қўзғалиш, бош оғриғи, мушак ва бўғимларда оғриқ билан бошланади. Биринчи 3-8 кун иситма доимий типда, кейин ўзгариб турувчи тавсифда бўлади. Хуруж пайтида куннинг хоҳланган вақтида, кўпинча куннинг биринчи ярмида бўлади, ҳарорат пасайиши терлаш билан кечмайди, иситма хуружлари 1 суткадан ортиқ (30 соат), апирексия даври қисқа бўлади. Қалтираш ва иситма вақтида тери қуруқ. Тахикардия ва А/Б 90/50-80/40 мм.сим.уст.гача камаяди, нафас олиш тезлашади, қуруқ йўтал, қуруқ ва ҳўл хириллашлар, диспептик ўзгаришлар: анорексия, кўнгил айниши, қусиш, эпигастрал соҳада оғриқ кузатилади. Талоқ биринчи кундан катталашади, оғриқли токсик гепатит ривожланади, лекин жигар фаолияти бузилади. Қон зардобида боғлиқ ва эркин билирубин, аминотрансферазалар активлиги ошган. Нормоцитар анемия, 10-14 кунда ХБ 70-90 г/л.га, эритроцит 2.5- 3.5 . 10 12 /л.га пасаяди. Лейкопения, нейтропения, нисбий лимфоцитоз, ретикулоцитоз, ЭЧТ ошиши қайд қилинади. Р l . oval е - турғунлик даври 10-16 кун давом этади. Яхши кечади, тўсатдан соғайиш бўлиши мумкин. Клиник кўринишга қараб 3 кунлик безгакка ўхшайди. Фарқи-хуружлар бошланиши кечки соатларда кузатилади. Касаллик давомийлиги 2 йил. Рецидивлар бериши мумкин. Ташхисоти. Безгак ташхисини характерли клиник белгилар типик иситма, аниқ ифодаланган гепатолиенал синдром ва анемия белгилари тасдиқлайди. Қонда Нв миқдори ва эритроцитлар сони камайган, ретикулоцитоз, анизоцитоз, пойкилоцитоз, ЭЧТ ошиши кузатилади. Шунингдек эпидемиологик анамнез-эндемик зонада 2 йил яшагани аҳамиятга эга. Ташхис қалин қон томчисида ёки қон суртмасида плазмодийлар аниқланиши билан тасдиқланади. 3 кунлик ёки 4 кунлик безгакка шубҳа

қилинганда иситма хуружи ёки апирексия вақтида плазмодийлар топилади. Безгакнинг тропик шаклларида хуружнинг ҳар 6-нчи соатида суртма олинади. Давоси. Э тиотроп ва патогенетик. Безгакни даволаш қуйидаги йўналишларга: безгак хуружини бартараф қилиш, дастлабки ва кечки ретсидивларнинг олдини олиш, гамета ташиб юрувчиларни тугатишга қаратилади. Безгак эпидемиясига клиник шубҳа қилинганда паразитга қарши даволанади. Бу инфекцион -токсик карахтликнинг олдини олишга ёрдам беради. Безгакка қарши этиотроп препаратлар қуйидаги 4 гуруҳга бўлинади: 1) гаметошизотроп - эритроцитлар шизонтларга таъсир этувчи - 4- аминохинолин унумлари -хлорохин (хлорохин дифосфат, хингамин, делагил, нивахил), хинин, хлоридин, сулфаниламид ва сулфонлар, айниқса хлоридин, мефлокин, тетратциклин; 2) гистошизотроп- тўқима плазмодийларига таъсир қилувчи 8- аминохинолин унумлари - примахин, хинацид; 3) гаметоцид: пиреметамин, примахин, хиноцид, прогуанил 4) споронтоцид: пириметамин, прогуанил. Безгак хуружини бартараф қилиш учун гематошизотроп воситалари буюрилади. Тропик ва 4 кунлик безгакни радикал даволашда бу препаратлар самара берса, 3 кунлик ва овали безгакни эса, 8-аминохинолин ҳосилалари (примахин, хиноцид буюрилади). Касалхонадан чиқариш антипаразитар даво тугагандан сўнг, клиник соғайиш, суртма (-), умумий қон ва сийдикда ўзгариш бўлмаса чиқарилади. 1 ой дам олиш керак, 2 йил давомида кузатувда бўлади. Профилактикаси. Э пидемик жараённинг асосий звеноларига қаратилган. Касал ва паразит ташувчиларни барвақт аниқлаш ва даволаш. Анофелес чивинлари тарқалган воҳаларни ларвитсид препаратлар (малатион, пропоскур, абат, фенитропин) ёки имагоцид препаратлар (пиритрум, фенитротион, хемостирилизация усули), биологик усул (сув ҳавзаларнинг гомбузиялаш)

антогонист ҳашаротлардан фойдаланиш. Шунингдек аҳолининг безгак инфекциясига мойиллигини камайтириш (химиопрофилактика, вакцинация).

Адабиётлар: 1. Ахмедова М.Д., Облокулов А.Р., Мирзажонова Д.Б. Юқумли касалликларда ҳамширалик иши. Тошкент. 2018. 2. Бажора Ю. И., Тимченко А. Д., Чеснокова М. М.Атлас: медицинская паразитология. Учебное пособие — Одеса: Одес. держ. мед.ун-т, 2001. - 110 с. 3. Богомолов Б.П. Инфекционные болезни. -М.: Издательство Московского унивеситета, 2006. – 583 с. 4. Даминов Т.А. Инфекционные болезни с детскими инфекциями.1-2 часть. Тошкент 2011. 5. Даминов Т.А., Туйчиев Л.Н., Таджиева Н.У. Инфекционные болезни в деятельности врача общей практики Тошкент-2007. 6. Жаворонок С.В., Мицура В.М., Красавцев Е.Л и др. Тропические и паразитарные болезни. Учебное пособиеЛитагент Вышэйшая школа год 2014.

Похожие

Безгак

Сальмонеллёз 2

Малярияга карши препаратлар фармакологияси

Умумий бўлим паразитлар ва паразитар касалликлар ҳақида умумий маълумот

Паразитар касалликларнинг лаборатор ташхисоти