Темир йўл станцияларининг юк ва тижорат ишлари хўжалигининг техник жиҳозланиши - Техника и технология - Рефераты

Темир йўл станцияларининг юк ва тижорат ишлари хўжалигининг техник жиҳозланиши

Загружено в:

20.09.2019

Скачано:

0

Размер:

339.5 KB

www.arxiv.uz Режа: 1. Юк районларининг вазифалари, таснифи ва техник жиҳозланиши; 2. Темир йўл омборларининг вазифалари ва таснифи; 3. Махсус ортиш – тушириш қурилмалари; 4. Станция товар идорасининг вазифалари ва жиҳозлари; 5. Темир йўл минтақавий бўлинмасининг ташиш ҳужжатларини қайта ишлаш бўйича технологик маркази (ТехПД).

www.arxiv.uz Юк районларининг вазифалари, таснифи ва техник жиҳозланиши Юк ташиш жараёнининг дастлабки ва сўнги операцияларини бажариш ва йўл сафарида юкларга хизмат кўрсатиш учун темир йўли юк хўжалиги иншоотлрга ва қурилмаларига эга бўлади. Темир йўл Уставининг 11-бандида, юкларни ташиш ва юк операцияларини бажариш учун темир йўл станциялари ўзларининг ихтисослаштирилишига мувофиқ лозим даражада жиҳозланган иншоотларга ва қурилмаларга эга бўлиши кераклиги, белгилаб қўйилган. Бундай иншоотлр ва қурилмалар станцияларнинг юк районларида барпо этилади. Станциянинг юк район (сарой) лари ва темир йўл шохобча йўллари ортиш – тушириш машиналари ва комплекслари, қайта юклаш қурилмалари (кўтарилган йўл, тушириш ва бункер эстакадалари) ёрдамчи қурилмалар ва мосламалари (зарядлаш агрегатлари, туйнук қопқоғини кўтаргичлар, вагонларни юк қолдиқларидан тозалаш машиналари) билан жиҳозланади ва керакли инвентарлар билан таъминланади. Йирик юк станцияларида контейнер терминаллари, идиш – ўровли ва донали, оғир вазинли, сочилувчан ва тўкилувчан юклар учун ихтисослаштирилган омборлар ва базалар, майда жўнатмаларда ташиладиган юкларни саралаш учун платформалар қурилади. Темир йўл станцияларининг юк хўжалиги ҳамда темир йўл вагонларига юк ортиш ва тушириш билан шуғилланувчи темир йўл корхоналарининг барча иншоот ва қурилмалари ўзининг қуввати ва ўтказиш қобиляти бўйича белгиланган ҳажимдаги юкларни ташишни бажаришни, уларни тўлиқ асрашни, ҳаракатдаги составга ўз вақтида ишлов беришни, юкларни ортиш ва тушириш бўйича операцияларни белгиланган муддатларда бажаришни таъминлаши кераклиги, Уставнинг 11-бандида белгилаб қўйилган. Йирик маъмурий – саноат марказларида, денгиз ва дарё портларида ҳамда юк оқимларини оммовий пайдо бўлувчи ва сўнувчи пунктларида юк станциялари қурилади. Юк станциялари қабул қилувчи – жўнатувчи, саралаш, тортиш, чиқариб қўйиладиган йўллардан иборат бўлиб, унга юк

www.arxiv.uz районлари ва темир йўл шохобча йўллари келиб турашади. Унда станция технологик маркази, станция навбатчиси ва маневр диспетчери, тижорий ва техник кўрик бинолари жойлашган бўлади. Йирик иш ҳажмили юк станцияларида юк районлари (сарой) қурилади. Юк райони – комплекс техник воситалар ва қурилмалар билан жиҳозланган темир йўл станциясининг худуди бўлиб, ортиш – тушириш ишларини, тижорат операцияларини ва юкларни саралаш ва сақлаш учун мўлжалланган. Юк районлари – бу умумий фойдаланиш жойлари бўлиб, унда кўп сонли юк жўнатувчиларга, юк олувчиларга ҳамда темир йўл транспорти хизматидан фойдаланувчи юридик ва жисмоний шахсларга хизмат кўрсатилади. Юк райони ортиш – тушириш, чиқариб қўйиладиган ва бирлаштириш йўлларга, юк қурилмаларига, омборларига, майдонларига, ортиш – тушириш машина ва механизмларига, вагон тарозисига, габарит дорвозасига, маъмурий хизмат – техник биносига, автоматизациялаш ва алоқа воситаларига, ёритиш, электр ва сув таъминоти, канализация қурилмалари ҳамда юк ва тижорат операцияларини бажариш учун керакли асбоб – ускуналар, жиҳозларга эга бўлиши керак. Юк райони худудида қайта ишланадиган юкларни турига, юк ишларини миқдорига ва характерига мувофиқ идиш – ўровли ва донали, оғир вазинли, сочилувчан ва тўкилувчан юклар, контейнерлар, ўрмон материаллари, металлар, минерал – қурилиш материаллари учун омборлар ва майдонлар, вагонлардан автотранспортларга (тўғри вариант бўйича) юкларни қайта ортиш ва аксинча ортиш учун майдонлар, ғилдиракли ва ўзи юрар техникалар учун платформалар, товар идораси, санитар – маиший ва бошқа ёрдамчи бинолар ва хоналар, электр юклагичлар учун зарядлаш пункти, таъмирлаш устахонаси, автомобиллар учун гараж, ёқилғи ва мойлаш материаллари омбори жойлашиши мумкин.

www.arxiv.uz Юк районини темир йўл станциясида жойлашиши яқин атрофдаги аҳоли пунктлари, саноат ва қишлоқ хўжалик корхоналари билан қулай қатновларни; транспорт воситаларини омборларга ва майдонларга темир йўлларни энг кам кесишишлар билан осонликча ўтиб боришини; юк райони худудида транспорт ваоситаларини тўхтаб туришини ҳамда унинг худудига кираверишида кутиб туришини қулайлигини; санитария нормаларини бажарилишини таъминлаши керак. Юк районини ободонлаштирига катта эътибор қаратилади. Унинг худуди барча томонидан деворлар ёки панжаралар билан тўсилиши, тўсиқларнинг ҳамма периметри бўйича муҳофаза сигнали, ёнғинга қарши ва ёритиш воситаси билан жиҳозланиши керак. Юк райони дорвозаси ёнида кириш – чиқиш назорат пункти жойлаштирилади. Юк айланмасининг тузилмасига мувофиқ юк районлари – универсал ва ихтисослаштирилган турларга бўлинадилар. Универсал юк районларида турли номеклатурадаги юклар билан ортиш – тушириш, саралаш ишлари бажарилади, ихтисослаштирилган юк районларида эса чекланган номеклатурадаги юклар билан ортиш – тушириш, саралаш ишлари бажарилади. Йўлларини ривожланиш чизмасига мувофиқ юк районлари – берк ва ўткинчи турларга бўлинадилар. Берк турдаги юк районлари энг кенг тарқалган бўлиб, улар ўткинчи юк районларига нисбатан муайян техника – иқтисодий афзалликларга эга. Берк юк районларида автотранспортлар ҳар бир омбор ва майдонларга темир йўлини кесишмай етиб боради, автойўлаклари охирида автомобилларни бурилиши учун радиуси 15 метрдан кам бўлмаган ҳалқа шаклидаги майдонлар назарда тутилади. Автомобилларни тўхтаб туриши учун юк районига кираверишида махсус майдон, юк райони худудида эса кечаси автомобилларни ва уларни тиркамаларни тўхтаб туриши учун майдон назарда тутилади. Юк райони омборлари, майдонлари ва йўлаклар сиртидан оқиб чиққан ёмғир ва қор

www.arxiv.uz сувларни четлатиш мақсадида оқава ариқчалари ва сувни четлатиш иншоотлари назарда тутилади. Юк районлари оператив, технологик ва ахборот алоқаси (телефон, телетайп, кўчма радио станция, мобиль телефонлар) қурилмалари билан жиҳозланади. Катта иш ҳажмили юк районларида технологик жараёнларни юқори даражада маханизациялашни ва автоматизациялашни инобатга олиб лойиҳаланади ва улар транспорт – омбор комплекслари даб аталади. 10. 2. Темир йўл омборларининг вазифалари ва таснифи . Темир йўл станцияларини рельс ёни омборлари юкларни ташишга қабул қилиш ва вагонларга ортиш ҳамда вагонлардан тушириш ва юк олувчиларнинг омборларига ташиб кетиш ўртасидаги даврда уларни қисқа вақт сақлаш учун мўлжалланган. Бундан ташқари юк жўнатувчилардан юкларни қабул қилиб олиш ва юк олувчиларга юкларни топшириш, юкларни саралаш, майда жўнатмаларни вагонларга йўналишлар бўйича танлаб олиш ва бошқа ишлар ҳам рельс ёни омборларида бажарилади. Сақланадиган юкларнинг турига мувофиқ омборлар махсус ва универсал турларга бўлинадилар. Махсус омборларда алоҳида сақлаш шартларини талаб қилувчи бир номдаги юклар сақланади, масалан цемент сақлаш учун силос омборлари. Универсал омборлар бир – бирига зарарли таъсир қилмайдиган ҳар турли номдаги юкларни сақлаш учун мўлжалланган. Сақлаш шарт – шароитлари ва конструкцияси бўйича омборлар: ёпиқ омборлар, ёпиқ ва очиқ платформалар ва майдонларга бўлинадилар. Қимматбаҳо ва атмосфера таъсиридан хавфланувчи, ёпиқ вагонларда ташиладиган идиш – ўровли ва донали юклар бир қаватли ёпиқ омборларда сақланади. Бир қаватли ёпиқ омборлада ортиш - тушириш темир йўллари омборнинг ташқарисида (10.1-расм) ёки ичида жойлашган бўлиши мумкин, автойўлаклар эса омбор ташқарисида жойлашган бўлади. Бир

www.arxiv.uz қаватли ёпиқ омборларда ортиш – тушириш ишларни механизациялаш учун кичик габаритли вилкали механик – электр ёки дизель юклагичлар, ясси, синчли ёки яшикли тагликлар билан биргаликда фойдаланилади. Ёпиқ омборлар ёнғин ва муҳофаза сигнали қурилмалари, ёнғинга қарши ва ёритиш воситаси билан жиҳозланиши керак. 10.1 - расм . Пролёти 18 м ли ёпиқ омбор : а – умумий кўриниши ; б – кўндаланг кесими . 1-кичик габаритли механик юкла-гич; 2-юк пакети; 3-омбор рампаси; 4-темир йўли; 5-ёпиқ вагон; 6-автойўлак. Атмосфера ёғингарчиликларидан ҳимоя қилишни талаб қилувчи, аммо ҳарорат ўзгаришидан ва шамолдан хавфланмайдиган арзон баҳоли юклар эса ёпиқ юк платформаларида сақланади (10.2-расм). Ичкарисига ортиш – тушириш темир йўли киритилган бир қаватли ёпиқ омборлар бир пролетли (эни 18, 24, 30 ва 36 м ), икки пролетли (30 м + 30 м ) ва уч пролетли (24 м + 30 м + 24 м ) қилиб қурилади. 10.3-расмдаб) а)

www.arxiv.uz ичкарисида ортиш – тушириш темир йўли ва ташқарисида автойўлак жойлашган бир пролетли ёпиқ омборнинг кўндаланг кесимини чизмаси кўрсатилган. Атмосфера ёғингарчиликларидан ва ҳарорат ўзгаришидан хавфланмайдиган, платформа ёки ярим очиқ вагонларда ташиладиган ғилдиракли ва ўзи юрар техникаларни ортиш, тушириш ва сақлаш учун очиқ юк платформаларидан фойдаланилади. Очиқ юк платформаларда ортиш – тушириш ишлари унинг ёнидан ёки этак томонидан амалга оширилиши мумкин. 10.2 - расм . Тишсимон рампали ёпиқ юк платформаси : а – умумий кўриниши ; б – тарҳ и

www.arxiv.uz 10.3-расм. Ичкарисида темир йўли ва ташқарисида автойўлак жойлашган ёпиқ омбор (1ГС ) нинг кўндаланг чизмаси 1-кичик габаритли механик юклагич; 2-юк пакети; 3-омбор рампаси; 4- темир йўли; 5-ёпиқ вагон; 6-автойўлак; 7-ёпиқ вагон эшигини тамбалаш учун кўтарилган йўлакча. Контейнерларни, оғир вазинли, узун бўйли, ўрмон ва тўкилувчан юкларни ортиш, тушириш ва сақлаш учун очиқ майдонлардан фойдаланилади. Очиқ майдонларда ортиш – тушириш ишларини механизациялаш учун икки консолли чор пояли ёки кўприкли кранлардан фойдаланилади. Ўрта тоннажли контейнерларни қайта ишлаш (ортиш – тушириш ва саралаш) учун очиқ майдонлар КК-6 русумли икки консоли чор пояли кранлар билан жиҳозланади. Бу кранларда ўрта тоннажли контейнерларни автоматик тарзда илиб олиш ва бўшатиш учун ЦНИИ МПС – ХИИТ конструкциясидаги автоилгакдан фойдаланилади. 10.4-расмда КК-6 русумли икки конлоли чор пояли кранлар билан жиҳозланган очиқ майдоннинг кўндаланг кесимини чизмаси кўрсатилган. 10.5-расмда эса ЦНИИ МПС – ХИИТ конструкциясидаги автоилгак кўрсатилган. Автоилгак нотўғри илинган контейнерни кўтаришни истисно этувчи автоматик муҳосаралаш (блокировка) қурилмаси билан жиҳозланган. Шунингдек

www.arxiv.uz контейнер юқорига кўтарилгандан кейин автоилгакдан контейнерни узиш ҳам умуман истисно этилади. Вертикал ўқ атрофида автоилгакда осилиб турган контейнерни айлантириш учун эгилувчан осма арқонли, айланма ва маятникли тебранишларни сўндирувчи гидравлик сўндиргич (демпфер) ли айланадиган универсал каллакдан фойдаланилади. 10.4-расм. КК-6 русумли икки конлоли чор пояли кранлар билан жиҳозланган очиқ майдоннинг кўндаланг кесимини чизмаси О 10.5 . ЦНИИ МПС-ХИИТ автоилгаги

www.arxiv.uz Ёпиқ омборларнинг, ёпиқ ва очиқ платформаларнинг ва майдонларнинг ўлчамлари сақланадиган юкларнинг миқдорига ва турига, сақлаш муддатига, юклар билан бажариладиган операцияларнинг турига ва улада фойдаланиладиган механизация воситаларига мувофиқ лойиҳаларда белгиланади. Катта тоннажли контейнерларнинг қайта ишлаш (ортиш – тушириш ва саралаш) пунктлари пролети 25 ва 32 м, спредерда юк кўтариши 24,0 ва 30,5 т бўлган икки консолли чор пояли кранлар билан жиҳозланади. Контейнер майдонининг узунлиги унинг сиғимига мувофиқ белгиланади. Очиқ майдонда носоз контейнерларни жойлаштириш ва уларни таъмирлаш учун контейнер майдонининг этагида алоҳида жой назарда тутилади. Темир йўл омборлари муайян ҳажимдаги ташишни бажаришни, юкларни асрашни, ҳаракатдаги составларга ўз вақтида ишлов беришни, ортиш – тушириш ишларида механизация ва комплекс механизациялашни қўллашни, пакетларда ташиладиган юкларни қайта ишлашни, автомобиль ва темир йўлларга нисбатан қулай жойлашишни, тўғри (автомобиль – вагон ёки вагон - автомобиль) вариантда юкларни қайта ишлашни ҳамда кам харажатлар билан юкларни қайта ишлаш (ортиш – тушириш ва саралаш) ни таъминлаши керак. Омборларни қуришда ва омбор ишларини ташкил этишда ёнғинга қарши хавфсизлик, меҳнатни муҳофаза қилиш ва техника хавфсизлиги ҳамда атроф муҳитни муҳофаза қилиш талабларига риоя қилиш керак.

www.arxiv.uz 10.3. Махсус ортиш – тушириш қурилмалари. Уставнинг 11-бандида айрим юкларни ташиш бўйича йирик ҳажимдаги операциялар бажарадиган темир йўл станциялари ва темир йўл корхоналари бу юкларни ортиш ва тушириш учун машина , мослама , инвентарларга (тўкилувчан юкларни қабул қилиш ва топшириш учун махсус платформа ва майдонлар, контейнерларни ортиш ва тушириш учун майдонлар ва машиналар, чорваларни юклаш платформалари ёки майдонлари, сув ичириш пунктлари, дезинфикация – ювиш қурилмалари, изотермик вагонларни таъминлаш учун қурилмалар ва ҳ.к. лар) эга бўлиши кераклиги таъкидлаб ўтилган. Кўмирни, инерт минераль – қурилиш материалларини ва бошқа тўкилувчан юкларни тушириш учун умумий фойдаланиш жойларида кўтарилган йўл (10.6-расм), йирик юк ҳажмларида эса вагон бўйлаб юкчиларни ўтиб боришлари учун кўприкли йўлакча билан жиҳозланган эстакадалар қурилади. Кўратилган йўл ва эстакадалар ярим очиқ вагонларни туйник қопқоқларини очиш ва беркитишни механизациялашни, юк қолдиқларидан вагон ва йўллари тозалашни, автомобилларга юкларни ортишни, платформалардан юкларни механизациялашган туширишни, ярим очиқ вагонлардаги музлаган юкларни юмшатишни таъминловчи ортиш – тушириш механизмлари ва қурилмалари билан жиҳозланади.

www.arxiv.uz 10.6-расм. Тўкилувчан юкларни тушириш учун кўтарилган йўлли очиқ омбор. 1- темир йўлида юрадиган айланувчи стрелали кран; 2- кўтарилган йўл; 3- темир йўли; 4- юк уюми; 5- автойўлак; 6- ярим очиқ вагон; 7- грейфер; 8- кўтарилган йўлни нишаб қисми; 9- ёнбош уюми. Туширишга суткасига 10 тадан ортиқ ярим очиқ вагонда тўкилувчан юклар етиб келганида баландлиги 3,0 м ва ундан ортиқ бўлган кўтарилган йўлга керакли ортиш – тушириш асбоб – ускуналар жиҳозланган, пролети 25 ва 32 м ли чор пояли кран ўрнатилади (10.7-расм). Чорва молларини ёпиқ вагонларга ортиш ёки тушириш учун санитария – ветеринария талабларига мувофиқ юклаш платформаси ва ёрдамчи қурилмалар барпо этилади. Чорва молларини ва хом ҳайвон маҳсулотлари оммовий тушириладиган станцияларда ва унга яқин бўлган, бундай юклар туширилгандан сўнг бўш вагон оқими йўл сафаридаги,

www.arxiv.uz станцияларда вагонларни дезинфекация – ювиш станциялари назарда тутилиб, уларни жойлашиши ветеринария ва санитария назорати талабларига мувофиқ бўлиши керак. Чорва молларини ва бошқа ҳайвонларни транзит ташишларига хизмат кўрсатиш учун саралаш ва участка станцияларида ҳайвонларга сув ичириш учун қурилмалари, заруриятли ҳолатларда эса вагонларни гўнглардан тозалаш учун махсус йўллар жойлаштирилади. 10.7-расм . Таянч станцияларининг тўкилувчан юклар ом борида ортиш – тушириш ишларини комплекс механизациялаш чизмаси 1 - икки консоли чор пояли кран; 2 - моторли грейфер; 3 – титратма туширгич ; 4 – олиб қўйиладиган ферма; 5 - электр қопқоқ ёпқич ; 6 – титратма юмшатгич ; 7 - бульдозер. Осон алангаланувчан ва ёнғиндан хавфли бошқа юкларни ҳамда инсонни саломатлигига зарарли бўлган юкларни қайта ишлаш ва сақлаш учун белгиланган қоидаларги ва ёнғинга қарши нормаларга амал қилган ҳолда махсус омболар ва уларга йўллар қурилади.

www.arxiv.uz 4. Станция товар идорасининг вазифалари ва жиҳозлари Уставнинг 8-бандида ташиш ҳужжатларини расмийлаштириш ва ташиш ҳақларини ундириш учун темир йўл станцияларида товар идораси ёки кассалари , багаж ва билет кассалари ташкил этиш белгилаб қўйилган. Товар конторасини асосий вазифаси – ташиш хужжатларини тўғри ва ўз вақтда расмийлаштиришдан, темир йўл транспорт юкхатини қабул қилиш, текшириш ва расмийлаштиришдан, юкларни ташиб келтириш ва ташиб кетиш учун ҳужжатларни беришдан, ташиш кира ҳақларни ва йиғимларни аниқлашдан ва уларни юк жўнатувчилардан ва юк олувчилардан ундиришдан иборат. Товар идорасини хизматчилари: - юк олувчиларга юкларни етиб келганлиги ҳақида хабар беради ва юкларни топширишни расмийлаштиради; - юкларни қайта адреслаш бўйича операцияларни бажаради; - асосий ойлик режани бажарилишини ҳисоб карточкасига киритади; - китобларни (ГУ-34 шакилдаги жўнатишга юкларни қабул қилиш Китоби, ГУ-36 ва ГУ-107 шакилдаги юкларни тортиш Китоби, ГУ-37 шакилдаги вагонларни ва контейнерларни пломбалаш Китоби, ГУ-42 шакилдаги юкларни етиб келиш Китоби) ва ҳ.к. тўлдиради; - юкларни ташиш бўйича ҳисобот ҳужжатларини, вагонларни олиб кириб бериш ва олиб чиқиш қайдномасини тузади, ҳужжатларни сақлашни таъминлайди. Жўнатиладиган ва етиб келган юкларнинг ҳужжатларини топшириш ва қабул қилиб олишда товар контораси юк районлари, станциянинг

www.arxiv.uz технологик маркази (СТЦ) ҳамда ташиш ҳужжатларини ишлаш бўйича технологик маркази (ТехПД) билан ўзаро муносабатда бўлади. Юқорида назарда тутилган вазифаларни бажариш учун товар идораси станциянинг бошқа бўлинмалари ва шаҳар, юк жўнатувчи ва юк олувчилар, темир йўл шохобча йўли билан боғланиш учун – телефон алоқаси , станциянинг технологик маркази (СТЦ) га, юк районларига юк ҳужжатларини юбориш ва улардан юк ҳужжатларини қабул қилиб олиш учун – механизациялашган почта , ахборот узатиш учун воситалар, муҳирлар, автоматик кўрсаткичлар ва маълумот қурилмалари, юк ҳужжатларини ва иш қоғозларни сақлаш учун шкафлар, мебеллар ва бошқа асбоб – ускуналар билан жиҳозланади. Йирик юк станцияларида товар контораси биносида юк жўнатувчилар ва юк олувчилар учун операциялар зали, товар кассирларининг, тижорат агентлари ва таксировшикларнинг, товар контораси бошлиғининг, акт – қидириш гуруҳи хизматчиларининг, транспорт хизмати кўрсатиш агентларининг ишчи хоналари, архив учун хона ва бошқа хоналарга бўлади. Операциялар залида мебеллар, ёзув қуроллари, ташиш ҳужжатларини тўлдиришни намунаси, кўрсатиладиган хизматлар, ташиш қоидалари, етказиб бериш муддатлари, юкларни ташиш тарифлари, қўшимча йиғимлар, қўшимча ишлар ва хизматлар баҳоси ҳақида керакли ва ишончли ахборотларни ўз ичига олган автоматик кўрсаткичлар ва маълумот қурилмалари мавжуд бўлиши керак. Товар контораси хонаси ишларни сервис шароитларни, ташиш жараёни ҳужжатлари ва ахборатларини ишончли сақлашни таъминлаши керак. Товар кассирларини унумли ишлашини муҳим шартларидан бири, муайян ишни ёки операцияни бажарувчи, бир одамга мўлжалланган, чекланган зонада – иш жойини ташкил этиш ҳисобланади. Иш жойини жойлашиши ва жиҳозланиши юк ҳужжатларини расмийлаштиришни ва ишлов беришни, айрим операцияларни бажаришда ва ҳужжатларни тузишда

www.arxiv.uz қарама – қарши ва самарасиз ҳаракатларни истисно қилишни таъминлаши керак. Иш вақтини самарасиз сарфлашни бартарф этиш ва иш унумдорлигини юқори бўлишини таъминлаш учун доимий зарур бўладиган керакли маълумотномалар, тариф қўлланмалари, ёрдамчи жадваллар, темир йўл тармоғини картаси ва ҳ.к. муайян ўринларда жойлашиши лозим. Дастурий ҳужжатлар ва қўлланмалар энг осонлик билан қўл етадиган зона худудида, тез – тез керак бўлиб турадиган йўриқномалар, ёрдамчи жадваллар эса хизматчига яқинроқ жойлаштирилиши керак. Қўлланмалар ва ҳужжатларнинг белгиланган жойлаштириш тартиби, смена ичида улар билан неча бор фойдаланилмасин, ўзгаришсиз қолиши керак. 10.5. Темир йўл минтақавий бўлинмасининг ташиш ҳужжатларини ишлаш бўйича технологик маркази (ТехПД). Минтақавий темир йўл бўлинмасининг ташиш ҳужжатларини ишлаш бўйича технологик маркази (ТехПД) юридик ва жисмоний шахсларнинг юкларини ва бк багажларини ташиш учун, Уставда ва юк ташиш Қоидаларида белгиланган йиғимлар ва жарималар бўйича банк муассасалари орқали нақдсиз пул ҳисоб – китобларини амалга оширади. ТехПД ҳисобланган тўловларни тўлиқ ва ўз вақтида ундириб олишни таъминлайди ҳамда ташиш бўйича станцияда аниқланган кира ҳақларини, йиғимларни ва жарималарни тўғрилигини назорат қилади. Банк муассасасида ҳисоб рақами (расчетные счета) га эга бўлган ва ТехПД га ташишлар ва хизматларга ҳисобларни амалга ошириш учун мурожат қилган барча корхона ва ташкилотларга етти рақамли тўловчининг кодлари берилади. Корхона ва ташкилотларга код берилганидан кейин уларга тўловчининг номи, коди, унинг барча банк реквизитлари, код берилган сана, станциянинг номи ва коди кўрсатилган ҳужжат берилади. Бу ҳужжат юк операцияси амалга ошириладиган станциянинг товар идорасига тақдим этилади.

www.arxiv.uz ТехПД нинг асосий вазифалари ва функциялари ташиш ҳужжатларини ишлаш бўйича технологик маркази (ТехПД) нинг Намунавий технологик жараёнларида белгиланган. Иш ҳажмига мувофиқ ТехПД таркибида: корреспонденция, юкларни жўнатиш, юкларни топшириш, қўшимча йиғимлар ва жарималар, техникавий сектор ва ахборот тайёрлаш секторлари ташкил этилади.

Похожие

Юк ва тижорат ишлари ва темир йўл транспортини ташқи фаолияти

Ўзбекистон Республикаси темир йўл Устави – юк ва тижорат ишларининг ҳуқуқий асоси

Ўзбекистон Республикаси темир йўл Устави – юк ва тижорат ишларининг ҳуқуқий асоси

Юк станциялари

Юк ва тижорат ишларини бошқариш асослари