Тарифлар ва ташиш кира ҳақларини аниқлаш - Техника и технология - Рефераты

Тарифлар ва ташиш кира ҳақларини аниқлаш

Загружено в:

20.09.2019

Скачано:

0

Размер:

182 KB

Тарифлар ва ташиш кира ҳақларини аниқлаш Режа: 1. Темир йўл транспорти хизматлари учун тарифлар ва йиғимлар, уларни иқтисодиётни ривожлантиришдаги ўрни; 2. Темир йўл юк ташиш тарифларини давлат томонидан тартибга солишнинг мақсадлари ва принциплари; 3. Юк тарифларининг турлари; 4. Кира ҳақларини ва йиғимларни ундириш; 5. Шартномавий тарифлар.

Темир йўл транспорти хизматлари учун тарифлар ва йиғимлар, уларни иқтисодиётни ривожлантиришдаги ўрни. Белгиланган тартибда тасдиқланган, юк ташиш учун ва ташишда бажариладиган қўшимча ишлар ва хизматлар учун ундиралидиган ҳақларни ўз ичига олган баҳо тизимлари ҳамда уларни аниқлаш тартиблари темир йўл юк тарифлари деб аталади. Тарифга кирмаган қўшимча операциялар ва ишларга тўланадиган тўлов ставкаси йиғим деб аталади. Юк ташиш тарифлари давлатнинг иқтисодий ҳолатига ҳамда турли корхона ва минтақа ишлаб чиқаришларининг-иқтисодий боғланишларига бевосита таъсир қилади. Юк ташиш сарфлари ишлаб чиқариш харажатларининг ва қарийб барча истисодиёт тармоқлари маҳсулотларининг баҳоси таркибига киради . Маҳсулотнинг охирги баҳосидаги транспорт ташкил этувчисига мувофиқ унинг қиймати аниқланади. Қазилма саноат тармоқлари маҳсулотларининг охирги баҳоларида транспорт тарифларини солиштирма вазни анчагина каттадир. Ўз навбатида темир йўл транспорти турли ҳил саноат маҳсулотларини истеъмол қилади, қайсики бу маҳсулотларнинг қиймати ўз навбатида юк ташиш таннарҳи даражасига бевосита таъсир қилади. Масалан, ёқилғи сифатида кўмир истеъмол қиладиган иссиқлик электр станцияларида ишлаб чиқариладиган электр энергиясининг таннарҳи даражасига юк ташиш тарифлари бевосита таъсир қилади. Юк ташиш тарифларининг юқори бўлиши кўмирнинг охирги баҳосини ўсишига, бу эса ўз навбатида ишлаб чиқариладиган ҳар бир киловатт электр энергиясининг таннарҳи даражасини ўсишига олиб келади. Темир йўл транспорти эса юк ташишларда жуда катта миқдорда электр энергияси истеъмол қилинади. Электр энергиясини қимматлашуви эса юк ташиш таннарҳини ўсишига

сабаб бўлади Юк ташиш таннархларини ўсиши ўз навбатида юк ташиш тарифларини қайта (юксалиш томонига) кўриб чиқишга мажбур этади. Шу сабабли юк ташиш тарифларини тўғри тартибга солиш халқ хўжалик иқтисодиётий ва ижтимоий ҳаётида катта аҳамиятга эга бўлган масала ҳисобланади. Ўзбекистон Республикасининг “Темир йўл транспорти тўғрисида” ги Қонунинг 13-моддасида “ Темир йўл транспортида юклар, йўловчилар, багаж ва юк багажни ташиш тарифлари юк жўнатувчиларнинг ҳамда йўловчиларнинг манфаатлари инобатга олинган ҳолда давлат темир йўл транспортини бошқариш органи томонидан Ўзбекистон Республикаси Вазирлар Маҳкамаси томонидан тайин этилган тартибда белгиланади. Халқаро қатновларда ташиш тарифлари Ўзбекистон Республикасининг халқаро шартномаларига мувофиқ тайинланади. Юклар, йўловчилар, багаж ва юк багажни ташиш билан боғлиқ қўшимча ишлар ва хизматлар учун шартнома асосида ҳақ тўланади ”-деб белгиланган. Юк ташиш тарифлари, йиғимлари ва ҳақлари юк ташиш ҳамда қўшимча ишлар ва хизматлар таннархи ва темир йўл транспорти корхоналарининг зарар кўрмай фаолият кўрсатишни таъминлашидан келиб чиққан ҳолда даромадлилик даражаси асосида белгиланади. Темир йўл транспортида тарифлар, йиғимлар ва ҳақлар бошқа ҳолатларда шартнома асосида белгиланади.

Темир йўл юк ташиш тарифларини давлат томонидан тартибга солишнинг мақсадлари ва принциплари. Темир йўл юк ташиш тарифларини давлат томонидан тартибга солишидан асосий мақсад - темир йўли ҳамда темир йўлининг хизматидан фойдаланувчи юридик ва жисмоний шахсларнинг ўзаро манфаатларини мувозанатини таъминлашдан иборат. Темир йўл юк ташиш тарифларини давлат томонидан тартибга солиниши : - темир йўл транспорти корхоналари хизмати истеъмолчила-рининг манфаатларини иқтисодий ҳимоя қилишга; - халқ хўжалик сарфларини камайтиришга ва истеъмолчилар учун темир йўл транспорти хизматларини қулайлигини таъминлашга; - транспорт хизмати бозорида рақобатли муҳитни ривожланти - ришга; - юк ташиш таннархини камайтиришнинг ва транспорт хизмат- ларини сифатини яхшилашнинг иқтисодий стимулини яратишга; - темир йўл транспорти корханаларининг барқарор ва иқтисодий самарали ишлаб туришини таминлашга йўналтирилган. Давлатнинг транспорт тарифларини тартибга солиш принциплари қуйидагилардан: - бозор шароитларида хўжалик юритишга тарифларнинг тузиш тизимларни мос келишидан; - иқтисодий асосланган сарфларни қоплашни ва фойда олишни таъминловчи ягона тузилма ва тариф тузиш тизимини Ўзбекистон Республикаси худудида қўллашдан; - юк ташиш тури бўйича эксплуатацион харажатларни тақсимлашдан;

- темир йўл транспорти хизмати ҳар бир истъмолчи учун бир хил ва бир текис бўлишини таъминлашдан, иборат. Темир йўл юк ташиш тарифларини давлат томонидан тартибга солиш Уставининг 42-бандида ўзининг юридик ўрнини эгаллаган. “ Доимий эксплуатацияга қабул қилинган темир йўл линияларида ички қатновларда юк, йўловчи ва багаж ташиш учун тарифларни темир йўли Ўзбекистон Республикаси қонунларида назарда тутилган тартибда тайинлайди. Кира ҳақларини ва жарималарни ҳисоблаш Қоидаларини Ўзбекистон Республикаси қонунларига мувофиқ темир йўли ишлаб чиқади ”. Юк ташиш тарифлари Ўзбекистон Республикаси худудидаги барча темир йўллар учун ўртача юк ташиш таннархини инобатга олган ҳолда тайинланади. Юк ташиш тарифини тузиш учун турли юкларни ташиш таннархи ва темир йўл транспорти корхоналарининг зарар кўрмай фаолият кўрсатишни таъминлашидан келиб чиққан ҳолда даромадлилик даражаси асосида белгиланади. Бунда корхоналар маҳсулотларининг баҳосида транспорт ташкил этувчиси сарфнинг миқдори инобатга олинади. Тариф тузилмалари тизимларининг энг муҳим қисми Прейскурант № 10-01 ҳисобланиб бунда асосий ставкалар келтирилган бўлиб, темир йўл транспортига фойдали ишлашни таъминлайди. Юк тарифларининг турлари Бозор иқтисодиёти шароитида темир йўл транспортида қуйидаги юк тарифларининг турлари амалда бўлади: - Ўзбекистон Республикасининг ички қатновлар учун юк ташиш тарифлари, тегишли давлат баҳо тузилма ( ценообразование ) органлари томонидан тартибга солинади;

- халқаро юк ташишлар учун тарифлар, Ўзбекистон Республика-сининг халқаро шартномалари асосида тайинланади. Бундан ташқари Уставнинг 43-бандига мувофиқ – “ Темир йўли: а) иқтисодий мақсадга мувофиқликдан келиб чиқиб ички қатновларда истисноли тарифларни тайинлаш; б) юк ташиш билан боғлиқ бўлган: темир йўл шохобчаларига вагонларни олиб кириб бериш ва олиб чиқиш, маневр ишлари, юкларни тортиш, вагонларни ювиш ва дезинфекция қилиш, номенклатурадаги юкларни қўриқлаш каби операциялар учун қўшимча ишлар ва хизматларга мажбурий хақ ставкаларини тасдиқлаш; в) алоҳида йўналишларда юкнинг ҳақиқий босиб ўтган масофасига ташиш учун кира ҳақларини ҳисоблаш тартибларини тайинлаш ҳуқуқига эга. Юк, йўловчи, багаж ва юк багаж ташиш билан боғлиқ бўлган қўшимча ишлар ва хизматлар учун бошқа ҳақ ставкалари шартномавий асосда тайинланади” . Барча юк тарифлари жўнатманинг турига ва ташиш усулига мувофиқ: - вагонланган жўнатмага , юкни массасига мувофиқ ҳар бир вагон учун ҳақ ундирилади; - тоннасига , цистерналарга қуйиб ташиладиган юкларнинг ҳар бир тоннаси учун ҳақ ундирилади; - майда жўнатмага - терма вагонларда ташиладиган юклар учун ҳақ ундирилади;

- контейнерларга- транспортнинг ва корхоналарнинг универсаль контейнерларида, уларнинг брутто массасига мувофиқ, юк ташишлар учун ҳақ ундирилади; - ўзининг ўқларида юрадиган юклар каби ташиладиган рельсда ҳаракатланувчи составларга, ҳар бир ўқнинг босган масофасига ҳақ ундирилади. Юк , катта ва йўловчи ташиш тезликлари учун тарифлар белгиланган. Тез бузилувчан юклардан ва ҳайванлардан бошқа барча юклар учун катта тезлик тарифи юк ташиш тезлигига қараганда икки баравар ортиқ бўлади. Юк ташиш ва катта тезликлар учун кира ҳақи одатда энг қисқа масофа учун ундирилади . Лекин транспортерда ташиладиган ногабарит юкларга ва йўловчи поездларига тиркаланадиган багаж ва юк вагонларида ташиладиган юкларга кира ҳақи ҳақиқий босиб ўтилган масофа учун ундирилади. Кира ҳақларини ва йиғимларни ундириш Темир йўл транспортида ташиш бўйича кира ҳақларини аниқлашга Уставнинг 46-, 47-, ва юкларни ташиш Қоидаларини 4-бўлими бағишланган. Давлатлараро қатновларда юкларни ташиш учун кира ҳақларини , қўшимча ва бошқа тўловларни юк жўнатувчи юкни ташишга тақдим этишга қадар минтақавий темир йўл бўлинмасининг ташиш ҳужжатларини ишлаш бўйича технологик марказига ( технологические центр по обработке перевозочных документов региональный подразделение железной дороги, қуйида ТехПД деб юритилади) Ўзбекистон Республикаси қонун ҳужжатларида белгиланган тартибда банк муассасалари орқали пул ўтказиш йўли билан ёки нақд пул маблағларида тўлаши шарт. ТехПД орқали ҳисобларни амалга ошириш “ Темир йўлларда ташишлар ва қўшимча хизматлар учун ҳисоблар тартиби ва ўзига хослиги ҳақида битим ” тузиш

билан амалга оширилади. Унда Ўзбекистон Республикаси қонун ҳужжатларига мувофиқ олдиндан тўлаш миқдори кўрсатилади. ТехПД ҳисобига юк жўнатувчилардан ва юк олувчилардан пул маблағлари тушганидан сўнг, ТехПД уларга, ТехПДдаги пул маблағлари мавжудлиги ҳақида белгиланган шаклдаги Маълумотнома беради. Юкларни ташишга қабул қилишда тўлов ҳисобланмаси юкхатини, йўл қайдномасини ва ташишга юкни қабул қилиш паттасини тегишли графаларида кўрсатилади. Станция ФДУ-92 шаклдаги қўшимча тўловлар учун жамғариш карточкаларини , ГУ-45 шаклдаги қабул қилувчи топширувчи эсдаликларини , ГУ-46 шаклдаги вагонларни олиб кириб бериш ва олиб чиқиш қайдномаларини , умумий шаклдаги ГУ-23 актларини , ФО-4, ФО-5 шаклдаги ҳисоботларни белгиланган тартибда расмийлаштиради ва кейинги қайта ишлашлар ва кўрсатилган темир йўл хизматларига юк жўнатувчилардан ва юк олувчилардан тўловларни ундириб олиш учун ТехПДга юборади. Юкларни ташиш учун энг сўнгги ҳисоблар тайинланган станцияда амалга оширилади. Бунда олувчига юкни топширишга қадар станция ташиш кира ҳақлари ундирилиши тўғрилигини текшириши, жўнатиш станциясида йўл қўйилган чалаундирмаларни , ҳамда йўл сафарида ва тайинланган станцияда пайдо бўлган барча тўловларни қўшимча ҳисоблаб чиқиши керак. Агар юк олувчидан ташиш кира ҳақларини ва қўшимча тўловларни (йўл сафарида ва тайинланган станцияда пайдо бўлган) ундириш зарурияти пайдо бўлган ҳолатларда, станция юкни топшириш мудатидан қатъий назар юқорида назарда тутилган тартибда, ундириб олади. Ҳарбий юкларни ва ҳарбий хизматчиларни уй буюмларини ташиш учун ҳақларни ҳисоблаш жўнатишда ҳам ва топширишда ҳам 2-шакилдаги ҳарбий талабнома тақдим этилганида амалга оширилади.

Ҳар бир ҳисоб ойининг натижалари бўйича юк жўнатувчиларга ва юк олувчиларга ҳисоб ойидан кейинги ойнинг 10-санасидан сўнг, ТехПД станция орқали кўрсатилган темир йўл хизматлари учун тўловлар ҳисобланмаси ҳақда лицевой счет ва счет-фактура тақдим этади. Агар юк жўнатувчига ёки юк олувчига бир нечта станцияларда темир йўл хизматлари кўрсатилган бўлса, мазкур ҳужжатлар юк жўнатувчи ёки юк олувчи тайин этган станцияда уларга топширилади. Темир йўл хизматларини нақд пул маблағларида тўланганида, Ўзбекистон Республикасини амалдаги қонун ҳужжатларига риоя қилиниши керак. Бунда станция ГУ-57 шаклдаги паттани расмийлаштиради. Итсиноли ҳолатлардагина, қачонки юк жўнатувчи тўловларга қодир бўлмаса, юк олувчи эса кира ҳақларни, қўшимча ва бошқа ҳақларни тўлашни амалга оширишга рози бўлса, темир йўли юк олувчига кира ҳақларни, қўшимча ва бошқа ҳақларни жўнатиш станциясида юкни ташишга қабул қилишгача тўлашни амалга оширишга рухсат бериши мумкин. Ўзбекистон Республикаси территориясида импорт юкларни ташиш учун ҳисоблар, тайинланган станцияга юклар етиб келганидан кейин юқорида назарда тутилган тартибларда юк олувчи ёки Ўзбекистон Республикаси территориясида юкларга транспорт-экспедиторлик хизмати кўрсатиш бўйича темир йўли билан шартномавий муносабатда бўлган экспедиторлик ташкилоти амалга оширади. Ўзбекистон Республикаси территориясида экспорт юкларни ташиш учун ҳисоблар жўнатиш станциясида юқорида назарда тутилган тартибда юк жўнатувчи ёки Ўзбекистон Республикаси территориясида юкларга транспорт-экспедиторлик хизмати кўрсатиш бўйича темир йўли билан шартномавий муносабатда бўлган экспедиторлик ташкилоти амалга оширади. Экспорт юкларни ташиш учун сўнгги ҳисоблар, охирги давлатлараро туташиш пунктларида (межгосударственном стыковом пункте, қуйида МГСП деб юритилади) олиб қолинган қўшимча йўл

қайдномаси асосида, юк жўнатувчи ёки экспедиторлик ташкилоти амалга оширади. Юкларни ташиш учун темир йўлига тегишли бўлган кира ҳақларини, қўшимча ва бошқа тўловларни юк жўнатувчи ёки юк олувчи контейнерларда ташишни амалга оширувчи темир йўлининг корхонасига, ишлар ва хизматлар кўрсатишга тузилган шартномага мувофиқ, ҳисоб рақамига пул ўтказиш йўли билан ёки нақд пул маблағларида тўлаши мумкин. Жисмоний шахсларнинг уй буюмларини ташиш учун ҳисоблар нақд пул маблағларида амалга оширилади. Ўзбекистон Республикаси территорияси бўйлаб транзит юкларни ташиш учун ҳисоблар Ўзбекистон Республикаси территориясида юкларга транспорт-экспедиторлик хизмати кўрсатиш бўйича темир йўли билан шартномавий муносабатда бўлган экспедиторлик ташкилоти орқали амалга оширилади. Темир йўлида юкларни ташиш учун, Ўзбекистон Республикаси норезиденти бўлган юк жўнатувчилар ва юк олувчилар билан ҳисобларни Ўзбекистон Республикаси территориясида юкларга транспорт-экспедиторлик хизмати кўрсатиш бўйича темир йўли билан шартномавий муносабатда бўлган экспедиторлик ташкилоти орқали амалга оширилади. Экспедитор темир йўли билан юкларни ташиш, қўшимча ишлар, хизматлар учун ҳисобларни амалга ошириши ҳамда жарималарни тўлаши шарт.Ташиш жараёнида уни айби бўйича ёки юк жўнатувчи, юк олувчи айби бўйича вужудга келган зарар учун темир йўлининг олдида экспедитор зиммасига жавобгарлик юклатилади . (из раздела 4 ППГ) Кира ҳақларини аниқлаш учун № 1 тариф қўлланмасидан ва № 4 тариф қўлланмасидан фойдаланилади. № 1 тариф қўлланмаси икки қисмдан иборат. Биринчи қисм бешта бўлимдан иборат. А, Б, В бўлимларида мувофиқ равишда тарифларни,

қўшимча йиғмларни ва жарималарни қўллаш тартиблари келтирилган. Г бўлимида юкларнинг ягона тариф-статистик номеклатураси (единая тарифно-статистическая номенклатура грузов, қуйида ЕТСНГ деб юритилади) ва ЕТСНГ нинг бўлимлари, тариф гуруҳлари ва тариф позициялари бўйича темир йўлининг умумий паркини ҳамда корхона, ташкилотлар ва идоралар тасарруфидаги ёки улар ижарага олган универсаль вагонларга тонналарда юк ортишнинг энг кам вазин нормаси (минимальная весовая норма, қуйида МВН деб юритилади) берилган. Юкларнинг ягона тариф - статистик номенклатураси (ЕТСНГ) да барча турдаги транспортлар учун асосий номенклатурадаги юклар инобатга олинган бўлиб, бу эса ўз навбатида барча турдаги транспортларда юк ташишлар ҳақидаги ахборотларни қайта ишлашнинг автоматизация-лашган тизимларини ва юк жўнатувчилар ва юк олувчилар билан транспорт ташкилотларини ўзаро муносабатларини мувофиқлаштиришни таъминлайди. Шунингдек ЕТСНГ да тармоқларао ишлаб чиқариш номенкларура- сини ва маҳсулотларнинг халқ хўжалигида тақсимлаш ҳам мувофиқлашти- рилган. Тариф номеклатураси тармоқ - ишлаб чиқариш принципи бўйича, яъний юклар ишлаб чиқариш ёки истеъмол соҳасидаги тахминан бир ҳил мақсадлар учун фойдаланишига қараб тузилган. ЕТСНГ да барча юклар 11 та бўлимга ва 69 та гуруҳга бирлаштирилганлар. 1 - гуруҳдан 7 - гуруҳгача қишлоқ хўжалик маҳсулотлари, 8-гуруҳдан 69-гуруҳгача эса саноат маҳсулотлари. Тариф гуруҳлари тариф позицияларига бўлинадилар, улар 247 та. Тариф позициялари эса ўз навбатида юкларнинг тартиб рақамларига бўлинадилар. № 1 тариф қўлланмасининг биринчи қисмининг, Г бўлимида келтирилган энг кам вазин нормаси (МВН) юкларни ташиш кира ҳақларини аниқлашда ишлатилади. 13.1-жадвалда баъзи бир тариф гуруҳлари ва тариф позициялари учун энг кам вазин нормаси (МВН) берилган.

13.1-жадвал Темир йўлининг умумий паркининг ҳамда корхона, ташкилотлар ва идоралар тасарруфидаги ёки улар ижарага олган универсаль вагонларга тонналарда юк ортишнинг энг кам вазин нормаси (МВН) Код тарифной группы и позиции Наименование грузов по группам ипозициям МВН т. 04300 Картофель свежий 48 05400 Орехи 35 08200 Лесоматериал ы крепежные 44 13200 Бумага и картон 37 14100 Руда железная г/п 16100 Уголь каменный г/п 22100 Мазут 50 26100 Материалы и изделия тепло и звукоизоляционные, кроме асбестовых технических 15 36100 Машины сельскохозяйственные и их части 17 43300 Удобрения азотные г/п 44200 Продукция парфюмерно – косметические и эфирно- масличние промышленности 20 50100 Мука пшеничная г/п Агар вагонга ортилган юкни вазни МВН дан кам ёки МВН га тенг бўлса, универсаль вагонларда юк ташиш кира ҳақлари ушбу норма бўйича ундирилади. Агарда вагонга ортилган юкни вазни МВН дан катта бўлса,

универсаль вагонларда юк ташиш кира ҳақлари ҳисоблаш вагонга ортилган юкни вазнига мувофиқ амалга оширилади. № 1 тариф қўлланмасининг биринчи қисми, Д бўлимида темир йўлида ташиладиган барча юкларнинг аниқ номларининг рўйхати алфавит тартибида келтирилган. Ҳар бир юк номининг қаршисида шу юкнинг олти рақамли коди кўрсатилган. Юкнинг олти рақамли кодининг биринчи икки рақами юкнинг тариф гуруҳини, учинчи рақам тариф гуруҳидаги юк позициясининг тартиб рақами, тўртинчи ва бешинчи рақамлар тариф позициясидаги юкнинг номерини ва олтинчи рақам эса, назорат рақамини билдиради. 13.1-расмда туйилган алебасрт (алебасрт молотый) нинг ЕТСНГ бўйича коди ва ундаги рақамларнинг тавсифлари кўрсатилган. 13.1-расм. ЕТСНГ бўйича туйилган алебасртнинг коди Темир йўл транспорти бўйича Кенгаш қатнашчилари - Мустақил Давлатлар Ҳамдўстлиги ҳамда Латвия Республикаси, Литва Республикаси ва Эстония Руспубликаларининг (қуйида Кенгаш қатнашчилари деб юритилади) Юкнинг коди Тариф гуруҳи Тариф гуруҳидаги юк позициясини номери Тариф позициясиясидаги юкнинг номери Назорат рақами

темир йўл маъмуриятлари худудларида тариф масофаларини аниқлаш учун қўлланиладиган № 4 тариф қўлланмаси учта китобдан иборат. № 4 тариф қўлланмаси 1 – китобида Кенгаш қатнашчилари темир йўл станциялари ўртасидаги тариф масофалари жўнаш ва келиш бўйича масофа жадвалларида келтирилган. Жадвалларда ҳар бир жўнаш ва келиш пункити (станция) дан уларга яқин бўлган узелгача бўлган участкалар бўйича тариф масофалари келтирилган. Жадвалларда станциялар, бошқа алоҳида ва йўловчилар тўхташ пунктлари географик тартибда кетма-кет жойлаштирилган. Ҳар бир пунктнинг қаршисига унинг, алоҳида ва йўловчи тўхташ пунктларини кодлаштиришнинг ягона тизими бўйича, тартиб рақами (коди) кўрсатилган. Шунингдек ҳар бир пункт номининг олдида унинг қисқартирилган хизмат белгилар қўйилган: рзд (разъезд), бп (блок пост), обп (обгонный пункт), пп (путевой пост), оп (пассажирские остановочный пункт), пл (пассажирские платформа). № 4 тариф қўлланмаси 2 – китобида темир йўл станцияларининг алфавит рўйхати келтирилган. № 4 тариф қўлланмаси 3 – китобида эса транзит пунктлар ўртасидаги тариф масофалари келтирилган. Шартномавий тарифлар Уставнинг 43-моддасига мувофиқ – Юк, йўловчи, багаж ва юк багаж ташиш билан боғлиқ бўлган қўшимча ишлар ва хизматлар учун бошқа ҳақ ставкалари шартномавий асосда тайинланиши белгиланган. Бунинг учун “ЎТЙ” ДАТК нинг минтақавий темир йўл узеллари бўйича юк, йўловчи ва багаж ташиш билан боғлиқ бўлган қўшимча ишлар ва хизматлар учун шартномавий тарифлар ишлаб чиқилган. Хозирда 70 га яқин қўшимча ишлар ва хизматлар шартномавий тарифлар калькуляцияси рўйхатлари мавжуд. 13.2-жадвалда “ЎТЙ” ДАТК нинг Тошкент минтақавий темир йўл узели

бўйича юк ташиш билан боғлиқ бўлган қўшимча ишлар ва хизматлар учун шартномавий тарифлар калькуляциясининг рўйхатининг баъзи-бирлари келтирилган. 13.2-жадвал “ЎТЙ” ДАТК нинг Тошкент минтақавий темир йўл узели бўйича юк ташиш билан боғлиқ бўлган қўшимча ишлар ва хизматлар учун шартномавий тарифлар калькуляциясининг Р Ў Й Х А Т И № № Калькул. Наименование калькульяции Измери- тель Сумма, сум 1 1.4 Наограничение скорости думпкарных вертушек в груженном состоянии 1 поездо- км 214 2 1.7 На выделение дополнительного плана на один вагон в пределах Узб. ж.д. 1 вагон 35000 3 1.7 (1) На выделение дополнительного плана на один вагон за пределах Узб. ж.д. 1 вагон 56757 11 1.12 (2) На переадресовку одного вагона в прямом направ- лени по приказу ГАЖК «УТИ» 1 вагон 25000 15 1.15 Навзвешивание и проверку веса груза при приема и выдача на весах железной дороги 1 вагон 9595

20 1.16 (4) На наложение одного запорно- пломбировочного устройства (ЗПУ)за счёт клиента 1 вагон 8000 27 1.20 За выполнение экспедиционных операций - за въезд автотранспорта на грузовой двор станции 1 машина 4000 30 1.24 На консультации по упаковке, обшивке, увязке груза 1 конс. 3000 42 1.33 (3) На очистку одного вагона 1 вагон 3600 43 1.33 (4) На очистку одного специального вагона 1 вагон 6000 44 1.33 (5) На очистку одного цементавоза 1 вагон 8600

Похожие

Юкларни ташишга тайёрлаш ва қабул қилиш

Юк станциялари

Юк ва тижорат ишлари ва темир йўл транспортини ташқи фаолияти

Ўзбекистон Республикаси темир йўл Устави – юк ва тижорат ишларининг ҳуқуқий асоси

Ўзбекистон Республикаси темир йўл Устави – юк ва тижорат ишларининг ҳуқуқий асоси