Сув омборларини ишлатиш - Водное хозяйство - Рефераты

Сув омборларини ишлатиш

Загружено в:

29.10.2019

Скачано:

0

Размер:

411.5 KB

Сув омборларини ишлатиш Режа: 1. Табиатни мухофаза килишнинг эксплуатацион тадбирлари 2. Акваториядаги эксплуатацион асосий тадбирлар 3. Сув омборларини кузатиш ишлари

Табиатни мухофаза килишнинг эксплуатацион тадбирлари Табиатни мухофаза килишнинг эксплуатацион тадбирлари ташкилий – хўжалик, агроўрмон мелиорацияси, агротехник, ўтлоклар мелиорацияси, гидротехник ва сувни мухофаза килиш зонасида хамда сув омбори акваториясида экологик мувозанатни ушлаб туришга йўналтирилган бошка ишлар мажмуидан ташкил топади. Уларни эксплуатация хизмати: санитар меъёрларга мувофик сув омборида сув сифатини ушлаш, сув манбааларини ифлосланишдан химоя килиш,сув омбори худудидаги хосилдор ёрларда шамол эррозиясига йўл кўймаслик, сув омборини лойка ва ўсимликлар босишига карши курашиш, сув омборига захарли моддалар пестицид ва минерал ўгитларни тушишига йўл кўймаслик, саноат корхоналари, чорвачилик фермалари, нефтни кайта ишлаш саноати корхоналари окава сувлари билан сув ховузлари ифлосланишини олдини олиш, сув омбори сув манбаалари олдида нефт омборлари, кабристонлар ва хайвонлар кабристонларини хамда ш.ў. жойлаштирилишини такиклаш, сув омбори зонасида ўрмон – химоя экинларини ушлаб туриш ва химоялаш максадларида амалга оширади. Юкорида санаб ўтилган масалаларни муваффакиятли хал килиш учун эксплуатация хизмати сув омборини ишлатиш бўйича кўрсатма (коида) ларга эга бўлиши керак, уларда сув омборига окава ёки ишлаб чикариш – факел сувларини отвод киладиган барча ишлатилаётган ва курилаётган саноат, хўжалик - маиший, кишлок хўжалиги ва бошка объектларни рўйхати кўрсатилиши керак. Уларда окова сувларни ташлаш учун кўйиладиган шарт ва талаблар, шунингдек сув омборига окова сувларини, хатто тозалашдан сўнг ташлаш йўл кўйилмайдиган корхоналар рўйхати хам берилиши лозим. Сув омбори худудида табиатни мухофаза килиш тадбирларини амалга ошириш учун сувни мухофаза килиш зонаси, санитария зонаси, киргок бўйи полоса (тасма) си олдиндан белгиланади.

Булардан ташкари, катьий режимли кўрикланадиган зона ажратилади, у бевосита сувни димловчи, сув ўтказувчи ва бошка энг маъсулиятли гидротехника иншоотлари атрофида ўрнатилади (белгиланади). Сув омборини сувни мухофаза килиш зонаси – киргок бўйи худуд (полоса) хисобланади, унда сув омборини керакли техник холатини ушлаб туришга йўналтирилган тадбирлар мажмуи амалга оширилади. Бу зонанинг чегараси лойиха билан белгиланади ва у НДС даги сувнинг киркок бўйлаган чизиги (урез) дан 500…2000 м ва ундан кўпни ташкил килади. Бу ерда ховузни ифлосланишини оширирадиган янги корхоналарни куриш ва эскиларини кенгайтириш, 2 км дан масофада авиатехника ёрдамида чанглатиш ўтказиш, пестицидлар ва бошка захарли моддалардан фойдаланиш, минерал ўгитлар, кимёвий моддалар, ёнилги - мойлаш махсулотлари омборларини жойлаштириш, чорва бокиш, агар сувни мухофаза килиш талбирларида назарда тутилмаган бўлса ўрмонни кесиб олиш, кабристонлар, хайвонлар кабристонларини ва ш.ў. ларни жойлаштириш такикланади. Санитария зонаси санитария тадбирларини ўтказиш учун хизмат килади, ховузни тайинланиши ва фойдаланишига караб у уч тасма (полоса) дан иборат бўлиши мумкин. НДС да сув чегараси (урези) дан санитария зонаси чегарасигача масофа 100 м дан 1000 м гача ўзгаради. Сувни мухофаза килиш зонасига нисбатан бу зонага юкори талаблар кўйилади. Киргок бўйи зонаси – бу ерларини хайдаш, автомобилларни, кайикларни, богдорчилик участкалари уюшмалари, болаларнинг лагерлари ва ш.ў. ларни жойлаштириш такикланган территория. У сув чегарасидан ер сиртининг нишоблилигига караб 35…100 м масофада кучли ювиладиган кайта шаклланишини хисобга олиб кўшимча кенгайтирилади. Сув омборини керакли техник холатини ушлаб туришга йўналтирилган энг самарали тадбирлардан бери киркок бўйи зонасида ўрмон дарахтзорларини хосил килишдир. Химоя ўрмон дарахтларини муаян шароитдан келиб чикиб бир, икки ёки уч пояс экилади.

Биринчи - киргокни мустахкамловчи пояс НДС зонасида, сувни кўтарилиб – туташига чидайдиган дарахтлардан 2 – 3 катор килиб экилади. Иккинчи пояс ФДС дан юкорида жойлашади ва у эррозияга карши пояс хисобланади хамда у курикликка чидамли дарахтлардан экилади. Ўрмон химоя полосалари мунтазам ўз вактида ягоналаш, (лозим бўлганда) ўташ, сугориш, хайвонлар еб кўйишидан, кесиб олинишидан химоялаш, шунингдек уларни шохларини буташ ва ш.ў. ишлардан иборат тадбирларни ўтказишни талаб килади. Баъзида ўрмон полосаларида ер усти сувларини ушлаб колиш учун, ўрмон полосаси пастки четида ён – багирга кўндаланг жойлашган ўраб турувчи химоя кўтарма (вал) лари курилади. Сув омборларини куриш ва ишлатиш амалиётида эррозияга карши гидротехника иншоотларидан кенг кўлланилади, улар эррозия процессларини олдини олади. Уларга: сувни ушлаб колувчи (кўтармалар – каналчалар, террассалар, кўтармалар – террассалар), сувни йўналтирувчи (тог ён – багир каналчалари, кўтармалар – сочиб юборгичлар, каналчалар – сочиб юборгичлар, сув йўналтирувчи кўтармалар), сув ташловчи (тезокарлар, перепадлар, консолли сув ташламалар ва бошк.), шунингдек туб (запруда (тугон), ярим запруда, перепадлар, остоналар иншоотлари киради. Кўтармалар – каналчалар гидрологик шароит ва жойнинг рельефи хисобга олиб курилади, жойнинг сиртини нишоблиги 6…10 0 дан кўп бўлмаслиги лозим. Кўтармалар – террассалар нишоблиги 4…7 0 бўлган сув йигиладиган майдонларда курилади, улар бир биридан 25…200 м масофада жойлаштирилади. Акваториядаги эксплуатацион асосий тадбирлар Сув омборидаги сувнинг талаб килинадиган сифатини ушлаб туриш учун энг самарали тадбирнинг бири – бу сувнинг шундай окувчанлигини таъминлашдан иборатки, бунда сув йил бўйи камида 10 марта янгилансин. Аммо сув омборини эксплуатация килишда бундай шартни бажариш кийин.

Сувнинг керакли сифатини таъминлайдиган иккинчи тадбир – сувни саёзланишига карши курашишдир. Маълумки чукурлиги 2 м гача бўлган саёз жой сув ўсимликларини хосил бўлиши ва сувни «гуллаши» учун яхши шароит хисобланади. Улар ўраб турувчи дамбалар куриш йўли билан бартараф килинади. Агар бу иктисодий жихатдан ўзини окламаса, унда саёз жойларда (15…20% гача) балик урчитиладиган жой ёки биологик ховуз сифатида фойдаланилади. Сувни тозалаш бўйича учинчи тадбир бу сувни кумли ва шагал тошли кўтармалар оралигидаги пляж лардан фильтрлаб ўтказишдир. Мисол учун СевНИИГиМ нинг сув ресурслари гидрологияси Козон бўлимининг маълумотларига кўра, узунлиги 1 км бўлган пляждаги кумли киялик тўлкин баландлиги 20 см бўлганда 120 м 2 /соат сувни фильтрлаган ва кайта ишлаган. Сув омборларини эксплуатация килишда кўлланиладиган истикболли тўртинчи тадбир - микросув ўсимликлари ва юкори сув ўтлари (макрофити) билан биологик ховузларни фотосинтезлайдиган аэрацияси билан бир ёки икки боскичли ховузлар, шунингдек биоплата ва ботоник майдоча хосил килишдир. Бу холатда окова сувлардан неорганик бирикмалар (азот, фосфор, калий, хлор, сульфат, гидрокарбонат, кальций, магний, темир ва биоцид моддалар ва огир металларни кўшиб бошка кўп бирикмалар сингдирилади ва ажратиб олинади. Юкорида келтирилган тадбирлар алохида – алохида хам, бир бирига кўшилган холда хам, шунингдек бошка кўшимча ишлар билан бирга хам ўтказилади. СевНИИГиМ нинг Козон бўлимини маълумотларига кўра сув омборида бир вакитда куйидаги ишлар олиб борилганда ижобий эффектга эришлади: - дарёлар, сойлар жойлашган зоналарда биологик ховуз (пруд) лар, биоплотно ёки ботаник майдончалар юкори сув ўтлари (камиш, нина баркли ковга ва бошк.) ни суньий ўтириш йўли билан ташкил килинади, бу ўтлар сув окарга келиб тушадиган саноат корхоналари, чорвачилик фермалари ва ш.ў. лар окова сувлари билан келган ифлосликлари тутиб колади ва бартараф килади;

- сув омборлари киргокларини эррозия ва бузулишдан химоя килиш ва мустахкамлаш, бу тез ўсадиган ўт ва буталар экиб ўстириш оркали эришилади, бундан ташкари улар далалардан ювиб келтирилган ўгитлар, пестицидлар, биоген элементлар ва ш.ў. ларни ушлаб колади; - сув омбори киргок зонасида (камиш ва ш.ў.) камишзор хосил килиш, уларни илдизлари кўпайиб тупрокни мустахкамлайди, таналари бир бирлари билан ўралишиб тирик тўрни хосил килади, экишга хеч кандай сарф – харажат талаб килмасдан хар йили янгиланади. Бу ўтлар кумлок, глина, ил грунтларда, хаттоки гравийда тез ўсади. Ўсимликлар киргок бўйлаб, кичик дарёлар куйилишида, сув тинч турган жойларда ва бошка сув турадиган иссик жойларда кенглиги 5…10 м полоса билан ва киргок бўйлаб, 40% сувли майдонни босадиган килиб экилади. Ўсимликларни экиш илдиз бўлаклари, чимликлари билан амалга оширилади. Экиш кузда ер майдони сувдан бўшаган пайти олиб борилса яхши натижа беради, 2..3 йилда улар кўп майдонни эгаллаб олишади. Сув омборларини кузатиш ишлари Сув омборларини ўлчамлари, конфигурацияси, туманининг гидрографияси, геологияси, тартибга солиниш характери, иклим шароити ва дарёдаги сув омбори гидроузелини эксплуатацион режими юкори ва пастки бьефлардаги жараёнларга хар хил таъсир килади. Окимни кўп йиллик тартибга солувчи сув омборлари бьефлардаги сув сатхи, оким тезлиги, тўлкин ва иссиклик режими, бугланиш, музлаш режими, ўзандаги жараёнлар гидрокимёвий, гидробиологик ва бошка кўрсатгичларни тубдан ўзгартириб юборади. Кичик сув омборлари дарёнинг одатий шароитидаги жараёнларни бузади, шунинг билан у табиий жараёнларга тўз тузатмаларини киритади. Шунинг учун хам сув омборлари устидан мунтазам кузатувлар олиб борилади. Кузатиш пунктларини жойлашуви сув омбори лойихаси ишлаб чикилаётганда белгиланади.

Кузатишлар бьефлардаги сув сатхларини ўзгариши, сув омборини лойка босиши ва ўсимликлар босиши, тўлкинланиши, киргокларини емирилиши, ўприлиш жараёнлари, музлаш режими, сувнинг харорати, сув омборининг гидрокимёвий режими, сувнинг сифати ва бошка ш.ў. лар устидан олиб борилади. Сув сатхини кузатиш сув ўлчаш постларида сув хажмини, худуднинг сувга кўмилган майдонини ва гидроузелнинг сув ўзтказувчи ораликлари оркали ёки сув олувчи курилмадан ўтаётган сув сарфини хисоб – китоб килиш учун олиб борилади. Сув ўлчаш пости сув сатхини ўлчаш имкониятини берадиган мос равишдаги курилмалар ва сув ўлчаш курилмасининг аник баландлик холатини аниклаш учун нивелирлаш белгилари билан жихозланади. Нивелирлаш белгиларини жойлашув ўрни куйидаги талаблардан келиб чикиб топилади: сув омборидаги сувнинг энг паст сатхида камида 0,5…1 м чукурлик захирасини ва очик хавза билан эркин сув алмашинувини таъмин этиши керак; кузатишлар олиб бориладиган жой муз босиши, шомолдан тўлкинланиши ва ўлчовларни олиб бориш учун енгил бориб келадиган бўлиши лозим. Сув ўлчаш пастларини йирик сув олиш иншоотлари, сувни окиб келиб кўшиладиган жойлари, кучли деформацияланадига киргоклар якинида ўрнатиш тавсия килинмайди. Сув омболарида ва пастки бьефларда, коидаси, рейкали постлар, дарёларда эса свайли постлар кўлланилади. Сув ўлчаш постларининг пландаги жойлашуви эскизи, свайлар бошчалари ёки рейка нули, реперлар балгилари билан киргок кўндаланг профили ва постнинг кискача тавсифи илова килинган пост паспорти тузилади. Сув сатхини сув ўлчаш постларининг мукобил (вариант) лари 9.1 – расмда кўрсатилди. Одатий шароитда сув сатхи 1 см аникликда хар куни эрталаб соат 8.00 да ўлчанади. Тошкин пайти кузатувлар хар соатда олиб борилади, сатх жадал тушаётган ва кўтарилаётган пайтида эса хар 3 соатда ўтказилади. Олинган маълумотлар бўйича сатхларни ўзгариш графиги тузилади ва сув омборининг хажми аникланади.

Сув омбори тўлдирилиши билан туташган худудларда грунт сувларнинг сатхи кўтарилади. Бунинг натижасида худуд боткокланиши, кўшимча кўлчалар хосил бўлиши, тупрок катлами, ўсимлик дунёси, грунт сувлари таркиби ва ш.ў. ўзгариши мумкин. 9.1 – расм Сув ўлчаш постларида сув сатхини ўлчаш вариантлари: а – икки свай бўйича; б – кузатиш нулидан пастда жойлашган сув сатхи бўлганда; в – эркин сатхда тўлкинланиш бўлган шароитда. Ўлчанлари см. да. Сув омбори тўлдирилиши ва бўшатилишида кияликларни тургунлиги ва мустахкамловчиларни бутунлигини таъмин этиш зарур. Ўртача хажмили сув омборини тўлдириш тезлиги, унинг пастки ва ўрта катламлари учун 0,5… 1 м/сут, юкори катлами учун – 0,25…0,5 м/сут, юкори катламининг 2…3 м учун – 0,05…0,1 м/сут. Бўшатиш тезлиги: юкори сатхлар учун – 0,3 м/сут, ўрта сатхлар учун – 0,5 м/сут, пастки учун – 1 м /сут. Аммо бу тезликлар муаян геологик, гидрогеологик ва бошка шароитлар билан богланиши лозим. Сув омбори ишлатилаётган даврда пастки бьефга тиндирилган оким ташланади, шунинг учун пастки бьеф ўзанида умумий ювилиш ва ўзаннинг пасайиши кузатилади, бу урилма ва пастки бьеф рисбермасида бьефларни туташишини ёмонлаштиради. Юкори бьефда окизиндилар чўкади ва сув омборини лойка босади. Лойка босишини кузатиш, бир неча створларда, чукурликларни ўлчаш йўли билан, окизиндиларни чўккан калинлиги (катлам) ни аниклаб боришдан иборат.

Створлар сони муайян шароитдан келиб чикиб белгиланади (тахминан 10…15 олинади). Створ узунлиги 300 м дан кўп бўлмаганда чукурликлар диаметри 6…10 мм, хар 5…10 м да белгига эса ва хар 50…70 м да пўкак ўрнатилган, тортилган трос ёрдамида амалга оширилади. Створ узунлиги 300…500 м дан кўп бўлганда ўлчовлар киргокка ўрнатилган теодолит ёрдамида ўлчов нуктаси ўрнини аниклаб олиб борилади. Чукурликлар, кичик чукурликда, бошмок – таглиги бор хода (мест) билан, катта (4…5 м дан кўп) чукурликларда белги кўйилган тросга осилган юкдан ташкил топган лот билан ўлчанади. Йирик сув омборларида ўзи ёзадиган эхолотлардан фойдаланилади. Окизиндиларнинг гранулометрик таркиби ва хажмий огирлигини аниклаш учун хар бир створдан 5…7 намуна олинади. Сув омборини ишлатишнинг дастлабки 2…3 йилди бу иш хар йили, ундан кейин эса керак бўлганда ва окизиндилар жадал чўккан жойларда ёки киргок деформацияга учраган жойларда олиб борилади (бажарилади). Сув омборини ўт босиши лойка босишига ўхшаб хажмини камайтиради. Унинг устидан кузатиш ёз вактида кўз билан ёки инструментлар ёрдамида олиб борилади. Ўт босишининг чегараси теодолитнинг база чизигига нисбатан бурчак бўйича дальномери (узокни ўлчагичи) ёрдамида аникланади. Бу ишни амалга ошириш учун гидротехниклар топографлар ва гидробиологлар жалб килинади (шунингдек 6.2 га каранг). Тўлкинланишни кузатиш горизонтга нисбатан маълум бир бурчак остида кияликга ўрнатилган ва ўлчов шкаласи билан таъминланган рейкалар бўйича олиб борилади. Айрим холатларда кияликка бўяб кўйилган, сув билан ювиладиган рейкани ўрнатиш мумкин. Тўлкин баландлиги буёкни ювиш чизиги бўйича топилади ёки тўлкин ўлчагич веха (ишорат козиги), тўлкин ўлчагич, тўлкин ёзгич (тўлкинланишни ўзи ёзиб борувчи) ёрдамида ўлчанади.

Катта акваториядаги тўлкинланишни аэрофотосъемка ёрдамида кузатилади. Маъсулияти кам холатларда тўлкинланишни кўз билан кузатиш ёрдамида балларда бахолаш мумкин. Шамол тезлиги кўл анемометри ёки ўзи ёзар билан, унинг йўналиши эса – флюгер ёрдамида аникланади. Сув омборини киргокларни емирилишини кузатиш сув омборини лойка босиш, киргок бўйи зонаси олдида бир кисми киргокнинг ювилиши махсулотларини чўкиши натижасида саёзлик хосил бўлиши даражаларини бахолаш имкониятини беради. Бунда куйидагилар амалга оширилади: киргок бўйи куз билан текширилиб чикилади ва киргокнинг сув остида колган участкалари бўйича материаллар йигилади; киргок бўйи полосаси топографик съемка килинади; кўндаланг кесимлар ва чукирликларни ўлчашлар нивелировка килинади; ўприлиш жараёнларини ривожланишини кузатиш, грунтдан намуналар олишни кўшиб емирилиш эхтимоли бор участкалар геологик ва гидрогеологик тадкикотдан (текширувдан) ўтказилади. Асосан гидроузел иншоотларига келиб кўшиладиган (туташадиган) киргоклар, инженерлик химояси ва енгил ювиладиган участкалар кузатилади. Энг характерли зоналарда бир бирида 50…100 м масофада камида учта кўндаланг кесим ажратилади ва белгиланади, улар теодолит йўли билан богланади ва сув омбори ичига 200 м гача ёйилади, уларнинг чукирликлари ўлчаниб IV класс нивелировка килинади. Кўндаланг кесимида фиксация (белги) килинган нукталарга бир биридан 10…20 м масофада металл штыр кокилади, Штырларнинг боши ер юзидан 0,5 м га чикиб туради. Кузатувлар геодезия асбоблари ёрдамида олиб борилади. Ўлчашлар билан биргаликда киргокларни ўприлиш ёки ювилиш характери (ёриклар хосил бўлиши, тог жинслари катта бўлакларини ўприлиши, силжишлар, тўкилиб тушишлар ва ш.ў.) участкаларнинг геологик ва гидрогеологик тузилиши кўрсатилиб, ёзилиб борилади.

Кузатишлар натижасида йирик масштабли, инженерлик – геология шарт - шароит картаси тузилади, картада киргок 300 м гача туширилади. Шунингдек сув омбори киргок бўйи зонаси сув урезидан 200 м тубини изобатлардан картаси тузилади. Киргокларни емирилишини инструментлар ёрдамида кузатиш бахорда, тошкин ўтгандан кейин, ва ёмгирлар мавсуми тугагандан сўнг кузда олиб борилади (ўтказилади). Геологик тахлил йилига 1 марта, айрим холатларда эса ундан хам кўп ўтказилади. Ўприлиш (силжиш, кўчиш) жараёнларини кузатишда киргоклар умумий кўрик (рекогносцировка) дан ўтказилади, деформациялар, дренаж тизимлари холати тасвирланади ва ўприлиш (силжиш, кўчиш) лар кутилаётган характерли участкалар бўйича хулосалар тайёрланади. Бунда ўприлишни (силжиш, кўчишни) характерлайдиган узилиш погонаси четини жойлашиши, ўприлиш силжиши, кўчиш) тили, йирик ва ўрта ёриклар, сув тўхтаган участкалар, силжиш сирти чегараси ва бошка деталлар кўрсатилади. Тахмин килинаётган (кутилаётган) ўприлишнинг холати жойида ва планшетда белгиланади, шунингдек маълум бир (берилган) даврдан кейин энг характерли жойларнинг расми солинади ва фотосурати олинади. Ўприлиш ва створларни жойлаштириш схемаси 9.2 – расмда курсатилган. Створлар хар 25…50 м да жойлаштирилади. Инструментлар ёрдамида кузатиш учун ўприлиш ва унинг оркасида маркалар жойлаштирилади, маркалар сув остида ёки сув устида жойлашган якин репер билан богланади. Маркалар ораси масофаси маркалар сони 3…4 та бўлишидан келиб чикиб кабул килинади. Кузатишлар корлар эриб кетгандан сўнг бахорда ва жадал ёгингарчилик тугагандан сўнг кузда олиб борилади. Ихтиёрий шаклда тузилган журналларга кузатишлар олиб борилган сана, масофаси, чукурлиги ва ўлчанган жойи, кузатишларнинг давомийлиги ёзиб борилади ва ўприлиш жараёни тасвирланади.

9 .2 – расм Ўприлиш (силжиш, кўчиш) схемаси (а) кузатув створларини жойлашуви (б): 1 – илдиз массиви; 2 ва 3 – ўприлиш чети ва девори; 4 – ажралиш ёриги; 5 – ўприлиш боскичи; 6 – ўприлиш танаси; 7 – ўприлиш тўшаги; 8 – сув туриб колган жой; 9 – дўппайиш ёриги; 10 – ўприлиш тили; 11 – ўприлиш асосининг деформацияси; I … X – таяч белгилар; 1  …11  - ўприлишдаги маркалар. Сув усти кисмидаги унчалик катта бўлмаган ўприлиш (эриб тушиш) лар темир – бетонли панжаралар ўрнатилиб мустахкамланади. Панжаралар ичига грунт тўлдирилади ва свайлар ёрдамида асосий массивга мустахкамланади. Бир катор холатларда ўприлишларни контрфорсли тиргак деворлар ўрнатиш йўли билан олди олинади. Чукурликда жойлашган ва катта ўприлишлар кокиладиган тизимлар ёки бўргилаб кокиладиган свайлар ( d = 520…1080 мм) ёрдамида ушлаб колинади. Грунт сувларини уриб чикишидан келиб чикадиган ўприлишларни шу окимларни дренаж ёрдамида ушлаб чикариб юбориш оркали олдини олиш мумкин. Музлар режими уч асосий давр билан характерланади: музлаш, музни туриб колиши ва муздан очилиш. Муз хосил бўлиш жараёни одатда киргок бўйи сувини музлашидан бошланади, у киргокга кенг бўлиб ёпишади, сўнг эса узликсиз музли коплама хосил бўлади. Сув омборларида киш кириб келиши билан музлаш бошланиши ва музликни туриб колиши, музлаш хосил бўлишининг кўринишлари, муз копламасининг холати ва унинг деформацияланиши, музлаш калинлиги, кор катлами калинлиги, музликнинг очилиши (эриши), муз бўлакларини сузиши (юриши) ва ш.ў. кузатиб борилади. Асосан кузатишлар кўз билан олиб борилади.

Муз калинлигини ўлчаш учун стандарт муз ўлчагич рейка кўлланилади, у 9.3 – расмда кўрсатилди. Ушбу расмда муз калинлигини ўлчашнинг вариантлари хам берилган. Муз калинлиги хар 5 суткада (ойнинг 5, 10, 15, 20, 25 санасида) ва ойнинг охири санасида ўлчанади. Бу максад учун муз калинлиги бўйлаб киргокдан камида 3 м масофада кудук бургиланади. Муз калинлиги 0,15 м кўп бўлганди ўлчовлар киргокдан 20…30 м масофада олиб борилиши мумкин. 9.3 – расм Кудук кисман сувга тўлганда (а) хамда сув сатхи муз катламидан юкори (б) ва паст (в) бўлганда муз ўлчагич рейкалар ёрдамида муз калинлигини ўлчаш: 1 – иш холатидаги ўлчовчи рейка; 2 – муз. Сув омборларида муз калинлиги одатда дарёлардагига нисбатан 15… 20% кўп бўлади. Музлаш режимини кузатишда хавфсизликни таъминлаш нуктаи назаридан шуни назарда тутиш керакки, одатда киргок олдида муз калинлиги сув омборининг очик юзасидагига нисбатан хар доим кўп бўлади. Йирик сув омборларида муз жойида эрийди, ўрта ва кичик сув омборларида, катта тошкин суви мавжуд бўлганда, муз майдаланиб сув ташловчи ораликлар оркали пастки бьефга тушириб юборилади. Сувни хароратини кузатиш сув урезидан 3 ва 20…30 м узоклашган вертикаллар бўйлаб, суткада 1 марта соат 12 да бьефларда ўлчаб борилади. Харорат юза зонада (юзадан 0,5…1 м да), туб олди катламда ва сув омборининг чукурлигига караб ўрта катламда ўлчанади. Хароратни ўлчаш учун металл, пластмасса ёки ёгоч гилофдаги булок термометрларидан фойдаланилади, уларнинг аниклиги  0,2 0 С. Шу максад учун ишлатиладиган электрик термометрларники эса  0,5 0 С.

Сув омборининг гидрокимёвий режими сувнинг бугланиши, музлик хосил бўлиши, киргоклар ювилиб очилиб колганда ювиладиган тузларни пайдо бўлиши шароитлари билан белгиланади. Бу тузлар пастки бьефга ташланаётган ва сув омборидаги сувларнинг одатдаги минерализациясини ошириб юборади. Сувнинг кимёвий таркибини кузатиш стандарт (мажбурий) ва махсус кузатишларга бўлинади. Стандарт кузатишлар доимий кузатиш пунктларида олиб борилади, бу кузатишларнинг максади - сув омборидаги сувни окова сувлар билан ифлосланиш даражасини аниклашдан иборат. Махсус кузатишлар махсус дастур бўйича илмий тадкикотлар ўтказилаётганда олиб борилади. Стандарт кузатишларда сувдан намуна сув урезидан 20…30 м масофада, сув юрмайдиган зоналарда, сув ўтлари кўпайган жойларда, сув урези олдидаги кияликлардан олинади. Кичик чукурликка эга сув омборида сув намунаси юкори катлам (0,5 м чукурлик) ва туб олди катлам (тубдан 0,5 м баландликда) лардан олинади. Чукур (10 м дан кўп) сув омбрларида намуналар вертикал бўйича уч нуктадан олинади. Батометрлар ёрдамида олинган намуналар бутилкаларга куйилади ва кимё лабораториясига жўнатилади. Бутилкага намуна олинган сана ва жой кўрсатилиб этикетка ёпиштирилади. Лабораторияда намуна тўла ёки кискартирилган кимёвий тахлилдан ўтказилади. Тўлик тахлил учун намуна хар чоракликда 1 марта, кискартирилган тахлил учун эса хар ойнинг 10 ёки 15 санасида жўнатилади. Кимёвий тахлил натижалари махсус журналга намуна олинган сана, вакт, харорат, сув сатхи, створ, вертикал ва ш.ў. лар кўрсатилиб ёзиб кўйилади.

Адабиётлар: 1. Алтунин В.С. Мелиоративные каналы в земляных руслах. – М.: Колос, 1979. – 256 с. 2. Алтунин С.Т. Водозаборные узлы и водохранилища. –М.: Колос, 1964, - 431. 3. Артамонов К.Ф. Регулировочные сооружения при водозаборе на реках в предгорных районах. Фрунзе, изд. АН Киргизистан, 1965, - 344 с. 4. Астафьев В.А., Барков Н.К. Гидротурбины и их обслуживание. –М.; -Л, «Энергия», 1965. – 352 с. с ил. 5. Ачкасов Г.П., Иванов Е.С. Технология и организация ремонта мелиоративных гидротехнических сооружений. – М.: Колос, 1984. – 174 с. 6. Bakiy е v M ., Nosirov B ., Xajaqulov R . Gidrotexnika inshootlari , O ’ quv qo ’ llanma . T . O ’ M Ќ TM ., «В ilim » nashriyoti , 2004. – 264 в. 7. Бакиев М.Р., Янгиев А.А., Кодиров О. Гидротехника иншоотлари. Дарёнинг тоголди кисмларида тўгонли паст босимли сув олиш иншоотлари бўгинини лойихалаштириш бўйича ўкув кўлланма.Т.: «Фан», 2002, - 139 б. 8. Бакиев М.Р., Турсунов Т.Н., Икрамов Н.М. О неблагоприятных гидравлических процессах, происходящих на крупных насосных станциях. Ракурсы инноваций. Сб. научн. и методич. трудов. СПб, СПбГПУ, 2006, с. 40-44.

Похожие

Сув олувчи иншоотлар ва сув тиндиргичларни ишлатиш

Сув ўтказгич иншоотлар ва улардаги гидромеханик жихозларни ишлатиш

Гидроэлектростанцияларни ишлатиш

Кишки шароитда каналларни ишлатиш хусусиятлари

Каналлар ва улардаги иншоотларни ишлатиш