Гидромеханик жихозлар ва ёрдамчи тизимларни ишлатиш - Водное хозяйство - Рефераты

Гидромеханик жихозлар ва ёрдамчи тизимларни ишлатиш

Загружено в:

29.10.2019

Скачано:

0

Размер:

139.5 KB

Гидромеханик жихозлар ва ёрдамчи тизимларни ишлатиш Режа: 1. Насос агрегатини эксплуатация килишга тайёрлаш, ишга тушириш, наладка (созлаш) килиш, топшириш синовлари 2. Сувга тушириладиган электронасосни ишга тушириш: 3. Насос агрегатларига хизмат кўрсатиш (техник каровни амалга ошириш) 4. Ёрдамчи тизимларни ишлатиш

Гидромеханик жихозлар ва ёрдамчи тизимларни ишлатиш Умумий коидалар. Насос станциялари таркибига кирувчи гидротехника иншоотлари ўзларига юклатилган икки асосий вазифани (сув ресурсларини бошкариш, сувни емирувчи таъсирига карши курашиш) бажаришдан ташкари, бу ерда, учинчи – асосий гидромеханик жихозларга технологик ишончлилик кўрсаткичларини (напор, сув сарфи, электр энергияси етказиб бориш, сув узатишни таъмин этиш ва бошк. ш.ў.) таъминлаб бериш, яъни хизмат кўрсатиш вазифасини хам бажаради. Асосий гидромеханик жихозлар – насос агрегатлари эса ўз навбатида шу кўрсаткичларни таъминлашга хизмат килиши зарур. Бу талаб гидромеханик жихозларни ишлатишнинг ягона ва асосий талаби хисобланади. Насос станцияси ёрдамчи тизимлари хам ўз навбатида насос агрегатларини ишончли ишлаши учун шароит яратиб беришга хизмат килади. Насос станциялари гидромеханик жихозлари ва ёрдамчи тизимлари тайёрловчи заводлардан олинган ишлатиш бўйича кўрсатма (коида) лар ва лойихани станцияга кўяадиган технологик ишончлилик кўрсаткичларини таъминлаш бўйича талабларига мос ишлатилади. Эксплуатация жараёнида асосий насос агрегатлари ишда, резерв (захира)да, таъмирлашда бўлиши мумкин. Ишлаётган ёки захирада турган агрегатлар насос станцияларининг юкори сув хўжалиги ташкилотини, диспетчери ихтиёрида бўлади, унинг рухсатисиз насос агрегатларини ишга тушириш, резервга олишга рухсат берилмайди. Навбатчи ходимлар захирадаги насос агрегатларини ташки, кўз билан кузатувдан ўтказиши, артиб тозалаши, коллекторларини контакт халкаларини босим остидаги хаво билан тозалаши, щетка ушлагичларни тортиб жойига тушириши, подшипниклар, подпятниклар ёг ванналарига ёг (белгисича) кўйилиши, мойлашни амалга ошириши мумкин. Агрегатни автоматик ишга тушириш жараёнига ходимларни аралашуви такикланган.

Заводдан олинган кўрсатмалар ёки техник шартларда келтирилган холатлардан ташкари сўрувчи кувурдаги задвижкани ёпган холда насосларни ишга тушириш такикланади. Насос жихозлари ва ёрдамчи тизимлар монтаж килингандан ёки таъмирлангандан сўнг албатта синаб курилиши хамда топшириш – кабул килиш далолатномаси билан кабул килиниши керак. Далолатномага жихоз лойихага мос монтаж килинганлигини тасдикловчи барча хужжатлар илова килиниши лозим. Агар лойихадан четга чикишлар мавжуд бўлса, унда четига чикишлар асосланиб, лойиха ташкилоти ёки тайёрловчи – завод билан келишилган хужжатлар хам далолатномага илова килинади. Насос агрегатини эксплуатация килишга тайёрлаш, ишга тушириш, наладка (созлаш) килиш, топшириш синовлари Ишга туширишдан олдин насос агрегати ишлатиб ва синаб кўрилади, бу жараёнда монтаж (йигиш) нинг сифати текширилади, ишдаги бузуклик (камчилик) лар аникланади ва бартараф килинади. Ишлатиб ва синаб кўришга тайёргарлик даврида насос ўкининг горизонтал (вертикал) лиги ва насос хамда электродвигател ўкларини бир тўгри чизикда (соосность) ётиши, узатиш механизмнинг муфтали туташмалари, насос корпусидаги иш гилдраги зичлагичлари, подшипниклар холати ва уларни мойлаш тизими, болтли ва резьбали бирикмаларни тортилиши, допуск (ўрнига тушириш) ва оралик (зазор) ларни меъёрий кийматларга мослиги, мойловчи ёгнинг сифати (ёг сорти тайёрловчи – завод тавсия килган сортга мос бўлиши керак) текширилиб кўрилади. Насос агрегати ишга туширилгунча, насос фланцли бирикмаларини гайкалар билан мустахкамланиш ишончлилиги ва туташ деталларда назорат килувчи коник (кесилган) штифт жойига тушганлиги, фундамент болтларини тортилиганлиги, хавфсизлик техникасида назарда тутилган ўраб турувчи курилмаларнинг мавжудлиги текширилади. Фундамент болтлари охиригача тортилади, аммо уни узилиб (ситилиб) кетишини олдини олиш максадида насос ишга туширилгандан сўнг гайки ярим айланишга бураб кўйилади.

Ёрдамчи жихозлар тизимини уланиши, беркитувчи курилмаларни созлиги текширилади. Барча болтли бирикмаларни тортилиш ишончлигиги текширилаётган гайка устига киритилган калитга болга билан енгил зарба бериб аникланади. Кесилган штифтни жойига тушганлигини штифтга болга билан енгил зарба бериб кўриб текширилади, штифт яхши жойига тушган бўлса яхлит металл овози эшитилади. Иш гилдраги ва корпуснинг кўзалмас деталлари орасидаги йўл кўйиладиган оралик (зазоры) иш гилдирагини тескари айлантириб кўйиб белгиланади. Ўкий насосларда иш гилдраги парракларини ўрнатиш бурчаги текширилади. Подшипник вкладыш (тўшама) ини вал бўйинчаси сирти билан туташишини тўгрилиги кўз билан текшириб чикиш оркали белгиланади ва щуп (махсус асбоб) билан текширилади. Йигишнинг тўгрилиги ва сифатлилигига ишонч хосил килингандан сўнг вертикал насосларни мойлаш тизимига ёки ёг кўрсаткич бўйича ёки подшипник шариги марказигача горизонтал насослар подшипниклари корпусига фильтрланган ёг кўйилади. Куюк мойловчи ёг бўлса шарикли подшипник шундай тўлдириладики, бунда шариклар сеператор билан бирга ёгга кўмилган бўлсин. Агрегатни ишга тушириб синаб кўришдаги операцияларининг кетма- кетлиги мусбат (положительный) сўриш баландлигига эга горизонтал марказдан кочма насос ва сувга тушириладиган (погружной) электронасосни ишга тушириш мисолида, кўйида, кўриб чикилади.

Мусбат сўриш баландлигига эга горизонтал марказдан кочма насосни ишга тушириш. 1. Насосни босимли патрубкасидан кейинги задвижкаси ёпик эканлигига ишонч хосил килинади. 2. Вакуум – тизим баки (сув идиши) га сув кўйилади ва вакуум – насос кўшилади. 3. Сўрувчи кувур ва насос корпуси сувга тўлгандан сўнг вакуум – тизим узилади, вакуумметр ва монометр кранлари ёпилади хамда 2…3 секунда харакат узатувчи (приводной) электродвигател кўшилади. 4. Агрегат нормал ишлаганда (бегона шовкин ва йўл кўйилмайдиган тебранишлар бўлмаганда) насос агрегатини иккиламчи ишга тушириш амалга оширилади ва ишлатиб кўриш синовлари бошланади. Насос ишга туширилгандан 1,5…2 мин ўтгандан сўнг насос корпусини кизиб кетишини олдини олиш учун босимли патрубкадан кейинги задвижка очилади. Сальник ва подшипникларни совутиш учун сув берилиши, ёгни келиши ва харорати тешириб кўрилади. Ёгнинг харорати тургунлашгунча хар 5…10 мин да текширилиб борилади. 2 соат ишлатилишдан сўнг харорат ўзгармаса ва 60…70 0 С дан ошмаса харорат тургунлашган хисобланади. Агар ёгни харорати тургунлашмаса, унда совутишга берилаётган сувнинг сарфи кўпайтирилади. Совутишга берилаётган сувнинг сарфи, босим 0,1…0,3 МПа бўлганда техминан 2…3 м 3 / соатни ташкил килади. Агар совутишга берилаётган сувнинг сарфини кўпайтирилиши хам харорати тургунлашишига олиб колмаса унда насос агрегати тўхтатилади, кизишига олиб келган сабаб бартараф килинади. 5. Сальникли зичлагичлар иши текширилади. Нормал иш пайти сальник сувни алохида томчилар ёки юпка струйка шаклида ўтказиши мумкин.

Сальник кизиб кетганда кисувчи копкок болтлари бўшатилади, сизиб ўтаётган сувнинг сарфи кўпайтирилади. Агрегат нормал, тургун 0,25 дан 2 соатгача давомийликда ишлаган бўлса, насосни синаб кўриш охирига етган хисобланади. Бу вакт насосни кувватига караб куйидагича аникланади: Агрегат куввати, кВт 10 гача 11-50 51-100 100-400 > 400 Обкатканинг минимал давомийлиги, соатда 0,25 0,5 1,0 1,5 2,0 Куввати 400 кВт дан кўп бўлган йирик насос агрегатларини ишга туширишда синаб кўриш, ишга тушириши ва обкатка синовлари бир биридан ажратилмайди, биргаликда ўтказилади. Агрегат тўхтатилган подшипниклар текшириб кўрилган ва аникланган камчиликлар бартараф килингандан сўнг насос агрегати юклама остида синаб кўришга кўйилади. Бундай синов пайтида подшипниклар харорати, ёг ванналаридаги ёг сатхи, насоснинг подшипниклари ва сальникларини совутишга берилаётган сув сарфи ва харорати, тебранишлар кузатиб борилади, агрегатнинг иш параметрлари - сув бериши (сарфи), напори ва электродвигателининг истеъмол киладиган куввати аникланади. Иш юкланмаси остида насос агрегатини синаб кўриш 8…15 соат давомида ўтказилади, йирик насос агрегатлари эга тўхтовсиз 72 соат синаб кўрилади. Сувга тушириладиган электронасосни ишга тушириш: 1. Электродвигателлари сувга тўладиган сувга тушириладиган насослар сувга туширилгандан сўнг 2…4 соат дан кейин ишга туширилади, бу вактда электродвигател бўшлиги тўлигича сувга тўлади. 2. Босимли задвижкани ёпиб кўйиб, бошкариш станциясидаги «Пуск» кнопкасини киска – киска вакт ичида босиб, насосни ишга тушириш амалга оширилади. 3. Электронасос нормал ишлай бошлаши билан секин – аста босимли кувурдаги задвижка очилади ва сув сарфи кудук дебитидан (сарфидан) ошиб

кетмайдиган даражада насос (манометр ва амперметр кўрсаткичлари бўйича) иш режимидаги сарфга ётказилади. 4. Тортиб чиказилаётган сувда насос деталларини жадал абразив едирилишига олиб келадиган механик аралашма мавжуд бўлганда босимли задвижка ёпилиб сув сарфи камайтирилади. 5. Электронасос ишлаб турган пайтда электр сатх ўлчагич кудук (скважина) даги сувнинг динамик сатхини ва насосни сув остига канча чукурликка тушганлигини ўлчаб боради. Агар сув сатхи етарли бўлмаса, унда сув кўтарувчи кувур кўтарилиб (ўстирилиб) агрегат пастга туширилади. Электронасос ишлаётган жарёнда скважина дебити ва динамик сатхни насоснинг иш параметрларига мослиги (насос сув чикариши (сарфи) нинг скважина дебитига мос эмаслиги «хуррак отиш» каби овоз чикишига – насосни хаво сўришига олиб келади, бундай холатда сувсиз ишлаётган насоснинг резинали подшипниклари куйиши – агрегат ишдан чикиши мумкин), шовкин, тебранишлар, карсиллаган овоз чикиши, ток кучини бирдан ошиб кетиши кузатиб борилади. Бундай холатлар юзага келганда насос зудлик билан тўхтатилади. 6. Иш режимини аниклаш учун электронасосни бевосита кудук ичида синаб кўрилади, бунда босимли задвижка оркали напор ўзгартирилиб сарф ўлчагич (крилчаткали, тубинали, кискарувчи курилмаси билан дифмонометрлар курилмалари ёрдамида, огирлик ва хажмий усулларда) сув чиказилиши ўлчаниб борилади. Сувга тушириладиган насосларнинг олинган хакикий (амалдаги) характеристикалари ишлатиш даврининг бошидаёк насосларни емирилиши ва кудукни бузулишини олдини оладиган оптимал режимни топиш имкониятини беради. Одатда сувга тушириладиган насослар доимий назорат килишига мухтож эмас ва уларга керакли каров амалга оширилганда автоматик режимда ишлашлари мумкин. Йўл кўйиладиган тебранишлар . Насослар ишга туширилаётганда ва синаб кўрилаётганда агрегатлар тебранишлари ва подшипник,

поднятникларнинг хароратларига алохида ахамият берилади. Вертикал агрегатларнинг тебранишлари, одатда, электродвигател кристовинасига насоснинг юкори йўналтирувчи подшипникига ва фундаментга ўрнатилган индикатор ёки тебранишларни ёзиб борувчи (виброграф) лар ёрдамида аникланади. Валнинг урилиши (биение) насоснинг юкори йўналтирувчи подшипниги ва электродвигателни пастки подшипниги олдиларида ўлчанади. Горизонтал агрегатларнинг тебранишлари корпус девори ва подшипниклари олдида ўлчанади. Агрегатларнинг тебраниш холатини, энг характерли жойларда ўлчанган, энг кўп иккиланган амплитуда белгилайди (10.4 – жадвал). Электродвигателларни йўл кўйиладиган тебранишларининг к ийматлари Электродвигателнинг бажарилиш шакли Айланиш сони (частота), мин -1 Тебранишларнинг йўл кўйиладиган амплитутаси, мм Вертикал Горизонтал 400 гача 500 дан 750 гача 1500 гача 3000 гача 0,12 0,10 0,10 0,06 Вертикал агрегатларни айрим узелларидаги йўл кўйиладиган тебранишлар тўгрисида, Иртиш – Корогонда канали ўкий насосларини синаш пайтида олинган маълумотлар асосида хулоса килиш мумкин: масалан электродвигателни пастки ва юкори подшипникларида – 0,16, электродвигател статори ва юкори кристовинасида – 0,125, фланцли бирикма олдида, валда – 0,3, кўзгатувчи (возбудитель) коллекторида – 0,3, контакт халкаларида – 0,5 бўлган. Подшипникларни йўл кўйиладиган харорати . Подшипниклар тўшамалари ва пята хароратилари атроф-мухит хароратига кўшимча 45 0 С дан кўп ва умуман 80 0 С дан баланд бўлмаслиги лозим.

Подшипниклар сув билан мойланганда ва совутилганда кирадиган сувнинг харорати 25 0 С дан кўп, чикадигани эса кирадиган хароратдан кўпи билан 5 0 С дан ошмаслиги керак. Агар подпятник ва подшипниклар харорати нормал хароратдан 2…3 0 С га баланд бўлса мойлаш тизими ишини текшириш ва ёгни синаб кўриш лозим бўлади. Агар харорат кўтарилиши давом этса, унда агрегат ревизия килинади. Агрегатни эксплуатация килишга кабул килиш. Агрегат сифатли монтаж килинса урилиш (стук) ларсиз, шовкинсиз ва сезиладиган тебранишларсиз ишлайди. Бу холда агрегатнинг подшипниги, подпятниги, статори ва роторларининг харорат режимига риоя килган холда агрегатни доимий ишлатишга такдим килиш мумкин. Агрегат доимий ишлатилишга киритилишидан олдин, кабул килиш комиссияга хузурида, назорат тартибида, ишга туширилиб кўрсатилади. Кабул килиш комиссияси диккат билан станциянинг асосий ва ёрдамчи жихозларини текшириб чикади, уларни ишлашини кўриб, лойиха хужжатларига мослигини текширади, назорат – ўлчов асбоблари кўрсаткичларини ёзиб олиб жихозларни назорат тартибида синаб кўради, сув чиказиш, напор, истеъмол киладиган кувват, айланиш тезликлари сони бўйича олинган маълумотларни тайёрловчи – заводлардан олинган паспортлар маълумотлари ва лойиха хужжатларига солиштиради. Насос агрегатларини иш параметрлари паспортларда келтирилган маълумотларга мос бўлганда, агрегат узелларида ишлашнинг нормал тебранишлар ва харорат режимлари мавжуд бўлганда, агрегатни доимий ишлатишга кабул килиш хакида далолатнома тузиб кабул килади.

Насос агрегатларига хизмат кўрсатиш (техник каровни амалга ошириш) Насос агрегатлари ишлатилаётган даврда навбатчи ходимлар хизмат кўрсатиш тартибига риоя килиши ва асбоблар кўрсаткичларини ёзиб бориши, ишлаётган насосларнинг энг иктисодли комбинациясини танлаши, кунлик ведомость ёки ишни тезкор хисобга олиш журналига ишлатишнинг нормал режимидан четга чикишлар хакида ёзиб боришга мажбурдир. Жихозларга техник хизмат кўрсатиш хар сменалик айланиб ва тешириб чикишлар, даврий равишда профилактик кўриб ва текширилишлар, текшириб (кўриб) чикиш ва ревизия килиш, авария холатлари ва табиий офатлар (кучли ёмгир, сел, бўрон, тошкин ва бошк.) дан кейинги махсус текшириб чикиш ва шаходатлашни ўз ичига олади. Насос агрегатларини хар сменалик айланиб, кўриб, текшириб чикиш ва техник хизмат кўрсатишларда агрегатлардаги юкланма ва синхрон электродвигателни кўзгатиш (ўйготиш), агрегат подшипниклари хароратлари, мойлаш ва совутиш тизимларининг созлиги хамда сальникли зичлагичлар (сув алохида томчи шаклида сизиб ўтишига йўл кўйилади) устидан кузатувлар олиб борилади. Агрегат шовкинсиз, урилишларсиз ва табранишларсиз сокин ишлаши лозим. Боббитли тўшамаси бор подшипниклар ёг ванналаридаги ёг 1500..2500 соат ишлагандан сўнг алмаштирилади. Сув билан мойланадиган лигнофол ва резина металл подшипникларда сувнинг тозалигига алохида ахамият берилади. Сувда муаллак холда бўладиган заррачалар (абразив аралашма) нинг йўл кўйиладиган таркиби, подшипникларни мойлаш учун, 50 мг/л дан ошмаслиги керак. Сув билан мойлаш тизими фильтрлари, уларни ишлатиш бўйича кўрсатмага мувофик ювилади. Насослар узок вактга тўхтатилганда лигнофолли подшипниклар олиб кўйилади, солидол билан мойланади ва омборхонада сакланади.

Насосларни корпусида мателлни урилиши овози эшитилганда, юкори тебранишлар хосил бўлганда, агрегат узеллари юкори даражада кизиб кетганда, синиш ва аварияни келтириб чикарадиган айрим деталлар бузулиганда, ўз ўзидан иш режими ўзгариб кетганда, насос агрегатларини ишлатиш такикланади. Ўкий насослар, тўгридан – тўри электродвигател харакат ўзатгичидан узиб тўхтатилади. Марказдан кочма (вертикал ва горизонтал) насослар насоснинг босимли патрубкасидан кейинги беркитувчи курилма (задвижка, дискли затвор) ни ёпгандан сўнг тўхтатилади. Босимли патрубкадан кейин тескари клапан ўрнатилган бўлса двигателни ўчиришдан олдин задвижкани тўлик ёпиш шарт эмас. Двигателни авария холатида задвижкани ёпмасдан ўчирса бўлади. Агрегатларни ишга тушириш ва ўчириш жараёнлари автоматизация килинганда, насоснинг босимли патрубкасидан кейинги беркитувчи курилма хам автоматик равишда, харакат узатувчи электродвигател ўчирилишидан олдин, сигнал бўйича ёпилади, очилади. Захирадаги насослар (агар улар асосий гидромеханик жихозлар таркибида бўлса) навбатма – навбат ишчи насослар билан алмаштирилиб ишга тушириб турилади ёки хар 10 кунда камида 1 марта 20…30 мин га ишлатилади. Иш режимини ўзгариши ва кўп ўчирилишларга ўта таъсирган (деталлар кўшимча ишлаши ва ишга туширишда силкинишлар билан фильтрни ишлаши сувга тушириладиган насослар ишлатилаётганда сув беришнинг текис таксимланган графиги бўйича ишлаш тавсия килинади (танаффуссиз ишлаши максадга мувофик бўлади). Сувга ташириладиган электронасосларга хизмат кўрсатиш жихозларни ташки кўриб чикиш, бошкариш станциясини текшириш, НЎА ва сувга тушириладиган электродвигателни текшириш, насос агрегатини скважинадан кўтариб олиш ишлари, насос вали ўкий оралигини кисман очиб кўриш ва

тартибга солиш, ейилган деталларни янгисига алмаштириш, насосни йигиш ва уни скважинага тушириш, тажрибавий ишга тушириш каби ишларни ўз ичига олади. Бошкариш станциясини кўриб чикиш ойига камида 1 марта амалга оширилади. Бунда ишга туширгич ва реле контактлари холати текширилади, аникланган камчиликлар бартараф килинади, деталларни мустахкамловчилар тортилади (затяжка). Куйган контактлар тоза эски – туски, спиртда намланган материал билан металл ялтиллагунча артиб тозаланади. Ярим йилга бир марта бошкариш станцияси диккат билан текшириб чикилади, сув сатхи датчиклари ва курук юриш текширилиб кўрилади ва лозим бўлса айрим автоматика элементлари алмаштирилади. Сувга тушириладиган электродвигателларни жорий таъмирлаш керакми ёки йўклигини электродвигател ва ток ўтказувчи симлар изоляциясини каршилиги бўйича аникланади, насос сув чиказиши 35% дан кўпга пасайган бўлса, юкори даражада тебранишлар хосил бўлса, ишлаганда металлни урилиши овози чиккан холатларда хам электродвигател таъмирланади. Насос агргатини скважинадан кўтариб олишдан олдин электр токи ўчирилади, ток ўтказадиган кабел бошкариш станциясидан ва таянч тирсак магистрал кувурдан узилади. Ундан кейин агрегат сув кўтарувчи кувур коллонаси билан бирга кўтариб олинади. Агар бир мартада уларни чиказишни иложи бўлмаси, бўлиб чикарилади. Агрегат кўтарилаётганда кабел барабан (галтак) га ўраб олинади. Насос агрегати кувурдан узилади, электродвигателдан сув тўкиб ташланади, кисман ечиб чикилади, юкори емирилишга эга деталлар алмаштирилади ва агрегат кайта йигилади. Йигишда насос роторининг ўкий эркин юришини тартибга солувчи шайба ёрдамида белгиланади. Насос жихозларини консервацияга кўйиш уни саклаш ва транспортировка килишидан иборат. Насос жихозлари туширилаётганда буюмлар ва ўраб турувчи копламаси (упаковка) бутунлиги таъминланиши зарур. Жихозлар ёпик омборхоналарда сакланади.

Тартибга солиш узеллари, электр жихозлар, подшипникларни, резинали ва лигнофол тўшамаларини иситиладиган харорати +10…35 0 С бўлган, нисбий намлиги 70% юкори бўлмаган биноларда сакланиши керак. Ёрдамчи тизимларни ишлатиш Ёрдамчи тизимлар ва жихозлар асосий жихозлар ва насос станцияси узели иншоотларини нормал ишлатилишини таъминлайди. Ёрдамчи тизимларни ишлатишга тайёрлаш асосий жихозларда олиб бориладиган ишга тушириш ишлари билан бирга ўтказилади. Ёрдамчи жихозлар ишга туширилишидан олдин ишлатиш бўйича кўрсатмаларга мувофик текшириб чикилади ва синаб кўрилади. Вакуум – насос тизими сўрувчи кувур ва насосни ўзини 3…6 мин давомида (10…15 мин.дан кўп бўлмаган) сув билан таъминлаб туриши керак. Вакуум тизим агрегатлари ва беркитувчи арматураси насос станциясини автоматизация килишнинг умумий схемаси ичида ишлаб, унинг схемасида бузўк вакуум насосни ўзиб кўйиш ва асосий насос агрегатини захирадагисига кайта улаш ёки кўшни вакуум – насосни кўшиш имкониятлари назарга олинган бўлади. Асосий насосларни тўлдиришни вакуум – козон ёрдамида амалга ошириш тавсия килинади. Вакуум – козонга вакуум – насос ва асосий агрегатлар уланган бўлади, унда сувнинг маълум бир сатхи ва босими автоматик равишда ушлаб турилади. Сатх тушганда бир ёки икки вакуум – насос ишга тушади. Циркуляция килинадиган бачок тўйинтирувчи тизим (техник сув таъминоти тизими ёки босимли кувур) дан, вакт релесидан автоматик равишда, ишлайдиган вентил ёрдамида тўлдирилади. Вакуум – тизим ишлатилаётганда автоматика асбобларининг холати, циркуляция килинадига бачокка узатилаётган сувнинг тозалиги, кувур тизимининг тозалиги ва ўтказувчанлигини мунтазам кузатиб борилиши зарур бўлади. Ифлосланган сув узатилганда бачок – сув тиндиргич ишга туширилиши лозим, ундан сув ўз окими билан вакуум – тизимнинг циркуляция килинадиган бачогига келиб тушади.

Асосий насос агрегатларини вакуум – тизим ёрдамида ишга тушириш, коидаси, кетма- кет кайта улайдиган арматура ёрдамида амалга оширилади. Техник сув таъминоти тизими электродвигателлар, кучлантирувчи трансформатоорлар ёг ванналарини совутиш учун вакуум – насосга, сув билан мойланадиган подшипник ва подпятникга совутиш ва мойлашга сув беришни таъминлайди, насос агрегатлари ишга тушишидан олдин ишга тушади. Совутиш тизимининг фаолияти (иши) окимни назорат килувчи реле ва харорат датчиклари томонидан назорат килинади. Подшипник ва подпятникларни совутиш ва мойлашдаги сувнинг босими ва сарфи жихозларни тайёрловчи – заводларнинг талаблари асосида тартибга солинади. Техник сув таъминоти учун сув техник тоза, суспензиясиз бўлиши ва харорати + 25 0 С дан кўп бўлмаган хамда + 1 0 С дан кам бўлмаслиги керак. Техник сув таъминоти тизими ишлатилаётганда, мойлашга сув бериш тўхтатилганда, насос агрегатини ўчирувчи автоматик курилма мунтазам текширилиб турилиши, бачоклар, сув тиндиргичлар фильтрлари ювилиб турилиши лозим. Тирик кесими 25% ифлосланган фильтр тўри оркали сувни харакат тезлиги 0,05…0,10 м/с, фильтрда босимнинг фарки 0,02…0,03 МПа. Техник сув таъминоти тизими, кувурларини дрейсеналар ва коррозия билан ўсишидан химоялаш учун, уларда оким тезлиги 2,5 м/с гача ушланади, тескари ювиш ва механик тозалаш имконияти яратилади. Ёг хўжалиги тизими насослар ва электродвигателларни ёг билан таъминлашга, ишлатилган ёгни йигиш ва регенерация (ишлатилган ёгни кайтадан ишлатиладиган) килишга хизмат килади хамда у махсус кўрсатма(коида)лар талабларига, мувофик эксплуатация килинади. Ёгни тозалаш ва регенерация килиш марказлашган холда ташкил этилиши мумкин. Ёгнинг маркаси ва сорти, сарф килиш меъёри, алмаштириш муддати ва кимёвий назорат килиниб борилиши, ўрнатилган жихозларнинг заводлардан олинган, ишлатиш бўйича кўрсатмаларида берилган бўлади.

Ёгни захираси куйидаги меъёрлар билан белгиланади: - машина ёги – хар бир кўлланиладиган маркасидан ёг тизими кўшимча идиши хажмидан кам бўлмаган хажмда энг катта агрегатнинг 45 кунлик истеъмол ўлчамида кушимча кўйишни хисобга олиб; - трансформатор ёги – электр жихозларга куйиладиган микдорида камида 1% кўшимча куйишни хисобга олиб энг катта ёг улагич идиши хажмидан кам бўлмаган микдорда; - ёрдамчи жихозлар учун мойлаш материаллари – камида 45 кунлик истеъмол хажмида. Тартибга солиш тизимларидаги ёгнинг микдори тахминан куйидаги хажмлар билан характерланади: ёг – босимли курилма МНУ – 4 тизимида – 6…8 м 3 , ёг – босимли МНУ – 7 курилма тизимида – 8…10 м 3 . Электродвигателлар ёг ванналарининг хажмлари куйидагича бўлади: Кувват, кВт . 300 500…800 1500 3000 5000 7500 Ёг хажми, м 3 0,16 0,19 0,40 0,71 1,15 1,15 Ёглаш тизимидаги ёгнинг сарфи 10.5 ва 10.6 – жадвалларда берилади Подшипникларни мойлаш сарфлари, г/соат Валнинг диаметр, мм Мойлаш тури Ёг конситенция 100…250 1,5 0,5 250…500 2,5 0,9

Электродвигателларни мойлаш сарфлари, кг/йил Электродвигател куввати, кВт Мойлаш тури халкали ёгли Мойли тўлдирувчи 10000 гача 6,0 10,0 0,3 10000…20000 8,6 11,2 0,6 Насос станциясига келиб тушадиган янги ёг паспортга эга бўлиши ва кўрсатмаларга мувофик (ёпишкоклик, кислоталик сони, сувни ўзига тортиш реакцияси, ёниш харорати, тиниклиги ва механик аралашмалари) текширувидан ўтказилиши лозим. Цистернадан куйиб олинган ёг тозалаш ва сув кочирилиши (обезвоживание) дан ўтиши, захирада бўлгани эса куйишдан олдин кискартирилган тахлилдан ўтказилиши лозим. Тизимдаги ёг уч ойга бир марта таркибида механик аралашма ва сув бор – йўклигига текширилиб кўрилади. Насос агрегати ишлатиб кўришга биринчи марта синалгандан сўнг тизимидаги ёг тўкиб олиниши ва янгисига ёки тозаланганига алмаштирилиши лозим. Мойлаш ва тартибга солиш тизимларидаги ёгнинг ишлаш муддати мос равишда 500…800 ва 12000…15000 иш соатидан ошмаслиги лозим. Ёг тизими паст хароратли шароитда ишлатилганда ёг 10 0 С гача киздирилиши керак. Стационар ёг ўтказгичлар, ишламай турганда,у ортикча босим остида ёг билан тўлдирилиб кўйилган бўлиши керак. Насос агрегатлари ёг тизимидан ёгни сизиб чикишига йўл кўйилмайди. Дренаж ва куритиш тизимлари сўрувчи кувурлар, сув ташлама галереялар, таъмирлаш пайтидаги кувурлардан дренаж (йигувчи) кудукга тушиб тўпланган сувни чиказиб ташлашга хизмат килади, улар хар доим ишга тайёр туриши ва электр энергияси билан таъминланиши зарур. Алохида дренаж ва куритиш тизими курилган бўлса (бу хўл камераси ёки сўрувчи кувурли хажми 250 м 3 дан кўп насос танциялари учун йўл кўйилади) ва дренаж кудугини авария холатида бўшатиш зарур бўлганда, улар куритиш насослари ўрнатилган йигувчи кудукга бирлаштирилади, ёки ишлаб турган насослар сўрувчи кувурига туташтирилади. Дренаж ва дренаж – куритиш

тизими насослари дренаж (йигувчи) кудукга ўрнатилган сатх датчиклари сигнали бўйича автоматик равишда ишга туширилади ёки тўхтатилади. Дренаж насосларини автоматик бошкарувининг барча асбоблари ва насосларни ўзлари мунтазам кузатиб борилади, ишлатиб текширилиб кўрилади. Дренаж тизими кувурлари, кудуклар, гелереялар ва бошка элементлар вакти – вакти билан ифлослик, кўким ва балчикдан тозаланиб туриши, беркитувчи арматураси ревизия килиниб борилиши ва лозим бўлганда таъмирланиши лозим. Ёнгинни ўчириш тизими хар доим ишга туширишга тайёр туриши керак. Унда камида 2 насос агрегати назарда тутилади, улардан бири захира насос агрегати хисобланади. Ёнгин насослари хар куни 5…10 мин иштилиб текширилиб кўрилади. Ёнгинни ўчириш тизимининг барча жихозари – насослар, кувурлар, беркитувчи арматуралар, гидрантлар кизил рангга буяб кўйилади. Ёнгинни ўчиришга: ташки ёнгинни ўчиришга – икки струйка 5 л/с сарф билан, ички ёнгинни ўчиришга – асосий бино учун икки струйка 2,5 л/с сарф билан ва бир струйка худди шундай сарф билан ёрдамчи бинолар учун сув берилади. Ёнгинни ўчирувчи насослар том устидан камида 12 м напор хосил кила оладиган бўлиши керак. Ёнгинни ўчирувчи тизими йўк биноларда кўпикли ёнгин ўчиргичлар ўрнатилади, улар сони хар бир 100 кВт гача бўлган электродвигател учун 2 та, катта кувватли электродвигателлар ва хар бир куввати 200 кВт гача бўлган ёнув двигателига 3 тадан белгиланади. Хаво алмаштириш ва иситиш курилмалари эксплуатация хизмати ва жихозларни самарали ишлаши учун мўътадил шароит яратади. Кишда ишлаб чикариш биноларида хаво харорати +5 0 С дан, одамлар ишлаётган биноларда эса +16 0 С дан пастга тушмаслиги керак. Электрик машиналар ва электротехник жихозларни саклаш учун бинолардаги хавонинг энг кулай намлиги 40…60% бўлиши лозим.

Насос станцияси ишлаб чикариш бинолари электродвигателлардан чиккан иссиклик билан иситилади, насослар таъмирлашда бўлган даврда эса электр иситгич асбоблар ёрдамида иситилади. Ёг хўжалиги ва аккумулятор хоналарида иситишга рухсат берилмайди. Ишлаб чикариш биноларининг хаво алмаштириш тизими, хаво окиб келадиган – сўриб чикариладиган килинади. Хаво алмаштириш ва иситиш тизимини ишга тушириш ва ишдан тўхтатиш бинодаги хаво хароратига караб автоматик равишда амалга оширилади. Вентилятор ва иситувчи асбобларга техник хизмат кўрсатиш уларнинг паспортлари (кўрсатмалари) га мувофик бажарилади. Вентиляторларга каров подшипникларини кизишини текшириб бориш (2…3 ойга бир марта), ёгини алмаштириш (6…8 ойга бир марта), ишдан чиккан подшипникларни алмаштириш, асбобларни тозалаш каби ишлардан иборат. Пневматик жихозлар пневматик асбоб, электродвигател ўрамаларини хаво юбориб тозалаш, фильтрлар тўрларини, ёг – босимли курилма, ёг – хаволи козонларини, катта кувватли электродвигателларни тормозлари, кўким ушлаб колувчи панжараларни тозалаш учун сикилган хаво беришни таъминлайди. Компрессорлар ишлатилаётганда уни ёг билан тўгри тўлдирилиши ва сифатли мойланиши, совутилишига сув сарфи, эхтиёт килиш клапанлари, заземление килинганлиги, автоматики тизимини кузатиб бориш керак. Пневматик тизимининг барча элементлари иш туширилишдан олдин номинал (белгиланган) босимнинг 1,5 марта кўп кийматида синаб курилиши, предохранител клапанлари ва релелар ростланган хамда пломбаланган бўлиши керак. Юк кўтариш – транспортлаш жихозлари жихозларни ташиш ва монтаж килиш, затворлар, панжаралар ва ш.ў. лар кўтариш учун ишлатилади. Ишга туширилишдан олдин улар рўйхатдан ўтказилган ва техник шаходатланган бўлиши керак. Юк кўтариш – транспортлаш жихозлари ишлатилаётганда барабанлар, катоклар, блокларнинг кўзгалмас ўки ишончли мустахкамланган, болтли, понали ва бошка бирикмалари ўз - ўзидан бўшаб кетиши устидан кузатиб борилади, пўлат арконларнинг бутунлиги

текширилади, мунтазам ишкаланиб турадиган кисмлари мойланади ва ш.. ишлар амалга оширилиб борилади. Юк кўтариш – транспортлаш жихозларини юкланишини ошиб кетишига йўл кўйилмайди. Кувур арматуралари беркитиш, ростлаш ва зарбага карши функцияларни бажаради. Кувур арматураларига хизмат кўрсатилаётганда сальникли болтлар (шпильки) ўз вактида тортилиб турилиши, шпинделлар ташки разбалари ифлосликлардан тозаланиши ва мойланиши, ташки сирти бўялган бўлиши керак. Таъмирлашдан сўнг арматуралар герметикликка синаб кўрилади: жойидан олингани иш босимининг 1,25 кийматига, жойида таъмирланадигани иш босимига саналади. Задвижкалар хар чоракда камида 1 марта ёпиш зичлигига текширилади, йилига бир марта ювиб тозаланади, 5 йилга камида бир марта таъмирлаш учун очилади.

Адабиётлар: 1. Алтунин В.С. Мелиоративные каналы в земляных руслах. – М.: Колос, 1979. – 256 с. 2. Алтунин С.Т. Водозаборные узлы и водохранилища. –М.: Колос, 1964, - 431. 3. Артамонов К.Ф. Регулировочные сооружения при водозаборе на реках в предгорных районах. Фрунзе, изд. АН Киргизистан, 1965, - 344 с. 4. Астафьев В.А., Барков Н.К. Гидротурбины и их обслуживание. –М.; -Л, «Энергия», 1965. – 352 с. с ил. 5. Ачкасов Г.П., Иванов Е.С. Технология и организация ремонта мелиоративных гидротехнических сооружений. – М.: Колос, 1984. – 174 с. 6. Bakiy е v M ., Nosirov B ., Xajaqulov R . Gidrotexnika inshootlari , O ’ quv qo ’ llanma . T . O ’ M Ќ TM ., «В ilim » nashriyoti , 2004. – 264 в. 7. Бакиев М.Р., Янгиев А.А., Кодиров О. Гидротехника иншоотлари. Дарёнинг тоголди кисмларида тўгонли паст босимли сув олиш иншоотлари бўгинини лойихалаштириш бўйича ўкув кўлланма.Т.: «Фан», 2002, - 139 б. 8. Бакиев М.Р., Турсунов Т.Н., Икрамов Н.М. О неблагоприятных гидравлических процессах, происходящих на крупных насосных станциях. Ракурсы инноваций. Сб. научн. и методич. трудов. СПб, СПбГПУ, 2006, с. 40-44.

Похожие

ГЭСлар жихозлари ва ёрдамчи тизимларини ишлатиш

Асосий ва ёрдамчи жихозлар деталлари ва узелларини ейилиши

Сув ўтказгич иншоотлар ва улардаги гидромеханик жихозларни ишлатиш

Сув ташлама сув олувчи иншоотлар сув тиндиргичлар магистрал каналларни реконструкция килиш хусусиятлари

ГЭСларни ишлатишни ташкил этиш