Композитор Сайфи Жалилнинг (1932-2003) ҳаёти ва ижоди - Искусство - Рефераты

Композитор Сайфи Жалилнинг (1932-2003) ҳаёти ва ижоди

Загружено в:

20.09.2019

Скачано:

0

Размер:

48 KB

Композитор Сайфи Жалилнинг (1932-2003) ҳаёти ва ижоди Режа: 1. Композиторнинг ёшлик ва ва талабалик йиллари. 2. Сайфи Жалилнинг вокал ижоди. 3. Сайфи Жалилнинг фортепиано ижоди. 4. Композиторнинг опера ва балет ижоди. 5. Композиторнинг симфония ижоди 6. Сайфи Жалилнинг мусиқали драма ижоди.

Ўзбекистон халқ артисти, Республика Давлат мукофоти совриндори, профессор Сайфи Жалилов (тахаллуси Сайфи Жалил) замонавий ўзбек мусиқа маданиятининг ривожланишига салмоқли ҳисса қўшган. У лирик қўшиқ ва романс, мусиқали дра ма ва комедия, опера, симфоник, вокал - симфоник ва бошқа жан рларда яратган асарлари билан эл - юрт назарига тушган, халқ меҳрини қозонган атоқли ижодкордир. Бўлажак композитор Самарқанд шаҳрида 1932 йил 20 июнда зардўз Ҳожи Жалил Холмуродов оиласида туғилди. Бу оила 1935 йили Тошкентга кўчиб ўтади. Сайфи Жалил 1939 йилдан умумтаълим мактабида ўқийди. 7 - синфни тугатиб, Тошкент шаҳар матбаа - ҳунар мактабида ўқишини давом эттириб, айни пайтда республика ўқувчилар са ройида ташкил топган ҳаваскорлик мусиқа тўгарагига қатна шади. Бу ерда ғижжакда, кейинчалик мусиқа мактабида гобой чалишни ўрганади. Болалар симфоник оркестрига қатнашади. Профессионал мусиқа санъатини эгаллаш мақсадида Сай фи Жалил 1948 йилда Ҳамза номидаги Тошкент мусиқа билим юртига киради. Бу даргоҳда у бир йўла икки ИХТИСОСЛИК бўйи ча, аввал ғижжак синфида С. Габриeлянц ва М. Асиловда, бир йилдан сўнг композиторлик бўйича Б. Ф. Гиенкода таълим ола ди. Ёш С. Жалил 1949 йили М. қориёқубов номидаги ўзбек дав лат филармонияси қошидаги ўзбек халқ чолғулари оркестри га ғижжакчи бўлиб ишга киради. Мазкур жамоада у ижрочи лик билан бирга ижод қилиб, ўзбек шоирларининг шеърларига қўшиқ ва ашулалар басталай бошлайди. Унинг бахтига шу оркестр концерт дастурларида Ҳалима Носирова, Саодат Қо булова, Коммуна Исмоилова, Клара Жалиловалар ҳам қатна шар эдилар. Сайфиддиннинг лирик қўшиқларини улар мо ҳирона ижро этишганда томошабинлар қизғин кутиб олишар ди. Жумладан, «Эй ёр, хуш келибсиз» (Ҳамза сўзи), «Келма са - келмасун нетай» (Завқий сўзи), «Сенга бир гап айтаман» (П. Мўмин сўзи), «Тўйга келдик, тўйларингиз муборак» (У. Ра шид сўзи), «Хону васлинг» (Атойи сўзи), «Пари рўйим» (Фурқ ат сўзи) каби

қўшиқлар Ҳалима Носирова ижросида элга та нилди. Ҳалимахоним Ҳиндистон, Покистон, Хитой, Албания ва араб мамлакатларида бўлган сафарлари чоғида ўрганиб келган халқ қўшиқларини С. Жалил қайта ишлаб, оркестр учун партитурасини тайёрлаб берар эди. Йиллар давомида С. Жа лил анъанавий услубда, мумтоз ва замондош шоирлар шеър ларига кўплаб қўшиқ ва романслар яратди. Масалан, унинг «Кечалар юлдуз санаб», «Ватанимга қўшиқлар айтай» (З. О бидов сўзи), «Кўзим тушди ўша оҳуга» (М. Каримов сўзи), «Ноз этма» (Чустий сўзи), «Куйида», «Ўзингсан» (Я. Қурбон сўзи), «Бенаво қилдинг мени» (Атойи сўзи), «Тош қизлари» (Тўлқин шеъри), «Боғ кўчада» (Ғ. Ғулом сўзи), «Ойдин кеча лар» (Уйғун сўзи), «Биринчи ваъда», «Қор ёғар» (Т. Тўла шеъ ри), «Оташ қалблар» (Э. Воҳидов сўзи) замонавий қўшиқчи лик санъатимизни бойитди. 1952 йили Сайфи Жалил мусиқа билим юртини ўзбек халқ чолғулари ва 1953 йилда композиция бўйича битириб, қадрдон оркестрида ғижжакчи - концертмейстер, кейинчалик дирижёр бўлиб ишлади. Бастакорлик профессионал маҳорати етарли эмас лигини сезиб, 1959 йили Тошкент давлат консерваторияси ком позиторлик факултетига ўқишга киради. У дастлаб Б. Надеж дин синфида, сўнгра Б. Ф. Гиенкодан композициядан, А. Ф. Коз ловскийдан чолғулаштириш бўйича таълим олади. Сайфи Жалил консерваторияни 1967 йилда симфоник увер тюра диплом иши билан тугатгач, турли жанр ва мавзуларда миллий асосдаги асарлар ярата бошлади. У қўшиқ қаторида мусиқ али драма, комедия, опера, кино мусиқаси ва бошқа мурак аб шакл ва жанрларда асарлар яратди. Унинг 1967 йилда «Тош кент манзаралари» 5 қисмли дастурли симфоник сюитаси маз мундорлиги, жозибадорлиги ва миллийлиги билан тингловчининг қ албини ўзига тортди, бундай ижодий ютуқлар бошқа симфоник асарларида ҳам сезиларлидир. Лирик туйғуларга бой скрипка ва симфоник оркестр учун концерти (1971 й.) виолончел ва симфо ник оркестр учун концерти (1975 й.), «Самарқанднома» номли биринчи симфонияси (1977 й.) тўрт қисмли иккинчи симфонияси ва камер симфониялари унга катта шуҳрат келтирди. С. Жалил нинг скрипка учун «Ғазал» куйи, скрипка

ва фортепиано учун «Экспромт» пъесаси, камер оркестри учун тўрт қисмли сюитаси, иккита уч қисмли торли квартети, скрипка ва виолончелчилар унисон ансамбли учун «Лирик вальс»и, яккахон ва симфоник оркестр учун «Мажнун монологи», симфоник оркестр учун «Хо реографик сюита»си, «Муҳаббат синови» (К. Фридланд либреттоси) хореография фрескаси (1987 й,) М. Турғунбоева номидаги «Баҳор» рақс ансамбли учун рақс куйлари, Ғ. Тошматов номи даги «Дуторчилар» ансамбли учун қўшиқлар, ўзбек композитор лари орасида биринчилардан бўлиб, орган учун бир нечта пъеса лари эътиборга сазовор. Фортепиано учун Амир Темурнинг 660 йиллига атаб саккиз қисмли «Темур дарвозаси», «Юлдузли ос мон», «Қўшиқ», «Ой шуъласи», «Само»ларнинг шиддатли авжи, энг юқори нуқтаси, еттинчиси «Фикр» ва охиргиси «Токката» номли миниатюра (1996 й.) басталади. Жўрсиз хор учун «Тароналар», «Концерт», Б.Бойкобилов шеърига «Тўрт сонет» номли қўшиқлар туркуми ва кўғирчок театрида саҳналаштирилган «Фарҳод ва Ширин» (И. Ёқубов инсценировкаси), «Ширмон бу лоқ» (М. Нурмуаммад пъесаси) ва «Качал полвон» (Ш. Саъдул ла пъесаси) мусиқасининг муаллифидир. 1967 йили М. Карим билан ҳамкорликда «Қалам қошлигим» илк мусиқали драмасини яратганидан сўнг ўша йили «Тўлин ой» (Ғ. Жаҳонгиров ва Ж. Исомиддиновлар пъесаси) пайдо бўлди. Алишер Навоий юбилейига атаб Юнус Ражабий билан ҳамкор ликда «Алишер Навоий Астрободда» (И. Муҳамедов пъесаси) номли мусиқали драмаси саҳна юзини кўрди. 1971 йили эса «Лақ ма» (Уйғун пъесаси) номли мусиқали комедияси томошабинлар га тақдим этилди. 1973 йили Фарғона театрида «Анвар ва Раъ но» (Ё. Мирзо пъесаси) мусиқали драмаси саҳнага қўйилди. 1974 йили Андижон театрида «Тонг қизи» (Р. Сафаров ва С. Исмои ловлар пъесаси) мусиқали драмаси саҳналаштирилди. «Юлдуз жамоли» (С. Азимов пъесаси) мусиқали драмаси (1984), «Шай тон муридлари» (О. Юсупов пъесаси) мусиқали комедияси; 1984 й. «Кампир кетармиш» (Я. Худойкулов) мусиқали комедияси; 1988 - 1989 йил «Заҳарли ҳаёт» пъесаси) мусиқали драмаси 1986 йилда. Алишер Навоий номидаги Ўзбекистон давлат катта ака демик опера ва балет театрида «Зебунисо» (Уйғун либреттоси) операси

саҳналаштирилди. Мазкур театрда С. Жалилнинг 1987 йили яратган «Муҳаббатнома» балети ва болалар учун 1991 йили ёзилган «Маликаи айёр» операси томошабинларга ҳавола этил ган эди. Халқ чолғулари оркестри учун «Шодлик рақси», танбур ва оркестр учун «Қалбимда» куйи, оркестр учун «Юбилей марши», «Байрам марши», «Бинокорлар марши», най ва оркестр учун «Романс», сюиталар ва ўзбек мумтоз куйларини қайта ишлаб оркестрга мослаштирган. Композитор С. Жалил кинофильм, телефильм ва радиоспектак лларга ҳам мусиқа басталаган. Масалан: Ш. Рашидовнинг «Икки дил достони» радиоспектаклига ва «Қора кўзим» (Т. Косимова сценарийси) «О, муҳаббат» телепостановкаларига, «Азизахон» (реж. Муҳамедов) номли телефильмга, «Зулматни тарк этиб» (реж. Й. Аъзамов), «Ота васияти» (реж. Й. Аъзамов), бадиий фильмлари шулар жумласидан. Композитор 1967 йилдан буён Тошкент давлат консерваториясида муаллимликдан кафедра мудири, профессор лавозим ларига қадар бўлғуси ёш бастакорларга устозлик қилди. С. Жалил «Ўзбекистонда хизмат кўрсатган санъат арбоби» (1977 й.) ва «Ўзбекистон халқ артисти» фахрий унвонига, 1979 йили Республика Давлат мукофотига, «Эл - юрт ҳурмати» орденига сазовор бўлган, фахрий ёрлиқлар билан тақдирланган.

Адабиётлар: 1. Музыкально- энциклопедический словарь. Москва. 1990 г. 2. Ф.Кароматов. Вопросы музыкознания (материалы симпозиума) 1980 г. 3. А.Жабборов.Т.Соломонова.Композиторы и музыкове д ы Узбекистана.Ташкент. 1975. 4. А. Жабборов. Ўзбек бастакор ва мусиқашунослари. Тошкент.2004. 5. Ю.Ражабий. И. Акбаров. Ўзбек халқ мусиқаси тарихи, (Ўқитувчи). 1981 йил. 6. Т. Қиличев. Хоразм халқ театри. 7. Ўзбек халқ музикаси, VII том. Тошкент 1960 8. Ўзбек халқ музикаси, IV том. Тошкент 1960

Похожие

Композитор И. Акбаров ҳаёти ва ижоди (1921)

Композитор Хайри Изомов(1922) ҳаёти ва ижоди

Композитор М. Насимов ҳаёти ва ижоди (1914-1998)

Композитор Мухтор Ашрафийнинг (1912-1975) ҳаёти ва ижоди

Композитор Абдурахим Муҳамедовнинг ҳаёти ва ижоди.(1923-1980)