Ўсимликларни ҳимоя қилиш машиналари - Сельское и лесное хозяйство - Рефераты

Ўсимликларни ҳимоя қилиш машиналари

Загружено в:

20.09.2019

Скачано:

0

Размер:

819 KB

Ўсимликларни ҳимоя қилиш машиналари Режа: 1. Ўсимликларни ҳимоя қилиш машиналари. 2. Ўсимликларни зараркунандалар, касалликлар ва бегона ўтлардан ҳимоя қилиш усуллари ва агротехник талаблар. 3. Дорилагичлар, пуркагичлар, аэрозол-генераторларининг тузилиши, иш жараёни ва созламалари.

1. ЎСИМЛИКЛАРНИ ҲИМОЯ ҚИЛИШ МАШИНАЛАРИ Қишлоқ хўжалик зараркунанда ва касалликларига қарши курашиш учун ўрнатма, тиркалма ва елкага осиб ишлатадиган пуркагич-чанглагичлардан фойдаланилади. Замбуруг ва бактериал касалликлардан сақлаш учун уруғлар экишдан олдин махсус дорилагичлар билан дориланади. Суюқ препаратлар ўсимликка турли концентрациядаги аралашма, суспенция, эмульсия ёки экстрак холатида пуркалади. Кукун холидаги захарли дорилар чанглатиб сепилади. Чанглатиш бир мунча енгил бўлса-да, захарли моддалар сарфи 4 – 6 марта ортади. Кукун захарли моддаларнинг ўсимлик баргларига яхши ёпишиши ва узоқ ушланиб қолиши учун чанглаш вақтида дорилар сув ёки минерал ёғлар билан намланади. Маълум концентрацияли захарли дори аэрозол усулида сепилади. Бу усулнинг бошқа усулларга нисбатан афзаллиги шундаки, дори ўсимликларга текис ўтиради, кам мехнат сарфлаб, иш унуми юқори бўлади. Дорилар аэрозол усул билан пуркалганда генераторлар ёрдамида (термомеханик усулда) сунъий туман хосил қилинади, яъни суюқлик катта тезлик билан трубадан чиқувчи иссиқ хаво оқимида парчаланади. Парчаланган аралашма аппаратнинг соплосидан чиққанда тезкенгайиб, нисбатан совуқ ҳавода совийди ва туманга айланади. ПУРКАГИЧНИНГ ТЕХНОЛОГИК ИШ ЖАРАЁНИ Резервуар 4 суюқ гербицид билан қуйиш қурилмасидан фильтрли бўғиз б орқали ёки газ оқимли эжектор 5 орқали тўлдирилади. Пуркагичнинг иш жараёнида гидравлик аралаштиргич 7 билан доимий равишда аралаштирилиб туриладиган ишчи суюқлик очиқ уч йўлли кран 3 ва

фильтр 20 орқали насос 19 билан резервуардан сўрилади. Ҳайдайдиган магистралда суюқлик учта оқимга бўлинади. Суюқпикнинг оз қисми редукцион клапан 18 орқали, катта қисми ўтиш вентили 8 ва гидравлик аралаштиргичи 7 орқали резервуар 4 га қайтиб келади. Суюкликнинг асосий қисми ажратиш клапани 9 ва созланадиган вентил 16 орқали вентиляторли 10 ва 11 ёки штангали 13 ва 14 пуркагич қурилмаларига жўнатилади. Ҳаво оқими (вентиляторли пуркагичларда) ёки заррачаларии кинетик энергияси (штангали пуркагичларда) таъсирида 11 ва 13 учликлар билан пуркалган ишчи суюқлик ишлов бериш объектига етказилади. Ҳайдайдиган магистралда керакли босим редукцион клапан ёрдамида ўрнатилади. У насоснинг ва пуркаш қурилмасининг турига ҳамда ишлов бериладиган ўсимликка боғлиқ. Ишчи босим манометр 17 билан назорат қилинади. Гидроцилиндр 12 вентилятор 10 ии бураш учун хизмат қилади. Суюқликнинг сарфи дозатор 16 ёрдамида, чиқиш тешиги ҳар хил ўлчамли пуркаш дискларини ўрнатиш, тиқинларни ўрнатиш, яъни ишлайдиган учликлар сонини камайтириш ёки ҳайдайдиган магистралдаги ишчи босимни камайтириш орқали созланади. Ундан ташқари, бирлик юзага сарфланадиган ишчи суюқлик сарфини машина ҳаракати тезлигини ўзгартириб созлаш мумкин. Пуркагичлар қуйидаги агротехник талабларни қондириши керак: дори ўсимликларнинг ҳамма жойига етарли қалинликда сепилиши ва бир текисда қоплаши; ҳамма барглар яхшилаб дориланиши учун ўсимлик тупларига тагидан тепасигача бир текис сепилиши; пуркагич дориларни белгиланган миқдорда сарфлаб ва майда заррача шаклида тўзитиб пуркайдиган бўлиши; пуркагич ўсимлик тупларини зарарлантирмаслиги керак. Суюқ химикатларни пуркашда поршенли, плунженли, шестерняли, марказдан қочирма, диафрагмали ва сув насосларидан фойдаланилади.

Кукунсимон химикатларни чангитиш мосламаларидан икки тури: дала экинларига ишлов бериш учун тўғрига сепувчи ва боғларга ишлов бериш учун ён тамонлама сочувчи тўзиткичлар ишлатилади. биринчи холда захарли химикатлар трубопроводкалардан ўсимликларга юқоридан, иккинчи холда ўсимликнинг ён тамонидан пуркалади. Кенг қамровли брандспойтлар бута ва дарахтларнинг пастки қисмини, узоққа отар брандспойтлар баланд дарахт учларини дорилашда ишлатилади. 2. ЧАНГЛАГИЧ ВА ПУРКАГИЧЛАР ОВХ – 14 пуркагичи ғўза ва бошқа экинлар касалликларига қарши курашда ишлатилади. бундан ташқари ғўза баргларини тўктириш, тут дарахтларини, боғларни, бедапояларни, йўл ёқаларини дорилашда ҳам фойдаланилади. Машина Т-28Х4М тракторларига ўрнатилади. Кукунсимон қурук ёки намланган химикатларни сепиш учун пуркагич қўшимча равишда ОПХ-14 мосламаси билан жихозланади. ОВХ-14 пуркагич редуктор, насос, вентилятор, баклар, далабоп иш органлари (тўзитгичлари), юритиш механизми, брондспойтлар ва заправка қилиш (тўлдириш) қурилмасидан тузилган. Машинанинг пуркаш қисмига сўриш ва хайдаш (босим ҳосил қилиш) тармоқлари киради. Захарли дори эритмаси резервуардан сўрувчи тармоқ бўйлаб насосга келади. Бу тармоқ сўрувчи трубалар, жўмраклар ва филтрлардан тузилган. Захарли дори эритмаси насосдан хайдаш тармоғи бўйлаб тўзитувчи учликка боради. Ҳайдаш тармоғи сақлаш клапани, ҳаво қалпоғи, тақсимлаш жўмраги, босим регулятори, бирлаштирувчи шланглар ва гидравлик аралаштиригичлардан тузилган.

ЧАНГЛАТГИЧНИНГ ТЕХНОЛОГИК ИШ ЖАРАЁНИ и ш жараёнида бункердаги кукунсимон заҳарли модда айланадиган тўзитгич 3 билан узлуксиз юмшатилади ва сўнгра шнек 4 ёрдамида чиқиш тешигига узатилади. Узатувчи қурилманинг куракли ғалтаги 5 заҳарли моддани лоток орқали вентиляторнинг сўриш чизиғига туширади. У ҳаво билан вентиляторга сўрилади ва кучли ҳаво-чанг тўлқин кўринишида пуркаш қурилмаси орқали ташқарига чиқарилади. Оқимнинг йўналиши, яъни заҳарли модданинг қамраш кенглиги ва узатиш баландлиги гидроцилиндр 9 ёрдамида вентиляторни бураб созланади. Заҳарли модда сарфи дастак билан қопқоқ 10 га таъсир қилиб, бункер тубидаги чиқиш тешига ўлчамини ўзгартирилиб созланади. Машинада заҳарли химикатларнинг иш эритмаси учун иккита цилиндрик резервуар бор. Улар ўзаро ва сўрувчи жўмракка трубалар воситасида бирлаштирилади. Иш эритмасини қўшиш учун резервуарнинг юқори қисмида филтрли қопқоқ, эритмани тўкиб ташлаш учун бакларнинг пастки қисмида пробка билан беркитилган тешик бор. Ҳар бир резервуар ичида гидравлик аралаштиргич ўрнатилган. Суюқлик гидравлик аралаштиргичнинг соплоси орқали 1-1,5 МПа босим остида чиқариб резервуар ичидаги суюқликни аралаштирилади. Ўнг томондаги резервуарда гидравликавий аралаштиргичнинг жўмраги, тақсимлагич, суюқлик сатҳини кўрсаткич ва демпферли манометрлар бор. Икки томонлама ишлайдиган плунжерли насос иш эритмасини босим билан пурковчи учликка узатади. Бу насос резервуарлардаги гидравлик аралаштиргичларга ҳам суюқлик юборади, резервуарларни суюқлик билан тўлатади ва аралашма тайёрлашда ишлатилади. Насос цилиндрларининг устки қисмида ҳаво қалпоғи ва сақлаш клапани билан жиҳозланган ҳайдаш коллектори маҳкамланган. Цилиндрларнинг пастки қисмига филтр билан бирлаштирилган сўрувчи коллектор маҳкамланган. Насосни ишга тушириш учун редукторнинг ўнг томонда жойлашган, алмашлаб қўшиш валидаги даста олдинга силжитилади. Кулачокли механизм 400 айл/мин частота билан айланаётган эксцентрикли

валнинг айланма ҳаракатини насос плунжерларининг илгарилама-қайтма ҳаракатига ўзгартиради. Сақлаш клапани ҳайдаш тармоғида зарур босимни таъминлайди. Босим белгиланган даражадан ошганда суюқлик босим тизимидан автоматик равишда сўриш тизимига ўтади. Насосга мой қуйиши учун қопқоқли трубка ясалган, бу трубка бир вақтнинг ўзида декомпрессор вазифасини ўтайди. Насоснинг иш унуми 120 л/мин иш босими 2 МПа. Насосдан ҳайдаш тармоғига келаётган суюқликнинг тўлқинланишини сўндириш учун ҳаво қалпоғи пўлат баллон ўрнатилган. Унинг ички қисми насоснинг ҳайдаш йўлига бирлаштирилган. Вентилятор қопламаси ичида жойлашган паррак 3000 айл/мин частота билан айланади. Валнинг ташқи учида вентиляторнинг тўрт дона тасма билан ҳаракатга келтириш учун шкив ўрнатилган. Ҳаракат редукторининг етакчи шкивидан олинади. Вентилятор ҳосил қилган ҳаво оқимининг сопло учидаги тезлиги 80 м/сек , вентиляторнинг иш унуми 6000 м 3 соат . Ҳаво оқимининг йўналиши ўзгартирилганида вентилятор қопламаси станинага нисбатан 90 0 бўлиши мумкин. Вентилятор чиқарувчи дарчасига ишнинг турига қараб, дала ишлари ва боғ ишлари учун мўлжалланган иш органлари маҳкамланади. Агрегат бир ўтганда дарахтларнинг ярим қаторларидан иккитасини ёки йўлнинг икки ёқасини дорилайди. Иш органларининг юритувчи механизм пуркагични тебранма ҳаракатга келтиради ва аралаштиргичнинг валини ҳамда чанглаш мосламасининг таъминлаш валини айлантиради. Машина иш органларининг комплектида барабанга ўралган шлангли иккита брандспойт бор. Ҳар бир брандспойтга суюқлик тўзитувчи шайбалар тўплами қўшиб берилади. Брандспойтлар шланглар воситасида насоснинг босим йўлига бирлаштирилади. Концентрацияли заҳарли химикатлар резервуарларга заправка қурилмаси ёрдамида қуйилади. Химикатлар сув билан аралашиб машинанинг босим йўлига ўтади, сўнгра резервуарлардаги

гидравликавий аралаштиргичга боради. Ташқаридан ҳаво сўрилмаслиги учун трубанинг учини суюқликка тўла ботириш керак. ОПХ-14 чангловчи мослама Т-28Х4М тракторига пуркагич билан биргаликда ўрнатилади ва кукунсимон заҳарли дориларни қуруқлайин ёки намлаб сепади. Мослама бункернинг ён қия деворлари пўлат листдан ясалган. Бункернинг ички қисмида майдалагич ва горизонтал ўқда айланувчи таъминлагич (шнек) жойлашган. Таъминлагичнинг валида экувчи ғалтак бўлиб, ғалтакнинг остида ва бункер тубида тирқиш бор. Тирқишни даста билан силжитиладиган заслонка ёрдамида кўп-оз очиш мумкин. Таъминлагичли бункер кукунини дарча томон силжитиш ва белгиланган миқдорда вентиляторнинг трубасига узатиши учун хизмат қилади. АЭРОЗОЛ ГЕНЕРАТОРИ автомобил кузовида ёки трактор прицепига ўрнатила - ди. Генератор двигатель УД-2, компрессор 21, бензин горел-калари 1, 2, 3, 4, 5 ва 19, иссиқлик қувури 11, ёниш камераси 10, парчалаш қурилмаси 15, заҳарли модда резервуари 16 ва ёқилғи баки 7 дан иборат. АЭРОЗОЛ ГЕНЕРАТОРЛАРИ ТЕХНОЛОГИК ИШ ЖАРАЁНИ Термомеханик усулда фильтрлар 18 ва 22 да механик қўшимчалардан тозаланган атмосфера ҳавоси компрессор 21 билан ҳаво ўтказувчи кувур 20 бўйича 0,02 МПа босим остида ёниш камераси 10 га узатилди. Ҳайдалган ҳавонинг бир қисми горелканинг диффузори 4 га ўтади ва бак 7 дан узатилган бензинни парчалайди. Ҳаво ва бензиндан ҳосил бўлган ёқилғи қоришмаси шамча 19 уч-қунидан алангаланади ва камера 10 ва иссиқлик қувури 11 да 1000°С дан юқори температурада ёнади. Бу ерда ёниш маҳсу- лотлари камера бўғизи ва горелка диффузори орасидаги ҳалқасимон тирқиш

орқали ўтган ҳаво билан аралашади, натижада уларнинг температураси 380..580"С гача пасаяди. Ишчи конус найча бўғизи 14 орқали катта тезликда (250..300м/с) ўтган иссиқ газлар резервуар 16 дан пуркагич 15 га келган суюқ заҳарли моддани жуда кичик заррачаларга парчалайди. ОВХ-14 машинаси кенглиги 60-90 см ли қатор ораларида ишлайди: боғларда оралари 5-10 м бўлган дарахтларни дорилайди. Бир ўтишда кенглиги 60 см ли 20-24 қаторни, кенглиги 90 см бўлган 12-16 қаторни дорилайди. Резервуарларнинг умумий ҳажми 640 л, суюқлик сарфи 25-600 л /га, насоснинг иш унуми 135 л/мин , ҳимикат сепиш меъёрининг ростлаш чегараси 10-250 кг/га. ОПХ-14 чанглагич массаси 120 кг. Агрегатнинг иш тезлиги 6,58 км/с. Машинанинг иш унуми: ғўзаларга суюқ дори пуркалганда- 7,4 га/с, кукунсимон химикатлар чанглашда 7,2 га/с ; боғларга суюқ дори пуркашда- 3,5 га/с. Резервуарларга сув ёки эритма қуйиш учун филтрли шланг ҳовузга ташланади. Сўнгра сўрувчи ва тақсимловчи жўмраклар А («Заправка») ҳолатига ўтказилиб, насос ишга туширилади. Насосни ишга тушириш учун резервуарнинг филтрли бўғизи орқали 30-40 л сув қуйилади. Насос эритмани филтр, сўриш жумраги, тақсимлаш жўмраги ва вентил орқали 1-1,5 МПа босимда гидравлик аралаштиргичга юбориб, резервуарларни тўлдиради. Шунда сув химикат билан аралашади, эритма суспензиялар ёки эмульсиялар ҳосил бўлади. Босим тизимидан суюқлик босими 2,1 МПа дан ошиб кетса аралашма сақлаш клапани йўлига оқади. Вентел очилганда резервуарларга заправка қилиш қурилмаси орқали концентрацияланган суюқ химикатлар ўтади ва сув билан бирга резервуарларга ҳайдалади. Ўсимликка суюқ дори пуркалганда сўриш ва тақсимлаш жўмраклари Б- «Иш» ҳолатига ўтказилади. Бунда эритма резервуарлардан насос плунжерларга боради. Насос иш эритмасини тақсимлагич орқали юборади. Тақсимлагич орқали юборади. Тақсимлагич эритманинг бир қисмини гидравликли аралаштиргичларга, бошқа қисмини иш органининг тўзитувчи

учига юборади. Айни вақтда вентилятор ишга туширилади: вентилятор ҳосил қилган ҳаво оқими иш суюқлигини ўзига эргаштиради ва қўшимча равишда тўзитади. Эритманинг сарфи босим регулятори билан ростланади. Регуляторнинг чамбаракчасини бураб, винт ичкари киргизилса, сарфи ортади, очилса камаяди. Объектдаги иш турига қараб далабоп ёки боғларга мўлжалланган учликлар ишлатилади. Пахта далаларининг айрим қисмларини химикатлар билан пуркаш учун қўл брандспойтлар ишлатилади. Қўл брандспойтлар билан ишлаганда суюқликнинг иш органига узатилиши тўхтатилади. Бунинг учун таксимлаш жўмраги А- «Заправка» холатига ўтказилади. Зараркунандаларга қарши кураш ишлари химикатларни сақлаш, тайёрлаш керакли жойларга етказиш ва машиналарни заправка қилиш ишларига қўл жихатдан боғлиқ. Бу ишлар АПР «Темп» кўчма агрегати ёки стационар УПР – 15 қурилмаси билан бажарилади. Бир-биридан 2 – 3 км масофадаги далаларда ишлаш учун сувга яқин жойларда махсус заправка қилиш пункитлари қуриш лозим. Иш суюқликлари далада махсус майдончаларда (хавфсизлик қоидаларига риоя қилган холда) тайёрланади ва машинага қўйилади.оддий сувли эритма, суспенция ва эмульсияларни тайёрлашда пуркагичларнинг резурвуарлари ва гидравлик аралаштиргичларидан фойдаланилади. Агрегат далага кетаётганида кукунсимон дориларнинг зичлашиб қолмаслиги учун улар бевосита иш жойида заправка қилинади. Қуруқ химикатлар пуркагичларни ишлатиш олдидан ёпиқ идишларда ташиб келтирилади. Дориларнинг хажми бир кунлик меъёрдан ошмаслиги керак. Кукун дориларни намдан сақлаш лозим. ОПХ-28 чангитувчи мосламали АВХ-28 универсал пуркагич ғўза зараркунандалари ва касалликларига қарши химиявий ишлов беришга, ғўзани дефолиациялаш ва дисикациялашга, баъзи маданий экинларни орқадан ёки ён тамондан пуркаш учун мўлжалланган. Пуркагичдан ялписига гербицид сепиш оралари 60 ёки 90 см кенгликда чопиқ қилинадиган

экинларга ишлов бериш мумкин. Тут нихолларини дорилашда ҳам ишлатилади. МАШИНАНИНГ УМУМИЙ ТУЗИЛИШИ ВА ИШ ЖАРАЁНИ ОПХ-28 чангитувчи мосламали ОВХ-28 пуркагичи резервуар 2 ва уни кронштейн 1, сўриш 3 ва босим ҳосил қилиш магистрали 4, чангитувчи мослама 5, рама 6, вентилятор 7, иш органи 8, тебраниш юритмаси 9, фильтр 10, насос 11, редукторлар 12,13, шарнирли вал 14, ғилдирак суйрилари 15,16, сув идиши 17, сақлагичлар 18,19, вентиляторни қўшиш дастаси 20 лардан иборат. МАШИНАНИНГ ИШ ЖАРАЁНИДА Иш суюқлиги резервуар 16 дан сўриш шланглари 3 ва 15 орқали уч йўлакли жўмрак 5 ва фильтр 4 ҳамда насос 10 билан регулятор 13 га йўналтирилади. Суюқлик у ердан вентиляторнинг иш органи 8 га ўрнатилган пуркагичга узатилади. Вентилятор ҳосил қилган ҳаво оқими суюқликни майда заррачалар шаклида ўсимлик устига пукайди. Суюқликнинг бир қисми босим шланглари 14 орқали арплаштириш учун резервуарга юборилади. Айланма ҳаракат тракторнинг қувват олиш валидан шарнирли вал 14 воситасида редуктор 12 га узатилади. Бу айланма ҳаракат вентилятор 7 нинг тишли ғилдирагини ҳаракатга келтиради. Ғўзани қуруқ ёки намланган кукунсимон захарли химикатлар билан чанглашда ОВХ-28 пуркаш мосламаси билан биргаликда ишлатиладиган ОПХ- 28 чанглатгич мосламадан фойдаланилади. Мосламанинг тузилиши ва асосий йиғиш бирликлари. ОВХ-28 пуркагичи вентилятор, рама, редуктор, насос, червякли редуктор ҳамда уч йўлли жўмраги бўлган сўриш магистрали

ростлагичли хайдаш магистрали, кронштейнли иккита резервуар, шарнирли вал, иш органи, ғилдирак суйриси (обтекател) дан ташкил топган. Иш бошлашдан олдин резервуарларга сув ҳамда зарарли химикатларнинг қўр эритмаси қуйиб тўлдирилади. Пуркагични икки хил усулда: роторли насос ҳамда ёрдамчи хайдаб бериш агрегати билан тўлдириш мумкин. Роторли насос билан тўлдирилишда дастлаб резервуарларга 40 л сув қуйилади, бунда уч йиллик жўмрак дастасидаги стрелка «Иш» холатига келтирилиши керак. Олиш шлангининг филтрли ва клапанли учи ерга қўйилади, шундан кейин жўмракнинг дастаси «Шланкага тўлдириш» холатига буриб ишланг сув хавзасига жўмрак дастаси «Резервуарларни тўлдириш» холатига уланади; бунда босим регуляторини охиригача очиш, насосни улаш, вентиляторни тўхтатиб қўйиш, трактор ҚОВни улаш ва резервуарга сув қуйишни бошлаш зарур. Бу жараёнда манометр 0,2-0,3 МПа босимни кўрсатиши керак. Резервуарларга сув билан бир вақтда захарли химикатлар ҳам қўйилади. Резервуарлар тўлгандан кейин жўмрак «Иш» ҳолатига қўйилади. ОВХ-28 ПУРКАГИЧНИ АСОСИЙ ҚИСМЛАРИНИ ТУЗИЛИШИ РЕЗЕРВУАР ОВХ-28 пуркаш машинаси резервуарлари ишлатиладиган суюқликни сақлаш учун ҳизмат қилади. Ҳар бир резервуарнинг сиғими 315±10 л бўлиб, трактор рамаси лонжеронига маҳкамланган кронштейнларга ўрнатилган. Резервуарлар металл ёки пластмассадан тайёрланиши мумкин. Пластмасса резервуар цилиндрик корпус 2 дан иборат бўлиб, унинг ичига гидравлик аралаштиргич 7 ўрнатилган. Резервуарнинг юқори қисмида клапан жойлашган, у тўкиш қувури 1 билан бирга декомпрессор вазифасини ўтайди. Резервуар корпусининг юқори қисмида бўғиз бўлиб, у қопқоқ 2 ва зичлагич билан ёниб қўйилади. Ўнг томондаги резервуарнинг бўғизида фильтр 5

ўрнатилган бўлиб, у резервуарга қўйиладиган суюқликдаги ифлосликларни тутиб қолади. Резервуарлардан бирига сатҳ кўрсаткич 4 ўрнатилган. Резервуар орқа томони пастки қисмига фланец 8 маҳкамланган бўлиб, унга ўрнатилган штуцерларга сўриш ва босим ҳосил қилиш шланглари уланган. Иш жараёнида суюқлик пастки штуцер тешиги ҳамда сўриш шланглари орқали насоснинг сўриш системасига узатилади. Сўнгра суюқлик насос ҳосил қилган босим остида юқори штуцер орқали резервуарга келади ва гидроаралаштиргич 7 ёрдамида суюқлик аралашмаси аралаштирилади. ВЕНТИЛЯТОР ўрта босимли ҳаво оқими ҳосил қилиб, суюқликни ўсимликлар устига пуркаш учун хизмат қилади. Вентилятор корпуси 3 алюминийдан ясалган. У пастки 12 ва юқори 1 таянчларга болтлар 2,6 воситасида маҳкамланган. Корпус 3 нинг юқори ва пастки қисмидаги коллекторлар 13,14 ҳавони тортиб олиш учун хизмат қилади. Пастки таянч 12 подшипник корпуси 8 га болтлар ёрдамида маҳкамланган. Бу корпусда тишли ғилдирак 11 бўлиб, подшипник 7 да айланади. Шу корпусга ўрнатилган подшипник 9 вал 10 учун таянч бўлиб ҳизмат қилади. РОТОРЛИ НАСОС иш суюқлигини пуркаш учликларига узатиш ва уни резервуарда аралаштириш учун ҳизмат қилади. Роторли насос болтлар 4 ёрдамида ўзаро бириктирилган олдинги 1, ўрта 2 ва кетинги 3 корпуслардан иборат. Ротор 5 вал 6 га шпонка 7 ёрдамида ўрнатилган бўлиб, унга икки томонидан болтлар билан дисклар 8 ва 9 қотирилган.

Валнинг охирида шлица муфта 10 ўрнатилган бўлиб, у пружина 11 орқали уланади. Насос шохча 12 ёрдамида даста 13 орқали ажратилади. Роторда айланаси бўйича олтита ўйиқ бўлиб, уларда роликлар 14 жойлашган ва ротор корпуси ичида айланади. Ротор ўрта корпусга нисбатан эксцентрик жойлашган. ПУРКАГИЧ марказдан қочма икки томонлама пуркагич корпус 1, қопқоқлар 2 ва 3 дан тузилган. Қопқоқлар марказида тешиги бўлган конуссимон шайбалардан иборат. Қопқоқлар 2 ва 3 корпусга гайкали винталар 4 ёрдамида маҳкамланган. Пуркагич қопқоқлари 2 ва 3 ни конус томонини ичкарига қаратиб ўрнатилса суюқлик минимал даражада сарфланади. Бунда пуркаланётган томчилар ўлчами 75…150 мкм га тенг бўлади. Агар пуркагич қопқоқлари 2 ва 3 конуссимон томони билан ташқарига қаратиб ўрнатилса, суюқлик кўп сарфланади, пуркалаётган томчилар ўлчами 100…300 мкм га тенг бўлади. СЎРИШ МАГИСТРАЛИ Резервуар ва сув ҳавзасидаги суюқликни насосга узатиш учун ҳизмат қилади. Магистрал хомут 2 ёрдамида кронштейн 1 га махкамланган, у эса резервуарнинг ўнг кронштейнига иккита болт 7 воситасида қотириб қўйилган. Шланглар 3 ва 10 ни бир учи пуркагични резервуарига, иккинчи учи учлик 4 га туташтирилган. Учлик 4 муфта 5 ёрдамида уч йўлакли жўмракка бириктирилган. Уч йўлакли жўмрак корпус 11, тиқин 12 ҳамда даста 8 дан иборат. Тиқин «Шлангни тўлдириш», «Резервуарларни тўлдириш», «Иш» каби учта ҳолатда қўйилиши мумкин. Тиқин ҳолатини унинг мили 6 кўрсатиб туради. Корпусга иккита болт 13 билан маҳкамланган қопқоқ 14 тиқинни беркитиб турди ва

жўмрак тиқинининг ҳолатини кўрсатиб турувчи жадвални ҳам маҳкам тутиб туради. Уч йўлакли жўмракка сўриш шланги ва туташтириш шлангининг муфтаси 9 бириктирилган. ИШЧИ ОРГАН вентиляторнинг чиқиш тешигига болтлар билан қотирилади ва у корпус 3, ишчи суюқликни етказиб берувчи қувур 2 ва пуркаш учлиги 1 дан иборат. Ишчи орган юқори босимли марказдан қочма вентиляторнинг суюқликни узил-кесил парчалайдиган ва ўсимликка йўналтирадиган ҳаво оқимига керакли йўналиш ва тезликни бериш учун ҳизмат қилади. ОПХ-28 ЧАНГИТИШ МОСЛАМАСИ Юпқа пўлат тунукадан ясалган бункер 3, қопқоқ 2, резинадан ясалган зичлагич 1, кимёвий дорини миқдорлаш тешигига етказиб беришга мўлжалланган ғалтакли таъминлагич 7, тўсиқ 8, храповик 9, даста 10 лардан иборат. Таъминлагич валига ҳаракат редуктор орқали узатилади. Редукторнинг киритиш валига ўрнатилган юлдузчага ҳаракат машинанинг червякли редуктори чиқиш валига ўрнатилган юлдузчадан занжир ёрдамида узатилади. Бу занжирнинг таранглиги ролик ёрдамида ростланади. Бункернинг юқори қисмида тўрсимон филтр ўрнатилган бўлиб, у бункерга кукунсимон дорини солиш пайтида элаклайди. Иш бошлашдан олдин мосламага тўрсимон филтр орқали кукунсимон дори солинади. Иш жараёнида кукунсимон дори шнекли таъминлагич ёрдамида миқдорлаш тешигига олиб келинади. Миқдорлаш тирқиши катталиги тўсиқ ёрдамида ростланади. Тирқишдан ўтган кукунсимон дори вентилятор ёрдамида сўриб олиниб, ишлов берилаётган сиртларга йўналтирилади. Боғларда ишлатиш учун ОВТ – 1А, ОВТ-1В, ОВС-А тракторига тиркаб ишлатиладиган вентиляторли пуркагичлар ҳамда ОВХ-14, ОН-400-5 ва ОУМ-4 ўрнатма пуркагичлари тавсия қилинади. Мева

дарахтлари ва ток касалликлари ҳамда зараркунандаларига қарши курашда (кукинсимон захарли химикатларни чанглашда) ОПС-ЗОБ ва ОШУ-50 махсус машина чанглагичлар ишлатилади. Мева дарахлари ва бошқа экин зараркунандаларига қарши курашда пуркагичлар билан бирга АГ-УД-2,ОАН «Ракета» ва АПП-0,5 «Микрон» аэрозол аппаратлариҳам қўлланилади. Бу аппаратлар билан мева дарахтлари ва бошқа экинларга термомеханик усулда ҳосил қилинувчи захарли туман ёрдамида ишлов берилади. АПР «Темп» агрегати заҳарли эритмаларни тайёрлаш учун ишлатилади. Агрегат табиий ва сунъий сув ҳовузлари олдига ўрнатилади. Кўчма агрегат ҳисобланган АПР «ТЕМП» агрегати тракторнинг ҚОВдан ҳаракат олади. АПР агрегати асосан катта резервуар, эмульгатор, майдалагич, марказдан қочирма ва шестерняли насослар, сўрувчи ва итарувчи магистраллар ва узатмалардан иборат. Дорилагичлар. ПСШ-3,0 дорилагичи уруғларни қуруқ, намлаб ва ярим қуруқ дорилашда ишлатилади. Агерагат қуруқ химикатлар учун, бункер, суюқ химикатлар учун резервуар, қориштириш камераси ва шнекдан иборат. Қуруқ химикатлар бункери қотиб қолган химикатларни майдалаш ва бир хилда қориштириш камерасига узатиб туриш учун майдалагич билан таъминланган. Қуруқ химикатларни қориштириш камерасига тушишини дозатор билан созланади. Суюқ ўғитлар қориштириш камерасига вентил орқали юборилади. Суюқлик сарфи унинг сатҳига қарамасдан тенглаштириш трубкаси орқали созланади. Донларни қуруқ дорилашда қориштиргич камераси бир вақтнинг ўзида бункерлардан уруғ ва қуруқ химикатлар тушади. Қориштиргич камераси уруғларни химикатларга аралаштиради ва тўкиш бўғизига йўналтириб беради. Ярим қуруқ дорилашда қориштиргич камераси уруғ ва ҳимикатлар билан бир вақтда сув ҳам юборилади. Суюқлик химикатларни уруғларга

яхши ёпишишини таъминлайди ва атрофдаги ҳавонинг чангланишини камайтиради. Нам дорилар билан қотиштиришда уруғ билан фақат суюқ химикат юборилади. Дорилагич электродвигателдан харакат олади. ПС-10 дорилагич уруғларни намлаш дорилашда ишлатилади.

Фойдалани лган адабиётлар рўйхати 1. И.А.Каримов «Дехқончилик тараққиёти-фаровонлик манбаи». Тошкент., 1994 йил. 2. Э. Ойхўжаев, Х..Қўшназаров. «Қишлоқ хўжалик ишлаб чиқаришини механизациялаш», Тошкент., 1988 йил. 3. А.И.Комилов, Қ.А.Шарипов ва башқалар. Трактор ва автомобиллар. Тошкент «Талқин» 2003 й.(лотин алифбосида). 4. М. Шоумарова, Т.Абдуллаев «Қишлоқ хўжалик машиналари».Тошкент. «Ўқитувчи». 2002. 5. Ў.Қўчқаров. Олий ўқув юртларига «Трактор ва автомобиллар» фанидан агрономик мутахассислигига оид қўлланма. Тошкент 1997. 6. В.И Родичев., Г.И Родичева Трактор ва автомобиллар. Т.1984 й. 7. А. Гуревич, С. Сорокин «Трактор ва автомобиллар» Т. Ўқитувчи-1980 й. 8. Ф.М.Маматов «Қишлоқ хўжалик машиналари». Қарши. «Ўқитувчи». 2008.

Похожие

Ўсимликларни кимёвий ҳимоя қилиш фанига кириш

Ўсимликларни ҳимоялаш машиналари

Ўсимликларни ўсувини бошқарувчи моддалар.

Ўсимликларни ўсувини бошқарувчи моддалар.

Ўғитлаш машиналари