Пахтачиликдан фан ютуқлари ва илғорлар тажрибасини қўллаш. Пахта етиштиришни жадаллаштириш - Сельское и лесное хозяйство - Рефераты

Пахтачиликдан фан ютуқлари ва илғорлар тажрибасини қўллаш. Пахта етиштиришни жадаллаштириш

Загружено в:

20.09.2019

Скачано:

0

Размер:

82.5 KB

Пахтачиликдан фан ютуқлари ва илғорлар тажрибасини қўллаш. Пахта етиштиришни жадаллаштириш Режа: 1. Пахтачиликда фан ютуқлари ва илғорлар тажрибасини қўллаш 2. Пахта етиштиришни жадаллаштириш технологияси 3. Пахта хосилини етиштиришни режалаштириш

Пахтачиликни ривожлантиришда хозирги кунда чигитни плёнка остига экиш энг самарали усуллардан бири хисобланади. Бунда очиқ далага нисбатан чигит 20-25 кун эртароқ экилади. Ғўзанинг ўсиши, ривожланиши яхшиланади, хамда очиқ далага нисбатан хосилини 20-25 кун эртароқ теришга киришилади. Республикамизда 1999 йил 750 минг га ерга чигит плёнка остига экиш режалаштирилган. Бу усулдан ташқари Исроил технологияси бўйича пахта етиштириш хам энг самарали усуллардан хисобланади. Бу усул бўйича 1999 йил Тошкент вилоятининг Чиноз туманида 100 га, Сирдарё вилоятининг Оқ-олтин туманида 100 га Жиззах вилоятининг Жиззах туманида 100 га жами Республикамиз бўйича 300 га ерга чигит экилиб Исроил технологияси бўйича пахта етиштирилади. Бунда 100 га ер учун биттадан ховуз қурилган бўлиб ховузнинг бўйи 50 м эни 15 м ва чуқурлиги 2,5 м бўлиб ховузда сув тинитиб кейин насос ёрдамида трубалардан далага хайдалади. Трубалар даланинг хар 125 метридан энига 1,20 м чуқурликда ётқизилган бўлиб, хар бир трубадан хар 75 м жойда ер юзига чиқарилган. Чигит экилгандан кейин қатор ораларига 2 марта ишлов берилади. Кейин хар бир қаторга полиэтилин трубалар ётқизилади. Трубаларадан сув томчилаб ғўза тупи ёнига тушиб туради. Ғўзани ўғитлаш, хар хил касаллик ва зараркунандаларга қарши кураш ишлари суғориш билан бирга олиб борилади. Вегетация охирида ётқизилган полиэтилен трубалар тракторлар ёрдамида йиғиштирилиб олиниб, хосил машиналарда терилади. 1.Ғўзадан юқори хосил олишда хар бир ўтказилган тадбир ва чоралар мухим рол ўйнайди. Ёки аксинча ўтказилмаган ёки кечикиб ўтказилган тадбирлар хосилдорликнинг камайишига сабаб бўлади . Пахта етиштиришда асосий агротехник тадбирларнинг самарадорлиги № Агротехник тадбирлар % гаҒц

1 Кузги шудгор 9 3-7 2 Икки ярусли плуг билан хайдаш 8 2.5-3.0 3 Алмашлаб экиш 22 7-10 4 Гўнг солиш 16 5-7 5 Ғўзани ўсув даврида c уғориш дала нам сиғимига нисбатан 70-75-65% 30 5-15 6 Минерал ў ғ итлар солиш 60 21-23 7 Чигитни пуштага экиш 9 3-7 Пленка билан экиш 10-20 5-10 8 Чигитни капсулалаб экиш 8 2.5-3 9 Ғўза яганасини 2 та чинбарг чиқаргунча ўтказиш 12 3-5 10 Культивация 20 5-7 11 Чеканка 20 3-10 Хосилдорлик камаяди 65-107 15-10 1 Бегона ўтлар 30 5-15 2 Вилт 30 3-16 3 Зарарли хашоротлар 30 5-15 Бу жадвал маълумотларидан кўриниб турибдики , агар агротехник тадбирлар ўз вақтида ва сифатли ўтказилса пахтадан энг камида гектаридан 65 ц . хосил олиш мумкин . Пахта етиштиришда жадаллаштириш технологияси . Жадаллаштириш технологияси асосида юқори хосил ва сифатли махсулот етиштириш учун экилаётган навга талаб ва бериладиган агротехникалар ўз вақтида хамда юқори сифатли ўтказилиши керак . Талаблар қуйидагилар : 1. Навнинг пояси мустахкам бўлиб , ётиб қолмаслиги керак ; 2. Ўсимликларнинг асосий фазалари қисқа муддатларда ўтиши керак ; 3. Ўсимликларда ўртача биринчи августда 6-7 дона кўсак бўлиши керак ; 4.20-25 августда 4-5 та кўсак пишган бўлиши ва дефолиация ўтказилаётган бўлиши керак ; 5.8-10 сентябрдан бошлаб машина теримига тушиши керак. 6.1-2 теримда хосилнинг 80-85 % терилган бўлиши керак.

Жадаллаштириш технологиясида барча ишлар ўз вақтида ва сифатли амалга оширилса, мўл ва арзон пахта етиштиришга асос солинади. 1-Алмашлаб экиш. Ғўзадан юқори хосил олишда беданинг ахамияти жуда катта: 1.Уч йиллик беда бузилганда гектарига 300-500 кг биологик азот тўпланади; 2.Тузларнинг ер бетига кўтарилиши кескин камаяди; 3.Тупроқда гумус миқдори 20-30% кўпаяди; 4.Тупроқнинг физик ва биологик хусусиятлари яхшиланади; 5.Вилт касали билан касалланиши кескин камаяди; 6.Бегона ўтлар босиши хам 50 % га камаяди. Бедапояни 2 ярусли плугда 40 см чуқурликда хайдаш маъқул. Алмашлаб экиш жадаллаштириш технологияси самарадорлигини оширишда катта рол ўйнайди. Ерга ишлов бериш. 1.Октябр ойининг 2 ярмидан бошлаб кузги шудгор ўтказиш; а) 30-35 см чуқурликда предплужник билан; б) 40-45 см икки ярусли плуг билан ифлосланган ерларда; 2.Хайдаш олдидан вилт босган далалардан ғўзапояни томири билан олиб даладан чиқариб ташлаш, гектарига 30-40 т. гўнг, фосфорли ўғитнинг йиллик нормасидан 60-70 %, калий ўғитининг 50% солиш; 3.Пуштага экилиши керак бўлса, пуштани тайёрлаб қўйиш; 4.Эрта бахорда (феврал охиридан март ўрталаригача) пушталарни бороналаб унаётган бегона ўтларни қириб ташлаш ва пушта устидаги кесакни эгат ичига тушириш. Ерни мелиоратив холатини яхшилаш Ўзбекистонда суғориладиган ерларнинг ярмидан кўпи хар хил даражада шўрланган. 1.Хар гектар ер учун зовур узунлиги 35-50 м бўлиши мақсадга мувофиқдир;

2.Шўр ювишни қулай муддатларда ва сифатли ўтказиш; 3. Республикада очиқ, ёпиқ, горизонтал ва вертикал дренажлар мавжуд; 4.Республикамиз бўйича очиқ зовурларни ёпиқ зовурлар типига ўтказилса қўшимча яна 70-90 минг га ерга эга бўламиз; 5. Катта-катта поллардан кичик поллар олиниб ювилганда туз яхши ювилади ва фойдаси катта бўлади. Чигит экиш Жадаллаштириш технологиясининг энг мухим элементларидан бири ўз вақтида ва сифатли қилиб чигитни экиб олишдир.Тупроқнинг 10 см қатламида харорат 14-15 0 бўлганда 1 хафта ичида экиш мақсадга мувофиқдир. 1.Экиладиган чигит капсулалантирилган ва биостимуляторлар билан ишланган бўлиши керак. 2.Хар бир га ерга 25-30 кг чигит сарфланади. 3.Экишни ўғит бериш, гербицид сепиш билан ўтказиш. 4.Ерни шўрланмаган ёки енгил шўрланган ерларда туксиз чигитни гербицидсиз пуштага экиш. 5.Қатқалоққа қисқа вақтда қарши курашиш (1-3 кун). 6.Яганалашни тез ўтказиш (6-10 иш кунида ўтказиш.) 7.Тўлиқ кўчат қалинлигини таъминлаш . а) Сизот сувлари чуқур жойлашган бўз тупроқли ва шунингдек шўрланган ерларда 120-130 минг тўп б) Сизот сувлари ер бетига яқин шўрланмаган ўтлоқ ерларда 110-120 минг тўп. в) Унумдорлиги паст, шағал, қум, қумоқ ерларда 130-140 минг туп. «Нулевой» типидаги навлар учун юқоридагига муносиб равишда-130- 140 минг, 140-150 минг ва 160-170 минг га бўлади. Бутун дала бўйлаб ғўза кўчатларининг тўла бўлишига эришиш керак. Ғўза қатор ораларига ишлов бериш. 1.Кўчат тўлиқ униб чиқар-чиқмас қатор оралари культивация қилинади

2.Кўчатларни нобуд қилмасликка харакат қилиш. 3.Культивацияда қатор ораси 90 см ликда четки органлари 6-8,8-10 ва 6- 8 см чуқурликда, ўртадаги ишчи органлари эса 14-16 см, ғозпанжалари чуқурлиги эса 16-18 см ўрнатилади. Химоя зонаси эса шоналашга қадар 7,5-8 см кейинчалик эса 12-14 см бўлади. 60 см кенгликда эса: а) икки ён боши 6-8 см чуқурликда кейинчалик 8-10 см б) ғозпанжалари чуқурлиги 10-12 см кейинчалик 13-15 см в) химоя зона 10-12 см кейинчалик 12-14 см бўлади. Культивациядан кейин ўз вақтида ўтоқ қилиш катта ахамиятга эга. Ғўзанинг сув режими. Сувдан тежаб -тергаб фойдаланиш жуда катта ахамиятга эга. Суғориш нормалари ва муддатлари тупроқнинг механик таркиби, сизот сувининг жойлашиш чуқурлиги, иқлим шароити, нав хусусияти ва ривожланиш фазаларига боғлиқ. Мисол учун сизот сувлари чуқур жойлашган бўз ерларда суғориш сони 5-6 мартта бўлиб, суғориш нормаси тахминан қуйидагича: Механик таркиби оғир тупроқларда 1000-1100 м 3 ; ўртача тупроқларда 9000 м 3 , енгил тупроқларда 800-900 м 3 га бўлади. Суғоришда латоклар, букилувчан, ярим қаттиқ ва қаттиқ трубалар, зангламайдиган сифон найлар, суғориш коллекторларидан; КП-160, ТНП- 150,ТКП-90 типидаги суғориш агрегатларидан ва бошқалардан фойдаланиш пахта хосилини 2-4 цҒга, мехнат унумдорлигини 1,3-3.0 марта оширади, қўл мехнатини камайтириб сув сарфини 10-30 % тежайди. Ўғитлаш Олинадиган хосил кўп жихатдан ўғитлашга боғлиқ. Бир тонна ўрта толали пахта етиштириш учун ўсимлик 60 кг азот,50 кг калий, 20 кг фосфорни ўзлаштиради. «Нулёвка» типидаги ингичка толали ғўза навлари эса 10-15 % ортиқча ўғит истеъмол қилади.

Бўз тупроқли ерларда, гектаридан режадаги 35-40 ц. хосил олиш учун азотдан 300 кг, 40-45 ц хосил олиш учун эса 350 кг сарфлаш керак. Хар галги озиқлантиришда азот бериш нормаси 40-50 кг дан ошмаслиги керак. Азотли ўғитнинг йиллик нормаси бўлиб-бўлиб берилади: а) чигит экишга қадар 25-30% культиватор ўғитлагичлар ёрдамида ер бетидан 16-18 см чуқурликка; б) 8-10% чигит экиш билан экиш чизиғидан 5-7 см қочириб 12-15 см чуқурликка; қолган азот 2-3 марта бўлиб берилади. Фосфорли ўғит:а) 60-70% шудгорлаш олдидан, б) 10-15 % экиш билан, в) қолган қисми гуллаш даврида берилади. Калий ўғити а) 50% кўзда, б) 50% шоналай бошлаганда. Чеканка Пахта хосилини оширишда, тезроқ териб олишда керакли омиллардан бири чеканкадир. Чеканка ўтказиладиган муддатлар. Ғ ўза тури Кўчат сони минг Хосил шохи сони Кўчат сони мингҒга Хосил шохи сони Ўрта толали 100-120 15-16 130-140 13-14 Ингичка толали «Нол»типи 130-140 20-22 150-160 18-20 Такрорий чеканка аввалгисидан 7-10 кун кейин ўтказилади. ТУР препарати билан(гектарига300-400 гр.,400 л. сувда эритиб) қўл мехнатисиз чилпиш ўтказиш хам мумкин. Ғўза зараркунанда ва касалликларига қарши кураш 1.Алмашлаб экиш;

2.Хамма агротехникани ўз вақтида ўтказиш; 3.Икки ярусли плуг билан хайдаш; 4.Вилтга қарши ғўзапоялардан тозалаш; 5.Ерни шудгорлаш олдидан гектарига 100 кг 90 фоизли пентаклорнитробензол ёки 100-150 кг алгин, ўзгин сепиш керак. 6. Хашорот ва касалликлар пайдо бўлганлигини аниқлаш учун 15 майдан 1 сентябргача назоратчилар гурухи тузиш. 7.Интеграциялашган усулдан фойдаланиш. 8. Биологик кураш усулидан фойдаланиш. Машина терими Машина терими қўл мехнатини 25-30 марта қисқартади. ва ўтказилади. 1.Кўсакларнинг 55-60% очилганда 2) баргларнинг 80-85 % тўкилганда 3) иккинчи терим 1-чисидан кейин 10-15 кун кейин ёки қолган кўсакларнинг 20-25 % очилганда. 4. Уруғлик пахтанинг барги камида 85% тўкилиб кўсакларнинг 75-80 % очилганда бир марта икки ярусли пахта терадиган машиналарда терилади. 5. Ингичка толали пахта шпинделли машиналарда 3 марта терилади. 6. Кейин кўрак териш машинасида кўсаклар терилади. 7. Кейин подборшиклар теради. Пахта хосилини программалаштириш Хосилни режалаштириш усули ўз олдига табиий ресурслардан рационал фойдаланиш ва юқори хосил олиш учун технологик воситаларнинг ўсимликларга энг самарали таъсир кўрсатиши вазифасини қўювчи илмий хамда амалий усулдир. Хосилни режалаштириш дехқончилигимизнинг келажаги, далаларимизнинг махсулдорлигини ошириш ва моддий хамда мехнат ресурсларидан оқилона фойдаланиш масаласини хал қилиш билан боғлиқ бўлган янги муаммодир. Хосилни программалаштиришнинг 10 та илмий асоси бор.

1. Хосилни программалаштирилганда хар бир жойнинг об-хаво, иқлим шароитига боғлиқлигини хисобга олиш керак. 2.Хосилдорликни ўсимликларнинг фотосинтетик актив радиацияси (ФАР) ошириш йўли билан. Фотосинтез жараёнида 1 га ер бир кеча кундузда 150-300-1000 кг карбонат ангидрид газини ўзлаштиради. Ўсимлик бир кг қуруқ органик модда хосил қилиш учун ўрта хисобда 4000 к.кал. энергияни ўзлаштиради. Одам қуёш энергиясининг 2 мингдан бир қисмидан фойдаланади. Бизда ёзда ФАР нинг келиши га 8 млрд. к.кал. га етади. Шу каллориядан ўсимлик фақат 1.0-1.5 % ни фотосинтез процессида фойдаланади. Яхши агротехникада ва навда 5 % фойдаланиш имкони-ятига эга. 3.Навнинг потенциал юқори хосил бериш имкониятини ошириш. 4.Далада иложи борича фотосинтетик майдонни хосил қилиш керак.(туп сони, нав ва барги юзаси, тўлиқ кўчат хисобига).Экин баргининг майдони дала майдонидан 2-3 баравар ортиқ бўлиши керак.

Адабиётлар: 1.И.А.Каримов «Қишлоқ хўжалиги тараққиёти тўкин сочин хаёт манбаи» Ўзбекистон Республикаси Президентининг 1997 йил 26 декабр куни Олий Мажлиснинг Х сессиясида сўзлаган нутқи.»Ватанпарвар» рўзномаси № 155, 27 декабр Тошкент, 1997й. 2.Ўзбекистон Республикасининг Вазирлар Махкамасининг «Қишлоқ хўжалигида ислохотларни чуқурлаштиришга доир қонун ва меъёрий хужжатлар тўплами» 1-2 томлар. Тошкент-1998 й 3. « Cotton » журнали Нью-Йорк-1998-1999 й. 4.Ўзбекистон Республикаси Вазирлар Махкамасининг «1999-2000 йилларда пахта навларини янгилаш ва жойлаштириш дастури тўғрисидаги» қарори «Ўзбекистон овози» рўзномаси, № 141, 26 ноябр Тошкент-1998 й. 5.Э. Т.Шайхов ва бошқалар «Пахтачилик», Тошкент 1990 й. 6.Муаллифлар жамоаси «Пахтачилик справочниги»Тошкент 1989 й. 7.М.Мухамеджанов,А.Зокиров «Ғўза агротехникаси» Тошкент 1995й. 8.А.И.Шлейхер ва бошқалар.Пахтачиликдан лаборатория маш-ғулотлари. Тошкент. «Ўқитувчи». 1980 й. 9.»Ўзбекистон худудида экишга тавсия этиладиган Қишлоқ хўжалиги экинлари реестри», Тошкент 1998 10.Пахтачилик комплекси алмашлаб экишда бошоқли дон экинларини жойлаштириш бўйича тавсиялар. Фан-техника тараққиётини тарғиб қилиш ва жорий этиш бош бошқармаси, Тошкент 1994 й. 11.Б.Алеев,О.И.Иброхимов.Истиқболли ғўза навлари агротехни- каси,Тошкент. 1988 й.

Похожие

Пахта етиштиришда фан ютуқлари, илғорлар тажрибаси, интенсив технологияни қўллаш пахта ҳосилини дастурлаштириш

Пахтани йиғиб-териб олишга тайёргарлик кўриш ва териш. Пахтачиликда фан ютуқлари ва илқорлар тажрибасини қўллаш

Қишлоқ хўжалигини интенсивлаштиришнинг самарадорлигини ошириш

Чорвачиликни саноат асосида ривожлантириш

Пахта етиштиришнинг илғор технологиялари