Пахта хосилини териб олиш машиналари - Сельское и лесное хозяйство - Рефераты

Пахта хосилини териб олиш машиналари

Загружено в:

20.09.2019

Скачано:

0

Размер:

1399.5 KB

Пахта хосилини териб олиш машиналари Режа: 1. Пахта хосилини териб олиш машиналари. 2. Пахтани машинада териш учун мўлжалланган далаларга ва машиналарга қўйиладиган агротехник талаблар. 3. Пахта ва кўсак териш, кўсак чувиш, ғўзапоя йиғиш машиналарининг тузилиши ва ишлаши.

1. ПАХТА ҲОСИЛИНИ ЙИҒИШТИРИШ ТЕХНОЛОГИЯСИ Маҳаллий тупроқ ва иқлим шароитларига қараб, пахта ҳосили турли минтақаларда ҳар хил технология бўйича йиғиштирилади. Республикамизда қўлланиладиган технологияларнинг асосини қуйидагилар ташкил этади: 1.Ҳосили пишиб етилган далаларнинг четларида машина учун бурилиши йўлаклари қолдирилади, ўқ ариқлар текисланади. 2.Ғўза барглари дефолиация қилинади. 3.Вертикал шпинделли пахта териш машинаси билан биринчи терим ҳосил 60% атрофида очилганда, иккинчи терим қолган қисми очилгандан кейин бошланади. Горизонтал шпинделли пахта териш машинаси билан, теримни ҳосилнинг 85-90% очилгандан сўнггина ўтказиши мақсадга мувофиқдир. 4.Ҳосилнинг қолдиқлари махсус машиналарда ёппасига йиғилади ва қисман тозаланади. 5. Иқлим шароити пахтанинг тўлиқ очилишига имкон берадиган жойларда горизонтал шпинделли пахта териш машинаси билан ҳосил бир марта тўлиқ йиғиштириб олинади. 2. ПАХТА ҲОСИЛИНИ ЙИҒИШТИРАДИГАН МАШИНА ТУРЛАРИ Пахта йиғим-теримида ишлатиладиган машиналар қуйидаги турларга бўлинади: 1.Очилган пахтани териб оладиган машиналар, яъни пахта териш машиналари. 2.Пахта ҳосили қолдиқларини йиғиштирадиган ва тозалайдиган (ерга тўкилган пахтани йиғиштириб оладиган, кўсак терадиган ва кўсак чувийдиган) машиналар. 3.Далани ғўзапоядан тозалайдиган машиналар-ғўзапояни суғуриб олиб дала четига олиб чиқадиган ёки уни ўриб, майдалаб далага сочиб кетадиган машиналар.

Пахта териш машиналарига қўйилган агротехник талаблар: Пахта териш машиналарининг ишига Давлат андозалари бўйича бир қатор талаблар қўйилади, улардан асосийлари қуйидагилардан иборат: 1.Машина бир юришида очилган пахта ҳосилининг 92-94% гача йиғиштириши лозим. 2.Ҳосил машинада терилаётганида ундан ерга тўкилаётган пахта миқдори 3-4% дан ошмаслиги керак. 3.Терилмасдан ва ғўзапояга илиниб қолган пахта умумий ҳосилнинг 2… 3 фоизидан ошмалиги керак. 4.Терилган пахтага аралашган барг, хас-чўп, чаноқ паллалари каби чиқиндилар 8% дан ошмаслиги керак. 5.Терилган пахтадаги шикастланган чигитлар 1% дан ошмаслиги керак. 6.Машина ўтгандан кейин ерга тўкилган хом кўсаклар сони ҳар 3 м масофада 1 донадан ошмаслиги керак (0,2-0,3 дона/м) . 7.Терилган пахта толаси кўк шира, мой ва бошқа моддалар билан ифлосланмаслиги зарур. 8. Пахта толасининг шикастланиши 0,5% дан ошмаслиги керак. 3. ОЧИЛГАН ПАХТАНИ ТЕРИШ МАШИНАЛАРИ Бу машиналар тузилиши ва технологик иш жараёнининг бажарилиш тартибига кўра, механик, пневматик, элетромеханик ва бошқа турларга бўлинади. Улардан кенг тарқалгани ва амалда ишлатилаётган механик тури бўлиб, улар ўз навбатида, вертикал ва горизонтал шпинделли машиналарга бўлинади. Вертикал шпинделли пахта териш машинасининг тузилиши ва ишлаш жараёни. Вертикал (тик) шпинделли пахта териш машиналари очилган чаноқлардаги пахтани териш учун мўлжалланган. Пахта териш машинасининг асосий қисмлари қуйидагилардан иборат: териш аппаратлари блоки, йиғиқ, рама, бункер, тозалагич, бошқариш майдончаси, машинани

ювиш тизими, электр жиҳозлари, гидротизим, узатиш ва юргизиш мосламалари. Машинанинг ғўза тегадиган қисмлари махсус тўсқичлар билан ёпилган бўлиб, очилган пахтани тўкилишдан сақлайди. Пахта териш машинасининг асосий қисмлари: териш аппаратлари блоки, йиғгич, рама, бункер, тозалагич, бошқариш майдончаси, машинани ювиш системаси, электр жиҳозлари, гидросистема, узатиш ва юргизиш мосламалари. Машинанинг ғўза тегадиган қисмлари махсус тўсқичлар билан ёпилган бўлиб, очилган пахтани тўкилишдан сақлайди. Ғўза шохларини барабанлар оралиғига йўналтириш учун териш аппарати шохларни кўтаргич ва йўналтиргичлар билан жиҳозланган. Машинанинг ишчи қисмларига тракторнинг қувват олиш валидан тарқатиш редуктори орқали ҳаракат узатилади. Терилган пахта ҳаво сўриш системаси ёрдамида бункерга ўтади. Машина бункери ағдарма типда бўлиб, терилган пахтани тиркама аравага бўшатади. Сув системаси машинанинг шпинделларини ювади ва бакка сув тўлдиради. Электр жиҳозлари трактор двигателини ишга тушириш, унинг ишини назорат қилиш, тунги сменада иш жойини ҳамда машина қисм ва механизмларини ёритиш учун мўлжалланган. Машинани бошқарувчи барча қисмлар бошқариш майдончасига ўрнатилган. Машинанинг технологик иш жараёни қуйидагича: Машина ғўза қатор ораларида ҳаракатланганда шох кўтаргичнинг йўналтирувчи чивиқлари ғўза тупини шпинделли барабанлар 3 орасига (иш тирқишига) йўналтиради. Барабаннинг айланма тезлиги машинанинг тезлигидан катта бўлганлиги учун ғўза туплари

синмайди ва ётиб қолмайди. Айланаётган барабан ғўза тупини қамраб иш тирқишига тортиб олади. Шпиндел ғалтаги иш зонсида ташқи қўзғалмас понасимон тасмалар бўйлаб юмланиши натижасида у барабан йўналишига тескари айланиб, очилган пахтани тиши билан илиб ўзига ўраб олади. Барабан айланишини давом этиб, шпинделни иш зонасидан ажратиш зонасига олиб боради. У ерда шпиндел ғалтаги ич томондан қўйилган понасимон тасмалар бўйлаб юмалаб шпиндел айланиши йўналишини ўзгартиради ва ундаги пахтанинг асосий қисми инерция кучлари таъсирида ечилади. Ажраткич чўткалари 7 ни қиллари шпиндел тишларига 1,5 мм гача кириб турганлиги сабабли, чувитилган пахта толаларини шпинделлардан ажратиб олиб қабул камераси 2 га ташлайди ва шу билан бир вақтда шпиндел тишларини қисман чиркла-нишдан тозалайди. Қабул камерасидаги пахтани вентилятор 5 қувурлар 4 орқали сўриб, чиқариш қувури ёрдамида бункерга ташлайди. Қабул камерасининг туби очиқ бўлганлиги учун оғир жисмлар (кесак, тош, очилмаган кўсак ва бошқалар) бункерга ўтмасдан ерга тушади. Ғўза шохларини барабанлар оралиғига йўналтириш учун териш аппарати шохларни кўтаргич ва йўналтиргичлар билан жиҳозланган. Машинанинг ишчи қисмларига тракторнинг қувват олиш валидан тарқатиш редуктори орқали ҳаракат узатилади. Терилган пахта ҳаво сўриш тизими ёрдамида бункерга ўтади. Машина бункери ағдарма типда бўлиб, терилган пахтани тиркама аравага бўшатади. Сув тизими машинанинг шпинделларини ювади ва бакка сув тўлдиради. Электр жиҳозлари трактор двигателини ишга тушириш, унинг ишини назорат қилиш, тунги сменада иш жойини ҳамда машина қисм ва механизмларини ёритиш учун мўлжалланган. Машинани бошқарувчи барча қисмлар бошқариш майдончасига ўрнатилган. Териш аппарати таъсирида ерга тўкилган пахтани кучли ҳаво оқими ёрдамида сўриб оладиган йиғгич ўрнатилган. Йиғгич иккита соплодан иборат бўлиб, унга сўрувчи карнай бириктирилган. Барабанлар оралиғидан (иш

тирқишидан) чиққан ғўзапоялар синмаслиги, улардаги хом кўсаклар узилмаслиги учун, шпинделли барабан билан йиғгич орасига девор йўналтиргич ўрнатилган. Йиғгич вентилятори пахтани ҳаво ёрдамида сўриб олиб, ҳайдаш трубаси воситасида кичик ҳажмли тозалагичга узатади. Тозалагич корпус, арра тишли тозалаш барабани, чўткали ажратиш барабани, чиқиндиларни чиқариб юборадиган нов, чивиқлар қўзғалмас чўтка, аррали диск ва қистирмалардан иборат. Тозалагичга пахта билан билан бирга тушган майда хас-чўпларни ҳаво оқими бункердан ташқарига чиқариб ташлайди. Пахта арра тишларига илинади ва айланаётган дисклар уни сиқиш тўсиғига келтирилгандан сўнг, пахтадан чаноқлар ва хас-чўплар ажралади, қисман тозаланган пахта чивиқлар зонасига ўтади, чивиқлар пахтадаги қолган хас-чўпларни силкитиб туширади. Тўсиқ ва чивиқлар ажратган чаноқ ва хас-чўплар қаторлар орасига сепилади. Чўткали ажраткич тозаланган пахтани аррали барабандан ечиб, машина бункерининг кичик қисмига ташлайди. Териш аппаратларининг блокига каркас, шпинделли барабанлар, ажраткичлар, уларнинг юритмаси, редукторлар, шпинделлар юритмаси, туп кўтаргичлар, қабул камералари киради. Аппаратларнинг барча узеллари иккита каркасга ўрнатилган бўлиб, ҳар қайси каркас иккита аппаратни бирлаштиради. Аппаратда ички ва ташқи секциялар бор. Ички секциялар каркаси бикр, ташқи секциялар қўзғалувчан қилиб бириктирилади. Ташқи секцияларни қўзғалмас секцияларга нисбатан 40 0 га кериш мумкин. 4. ГОРИЗОНТАЛ ШПИНДЕЛЛИ ПАХТА ТЕРИШ МАШИНАСИНИНГ ТУЗИЛИШИ ВА ИШЛАШИ Горизонтал шпинделли пахта териш машинаси ҳам вертикал шпинделли пахта териш машинасига ўхшаб, шпинделли барабанлар, ажраткичлар, терилган пахтани узатиш мосламаси, бункер каби қисмлардан иборат.

Республикамизда п ахта ҳ осилининг очилган қисмини териб олиш учун ”Кейс- 2022”(гориз о нтал шпинделли пахта териш машиналаридан фойдаланилмоқда. Горизонтал шпинделли пахта териш машинаси ҳам вертикал шпинделли пахта териш машинасига ўхшаб, шпинделли барабанлар, ажраткичлар, терилган пахтани узатиш мосламаси, бункер каби қисмлардан иборат. Бу машина вертикал шпинделли машинадан шпинделли барабани, ажраткичи ва шпинделларни ювиб тозалаш мосламасини тузилиши билан тубдан фарқ қилади. Машинанинг технологик иш жараёни да эркин турган ғўзапоя шохлари йўналтиргич 1 ёрдамида 70… 100 мм қалинликгача кучли сиқилиб, териш камераси 2 га мажбуран тортиб киритилади. Кассета 3 шпинделлар 4 йўлакча 6 таъсирида ишчи камерага деярли перпендикуляр йўналишда А жойида киритилади ва ғўзапояни бир жойида айланиб туради, чунки машинанинг силжиш тезлиги V M ва кассетанинг барабан билан биргаликда оладиган чизиқли тезлиги V δ ўзаро тенг. Шу сабабли ўз ўқи атрофида айланаётган шпиндель, ғўза оралиғига кираётганида, учратган пахтани тишлари билан илинтириб, ўз устига ҳалқа кўринишида ўраб олади, Пахтани ўраб олган шпинделларни ғўза шохлари орасидан тик йўналишда ( В жойида) суғуриб олган касста ВС оралиғида илгари томон кескин бурилиб, шпинделларнинг айланишини тезлатади. Марказдан қочма кучлар ортиши сабабли пахтага илинган хас-чўплар дарча 5 дан ташқарига чиқариб юборилади, демак, пахта қисман тозаланади. Кассетанинг кескин бурилиши ҳисобига шпинделнинг учи ажраткич ликопчалар 7 ни тезроқ учратади. Шпиндел ажраткичга теккан

вақтдан бошлаб, барабан билан бирга айланаётган кассета тескари томонга, яъни орқасига бурилиши ҳисобига, шпинделнинг ажраткичга тегиб туриш вақтини узоқроқ сақлаб (кассетанинг СД йўлида) қолади. Кассета ўзининг СД йўлида орқага бурилиб, биринчидан, шпинделни ажраткич ликопчаларига узоқроқ тегиб туриши, иккинчидан, шпинделнинг айланиш тезлиги сезиларли камайиши ҳисобига зич ўралган пахта ҳалқаси инерция кучи таъсирида қисман ечилиб улгуради, шу сабабли уни шпинделдан ажратиб олиш енгиллашади. Шпиндель кичик ва конуссимон сиртга эга бўлгани учун ажраткич пахта ҳалқа-ларининг бир қисмини шпинделдан тўлиқ ечмай, тугунча кўринишида сидириб туширади. Ажратилиб олинган пахта қабул камерасига тушиб, у ердан ҳаво оқими ёрдамида бункерга узатилади.Ажраткичдан сўнг, шпиндел намлагич ёстиқчасига келиб урилади ва унинг намланган юмшоқ ва серқирра сирти бўйлаб юмалаб ўтади. Ёстиқчанинг узунлиги шпиндел сиртини тўлиқ тозалашга етарли қилиб ўрнатилган. Ёстиқча таъсирида шпиндел сиртига ёпишиб қолган ўсимлик шираси, чанг-тўзон ва бошқа чиқиндиларга айланадиган моддалар ювилиб туширилади. Тозаланган шпиндел навбатдаги иш циклини бажариш учун яна териш камерасига кириб кетади. 6. ҒЎЗАПОЯ ЙИҒИШ МАШИНАСИ Ғўзапояни қуйидаги мақсадда ва тартибда йиғиштириб олинади: 1. Юқумли касалликларга чалинган ғўзапоя пўстлоғининг тагида жойлашган замбуруғ ва микроорганизмлар қишлаб қолишининг олдини олиш мақсадида уни илдизи билан ердан суғуриб олиб, тўплаб, транспорт воситасига юклаб, даладан четга олиб кетилади. 2. Ғўзапоядан қимматбаҳо қурилиш материалларини тайёрлаш ёки кимёвий моддалар олиш мақсадида уни илдизи билан суғуриб ёки ўргичлар ёрдамида устки қисми ўриб олинади, транспорт воситасига юкланиб, уни қайта ишлайдиган корхонага юборилади.

3. Далани шудгорлашда ҳамда экин экишга халақит бермаслиги учун ғўзапоя суғурилиб ёки ўрилиб, майдалаб далага сочилади, ер шудгорлангандан сўнг улар чириндига айланади. Ғўзапоя суғуриб, қаторга уюмлаб кетадиган машинанинг технологик схемаси кўрсатилган. Машина чопиқ тракторига осилган бўлади ва ғўзапояни суғуриб, қаторга уюмлайди. Унинг асосий қисмлари: ғўзапоя илдизини кесувчи тиш, бармоқли дисксимон узаткич ва тилинган панжалардир. Ғўзаполяларни юлиш учун қатор орасининг кенглиги 60 см бўлган майдонларда КВ-4А, 90 см бўлганда эса КВ-3,6 тўрт қаторли осма юлгич- уюмлагичлар ишлатилади. Ғўзапоя юлгич машиналари тўртта аппаратдан иборат бўлиб, ҳар қайсисида тиғи чархланмаган ерни юмшатувчи панжа бор. Унинг устига тик ўқда айланувчи бармоқли узаткич барабан ўрнатилган. Барабанларда уч қават этиб бармоқли дисклар жойлаштирилган. КВ-4А ЮЛГИЧ УЮМЛАГИЧ. 1-кардан вали; 2-занжир; 3-винт; 4- юритма шчитоги; 5-четки ўнг редуктор; 6-асосий редуктор; 7-марказий панжара; 8-шакллантиргич; 9-четки чап панжара; 10-ўрта чап панжара; 11-дискли узаткич; 12-юмшаткич; 13-рама; 14-тортқи. Аппарат яхлит рамада бир кўндаланг қаторда жойлашган. Рамага ташқи ва ички панжарали колосниклар ўрнатилган бўлиб, улар ўнг ва чап йўналтирувчи каналларни ҳосил қилади. Каналларнинг туташ жойи пояларни тўплаб, шакллантиргувчи ёки боғ ясовчи бўшлиқни ҳосил қилади.

КВ-3 , 6 А ЮЛГИЧ УЮМЛАГИЧ . 1-оралиқ вал; 2-кардан вали; 3-занжир; 4-ўрта юритма; 5-асосий редуктор; 6-юритма шчитоги; 7-винт; 8- ёй; 9-марказий панжара; 10-шакллантиргич; 11-четки чап пан-жара; 12-четки чап редуктор; 13- четки ўрта панжара; 14-дискли узаткич; 15-тортқи; 16-юмшаткич; 17- рама . Ғўзапоя боғлари шакллантиргичнинг пружинали сим чивиқлари ёрдамида ҳосил қилинади. Машина ишлаётганда бармоқли узаткичлар пояларни панжарали каналларга йўналтиради. Юмшатувчи панжалар ғўзапоя илдизларини тупроқдан чиқариб олади. Машинанинг технологик иш жараёни қуйидагича бажарилади: Машина далада ҳаракатланганида ишчи тирқишга кирган ғўзапояни айланаётган бармоқли дисксимон узаткичлар қамраб олади ва уларни йўналтирувчи панжаралар орасига суриб киритади. Айни вақтда тишлар илдизни тагидан кесиб, атрофидаги тупроқни юмшатади. Кесувчи тишларнинг ўрнатилиш бурчаги, ернинг ҳолатига қараб ўзгартирилади. Дисксимон узаткич айланганида ғўзапоялар тупроқдан ва қаторлардан суғуриб олинади ва ғўзапоя марказий панжара ва уюмлагич ҳосил қилган уюмлаш зонасига узатилади.Уюмлагичнинг созланишига қараб, ғўзапоялар бир қатор қилиб уюмланади ёки боғ-боғ қилиб кетилади. Юмшоқ тупроқда кесувчи тишнинг жўяк пуштасидан бошлаб ботиш чуқурлиги 50…100 мм , зич ва қуруқ тупроқда 100…150 мм қилиб ўрнатилади. Тишнинг ерга ботиш чуқурлиги тракторнинг осиш мосламасидаги кашаклар ва марказий тортқи ёрдамида созланади. Бўйи 60…80 см ли ғўзапояларни йиғишда дисксимон узаткич билан юмшатиш тиши орасидаги масофа минимал бўлиши, 80…100 см бўйли ғўзапояларни йиғиштиришда бу масофа кўпроқ қўйилади. Пояларни уюмлашда уюмлагич пружинаси жуда бўш қилиб ўрнатилади.

Фойдалани лган адабиётлар рўйхати 1. И.А.Каримов «Дехқончилик тараққиёти-фаровонлик манбаи». Тошкент., 1994 йил. 2. Э. Ойхўжаев, Х..Қўшназаров. «Қишлоқ хўжалик ишлаб чиқаришини механизациялаш», Тошкент., 1988 йил. 3. А.И.Комилов, Қ.А.Шарипов ва башқалар. Трактор ва автомобиллар. Тошкент «Талқин» 2003 й.(лотин алифбосида). 4. М. Шоумарова, Т.Абдуллаев «Қишлоқ хўжалик машиналари».Тошкент. «Ўқитувчи». 2002. 5. Ў.Қўчқаров. Олий ўқув юртларига «Трактор ва автомобиллар» фанидан агрономик мутахассислигига оид қўлланма. Тошкент 1997. 6. В.И Родичев., Г.И Родичева Трактор ва автомобиллар. Т.1984 й. 7. А. Гуревич, С. Сорокин «Трактор ва автомобиллар» Т. Ўқитувчи-1980 й. 8. Ф.М.Маматов «Қишлоқ хўжалик машиналари». Қарши. «Ўқитувчи». 2008.

Похожие

Картошка йигиб-териб олиш машиналари

Пахта териш машиналари

Пахта териш ва тозалаш машиналари пахта териш машиналари ҳақида

Пахта етиштириш ва териш машиналари

Маккажухорини йигиштириб олиш машиналари