Мева йиғиштириш машиналари - Сельское и лесное хозяйство - Рефераты

Мева йиғиштириш машиналари

Загружено в:

20.09.2019

Скачано:

0

Размер:

318.5 KB

Мева йиғиштириш машиналари Боғларда этиштирилган ҳосилни йиғиштириш ўта масъулиятли ва сермеҳнат иш ҳисобланади. Пишган ҳосилни жуда қисқа вақтда йиғиштириб олинмаса, нобудгарчилик кескин ошиб кетади. Ҳосил йиғиштиришга йллик харажатларнинг 40—60% сарфланади. Дарахтлардаги меваларни териб олишдан олдин, ҳосилнинг ҳар хил сабабларга кўра ерга тўкилган қисмини йиғиштириб олиш лозим, акс ҳолда, терим вақтида улар босилиб, мутлақ яроқсиз бўлиб қолади. Ерга тўкилган мева йиғиштирилиб олинганидан сўнг, сараланиб, яроқли қисми техник мақсадда ишлатилади. Ерга тўкилган мевани териб оладиган машиналар пневматик, механик, игнасимон турларга бўлинади. Пневматик усулда ишлайдиган машинанинг имкониятлари чекланган. Улар билан асосан енгил (масалан, ёнғоқ) мевалар ердан териб олинади. Шу сабабли, нисбатан оғир меваларни механик- пневматик усулда ишлайдиган машиналар билан тэришади. Вакуум сўргич билан жиҳозланган роторли мева тергич (38-расм)нинг еластик ротори 4 рама 5 га ўрнатилган. Рама ўз навбатида пневматик ғилдирак 6 га жойлашган бўлиб, тракторнинг ён томонига осилган. Тракторнинг қувват олиш вали ёрдамида вакуум қурилмаси 15 ишлатилади. Гидросилиндр 1 тергични кўтариб-туширади. Эластик ротор занжир 7орқали ғилдиракдан айланма ҳаракат олади. Бунга гидромотор 8 ҳам ёрдам бериб туради. Транспортёр 9, 11, 12 лар терилган мевани яшик 13 га келтиради. Роторнинг ўзи эса вал 16, золотник 20, найча 17, шланг 18, вакуум сўргич 19 дан иборатдир. Ротор ғилоф 3 билан ёпилган. Кўндаланг транспортёр 9 билан ротор орасига қайтаргич 10 қўйилган. Ғилдирак олдидаги сургич 2 мевани босиб кетмасликка хизмат қилади.

расм. Вакууни сўргичли мева тергич схемаси а — агрегат схемаси; б — эластик ротор ишининг схемаси; д — вакуум сўргич схемаси; 1 — гидросилиндр; 2, 6 — таянч ғилдираклар; 3 — ғилоф; 4 — ротор; 5 — рама; 7 — занжир; 8 — гидромотор; 9, 10, 11, 12 — транспортёрлар; 13 — яшик; 14 — тиркалма арава; 15 — тракторнинг осиш мосламаси; 16 — вал; 17— найча; 18 — шланг; 19 — вакуум сўргич; 20 — золотник. Агрегат дарахтлар орасида ишлаётганида, ерда ётган мевани сўргич ўзига сўриб, уни ушлаб туради. Мева кўндаланг транспортёрдан баландроқ кўтарилганида, золотник вакуумни ёпиб қўяди, мева транспортёрга йиқилиб тушади. Транспортёрлар меваларни тиркалма аравачага етказади. расм. Игнасимон мева тергич схемаси а — умумий кўриниши; б — мевани илинтириш схемаси; 1 — осиш мосламаси; 2— ғилоф; 3 — игнали барабан; 4 — рама; 5 — тасмасимон транспортёр; 6 — ажраткич; 7 — ҳаракат юритмаси.

Игнасимон тергич (39-расм) ёрдамида терилган мева техник мақсадда терилади ва совуткичда бир неча кун сақланиши мумкин. Игнасимон тергич тракторнинг ён томонига осилади. лининг қисмлари: игнали барабан 3, ғилоф 2, ажраткич 6, рама 4, осиш мосламаси 16, тасмасимон транспортёр 5, ҳаракат юритмаси 7. Агрегат дарахтлар орасида юритилганида, игналар (узунлиги 25 мм) ерда ётган мевани илинтириб олади ва юқорига кўтаради. Барабанга уринма шаклида тароқсимон ажраткич ўрнатилганлиги сабабли, мева тароқнинг устида қолдирилади ва у ердан транспортёрга узатилади. расм. Механик мева тергичларнинг принсипиал схемалари а — жўвали; б, д — эластик бармоқ тасмали. Механик мева тергичларнинг турлари кўп бўлиб, энг кенг тарқалгани жўвали тергич (40-а, расм) ҳисобланади. Ерда ётган мевани пастроқ жойлашган жўвадаги тасма юқорига кўтариб, иккинчи тасмага теккизади. Кейин, тезликлари тенг бўлган тасмалар мевани қисиб, юқорига кўтариб беради. Айрим тергичларнинг тасмаларига эластик бармоқлар ўрнатилган бўлади (40-б, расм). Бундай тергичлар ёнғоқ, олхўри, хурмо каби меваларни яхши теради. Ҳозирги вақтда (дарахтдаги) мевани йиғиштиришда учта усулдан фойдаланилади: 1. Ёрдамчи техник восита (нарвон, махсус сумка)лардан фойдаланиб, қўлда териш (бошланғич механизациялаш). 2. Турли агрегат, платформа ва б. фойдаланиб, қўлда териш (ярим механизациялаш).

3. Мева териш машиналари ва комбайнлардан фойдаланиб териш (механизациялаш). Меванинг ҳар бир тури хоссаларини эътиборга олиб, уларни тез йиғиштириш муддати танланади. Эртароқ терилган меванинг таъми паст бўлиб, уни узоқ сақлаб бўлмайди. Мева пишиб ўтиб кеца, ҳосилнинг кўп қисми ерга тўкилади, таъми ёмонлашади ва товар кўриниши пасаяди. Пишган мева ниҳоятда тез шикастланувчан бўлиб, дарахтнинг қалин шохлари ўртасида жойлашади. Шу сабабли, мева териш учун машина яратиш ниҳоятда қийин масаладир. Бошланғич механизациялаш воситаларига турли нарвонлар, махсус сават ва сумкалар, мева узгичлар киради. Улардан фойдаланиш қўл меҳнати унумини бирмунча оширади, ишчиларга хавфсизроқ вазиятда ишлаш имкониятини беради. Нарвонлар (41-расм) дюралумин прокатдан ясалиб, баландлиги деярли 4,0 м гача бўлиши мумкин. Уларнинг оёқлари кенг қўйлганлиги сабабли, етарли мувозанат таъминланади. 42-расмда мева теришга мослаб ясалган сават ва сумкалар кўрсатилган бўлиб, мева тераётган ишчининг эркин ҳаракатланишига имкон яратилади. Саватлар, пластмасса челакларга солинган мева деярли шикастланмайди. расм. Боғдорчиликда фойдаланиладиган нарвонлар.

расм. Мева теришда фойдаланиладиган идишлар. Нарвонга чиқиб мева теришда сўмкалар ишчи елкасига илиб қўйлиши сабабли, ишчининг қўли бўш бўлади. Сумкаларнинг оғзига металл гардишлар кийдирилиб, доимо очиқ ҳолда туради. Баланд дарахтлардаги мевани териш учун олдинги параграфда шох буталаш учун тавсия қилинган турли платформа, корзиналардан кенг фойдаланилади. Ўта нозик меваларни уринтирмасдан териш учун мева узгичлар ишлатилади. Йирик мева учун пневматик (43-расм) ёки механик мева узгичлар ишлатилади. Пневматик мева узгичнинг дюралуминдан ясалган трубаси 4 нинг учида махсус резина идиш 2, пастида эса резина «груша» (ҳаво ҳайдагич) 5 ўрнатилган бўлади. Идиш 2 нинг ичида икки қаватли резина қопчиқ 1 солинган бўлиб, унинг учи найча 3 ёрдамида «груша» билан уланган. расм. Мева узгичлар: 1 — қопчиқ; 2 — идиш; 3 — найча; 4 — труба; 5 — «груша».

Ишчи узиладиган мевага идиш 2 ни кийдириб, «груша»ни қўли билан қисади. «Груша»даги ҳаво қопчиқнинг ичига кўчиб ўтиб, мевани қисиб қўйиб узиб олади ва қопчиққа ташлайди. Ишчи «груша»ни бўшатиб, қопчиқдан мевани аста-секин суғуриб олади ва тара (яшик)га солади. Олча, гилос, зайтун каби меваларни механик мева узгичда териш фойдали бўлади. Ёнғоқ, бодом, фундук ҳосилини аввалига қўлда қоқиб, ерга тушганини териб олишади. Нозик бўлмаган мева билан ўз идишини тўлдириб улгурган ишчи, ҳосилни контейнер (44-расм)га тўкади. Контейнер ҳажми катта (0,5 куб. м) бўлиб, ҳосилни омборга транспортлаш (олиб бориш) га, у ерда устма-уст жойлаштириб, узоқ сақлашга хизмат қилади. Контейнер бўшатилганидан сўнг, жойни камроқ эгаллаши учун диагонали бўйича очилиб (44 6-расм) бир-бирининг ичига солиб қўйлади. расм. Стандарт контейнер: а — умумий кўриниши; б — бўшатилган ҳолати. расм. Пневматик қўл вибратори

Контейнерга 350 кг гача мева солинади, шу сабабли, уни махсус кўтариш машиналари ёрдамида транспортга юклаш, омбордаги жойни алмаштириш керак. Боғлардаги ҳосилни механизациялаб йиғиштиришда, асосан вибрацион машиналар ишлатилади. Машина ўзининг вибраторини дарахтга маҳкамлаб, уни титратади. Титраш жараёнида мевалар узилиб, ерга тўкилади. Йиғиштирилган меванинг сифати йиғиштириш даврига, титратишнинг частотаси, амплитудаси, титраш вақти ва вибраторнинг дарахтга маҳкамланган жойга боғлиқ бўлади. Агар амплитуда 25 мм, титратиш частотаси минутига 800—ПОО марта бўлиб, дарахт 3—4 секунд титратилса, ҳосилнинг 90% гача қисми пастга тўкилади. Паст бўйли, ингичка дарахтларни (масалан, палметт олмаларни) титратиш учун қўл вибраторлари ишлатилади (45-расм). Унинг пневматик юритмаси ёнида юрадиган минитрактордаги компрессордан босим остидаги ҳавони олади. расм. Вибрацион мева йиғиштирадиган машина схемаси: 1 — рама; 2 — чодир; 3 — тўплагич; 4 — қозиқ; 5 — юритма; 6 — кронштейн; 7 — шарнир; 8 — жўва. Йирик дарахтлардаги меваларни теришда трактор билан агрегатланган вибрацион машиналар ишлатилади (46-расм). Унинг рамаси 1 га кронштейн 6 ва шарнирлар 7 ёрдамида иккита жўва 8 лар ўрнатилган. Валикларга чодир 2 нинг матоси ўралган.

Чодирнинг охиридаги тўплагич 3 қозиқлар 4 ёрдамида таранглатилган ҳолда ўрнатилади. Машина ишлов бериладиган дарахтга яқинлаштириб, иккита ишчи чодирни жўвадан ечиб, таранглатиб қозиқларга боғлайди. Тракторчи хартум учидаги тутқични дарахт танасига кийдиради, кейин эса вибраторни ишга туширади. Мевалар чодирга тўкилиб тушади. Тракторчи жўва 8 ни айланадиган ҳолатга келтиради. Жўвалар чодир матосини ўзига ўраб олаётиб, уни бирмунча қиялатиб кўтаради. Мевалар тўплагич 3 томонга думалаб бориб тўпланади. Мевани ишчилар йиғиштириб олишади. Бундай машина-тутқичининг бевосита дарахт танасини қамраб оладиган жой юмшоқ резина билан қопланган бўлса ҳам, баъзан дарахт пўстлоғини сидириб ташлаши мумкин. Аммо, вибрацион машиналар такомиллаштирилиб, кенг тарқалмоқда. 47-расмда шохларининг ейлиш диаметри 7,5 м гача бўлган дарахтлардан ҳосил йиғиштира оладиган такомиллаштирилган машина кўрсатилган. Машина чап 6 ва ўнг 18 сексиялардан тузилган. Сексияларнинг ҳар бири ўзиюрар шасси 2 ларга ўрнатилган бўлиб, улар брус 12, олд ғилдираклар 13, бўйлама транспортёр 5, учта кўндаланг транспортёр 11 , тозалаш транспортёри, юклаш тизими 4, бўш яшиклар сақланадиган майдонча 36, мевалар тушадиган юмшоқ тасма 15 1ар, олд 16 ва орқа 1 сирпантиргич, ён 7ва оралиқ 9 сирпантиргич, дарахт танасини юмшоқ тутқич 14, нишабланган йўналтиргич 17, ролик 10 лардан тузилган. Машинанинг мева тегадиган ҳамма жой юмшоқ поролон билан қопланган. расм. Такомиллаштирилган мева йиғиштириш машинаси: а — умумий кўриниши; б — олд ва уст кўринишининг схемаси; 1 , 7, 9 ва 16 —

сирпантиргич; 2 — ўзиюрар шасси; 3 — яшик учун майдонча; 4 — юклагич; 5 — транспортёр; 6, 18 — ўнг ва чап сексиялар; 8 — титратувчи хартум; 10 — ролик; 12 — брус; 13 — ғилдирак; 14 — титраткич тутқичи; 15 — тасма; 17 — йўналтиигич. Алоҳида тракторга ўрнатилган титраткич 8 билан жиҳозланган агрегат мазкур машинанинг ёнида юради ва керакли вақтда дарахтни титратиб, мевасини пастдаги транспортёрларга тушириб беради. Машина қуйдаги тартибда ишлайди. Меваси териладиган дарахтнинг икки томонидаги бўш оралиқда машинанинг ўнг ва чап сексиялари алоҳида- алоҳида юриб келиб, тўхтайди. Транспортёрлар ўртасидаги ўйқ жойларга дарахт танасини кирғизиб, сексиялар бирбирига яқинлашиб уланишади. Ёрдамчи агрегат ён томонда туриб, ўзининг хартумини дарахтга келтириб, тутқичи билан қучоқлаб олади. Титраткич ишга туширилиши билан бир вақтда транспортёрлар ҳам ишга қўшилади. Улар терилган мевани яшикларга соладиган жой 4 ларга келтириб бэришади. Машинага олтита ишчи хизмат қилади. Юқорида айтилгандек, узоқ сақланадиган мева, асосан қўлда терилади. Қўл теримида ишлаётган ишчиларга ёрдам бериш учун махсус платформалар ишлатилади (48-расм). Платформанинг ён томонга сурилувчан сўри 1 ларида ўнтача ишчи туриб, 2 м баландликдаги меваларни узиб теришади. Сўрилар (одамлар билан биргаликда) гидравлика ёки винтли механизм ёрдамида дарахт 3 шохлари орасига сурилиб киритилиши мумкин. Саватлар тўлгач, улардаги мева платформа ўртасидаги контейнер 2 ларга тўкилади.

расм. Қўлда терилган мевани тўплаш учун мослаштирилган платформа: расм. Пневматик мева тегичнинг схемаси: Мева теришда вибрацион машиналардан ташқари пневматик машиналар ҳам ишлатилиши мумкин. Пневматик машиналарнинг энг содда тури 49- расмда кўрсатилган. Кучли ҳаво насосига бир нечта егилувчан шлангалар уланган бўлади. Шланганинг учини мева тераётган ишчи елкасига боғлаб қўяди. Шланганинг учига мева узгич ўрнатилган. Ишчи узгични мевага кийдириб, у ердаги тугмани босиб, сўрилаётган ҳавога йўл очади. Шамол мевани узиб олади ва шланга бўйлаб, насосдаги мева тўплагичга келтиради. 49-расмдаги пневматик мева тергич ўта кучли вентилатор 1, унинг атрофида айланиб турадиган ғилоф 3 дан иборат. Вентилатор ҳайдаётган

ҳаво, ғилоф айланиши ҳисобига, сопло 4 нинг дарчаси 2 га навбатма-навбат юборилади. Натижада дарахт шохлари кучли тебранма ҳаракатга тушиб, мева бандидан узилиб кетади. расм. Пневматик мева териш машинаси: 1 — вентилаторлар; 2 — ҳаво йўналишини ўзгартирадиган соплолар; 3 — мотор; 4 — трактор. Ғилофнинг айланиш тезлигини ўзгартириб, шохларнинг тебраниш частотаси керакли миқдоргача ўзгартирилади. Яна бир пневматик мева тергич (50-расм) махсус мотор 3, кучли вентилатор 1 ларва ҳаво оқимининг йўналишини катта частотада ўзгартира оладиган сопло 2 ларга эга. Трактор 4 машинани дарахтлар қаторига параллел йўналишда судраб кетаётганида, соплолардан катта частотада пулсацияланиб чиқаётган шамол дарахт шохларини дириллатиб, улардаги меваларни инерсия кучи ҳисобига узиб олади. Боғдорчилик билан шуғулланадиган фермер ўзи этиштирган ҳосилни йиғиштириб олиш билан чекланмайди. Ҳосилни харидорларга тақдим қилишдан олдин у, албатта, меваларни тозалаб, саралаб, товар кўринишини талабларга жавоб берадиган ҳолатга келтиради. Меванинг сифати ташқи кўриниши, пишиш даражаси, ўлчамлари, шикастланганлиги, касалланиш даражаси, қурт тушгани кабилар билан баҳоланади. Бундай ишни механизациялаш учун меваларга товар ишлов бериш линиялари хизмат

қилади. Ишлов бериш линияларида меваларнинг майдаси ажратиб қўйлади; ишчи визуал баҳолаб, сифати ҳамда ўлчамлари бўйича мевани бир нечта навларга ажратади; тегишли тара (идиш)ларга жойлаштиради. Линия (51- расм)нинг бўлаклари: сепаратор; саралаш агрегати; тасмасимон транспортёр; калибрлаш сексияси; қадоқлаш столи; қадоқловчи мослама; ролганг. Саралашга келтирилган мева роликлардан тузилган транспортёрдан ташкил топган сепараторга солинади. Роликлар оралиғидаги бўшлиқдан майда мева пастга тушиб кетади. Қолган йирик мевани сепаратор икки оқимга бўлиб, саралаш агрегатига узатади. Сепаратор роликларига юмшоқ резина қопланган. Ҳамма роликлар бир томонга электромотор ёрдамида айлантирилади. Пастга тушган мева чиқинди деб қабул қилинади. Саралаш агрегати мевани сепаратордан ўзининг иккита саралаш транспортёрига қабул қилиб, уни ўнг томонга силжитишни давом эттиради. Саралаш транспортёри ҳам роликлардан иборат бўлиб, улар бир томонга, аммо ҳар хил тезликда айлантирилади. Шу сабабли, транспортёрда сурилаётган мева узлуксиз айланиб туради. Натижада, агрегатнинг икки томонида кузатиб ўтирган ишчилар, мевани баҳолаб, сифацизларини олиб, юқори ўқда жойлашган тасмасимон транспортёр 4га ташлашади. Бундай мева 3-нав деб қабул қилинади ва алоҳида жойга етказилади. Агрегатнинг иккала транспортёридаги оқимларни сумматор биттага айлантиради. Устки тасмасимон транспортёр 7 нинг устига ишчилар 2-навли меваларни соладилар. Бундай мевалар бошқа контейнерларга туширилади. расм. Меваларга товар ишлов бериш линияси:

1 — сепаратор; 2,3, 8— ролганг транспортёр; 4 — учинчи нав учун транспортёр; 5 — саралаш транспортёри; 6 — сумматор; 7— тасмасимон транспортёр; 9 — калибрлаш сексияси; 10, 13 — новлар; 11 — қадоқлаш столи; 12 — қадоқловчи; 14 — таянч; 15 — ўриндиқ; 16 — оёқ ости тахтаси; 17 — бошқариш пулти. Сумматордан ўтган мевалар қия ўрнатилган калибрлаш сексиясига бориб тушади. Ғалвирсимон, ҳар хил катталикдаги кўзларга эгабўлган, маълум тартибда ўрнатилган калибраторлар (биринчи бўлиб энг майда кўзли, кейин, каттароқ, энг охирида — энг йирик кўзли)-дан ўтаётиб мева олти хил йирикликдаги қисмларга ажратилиб, пастдаги нов 10 ларга тушади. Улар ўз навбатида қадоқланадиган жойга келтирилади. Бундан, меваларни товар кўринишига қараб саралашга катта аҳамият берилиши кузатилади.

Адабиётлар: 1. Шоумарова М., Абдиллаев Т. Қишлоқ хўжалиги машиналари. Тошкент, «Ўқитувчи», 2002. 2. Зуев В., Абдиллаев А. Сабзавот экинлари ва уларни етиштириш технологияси. Тошкент, «Ўзбекистон», 1997. 3. Ф.Е.Аниферов., Л.И.Ерошенко., И.З.Теплинский. Машины для садаводства. Агропромиздат, 1990. 4. Каримов И.А. асарлари. 5. Ўзбекистон республикасининг тегишли қонунлари. 6. Аниферов Ф. Машины для садоводства. Ленинград. 7. «Агропромиздат», 1996. 8. Хмелёв П. Механизация работ в виноградарстве. Москва, «Агропромиздат», 1991. 9. Илмий монографиялар, мақолалар, диссертациялар. 10. Қишлоқ хўжалиги машиналари. Дарслик. www.ДИТ сентр.уз. 11. Суғоришни механизациялаш. www.нетафим . ру . 12. Плодоводство и виноградарство. ҳттп:/www.бфпуис.ру.

Похожие

Картошка йиғиштириш машиналари

Ем-хашак йиғиштириш машиналари

Замбурғларнинг мева таначалари.

Ўғитлаш машиналари

Ўғитлаш машиналари