Концентрланган томат ярим тайёр маҳсулотлари. Томат соуслари - Сельское и лесное хозяйство - Рефераты

Концентрланган томат ярим тайёр маҳсулотлари. Томат соуслари

Загружено в:

20.09.2019

Скачано:

0

Размер:

254 KB

Концентрланган томат ярим тайёр маҳсулотлари. Томат соуслари Режа: 1. Томат-пюре ва томат-паста 2. Томатларни қайта ишлашга бериш 3. Томат-пюре пишириш 4. Томат маҳсулотларини қадоқлаш 5. Концентрланган томат маҳсулотлари сифати 6. Консерваланган томат соуслари

Концентрланган томат ЯТМ буғлатиш аппаратларида қуюлтирилган пўстлоқ ва уруғидан тозаланган томат массасидир. Жумладан томат-пюре 12; 15 ёки 20% қуруқ модда , т омат пастаси эса 30; 35 ёки 40% қуруқ моддага эга бўлган томат ЯТМ дир. Буларнинг асосийси 30% ли томат пастаси. Концентрланган томат маҳсулотлари ишлатишда, эҳтиёжга қараб, сув билан аралаштирилади. 1000 шартли банка томат-пюреси ёки томат-пастаси деб қуруқ моддаси 12% га ўгирилган 400 кг маҳсулот ҳисобланади: 1 2 400 1000 m m g М     бунда М – маҳсулотнинг шартли банка (ШБ) даги миқдори, МШБ; g – маҳсулот миқдори, т ; m 1 – 12% га тенг бўлган ҳисобга олиш бирлигидаги маҳсулот миқдори, m 2 – қуруқ модданинг маҳсулотдаги ҳақиқий миқдори, рефрактометр бўйича % да. Томат-пюре ва томат-паста Хом ашё тавсифи Ўсимлик ва унинг мевасини дунёнинг барча халқлари томат деб атайди.Томат меваси пўстлоқ, эт, шарбат ва уруғдан иборат. Меванинг ички бўшлиғи (3-расм) уруғ бўлимларига ажралган. Мева камераларининг ташқи деворлари 3 пўстлоқ 2 билан туташган, ички деворлар 5 камераларни бир- биридан ажратади. Камера ичи бўшлиғи 4 шарбат ва уруғ 1 билан тўлган. расм. Томат мева- сининг тузилиши. камераларнинг ички деворлари қуруқ модда ва қандларга бой, ташқи деворларда эса улар камроқ. Қандлар миқдори этга нисбатан шарбатда камроқ, аммо тузлар шарбатда кўпроқ. Темир тузларигина этда кўпроқ бўлади. Аскорбин кислотаси асосан эпидермис ва уру- ғни ўраб олган шарбатнинг қуюладиган қисмида бўлади. Шакли бўйича томатлар овал ва чўзинчоқ ( I ш > I ), шар шаклида ( I ш 0,8 дан 1 гача), пачоқроқ ( I ш <0,8) бўлади . Томат-

паста ва томат-пюре ишлаб чиқариш учун 70-100 г вазнли йирик, юзаси силлиқ шарсимон томатларни ишлатиш мақсадга мувофиқ бўлади. Пишиш даражаси бўйича оқ, қўнғир, пушти ва қизил томатлар фарқланади. Томат-паста ишлаб чиқариш учун пишиш даражаси бир хилдаги қизил томат ишлатилади. Кўк қисми бўлган томат маҳсулот рангини қўнғир қилади, таркибида нисбатан кўпроқ целлюлоза бўлганлиги учун буғлатиш жараёнини қийинлаштиради. Қуруқ модда миқдори томатда 4% дан 9 % гача бўлади ва ўртача 6% ни ташкил этади. Қуруқ модданинг асосий қисмини қандлар ташкил этади (2% дан 5%гача), энг кўпи глюкоза, фруктоза ҳам мавжуд; сахароза миқдори 0,5% дан ошмайди. Крахмални фақат излари қолади. Целлюлоза кўк томатда кўпроқ бўлади, томат пишганда целлюлоза миқдори 0,3–0,7% гача камаяди. Целлюлоза миқдори кам томат механик таъсирларга чидамсиз бўлади. Олимлар томонидан яратилган томатнинг янги навлари таркибида клетчатка миқдори кўпроқ, улар механизациялашган терим учун мўлжалланган. Томатни қайта ишлашда комбайнлар ёрдамида йиғилган клетчакага бой майда мевали томатлар йирик мевали томатларга қўшилиши мумкин (30% гача). Тўла механизациялаштирилган ҳолда йиғилган ҳосилни қайта ишлаш усуллари ишлаб чиқилган. Жумладан, институти профессор Қ.О.Додаев томонидан таклиф этилган ва ўрганилган усул – томат шарбатини центрифугалаб фракциялаш ва фақат тиндирилган целлюлоза ҳамда клетчаткасиз шарбатини бу ғ латиш усули бир неча корхонада қўлланилган. Буғлатиш жараёни ушбу усулда нисбатан пастроқ температурада, қисқароқ вақтда, демак, кам энергия сарфлаган ҳолда амалга оширилади, хом ашёни ишлаб чиқариш жараёнларида йўқотиш камаяди. Гемицеллюлоз миқдори томатларда 0,1–0,2% ни ташкил этади. Пишмаган томатларда протопектин мавжуд, томат пишганда

протопектин қисман пектинга айланади. Пишган томатларнинг кислоталилиги олма кислотаси бўйича ўртача 0,4% ни ташкил этади. Фаол кислоталилик рН билан тавсифланиб, 3,7–4,5 ни ташкил этади. Томатларда олма, лимон, озроқ узум кислотаси мавжуд. Пишмаган томатларда улар эркин кўринишда, пишганида эса – асосан нордон тузлар кўринишида бўлади. Қизил томатларда, шунингдек, лимон кислотасининг ўрта тузи мавжуд. Пишиб ўтган томатларда қаҳрабо, сут ва уксус кислоталари пайдо бўлади. Томатларда азот моддаларининг миқдори 1% гача бўлади. Пишмаган меваларда улар асосан оқсил кўринишида бўлади. Томат пишганда оқсиллар парчаланиб, аминокислоталарга айланади. Томатдаги кул миқдори 0,4–0,8%. Сувда эрувчан (Э) ва ноэрувчан (НЭ) моддалар нисбати (Э/НЭ) 3 дан кам бўлмаслиги мақсадга мувофиқ. Томатнинг қизил рангда бўлиши ликопин (100 г маҳсулотда 1,3–13,2 мг бўлади) туфайлидир. Ундан ташқари томатларда каротин, ксантофиллар (100 г да 0,1 мг ) ва ксантофилл эфирлари мавжуд. Пишмаган томатнинг кўк ранги хлорофилл туфайли вужудга келади. Томатларда витаминлар миқдори (100 г -да мг ҳисобида) қуйидагиларни ташкил этади: каротин – 1,2–1,6; В 1 – 0,06–0,15; В 2 – 0,04–0,07; С – 10–40. Ферментлардан томатларда пектаза, деполимераза, инвертаза мавжуд. Аскорбатоксидаза – йўқ. С витаминининг ҳавода парчаланиши олдини олувчи стабилизатор мавжуд. Томатнинг Маяк 12/20–4, Советский 679, Киевский 139, Волгоградский 5/95, Колхозний 34, Краснодарец 87/23–9, Молдавский эртаги, Подарок 105, ТМК, Юсупов ва бошқа навлари мавжуд. Турли ўлкаларда ўз иқлимига мос навлар экилади. Томатларнинг турли вегетатив даврга эга бўлган жуда эртаги, ўрта ва кечки навларини экиш консерва корхонасининг ишлаш даврини чўзиш имконини беради. Заводларда турли навлар аралаш қайта ишланади. Томатларни йиғиш, ташиш, қабул қилиш ва сақлаш. Майда мевали

томатлар СКТ-2 комбайнларда йиғилади. Уларга ПТ-3,5 тележкалари тиркалади. Йирик мевали томатларни йиғиш учун трактор тортиб юрувчи кенг қамровли транспортёрлар ишлатилади. Плантациялар ПОУ-2 маркали ҳаракатланувчи платформалар ва транспорт тарали алмашинувчи ярим прицеплар билан таъминланади. “Чайка-58” русумли томат йи ғ иш агрегати ДТ-54 трактори, 100 М русумли икки траспортёр ҳамда мева-сабзавот платформали сув сепиш қурилмасидан иборат. СКТ-2 комбайнидан фойдаланиб томат терганда, меҳнат унумдорлиги 5–7 баробар, “Чайка-58” агрегатидан фойдаланганда эса 3–4 баробар ортади. Томат заводи хом ашё зонасининг ра д иуси 50 км дан кўп, баъзан 100 км га етади. Хом ашё етказиб келишнинг ўртача давомийлиги 70 дақиқа. Ҳаво т емператураси 35–42 0 С ни ташкил этади. Томат заводга яшчикларда ташилганда транспортдан ёмон фойдаланилади ва анча кўп меҳнат сарфланади. Шунинг учун контейнерларда томатни ташиш асосий восита ҳисобланади. Контейнерлар секцияланган, пакетланадиган, полкали, катта юкли, сувли цистерна ва очиқ кузовлар бўлиши мумкин. Комбайнларда йиғилган томат ПТ-3,5 прицепларида ўрнатилган сиғими 0,5 т бўлган контейнерларда ташилади ва контейнерағдаргич ёрдамида юк туширилади. Ўзи ағдарувчи контейнерлардан фойдаланиш юк туширишга бўлган меҳнат сарфини 15 баробар, тара тайёрлашга бўладиган харажатларни 4,3 баробар камайтиради. Катта юкли контейнерлар томатни 10–15 км масофага ташиганда ишлатилиши мақсадга м у вофиқ. Сиғими 250 кг бўлган контейнерлар томатни амалда 20–25 км масофага зарасиз ташишни таъминлайди. Пар а бола профилли металл контейнерлар тележкаларга 6 донадан стационар ўрнатилган. Тележка далада ҳаракатланиб турганда томат терувчилар челакдаги томатни контейнерга ағдарадилар. Контейнердан юк ён томонига ағдариш орқали туширилади. Узоқ масофага ташиш учун (80 км дан юқори) яшчиклар поддонларга

ўрнатилиб ташилиши мақсадга мувофиқ. Томатларни сувли цистерналарда ташишдан (нисбати 2:1) масофа 40 км гача бўлганда фойдаланилади. Қуруқ модданинг йўқотилиши зарарлан- маган томатларни солганда 0,4– 0,6% ни ташкил этади. Тома т ларни бирламчи қайта ишлаш кенг тарқалган. Уларда томатнинг майдаланган массаси ишлаб чиқилади ва зангламас пўлатдан тайёрланган цистерналарда заводларга ташилади. Бунда транспорт жуда самарали ишлатилади, юклаш-тушириш ишлари тўлиқ механизацияланади, яшчикга талаб камаяди. Майдаланган томат массаси табиий иммунитетга эга эмас ва тез буз и лади. Шунинг учун томат массаси – ЯТМ ни тайёрлаш ва уни заводда қайта ишлаш орасида фарқ 2 соат бўлишига рухсат этилган. Қ.О.Додаев томонидан бирламчи корхоналарда майдаланган томат сут бижғиш жараёнлари натижасида бузилмаслигини таъминлаш учун унга электромагнит майдонида активлаштирилган сув билан ишлов бериб, 15–20 баробар узоқ сақлаш усули ишлаб чиқилган. Томат мевалари ҳамда заводга олиб бориладиган томат массасининг ўртача қуруқ моддаси миқдори фоиз ҳисобида ойма-ой қуйидагини ташкил қилади: августда – 5,21 ва 4,79; сентябрда –5.21 ва 4,65; октябрда –4,73 ва 4,27; йил ҳисобида –5,09 ва 4,57. Хом ашё қабул қилинганда, унинг 10–15 кг миқдорда ўртача намунаси олинади. Томат ағдарилган транспортёрдан механик усулда намуна олиш мосламаси ишлаб чиқилган. Томат заводга контейнерда келтирилганда, унинг намунаси юк туширилга ч олиниши тавсия эилади. Олинган намунада қуруқ модда миқдори ўлчанади ва техник таҳлил ўтказилади. Томат сифатини экспресс-таҳлил қилиш тизими ишлаб чиқилган. Бу тизим томат сифатининг объектив физик ва кимёвий кўрсаткичларини тезда аниқлаш учун қўлланилади. Бу томат ранги, қовушқоқлиги, қуруқ модда миқдори, Э/НЭ , рН, С витамини миқдори ва ҳ. Заводга келтирилган томатнинг сувли ҳовуз ёки гидравлик

транспортёрга туширилиши ва бевосита қайта ишлашга узатилиши мақсадга мувофиқ. Бирламчи пунктлардан келтирилган майдаланган томат массаси дарҳол қайта ишланади. Ишнинг узлуксизлигини таъминлаш учун томат мевалари кўпинча хом ашё майдончасида сақланади. Хом ашё қуруқ моддасининг йўқолиши атроф муҳит температураси ва сақлаш муддатига боғлиқ. 18 0 С температурада 4 соат сақлангандан сўнг йўқолиш бўлмайди, 24 0 С да йўқотиш 1,7%-ни ташкил этади. 22–25 0 С температурада 22 соат сақлангандан сўнг йўқотиш 5,1%ни, 36 соатдан сўг – 7% ташкил этади. Совутгичда 1–2 0 С температурада томатни 20 сутка сақлаш мумкин. Томатни 12 соатгача сувда мева ва сув нисбати 2:1 ҳолатда сақлаш ҳам амалда қўлланилади. Қуруқ модда йўқолиши бунда зарарланган ва ёрилган мева миқдорига боғлиқ. Ишқаланган томат массасини олиш. Пўстлоқ ва уруғи ажратиб олинган томат массаси томат пульпаси дейилади. Пульпа гомогенизацияланиб деаэрациялангач, у томат шарбатига айланади. Томат шарбати, томат пюреси, томат пастаси ҳамда қуюлтирилган томат шарбати саноат ЯТМ ҳисобланади. Томат пюреси ва пастаси томат пульпасини буғлатиш натижасида олинади. Ишлаб чиқариш операциялари қуйидагилардан иборат: ювиш, инспекциялаш, мевани чайиш ва ундан сувни оқизиш, томатни майдалаш, иситиш, ишқалаш машинасида пульпа ва чиқитга фракциялаш. Томатларни қайта ишлашга бериш . Мева ни қайта ишлашга узатиш учун ҳар 1 м да 8–12 мм эгилиш билан ўрнатилган гидравлик транспортёр ишлатилади. Унда сув оқади. Сув томатни ювади ва цех ичига суради. Гидравлик транспортёр бетонланган канал кўринишида ташкил этилади. У полда ўрнатилади ва устига осон олинадиган металл плита ёки ёғоч қопқоқлар қўйилади. Баъзан у ёғоч тарнов кўрин и ш и да қурилиши ҳам мумкин. “Ланг” (Венгрия) русумли томат пастаси линиясида томат солинган

я шчиклар рольганг орқали томатни транспортёрга ағдариш мосламасига узатади. Транспортёрдан томатлар гидрожелобга ўтади. Сув гидрожелобнинг бошланиши ва охирида томат ҳаракатига перпендикуляр йўналишда ўрнатилган форсункалар ёрдамида пуркалади. Узунлиги 16 м бўлган гидрожелобда 4 та тутгич ўрнатилган. Тутгич усти йирик тешикли тўр билан тўсилган. Гидрожелобдан томатлар эгик қирғичли транспортёр ёрдамида ювиш машинасига узатилади. Ювиш . Томатлар вентиляторли ювиш машинасида ювилади. Гидравлик транспортёр ва ювиш машинаси орасига эгик ёки “ғозбўйин” транспортёр ўрнатилади. Ёинки тўғридан-тўғри элеватор ювиш машинаси ўрнатилади. Ювиш машинаси ва инспекция транспортёридан иборат агрегат ҳам ишлатилиши мумкин. Ушбу машинанинг ишчи органи роликли лента кўринишида тайёрланади. Томат совуқ сувда ювилади, баъзан вакуум-буғлатиш аппаратлари конденсаторидан чиққан сув (30–38 0 С) ишлатилади. Сув сарфи гидравлик транспортёрда 4–5 л , ювиш машинасида 1 кг хом ашёга 0,7–1,2 л/кг. Душларда сув босими 200–275 кПа . Ёт м еханик жисмлар томат юзасидан тўлиқ ювиб олинади, эпифит микрофлоранинг 87–97% ювиб юборилади. Ювишнинг самарадорлигини сувни гидра в лик траспортёрдаги сув оқимига қарши йўналтириб ҳамда ювиш машинасининг ваннасида ҳавони барботаж қилиш ёрдамида ошириш мумкин. Ювишда қуруқ модда миқдорининг йўқолиши зарарланган ва ёрилган томатлар миқдорига боғлиқ. Инспекция, томатни чайиш ва сувни оқизиш . Инспекциялашда дефектли томатлар, меванинг думи олинади. Пишиб етилмаган томатлар алоҳида йиғилиб, тузламаларга ишлатилади. Инспекция қўлда ишчи органи роликлардан иборат бўлган транспортёр устида амалга оширилади. Томат меваси роликлар устида узлуксиз айланиб, олдинга силжийди. Транспортёр тезлиги 0,1 м/с дан ошмаслиги керак.

Душлаш нуқталари томатни транспортёрдан тушириш жойидан 1 м олдинда ўрнатилади, натижада томат транспортёрдан тушгунча ундаги сув оқиб кетиб улгуради. Томатларни ранги бўйича навлаш фотоэлектрик усулда автоматлаштирилган. Г.Г.Ахундов фикрига кўра, турли пишиш даражасидаги томатларда нурнинг 570–670 нм оралиғида спектрини қайтариш қобилияти энг асосий ҳисобланади. Томатларни майдалаш ва уруғи н и олиш . Кейинги босқичларда иситиш ва ишқалаш машинасида фракциялаш жараёнларини осонлаштириш учун томат дастлаб майдаланади. Иситишдан илгари томатнинг экиладиган уруғи ажратилади. Агар иситилмаган томат ишқалаш машинасида фракцияланса чиқит миқдори кескин ошади. Уруғ ажратгич валецлар, тўр корпус л и барабан, майдалагич, финишер ва йиғгичдан иборат. Инспекциялаш транспортёридан томат майдалов ч и айланувчи валецларга тушади. Томат массаси айланувчи барабанга тушади. Барабан тешикларидан шарбат ва уруғ ўтади. Эт барабандан чиқиб, майдалагичдан ўтади ва йиғувчига тушади. Дастлаб финишерда уруғдан ажратилган шарбат ҳам йиғувчига узатилади. Хўжаликларда ўрнатилган дастлабки қайта ишлаш цехларидан келтирилган майдаланган томат массаси консерва заводида цистерналарга қабул қилиб олинади ва ундан қайта ишлаш цехига узатилади. Цистерналарда томат массаси аксарият ҳолларда қатламланади. Бу муаммо ишлаб чиқаришга зиён еткизмаслиги учун цистерналар циркуляцион насослар ёки пропеллерли аралаштиргичлар билан таъминланади. Йирик миқдордаги томат массаси транспорт воситаси ва сақлаш цистерналарида қат лам ланмаслиги учун Қ.О. Додаев томонидан активлаштирилган муҳитдан фойдаланиш тавсия этилган. Иситиш . Майдаланган томат массаси эримайдиган протопектинни пектинга айлантириш учун иситилади. Бу томат пўстлоғини этдан ажратиш жараёнини осонлаштиради, ишқалаш машинасида томат массасини

фракциялашда пўстлоқ ва уруғдан иборат чиқитни 12,5% дан 3,5–4% га туширилишини таъминлайди. Иситиш натижасида пектин сақланиб қолади. Эримайдиган протопектин чиқитга чиқиб кетади, эрувчан пектин эса маҳсулот таркибида қолади. Пектин маҳсулотнинг бир жинсли бўлиб қолишини таъминлайди, унинг қатламланиб, шарбат ва этга ажралишига йўл қўймайди. Қатламланиш қуруқ модда концентрацияси унча юқори бўлмаган маҳсулотларда кўп учрайди. Томат массасини дастлаб иситиш буғлатиш жараёнини меъёрдаги шароитда олиб бориш учун ҳам катта аҳамиятга эга. Иссиқ масса буғлатиш аппаратида тез қайнайди. Яхши иситилмаган масса аппаратда дастлаб секин қимирлайди, бу эса қайнати ш қувурлари юзасида куйинди ҳосил бўлишига олиб келиши мумкин. Маҳсулотнинг ҳужайралараро бўшлиғ и даги ҳаво пульпа томонидан сўрилганда, у пульпанинг таркибида қолади, иситишда ушбу ҳаво чиқариб юборилади. Деаэрациялаш натижасида маҳсулот таркибидаги витаминларнинг сақланиб қолиш имконияти ортади, қайнатишда кўпик ҳосил бўлиши камаяди. Иситиш натижасида маҳсулот таркибидаги ферментлар инактивлашади, микроорганизмлар ўлдирилади. Бу томатнинг кимёвий компонентлари, жумладан пектиннинг сақланиб қолишини таъминлайди. Майдаланган томат массаси 75 0 С температурагача иситилади (баланд температурада аппарат ичида ушлаб турилмайди). Моғорлар ва дрожжаларни тўлиқ ўлдириш учун ишқалаб майдаланган масса оқимда 110–120 0 С да 35 сония давомида стерилланади. Иситиш учун узлуксиз ишловчи иситгичлар ишлатилади – кўп йўлли қувурли, қобиққувурли, икки қувурли (“қувур ичида қувур”). Ушбу иситгичлар 130–150 кПа босимли буғ ёрдамида иситилади. Иситгич қувурларини кетма-кет қўшганда насос ёрдамида узатилувчи томат массаси узоқ йўл босади, катта тезликда ҳаракат қилади ва тезда (20–30 сонида)

исийди. Ишқалаш . Ишқалаш томат пўстлоғини этдан ва уруғни ажратиб олиш учун (агар линияда уруғ ажратгич ишлатилмаса) қўлланилади. Натижада бир жинсли томат массаси о линади. Бунинг учун кетма-кет икки ёки уч машина қўйилади. Жуфт ясалган ишқалаш машинаси (“дуплекс”) да биринчи тўрнинг тешиклари диаметри 1,2–1,5 мм га тенг бўлиб, пўстлоқ ва уруғларни ажратади, иккинчи корпус (“финишёр”) тўрининг тешиклари диаметри 0,8– 0,5 мм ни ташкил этади. Финишёр томат массасини бир жинсли қилиб майдал а йди. Бир корпусда қурилган уч босқичли ишқалаш машиналари (“триплекс”)да тўрларининг тешиклари диаметри мувофиқ 1,5; 0,7; ва 0,4– 0,5 мм бўлади. Бу ҳолда томат массаси консистенцияси янада майинроқ бўлиши таъминланади, буғлатиш эса осонроқ кечади. Биринчи ишқалаш машинасининг тўри конус шаклида ясалади. Тўр ва ишчи орган (ургич, томатни тўрга сургич) орасидаги зазор 5–10 мм оралиғида ростланади. Бунинг учун ишчи органлар ўрнатилган вал ўқ бўйлаб ҳаракатлантирилади. Иккинчи ва учинчи машиналар тўрлари цилиндрик шаклда. Уларнинг зазори 4 мм ни ташкил этади ва ўзгартирилмайди. Ишқалашда чиқитлар 3,8% – 6% ( ўртача 4,6%)ни ташкил этади. Чиқит намлиги баланд бўлиб, 65%га тенг. Чиқитни пресслаб , кескин камайтириш мумкин, натижада ишлаб чиқаришдаги йўқотишлар ҳам камаяди. Машина ишчи органи ва тўр орасидаги зазорни ҳамда ишчи органнинг валга нисбатан 1,5–2 0 ни ташкил этадиган бурчаги (илгарилаш бурчаги)ни ўзгартириб Шарбатни сиқиб олиш даражасини ошириш ёки камайтириш мумкин. Машинада йиғилган томатни қайта ишлаш вақтида бурчак катталаштирилади. Бу ҳолда ишқалаш вақтидаги чиқит миқдори ортади. Йўқотишни камайтириш учун чиқитлар шнекли пресс ёрдамида прессланади. Пульпа консистенциясининг майдалик даражаси буғлатиш жараёнига катта таъсир кўрсатади. Заррачаларнинг массаси қанчалик кичик бўлса, унинг қовушқоқлиги шунчалик кам бўлади ва буғлатиш шунчалик жадал

кетади. Унумдорлиги кам бўлган Югославия линиясида ишқаланган томат массаси қўшимча равишда яна гомогенизацияланади, натижада эримаган компонент дисперслиги ошади. Ишқалаш вақтида чиққан чиқитлар қайта ишланиши керак. Томат уруғидан мой олинади. Уруғ пўстлоқ билан биргаликда ем ёки маҳаллий органик ўғит (гўнг) сифатида ишлатилади. Томат чиқитларидан озиқ-овқатга ранг берувчи бўёқ ишлаб чиқариш технологиялари ҳам мавжуд. Консерва заводлари томат уруғини қуритади ва пресслаб, мой олиш цехларига етказиб беради. Томат массасини концентрациялаш. Ишқаланган томат массаси таркибидаги намликни буғлати ш натижасида концентрациялаш томат маҳсулотлари ишлаб чиқарилади. Томат-пюре бир корпусли очиқ аппаратда буғлатиш йўли билан ишлаб чиқарилади. Томат-паста ишлаб чиқариш учун буғлатиш жараёни бир неча босқичга ажратилади ва вакуум остида ўтказилади. 50% ли томат пастасини марказдан қочма буғлатгичда ишлаб чиқариш мумкин. Янада юқори концентрацияли паста олиш учун қуритиш усули қўлланилади. Профессор Қ.О. Додаев томонидан тайёрланган томат масса сини центрифугалаш-буғлатиш комплексида концентрациялаш схемаси таклиф этилган. Ушбу усул 60–65% фоизли концентрацияланган томат шарбати ишлаб чиқариш имкониятини беради. Томат-пюре пишириш . Томат-пюре очиқ буғлатиш чанларида пиширилади. Маҳсулотни иситиш учун уларга мис змеевиклар ўрнатилган. Буғлатиш чанларига хизмат кўрсатиш коммуникациялари қуйидаги қувурлардан иборат (4-расм): юклаш 7; тушириш 11, буғ 3; сув 4 (змеевикка сув бериш учун); конденсат 10 (змеевикдан конденсат ва совутиш сувини чиқариб юбориш учун; конденсат кетказиш қувури олдида айланма қувур бўлиб, у конденсат кетказиш қувурини ёпиш имконини беради); сув 9; канализация 1 қувурлари. Чан юк тушириш ва канализация қувурлар и билан умумий патрубок

ёрдамида уч йўналишли кран орқали уланади. Чанга томат массасини қуйиб туриш ва массанинг чандаги сатҳини бир хил тутиб туриш жараёнини автоматлаштириш учун юклаш қ у вурига иккиламчи прибор ва регулятор 6 орқали бажарувчи механизм 8га таъсир этувчи датчик 2 ўрнатилади. расм. Буғлатиш чанининг коммуникациялар схемаси. Чандан томат-пюре тушириб олингандан сўнг унинг ичи сув билан ювилади. Ювишдан илгари, йўқотиш камайиши учун, томат қолдиқлари чайилиб, янги партия пульпага қ ў шиб юборилади. Змеевикларда нагар бор-йўқлиги текширилади. Нагар клетчатка, бошқа полисахаридлар ва оқсил куйиндиларидан иборат бўлади. Нагар иссиқлик узатишни кескин ёмонлайлаш- тиради, кулга айланган зарралар маҳсулотга қўшилиб, унинг ранги ва таъмини кескин бузади. Змеевиклар устидаги нагар унинг устига 30–40%ли иссиқ каустик сода эритмаси юбориш йўли билан кеткизилади, кейин чан яхшилаб ювилади ва сув канализацияга оқизилади. Чанга змеевик кўмилгунча томат массаси солинади. Агар змеевикнинг бир қисми очилиб қолса, унинг усти қурийди ва тез орада нагар ҳосил бўлади. Томат массаси иссиқ (90 0 С) бўлиши керак, бу змеевик к а буғ қўйилган заҳоти қайнашни таъминлайди, буғлатиш вақтида кўпикланиш бўлмайди. Томат пульпаси таркибидаги ҳаво пуфакчалари уни ўраб турган совуқ томат

массаси билан мувозанатда туради. Иситиш натижасида пуфакчалар тез сузиб юзага чиқади, кўпик бўлакларини ҳосил қилади. Агар кўпик ҳосил бўлса, оператор томонидан у совуқ сув билан уриб йўқ қилинади. Чан тўлдирилгач, ўтган сафарги пиширишдан қолган сув ва ҳаво змеевикдан 1 дақиқа давомида чиқарилади. Кейин буғ вентили тўлиқ очилади ва змееви к ларга 0,7-0,9 мПа босимда буғ берилади. Буғлатиш давомида чанга узлуксиз равишда пульпа қуйиб турилади, акс ҳолда чанда пульпа миқдори камайиб, змеевик юзаси очилиб қолиши мумкин. Чан ичидаги пульпанинг концентрацияси талаб этиладиган концентрациядан 2–3% камроқ бўлганда пульпа қуйиш тўхтатилади. Буғлатиш вақтида ажралган сув миқдори W қуйидаги формула ёрдамида ҳисобланади W = g (1- 2 1 m m ) бунда g – буғлатиш га келган масса миқдори, кг ; m 1 , m 2 – массадаги қуруқ модданинг бошланғич ва охирги миқдори, % . Маҳсулотнинг керакли концентрациясига эришгач, буғ бериш тўхтатилади ва змеевик юзаси очилиб унда нагар ҳосил бўлмаслиги учун змеевик к а совуқ сув берилади. Айни вақтда пюрени аппаратдан тушириш бошланади. 15% концентрацияли томат-пюре ишлаб чиқ қ анда бу ғлатишнинг ўртача давомийлиги 25–30 дақиқа, 20%да 40–50 дақиқани ташкил этади. Томат массасини қайнатганда ҳосил бўл г ан иккиламчи буғлар паст босимда ишлайдиган аппаратлар ва сувларни иситишда ишлатилади. Змеевикларни кўздан кечириш ва тозалашда ишчилар хавфсизлигини таъминлаш мақсадида чан иккиламчи буғларни олиб кетиш тармоғидан вентиль ёрдамида ажратилиши керак. Люк-лазлар қувурлар ажратилгандан кейингина очиладиган тарзда лойиҳалаштирилган. Томат-паста пишириш . Томат-паста вакуум-буғлатиш аппаратларида пиширилади. Ҳаво билан контактнинг йўқлиги ва пульпанинг вакуум остида

қайнаш температураси пасайиши витаминлар, ранг бериш моддалари ва бошқа қимматли компонентларни сақлаб қолишни таъминлайди. Томат массасининг қайнаш температурасини пасай тириш вакуум- аппаратларда паст босимли буғни ишлатиш имкониятини беради. Натижада ка т та миқдорда буғ тежалади. Томат-паста ишлаб чиқаришда қуйида кўриладиган вакуум-буғлатиш аппаратлари кенг тарқалган. Суткада 150 т хом ашёни қайта ишлаш унумдорлигига эга линияларда ишлатишга мўлжалланган “Ланг” (Венгрия) ва Манзини (Италия) линияларининг вакуум-буғлатиш комплекслари қувурли аппаратлар 2 ва 3 ҳамда иситиш камерасига эга аппаратдан иборат. Иситиш камерали аппарат вертикал концентрик ўрнатилган цилиндрлардан иборат бўлиб аралаштиргич билан таъминланган.иборат (5-расм). Аппаратлар уч корпусли батарея кўринишида уланган. I корпуc босими 0,12 МПа бўлган буғ билан иситилади. II ва III корпуслар I корпуснинг иккиламчи буғи билан иситилади. Биринчи корпусдаги қолган босим 61 кПа ни (вакуум 300 мм см. ус .) , II ва III корпусларда эса – 8 кПа (вакуум 700 мм смоб устуни )ни ташкил этади. Йиғувчи 1дан томат массаси буғлатиш комплексининг I корпуси 2 га сўрилади, ундан II корпус 3 га ўтади ва сўнгра насос 4 ёрдамида III корпус 5 га юборилади. Насос 6 томат массасини рециркуляцияга беради. Маҳсулот узатиш қувурида автоматик электрон рефрактометр 7 ўрнатилган. Маҳсулотнинг талаб этилган концентрацияси (қуруқ модда миқдори 30%)га эришгандан сўнг рефрактометр бажариш механизмига импульслар юборади (клапан 9) ва насос 8 томат-пастани туширади.

расм. “Ланг-150” русумли уч корпус расм. «Единство-200» русумли икки ли вакуум-буғлатиш қурилмаси схемаси. корпусли вакуум-буғлатиш қурил- (— маҳсулот, – – – иккиламчи буғ, маси схемаси (— маҳсулот, – – – –·–·– ўткир буғ). иккиламчи буғ, –·–·– ўткир буғ). Унумдорлиги 200 т/суткасига бўлган “Единство” русумли икки корпусли вакуум-буғлатиш комплекси иситиш юзаси ташқарига чиқарилган аппаратлардан иборат. Бу аппаратда (6-расм) вертикал қувурли қайнат г ич А ва сепаратор Б мавжуд. Қайнатгич да намлик буғланади. Қайнатгич уст ва ост қисмлари билан сепараторга туташган. расм. “Ланг-300” русумли уч кор- пусли вакумм-буғлатиш қурилмаси схемаси. расм. “Ланг-300” русумли икки кор- пусли вакуум-буғлатиш қурилмаси схемаси.

Аппаратда массанинг циркуляци я ланиши томат массаси кирган сепаратор ва бу массанинг буғлар билан аралашмаси ҳосил бўлган қайнатгичдаги гидростатик босимлар фарқи туфайли вужудга келади. Томат массаси қайнатгичнинг трубкаларида кўтарилиб, катта тезлик билан сепараторга киради ва буғлардан ажралади, сўнгра эса яна қайнат г ич г а йўналтирилади. Иккиламчи буғлар сепаратордан комплекснинг II корпусини иситиш учун ёки конденсаторга йўналтирилади. Қурилма баъзан массани узлуксиз сепаратордан қайнатгичга ҳайдаб берувчи циркуляцион насос билан таъминланади. Томат массаси йиғувчи 1 дан босим фарқи ҳисобига 2 ва 3 корпуслар орқали ўтади ва насос 4 ёрдамида тушурилади. I корпус 2 да қолдиқ босим 61 кПа ни, II корпусда 3–8 кПа ни ташкил этади. I корпус 0,15 кПа босимли ёпиқ буғ билан иситилади, II корпус эса I корпуснинг иккилам ч и буғи билан иситилади. Суткасига 300 т томатни қайта ишлаш учун мўлжалланган уч корпусли “Ланг” вакуум-буғлатиш қурилмаси ташқарига чиқарилган иситиш юзали аппаратлардан иборат (7-расм). I корпус умумий сепаратор 2 хизмат кўрсатадиган икки калоризатор 1 га эга. Аппаратда қолдиқ босим 61–47 кПа оралиғида тутиб турилади. Қувурлараро бўшлиқда температура 92–100 0 С. II (3) ва III (5) корпусларга умумий эгик тўсиқ билан икки бўлакқа ажратилган сепаратор 4 хизмат кўрсатади. Умумий корпусларда қолдиқ босим 8 кПа кўрсаткичда тутиб турилади, иситиш эса биринчи корпуснинг иккиламчи буғи энергияси ҳисобига амалга оширилади. Томат массаси қурилма орқали узлуксиз оқимда ўтади. I ва II корпусларда томат массасининг циркуляцияси табиий, III корпусда эса – мажбурий, яъни насос 6 нинг ёрдамида амалга оширилади. 30% ли томат- паста III корпусдан насос 7 нинг ёрдамида қадоқлаш машинасига ҳайдалади. Унумдорлиги суткасига 300 т томатни ташкил этувчи икки корпусли ”Ланг” вакуум-буғлатиш қурилмаси ичига қурилган қувурли иситгичдан иборат аппаратлардан ташкил топган (8-расм). II корпус вертикал шнек

шаклидаги аралаштиргич 3 билан таъминланган. I корпус 1 да қолдиқ босим 48–41 кПа оралиқда , II корпус 2 да 10–8 кПа оралиқда тутиб турилади. I корпус ўткир буғ билан 0,12 кПа босим остида иситилади. I корпуснинг иккиламчи буғлари II корпусни ҳамда буғлатишга киритилаёт г ан томат пульпасини иситади. II корпусда массанинг рециркуляцияси насос 4 ёрдамида амалга оширилади. Росси ва Кателли (Италия) фирмасининг вакуум-буғлатиш аппарати икки корпусдан иборат ( I ва II ), бир йўналишли қувурли буғлатгич 3 ва сепаратор 4 дан ташкил топган. Аппаратла р кетма-кет уланган (9-расм). расм. Росси ва Кателли фирмасининг вакуум-буғлатиш қурилмаси схемаси I корпусда қолдиқ босим 8 кПа ни ташкил этади, массанинг қайнаш температураси 45 0 С. I корпус II корпуснинг иккиламчи буғи билан иситилади. Унда томат массаси 70 0 С да 30 кПа қолдиқ босимда қуруқ модда миқдори 30% бўлгунча буғлатилади. Буғлатишни жадаллаштириш учун массани буғ турбинаси 1 ёрдамида ҳаракатга келтир увчи насос 2 орқали сунъий циркуляциялаш қўлланилади. Иккиламчи буғлар конденсатор 5 га жўнатилади. Қурилманинг томатни қайта ишлаш бўйича унумдорлиги суткасига 1100 тонна .

расм. Барометрик конден- сатор схемаси Бўшлиқ ҳосил қилиш учун ва иккиламчи буғларни олиб кетиш учун аралаштирувчи барометрик конденсатор ва қуруқ ҳаво насоси ишлатилади. Қурилма (10-расм) конденсатор 5, барометрик қувур 2 ва бассейн 1 дан иборат. Конденсатор ичида шахмат тартибда горизонтал ўрнатилган ликобсимон перфора- цияланган тўсиқлар 4 мавжуд. Иккиламчи буғ вакуум-аппаратдан қувур 3 орқали конденсаторга боради ва 20 0 С температурали совуқ сувда конденсация- ланади. Сув бак 6 дан ҳаво насоси ҳосил қилган вакуум туфайли келади. Қувур 2 нинг баландлиги 10,33 м , шунинг учун атмосфера босими унинг ичида турган суюқлик устунини тутиб туролмайди ва совутувчи сув конденсат билан бирга пастга оқиб кетади. Ишлатилган сув градирняда атроф муҳит температурасигача совутилади ва 8–10% янги сув қўшиб конденсаторда қайта фойдаланилади. Вакуум-буғлатиш қурилмаси ишга туширилганда сув бак 6 ва йиғувчи 1 га берилади, гидравлик затвор ҳосил бўлади; сўнгра ҳаво насоси ишга туш и рилади, гидрозатвор вакуум-насос билан туташтирилади, массани аппаратга тортади ва буғ қўйиб буғлатиш бошланади. Томат линияларининг буғлатиш станцияларини ишлатиш учун баъзан совутиш суви ва иккиламчи буғ бир йўналишда бериладиган конденсаторлар ҳам ишлатилади. Сув конденсаторнинг ички қувурида юқоридан пастга ҳаракатланиб, иккиламчи буғни ўзига тортади ва конденсатлайди. Қурилманинг балан д лиги 5 м , сув ў зани билан кета олмайди, уни сўриш учун насосдан фойдал а нилади. Томат маҳсулотларини қадоқлаш. Томат-пюре . Томат-пюре 10 л ли шиша банкаларга иссиқ қуйиш йўли билан

қадоқланади. Банкалар стерилланмайди. Томат консервалари микрофлорасини ташкил этувчи микроорганизм- лар (моғорлар, дрожжалар) томат-пюре пиширилиши давомида осонгина ҳалок бўлади. Қуйиш вақтида томат-пюренинг температураси 95–97 0 С бўлади. Пюре қуйилишидан олдин банка ва қопқоқларга яхшилаб санитария ишлови берилади ва стерилланади. Тўлдирилган тара тезда беркитилади ва қопқоқ ичкарисини пюре иссиқлиги ҳисобига стериллаш учун банка тескари ағдариб қўйилади. Томат-паста . Томат-пастанинг вакуум-буғлатиш аппаратлари ичидаги қайнаш температураси микроорганизмларни ўлдириш учун етарли эмас. Томат-паста қадоқлангандан сўнг тарада стерилланса, температура 85 0 С гача, агар иссиқ қуйиш усули билан консервалаш қўлланилса, у ҳолда 96 0 С гача иситилади. Иситиш учун даврий ишловчи аппаратлар қўлланилади (ВНИИКОП-2 йиғувчи-иситувчи аппарати), уларда маҳсулот 10-12 дақиқа ушланади. Узлуксиз ишловчи – қобиқ-қувурли, шнекли, қувурли иссиқлик алмашиниш аппаратлари ҳам қўлланилади. Томат-пастанинг қовушқоқлиги баланд бўлганлиги учун улар иситиш бўйича керакли самарани бермайди. Томат-паста темир, шиша банкаларга ҳамда асептик қопларга асептик шароитда қадоқланади. Тўлдирилган банкалар герметик беркитилади, Ҳажми 3 литр гача бўлган тараларга солинган маҳсулот 100 0 С температурада 15–50 дақиқа 100–150 кПа босимда (таранинг ўлчами ва турига қараб) стерилланади ва сувда совутилади. № 14 (3 л ) темир банкага қадоқланган томат-пастани стериллаш учун автоклавлардан ташқари узлуксиз ишловчи роторли стерилизатор- совутгичлар ҳам ишлатилади. Томат-пастани №14 ва №15 банкаларга иссиқлайин қуйиб ҳам консервалаш мумкин. У 92–95 0 С температурада қадоқланади, банкалар беркитилади, 20–25 дақиқа ушланади, сўнгра температураси 50–60 0 С бўлгунча сувда совутилади.

Томат-пастадаги микроорганизмлар уни 10 дақиқа давомида 95 0 С гача иситиш орқали ўлдирилади. Уларни пуштсизлантиришга пульпа оқимини буғлатишдан илгари юқори температурали иситиш ёрдамида ҳам эришилади. Томат-паста солинган № 14 ва № 15 темир банкалар узлуксиз ишловчи аппаратларда совуқ сувга чўктириш ёки устидан душлаш орқали совутилади. Агар совутилаётган банка устида совуқ сувнинг юпқа плёнкаси ҳосил бўлса, у банка айланиши натижасида сувнинг буғланиши ҳисобига совуш жараёни жадаллашади. Иссиқ маҳсулот банкага солингандан сўнг унинг таркибидаги сув буғлари конденсатланиб, вакуум ҳосил бўлади ва атмосфера босими таъсирида банканинг кескин деформацияланиши рўй беради. № 15 банканинг деформацияланишини олдини олиш мақсадида у қалин деворли (0,35 мм ) тунукадан тайёрланади. Банка корпусида беш қатор қаттиқлик қовурғалари ясалади. Банка ичидаги ва ташқарисидаги босимлар орасида фарқ ҳосил бўлганда, банканинг ости ва қопқоғининг рельефи банка ичига тортилади ва вакуум бироз камаяди. Қадоқлаш учун банкалардан ташқари, алюминийдан тайёрланган лакланган, ҳажми 175 г га тенг тублар ишлатилади. Тублар температураси 85–88 0 С бўлган томат-паста билан тўлдирилади ва очиқ орқа қисми уч карра букилиб си қ илади, шу тарзда герметикланади. Сўнгра тубла р сув души остида совутилади, иссиқ ҳаво ёрдамида қуритилади ва яшчикларга жойланади. Улар 0–5 0 С температурада 6 ойгача сақланади. Томат-паста бочкаларга ҳам 10% ош тузи консервант сифатида қўшилиб қадоқланади. Бу миқдордаги туз микроорганизмлар ўсиши жараёнини тўхтатади, а м мо маҳсулот сақланишини кафолатламайди. Маҳсулот ва таранинг яхши санитария ҳолатини таъминлаш, қадоқлашдан илгари дастлаб уни иситиш ва температураси 15 0 С дан юқори бўлмаган омборларда сақлаш керак. Томат-паста ва туз мис деталлари бўлмаган ускунада аралаштирилади. Томат-паста 100 кг сиғим л и бочкаларга қадоқланади. Уларга санитария

ишлови берилади, оғирлиги ўлчанади ва маркаланади. Қуйиш шпунт тешиги орқали амалга оширилади. Бу тешик кейин формалинда ивитилг а н пергамент қоғозга ўралган ёғоч тиқин билан беркитилади. Томат-паста миқдори ҳисобланганда, туз миқдори қуруқ моддага қўшилмайди. Тузланган томат-паста олий навли бўла олмайди. Томат-паста герметик бўлмаган тарада сақланганда консервантлардан фойдаланилади. Сорбин кислотасининг 0,025–0,05% миқдори моғор ва дрожжаларга бактерицид таъсир кўрсатади. Бактериялар споралари сорбин кислотаси таъсири остида ҳалок б ўлмайди. Микроорганизмлар уруғидан тўлиқ холи этиш учун томат-паста иситилиши керак. Томат-пастани асептик консервалаш. Катта сиғимли цистерналарда томат-пастани асептик консервалаш ва мавсумлар оралиғида қадоқлаш тара ва омбор майдонини тежамли, ишчилар сонини кўпайтирмасликни ҳамда корхонанинг бир меъёрда ишлашини таъминлайди. Жараён қуйидаги схема асосида боради (расм). Томат-паста ваккум-аппаратлардан йиғувчи 7 га, ундан насос 5 орқали узлуксиз ишловчи стерилизатор 4 га келади, стерилизаторда унга 60 сония 120–130 0 С температурали ёпиқ буғ билан ишлов берилади. Сўнгра томат- паста узлуксиз ишловчи аппарат 2 да чуқур вакуум остида б и рдани га 30– 35 0 С гача совутилади. Маҳсулотдан айни вақтда стериллашда киритилган ўткир буғ конденсати буғланиб кетади. Совутгичда вакуум буғ-эжекторли вакуум-насос 1 ёрдамида ҳосил қилинади.

расм. Йирик резервуарларда томат-пастани асептик консервалаш схемаси Совутгичдан насос 3 томат-пастани резервуар 8 га ҳайдайди. Резервуарлар асептик шароитда юклаш, тушуриш ва намуна олиш учун ишлатиладиган қурилма 9 билан жиҳозланган. Резервуарларни бўшатиш учун насос 10 дан фойдаланилади. Стериллаш режими бузилганда затор автоматик равишда вакуум-совутгичдан ажралади ва паста йиғувчи 6 га тушади, ундан эса такрорий стерилизацияга боради. Одесса СКТБ (Махсус конструкторлик-технологик бюро) продмаш (озиқ-овқат машинасозлиги) бирлашмаси А9-КСИ томат пастасини асептик консервалаш линияси 540 т маҳсулотга бир вақтда ишлов бериш ва сақлаш учун мўлжалланган. Линия таркибига томат-пастани оқимда стериллаш ва вакуумда совутиш қурилмалари, линияга санитар ишлов бериш учун ишқор эритмаси тайёрлаш қурилмаси, ҳар бир блокда 8 донадан 4 та 15 м 3 сиғимли цистернасақлагичлар блоки ҳамда линия ишлашини таъминловчи насослар киради. Қурилманинг габаритлари 25150 х 19500 х 9700 мм . Томат-паста линияга 45–50 0 С температура билан киради, ёпиқ буғ билан 0,8 – 1,0 МПа босим остида, 125–130 0 С температурада стерилланади ва вакуум-совутгичдан 35–40 0 С температура билан чиқиб кетади. Асептик консервалашда ускуналар, қувур ва цистерналарга санитария ишлови бериш катта аҳамиятга эга. Бундай ишлов бериш учун каустик

соданинг 70–80 0 С температурали 2% ли эритмасидан фойдаланилади. Ишқор эритмали ва актив хлорли антиформиндан фойдаланиш яхши натижа беради. Ҳавони вегетатив шаклдаги микроорганизмлардан холи этиш учун ҳаво ФП турдаги синтетик ультраюпқа толали материалдан ўтказиб фильтрланади. Стерилланган томат-пастани нафақат стационар цистерналарга, балки темир йўлдаги ташувчи воситаларга ҳам асептик усулда қуйиш мумкин. Асептик консервалашда қўлланиладиган температура ошиши ва ушбу температурада тутиб туриш вақтининг камайиши режимлари микроорганизмлар ўлдирилишини таъминлайди. Томат пастасида заррачалар агломератлари ва диаметри 2 мм ни ҳужайралар қобиғи мавжуд. Улар ичкаридаги микроорганизмларни ҳимоя қилади. Асептик консервалашда заррачаларнинг дисперслиги ўзгаради, улар нинг ўлчами бўйича бир жинсли бўли ши ошади . Ҳужайра структураси қолдиғи стерилизатордан вакуум совутгичга чиқишда босимнинг кескин тушиши натижасида парчаланади. Айни вақтда томат-пастанинг қовушқоқлиги ошади, аммо структурасининг мустаҳкамлиги пасаяди. Асептик стериллашда пектин моддалари, ошловчи ва азотли моддалар, каротиноидлар, С витамин и тарада стериллангандан кўра яхши сақланади; фурфурол ка м роқ йиғилади. Бинобарин, ушбу усул маҳсулот сифати ошишини таъминлайди. Айрим давлатларда ги заводларда томат шарбати деаэрацияланади, стерилланади ва асептик усулда консерваланади. Асептик сақлаш танклари азотга тўлдирилади. Англияда томат-пастани йирик темир тарада асептик консервалаш усули қўлланилади. Маҳсулот иситилади ва кетма-кет уланган айланувчан қирғичли тўртта курак ўрнатилган иссиқлик алмашиниш аппаратларида совутилади. Биринчи аппаратда томат-паста 97 0 С температурада 22 сония стерилланади, иккинчи ва у чинчисида – ушлаб турилади, тўртинчисида совутилади. Биринчи аппарат буғ билан иситилади, кейинги учтаси сув ёрдамида совутилади. Температураси 36 0 С га тенг томат-паста асептик

тўлдиргичлар ёрдамида темир банкалар ёки сиғими 180–225 кг бўлган пўлат цилиндр контейнерларга қадоқланади. Концентрланган томат маҳсулотлари сифати Томат маҳсулотларида қуруқ модда миқдори, ош тузи (ногерметик тарадаги паста учун), қаттиқ минерал унсур ва оғир металларнинг рухсат этилган миқдори, маҳсулот ранги меъёрланади. Тузланган томат-пастадаги қуруқ модда миқдори m c қуйидаги тенглама топилади: , 100 ) 100( m c mc   бунда с – томат - пастага қўшилган туз миқдори , %; m – дастлабки паста таркибидаги қуру қ модда миқдори, %. Томат - паста таркибида қуйидаги компонентлар мавжуд ( % да ): қуруқ модда – 30  2; заифлаштирувчи қандлар – 17–19; клетчатка – 1–1,5; оқсил – 5 гача. Умумий кислоталилик рН 3,7–4,6 бўлганда ( олма кислотаси бўйича ) – 2,5–3,5%. Кул – 3,2–3,4%; унинг ҳар 100 г - да қуйидаги минерал лар мг ҳисобида мавжуд : К – 880; Na – 200; Ca – 78; Mg – 2,3; Fe – 2,3; P – 68; Cu – 3,9; J – ( мкг 100 г да ) – 1800. Витаминлар миқдори (100 г да мг ҳисобида) қуйидагича: каротин – 2,0–4,0; С – 25–60; В 1 – 0,07; В 2 – 0,03; РР – 0,9. Ош тузи қўшилиши ва томат-пастани сақлаш температураси оширилиши ундаги С витамини камайишига олиб келади. Томат-паста сифатининг асосий кўрсаткичи – унинг ранги сув–спирт эритмасининг оптик зичлиги орқали фото э лектроколориметр (ФЭК) асбоби ёрдамида аниқланади. Кўпчилик чет давлатларда томат-пастанинг рангини аниқлаш учун қуйидаги асбоблардан фойдаланилади: Агтрон – Е, “Гартнер” автоматик колориметри, “Хантер” приборлари (АҚШ, Англия), “Момколор” (Венгрия) ва б. Томат пастасининг ранги хом ашёнинг пишиш даражасига боғлиқ. Кўк

жойлари мавжуд томатлардаги хлорофилл феофитинга айланади, қўнғир ранг пайдо бўлади. Юқори температурада узоқ иссиқлик билан ишлов бериш ҳамда пастани юқори температурали омборда сақлаш меланоидин реакцияларини активлаштиради, паста ранги қорайиши ва оксиметилфур- фурол миқдори кўпайишига олиб келади. Томат-пастанинг консистенцияси ундаги ноэрувчан НЭ моддалар миқдорига боғлиқ. Маҳсулотда Са-пектат қанча кўп бўлса, унинг қовушқоқлиги шунча юқори бўлади. Олий навли томат-пастада минерал моддалар бўлиши тақиқланади, I навли 30%ли томат-пастада уларнинг миқдори 0,08%дан кўп бўлмаслиги керак, 20%ли томат-пюреда эса 0,05% гача. Оғир металлар тузлари қуйидаги миқдорда меъёрланади (металл миқдорига қайта ҳисоблаганда мг 1 кг да): 15% ли томат-пюреда қалай – 200– гача; мис – 15 гача ва 30% ли томат-пастада – 40 гача. Қўрғошин ва бошқа аралашмалар бўлиши тақиқланади. Томат мевасининг 1 кг ида 0,2 – 1,2 мг мис мавжуд. Бу миқдордаги мис инсон организмининг айрим касалликларга қаршилигини оширади. Кислота ва оқсиллар томат таркибидаги мисни кам диссоциацияла- нувчи комплекс модда кўринишида бириктиради, миснинг С витамини парчаланиш реакциясини катализлаш хусусиятини пасайтиради. Лекин миснинг кўп миқдордаги тузлари аскорбин кислотаси ва ликопиннинг парчаланишга олиб келади. Металл кўринишидаги мис ҳаво кислороди бўлмаган ҳолларда томат массасида эримайди. Ҳавода миснинг оксидланиши натижасида унинг асосий карбонат ангидридли тузи С u 2 (ОН) 2 СО 3 ҳосил бўлади. У осонликча эрийд и ва маҳсулотга ўтади. Мисдан тайёрланган ускуналарнинг коррозияга учрамаслиги учун уларнинг узлуксиз ишлашини таъминлаш керак. Ускуналар ишлашдан тўхтатилганда ва ювилганда уларни тезда қуритиш зарур. Янги линиял а рда хром ва никель билан лигерланган зангламас

пўлатдан тайёрланган ускуналар ишлатилади. Томат-пастанинг оқ пўлатдан тайёрланган банкаларга коррозияловчи таъсири маҳсулотнинг аэрацияси ортиши ҳамда маҳсулот қадоқлангандан ёки стериллангандан сўнг секин совутилиши натижасида кучаяди. Таранинг коррозияланиши томат-пастада аскорбин кислота с и парчалари ҳамда диметоксилланган пектин мавжуд бўлганда кучаяди. Консерваланган томат соуслари Консерваланган соуслар томатлардан ёки концентрланган томат маҳсулотларидан тайёрланади. “Яччиқ томат соуси” туз, қанд, уксус ва турли зираворлар қўшиб қуюлтирилган ишқаланган томат массаси дир . Ушбу соуснинг “Черноморский”, “Грузинский”, “Деликатес”, “Летний”, “Аппетитний”, “Астраханский”, “Херсонский”, “Соус кубанский”, “ Ancl е Bens ” сингари турлари пўстлоғи олинган томатлардан майдалаб буғлатиш йўли билан тайёрланади. Юқоридаги зиравор ва компонентлар турли миқдорда солинади. “Аччиқ томат соуси”. Соус янги томатдан ёки концентрланган томат маҳсулотларидан тайёрланади. Концентрланган томат маҳсулотлари янги томатдан тайёрланганда, ишлаб чиқариш схемаси бўйича ишқаланган томат маҳсулотини ол ишдан бошланади. Витамин миқдорини ошириш учун С витамини ва каротинга бой бўлган қи з ил чучук қалампир пюреси қўшилади. Маҳсулот нинг ширинлик даражаси ҳам ошади. Томат массаси буғлатиш аппаратини бир марта тўлдиришга етарли миқдорда солинади ва буғланган миқдорни яна тўлдириб туриш учун масс а солиб турилади. Кейин қанд аппарат кесими бўйича тарқатилган ҳолда солинади. Туз қайнатишнинг сўнгги босқичида қўшилади, чунки унинг иштироки аппаратларнинг мисдан тайёрланган деталларини коррозиялаш жараёнини катализлайди ҳамда маҳсулот рангини ўзгартиради. Зираворлар (долчин, қлампирмунчоқ, қора ва хушбўй мурчлар, мускат ёнғоғи, саримсоқ) пишириш тугаши арафасида майин кукун кўринишида

қўшилади. Уксус эритмаси ишлатилиши мақсадга мувофиқ. Бунинг учун зираворлар 20%ли уксус кислотаси эритмасига 10 кун давомида солиб қўйилади, сўнг олинган экстракт фильтрланади. Уксусли экстрактнинг ўрнига зираворларнинг сувдаги ёки СО 2 даги экстракти ҳам қўлланилади. Зираворларни алмаштириш мумкин. “Аппетит ни й” соусининг таркибига олма пюреси ва притамин, “Летний” соуси таркибига эса ун ва лимон кислотаси киради. Буғлатилаётган маҳсулот таркибидаги қуруқ модда (қўшилган ош тузи ва қандни ҳам ҳисобга олганда) миқдори рефрактометр бўйича 29% га етганда пишириш жараёни тўхтатилади. Пишириш 45 дақиқадан ошиқ давом этмаслиги керак. Зираворларнинг уксусдаги экстракти ёки уксус пишириш тугашига 3–4 дақиқа қолганда қўшилади. Қуюлтирилган томат маҳсулотларидан аччиқ соус ишлаб чиқаришда ишлатиладиган барча томат-пюре ёки томат-паста қайнатиш қозонига рецепт бўйича солинади. Томат массасига қанд ва ош тузининг иссиқ концентрланган ва фильтрланган эритмалари қўшилади ва аралашма қайнатилади. Бу ҳолда пишириш 15–20 дақиқа давом этади. Иссиқ соус (85 0 С) шиша ёки лакланган темир банкаларга ҳамда 95 0 С температурада алюминий тубларга қадоқланади. Тара герметик беркитилгандан сўнг 100 0 С температурада стерил- ланади. Стериллаш вақти соуснинг тури ва тарасига қараб 20 дақиқадан 60 дақиқагача 100–180 кПа босим остида давом этади. “Аппетитн и й” ва “Летний” соуслари 85 0 С температурада пастеризацияланади. Алюминий тубига қадоқланган аччиқ томат соусининг рН и 4,0 дан ошмаса у ҳолда уни стерилизациялаш шарт эмас. Соус бир жинсли ишқаланган масса бўлиши керак, ранги қизил, нордон-ширин таъмли, зираворлар ҳиди яққол сезилиб туриши керак. Аччиқ томат соусида қуруқ модда миқдори (29% дан кам бўлмаслиги керак), умумий кислоталилик (олма кислотаси бўйича 1,1–1,5%), ош тузи

миқдори (2,0–2,5%), оғир металлар тузи 1 кг металлга қайта ҳисоблаганда, (қалай – 200 гача, мис – 25 мг гача), минерал аралашмалар (0,03%гача) меъёрланади. Аччиқ томат соусида кўп учрайдиган дефект – маҳсулот устида, таранинг оғзида қора ҳалқа пайдо бўлиши. Қорайиш темирнинг томат ёки зираворлар ошловчи моддаларининг полифенол гуруҳлари билан комплекс бирикмалар ҳосил қилиши натижасида пайдо бўлади. Ошловчи моддаларга бой бўлган долчин, қалампирмунчоқ ва бошқа зираворларни бевосита маҳсулотга қўшиш мумкин эмас. Темир бирикмалари маҳсулотга ош тузи, сув билан бирга тушиши ёки завод қувурл а ридан ўтиши мумкин. Темир миқдори 1 кг маҳсулот да 6–8 мг га етганда қорайишни бемалол сезиш мумкин. Темир тузлари ва ошловчи моддалар орасидаги реакция ҳаво кислороди иштирокида кетади. Соус деаэрацияси ва вакуум-тўлатгичлар, вакуум-беркитгич машиналар қўлланса маҳсулот қорайиши камаяди. Маҳсулотга аскорбин кислотаси қўшиш уни қорайишини кечиктиради. Аччиқ томат соусининг микробиологик бузилиши сут бижғитиш бактериялари Lactobacillus ва Leuconostoc томонидан келтириб чиқарилиши мумкин. Аммо бу бактериялар температурага чидамли эмас ва 76,6 0 С да бир неча дақиқада ҳалок бўлади. “Кубанский соуси” . Соус янги томатдан ишлаб чиқарилади. Улар пўстлоқсиз томатни бутун консервалашга тайёрлагандек, пиширишга тайёрланади. Тайёр маҳсулотда томат йирик бўлаклар кўринишида бўлганлиги учун уларни тайёрлаш жараёнида тешиклари диаметри 5 мм бўлган тўрли ишқалаш машиналаридан ўтказиш мумкин. Соус пиширишда қозонга аввалдан тайёрланган томат солинади, рецепт бўйича кўзда тутилган қанднинг бир қисм и , майда янчилган қора ва хушбўй мурч, волчокда майдаланган пиёз ва саримсоқ солинади. Қайнаб камайганда қозонга томатнинг қолган қисми солиб турилади. Дастлабки

ҳажм икки баробар камайганда, қанднинг қолган қисми солинади, пишириш тугашига бир неча дақиқа қолганда эса ош тузи солинади. Зираворларнинг уксусли экстракти (қалампирмунчоқ, долчин, хантал) пишириш тугагандан сўнг солинади. Маҳсулотда қуруқ модда миқдори 28% га етганда (қанд ва тузни ҳам ҳисобга олганда) пишириш жараёни тугатилади. Соус иссиқ ҳолатда тарага қадоқланади, герметик беркитилади, стерилланади ва совутилади. Тайёр маҳсулот – пўстлоғи олинган томат, пиёз ва саримсоқнинг пиширилган бир жинсли массаси. Соус қизил рангли бўлиб, ундан зираворларнинг ўзига хос ҳиди келиб туриши керак. Тайёр маҳсулотда қуруқ модда, ош тузи миқдори, умумий кислоталилик ҳамда оғир металлар ва қумнинг рухсат этилган миқдори меъёрланади.

Похожие

Мева ва сабзавот шарбатлари ва ичимликлари

Алоҳида турдаги консерваларни ишлаб чиқариш технологияси

Мева-сабзавот консервалари ишлаб чиқариш чиқитларидан фойдаланиш

Қишлоқ хўжалик маҳсулотларини консервалаш ва уларни сақлаш технологияси

Бижғитилган (тузланган, ивитилган) сабзавот-мевалар