Кўсак териш машиналари - Сельское и лесное хозяйство - Рефераты

Кўсак териш машиналари

Загружено в:

20.09.2019

Скачано:

0

Размер:

55.5 KB

Кўсак териш машиналари СКО-4 тозалагичли кусак териш машина (расм) кўсак, ча ла очилган кўсак ва қўлда ёки машинада терилгандан кейин қолган хосилни териш учун мўлжалланган. Машина 60 см ли қатор ораларида ишлаш учун Т-28Х4М тракторига ярим ўрнатма холда ўланади. Териш аппарати валикли қилиб ясалган. Бу машина қўйидаги уч хил технологик схема асосида ишлаши мумкин: терилган кўсакларни тозаламайди; терилган кўсак ларни чақади: кўсакларни чуваб хас-чўпдан тозалайди. Машинанинг тузилиши ва асосий қисмлари. СКО-4 кўсак териш машина қўйидаги асосий узеллардан: иш аппаратлари, тозалагич, рама, бункер, вентилятор, трансмиссия, ўзи ўрнашадиган кетинги таянч ғилдирак ва кўтариш механизми — гидросистемадан иборат. Машинанинг квадрат трубалардан тузилган рамаси кейинги томони билан ўзи ўрнашадиган ғилдиракка таянади, олд томони эса трактор ярим ўқларининг қопламаларига шарнирли махкамланади. Машинанинг барча асосий узеллари рамага ўрнатилади. Машинада тўртта териш аппарати бўлиб, уларнинг хар бири ўзаро параллел ўрнатилган рифли иккита валик, металла қоплама ичига олинган иккита шнек ва редуктордан иборат. Аппаратлар кўтариш механизми билан гидросистема воситасида кўтарилади ва туширилади. Терилган кўсаклар машинанинг тозалаш мосламаси (гозалагич)да тозаланади. Тозалагич (расм): чақиш ва хас-чўпдан тозалаш барабанлари, арра тишли катта барабан асосий сепара тор, кичик арра барабан, чиқитлар сепаратори, чўткали ажратгич барабан хамда шнекдан иборат. Тозалагич пахтани хас-чўпдан 50—60% гача тозалайди. Тозалагичдан ўтган пахтани бункерга ўзатадиган пневматик транспортёр: сўриш трубаси, хавони ён томондан сўрадиган вен тилятор ва

хайдаш трубасидан иборат. Машинанинг бункери териш аппарати устида жойлашган бўлиб, терилган хосилни тракторнинг 2-ПТС-4—793А прицепига ёки автоприцепларга тракторнинг гидросистемаси ёрдамида ағдаради. Машинанинг барча иш органлари кардан вал ва тақсимлаш коробкаси орқали тракторнинг ҚОВдан харакатланади. Тақсимлаш редуктори ярим муфталар орқали териш аппаратларининг редукторларига, оралиқ вал трансмиссия орқали эса тозалагич билан вентиляторга харакат ўзатади. Машинада бир киши ишлайди. Иш мавсуми тугагандан кейин машинанинг рамаси бар ча узеллар билан бирга трактордан ажратилади ва узеллар қисмларга ажратилмаган холда узоқ, вақт сақлашга қўйилади. Машинанинг технологик иш жараёни. Машина харакатланганда туп йўналтиргичлар тўрт қатор ғўзани териш аппаратла рининг иш тирқишларига йўналтиради. Хар бир иш тирқиш айланадиган иккита рифли валик орасида хосил бўлади. Ғўза туплари иш тирқишидан ўтаётганда айланиб тўрган валиклар улардаги кўсак ва бошқа элементларни сидириб олиб, иш аппа - ратларининг тарновларига ташлайди, аралашма бу ердан кўндаланг шнекка юборилади. Кўндаланг шнек кўсакларни лентали транспортёрнинг қабул дарчасига ўзатади. Терилган кўсакларни лентали транспортёрга ўзатиш вақтида майда хас- чўплардан тозаланиши учун шнекларнинг тарновлари га махсус тешиклар қилинган. Транспортёр кўсакларни юқорига, тозалагичнинг чақиш барабанига ўзатади ва қабул камерасининг махсус қайтаргич заслонкаси ёрдамида барабанга бир меъёрда тақсимлайди. Чақиш барабани кўсакни рифли сирт (дека)га ва турга ишқалаб майда хас-чўпдан тозалайди. Майдаланган кўсак бу барабандан катта тезликда арра барабанга ташланади. Аррали барабан чақилган кўсакни пахта ва чиқитга ажратади. Пахта арранинг тишларига илашиб машинанинг бошқа қисмига ўтади, тишларга илашилган пахта, ғўза пучоқ, шох ва хас-чўплар эса пастга

тўшади. Сўнгра пахта ва чиқитлар қўшимча равишда яна ишланади: иккита кичик арра барабан чиқитларни қил чуткалардан ўтказади. Бунда чиқитлардаги қолган-кўтган пахталар чиқиб, аррага илашади. Учта арра барабанга илашган пахта-чутка барабан ажратиб олиб, тозалагич шнегининг тарновига ташлайди. Тозаланган пахта тозалагичнинг шнегига тушади ва у ерда хавони ён томонидан сўрадиган вентилятор орқали машинанинг бункерига келади. Ғўзапучоқ, хас-чўп ва бошқа аралашмалар қия тахта бўйлаб ерга тушади. Ғўза тупларидаги кўсакларнинг кўпчилиги кўк бўлса, машина кўсакни чақадиган қилиб созланади: бу холда терилган қуруқ кўсак фақат тозалагичнинг чақиш барабанига тўшади, сўнгра бункерга ўзатилади. Кўк кўсаклар эса майдаланиб, тез қўрийди, сўнгра пахтаси ажратиб олинади. Иш аппаратларининг холатини ростлаш. Валикларнинг иш (олд) қисми қаторларнинг профилига қараб пуштадан 40—50 мм баланд кўтарилади. Бунинг учун бармоқ, аппарат осмасининг тешикларига қайта урнатилади. Иш вақтида аппаратларнинг қатордан баландлигини гидросистема ёрдамида ростлаш мумкин. Иш тирқишининг кенглиги 18—25 мм бўлиши керак. Бунинг учун иш валиги айланадиган подшипник таянчининг квадрат учи, аввал иккита болтни бўшатиб, сўнгра силжитилади. Иш тирқиши аппаратнинг қаторга кирадиган қисмига нисбатан симметрик жойлашган ва аппаратлар орасида 60 см оралиқ сақланиши лозим. Бунинг учун унг ва чан валиклари силжитилади. Чўткали ва арра барабанлар ўртасидаги тирқишни ростлаш. Чўткалар арраларнинг тишларига тегиб ёки 2 мм гача ботиб тўриши керак. Кичик арра барабанлар билан чўтка барабан ўр тасидаги тирқиш чўтка барабани силжитилиб ростланади, шунда чўтка барабани подшипник корпусларининг остидаги қистирмалар олиб ташланади ёки қўйилади. Катта арра барабан билан чўтка барабан ўртасидаги тирқиш арра барабанни силжитилиб ростланади, бунинг учун юқоридаги катта арра

барабани подшипник корпусларининг остидан қистирмалар олинади ёки қўйилади. Транспортёрнинг лентасини таранглаш. Бунинг учун юқориги етакчи барабан махсус тарангловчи болтлар ёрдамида силжи тилади. Олд валнинг сақлагич муфтасини ростлаш. Машинанинг нагрузкаси бироз ошганда гайкаларни бураб, пружина қисилади. Тозалагич вентиляторнинг ва транспортёрнинг тасмаларини та ранглаш учун тарангловчи роликлар силжитилади. Занжирли ўзатмаларнинг занжирларини таранглаш учун тарангловчи юлдузчалар силжитилади. Мувозанатловчи пружиналар болтлар билан ростланади. Пружиналар яхши ростланган бўлса, иш аппаратини ёйидан ўшлаб 50—80 Н куч билан кўтариш мумкин бўлади, қўшиб юборилганда эса аппарат бошланғич холатига қайтади. Кабул камерасидаги заслонка (юқори қалпоқ) машина хара-катланганда бригада механигининг иштирокида ростланади. Бригада механиги камеранинг қопқоғини очиб, кўсакнинг қандай тақсимланаётганини кўзатади. Заслонка тўғри ўрнатилганда чиқитлар қия тахтага бир меъёрда тўшади. Машинани берилган кўсакнн тозалайдиган қилиб созлашда заслонка юқори холатда бўлиши лозим. Агрегат ғўза тупларидаги кўсакни кўп тўкса, тракторнинг юриш тезлигини камайтириш ёки иш тирқишини торайтириш керак. Бункерга тўшаётган пахта жуда ифлос бўлса, қабул камерасининг заслонкасини созлаш, агар хосил гектарига 8 центнердан ошмаса, тракторнинг тезлигини камайтириш керак. СКО-2,4 ва СКО-3,6 кўсак териш машиналари. СКО-2,4 СК-3,6 кўсак териш машиналарининг тўзилиши, технологик иш жараёни, созлаш-ростлаш хамда техник хизмат кўрсатилиши жихатдан бир-бирига хамда СКО-4 га ўхшайди. Машиналарнинг асосий фарқи иш аппаратларининг жойлашишидир. СКО-2,4 машинада иш аппаратлари 60 см ли қатор

ораларига, СКО-3,6 машинада эса 90 см ли қатор ораларига мослаб ўрнатилади. Тўрт қаторли машиналар уч хил технологик схемада ишлайди: 1) терилган кўсакларни чувиб, хас-чўпдан тозалайди; 2) терилган кўсакларни чақиб бункерга ўзатади; 3) терилган кўсакларни тозаламай бункерга ўзатади. Машиналар Т-28Х4М ва МТЗ-80Х тракторларига қўшилади. Машинанинг тузилиши ва асосий қисмлари. Кўсак териш ма шина қуйидаги асосий узеллар: иш аппаратлари, рама, кундаланг шнек, конвейер, тозалагич, карданли узатма, трансмиссия, кўтариш механизмли гидросистема, ўз-ўзидан ўрнашувчи кетинги таянч ғилдирак ва бошқалардан ташкил топади. Машинага тўртта иш аппарати ўрнатилган. Хар бир аппаратда рифланган иккита иш органи, иккита шнек, редуктар ва каркас бор. Каркасга аппаратнинг барча узел ва деталлари махкамланади. Аппарат каркаси туғри тўртбурчак шаклида пайвандланган қутидан иборат бўлиб, қутининг кетинги қисми иш аппаратининг редукторини махкамлаш учун панель вазифасини бажаради. Қутининг остига иккита нов пайвандланган. Бу новларнинг юқори қисми ёйсимон швелларга бирлаштирилган. Вига аппаратнинг олд қисмини мувозанатловчи пружинали осма махкамланган, бу эса аппаратнинг қатор рельефига яхши мосланишини таъминлайди. Иш валиги контури бўйича чиқиқ ва ботиклари бўлган махсус профилли трубадан иборат. Валикнинг чиқиқлари бўйича диаметри 50 мм га тенг. Иш валининг пастки учи қўш қаторли подшипникга таянади, юқори қисмида эса редукторнинг қўйируғига махкамланган шарнир бор. Валик редуктордан харакат олади. Машина иш жараёни. Машина дала бўйлаб харакатланганда туп йўналтиргичлар тўрт қаторлининг ғўзасининг териш аппаратларининг иш тирқишига йўналтиради. Машинами ишга тайёрлаш. Далада ишлаш учун агрегат иш тирқишининг кириш қисмидаги кенглиги даладаги ғўзанинг холатига қараб 18—32 мм

чамасида ўрнатилади, тозалагич ғўзаларнинг намлигига қараб тегишли схемада ишлашга созланади. Қаторларга кириш олдидан қамраш оралиги топилади. Маши на биринчи марта ўтгандан кейин унинг туғри созланганлиги текшириб кўрилади ва агрегатнинг харакат тезлиги аниқланади. қаторга кириш олдидан иш аппаратлари ишлатилади ва туширилади: иш вақтида аппаратларни мумкин қадар паст тутиш лозим. Бункерни терилган пахталардан ўз вақтида бўшатиш ва иш органларини хамда тозалагичнинг камерасини тозалаш керак. Кундаланг шнек ёки транспортёр тиқилиб қолганда конвейернинг қайтарма туби очилади, унинг бурзи ва кундаланг шнекнинг кўракчаси тозаланади. Тозалагич тиқилганда копқоридаги люкни очиб, камера ва шнек тозаланади. Машина тикилган нарсалардан тозалангандан кейин аввал қул билан, сўнгра трактор двигателнинг кичик айланишларида ишлатиб кўрилади.

Адабиётлар : 1. Е.Е.Серго. Дробление, измельчение и грохочение полезных ископаемых. Москва., Недра. 1986. 2. В.П.Егоров. Обогащение полезных ископаемых.Москва.Недра.1986. 3. В.В.Звереевич., В.А.Перов. Основы обогащения полезных ископаемых. Москва. Недра. 1972. 4. Т.Г.Фоменко. Гравитационные процессы обогащения полезных ископаемых. Москва. Недра. 1968. 5. В.А.Глембоцкий и др. Флотация. Москва. Госгортехиздат. 1961. 6. В.И. Кармазин, В.В. Кармазин. Магнитные методы обогащения. Москва. Недра. 1984.

Похожие

Пахта териш машиналари

Пахта териш ва тозалаш машиналари пахта териш машиналари ҳақида

Пахта етиштириш ва териш машиналари

Пахта ҳосини теришга тайёрлаш ва териш қоидалари

Пахтани йиғиб - териб олишга кўриш ва териш технологияси