Электр стартёрлар ва ишга тушириш иситгичлари

Загружено в:

20.09.2019

Скачано:

0

Размер:

1857.5 KB

Скачать

Электр стартёрлар ва ишга тушириш иси т гичлари Режа: 1. Стартёрнинг ишлаш принципи 2. Бевосита бошқариладиган стартёрлар 3. Масофадан бошқариладиган стартёрлар 4. Ишга тушириш қайта улагич 5. МТЗ-50 ва МТЗ-80 трактордаги СТ212 стартёрини ишга тушириш 6. Стартёрларга техникавий хизмат кўрсатиш ва уларнинг нуқсонлари 7. Ишга тушириш иситгичлари

1. Стартёрнинг ишлаш принципи Электр стартёр двигателни ишга туширишда унинг тир- сакли валини бурашга хизмат қилади. Стартёр кетма-кет ёки аралаш уйғотишли ўзгармас ток двигатели бўлиб, у ўзгармас токни аккумулятор батареясидан олади. Электр стартёрларга қуйидаги талаблар қўйилади: тузилиши оддий бўлиши ва техникавий кўрсатиш осонлиги, габарит ўлчамлари кичиклиги ва массасининг енгиллиги; тайёрлаш арзонлиги; ишлатишда ишончлилиги ва узоққа чидамлилиги; солиштирма қувватининг катталиги (яъни қуввати 1 кг массага тўғри келади), карбюраторли двигателлар учун 40-50 айл  мин ва дизел двигателлари учун 80-120 айл  мин га тенг бўлган ишга тушириш айланиш сонини таъминловчи буровчи моментнинг катта бўлиши; салт юриш режимида стартёр вали айланиш сонининг кичик бўлиши ва таъминловчи токнинг кам бўлиши. Оддий стартёр (50-расм) иккита электромагнит 1, якорь 2, якор чулғами 3, коллектор 4, чўтка 5 ва аккумулятор 6 дан тузилган. Агар ток якорнинг юқори қисмидаги ўтказгичлардан расмда кўрсатилгандек йўналишда юборилса (ўтказгичлар расмда крестлар билан ифодаланган), унда ўтказгичларни магнит куч чизиқлари чап томонга итаради. Якорнинг ўнг томонида магнитнинг магнит куч чизиқлари ўтказгичлар атрофида ҳосил бўладиган магнит куч чизиқлари билан бир хил йўналишда бўлади. Натижада магнит майдони йиғиндиси ҳосил бўлади. Якорнинг чап томонида ўтказгичлар ва электромагнитнинг магнит куч чизиқлари қарама-қарши томонга йўналганлиги учун у зарядсизланган магнит майдонини ҳосил қилади. Магнит майдони йиғиндиси ҳосил бўлиши натижасида йўналиши чап қўл қоидаси бўйича аниқланадиган итарувчи куч пайдо бўлади. Ўтказгичларнинг итариши якорнинг айланма харакатига айланади. Агар ярокнинг пастки қисмидаги ўтказгичдан расмдаги йўналиш бўйича (бу ўтказгичлар нуқталар билан кўрсатилган) ток ўтказилса, унда бу ўтказгичлар ярокдан ўнг томонга итарилади.

$расм. Оддий стартёрнинг тузилиш схемаси: 1-электромагнит; 2-я=орь; 3-якорь чул\ами; 4-коллектор; 5-чыткалар; Ток йўналиши ўзгартирил маганда якорь 180  га бурилгач тўхтайди, чунки унинг юқориги ва пастки қисмларидаги ўтказгичлар бир томонга итарилади. Якор айланиб кетиши учун ўтказгичлардаги ток йўналишини ўзгартириш керак. Бу коллектор ёрдамида бажарилади. Ўтказгич учлари коллектор пластинкаларига уланган бўлиб, якор чулғамини ҳосил қилади. Агар пластинкалардан бири манфий чўтка остида бўлса, унда пластина мусбат чўтка остига келиб қолади. Натижада якор айланиши учун зарур бўлган ўтказгичлардаги ток йўналиши ўзгаради. Барча ўзгармас ток генераторлари қайтарувчанлик, яъни улар ўзгармас ток электр двигателларига айланиш хусусиятига эга эканлигини таъқидлаб ўтиш лозим. Бироқ статёр ток миқдорига боғлиқ бўлган катта айланувчи моментга эга бўлиши керак. Замонавий стартёрлар двигателни ишга тушириш вақтида 200-800 А ток истеъмол қилади ва бунда якор чулғами шундай токни ўтказа олишга мўлжалланган бўлиши керак. Шунинг учун стартёр якори чулғами ўрамларининг кўндаланг кесими генератор якори чулғами ўрамларининг кўндаланг кесимига нисбатан анча катта бўлиши лозим. Замонавий стартёрлар учта агрегат: ўзгармас ток электр двигатели, бошқариш механизми ва юритиш механизмидан иборат. Ишлаш усулига қараб улар бевосита бошқариладиган стартёр ва масофадан бошқариладиган стартёрга ажратилади. Бевосита бошқариладиган стартёрларда ҳайдовчи улаш рича-гини қўл ёки оёқ (баъзи типларида) билан босади. Агар стартёр ва аккумулятор ҳайдовчи яқинига жойлашган бўлса, бундай бошқариш қулай. Акс ҳолда, тортқи ва бошқариш механизми шарнирлари ейилиши натижасида ишончсиз уланади. Масофадан бошқариладиган стартёрлар кенг$

тарқалган. Ҳайдовчи стартёрни ё ўт олдириш калитини бураб ёки учиргич кнопкасини босиб ишга туширади. Стартёр электромагнитавий ишга тушириш релеси орқали уланади. Масофадан бошқаришда двигател ишлаб турганда стартёрни улаш мумкин эмас. Юритиш механизмининг ишлаш усулига қараб стар-тёрлар механикавий уланадиган ва электромагнитавий уланадиган стартёрларга бўлинади. Механикавий уланадиган стартёрда унинг шестерняси двигател шестерняси билан (маховик гардиши орқали) улаш ричаги (бир вақтда занжирга стартёрни улайдиган) ёрдамида тишлаштирилади. Электромагнитавий уланадиган стартёрда шестерня стартёрга ўрнатилган электро-магнит тортиш релеси таъсирида тишлашади. 2. Бевосита бошқариладиган стартёрлар Бу группадаги стартёрларга ГАЗ-53 А автомобилнинг двигателига ўрнатиладиган СТ130-Б стартёри киради. Стартёр ишга тушириш двигателини юргизишга хизмат қилади ва 12 В кучланишда қувватини 0,43 кВт га етказади. Корпус, учиргичи, якорь, қопқоқ ва юритиш механизми стартёрнинг асосий қисмлари ҳисобланади. Корпус тўрт қутбли бошмоқ ва тўртта ғалтак электромагнит ҳосил қилади. Корпус алюминий қотишмасидан ясалган бўлиб, унда ҳимоя лентаси билан беркитилган чўткаларга яқинлашиш учун дарча бор. Корпусга қутбли бошмоқлар винтлар билан маҳкамланиб, бу бошмоқларга мис лентадан иборат ғалтаклар кийгизилган. Ғалтаклар уйғотиш чулғамини ҳосил қилиб, унинг бир учи бош қисмага, иккинчиси, яъни иккита параллел тармоққа бўлингани мусбат чўткаларга уланади. Двигателни ишга туширишда ричаг воситасида учиргичи қалпоқчасига босилади, натижада қўзғалувчан контакт қисмларни туташтиради. Стартёр занжирига уланади ва аккумулятор батареясидан ток олади. Стартёр қопқоғида (расм,а) тўртта чўтка туткич 2 бўлиб, булардан қопқоқдан изоляцияланган иккитаси мусбат чўткалар, изоляцияланмаган

иккитасига тманфий чўткалар ўрнатилган. Чўткалар МГС ва МГСА қотишмасидан ясалган (М-мис, Г-графит, С-қўрғошин, А-алюминий). Мусбат чўткилар ип-газлама билан изоляцияланган эгилувчан кўп томирли симлар воситасида уйғотиш чулғамида учларига уланган, манфий чўткалар худди шундай симлар воситасида корпусга, яъни массага уланган, бироқ улар изоляцияланмаган. Чўткаларни чўтка тутқичларнинг эгилган ясси пружиналари 0,9-1,3 кгк билан босиб туради. қопқоққа бронза-графит втулка 4 ўрнатилган. Стартёр якори (51-расм, б) коллектор 7, чулғам 9, ўзак 8 ва вал 10 дан тузилган. Валга ўзак пластиналари маҳкамланади ва унда юритиш механизми втулкаси сурилиши учун шлица бор. расм. СТ130-Б стартёрнинг қопқоғи (а), якорь (б) ва эркин йўл муфтаси (в): 1-қопқоқ; 2-чўтка тутқич; 3- пружина; 4-втулка; 5-винт учун тешик; 6-изоляция; 7-коллектор; 8-ўзак; 9- чулғам; 10-вал; 11-вал шлицалари; 12-ташқи обойма; 13-плунжер; 14- ролик; 15-ички обойма; 16-бронза графит втулка; 17-кожух. Чулғамнинг кўндаланг кесими туғри бурчакли йўғон мис симдан ясалган бўлиб, у массадан изоляцияланган ўзак уйиқларига жойлаштирилган. Чулғам секцияларининг учлари коллектор чиқиқларига («тожларига») кавшарланган. Коллектор пластиналари орасида изоляия вазифасини имконият (прессланган слюда) бажаради. Пластиналар орасидаги изоляция ўзгарувчан ток генераторларидагидек чуқур қилинмайди, чунки чўт-калар анча қаттиқ материалдан ясалган. Юритиш механизми стартёр якорини двигател тирсакли валига улаб, унга айланма ҳаракат узатади. Бу механизм улаш ричаги, ричаг муфтаси, шлицали втулка, пружина, эркин йўл муфтаси ва юритиш шкивидан иборат. Шлицали втулка ричаг муфтаси ва эркин йўл муфтаси билан бирга якорь вали шлицасида сурила олади. Шестерня тишлари қия қилиб ишланган, бу уларнинг маховик гардиши тишлари билан пухта тишлашишини

таъминлайди. Эркин йўл муфтаси двигател ишга туширилгач у «олиб қочмаслиги» учун статёр якорини двигател тирсакли валидан автоматик ажратишга хизмат қилади. Ишга туширилгач, тирсакли вал якорни нормал айланиш частотасидан бир неча марта катта бўлган айланиш сонида айлантира бошлайди. Бунда аварияга сабаб бўлувчи катта марказлан қочма куч пайдо бўлади: ўтказгичлар якорни ўзак ўйиқларидан «чиқариб ташлайди», улар бузилади, чулғамлар массага (корпусга) қисқа туташади, натижада аккумулятор батареяси ишдан чиқади. Шунингдек, двигателни ишга туширгач, тезда статёрни узиш керак. Бироқ қатор сабабларга кўра буни амалга ошириб бўлмайди: масалан, шестернялар қийшайиши натижасида у ейилган, ҳайдовчи ишга туширилган двигател шовқинини кеч эшитади ва бошқалар. Двигател ишга туширилгач автоматик ажратгич вазифасини эркин йўл мфтаси бажаради. Кўриб чиқилаётган стартёрда ролик типидаги муфтадан фойдала-нилган. Ролик типидаги эркин йўл муфтаси (51-расм, в) кожух 18, ташқи обойма 12, тўрт ёки бешта плунжер 14, плунжер пружинаси 13, тўрт ёки бешта ролик 15 ва ички обойма 16 дан тузилган. Ташқи обойма юритиш механизмининг шлицали втулкаси билан, ички обойма эса юритиш шестерняси билан бир бутун қилиб ишланган. Двигател ишга туширилганда роликлар, плунжер пружинаси таъсирида ташқи обоймага қилинган чуқурчанинг тор жойига ғилдираб ўтади ва ташқи обойма ички обойма билан поналаниб қолади. Якорнинг айланма ҳаракати поналанган обоймалар орқали юритиш шестеряси ва тирсакли валга узатилади. Ишга туширилгач юритиш шестерняси ва ички обоймалар кескин сурилади, натижада роликлар чуқурлардан итарилиб чиқади. Бунда пружиналар сиқилади, обоймалар ажралади. Стартёр ҳали занжирдан узилмайди, юритиш шестерняси ва ички обойма тирсакли вал айланиш сонида, стартёр якори ва ташқи обойма эса 150 айл  мин дан ошмайдиган яъни нормал айланиш сонида айланади. Стартёр узилгач, роликлар пружиналар таъсирида муфта обоймасини

поналайди. 3. Масофадан бошқариладиган стартёрлар ГАЗ-53А, ГАЗ-66 ва ЗИЛ-130 автомобилларига ўрнати-ладиган СТ130- Б стартёрининг тузилиши билан танишиб чиқамиз (52-расм). Стартёрнинг қуввати кучланиш 12 В бўл-ганда 1,02 кВт га тенг. Корпус, якорь, қопқоқ, реле ва юритиш механизми унинг асосий қисмларидир. Корпус ва тўртта қутбли бошмоқ ғалтаклар билан бирга электромагнитни ҳосил қилади. Ғалтаклар ўз навбатида иккита параллел тармоқни ҳосил қилади, бироқ бу тармоқнинг ҳар бирида улар кетма-кет уланган. Якор алоҳида изоляцияланган пластиналардан йиғилиб бўлиб, уларга паз қилинган ва унга чулғам жойлаштирилган. Якорда ҳаммаси бўлиб 31 та паз ва шунча коллектор пластинаси бор. Якор валига тўрт киримли резьба очилган бўлиб, унда юритиш механизмининг резьбали втулкаси равон ҳаракатланади. Стартёр қопқоғи юритиш механизми 18 корпусига бириктириш болти 3 ёрдамида маҳкамланган. қопқоққа пружина ва чўтка 4 ли тўртта чўтка тутқич ўрнатилган. Стартёр РС130 нинг релеси тортиш чулғами 9, тутиб турувчи чулғам 10, ўзак 11, якор 12, якор пружинаси 13, улаш звеноси 14, қўзғалувчан контакт 7, иккита бош қисма 5, улаш шинаси, реле корпуси ва унинг қопқоғи 15 дан тузилган. Тутиб турувчи ва тортувчи чулғамларда 250 тадан ўрам бўлади. Улар диаметри 0,83 мм ли симдан ясалган. Тутиб турувчи чулғам тортувчи чулғамга жойлашган. Реле якори ростлаш винти ва звено 14 орқали юритиш механизмининг ричаги 18 га уланган. Якорга уни дастлабки ҳолатга қайтарувчи пружина ўрнатилган. Юритиш механизми таркибига ричаг 16, ростлаш винти 19, ричаг ўқи, отводка, ёрдамчи пружина 23, отводка пружи-наси 22, резьбали втулка 24, эркин йўл муфтаси 21, юритиш шестерняси 20, ростлаш қистирмалари, таянч диск ва бронза-графит втулка 19 киради. Эркин йўл муфтаси ролик

типидадир. расм. СТ130-Б стартёри: 1-корпус; 2-якорь вали; 3-бириктириш болти; 4-чўтка; 5-асосий қисма; 6-қисма КЗ; 7-қўзғалувчан контакт; 8-чулғам қисмаси; 9-торутвчи чулғам; 10- тутиб турувчи чулғам; 11- ўзак; 12-реле якори; 13-механизмининг ричаги; 15- реле қопқоғи; 16-юритиш механизмининг ричаги; 17-ростлаш винти; 18- юритиш механизмининг корпуси; 19-бронза-графит втулка; 20-эркин йўл муфтаси; 21-отводка пружинаси; 22-ёрдамчи пружина; 23-резьбали втулка; 24-стартёр якори. РС 24 ишга тушириш релеси стартёрни ишга туширади ва тўхтатади (56-расм). У панель 19, ярмо 16, ўзак 14, чулғам 15, якор 21, якор пружинаси 13, якорни кўтаришни чеклагич 20, контакт 19, стойка 18 дан тузилган. Панелга қуйидаги: иккита-К (ғалтак), Cm (стартёр) ва Б (батарея) билан ифода-ланган қисмалар маҳкамланган. Чулғам диаметри 0,19 мм бўлган 1100 та сим ўрамидан иборат. Асбоб деталлари қопқоқ билан бириктирилган. Контактлар кумуш ва кадмий қотишмасидан ясалган. расм. СТ130-Б стартёрни улаш схемаси: 1-генератор; 2-реле-ростлагич; 3-аккумуляторлар батареяси; 4-стартёр; 5-индуктив ғалтак; 6-стартёр релесининг асосий қисмлари; 7-шина; 8-чулғам қисмаси; 9-реле якори; 10-тутиб турувчи чулғам; 11-тортувчи чулғам; 12- қўзғалувчан контакт; 13-якорь пружинаси; 14-ўзак; 15-чулғам; 16-ярмо; 17-

панель; 18-стойка; 19-контактлар; 20-якорни кўтаришни чеклагич; 21-якорь; 22-ўт олдириш учиргичи. Стартёрни ишга тушириш учун ўт олдириш учиргичининг калити чекка ўнг ҳолатга буралади, натижада қуйидаги занжир ҳосил бўлади: аккумулятор батареясининг мусбат чиқиши-стартёр релесининг бош қисмаси 6-ўт олдириш учиргичи 22-қисма К, чулғам ва РС 24 ишга тушириш релеси-реле- ростлагич ва генератор қисмаси Я-масса-аккумулятор батареясининг ман- фий чиқиши. Ишга тушириш релесининг чулғамидан ток ўтиши натижаси унинг ўзаги магнитланади ва контаклар туташади. Стартёр релесида тортувчи ва тутиб турувчи чулғам занжирлари ҳосил бўлади. Тортувчи чулғам занжири: аккумулятор батареясининг мусбат чиқиши- қисма 6-қисма Б-ярмо, якорь, РС24 улаш релеси контактлари ва қисмаси Cm- қисма 7, тортувчи чулғам 11, қисма 8, шина 9 ва қисма 6-стартёрнинг уйғотиш чулғами-стартёрнинг мусбат чўткалари-стартёр якорининг чулғами- стартёрнинг манфий чўткалари-масса-аккумулятор батареясининг манфий чиқиши. Тутиб турувчи чулғам занжири: аккумулятор батареясининг мусбат чиқиши -РС24 релеси қисмалари Б ва Cm-стартёр релеси қисмаси 8-тутиб турувчи чулғам 10-масса-батареянинг манфий чиқиши. Стартёр релеси чулғамлари ҳосил қилган магнит оқими таъсирида якорь ўзак ичида тортилади ва бириктириш звеноси орқали юритиш механизми ричагини буради. қисмалар 6 бир вақтда кўзғалувчан контакт 12 таъсирида ўзаро ва қисма КЗ билан туташади. Натижада тортувчи чулғам занжирдан узилади, тутиб турувчи чулғам эса уланган ҳолатда бўлади, чунки унинг магнит оқими релеси деталларини тутиб туриш учун керак бўлади. қисма КЗ га индукцион ғалтак 5 қисмаси ВК дан чиққан сим уланган. Бош қисмалар 6 уланиш вақтида индукцион ғалтак вариаторининг резистори қўзғалувчан контакт 12 ёрдамида шунтланади, яъни қисқаради ва занжирдан узилади. Бу вақтда батареядан ўт олдириш тизимдаги паст кучланишли ток вариатор резисторидан эмас, балки контакт 12 орқали ўтади. қўзғалувчан

контакт бош қисмалар туташиши натижасида стартёрнинг тўғри занжири ҳосил бўлади: аккумулятор батареясининг мусбат чиқиши-стартёр чулғами- масса-аккумулятор батареясининг манфий чиқиши. Тортувчи чулғамнинг занжирдан узилиши стартёр занжирдаги қаршиликни камайтиради ва шунга мос равишда ток кўпаяди, бу ўз навбатида якорни тушган генератор э.ю.к. нинг йўналиши аккумулятор батареяси ишлаб чиқарган э.ю.к. га қарама- қарши йўналишда бўлади. Уларнинг бир-бирига қарама-қарши таъсири РС24 ишга тушириш релеси чулғамида токни камайтиришга ва унинг якори пружинаси таъсирида контактларнинг ажралишига сабаб бўлади. Стартёр уланадиган занжирлар автоматик узилади, якорь пружинаси эса уни ва қўзғалувчан контактни дастлабки ҳолатига қайтаради. Стартёр занжирида РС24 ишга тушириш релесининг бўлиши қуйидаги афзалликларга эга: двигателни стартёр ёрдамида ишга туширишда батарея қисмаларидаги кучланиш бир оз камаяди; асбоблар контакти кам куяди; айрим асбоблар ва занжирлар участкасига юклама кам тушади; двигателни ишга туширишда қатнашадиган асбоблар ўз ҳолича мустақил ишлай олади. Буни аниқлаш учун стартёр уланганда ҳосил бўладиган занжирларни яна кўриб чиқамиз биринчи занжирни РС24 ишга тушириш релеси чулғами ва ўт олдириш учиргичи ҳосил қилади. Иккинчи занжирни стартёрнинг уйғотиш чулғами, стартёр релесининг чулғами ва ишга тушириш релесининг туташган контактлари ҳосил қилар эди. Учинчи занжир старнтёрнинг уйғотиш чулғами ва статёр релесининг кўзғалувчан контактидан иборат эди. Биринчи занжирни ҳосил қилган асбоблар ва чулғам иккинчи занжирда қатнашмайди. Учинчи занжирни ҳосил қилишда ҳам худди шу ҳолнинг ўзи бўлади. Шундай қилиб ток кўпайганда занжирда юклама камаяди, бу уларнинг элементларини эрта ишдан чиқишдан сақлайди. Агар юритиш шестерняси маховик гардишига мой қуюқлашиб қолганлиги ёки шестерня қийшайиши (втулка ейилиши натижасида) сабабли тиқилиб қолса, унда стартёрни дарҳол занжирдан узиш керак. Стартёр релесининг якори қўзғалувчан контакт билан бирга пружина таъсирида

дастлабки ҳолатга қайтади, юритиш механизмининг ричаги ўз ўқида айланади ва ёрдамчи пружинани сиқади. МТЗ-50, МТЗ-80 ва Т-40 тракторларига ўрнатилган СТ212 стартёри (57-расм) масофадан бошқариладиган стартёрлар группасига киради. У 12 В кучланишда қувватни 2,71 кВт га оширади. Корпус 1, якорь 2, қопқоқ 4, реле 7 ва юритиш механизми 8 стартёрнинг асосий қисмларидир. СТ212 стартёрнинг тузилиши билан танишиб чиқамиз, Тўртта чўтка тутқичга МГС қотишмасидан ясалган иккитадан чўтка 3 ўрнатилган. Ҳар бир чўткани алоҳида-алоҳида пружина босиб туради. Жуфт чўткалар ишончлироқ ишлайди ва улар деярли мустақил бўлмайди. Якор чулғамига уни якор пазидан кетишдан сақлаб турувчи иккита бандаж жойлашган. Бандаж диаметри 0,5 мм ли оқартирилган пўлат симдан ясалган ҳалқадан иборат. Сим электр картон қистирмага уралган бўлиб, уларнинг учлари кавшарланган. Якорь валида катта қадамли тўрт киримли резьба қирқилган бўлиб, унда юритиш механизмининг жиҳатидан СТ130-Б стартёрининг релесидан унча фарқ қилмайди. СТ212 стартёрининг юритиш механизми корпус, таянч диск, резьбали втулка, отводка, ички ричаг, валик, ричаг, расм. СТ212 стартёри: 1-корпус; 2-якорь; 3-чўткалар; 4-қопқоқ; 5-ҳимоя лентаси; 6-корпус қисмаси; 7-реле; 8-юритиш механизми. Эркин йўл муфтаси, юритиш шестерняси ва амортизатордан тузилган.

Стартёр якори валидаги тўрт киримли резьба юритиш шестерняси тишларини маховик гардиши тишлари орасидаги оралиққа киришни осонлаштиради. Втулка ва пружинадан иборат амортизатор стартёрни улангда шестерня зарбини юмшатади. Стартёрга фрикцион типдаги эркин йўл муфтаси ўрнатилган. У етакчи ва етакланувчи шайбалар, ташқи ва ички обойманинг ростлаш қистирмасидан ташкил топган. Тўртта етакчи фрикцион шайбалар ички обойма кесикларига кириб туради. Ҳаммаси пўлатдан ясалган. Шайбаларда мойлаш учун ячейкалар бор. Агар шайбалар бир-бирига сиқилиб турса, унда улар орқали якорь валидан двигатель тирсакли валига айланма ҳаракат узатиш мумкин. Шайбалар ажралганда ҳаркат узатиш тўхтайди. Ички обоймани втулканинг махсус тўрт киримли резьбаси бўлаб бураб чиқариш ёки бураб киргизиш мумкин. Стартёрни занжирга улашда ричаг отводкани суради ва резьбали втулка тўрт киримли резьба бўйича буралиб шестерняни маховик гардиши билан тишлаштиради. Шестерня дарҳол тўхтайди, бироқ якорь вали втулка билан бирга айланишда давом этади. Натижада обойма втулкага буралиб киради, шайбалар бир-бирига сиқилади ва айланма ҳаракат якорь валидан двигателнинг тирсакли валига узатилади. Двигател ишга туширилгач, юритиш шестернясининг айланиш тезлиги кескин ошиши натижасида ички обойма втулкадан буралиб чиқади ва фрикцион шайбалар ажралади. Двигателнинг тирсакли валидан стартёр якори валига узатиладиган айланма ҳаракат тўхтайди. Агар стартёр тирсакли вални айлантиришга кучи етмаса (мой совиган, подшипниклар ейилган) унда шайбалар шатаксирайди. Шу йўл билан стартёр чулғами ортиқча юкламадан, юритиш механизми деталлари эса синишдан сақланади. СТ212 стартёрини электрик улаш учун уч позицияли қайта улагич ва РС24-Б ишга тушириш релесидан фойдаланилади. РС24-Б релеси РС24 релесидан ўрамлар сонининг катталиги жиҳатидан фарқ қилади. Якорь ўзагида бешта бандаж бўлиб, валда юритиш шестерняси

ҳаракатланадиган тўрт киримли резьбаси бор. Чўтка туткичлар диск 25 га (траверсага) ўрнатилган бўлиб, уларнинг ҳар бирига МГСО қотишмасидан ясалган (82% мис, 9% графит, 6% қўрғошин ва 3% қалайи) иккитадан чўтка маҳкамланган. Юритиш механизми ташқи ричаг 14, пружинали ричаг валиги, валикли ички ричаг 13, стакан 6 стакан пружинаси 12, тирак шайба, етакчи гайка 7, гайка пружинаси 11, юритиш шестерняси 8, шплинтли тирак ҳалқа 9, корпус 10 ва таянч диск 5 дан тузилган. Ички ричаг бармоғи стакан 6 га кириб туради, натижада ричаг валик атрофида айланганда стакан сурилади. Стаканда пружина 12 ва тирак шайба ўрнатилган гупчак бор. Шайба гупчакдан тушиб кетмаслиги учун гупчак тореци кернланган. Етакчи гайка 7 чиқиқлари юритиш шестерняси 8 нинг бўйлама ўйиғига кириб туради. Стартёрни занжирга улаш вақтида ташқи ричаг 14 бурилади ва ички ричаг бармоғи стаканни суради. Стакан гупчаги етакчи гайкани босади. Тирак гайка бир вақтда юритиш шестерняси торецини сиқади, бунда пружина 12 сиқилади, бунинг эвазига улаш вақтида зарблар енгиллашади. Етакчи гайка, шунингдек пружина 11 ни сиқади, сўнгра стакан босими таъсирида резьбада буралиб, шестерняни сура бошлайди. Кейин шестерня айланганда тишлар двигател маховиги гардиши билан тишлашади. Шестернянинг сурилиши якорь валига ўрнатилган ҳалқа 9 ва маҳкамланган шплинт билан чекланади. Шестерня тишлашгач, реленинг қўзғалувчан контакти 21 бош қисмалар 22 ни туташтиради ва стартёр якори айлана бошлайди. Двигател ишга туширилгач, тирсакли вал айланиш частотасининг ошиши натижасида юритиш механизмининг шестерняси якорь вали резьбаси бўйлаб буралиб чиқиб, дастабки ҳолатини эггалайди. Бунда пружина 11 ва 12 унинг зарбини камайтиради. Бунга қадар стакан ташқи ричагнинг қайтарувчи пружинаси таъсирида дастлибки ҳолатига қайтади (стартёр занжирдан узилгач).

4. Ишга тушириш қайта улагич ВК30-Б ишга тушириш қайта улагичи СТ100 стартёри билан бирга ишлайдиган асбоблар группасига киради. Унинг вазифаси: 1) двигателни стартёр ёрдамида ишга туширишда стар- тёр қисмаларида 24 В иш кучланиши ҳосил қилиш учун иккита аккумулятор батареясини (12 В дан) кетма-кет улайди; 2) агар бошқа истеъмолчилар занжирга уланадиган бўлса, уларни узади; 3) двигател ишга туширилгач, стартёрни автоматик узади ва машинанинг электр занжирига 12 В иш кучланиши ҳосил қилиш учун аккумулятор батареяларини параллел улайди; 4) истеъмолчилар 12 В кучланишга алмашлаб улангач, уларни занжирга улаш имконини беради. 24 В кучланиш ҳосил қилиш учун аккумулятор батарея- ларини алмашлаб улаш стартёрнинг габарит ўлчамларини каталаштирмаган ҳолда унинг қувватини ошириш имконини беради. расм. ВК30-Б ишга тушириш қайта улагичи: 1-қопқоқ; 2-контактлар; 3-қисмлар; 4-текстолит шайба; 5-стержень; 6- пружина; 7-кичик қўзғалмас контакт; 8-катта қўзғалувчан контакт; 9-ён қисма; 10-магнитловчи чулғам; 11-ўзак; 12-якорь; 13-қалпоқча; 14-корпус; 15-таянч панжалар. ВК30-Б ишга тушириш қайта улагичи (59-расм) корпус 14, ўзак 11,

магнитловчи чулғам 10, якорь 12, стержень 5, кичик қўзғалувчан контакт 7, текстолит шайба 4, пружина 6, тўрт жуфт контакт 2, қисмалар 3 ва 9, қопқоқ 1 ва таянч панжа 15 дан тузилган. қисмаларга қуйидаги белгилар қўйилган:  Б2 (иккинчи батарея «  »),  Б1 (биринчи батея «-»), РС (статёр релеси), -Б2 (иккинчи батарея «-») ва М (масса). Ён қисмалар 9 га ичидан 502 ўрамдан иборат (симнинг диаметри 1,3 мм) магнитловчи чулғам 10 учлари уланган. қўзғалувчан контактлар 7 ва 8 стержень 5 дан изоляциялаш учун эбонит втулкада ўрнатилган мис ҳалқадан иборат. Стерженга, шунингдек чуқурларига пружина 6 кириб турадиган косачалар жойлашган. Контактлар 2 жуфт-жуфт ишлайди. Улар кумуш билан кадмий қотишмасидан ясалган. Юқориги контакт ричагчага, пасткиси эга стойкада маҳкамланган. Юқориги контактларнинг барчасига уларни зич бириктирувчи спираль пружиналар ўрнатилган. Контактлар текстолит шайба 4 таъсирида ажралади. 60-расмда СТ100 стартёрини улаш электрик схемаси кўрсатилган. Батарея Б1 нинг мусбат чиқиши сим воситасида ВК30-Б ишга тушириш қайта улагичининг қисмаси  Б1 га, манфий чиқиши қисма М га уланган. Батарея Б1 нинг худди шу қисмаси масса 1 учиргичи орқали машина массасига уланган. Батарея Б2 нинг мусбат чиқиши стартёр релеси қисмаси орқали ишга тушириш қайта улагичнинг қисмаси  Б2 га, манфий чиқиши унинг қисмаси-Б2 га уланган. Агар ишга тушириш қайта улагичининг ичига жойлашган контактлар туташган бўлса, унда батареялар фақат бир хил қутблари билан ўзаро туташади, яъни биринчи батареянинг мусбат чиқиши иккинчи батареянинг мусбат чиқишига ва биринчи батареянинг манфий чиқиши иккинчи батареянинг манфий чиқишига, яъни параллел уланади. Батареялар бундай уланганда уларнинг қисмаларидаги умумий кучланиш 12 В бўлади.

расм: СТ100 стартёрни улаш схемаси: 1-масса учиргичи; 2-сақлагич; 3-истеъмолчи (лампа); 4-резистор; 5- ярмо; 6-ўзак; 7-пружинали якорь; 8-реле контактлари; 9-ярим ўтказгичли тўғрилагич;10-ўзгарувчан ток генератори; 11-реле-ростлагич; 12-ВК30-Б якори; 13-магнитловчи чулғам; 14-реле-ростлагич; 15-катта қўзғалувчан контакт; 16-кичик қўзғалувчан клнтакт; 17-текстолит шайба; 18, 19- контактлар; 20-стартёрнинг уйғотиш чулғами; 21-стартёр релесининг тортувчи чулғами; 22-стартёр релесининг тутиб турувчи чулғами; РБ1- блокировкалаш релеси; РР362-Б-реле-ростлагич; РС502-оралиқ реле, ВК30- Б-ишга тушириш қайта улагичи; ВК322-учиргичи; Г304-А1 ўзгарувчан генератори. Параллел уланган аккумулятор батареяси қандай зарядланади деган савол туғилади. Агар ўзгарувчан ток генераторининг кучланиши 12 В га етса, унинг зарядлаш занжири қандай ҳосил бўлиши билан танишиб чиқамиз. Батарея Б1 нинг зарядлаш занжири: генератор қисмаси В (тўғрилагич мусбати)-реле-ростлагич қисмаси В-амперметр-сақлагич-ВК30-Б қайта улагичи қисмаси  Б1-аккумулятор батареяси Б1 нинг мусбат чиқиши-батарея Б1-батарея Б1 нинг манфий чиқиши-масса учиргичи 1-масса-реле-ростлагич қисмаси М-генератор қисмаси М (тўғрилагич манфийси). Батарея Б2 нинг зарядлаш занжири: генератор қисмаси В-реле- ростлагич қисмаси В-амперметр-сақлагич-ВК30-Б қайта улагичи қисмаси  Б1-ВК30-Б нинг туташ контактлари 19-ВК30-Б нинг қисмаси  Б2-стартёр релесининг қисмаси-батарея Б2 нинг мусбат чиқиши-батарея Б2-батарея Б2 нинг манфий чиқиши-қисма-ВКЗО-Б нинг Б2-ВК30-Б нинг туташ контактлари 18-ВК30-Б нинг қисмаси М-батарея Б1 нинг манфий чиқиши- масса қайта улагичи 1-масса-реле-ростлагич қисмаси М-генератор қисмаси М. Шундай қилиб, аккумуляторлар батареяси Б1 ва Б2 учун зарядлаш токи генератордан иккита тармокка булиниб тарқалсада, бироқ амперметр умумий зарядлаш токини кўрсатади.

Стартёр уланганда ток ишга тушириш қайта улагичи чулғами 13 дан ўта бошлайди ва магнит оқими таъсирида якорь 12 стержень ичида тортилади. Контактлар 18 ва 19 ни ажратувчи текстолит шайба 17 якорь билан бирга сурилади, натижада батареялар ажралади. Кичик қўзғалувчан контакт 16 бир вақтда ишга тушириш қайта улагичи қисмалари  Б2 ҳамда РС ни улайди ва стартёр чулғами занжирга уланади. Катта қўзғалувчан контакт 15 занжиридаги кучланиш 24 В га чиқиши учун қисмалар  Б1 ва Б2 ни туташтириб, батареяни кетма-кет улайди. (Бу кучланиш СТ100 стартёрининг ишлаши учун зарур). Шундай қилиб, ВК30-Б ишга тушириш қайта улагичини занжирга уланганда асбоб ичида қуйидагилар содир бўлади: биринчи бўлиб текстолит шайба таъсирида контактлар ажралади, сўнгра стартёрни занжирга улаш учун қисмалар кичик контактларга туташади ва ниҳоят, аккумуляторлар батареясини кетма-кет улаш учун қисмалар катта контактга уланади. Ишга тушириш қайта улагичи занжирдан узилгач, асбоб якори пружина таъсирида дастлабки ҳолатга қайтади ва контактлар туташади. Аккумуляторлар батареяси Б1 ва Б2 қайтадан параллел уланади. 5. ГАЗ-53-А автомобили ва МТЗ-80 тракторидаги СТ212 стартёрини ишга тушириш ГАЗ-53-А автомобили МТЗ-80 тракторларидаги СТ212 стартёрини ишга тушириш схемаси уларга ўзгарувчан ток генератори ўрнатилиши туфайли РБ1 блокировкалаш релеси, РС502 ишга тушириш релеси ва ВКЗ16- Б уч позицияли учиргичи ўз ичига олади (57-расм). Стартёр улагичнинг калити I ҳолатга бурилганда двигател цилиндрлари камерасини қиздириш учун фақат ишга тушириш иситгичнинг чуғланиш свечаси уланади. Калит II ҳолатга буралганда қуйидаги занжирлар ҳосил бўлади. Биринчи занжир (РС502 релеси чулғамини магнитловчи): аккумуляторлар батареясининг мусбат чиқиши-стартёр релесининг қисмаси-

ВКЗ16-Б улагичи “  ” қисмаси ва Cm-РБ1 блокировкалаш релесининг қисмаси РС-қисма К, чулғам ва ишга тушириш релесининг қисмаси К-РБ1 релесининг қисмаси ЛК-РБ1 нинг контактлари 7-РБ1 нинг якори 6-РБ1 нинг ярмоси 5-РБ1 нинг қисмаси М-масса-масса улагичи 22-аккумуляторлар батареясининг манфий чиқиши. Натижада ишга тушириш релесининг контактлари туташади. Иккинчи занжир (блокировкалаш релесининг ёрдамчи чулғами В ники): аккумуляторлар батареясининг мусбат чиқиши-стартёр релесининг қисмаси-ВКЗ16-Б улагичнинг қисмаси Ст-қисма РС-РБ1 блокировкалаш релеси-РБ1резистори 9-РБ1 ёрдамчи чулғами В-контакт 7-якорь 6, ярмо 5 ва РБ1 қисмаси М-масса-масса улагичи-батареяларнинг манфий чиқиши. Бир вақтда контрол лампа 10 ҳам ёнади. расм. СТ212 стартёрини ўзгарувчан ток генератори билан улаш схемаси : 1-ўзгарувчан ток генератори; 2-реле-ростлагич; 3-ярим ўтказгичли тўғрилагич; 4-якорь пружинаси; 5-ярмо; 6-якорь; 7-контактлар; 8-ўзак; 9- резистор; 10-контрол лампа; 11-ишга тушириш релесининг контактлари; 12-ўзак; 13- чулғам; 14-ярмо; 15-стартёр улагичи; 16-қўшимча резистор; 17-контрол элементи; 18-чўғланма свечалар; 19-стартёр; 20-стартёр релесининг тутиб турувчи чулғами; 21-стартёр релесининг тортувчи чулғами; 22- стартёрнинг уйғотиш чулғами. Учинчи занжир (стартёр релесининг тортувчи чулғаминики): аккумуляторлар батареясининг мусбат чиқиши-стартёр релесининг қисмаси- улагичи қисмалари “  ” ва Ст-РС502 ишга тушириш релесининг туташган контакти 11 ва қисмаси СТ-стартёр релесининг қисмаси-стартёр релесининг тортувчи чулғами 21-стартёрнинг уйғотиш чулғами 22-масса-масса улагичи- аккумуляторлар батареясининг манфий чиқиши. Туртинчи занжир (стартёр релесининг тутиб турувчи чулғамники)

аккумуляторлар батареясининг мусбат чиқиши-стартёр релесининг қисмаси- улагичи қисмалари “  ” ва Ст-ишга тушириш релесининг туташган контактлари 11 ва Ст-стартёр релесининг қисмаси-стартёр релесининг тутиб турувчи чулғами-масса-масса улагичи-аккумуляторлар батареясининг манфий чиқиши. Бу занжирлардан ток ўтиши натижасида стартёр релесининг якори ўзак ичига тортилади ва шестерня маховик гардиши билан тишлашади. Бир вақтда стартёр релесининг қўзғалувчан контакти реленинг бош қисмаларини туташтиради ва тортувчи чулғам занжирдан чиқади (шунтланади). Ток аккумулятор батареясидан тортиш чулғамини четлаб, қўзғалувчан контактдан ўтади ва шу вақтдан бошлаб стартёр якори айлана бошлайди ҳамда двигател ишга тушади. Двигател ишга туширилгач, тирсакли валнинг айланиш частотаси 600- 700 айл  мин га етганда блокировкалаш релеси РБ1 нинг чулғами 0 га генератордан тўғриланган ўзгарувчан ток келади. Бу токнинг магнитланиши реле якори пружина қаршилигини енгиб ўзакка тортилиши учун етарли бўлади. бу блокировкалаш релеси контактлари 7 ни ажратади ва стартёрни ишга туширишнинг барча тизимларини автоматик узади. Бунда контрол лампа 10 ўсчади. Шундаё қилиб, генератордан келадиган ток двигател ишга туширилган заҳоти стартёрни автоматик тўхтатади. Т25-А1 тракторига ўрнатиладиган, қуввати 2 кВт ли СТ222 стартёрини ишга тушириш схемаси асосан кўриб чиқилгандан фарқ қилмайди. Генераторнинг  белгили қисмалари РБ1 блокировкалаш релесининг бир хил қисмаларига уланган. 6. Стартёрларга техникавий хизмат кўрсатиш ва уларнинг нуқсонлари Симларнинг уланган жойлари ва қисмаларнинг ҳолати ҳар сменада текшириб турилади ва зарур бўлса, қисмалар тозаланади. Стартёр сирти чанг, ифлос мойдан тозаланади, стартёрнинг маҳкамланиш жойлари текширилади ва, зарур бўлса, маҳкамлаш болтлари бураб маҳкамланади.

2-техникавий хизмат кўрсатишда ҳимоя лентаси олиниб, ички деталлар чанги насос билан тозаланади. Коллектор сиртидаги ифлос ва куюнди тозаланади, сўнгра у бензин шимдирилган тоза латта билан артилади. Бу операцияни бажаришда стартёр якорини айлантириш керак. Бунинг учун юритиш механизми ишга туширилади ва двигателнинг тирсакли вали бураш дастаси билан бурилади. Чўтка ва чўтка тутқичлар кўздан кечирилади, чўткалар тутқичларга эркин сурилиши текшириб турилади. Ишга тушириш қайта улагичи ва ишга тушириш релеларининг қопқоғи олиниб, қўзғалувчан контактлар ва қисмалар ҳолати текширилади. Оксидланган ёки куйган контактлар майда тишли эгов ёки шиша кукунли жилвир қоғоз билан тозаланади. Агар қўзғалувчан контактлар юзаси жуда куйган бўлса, улар ўгириб қўйилади, яъни ишлатилмаган томони билан қўйилади. Контакт болтларининг куйган калаклари 180  бураб қўйилади, яъни ишлатилмаган томони билан қўзғалувчан контактлар қаршисига ўрнатилади. 3-техникавий хизмат кўрсатишда стартёр устахонада қисмаларга ажратилади, бунда унинг барча деталлари ифлос, эски мойдан тозаланади, йиғишда эса юритиш механизми деталларига машина мойи юпқа қилиб суркалади. Барча бронза-графит втулкалар ЦИАТИМ-221 мойи билан мойланади. Стартёр чулғамини керосинда ёки дизел ёнилғисида ювиш ман этилади, чунки бунда симлар изоляцияси чирийди. Коллекторнинг ейилган ва тирналган жойлари дастлаб токарлик станогида йўнилади, сўнг шиша кукунли жилвир қоғоз билан жилоланади. СТ212 стартёри қуйидаги тартибда қисмаларга ажратилади, ҳимоя лентаси олиниб, чўтка тутқичлар пружинаси кўтарилади ва чўткалар олинади, таранглаш болтлари бураб олиниб, қопқоқ корпусдан юритиш механизмидан, реле якори юритиш механизмидан ажратиб олинади, таянч диски олинади, юритиш механизми қисмларга ажратилади, якорь корпусидан чиқариб олинади. қисмларга ажратишга тескари тартибда йиғилгач, юритиш

механизмининг ишлаши текширилади ва, зарур бўлса, ростланади. Стартёр релесининг контактлари юритиш шестернялари билан амортизатор орасидаги зазор 2-4 мм лигида туташиши лозим. Бу стартёрни юритиш шестерняси маховикдаги шестерня билан тишлашгач стартёрнинг ишга тушишини таъминлайди. қўзғалувчан контакт контактларни тутшатиргач, реле якорининг эркин йўли камида 1 мм бўлиши лозим. СТ100 стартёрини йиғишда юритиш шестерняси якорь вали резьбасида эркин силжий олиши ва уланган ҳолатда фиксацияланишига эришилади. Стартёр релеси деталларининг тўғри ўрнатилганлигига ишонч ҳосил қилиш учун юритиш шестерняси билан тирак ҳалқа орасига 16 ва 11,7 ии қалинликдаги қистирмалар кетма-кет қўйилади. Реленинг бош қисмаларига вольтметр ва лампа уланади (24 В). 16 мм қалинликдаги қистирмаларни қўйишда бош қисмалар реленинг қўзғалувчан контактлари билан туташмаслиги, лампа ёки вольтметрда ток бўлмаслиги лозим. 11,7 мм қалинликдаги қистирмаларни қўйишда қисмалар қўзғалувчан контактлар билан туташиши, лампа эса ёниши керак. Агар бундай бўлмаса, унда ростлаш винти 16 (59-расмга қаранг) звено 15 дан бураб олинади. Агар 11,7 мм қалинликдаги қистирма ишлатилса, қўзғалувчан контакт реленинг бош қисмаларига туташиши лозим. Двигателни ишга туширишда қатнашадиган стартёр ва асбобларнинг характерли нуқсонлари: стартёр уланмайди; стартёр уланганда двигателнинг тирсакли вали жуда секин айланади; стартёр якори тирсакли вални айлантирмайди, стартёр уланганда тишларнинг қаттиқ ғижирлаши эшитилади; двигател ишга туширилгач юритиш шестерняси маховик гардишидан ажралмайди (олиб қочиш содир бўлади). Агар стартёр уланмаса, кабинадаги плафон лампаси ёки фарани ёқиш ва унинг чуғланишининг қандай ўзгаришини кузатиш лозим. Агар чуғланиш ўзгармаса, демак, стартёр занжирида ток йўқ. Занжир узилиши, қўзғалувчан контактлар ва стартёр релеси қисмаларининг қуйиши, коллекторнинг

ифлосланиши, чўткаларнинг ейилиши ёки эркин ҳолатда бўлиши, чўтка тутқичлар пружиналарининг бўшашиши сабабли ток келмас-лиги мумкин. Лампанинг суст чўғланиши аккумулятор батареясининг зарядсизланганлигини ёки стартёр занжирида нуқсон борлигидан дарак беради (контакт яхши эмас, қисмалар оксидланган). Агар занжир яроқли бўлса, стартёрнинг ўзи бузуқ бўлиши мумкин (чулғам ўрамлари масса билан яхши туташ-маган ёки стартёр релеси контактлари яхши туташмаган). Стартёр механизмларининг ишини уни ишга тушириш вақтида эшитиладиган шиқиллашидан билиш мумкин. Шиқиллаш стартёр релеси ва ишга тушириш релесининг яроқлигини билдиради. Агар шиқиллаш эшитилмаса, унда РС24 ёки РС502 релелерининг қисмалари Б ва С ни сим билан туташтириш керак. Агар бундан кейин стартёр ишлаб кетса, демак ишга туширтиш релеси бузуқ экан. Ўқтин-ўқтин эшитиладиган шиққалашлар ва шестерняларнинг маховик гардишига урилиши стартёр релесининг тутиб турувчи чулғами узилганлигини билдиради бунда реле якори фақат биргина тортувчи чулғам ёрдамида тортилади (тутиб турувчи чулғам қатнашмайди). Бу чулғам реле якорини бош контактлар туташгач тутиб тура олмайди. Агар СТ100 стартёри ишламаса, ВК30-Б ишга тушириш қайта улагичнинг занжирини ҳам яроқлилигини текшириб кўриш лозим. Буни лампа ёрдамида аниқлаш лозим. ВК30-Б қайта улагичини занжирга улашда шиқиллаш эшитилиши лозим. Агар шиқаллаш эшитилмаса, ишга тушириш занжирнинг яроқлилигини текшириб кўриш керак. Агар стартёр уланса, лекин двигател тирсакли вали секин айланса ёки бутунлай айланмаса, унда аккумулятор батареяси зарядсизланган, двигателдаги мойнинг қовушоқлиги ошган, стартёр занжирида нуқсон бўлиши мумкин (контактлар куйган, қисмалар оксидланган, коллектор куйиган, чўткалар ейилган ёки эркин ҳолатда бўлади). 7. Ишга тушириш иситгичлари Ишга тушириш иситгичлари совуқ кунларда двигателни

$расм. СНД100-Б2 чы\ланма свечаси : 1-стержен; 2-ызак; 3-корпус; 4-ташлама гайка; 5-контакт щал =а; 6-сопол изолятор; 7-си=иш гайкаси; 8-=алпо=ча; 9-пружина вий шайба; 10- вкла диш; 11-сопол втул ка;12-зичлаш шайба си; 13-чу\ланма спирали. ишга туширишда ҳаво ёки иш аралашмасини иситишга хизмат қилади. Улардан атроф-муҳит температураси 5  С бўлганда фойдаланиш керак. Чўлғанма свечалари бор ишга тушириш иситгичи МТЗ-5, МТЗ-80 ва Т-150К тракторларига ўрнатилади. Унинг таркибига тўртта чўғланма свеча 18 (расмга қаранг), қўшимча резистор 16 ва контрол элемент 17 киради. ВКЗ16-Б уч позицияли улагичи фақат стартёрни эмас, балки шу типдаги ишга тушириш иситгичини ҳам ишга туширади. СНД100-Б2 чўғланма свечаси (59-расм) қуйидаги қисмлардан иборат: корпус 3, ўзак 2, стержен 1, изолятор 6, қисиш гайкаси 7, қалпоқча 8, пружина шайба 9, вкладиш 10, сопол втулка 11, контакт ҳалқаси 5, ташлама гайка 4, чуғланиш спиралли 13 ва зичлаш шайбаси 12. Корпус ўзакдан, ўзак эса стержендан слюда воситасида изоляцияланган. Ташлама гайканинг калит тушадиган ёқлари ва свечани цилиндрлар блоки каллагининг тешигига бураб киргизиш учун резьбаси бор. Чўғланиш спирали темирнинг хром ва никел билан қотишмасидан ясалган. Унинг учлари стержен 1 ва ўзак 2 га уланган. Спирал кучланиш 1,4 В бўлганда 45-50 А токка мўлжалланган. У атроф-муҳит температураси 20  С булганда 30 сек давомида 950-1050  С гача қизийди. Асбоблар шчитига ўрнатиладиган ПД50-В контрол элементи чўлғанма спиралнинг қизишини кузатишга хизмат қилади. Ишга тушириш иситгичи қуйидагича уланади: калитни қуйиб, у соат стрелкаси ҳаракати бўиича 45  га буралади. Контрол элементининг линзасидан спиралнинг чўғланиши кузатилади ва у тўқ қизил тусга кирганда$

Электр стартёрлар ва ишга тушириш иситгичлари

20.09.2019

0

1857.5 KB

Похожие