Чигитли пахтани дастлабки қайта ишлаш технологик жараёнлари - Сельское и лесное хозяйство - Рефераты

Чигитли пахтани дастлабки қайта ишлаш технологик жараёнлари

Загружено в:

20.09.2019

Скачано:

0

Размер:

85 KB

Чигитли пахтани дастлабки қайта ишлаш технологик жараёнлари Режа: 1. Пахта тозалаш заводлари. 2. Технологик жараён ва пахта тозалаш плани. 3. Пахта заводларида қўлланиладиган технологик жараёнлар схемалари. 4. Оқим-линияли технологик жараён схемалари.

1. Пахта тозалаш заводлари. Пахта тозалаш заводларининг асосий вазифаси ҳар йили қабул қилинган чигитли пахтадан унинг табиий хусусиятларини сақлаган ҳолда юқори сифатли тола, линт ва чигит ишлаб чиқаришдан иборат. Бундан ташқари, ишлаб чиқариш чиқиндиларини қайта тозалаб, улар таркибидаги толаларни ажратиб олиш ҳамда уруғлик чигитларни касалликларга қарши дорилаш билан ҳам шуғулланади. Пахта тозалаш заводларининг асосий технологик машинаси икки хил - аррали жин ва валикли жин бўлиб, аррали жинлар ўрнатилган заводларда ўрта толали пахта ва валикли жинлар ўрнатилган заводларда эса ингичка толали пахта ишланади. Мамлакатимизда 4-5 аррали жинлар ўрнатилган бир батареяли ва икки батареяли (8-10 жинли) заводлар бор. Валикли жинлар ҳам батарея тарзида жойлаштирилиб, ҳар батареяда 12 донадан машина бўлади. Пахта заводининг маълум бир вақт ичида ишлаб чиқарган асосий маҳсулоти - толанинг энг кўп миқдори заводнинг ишлаб чиқариш қуввати дейилади. Заводларда ўрнатилган жинлар сони ҳар хил бўлгани учун уларнинг ишлаб чиқариш қуввати ҳам ҳар хил бўлади. Пахта заводининг йиллик тола ишлаб чиқариш қуввати (т/й) қуйидаги формула билан аниқланади:abqntmk GB 3 10   бунда: a - жинлар сони; b - ҳар бир аррали жиндаги арралар сони; валикли жинлар ўрнатилган заводлар учун b=1; q - ҳар бир арранинг бир соатда ишлаб чиқарган толаси, кг/соат; n - бир суткадаги сменалар сони; t - ҳар сменадаги иш соати; m - бир йилдаги иш кунлари сони; k - машиналарни ишлатиш коэффициенти. Заводнинг бир йилда қайта ишлаб берадиган чигитли пахтасининг миқдори (т/й): B G G B c 100  бунда: В - чигитли пахтадан ўртача тола чиқиши, % ҳисобида.

Бир йилда тайёрланадиган чигитли пахта 30 минг тоннадан ортиқ бўлганда завод қошида жойлашган пахта тайёрлаш пункти майдони етарли бўлмайди. Бундай ҳолларда пахтачилик районларида ҳам тайёрлаш пунктлари ташкил этилади. Тайёрланадиган пахта миқдори кам бўлганда завод қошидаги тайёрлаш пункти етарли бўлиб, ҳамма пахта шу пунктга қабул қилинади. Технологик жараён схемасини ва объектларни яхши жойлаштириш учун ҳар бир заводнинг бош плани қуйидаги зоналарга бўлинади; хом ашё, ишлаб чиқариш, тайёр маҳсулотлар ва маъмурий бино зоналари. Бош пландаги зоналарни жойлаштиришда шамолнинг кўпчилик вақт қайси томонга йўналиши, кун чиқиш кун ботиш томонлари, аҳоли яшайдиган шаҳарчаларнинг қайси томонда бўлишига аҳамият берилади; объектларнинг жойланиши заводнинг нормал ишлашига халақит бермаслиги ва ёнғинга қарши ҳамда санитария-техника шароитларига мослашган бўлиши керак. Янги пахта заводлари лойиҳасини тузиш вақтида ажратилган майдондан рационал ва тежамкорлик билан фойдаланишни, транспорт ускуналарининг қисқа ва қурилиш ишларининг мумкин қадар кам бўлишини кўзда тутиш керак. 2. Технологик жараён ва пахта тозалаш плани. Чигитли пахтани тайёр маҳсулотга айлантириш учун бажариладиган ҳамма ишлар йиғиндиси пахтани дастлабки ишлаш технологик жараёни деб аталиб, бу жараён қуйидагиларни ўз ичига олади: пахта тайёрлаш пунктининг қуритиш-тозалаш цехида чигитли пахтани қуритиш ва тозалаш; пахта тозалаш заводининг тозалаш цехида чигитли пахтани қуритиш ва уни хас-чўплардан тозалаш; пахта тозалаш заводининг бош биносида чигитли пахтани жинлаш ва толани тозалаш, чигитни линтерлаш ва линтни, толали чиқиндиларни тозалаш, тола, линт ва толали чиқиндиларни пресслаб тойлаш. Чигитли пахтани дастлабки ишлаш технологик жараёнини бажаришда пахта толаси ва чигитнинг табиий физика-механикавий хусусиятларини сақлаш ва уларни Давлат стандартига мувофиқ бўлишини таъминлаш керак.

Бу вазифани бажаришда лахтани дастлабки ишлашни тўғри тузиш муҳим аҳамиятга эга. Пахта саноати марказий илмий-текшириш институти тавсия этган технологик жараён схемаси бўйича чигитли пахтани, унинг сифатига қараб уч хил вариантда ишлаш мумкин. Биринчи вариантда намлиги 14% дан юқори бўлиб, машинада терилган II - IV сорт ва қўлда терилган III - IV сорт пахталар қайта ишланади. Иккинчи вариантда намлиги 14% дан кам бўлган, ҳам машинада, ҳам қўлда терилган пахталар ишланади. Учинчи вариантда қўлда терилган I ва II сорт пахта ишланади. Бунда технологик жараён схемасидан аррали тозалагичларнинг иккинчи батареясини ажратиб қўйиш кўзда тутилади. Технологнк жараённинг иш сифати технологик жараён схемасига киритилган ҳамма машиналарнинг умумий тозалаш эффекти билан характерланади. Заводнинг умумий тозалаш эффекти (%) қуйидаги формула билан топилади:% 100* 100 1 * ....* 100 1 * 100 1 1 2 1                                  NК К К К бунда: К 1 , К 2 , К N —технологик жараёнга киритилган айрим машиналарнинг тозалаш эффекти. Айрим машинанинг тозалаш эффекти (%) қуйидаги формула билан топилади:         сС С К 1 1 100 бунда: С с -тозаланмаган пахтадаги хас-чўплар ва ўлик толалар йиғиндиси; С 1 -тозаланган пахтада қолган хас-чўплар ва ўлик толалар йиғиндиси. Завод цехларининг умумий тозалаш эффекти тўғрисидаги маълумотлар 9.1-жадвалда берилган. 1- жадвал. Завод цехлари ва машиналарининг тозалаш эффекти, %

Цехлар машиналар I-II сорт III - IV сорт пахта тозалаш эффекти Қуритши-тозалаш цехи Қуритиш группасининг пневмотранспорти СХН-3 қуритиш ускунаси 2СБ-10, 2СБС қуритиш ускунаси СБО-тозалаш секцияли қуритиш ускунаси 6А-12М шнекли тозалагич Цехнинг умумий тозалаш эффекти 5-10 30-35 - 25-30 40-50 70 10-40 40-45 - 30-40 50-60 80 Тозалаш цехи Пневмотранспорт 6А-12М шнекли тозалагич ЧХ-ЗМ тозалагичлар ЧХ-ЗМ тозалагичлар 6А-12М шнекли тозалагич Цехнинг умумий тозалаш эффекти 5 30-40 60-70 50-60 20-30 65 5 40-50 70-80 60-70 30-40 70 Жин цехи Пнемотранспорт Жин таъминлагачи Жин (тола бўйича) Тола тозалагич 3ОВП 5 15 15 40 2 20 20 45

Машиналарнинг ҳақиқий тозалаш эффекти фақатгина пахтанинг бошланғич ифлослигига ва унинг намлигига боғлиқ бўлмай, уларнинг ишлаб чиқариш унумига ва технологик жараён схемасидаги ўрнига ҳам боғлиқ (схеманинг бошида машиналарнинг тозалаш эффекти юқори бўлиб, пахта тозаланган сари камайиб боради). Жиндан чиқаётган толанинг ифлослигини қуйидаги формула билан аниқлаш мумкин: С В =С С (100-К ЗАВ )/В бунда: С В - чигитли пахтанинг бошланғич ифлослиги, %; К зав - заводда ўрнатилган машиналарнинг умумий тозалаш эффекти, % ; В - чигитли пахтадан толанинг чиқиши, %. Бу формула билан ҳисобланган С В қийматини ишланаётган тола сорти учун берилган ифлослик нормаси  билан таққослаб кўрганимизда қуйидаги тенгсизлик чиқиши керак:  > С В + n бунда: п - толадаги нуқсонлар йиғиндиси. Тозалаш эффектини ҳисоблаш формулалари толада пайдо бўладиган нуқсонлар йиғиндисини назарга олмайди, шунинг учун ҳам толада пайдо бўладиган нуқсонлар ва хас-чўпларнинг ҳақиқий йиғиндисини, яъни шу икки кўрсаткич бўйича толанинг сифатини кўрсата олмайди. Шунинг учун тозалаш планини ҳисоблашда пахтани қайта ишлаш вақтида толада нуқсонлар пайдо бўлишини назарда тутиш керак. Ҳар бир технологик жараён схемаси ва ишланаётган чигитли, пахтанинг сорти учун нуқсонлар пайдо бўлиш даражаси ўзгармас миқдор бўлгани, сабабли уни тажриба йўли билан ҳар бир схема учун олдиндан аниқлаб қўйиш мумкин. Демак, ишлаб чиқарилаётган толанинг ҳақиқий хас-чўплар ва нуқсонлар йиғиндиси қуйидагича бўлади:В K C C зав C ФB / 1( )   бунда: 1 /   В ФB С C 

3. Пахта заводларида қўлланиладиган технологик жараёнлар схемалари. Пахта тозалаш заводларида дастлабки ишланадиган чигитли пахта толасининг хусусиятларига қараб у икки группага – ўрта толали ва ингичка толалиларга бўлинганлиги учун уни қайта ишлаш технологик жараён схемаси ҳам бир-биридан фарқ қилади. 9.1-расмда аррали жин ўрнатилган завод технологик жараёнининг схемаси келтирилган. Бу схема бўйича чигитли пахта жинлаш жараёнигача уч хил вариантда қайта ишланади: биринчи вариант. Машинада терилган, намлиги 14% дан юқори чигитли пахтанинг I - IV сортлари схемага киритилган машиналарнинг ҳаммасидан ўтказилади; иккинчи вариант. Машинада терилган, намлиги 14% дан кам чигитли пахтанинг I - IV сортлари ва қўлда терилган чигитли пахтанинг III , IV сортлари тайёрлаш пунктида ўрнатилган технологик машиналардан ўтказилмайди; учинчи вариант қўлда терилган чигитли пахтанинг I ва II сортлари йирик хас-чўплардан тозалайдиган машиналарнинг иккинчи батареясидан ўтказилмайди. Жинлаш жараёнида чиқарилаётган толаларнинг ҳаммаси махсус тола тозалаш машиналарида охирги марта тозаланиб, гидравлик прессларда тойланиб сим ёки ленталар билан боғланади, Техник чигитлар II , III ва IV тип линт олиш учун уч мартали линтерланади ва ҳар бир тип линт алоҳида прессланиб той шаклига келтирилади. Уруғлик чигитлар иккинчи линтерлашдан кейин уруғлик чигитни ишлайдиган маҳсус цехга юборилади, у ерда сараланади, туксизлантирилади ва махсус кимёвий дорилар билан ишланиб, зарарсизлантирилади. Толали чиқиндиларнинг ҳаммаси махсус цехга юборилиб, ифлосликлардан тозаланади, регенерацион машиналарда ишлаб, йигириш

учун ярайдиган толалар ажратиб олингач пресслаб, той шаклига келтирилади. расмда валикли жинлар ўрнатилган заводнинг технологик жараёни схемаси келтирилган. Бундай заводларда ингичка толали пахтанинг ҳамма сортлари ишланади. Бу схемада ҳам чигитли пахтани жинлаш жараёнигача қайта ишлашда юқорида берилган уч вариант кўзда тутилган бўлиб фақатгина пахтани майда ифлосликлардан тозалайдиган 6А-12М маркали машина ўрнига ОХБ-ЮМ маркали машина ўрнатилган. 4. Оқим-линияли технологик жараён схемалари. Пахта тозалаш заводларида машинада терилган пахтани қайта яшлаш учун қабул қилинган технологик жараён схемалари пахтани етарли даражада тозалашга, толанинг сифатини эса давлат стандарти талабига жавоб берадиган қилиб чиқаришга имкон берадиган бўлди. Лекин ҳозирги замон тўқимачилик саноати урчуқсиз йигириш технологиясига ўтаётганлиги учун толаларнинг тозалиги ва сифатига янада оширилган талаблар қўйилмоқда. Пахта заводларида тозалаш машиналарини батарея тарзида ўрнатиш ва ишлатиш тартиби ортиқча кўп металл ва энергия истеъмол қилиш билан бир қаторда ишлаб чиқариш цехларининг майдони катта бўлишини ҳам талаб қилади. Тозалаш машиналари бу тартибда ўрнатилганда транспорт- тақсимлаш мосламаларининг сони кўп бўлганидан толада қўшимча нуқсонлар пайдо бўлиб, унинг йигирилиш хусусиятлари ёмонлашади. Бундан ташқари, тозалаш машиналари батареяда жойлашганда чигитли пахтанинг бошланғич ифлослик даражасига қараб керакли технологик схемани белгилаш имкониятини чегаралаб қўяди. Бу камчиликларни бартараф этишнинг самарали ва тўғри усулларидан бири ишчи органларининг узунлиги ва ишлаб чиқариш унуми бир хилда бўлган тозалаш секцияларини ва оралиқ транспорт мосламаларини мумкин қадар қисқа қилиб, бир линияга ўрнатишдир.

Шу мақсадда пахта тозалаш бўйича пахта тайёрлаш пунктлари учун ПЛПХ-ВМ-02 маркали ва пахта заводлари учун ЛХ-2 маркали оқим-линияли технологик жараён схемаларини пахта тозалаш саноатида тадбиқ қилинган. Пахта тайёрлаш пунктлари учун ПЛПХ-ВМ-02 пахтани қайта ишлаш оқим-линияси. Ишлаб чиқариш унуми 6 т/соат бўлган ўрта толали чигитли пахтани қуритиб-тозалашга мўлжалланган ПЛПХ оқим-линияли технологик схемада: 1БРП таъминлагичли бункер, 2СБ-10 маркали қуритгич, беш дона А23А маркали тўсқич (иккитаси СС-15 сепараторларига ва учтаси СЧ сепаратор-тозалагичларга мўлжалланган) СЧ маркали сепаратор- тозалагичлар, 1 КП пневматик тош тутгичлар, бешта ЮХ пахта тозалагичлар ДП-130 аррали жин, ЗОВП тола тозалагич, ЗКВ конденсери, Д8237 маркали гидропресс ва УВО ҳаво тозалагич жойлаштирилган. Оддий технологик жараён схемасида тозалаш цехига ўрнатилган машиналар ўрнига ПЛПХ-ВМ-02 маркали оқим-линия схемасида қуйидаги машиналар ўрнатилган: СС-15А маркали сепаратор, 2СБ-10 барабанли қуритгич, ТХЛ-6005 маркали транспортер, СЧ-02 сепаратор тозалагич, РХ-01 маркали тозалагич, ТЛСБ лентали транспортёр, РХ маркали регенератор, СС-15А маркали сепаратор, ШХ пахта шнеки, қуритилган ва тозаланган чигитли пахта учун тележкалар. Қуритилмаган ва хас чўплардан тозаланмаган чигитли пахта оқим- линияли схемада ишлаганда ташқи пневмотранспорт трубаси бўйлаб биринчи-марта СС-15А маркали сепараторга берилади. Сепаратордан кейин чигитли пахта ҳаво оқимидан ажралиб, 1БРП таъминлагичли бункерга узатилади. Бу бункер бутун оқим-линиясининг иш унумини ростлаб туради. Чигитли пахта яна пневмотранспорт системасига тушиб СС-15А сепаратори орқали 2СБ-Ю маркали қуритгичга узатилиб қуритилади. Чигитли пахта қуритгичдан кейин СЧ маркали сепаратор тозалагичда майда хас-чўплардан, унинг охирида эса оғир жисмлардан тозаланади ва 10Х маркали йирик хас- чўплардан тозалайдиган тозалагичларга узатилади. Бу тозалагичларда

чигитли пахта ҳаво оқимидан ажралиб тозаланади ва қайта ҳаво оқимига қўшилиб, кейинги тозалагич машиналарга узатилади. ЛХ-2 пахтани қайта ишлаш оқим-линияси. Машинада терилган чигитли пахтани заводда қайта ишлашга мўлжалланган ЛХ-2 маркали янги оқим линиясининг технологик схемаси қуйидаги агрегатлардан иборат: СС-15 маркали сепаратор , ШРП таъминлагичли бункер, СС-15 маркали сепаратор, 2СБ-Ю маркали қуритгич , пневматик труба, АХК. пахта тозалаш агрегати, СС-15 маркали сепаратор , таъминловчи валикли шахта , аррали жин , тола узатувчи труба, тола тозалагич. АХК пахта тозалаш агрегати чигитли пахтани майда хас-чўплардан тозалайдиган кетма-кет ўрнатилган тўртта горизонтал беш барабанли тозалагичлар секциясидан йирик, ифлосликлардан тозалайдиган тўртта колосник-аррали тозалагичлар ва бир дона РХ маркали регенератордан иборат. Тозалагичлар орасида қўшимча оралиқ транспорт ускуналарнинг йўқлиги чигитли пахтада нуқсонлар пайдо бўлишини камайтиради, агрегатнинг ишончли ишлашини оширади ва тозалаш жараёнини автоматлаштиришни оддийлаштиради. Тозалаш секцияларининг горизонтал жойлаштирилиши уларга хизмат кўрсатишни осонлаштиради ва ремонт вақтида ишчи органларини алмаштиришни енгиллаштиради. Натижада хизмат қилувчи ишчилар сони камаяди ва меҳнат шароитлари ва хавфсизлик техникаси яхшиланади. Агрегатда чигитли пахтани тозалаш жараёни қуйидаги тартибда бажарилади. Чигитли пахта қуритгичда қуритилганидан кейин пневмотруба орқали сепараторга, ундан кейин йиғувчи шахтанинг таъминловчи валикларидан ўтиб, бир текис ёйилиб майда хас-чўплардан тозаловчи машиналарнинг биринчи секциясига узатилади. Бу секцияларнинг ҳар бири остида колосник панжараси бўлган бешта қозиқли барабанлардан иборат. Шунинг учун бу секцияларда чигитли пахта барабанларнинг айланиш томонига қараб уларнинг остидан ўтиб майда хас-чўплардан тозаланади ёки

майда хас чўплардан тозаланмай устидан ўтиб кетади. Охирги бешинчи барабан чигитли пахтани йирик ифлосликдан тозалайдиган секцияга узатади. Йирик ифлосликдан тозалайдиган секция қуйидагича ишлайди. Майда ифлосликдан тозалайдиган секциянинг охирги барабани, чап томонга айланаётган бўлса, йўналтирувчи чўткали барабан ҳам чап томонга айланиб, чигитли пахтани аррали барабанга узатади. Аррали барабан чигитли пахтани колосникларга уриб, йирик ифлосликдан тозалайди ва чўткали барабанга узатади сўнгра секциядан чиқариб кейинги секцияларга узатади, тозалаш жараёнлари бошқа секцияларда яна қайтарилади. Тозалаш секцияларида ажратилган ифлосликлар лентали транспортерга тушиб пневмотруба орқали регенераторга узатилади, регенератор ифлосликларга аралашиб қолган чигитли пахтани ажратиб олиб, сепараторга қайтаради. ЛХ-2 оқим линиясининг технологик схемасида чигитли пахта хас- чўплардан тозалаш секцияларидан кейин қия транспортер орқали таъминлагичли шахтага сўнг аррали жинг атушиб, толаси чигитидан ажратилади. Жиндан чиқаётган тола труба орқали тола тозалаш машинасига узатилади. Бу оқим-линияли схеманинг тозалаш секцияларининг умумий узунлиги 15 м ва баланд-лиги 1,7 м бўлган жойни ишғол қилиб, синаб кўрилганда 9.2-жадвалда келтирилган технологик кўрсаткичларни берди. 2-жадвал Кўрсаткичлар, % Иш унуми, кг/соат 5000 8000 10000 Чигитли пахтанинг ифлослиги: бошланғич 11,3 10,2 8,6 тозалангандан кейин 0,56 0,57 0,77 Агрегатнинг тозалаш эффекти 95,6 94,9 91,8 Бутун технологик жараённинг тозалаш эффекти 99.1 98,9 98,4 Толанинг ифлослиги ва нуқсонлар йиғиндиси 2,13 2,11 1,98 Шу жумладан: ифлослик 0,34 0,44 0,49

Адабиётлар : 1. Ўзбекистон Республикаси Вазирлар Маҳкамасининг қишлоқ хўжалигида иқтисодий ислоҳотларни чуқурлаштиришга доир қонун ва меёрий ҳужжатлар тўплами . I-II- томлар , Тошкент , « Шарқ », 1998 й . 2. Якубов М.М., Ҳайдаров Ў., A шуров М., Набиева Ў. Пахтани тайёрлаш ва сақлаш технологияси. Маруза матни, Тошкент, 2000 й. 55 б. 3. Жабборов Ғ.Ж., Отаметов Т.У., Ҳамидов A .Х. Чигитли пахтани ишлаш технологияси. Тошкент, "Ўқитувчи", 1987 й. 4. Орипов Р., Сулаймонов И., Умурзоқов Э. Қишлоқ хўжалик маҳсулотларини сақлаш ва қайта ишлаш технологияси. Т. “Меҳнат”, 1991 й. 5. Султоров Ж. Канопни ишлаш технологияси. Т. Ўқитувчи, 1970. 128 б. 6. A табаева Х.Н. Умаров З.У. ва бошқалар. Ўсимликшунослик. Т. Меҳнат. 2000й. 250 б. 7. Симонгулян Н.Г., ва бошқалар. Ғўза генетикаси, селектсияси ва уруғчилиги. Тошкент, меҳнат, 1987 й. 8. Шайхов Т. ва бошқ. «Пахтачилик», Т. «Меҳнат», 1990й. 345 б.

Похожие

Чигитли пахтани валикли жинларда ишлаш. Толани тозалаш

Чигитли пахтани аррали жинларда ишлаш. Толани тозалаш

Канопни дастлабки қайта ишлаш технологияси

Хом ашёни қайта ишлаш жараёнлари

Хом ашёни қайта ишлаш жараёнлари