Боғларни касаллик ва зараркунандалардан ҳимоялаш машиналари - Сельское и лесное хозяйство - Рефераты

Боғларни касаллик ва зараркунандалардан ҳимоялаш машиналари

Загружено в:

20.09.2019

Скачано:

0

Размер:

223 KB

Боғларни касаллик ва зараркунандалардан ҳимоялаш машиналари Боғларда этиштирилган биологик ҳосилни тўлиқроқ сақлаб қолишни таъминлаш учун, зараркунанда ва касалликларга қарши самарали кураш ўтказиш жуда муҳим. Курашнинг агротехник, биологик, физик-механик, кимёвий ва бошқа усуллари мавжуд бўлиб, ҳозирги кунда кимёвий усул энг универсал, самарали ва тежамкор ҳисобланади. Бу усулни тоииқ механизациялаш имкони мавжуд бўлиб, у кенг тарқалган. Аммо, кимёвий усулда олиб борилган курашнинг атроф-муҳитга салбий таъсири (заҳарлаши) ҳам кучлидир. Шу сабабли, маҳаллий шароитга мослаб, бир нечта усуллардан бир вақтда оқилона фойдаланиб, юқори самарага эришиш, яъни интеграцияланган (мувофиқлаштирилган) усул айни вақтда кенг тарқалмоқда. Кимёвий усулда зараркунанда ва касалликларга қарши курашиш, ўз навбатида, дори эритмасини пуркаш, кукунсимон дорини чанглатиш, фумигациялаш ва аерозоллар билан ишлов бериш ёрдамида амалга оширилади. Пуркаш ва чанглатиш авиация ёки ер усти, яъни тракторга ўрнатилган техник восита ёрдамида бажарилиши мумкин. Аҳоли яшайдиган жойлар атрофини авиация ёрдамида пуркашга рухсат берилмайди. Пуркаш усулида кимёвий дори эритмаси, суспензия ёки эмулсия махсус машина ёрдамида майда заррачаларга парчаланиб, обектга пуркалади. Камроқ кимёвий модда сарфлаб, кутилаётган самарага эришиш учун эритмани майдароқ ва иложи борича деярли бир хил диаметрга эга бўлган заррачаларга парчалаш талаб қилинади. Парчалаш даражасига биноан пуркаш жараёнини кўп миқдорлаб (заррача диаметри 300 микрондан каттароқ), оз миқдорлаб (заррача диаметри 120—300 мкм) ва ўта оз миқдорлаб (заррача диаметри 100 мкм дан камроқ) пуркаш каби турларга

бўлинади. Пуркашда иложи борича баргларнинг юзасини бир текис намлашга интилиш лозим, чунки бу ҳолда курашнинг самарадорииги юқоридир. Йирик томчилар баргнинг сиртига ёпишиб тураолмасдан, думалаб ерга тушиб кетади, самараси оз, тупроққа зарари кўп бўлади. Кутилаётган самарага эришиш учун бир гектар боғга йирик томчилатиб (кўп миқдорлаб) пуркаш учун 800—20001 эритма сарфланса, ўртача томчилатиб (оз миқдорлаб) пуркашга 100—500 л, ўта майда томчилатиб (ўта оз миқдорлаб) пуркашда 5—25 л эритма сарфланади. Тўғри, иккинчи усулда эритмадаги таъсир етувчи модда (дори) консентрацияси биринчига нисбатан кўпроқ қилинади, ўта оз миқдорлаб пуркашда дорига сув ўрнига оз миқдорда ёпишқоқ, тез қуриб қолмайдиган мойсимон суюқлик аралаштирилади. Ўта майда томчиларни баланд дарахтга етказиш қийин, уларни енгил шамол ҳам четга учириб кетади. Шу сабабли, ўта оз миқдорда пуркаш кенг тарқалмаган. Чанглатиш усулида дарахт барглари майин кукунсимон дори билан қопланиши керак. Суюқлик аралаштирилмайди, меҳнат сарфи пуркашга нисбатан камроқ бўлади. Аммо, дорининг сарфи 5маротабагача ортиб кетади, чунки кукун баргларга яхши ёпиша олмайди, уни кучсиз шамол ҳам учириб кетади. Демак, чанглатишнинг самараси озроқ, атроф-муҳитга зарари кўпроқ бўлади. Аерозол билан ишлов беришда дори ниҳоятда майда заррачаларга (диаметри 1—50 мкм) парчаланиб, тутун ёки туман кўринишига келтирилади. Тутун ёки туман дарахт шохлари ва барглари орасига осон кириб, уларни бир текис қоплайди. Аерозол билан турли иссиқхона ва омборхоналарга ишлов бериш самарали бўлади. Бу усул билан шамолсиз вазиятда ишлов берилади. Фумигациялашда маълум ҳажмдаги ёпиқ жойнинг ҳавоси ўта тез буғланадиган кучли дори билан тўйдирилади. Натижада, ўта кичик тирқишларга ҳам дори кириб, зараркунандаларни қириб ташлайди.

Пуркагичлар универсал ва махсус (боғбоп, токзорбоп) турларга бўлинади. Суюқликни парчалаш усулига қараб, улар гидравлик, пневматик, комбинациялаштирилган, механик ва електрик турларга ажратилади. Гидравлик усул билан парчалашда суюқлик катта босим остида махсус танланган кичик кўзли учлик (тешик)дан отилиб чиқаётиб майда заррачаларга айланади. Пневматик усулда катта босим ва тезлик билан ҳаракатланаётган ҳаво оқими ёрдамида суюқлик парчаланади. Комбинациялаштирилган усулда учликдан гидравлик усулда парчаланиб чиқаётган заррачалар кучли ҳаво оқими таъсирида такроран парчаланади. Демак, бу усулда заррачалар майдароқ бўлади. Механик усулда суюқлик катта тезлик билан айланаётган диск устига юборилади. Марказдан қочирма кучлар таъсирида дискдан иншаётган суюқлик парчаланади. Бу усулда заррачалар диаметри деярли бир хил бўлади, яъни монодисперс парчалаш содир бўлади. Аммо, ўта майда заррачаларнинг кинетик энергияси оз бўлгани сабабли, улар узоқдаги обектга етиб бора олмайди. Электрик усулда суюқлик юқори кучланишга эга бўлган електр майдони таъсирида парчаланади. Заррачалар ўта майда, монодисперс шаклда пайдо бўлади. Боғдаги баланд бўлмаган дарахтларга пахтачиликда ишлатиладиган вентилаторли пуркагичдан фойдаланиш мумкин. Пахтачилик учун яратилган машинага чанглатиш мосламаси ҳам қўшилиб сотилади. Аммо, боғлардаги шароитларга тўлиқ мослашган махсус ҳоғбоп пуркагичлардан фойдаланиш маъқул бўлади. Баланд дарахтларга, токзорга эритма, суспензия ёки емулсияларни сифатли пуркайдиган махсус машинанинг технологик схемаси 24расмда келтирилган. Технологик жараён қуйдаги тартибда бажарилади. Бак 8 дан суюқликни сузгич 17 орқали насос 1 сўриб олиб, уни босим созлагич

2 га юборади. Босим созлагичнинг маълум босимга созланган клапани 16 орқали ўтган суюқлик вентил 7 ва узувчи клапан 12 га, кейин эса учликлар тўплами 13 га етиб боради ва парчаланиб, ташқарига фавворага ўхшаб отилиб чиқади. Бу ердаги вентилатор 15 фаввора заррачаларни кучли шамол билан пуфлаб, қўшимча майдалайди, уларга катта кинетик энаргия бериб, узоқ жойга учириб юборади. Вентилатор карнайдаги куракчаларни буриб, ҳаво ва заррачалар аралашмасининг йўналишини ўзгартириш муимкин. Насос 1 ҳайда- ётган суюқликнинг босимини монометр 6 кўрсатиб туради. Босим созлагич 2 керакли миқдордаги суюқликни вентил 7 га юборади. Ортиқча суюқлик бакнинг паст томонига қайтиб кетади, у ердаги аралаштиргични ишга туширади. Ишлаётган агрегат боғнинг четида бурилаётганида ҳамда тўхтаганида узувчи клапан 12 суюқликни пуркаш мосламасига ўтказмасдан қўяди. Тез ёпқич клапанининг иши, трактор кабинасидан бошқарилади. Клапан ишга тушганида, у суюқликни пуркаш мосламасига эмас, бак томонга йўналтиради. Керак бўлса, бакдаги суюқликни клапан 16 ёрдамида тўкиш мумкин. Паст бўйли дарахтлар, буталарни ва токларни дори эритмаси билан оз миқдорлаб пуркайдиган машинанинг технологик схемаси 25-расмда кўрсатилган. Унинг бошқа машиналардан асосий фарқи суюқликни парчалаш учун дисксимон парчалагич ишлатилади. Бундай машина қуйдаги тартибда ишлайди. Бак 8 даги суюқлкни насос 12 сўриб олиб, сузгич 11 билан жиҳозланган шланга орқали бошқарув пулти 1 га юборади. У ердаги йўл очиқ бўлса, суюқлик кўзи калибрланган (3,3 ёки 4,2 мм) шайба 5 орқали катта тезликда айланаётган диск 7 лар устига бориб тушади. Марказдан қочирма куч таъсирида парчаланиб дискдан тушаётган суюқлик томчилари вентилатор 6 вубораётган кучли шамолга қўшилиб, иккинчи марта парчаланиб, ишлов берилаётган обектга бориб ёпишади.

расм. Боғбоп тиркалма вентилаторли пуркагичнинг технологик жараёни схемаси: 1 — насос; 2 — босим созлагич; 3, 7 — вентил; 4— ежектор; 5— демпфер; 6 — манометр; 8 — бак; 9 — сатҳ кўрсаткич; 10 — аралаштиргич; 11 — қопқоқ; 12— узувчи клапан; 13— учликлар тўплами; 14— парчаловчи учлик; 15 — вентилатор; 16 — клапан; 17— сузгич. Заррачалар диаметри 150—250 мкм, яъни кичик бўлганлиги сабабли, уларнинг кинетик енсргияси камроқ бўлади. Натижада, заррачалар узоқ жойларга, барглар орасига етиб бора олмайди. Демак, машинани дарахтга жуда яқин келтириб ишлов бериш маъқул бўлади. Бундай машина бир гектар майдонни 100—110 литр эритма билан бир текис намлай олади. Тоғ олди қияликларида тор қаторлаб экилган токлар, паст бўйҳ бутасимон мевали ўсимликлар (қорағат, малина...)га ишлов бериш учун қои аравасига ўрнатилган брандспойтли пуркагичлар ишлатилади (26-расм). Пуркагичга кичик бензин мотори 4 ўрнатилган бўлиб, у насос 12 ни ҳаракатлантиради. расм. Миқдорлаб пуркайдиган пуркагичнинг технологик схемаси:

1 — бошқарув пулти; 2— редуксион клапан; 3 — узувчи клапан; 4— маномстр; 5— калибрланган шайба; 6 — вентилатор; 7 — дисксимон парчалагич; 8 — бак; 9 — сатҳ ўлчагич; 10 — аралаштиргич; 11 , 13 — сузгич; 12 — насос. Машина икки дона брандспойт 8 га эга бўлиб, уларни қўл билан керакли жойга йўналтириб, обектга ишлов берилади. Брандспойтлар ўта узун (20—50 м) шлангларга уланган. Брандспойтларга турли диаметрдаги кўзга эга бўлган учликлар ўрнатиб, керакли режимда пуркашга эришилади. Бундай пуркагичнинг махсус баки йўқ, унинг ўрнига топилган ҳар қандай катта ҳажмли идишдан фойдаланилади. Боғдорчилик ва узумчилик бўйича кичик фермер ва деҳқон хўжаликларида одам елкасига осиладиган (ранессимон) қои пуркагичидан кенг фойдаланилади (27-расм). Ҳажми 12 литр бўлган бак 1 полиетилендан тайёрланган бўлиб, унинг шакли одам елкасига қулай осилишни таъминлайди. Бевосита одам елкасига тегадиган сиртига юмшоқ поролон ёстиқча ётқизилган. расм. Қўл аравасига ўрнатиладиган кичик пуркагичнинг технологик жараёни схемаси: 1 — идиш; 2 — сўриш шлангаси; 3 — гидроаралаштиргич; 4 — бензин мотори; 5 — рсдуктор; 6 — занжирли узатма; 7 — насос; 8 — брандспойтлар; 9 — сақлагич-клапан; 10 — қайтариш шлангаси.

расм. Қўл пуркагичининг технологик жараёни схемаси: 1 — бак; 2 — қопқоқ; 3 — сузгич; 4 — ҳаво қалпоғи; 5 — шланг; 6 — сузгич; 7 — брандспойт; 8 — бошқарув клапани; 9 — дастак; 10 — тортқи; 11 — силиндр; 12 — манжета; 13 — шарикли клапан; 14 — поршен; 15 — таглик. Бакнинг ўнг томонида ҳаво қўл насоси ўрнатилган. Насос трубкасининг ичида манжета 12 поршен 14 билан биргаликда ҳаракатланади. Трубканинг тубида шарикли клапан 13 жойлашган. Идиш тубига ўрнатилган найчанинг ташқаридаги учига шланга 5 уланади. Шлангачага эса брандспойт 7 кийдирилади. Шланга ва брандспойт узунлиги баландлиги 4—5 м бўлган дарахтларга дори пуркаш иниконини беради. Бакнинг оғзи қопқоқ 2 билан зич ёпилади. Бакка қуйлаётган эритма сузгич 3 дан тозаланиб ўтади. Дастак Пни қўл билан 6—7 марта тебратиб, бак ичидаги суюқлик устидаги ҳаво босими 0,25—0,3 МПа даражагача кўтарилади. Ҳавонинг босими бакдаги суюқликни шланга орқали доимо брандспойт томон ҳайдаб туради. Брандспойт дастагидаги клапанни қўл билан очиб, ишчи учликда парчаланган суюқликни дарахтга йўналтиради. Пуркаш сифатли ва узлуксиз бўлиши учун ишчи насос дастагини минутига 25—30 марта тебратиб туриш талаб қилинади. Юқорида айтилгандек, боғларда кукунсимон доривор моддаларни чанглатиш ҳам кенг тарқалган. Чанглатиш учун пахтачиликда ишлаб чиқарилаётган машина- лардан фойдаланиш мумкин. Албатта, боғларда ишлатиладиган махсус чанглаткичлар ҳам мавжуд. Уларнинг тузилиши, иш

жараёни пахтачилик чанглаткичидан деярли фарқ қилмайди. Аммо, фақат боғлардаги шароит учун одам елкасига осилиб ишлатиладиган чанглаткичлар ҳам фермер ва деҳқон хўжаликларида учратилади (28-расм). Унинг ёрдамида техникани киритиш иложи бўлмаган жойлардаги токзорга олтингугурт, бошқа мевали ўсимликларга кукунланган пестицидлар пуркалади. Унинг асосий қисмлари: бункер 1, шнек 4, редуктор 5, марказдан қочирма вентилатор 16 чанглатувчи труба 6 ва бошқалардир. расм. Ишчи елкасига осиладиган кичик чанглаткичнинг технологик жараёни схемаси: 1 — бункер; 2 — бункер оғзи; 3 — қопқоқ; 4 — шнек; 5 — редуктор; 6 — чанглатувчи труба; 7 — вентилатор; 8 — тўсқич; 9 — занжирли узатма; 10 — дастак. Дастак 10 қўлда минутига 25—30 марта айлантирилади. Занжир 9 шнек 4ни ҳаракатлантиради. Шнек вали редуктор 5орқали вентилятор 7 ни айлантиради. Бункер оғзи 2 орқали унинг ичига 10 дм 3 (литр) кукун солинади. Кукунни вентилатор устига узлуксиз тушириб туриш учун шнек ва унинг валидаги тўзиткичлар хизмат қилади. Ишлатилмаётган чанглаткичнинг вентилаторига кукун тушиб туришини олдини олиш учун тўсқич 8 билан у ердаги тешик ёпиб қўйлади. Сепилаётган кукун миқдорини ўзгартириш учун тўсқич 8 билан бункер тубидаги тешик очилиб ёпилади.

Ишчи елкасига осилган чанглаткични ишлатиши учун тўсқич 8 м олдиндан белгилаб қўйилган ҳолатга келтиради. Дастак 10 айлантирилганида вентилатор ҳосил қилаётган ҳаво оқими кукунни труба 6 бўйлаб, унинг учлигига ҳайдайди ва ташқарига учириб юборади. Аерозол генератори. Боғлардаги турли ўсимликлари, мева сақланадиган омборларни, иссиқхоналарни зараркунанда ва касалликлардан ҳимоялашда аерозол генераторларидан фойдаланиш самарали бўлади. Аерозол генера- торининг асосий бўлаклари: мотор, ҳаво насоси, ҳаво сўриш ва ҳайдаш қувурлари 18, ёниш камераси 5, бензин алангалаткич 2, қиздириш қувури 13, миқдорловчи кран 10, сопло 11, бензин баки 7ва бошқалар. 29-расм . Аерозол генераторининг технологик жараёни схемаси: 1 — ҳарорат ўзгартиргич; 2— алангалаткич; 3 — созловчи вим; 4— назорат ойнаси; 5—ёниш камсраси; 6 — тиндиргич; 7—бензин баки; 8 — тортқи; 9 — шланг; 10— миқдорловчи кран; 11 —сопло; 12— парчаловчи учлик; 13— қиздириш қувури; 14— сузгич; 15— сўрувчи найча; 16 — пестицид идиши; 17 — тутатиш свечаси; 18— ҳаво насоси; 19— ҳаво тозалагич; 20— бензин йўналтиргич; 21 —кран; 22 — компенсатор; 23— бензин пуркагич. Аерозол генераторини ишлатиш учун, унга ҳаво билан совутиладиган икки силиндрли бензин мотори ўрнатилган. Бу мотор ёрдамида ҳаво насоси 18 ҳаракатлантирилади. Ҳаво насоси уч парракли иккита ротордан иборатдир. Вентилатор 0,02 МПа босим билан ҳаво ҳайдайдиган карнайнинг охирида

алангалаткич 2ва тутатиш свечаси 17 қўйилган. Алангалаткич 2 нинг конусситнон диффузорини ёниш камераси 5 нинг ўртасига йўналтириб қотириш учун учта созловчи винт 3 лар ўрнатилган. Тутатиш свечасидаги учқунни назорат қилиш учун корпуснинг устида назорат ойнаси мавжуд. Ёниш камераси 4силиндрик карнай бўлиб, лининг охири конуссимон шаклда тайёрланган. Конуснинг энг тор жойга, дифрузорга, пестицид парчаловчи учлик 12 ўрнатилган. Учлик 12 дан кейинги қисм сопло эса, кенгайтирилган конуссимондир. Аерозол генератори қуйдаги тартибда ишлайди. Мотор ишга туширилганидан сўнг, ҳаво насоси 18 ишлай бошлайди ва ҳавони алангалаткич 2 га ҳайдайди. Кран 20 ни очиб, бак 7 даги бензин пуркагич (ингичка найча) 23 га юборилади. Вентилатор катта тезликда юбораётган ҳавонинг бир қисми пуркагичдан отилиб чиқавотган бензинни парчалаб, ҳаво билан аралаштиради. Бу аралашма конуссимон диффузордан чиқаётиб свечада пайдо бўлаётган учқунлар таъсирида ёниб кетади, унинг алангаси ёниш камерасида тўлиқ ёнади, чунки у ердаги ҳаво миқдори бунга етарли бўлади. Камера ичидаги ҳарорат 1000°С гача етади. Вентилатор катта миқдордаги ҳавони узлуксиз бу ерга ҳайдаб келиши туфайли бензин заррачалари тўлиқ ёниб улгуради. Натижада, босим ортиб газ аралашмаси диффузорнинг энг тор жойдан деярли 300 м/с (10 000 км/соат) тезликда ўтади. Маълумки, қувнрнинг торайган жойдан ўтаётган ҳаво оқимининг тезлиги кескин ортиб, у ердаги босим камайиб кетади. Шу сабабли, идиш 16 даги суюқ пестицид шланг 9 орқали сўрилиб, парчаловчи учлик 12 дан отилиб чиқади. Кучли ҳаво ва юқори ҳарорат таъсирида пестицид буғланиб, газ билан биргаликда ташқарига отилиб чиқади ва у ердаги совуқ ҳавога қўшилиб, туманга ўхшаган монодисперс заррачаларга айланади, атрофдаги дарахт баргларига бир текис қўнади. Кран 21 ни бураб, узатилаётган бензин миқдори, натиижада, ёнаётган газ аралашмасининг ҳарорати ўзгартирилади. Бензин бир текис ёнишини компенсатор 22 таъминлайди. Ташқарига чиқаётган газга аралаштирилаётган пестицид миқдори кран 10 ёр дамида ўзгартирилади. Аерозол генераторини иш ҳолатидан тўхтатиш учун, олдин

пестицид крани 10, кейин бензин крани 21 ёпилади. 2— 3 минутдан сўнг мотор тўхтатилади. расм. Фумигаторнинг технологик жараёни схемаси: 1 — вентилатор; 2 — сетка; 3 — бункер; 4 — палатка кийдирилган дарахт; 5 — палатка; 6— миқдорлагич (дозатор); 7 — аралаштиргич; 8 — ҳаво карнай; 9 — калибрланган тешик. Фумигаторлар асосан ситрус ўсимликлари (лимон, апелсин, грейпфрут, мандарин) ни ҳимоялашда ишлатилади. Нисбатан катта боимаган бундай дарахтга плёнкадан ясалган палатка кийдирилиб, унинг ичига заҳарли пестицид, масалан, сианплав пуркалади (30расм). Фумигаторнинг асосий бўлаклари: бункер 3, вентилатор 1 , ҳаво карнай 8, фумигациялаш палаткаси. Фумигаторқўл аравасига ўрнатилади. Бункер 3 нинг ичига солинаётган тўкилувчан кукунсимон сианплав дорисига аралашган йирик жисмларни сузиб олиш учун сетка (тўр) 2 ўрнатилган. Бункер ичига тўзиткич ҳам жойлаштирилган бўлади. Унинг дастаси ташқарига чиқарилган, қўлда ишлатилади. Бункер тубига миқдорлагич (дозатор) қўйилган, унинг калибрланган кўзи алмаштирилса, пастга тўкилаётган кукун миқдори ҳам ўзгаради. Қўл аравасига кичик бензин мотор ўрнатилган бўлиб, унинг ёрдамида вентилатор ишлатилади. Вентилатор карнай 8 бўйлаб ҳайдаётган ҳаво оқими дозатордан тушаётган дорини дарахтга кийдирилган палатканинг ичига олиб киради. Сианплав дориси тупроқ ва барглардаги намҳк таъсирида заҳарли

газга айланиб, деярли ҳамма тор жойларга ҳам кириб боради ва тирик микроорганизмларни тўлиқ йўқотади. Ҳар бир фумигаторга турли баландлик ва кенгликка эга бўлган бир нечта палатка қўшиб сотилади. Филлоксера каби ўта хавфли касаллик тушган токзорлардаги тупроқ ҳам фумигацияланади. Шу мақсадда, суюқ фумигантни тупроққа 15—20 см чуқурликда кўмиш учун, плуг ва култиваторга фумигатор ўрнатилади. Кузги шудгорлаш вақтида тупроқни фумигациялаш яхшироқ натижа беради.

Адабиётлар: 1. Шоумарова М., Абдиллаев Т. Қишлоқ хўжалиги машиналари. Тошкент, «Ўқитувчи», 2002. 2. Зуев В., Абдиллаев А. Сабзавот экинлари ва уларни етиштириш технологияси. Тошкент, «Ўзбекистон», 1997. 3. Ф.Е.Аниферов., Л.И.Ерошенко., И.З.Теплинский. Машины для садаводства. Агропромиздат, 1990. 4. Каримов И.А. асарлари. 5. Ўзбекистон республикасининг тегишли қонунлари. 6. Аниферов Ф.Машины для садоводства. Ленинград. 7. «Агропромиздат», 1996. 8. Хмелёв П. Механизация работ в виноградарстве. Москва, 9. «Агропромиздат», 1991. 10. Илмий монографиялар, мақолалар, диссертациялар. 11. Қишлоқ хўжалиги машиналари. Дарслик. www.ДИТ сентр.уз. 12. Суғоришни механизациялаш. www.нетафим . ру . 13. Плодоводство и виноградарство. ҳттп:/www.бфпуис.ру.

Похожие

Ўсимликларни ҳимоялаш машиналари

Дарахтларни буташ анжомлари

Усимликларда касаллик қўзғатувчи вируслар ва микоплазмалар.

Касаллик ва зараркунандаларга қарши курашда ишлатиладиган машиналар

Пахта териш ва тозалаш машиналари пахта териш машиналари ҳақида