Психология курсидан маърузалар ташкил этиш методикаси - Психология - Рефераты

Психология курсидан маърузалар ташкил этиш методикаси

Загружено в:

20.09.2019

Скачано:

0

Размер:

86.5 KB

Психология курсидан маърузалар ташкил этиш методикаси Р е ж а: 1. Маъруза – укув жараёнини ташкил этишнинг асосий усули. 2. Маъруза – талабаларни педагогик фаолиятга тайёрлашнинг асосий воситаси. 3. Маърузага куйиладиган талаблар. 4. Психологиядан утказиладиган маърузалар самарадорлигини ошириш. 5. Маъруза турлари ва уларни ташкил этиш усуллари. 6. Маърузачи – педагог шахсига куйиладиган талаблар.

Хозирги кунгача психологик билимларнинг манбаи хисобланган дарсликлар ва укув кулланмалари баёний хусусиятга эга булиб оддийдан мураккабга , якколликдан мавхумликка , хусусийдан умумийга томон фикр йуналишига асослангандир . Манбаларга нисбатан бундай ёндошиш талабаларга «тайёр билим» ларни узлаштиришга, репродуктивлик эса етакчи таълим принципи сифатида пухта жой эгаллашга олиб келади, бу нарса уз навбатида талабаларнинг ижодий тафаккури (преатив фаолият) ва ижодий изланишларни сустлаштиради. Репродуктив (ижодий) фикрлашнинг тараккийпарвар принципи, илгор гояси талабалар мустакиллигини шакллантиради. Продуктив укитиш йулларидан бири таълим жараёнини укитувчи билан талаба уртасидаги хамкорлик жараёнига айлантиришдир. Бу холатда талаба маълумотларнинг тингловчиси ролидан аста-секин, боскичма- боскич, фазама-фаза уни хамкорликда эгаллаш функциясини бажарувчи тенг хукукли шерик даражасига усиб утади. Аввал таклид, кейин идентификация ва охирида рефлексион йуллар, уз-узини бошкариш билан янги билимларни узлаштириш фаолияти доирасини кенгайтиради. Этнопсихологик конунлар тугрисида талабаларга маълумот беришда умуминсоний, умумтарихий тажрибаларни эгаллаш инсон тараккиётининг узига хос шакли тарикасида талкин килиш мухим ахамият касб этади. Психология мохиятига маънавият, кадрият ва рухият уртасидаги изчил алока, баркамол шахс боскичлари, унинг объектив ва субъектив шарт шароитлари каби масалаларни сингдириш – инсоншунослик фани учун мухим ахамиятга эгадир. Мустакиллик туфайли олий таълим тарбиясида кенг ва чукур имкониятлар яратилди. Охирги йилларда олий таълим даргохларида психологик тушунча, конуниятлар, принциплардан кенг фойдаланилмокда. Олий таълимда булажак укитувчиларнинг психологик тайёргарлиги 1- навбатда уларнинг онги, тафаккури ва хотирасида психологик тушунча коида ва принципларнинг шакллантириш билан боглик. Бу жараён жуда мураккаб, хар дарсда талаба уз психологик лугат дафтарида 20-30 психологик тушунча

ва атамаларни ажратади – лугавий маъносини дафтарда ёзади. Натижада бу тушунча ва атамалар талаба онгига чукуррок сингади, хотирасида узок вакт сакланади. Психик ходисалар жуда мураккаб ва куп кирралидир. Аммо улар канчалик мураккаб булмасин, уларни самарали актив метод ва усуллар ёрдамида урганиш оркали студентларнинг материаллари сифатли узлаштиришларига эриши мумкин. Мана шу самарали усуллардан бири – психология курсини укитишда курсатмалилик методидан кенг фйдаланишдир. Психология курсида курсатмалиликнинг турли хилларидан: А – психологик тажрибалар. Б – тасвирий курсатмалилик (расмлар, жадваллар, макетлар). В - огзаки (суз) иллюстрациялар ва Г – техник воситалардан фойдаланишдир (компьютер, техникаси, дисклар, пластинкалар, кинофильмлар, магнитафон ленталари) Тарбиячи – педагогларнинг ижтимоий хаётдаги роли ва обрусини кутариш, уларнинг касбий тайёргарлигини тубдан яхшилаш хозирги замон талабидир. Шундай экан психологиядан ташкил этиладиган маъруза, семинар ва лаборатория машгулотлари педагогика институтларида булгуси мутахассислар тайёрлашда асосий уринлардан бирини эгаллайди. Психология фанини укитиш педагогика институтларининг студентларига 1-курсданок бошланади. Табиийки студентлар психология дарслиги ва кулланмаларнинг дастлабки боблариданок фалсафа, физиология, психология ва педагогикага доир жуда куп тушунча ва атамаларга дуч келадилар. Бундан ташкари студентлар укишнинг дастлабки даврида хали илмий адабиётлар устида ишлаш методикасини билмайдилар. Бу эса студентларнинг психология фанини узлаштиришда анчагина кийинчиликларни тугдиради. Мана шу кийинчиликларни бартараф этишга ёрдамлашиш маъруза пайтида, семинар ва лаборатория машгулотларида психология фани буйича ташкил этилган тугаракларда олиб борилади. Уларда студентларнинг шахс, ижтимоий-психологик ходисалар хакидаги карашлари шаклланади.

Психологик адабиётлар материаллари асосида илмий психологияга доир назарий масалаларни биргаликда фронтал тарзда мухокама килинади. Студентларга утилган мавзуларга доир билимлари, ёзган рефератлари, маърузалари мухокама килинади. Лаборатория машгулотларида студентлар билан психологик конуниятларни аниклашга доир утказилган амалий тажрибалар оркали уларнинг психик ходисаларга тегишли назарий билим ва тушунчаларни амалий жихатдан тахлил килинади. Уларда психология назарияси ва амалиётининг бирлиги таъминлайди. Семинар машгулотларида психологиянинг умумий илмий назарий конунлари психологик адабиётлардан йигилган маълумотларни тахлил килиш оркали студентлар томонидан узлаштириб олиниши зарур булган тушунчалар конкретлаштирилади. Лаборатория машгулотларида эса психология хакидаги назарий билимларни кандай килиб амалда куллаб бориш кераклиги студентларнинг фаол иштирокида бажариладиган экспериментлар оркали курсатиб борилади. Лаборатория машгулотлар психология укитишнинг таркибий кисмларидан биридир. Чунки психология фани уз предметига оид конуниятларни аниклаш ва илмий хулосалар чикаришда асосий эксперимент ва кузатишлар оркали йигилган конкрет далилларга таяниб иш куради. Шунинг учун психологик тадкикотларнинг экспериментал методикасини урганиб олмасдан туриб психологиянинг асосларини узлаштириш кийин. Бундан ташкари лаборатория машгулотлари студентларнинг психологиядан лекция тинглаш ва махсус адабиётларни урганиб бориш йуллари билан узлаштирилиб олган назарий билимларни кандай килиб амалда куллаб бориш кераклиги студентларнинг фаол иштирокида бажариладиган экспериментлар оркали курсатиб борилади. Лаборатория машгулотлар психология укитишнинг таркибий кисмларидан биридир. Чунки психлогия фани уз предметига оид конуниятларни аниклаш ва илмий хулосалар чикаришда асосий эксперимент ва кузатишлар оркали йигилган конкрет далилларга таяниб иш куради. Шунинг учун психологик

тадкикотларнинг экспериментал методикасини урганиб олмасдан туриб психологиянинг асосларини узлаштириш кийин. Бундан ташкари лаборатория машгулотлари студентларнинг психологиядан маъруза тинглаш ва махсус адабиётларни урганиб йуллари билан узлаштирилиб олган назарий билимларни мустахкамлайди. Жамиятнинг хар кандай тараккиёт боскичида мехнат самарадорлигини ва унинг сифатини юксалтириш муаммоси ишлаб чикаришнинг барча сохаларида 1-даражали ахамиятга эгадир. Бу эса олий таълим тизимида ишлаётган одамлар мехнатига хам таалуклидир. Аслини олганда ижтимоий-иктисодий, сиёсий ва мафкуравий муаммоларнинг ечими куп жихатдан кадрларни тайёрлаш сифатига богликдир. Шу боисдан халк таълими учун укитувчи кадрларни тайёрлашга айникса алохида эътибор каратиш зарурдир. Республикамизда хаётнинг барча сохаларида гоят катта узгаришлар, катта курилишлар юз бераётган, халкнинг турмуш тарзи тубдан узгараётган одамлар онгида жиддий узгаришлар руй бераётган хозирги кунда укитувчининг мехнати жуда мураккаб, машаккатли, жавобгарли ва шу билан бир каторда кизикарли мехнатдир. Укитувчи мана шундай шароитда хаётимизни кайта куришда энг мухим таъсир курсатувчи сиймо булмоги лозим. Бунинг учун эса укитувчи хар томонлама билимли мутахассис эътикодли, уз ватанига содик, педагогик кобилият ва махоратга эга булган узининг жамият олдида мафкуравий ва касбий педагогик вазифаларини бажаришга тайёр булмоги лозимдир. Педагогика институтининг онгли равишда шу касбни танлаган хар бир талабаси шундай билим ва малакаларни эгаллаши лозим, бу билим ва малакалар унга мактабдаги кундалик ишида ёрдам берадиган булсин. Талабаларни укитувчилик ишига мувафаккиятли тайёрлашнинг асосий воситаларидан бири маъруза (лотинча “укиш, мунозара” демакдир) биринчи булиб урта аср университетларида биронта китобдаги матнни укитувчи томонидан укиб бериш тарикасида кулланилган, укув материалини огзаки изохлаб бериш характеридаги маъруза XVIII асрда ихтиро этилган. Олий мактабларда тараккиёт тажрибаси шуни курсатадики, мухозара укув

жараёнини ташкил этишнинг асосий усули эканлигини тамомила тасдиклади. Мухозаранинг асосий вазифаси талаба билимларининг керакли сохага йуналтириб маълум фаннинг ютуклари, бу фаннинг ечилган, ечилаётган муаммолари билан таништириш ва келгусида у сохаларни мустакил урганишга тайёрлашдан иборатдир. Мухозара билимларни умумлаштириб бериш ва билим асосларини умумлашган холда эгаллашнинг тежамли усулидир. Укув курси огзаки баён этилганда купчилик талабалар материалларнинг асосий мазмунини осонрок тушуниб унинг мантикий тузилишини, ундаги исбот далилларни енгилрок узлаштириб оладилар. Мухозарага куйиладиган талаблар куйидагилардир: 1. Дидактика талаблари: мухозарани илмийлиги, тарихийлиги, изчиллиги, тушунарлиги ва тулалиги. 2. Укитувчининг баён этишдаги тилига куйиладиган талаблар. 3. Кургазмалилик, техника воситаларидан фойдаланиш. Фаннинг талабалар томонидан мустахкам урганишлари учун кийин буладиган айрим кисмлари ва айрим мавзулари буйича мухозара укилганда укитувчи энг кийин материални осонрок ва тушунарли килиб баён этган холда талабаларга ёрдам беради. Укитувчи мавзунинг барча саволларини узил-кесил жавоб беравермай турли тахминларни олдинга сурган холда айрим масалаларни куриб чикиб, уларни фанда ва амалиётда кандай урганиш йулларини курсатиб беради. Мухозаранинг барча мавзулари уртасида мустахкам алока ва узаро богликлик бордир. Бу хар бир мавзуни баён этишда сакланади. Шунинг учун укитувчи мухозарани бошлашдан аввал талабаларга олдинги мавзуни кискача мазмунини эслатиб утиши лозим. Мухозарага куйиладиган талаблардан биттаси материални баён этиш тилига куйиладиган талаблар булиб, мухозаранинг муваффакият куп жихатдан укитувчининг тилига, унинг нуткига богликдир. Материални изохлаш тили тушунарли, содда осон булмоги лозим. Хаддан ташкари мураккаб, ута илмий, тушуниб булмайдиган жуда куп кийин иборалар билан тулиб тошган ёки хаддан ташкари оддий

тилда изохлаш талабаларда мухозарага булган кизикишни йукотиб, улар уз диккат эътиборини дарсга карата олмайдилар, натижада материални идрок килиш, уни тушуниб етиш ёмонлашади. Материални баён этишда тингловчиларнинг хусусиятларини (курс, факультет, мутахассислик) хам эсдан чикармаслик керак. Агар мавзуда тушуниш кийин булган иборалар куп булса, бундай холларда кийин иборалар айникса куп учрайди. Жумладан онтонегенез, филогенез, фрустрация, конформизм, детерменизм, сенсибилизация ва бошкалар. Талабаларни бундай тушунчалар билан олдиндан таништириш материални баён этишни осонлаштиради. Маърузаларни янги педагогик технологияга асосланиб бир неча шаклда ташкил этиш мумкин. Педагогик технология – бу укитувчи томонидан укитиш воситалари ёрдамида укувчиларга таъсир курсатиш ва бу фаолият махсули сифатида уларда олдиндан белгилаб олинган шахс сифатларини шакллантириш жараёни деб таърифлаш мумкин (В.П.Беспалько «Педагогика и прогрессивные технологии, обучения» М. 1995 год ). Педагогик технология – амалиётга жорий этиш мумкин булган маълум педагогик системанинг энг самарадор лойихасидир. Укитувчи талабани (укувчини) «укитиши» эмас, «укишга ургатиши» керак, укитишнинг репродуктив усулига эвристик ёндошиш керакки, токи талаба хар бир дарсда узининг «янгилигини» кашф этсин. Янги педагогик технологияга асосан, укитишнинг анъанавий – монологик усулидан воз кечиб, «интератик» усул – яъни укитувчи ва талабанинг хамкорлигига асосланган фаол усуллар кулланилиши максадга муваффак. Таълим жараёнида имкон кадар ЭХМ ва компьютер техникасини куллаш керак. «Агар болалар эркин фикрлашни урганмаса, берилган таълим самараси паст булиши мукаррар» (Каримов И.А. «Баркамол авлод – Узбекистон тараккиётининг пойдевори» Тошкент 1997 йил, 15-бет). Педагогик жараённи ташкил этишга янгича ёндошиш талабалар фаолиятини, мустакил ва ижодий фикрлашини фаоллаштиради. Маърузаларни куйидаги шаклларда ташкил этиш мумкин:

1. Маъруза – конференция типидаги дарс. 2. Муаммоли таълим. 3. Маъруза – мунозара. 4. Компьютерлашган таълим (маъруза матнларининг компьютер нусхаси) 5. Масофали укитиш. 6. Интернет тизимидан фойдаланиш Маърузаларни бир неча хил усулда, яъни аралаш усулда ташкил этган максадга мувофикдир. Бунда: 1. Талабанинг мустакил фикрлаши ривожланади. 2. Муаммоларни хал этишда хар бир талабанинг масъулияти ошади. 3. Талабанинг огзаки ва ёзма нутки ривожланади. 4. Мавзуларни яхши эсда олиб колишга ёрдам беради. 5. Илмий – назарий тушунчаларни узлаштиради. 6. Талаба мустакил равишда саволлар тузишга урганади ва х.к. Лекция – конференция типидаги дарс – таълим тарбиявий характерга эга булиши лозим – яъни таълим оркали талабаларда дунёкарашни тарбиялаш, хаётий муаммоларни хал этишга тайёр булиш рухида тарбиялаш, ишлаб чикаришга, педагогик фаолиятга тайёрлаш керак. Маърузалар жараёнида талабалар психологиядан назарий билим, куникма ва малакаларни эгаллайдилар. Бу жараён укитувчи ва талабанинг фаолияти хамкорликда булсагина муваффакиятли амалга ошади, улардан бирининг сусткашлиги мувафаккиятсизликка олиб келади. Узбекистон Республикасининг «Таълим тугрисида»ги Конунига асосан таълимни шундай ташкил этиш вазифаси куйилмокдаки у укувчиларнинг аклий тараккиётини максимал даражада таъминлайдиган, укувчи (талаба) шахсини хар томонлама маънавий – маърифий ахлокий жихатдан етук баркамол таркиб топтирувчи булмоги лозим. Шунинг учун хозирги даврда маърузаларни ташкил этишда конференция типида ташкил этиш максадга мувофикдир. Масалан умумий

психология фанидан 15 та мавзу утилиши режалаштирилган булса улардан 5 ёки 6 тасини шу типда ташкил этиш мумкин. Бу типдаги маърузаларни ташкил этишда гурухдаги барча талабаларга тайёр маъруза матни аввалдан берилади, улар хаммалари тайёрланадилар (кушимча адабиётлар хам тавсия этилади ва уларни талабалар мустакил урганадилар албатта). Улардан бир нечаларини маърузачи килиб тайинланади, мавзудаги саволларни улар навбати билан очиб берадилар, гурухдошларини фаол, мустакил, ижодий фикрлашга чакирадилар ва куйилган муаммоларни биргаликда хал этадилар. Укитувчи рахбарлик килиб, баъзан саволларни йуналтириб, керак пайтда хулоса чикариб, дарсни якунлайди. Фаол иштирок этган талабалар рагбатлантирилиб борилади, фаол булмаган – пассив талабаларга хам эътибор бериб бориш зарур, - уларнинг у ёки бу масаладаги фикрларини сураш, баъзан уртоклари фикрини кайтаришни илтимос килиш, огохлантириш ва бошка усуллар оркали. Муаммоли таълим усули – дарс жараёнида талабалар олдига турли муаммолар куйиб берилса, уларни факат мул-кул информациялар билан таъминламасдан, уларни фикр юритиш фаолиятига ургатилади. Муаммо куйилган экан -–уни хал этиш учун ижодий фикрлаш жараёни юз беради – савол тугилади, вазифа аникланади, жавоб кидириш жараёни вужудга келади. Маърузачи – педагог маъруза жараёнининг асосий ташкилотчисидир. У узининг фикрлари, суз ва иборалари, шахсий намунаси, талабаларга булган муомала муносабати, акл-идроки, иродаси, дунёкараши хамда эътикоди билан таъсир килади. У уз фанини яхши билиши билан бирга одоб-аклокда хам намуна булиши керак, маънавий-маърифий жихатдан етук – баркамол булмоги, аввало уз Ватанини, миллий тили, урф-одати, кадриятларни эъзозлаши, таълим мазмунини жахон мезонлари даражасига кутаришга интилмоги керак. У энг аввало педагогик касбига хос хислатларга - педагогик психологик билим, куникма ва малакаларни эгаллаган булмоги лозим, касб сифатларини

эгалламаган педагог талабаларга назарий билимларни бера олади, лекин уларнинг рухиятига, шахсига максадга мувофик педагогик-психологик таъсир курсата олмайди, уз фанига кизиктира олмайди. Бундай сифатларга – инсонпарварлик, адолатли булиш, тугрисузлик, талабчанлик узгалар урнига узини куя билиш, ёшларга мехр-мухаббатли булиш, уз касбини севиш, педагогик одоб ва маданият кабиларидир. Педагогик касбининг энг нозик ижтимоий кирраси – талаба билан мулокотда унда инсонпарварлик гоясини, миллий гурур, мустакиллик гоясини сингдириб бориши, маъруза давомида уларнинг маънавиятини, рухий дунёсини, ички кечинмаларини билиб бориши ва кизикиши зарур. («Такт» - атамасининг мохиятини талабалардан сурайман, бу атама билан улар 2-курсда танишганлар. Такт – ахлокий категория булиб, кишиларнинг узаро муносабатларини бошкаришга ёрдам беради ва у инсонпарварлик асосига курилади. Хулк тактикаси кишилардан хар кандай кийин вазиятларда хам инсонларга хурматни саклаб колишни талаб этади). Тактли (назокатли) булиш хар бир киши учун ахлокий талабдир, айникса шахсни тарбияловчи педагог учун энг юкори талабдир. Маърузачи – педагогнинг диккати ва кузатувчанлик кобилияти хам маърузанинг муваффакиятли олиб борилишида мухим ахамиятга эга. Укитувчи изчил ва кузатувчан булиши керак, дарсни тушунтириётганда, сураётганида, доскага ёзаётганида талабалар мавзуни кандай идрок килаётганликларини кузатиб бориши керак, (дарсдан чалгиган талабаларга караб куяди, овозини баландлайди ёки сузга ургу беради ва х.к.) булмаса интизом издан чикади. Педагог нуткининг хусусиятлари – Талабалар маърузада билимни аввало укитувчининг нутки оркали оладилар. Шунинг учун маърузачининг нутки изчил, асосли, талаффузи равон булиши, уз фикрини маълум тизимга солиб баён этиши, нотаниш сузлар ибора ва атамаларни доскага ёзиб, уларни изохлаб бериши керак. Мавзуларни ёритишда янгиликлар, янги маълумотлар

ва фактлардан фойдаланиб бориши керак. Чунки тезкор замонда талабалар информациялар – маълумотлар окимига кумилгандирлар – радио, телевидения, матбуот, хатто интернетдан фойдаланадиганлар хам бор. Шахримиздаги бир катор укув юртларидаги компьютерлар интернет тармогига уланган. Маърузани жуда тез хам, ута секин хам гапирмаслик керак. Жуда тез маъруза утилса, талабалар фикрларни идрок килиб, ёзиб боришга улгурмайдилар, секин олиб борилса, талабалар зерикади, диккатлари чалгийди. Баланд овозда гапириш хам тингловчиларнинг асабига тегади, толиктиради. Мавзуни ёритишда талабаларнинг мустакил фикр юритишга, хулосалар чикаришга ургатиш керак. Бирор коидани айтгач албатта мисоллар билан изохлаши, хаёт билан боглай олиши, ахамиятини курсатиб бериши керак.

Адабиётлар : 1. Абульханова К. А. и др. Психология и педагогика. – М.: «Совершенство», 1998. – 320 с. 2. Иноғомов Р., Тошмуродова Қ. Педагогика фани XXI асрда. - Т.: “Янги аср авлоди” нашриёти, 2000. 3. Каримова В.М., Акрамова Ф.А. Психология. Маърузалар матни. – Т., 2005. 4. Климов Е.А. Основы психологии. – М., 1998. 5. Немов Р.С. Психология. В 3-х кн. – М., 1998. 6. Подласый И.П. Педагогика. Новый курс в 2-х кн. – М.: Владос, 1999 . 7. Психолого-педагогический словарь для учителей и руководителей общеобразовательных учреждений. – Ростов –на – Дону: Феникс, 1998. 8. Ҳайитов О.Э. Лутфуллаева Н.Х. Психодиагностика ва амалий психология. Маърузалар матни тўплами. – Т., 2005. 9. Абдуллаева Р.М., Рахмонов А. Шахснинг касбий фаолияти учун зарур бўлган психологик хусусиятларни аниқлаш усуллари. – Т, 2001. 10. www.реdаgоg.uz

Похожие

Психология курсидан амалий машгулотлар ташкил этиш методикаси

Психология курсидан лаборатория машгулотларини утказиш методикаси

Психология укитиш методикаси курсининг максад ва вазифалари

Психологиядан мустакил ишларни ташкил этиш

Психик тараккиётни тузатишнини ташкил этиш принциплари