Психогеометрик тест

Психогеометрик тест

Загружено в:

20.09.2019

Скачано:

0

Размер:

113 KB

Кўрсатма: юқорида ифодаланган бешта шаклга қаранг. Сиз "бу — Мен!" деб айта оладиган шаклингизни танлаб олинг. Фақат ҳеч қандай мантиқий таҳлил ва нокерак ақлий ҳаракатлар билан шуғулланманг. Бу ҳеч нарсага олиб келмайди. Фақат ўзингизни шаклингизни ҳис қилишга ҳаракат қилинг. Агар жуда қийналаѐтган бўлсангиз, шакллар ифодаланган варақни кузатганингизда биринчи бўлиб сизнинг диққатингизни жалб этган шаклни танланг. Бу шаклнинг номини биринчи рақам билан ѐзиб қўйинг. Энди қолган тўртта шаклни ушбу тартибда ўзингизга маъқуллиги асосида жойлаштириб чиқинг. Марҳамат, узоқ ўйламасдан бу ишни амалга оширинг. Агар қийналсангиз қуйидаги стратегиядан фойдаланинг: тасаввур қилингки, қолган тўртта, кейин 3 та, кейин 2 та шакл орасидан ўзингизни танлашингиз керак. Биз тажрибанинг бошиданоқ сизга бешта эмас, балки тўртта, учта шакл таклиф этишимиз ҳам мумкин эди —ку. Охирида қолган, яъни номини сиз бешинчи рақам белгилаб қўядиган шакл, яққол сизники бўлмаган, яъни сизга тўғри келмайдиган шакл бўлади. . Психогеометрик тест

Сизни табриклаймиз! Ишнинг биринчи, энг оғир босқичи якунланди. Олдингизда сизнинг субъектив интилишингиз акс этган геометрик шаклларнинг тартибли қатори турибди. Сиз биринчи ўринга қайси шаклни қўйганингиздан қатьий назар бу сизнинг асосий шаклингиз, ѐки субъектив шаклингиз. Айнан шу сизнинг характерингизда ва хулқ —атворингиздаги асосий, устун белги ва хусусиятларни аниқлаш имконини беради. Қолган тўртта шакл эса сизнинг хулқ —атворингиздаги етакчи оҳангни безаб турадиган ўзига хос белгиловчилар. Уларнинг таъсир кучи тартиб рақами ортиб бориши билан пасайиб боради. Агарда иккинчи ўринда турган шаклнинг айрим характеристикаларини сиз ўз хулқ —атворингизда кўришингиз мумкин бўлса, охирида, бешинчи ўринда турган шакл сиз яққол ўзингизда бўлмаган (ўзингизга ѐқмай турган) вақтингизда намоѐн бўлади. Охирги шаклнинг бошқача аҳамияти сиз учун муҳимроқ —у сизга ўзаро муносабатга киришишингиз энг қийин кечадиган одамнинг шаклини кўрсатади (ишончимиз комилки, сиз психогеометрик тест ѐрдамида бу қийинчиликни муваффақият билан бартараф этасиз). Келинг, энди психогеометрик тестни тушуниш билан шуғулланамиз. Шахс асосий шаклларининг қисқача тавсифи. Квадрат . Агар сизнинг асосий шаклингиз бўлса, демак— сиз ҳормас — толмас меҳнаткашсиз! Меҳнатсеварлик, тиришқоқлик, бошланган ишни охирига етказишга бўлган эҳтиѐж, ишини тугаллашга эришишига имкон берадиган қатъиятлилик — булар ҳақиқий Квадратларни машҳур қиладиган нарсалардир. Чидамлилик, тоқат ва ишни кўзини билишлик одатда Квадратларни ўз соҳасида юқори малакали мутахассис бўлишини тайинлайди. Квадратларда информацияга нисбатан жуда кучли эҳтиѐж мавжуд, улар турли — туман маълумотларнинг коллекционерлари ҳамдир. Чунончи бу коллекция қаерда — миядами ѐки махсус картотекадами сақланишидан қатьий назар, у жуда тартибли сақланади. Барча маълумотлар системалаштирилган, жавонларга ажратилган. Квадрат зарур маълумотларни

шу заҳотиѐқ бера олади. Шунинг учун ҳам Квадратларни ҳақли равишда эрудит (жуда бўлмаганда ўз соҳасида) деб ҳисоблашади. Фикрий таҳлил — Квадратнинг энг кучли томонидир. Агар сиз ўзингиз учун тўғри чизиқли шакл бўлмиш Квадратни қатъий танлаган бўлсангиз, демак —шу нарса аниқки, сиз "чап ярим шарли" фикрловчилар, информатика тили билан айтганда информацияларни: а — б — в — г ва ҳоказо кетма — кетликда қайта ишловчилар тоифасига кирасиз. Квадратлар натижани тахмин қилишдан кўра кўпроқ "ҳисоблаб" чиқарадилар. Улар фикрлаш занжирида бирорта халқани ҳам ўтказиб юбормайдилар, бошқалар бу нарсани қилсалар, тушунишда қийналадилар, бунинг натижасида дискомфорт сезадилар. Квадратлар майда икир —чикирларга ҳаддан ташқари эътиборлилар. Айнан проектлар ва режаларнинг барча конкрет деталларини ишлаб чиқадилар. Квадратлар ўзгармас тартибни яхши кўрадилар: ҳар бир нарса ўз жойида бўлиши ва ўз вақтида амалга ошиши зарур. Ҳақиқий Квадрат "Столдаги тартибсизлик — миядаги тартибсизликдир" деган мақолга чин дилдан ишонади. Квадратнинг идеали —режалаштирилган, олдиндан айтиш мумкин бўлган ҳаѐтдир, унга турли "сюрпризлар" ва воқеаларнинг бориши одатининг бузилишлари сира ѐқмайди. У доимо одамларни ва нарсаларни ўз атрофида "тартиблаштиради" ва ташкил этади. Ушбу барча сифатлар шунга олиб келадики, Квадратлар жуда яхши администратор бўлиши мумкин (бўлади ҳам), лекин афсус улар камдан —кам яхши раҳбар, менеджер бўлишлари мумкин. Табиийки Квадратнинг юқорида кўрсатилган барча устунликлари ундаги ожиз томонлар билан ѐнма —ѐн кечавериши мумкин. Айбсиз битта Парвардигорнинг ўзи! Икир — чикирларга ҳаддан ташқари берилганлик ("дарахт ортидаги ўрмонни кўрмайди"), қарор қабул қилиш учун қўшимча, аниқловчи информацияларга бўлган эҳтиѐж Квадратни тезкорликдан маҳрум этади. Саранжом — саришталик, тартиб қоида ва одатларга риоя қилиш ҳаддан ташқари ортиқча бўлиб кетиши мумкин. Қачонки қарор қилиш вақти келса, айниқса бу қарор таваккалчилик билан ѐки ўз обрўсига путур етказиш билан

боғлиқ бўлса, квадрат ҳоҳлаб ѐки ҳоҳламай бу қарорни қабул қилиш муддатини чўзаверади. Бундан ташқари, рационаллик, ҳиссий қуруқлик ва совуқлик Квадратга турли, айниқса етмайдиган шахслар билан алоқага киришишга халақит беради, бу нарса ҳам одамларни бошқаришда муваффақиятга эришишга халақит беради. Квадрат аморф, яъни "чап қўл нима қилаѐтганини ўнг қўл билмайдиган" ҳолатда самарасиз ҳаракат қилади. Аммо яхши ташкиллаштирилган, ижро муддатлари белгиланган, маълумотлар ва асбоб — ускуналардан фойдаланиш аниқ бўлган, аниқ талаблар шакллантирилган ва ҳаракатнинг аниқ кўрсатмалари берилган шароитларда квадрат қолган барча шакллардан устун бўлади. Учбурчак. Бу шакл лидерлик белгисидир, кўпчилик учбурчаклар ўзларининг ушбу хусусиятларини сезадилар: "улар лидер бўлиш учун туғилганлар". Ҳақиқий учбурчакнинг энг характерли хусусияти — бош мақсадга ўз диққатини қарата олиш қобилиятидир. Учбурчаклар — ҳаракатчан, тутқич бермас, кучли шахслар бўлиб, улар аниқ мақсадлар қўядилар ва одатда, уларга эришадилар. Албатта, учбурчаклар ўзларининг асосий мақсади нима эканлигини ҳар доим биладилар, шунинг учун ҳам улар квадратлардан фарқ қилиб— жуда қатъиятли одамлардир. Улар, ўзларининг қариндошлари квадратлар сингари, тўғри чизиқли шаклларга хос ва йўналишига кўра ҳам "чап ярим шарли" фикрловчи, яъни шароитни чуқур ва тез таҳлил қила оладиган тоифага кирадилар. Аммо, ўз диққатини икир — чикирларга қаратувчи квадратларга қарама — қарши ўлароқ, учбурчаклар асосий нарсага, муаммонинг мазмунига ўз диққатини қаратадилар. Улардаги кучли фойдага йўналганлик уларнинг фикрий таҳлилини йўллаб туради ва мазкур шароитди муаммо ечимининг самарали (кўпинча фойдали) йўлини топишга қаратади. Бундай йўналганлик учбурчакларни энг яхши ечимини излашда турли — туман вариантларни берилиб таҳлил қилишдан асрайди. Бу нарса бошқаларда. ўзига унчалик ишонч бўлмаган кишиларда кучли таассурот пайдо қилади, ва улар учбурчакка эргашадилар.

Учбурчак — бу жуда ўзига ишонган, барча нарсада ўзи ҳақ бўлишни ҳохловчи одам, ҳамма нарсада ҳақ бўлишга ва шароитни бошқаришга, фақат ўзи учун эмас, балки имкон даражасида бошқалар учун ҳам қарор қабул қилишга бўлган кучли эҳтиѐж Учбурчакни бошқалар билан доимо рақобатлашувчи, курашувчи шахсга айлантириб қўяди. Учбурчак киришган ҳар бир ишда етакчи установка — бу ғалабага, ютуққа, муваффақиятга бўлган установкадир. У жуда тез —тез таваккал қилади, қарор қабул қилишда иккиланувчи одамларга нисбатан чидай олмайдиган ва ѐқтирмайдиган бўлади. Учбурчаклар ноҳақ бўлиб қолишни жуда ѐқтирмайдилар ва ўз хатоларини жуда қийинчилик билан тан оладилар. Айтиш мумкинми, улар кўпинча ўзлари кўришни ҳоҳлаган нарсани кўрадилар, шунинг учун ҳам ўз қарорларини ўзгартиришни ѐқтирмайдилар, эътиборларини қабул қилмайдилар ва кўпчилик ҳолларда ўзларича иш тутадилар. Лекин улар ўзларининг прагматик йўналишларига мос келадиган, бош мақсадга эришишга ѐрдам берадиган нарсаларга жуда муваффақиятли ўрганадилар, фойдали информацияларни худди сўрғичдек ўзига сўраб оладилар. Учбурчаклар — иззат — нафсли одамлар. Агар квадрат учун ор — номус иши бажарилаѐтган вазифани юқори сифатига эришиш бўлса, Учбурчак эса юқори сифатига эришиш бўлса, юксак статус эгаллашга бошқача айтганда, карьера қилишга интилади (буни Учбурчакнинг салбий сифати деб қарамаслик керак). Бирон —бир ишни бошлаш ѐки қарор қабул қилишдан олдин Учбурчак онгли ѐки онгсиз ҳолда ўз олдига "Бундан нима фойда кўраман?" деган саволни қўяди. Ишонаверинг Учбурчак қандай қарор қилмасин, бунда албатта Учбурчакнинг шахсан ўзи учун фойда (ҳар доим ҳам моддий эмас) акс этган бўлади. Учбурчаклардан бошқаришнинг энг "юқори" даражасида турадиган зўр менежерлар чиқади. Улар айнан "юксакликка" интиладилар ҳам. Бундан уларга яна битта сифат — "сиѐсий фитначилик" малакаси ѐрдам беради. Улар ўзидан юқори турган раҳбариятга ўзининг ва қўл остидагилар ишининг аҳамиятлилигини усталик билан етказа

оладилар, фойдали ишнинг ҳидини бир чақиримдан сезадилар ва бу нарса учун курашда ўз рақибларини "бир — бирлари билан пешонасини уриштириб" қўя оладилар. Мана шу ерда "учбурчак" шаклининг бош салбий сифатига эътибор бериш керак: бу ўзига йўналтирилган кучли эгоцентризм. Бу нарса шунга олиб келадики, Учбурчаклар ҳокимият тепасига интилаѐтиб аҳлоқий нормаларни унчалик писанд қилмайдилар ва ўз мақсади сари бошқаларнинг бошларида юриб боришлари ҳам мумкин. Бу ҳолат бошқаларда қўрқув ва шунга асосланган ҳурмат юзага келтириш мумкин, лекин ҳеч ҳам уларга нисбатан мойиллик ва муҳаббат ҳосил қилмайди. Шундай бўлсада... қўрқманг! Бу "ашаддий", яъни вақтида бошқалар томонидан тўхтатилмаган учбурчакларгагина хосдир. Умуман олганда, Учбурчаклар келишган, ўзига жалб қилувчи одамлар бўлиб (шундай бўлмаса ким ҳам уларга эргашар эди!") ҳамма нарсани ва ҳаммани ўз атрофида айланишга мажбур қиладилар, уларсиз бизнинг ҳаѐтимиз ўз кескинлигини йўқотган бўлар эди. Тўғри тўртбурчак. Тўғри тўртбурчаклар сизлар учун ҳозир ўқийдиган нарсангиз кутилмаган ҳодиса бўлмаса керак. Шундоқ ҳам сиз ўзингиз тўғрингизда ҳамма нарсани биласиз. Гап шундаки, Тўғри тўртбурчак ўтиш ва ўзгариш ҳолатини акс эттиради. Бу, айтиш мумкинки, шахснинг вақтинчалик шакли бўлиб, қолган тўртта нисбатан турғун шакллар ҳаѐтнинг маълум бир даврида бу шаклни ўзига "кип" юриши мумкин. Булар ҳозирги кунда ўзлари кечираѐтган ҳаѐт тарзидан қониқмаѐтган, шунинг учун ҳам яхши ҳолатни излаш билан банд бўлган одамлардир. Мумкин, сизлардан кимдир яқиндагина касбий статусини ўзгаришини бошидан кечиргандир (мослашув талаб қиладиган ҳолатлар: янги ишга ўтиш, лавозимда кўтарилиш ѐки пасайиши): кимдир шунақа ўзгаришларни олдиндан кўраѐтган, сезаѐтган бўлиши мумкин. Кимнингдир шахсий ҳаѐтида ўзгаришлар бўлгандир. Умуман Тўғри тўртбурчак ҳолатининг сабаблари турли —туман бўлиши мумкин, лекин уларни бир нарса бирлаштиради — ўзгаришларнинг маълум одам учун аҳамиятлилиги.

Тўғри тўртбурчакнинг асосий психик ҳолати муаммолардаги чалкашганлик ва айни шу пайтда ўзига нисбатан маҳсулидир. Бу билан параллел равишда унда ички қўзғалиш ошиб боради ва бу унинг хулқ — атворида акс этмай қолмайди. Тўғри тўртбурчакнинг энг характерли белгилари — ўтиш даври давомида ҳатти — ҳаракатлардаги изчиллиги йўқлиги ва уларни олдиндан билиш қийинлигидир. Сиз, тўғри тўртбурчаклар, кундан — кунга, ҳатто бир куннинг ичида ҳам кучли ўзгаришларингиз мумкин. Бу табиий ҳол, чунки Тўғри тўртбурчакларнинг ўз — ўзига берилган баҳоси паст бўлади, нимададир яхшироқ бўлишга интиладилар, янги иш методларни, ҳаѐт услубларни излайдилар. Агар Тўғри туртбурчакнинг хулқ — атворига диққат билан разм солинса, бутун давр давомида унинг гоҳ "учбурчак", гоҳ "айлана" ва ҳоказо шаклларнинг кийимини кийиб кўрганлигини пайқаш мумкин. Тўғри тўртбурчак хулқ — атворидаги бирданига, кутилмаганда ва олдиндан билиб бўлмайдиган даражада ўзгариб туриш одатда бошқа одамларни уялтиради ва хавфсиратади, улар онгли равишда "ўзаги йўқ одам" билан мулоқотдан қочишлари мумкин. Тушунарли, ким ҳам, ахмоқона ҳолатга тушиб қолишни истайди! Тўғри тўртбурчакларга бошқа одамлар билан мулоқотга киришиш жуда зарур, ўтиш даврининг яна битта мураккаблиги шундай иборат. Шундай бўлсада, бошқа одамлардаги сингари Тўғри тўртбурчакларда ҳам атрофдагиларни ўзига жалб қилувчи ижобий фазилатларни кўриш мумкин. Бу, энг аввало — қизиқувчанлик, синчковлик бўлаѐтган барча ҳодисаларга жонли қизиқувчанлик ва ботирлик. Тўғри тўртбурчаклар олдинлари ҳеч қачон қилмаган ишларини қилишга интиладилар, олдин сўрашга юраги бетламаган нарсаларни сўрайдилар. Мазкур даврда янги ғоялар, қийматлар, тафаккур ва ҳаѐт услублари учун очиқдирлар, барча янгиликни осонликча ўзлаштирадилар. Тўғри, буларнинг орқа томони — ҳаддан ташқари ишониш, ишонувчанлик, соддаликнинг мавжудлигидир. Шунинг учун ҳам Тўғри тўртбурчаклардан осонликча фойдаланиш мумкин,

ахлоқ қоидаларни унчалик писанд қилмайдиган одамлар албатта бундан фойдаланадилар. Агар сиз ҳақиқатдан ҳам "Тўғри тўрт бурчак шаклини олган бўлсангиз, эҳтиѐт бўлинг! Шуни билингки,"Тўғри тўртбурчаклик" — бу бир босқич холос. У албатта ўтади. Ва сиз бу даврда ўзлаштирилган тажриба билан бойиб, шахс ривожининг кейинги босқичига чиқасиз. Айлана . Геометрик жиҳатдан Айлана —бу гармониянинг афсонавий символидир. Ишонч билан ўзининг асосий шакли сифатида Айланани танлаган одам энг аввало яхши шахслараро муносабатлар тарафдоридир. Айлана учун энг юксак қиймат — одамлар, уларнинг бахти. айлана бешта шакл орасида энг очиқ кўнгилидир. У кўпинча иш жамоасини ҳам, оилани ҳам мустаҳкамлаб турувчи "елим" вазифасини бажаради, яъни гуруҳни стабиллаштиради. Айланалар бешта шакл орасидаги энг яхши коммуникаторлардир, чунки улар энг яхши тингловчилар ҳамдир (Учбурчаклар ҳам яхши коммуникаторлар, лекин улар бошқалардан кўра ўзларини кўпроқ тинглайдилар). Улар юқори сезгирликка эгалар, ривожланган эмпатияга ҳамдард бўла олиш, бошқа одамларнинг кечинмаларига ҳиссий шерик бўла олиш қобилиятига эгалар. Айлана бошқаларнинг қувончини, бошқаларнинг қайғусини ўзиникидек ҳис қила олади. Табиийки, одамлар айланага интиладилар. Айтиш керакки, айланалар одамларни жуда яхши "ўқиб оладилар" ва бир дақиқадаѐқ муғомбирларни алдоқчиларни билиб оладилар. Айланалар ўз жамоаси (ўз командаси) учун курашадилар ва ҳамкасабалари орасида юқори мавқега эга бўлади. Аммо улар, одатда, бизнес соҳасида кучли менеджер ва раҳбар бўла олмайдилар. Биринчидан, Айланалар ишдан кўра кўпроқ одамларга йўналганликлари учун ҳар бир одамга ѐқишга жуда ҳаракат қиладилар. Улар тинчликни сақлашга ҳаракат қиладилар ва шунинг учун ҳам баъзида " қаттиқ" позицияни эгаллашдан ҳамда ҳаммага ҳам маъқул келавермайдиган қарорларни қабул қилишдан қочадилар. Айлана учун шахслараро келишмовчиликга киришдан ҳам оғир нарса йўқ. Ҳамма одам

бир — бирлари билан келишиб юрса Айлана бахтли бўлади. Шунинг учун ҳам Айлана ким биландир келишмовчиликга киришса, айнан Айлана биринчи бўлиб ѐн бериши эҳтимоли кучли. Бошқалар билан ярашиш — хулқ — атворнинг типик "айланавий" белгисидир. Бу белги бошқаларга хурсандчилик келтирса, Айланани эса ўз ҳамкасблари орасида таниқли қилсада , ҳаддан зиѐд ѐн беришлар Айлананинг ўзига бўлган ҳурматининг йўқолишига, ўз —ўзини айблаш тенденциясининг кучайишига олиб келиши мумкин. Иккинчидан, Айланалар қатъиятлилик билан ажралиб турмайдилар. Агар уларга бошқарув тўғри келиб қолса, улар раҳбарликнинг яққол демократик услубини устун қўядилар ва ҳар бир қарорни кўпчилик билан муҳокама қилишга ҳамда уларнинг қўллаб —қувватлашларига таянишга интиладилар. Маълумки бу нарса ҳар доим ҳам ўзини оқламайди: яхши имкониятни бой бериш мумкин. Бундан ташқари Айланалар "сиѐсий ўйинларда" ожизлар, кўпинча ўзларини ва "ўз командаларини" зарур тарзда кўрсата олмайдилар. Бу ҳаммаси шунга олиб келадики, кўпинча Айланаларни кучли шахслар масалан, Учбурчаклар ўзига қаратиб оладилар, натижада уларни манипуляция қила оладилар, Айланаларнинг бахти шундаки, улар ҳокимият кимни қўлида эканлигидан унчалик хавотир олмайдилар. Асосийси , ҳамманинг кўнгли тўқ бўлса ва атрофда тинчлик ҳукм сурса бас. Аммо битта нарсада Айланалар ҳавас қилгудек қаттиқлик намоѐн қиладилар. Агар масала ахлоқ ва хақиқатнинг бузилишига бориб тақалса, Айланалар одамларнинг эҳтиросли ҳимоячисига айланади. Бунда Айланалар, агар ҳохласалар, жуда ишонарли бўлишлари мумкин. Одатга кўра, уларнинг шахслараро келишмовчиликларни аъло даражада ечишларида алоҳида фикрлаш шакли "айбдор". Айлана —бу тўғри чизиқли бўлмаган шакл. Ўзини ишонч билан Айланага тааллуқли деб ҳисоблаганлар "ўнг ярим шарли" фикрловчиларга хосдир. "Ўнг ярим шарли" тафаккур — образлироқ, эмоционал тусли бўлиб,

унда таҳлил қилувчанликка нисбатан интегративлик устундир. Шунинг учун ҳам Айланада информацияни қайта ишлаш Квадратдаги (Учбурчакдаги) сингари кетма — кетликда бўлмай, балки кўпроқ мозаик, узуқ —юлуқроқ, айрим звеноларни тушириб қолдирадиган (масалан а... — ...д...) шаклда бўлади. Бу Айланалар мантиқни ѐқтирмайди дегани эмас. Уларда ҳаѐтий муаммоларни ҳал этишда етакчи эмас. Инсоний муносабатлар соҳасида улар учун асосий нарса муаммонинг субъектив омилларига эътиборни қаратиш, яъни ҳатто қарама — қарши нуқтаи назарларда ҳам умумийликни топишга интилишдир. Айтиш мумкинки, Айлана туғма психолог. Аммо , катта жиддий бизнеснинг бошида туриш учун Айланага ташкилотчилик кўникмалари етишмайди. Зигзаг . Бу шакл креативлик, ижодкорлик символидир. Чунки бешта шакл ичида бу энг нодир ва яккаю —якка ѐпилмаган шаклдир. Агар сиз асосий шакл сифатида Зигзагни қаттиқ танлаб олган бўлсангиз, сиз хақиқий "ўнг ярим шарли" фикрловчи, бошқача фикрловчисиз, чунки чизиқли шакллар ўзларининг миқдори билан сиздан устунликка эга. Квадрат ѐки Учбурчак кўпинча сизнинг белгингизга эътибор беришмайди. Психологнинг: Бу шаклни қаерга жойлаштирасиз? — деган саволига: "Бу ҳам шаклми? Мен буни кимдир чизиб ташлаган нарса, деб ўйлабман", деган жавобни олиш мумкин. Ниҳоят , Зигзаглар орасида бошқаларга қараганда кўпроқ чапақайлар учрайди. Бу ҳам уларнинг "ўнг ярим шарли" эканлигидан далолат Шундай қилиб, энг яқин қариндошингиз Айлана сингари, сизга (фақат кўпроқ миқдорда) образлилик, интуитивлик, интегративлик, жимжимадорлик хос. Қатъий, изчил дедукция —бу сизнинг услубингиз эмас. Зигзагнинг фикри жуда кучли: ҳатто А дан Я гача сакрашлар қилади. Шунинг учун ҳам кўпчилик чизиқли , "чап ярим шарли" шакллар учун Зигзагни тушуниш қийин. "Ўнг ярим шарли" тафаккур майда бўлакчаларда тўхталмайди: шунинг учун ҳам у дунѐ аксини нималардир ҳисобига соддалаштириб, яхлит,

гармоник концепциялар ва образларни ҳамда гўзалликни кўра олади. Зигзаглар одатда ривожланган эстетик ҳисга эга бўладилар. Зигзаг тафаккурида ҳар доим— "Қандай бўлар экан агар?..." "Қандай бўлар экан агар бу ва ана у фикрларни бирлаштирсак? Бунинг натижасида нимага эга бўламиз?" деган савол устун бўлади. Бутунлай бошқа —бошқа, бир —бирига ўхшамайдиган фикрларни қўйиш ва шунинг асосида янги, оригинал фикрни топиш — мана Зигзагларга энг ѐқадиган нарса. Айланадагидан фарқ қилиб Зигзаглар келишувчанликни хуш кўрмайди, аксинча — уларда фикрлар келишмовчиликни кескинлаштириш ва янги концепция тузиш орқали ушбу келишмовчиликлар ўз ечимини топади. Улар ўзларининг табиий ақли ўткирлигини ишлатиб, жуда заҳарханда бўлишлари, янги ечимлар имконияти эга "бошқаларнинг кўзини очишлари" мумкин, Зигзаглар дунѐни доимий ўзгарувчан ҳолда кўришга одатланганлар. Шунинг учун ҳам улар учун ҳеч қачон ўзгармайдиган нарсалар: шаблон, қоидалар ва кўрсатмалар, ҳар доим кўнадиган ѐки ўзини кўнаѐтгандек кўрсатадиган одамлардан ҳеч зерикарли нарса йўқ. Зигзаглар яхши ташкиллаштирилган шароитларда самарали меҳнат қила олмайдилар. Аниқ вертикал ва горизонтал алоқалар, қатьий белгиланган вазифалар ва иш услубларининг доимийлиги уларнинг ғашига тегади. Улар учун иш жойида катта ранг — баранглик ва рағбатлантиришнинг юқори даражаси бўлиши зарур. Улар шунингдек, ўз ишида бошқаларга тобе бўлишни ҳоҳламайдилар. Бундай ҳолда Зигзаг жонланади ва ўзининг асосий вазифасини бажара бошлайди — янги фикрлар ва иш услубларини ўйлаб топа бошлайди. Зигзаглар ҳеч қачон нарсалар ҳосил қилишда ҳозир қилинаѐтган ѐки олдин қилинган услублардан қониқмайдилар. Ҳеч нарса Зигзагни Квадратнинг "Биз буни ҳар доим шундай қилардик" дейдиган насиҳатомуз гапчалик жаҳлини чиқармайди. Зигзаглар келажакка интиладилар ва борлиққа қараганда имкониятга кўпроқ қизиқадилар. Бошқалар учун нарсалар олами қанчалик реал бўлса, улар учун фикрлар, ғоялар олами ҳам шунчалик реал. Ўз ҳаѐтининг анча қисмини улар ушбу

хаѐлий дунѐда ўтказадилар, шунинг учун ҳам улар амалиѐтда нўноқ, нореал ва ишонувчанлар. Зигзаг бешта шакл орасида энг ҳаяжонланувчани, энг қўзғалувчанидир. Ўзида янги ва қизиқ фикр туғилса, уни бутун дунѐга ѐйишга тайѐр. Зигзаглар — ўз фикрларини чарчамас тарқатувчиларидирлар ва ўз атрофидаги барчани бунга қизиқтириш қобилиятига эгадирлар. Аммо уларга сиѐсийлик етишмайди: уларда босиқлик йўқ, "ҳақиқатни юзига айтадилар", улардаги ғалатилик билан қўшилган ҳолда бу хусусиятлар ўз ғояларини ҳаѐтга татбиқ этишга халақит беради. Бундан ташқари улар конкрет деталларни ишлашда ва бошлаган ишларини охирига етказишда унчалик кучли эмаслар. Лекин Зигзаглар жуда жозибадор одамлар бўладилар.

Фойдаланилган адабиётлар: 1. Баркамол авлод-Ўзбекистон тараққиѐтининг пойдевори. Т.,1998 2. В.Каримова. Психология. Ўқув қўлланма. Т.А. Қодирий номидаги халқ мероси нашриѐти. «ЎАЖБНТ» маркази, 2002. 3. Умумий психология. А.В. Петровский таҳрири остида, Т., Ўқитувчи, 1992 й. 4. Ғозиев Э. Психология методологияси. – Т.: «Университет», 2002. 5. Ғозиев Э. Умумий психология.-Т.: Университет, I, II китоб, 2002. 6. Немов Р.С. Психология: Учеб. для студентов высш. пед. учеб. заведений: В 3 кн.- Психодиагностика. Введение в научное психологическое исследование с элементами математической статистики. – 3-е изд. – М.: Гуманит. изд. центр ВЛАДОС, 1998. 7. Психологиядан қисқача изохий лугат. Тошкент. ТДПУ Давлетшин М.Г. таҳрири остида. Т., 1998. 8. Ёш ва педагогик психологиядан практикум. Т.1991. 272-275 б. 9. Набижонова Д. Психология маърузалар матни, Фарғона политехника институти. Фаргона - 1999, 10. В.А.Крутецкий «Педагогик психология асослари» Тошкент «Ўқитувчи» 1976 й.

Похожие

Xaлқ таълими тизимида психологик хизматнинг мазмун моҳияти

Дифференциал психологиянинг метод ва вазифалари

Текширув вазифалари ва умумий тавсиялар

Болалар психологияси фанининг предмети ва методлари

Хозирги замон психологиясининг ахволи, тузилиши ва методлари